वानर-सेना का आह्वान

श्लोक 1 (kishkindha.37.1)

एवमुक्तस्तु सुग्रीवो लक्ष्मणेन महात्मना । हनूमन्तं स्थितं पार्श्वे वचनं चेदमब्रवीत् ॥ 37.1 ॥

evamuktastu sugrīvo lakṣmaṇena mahātmanā | hanūmantaṃ sthitaṃ pārśve vacanaṃ cedamabravīt || 37.1 ||

इस प्रकार लक्ष्मण द्वारा कहे जाने पर, महात्मा सुग्रीव ने अपने पास खड़े हनुमान से यह वचन कहा।

श्लोक 2 (kishkindha.37.2)

महेन्द्रहिमवद्विन्ध्यकैलासशिखरेषु च । मन्दरे पाण्डुशिखरे पञ्चशैलेषु ये स्थिताः ॥ 37.2 ॥

mahendrahimavadvindhyakailāsaśikhareṣu ca | mandare pāṇḍuśikhare pañcaśaileṣu ye sthitāḥ || 37.2 ||

"महेन्द्र, हिमवत्, विन्ध्य और कैलास के शिखरों पर, मन्दराचल पर, पाण्डु-शिखर पर तथा पाँच शैलों पर जो वानर स्थित हैं...

श्लोक 3 (kishkindha.37.3)

तरुणादित्यवर्णेषु भ्राजमानेषु नित्यशः । पर्वतेषु समुद्रान्ते पश्चिमस्यां तु ये दिशि ॥ 37.3 ॥

taruṇādityavarṇeṣu bhrājamāneṣu nityaśaḥ | parvateṣu samudrānte paścimasyāṃ tu ye diśi || 37.3 ||

जो नित्य उदीयमान सूर्य के समान चमकते पर्वतों पर, समुद्र के तट पर, पश्चिम दिशा में रहते हैं,

श्लोक 4 (kishkindha.37.4)

आदित्यभवने चैव गिरौ संध्याभ्रसंनिभे । पद्माचलवनं भीमाः संश्रिता हरिपुंगवाः ॥ 37.4 ॥

ādityabhavane caiva girau saṃdhyābhrasaṃnibhe | padmācalavanaṃ bhīmāḥ saṃśritā haripuṃgavāḥ || 37.4 ||

आदित्य-भवन में, संध्याकालीन मेघ जैसे दिखने वाले पर्वत पर, तथा पद्म-ताल वन में आश्रय लिये हुए भयंकर वानरश्रेष्ठ,

श्लोक 5 (kishkindha.37.5)

अञ्जनाम्बुदसंकाशाः कुञ्जरप्रतिमौजसः । अञ्जने पर्वते चैव ये वसन्ति प्लवंगमाः ॥ 37.5 ॥

añjanāmbudasaṃkāśāḥ kuñjarapratimaujasaḥ | añjane parvate caiva ye vasanti plavaṃgamāḥ || 37.5 ||

जलद-मेघ के समान श्याम, गजराज-तुल्य बलशाली, जो वानर अंजन पर्वत पर निवास करते हैं,

श्लोक 6 (kishkindha.37.6)

महाशैलगुहावासा वानराः कनकप्रभाः । मेरुपार्श्वगताश्चैव ये च धूम्रगिरिं श्रिताः ॥ 37.6 ॥

mahāśailaguhāvāsā vānarāḥ kanakaprabhāḥ | merupārśvagatāścaiva ye ca dhūmragiriṃ śritāḥ || 37.6 ||

महापर्वतों की गुफाओं में रहने वाले स्वर्ण-वर्ण वानर, मेरु के समीप रहने वाले, तथा धूम्र पर्वत का आश्रय लेने वाले,

श्लोक 7 (kishkindha.37.7)

तरुणादित्यवर्णाश्च पर्वते ये महारुणे । पिबन्तो मधु मैरेयं भीमवेगाः प्लवंगमाः ॥ 37.7 ॥

taruṇādityavarṇāśca parvate ye mahāruṇe | pibanto madhu maireyaṃ bhīmavegāḥ plavaṃgamāḥ || 37.7 ||

तरुण सूर्य के समान वर्ण वाले, अत्यन्त वेगवान् वे वानर जो महारुण पर्वत पर मधु-मैरेय पीते हुए रहते हैं,

श्लोक 8 (kishkindha.37.8)

वनेषु च सुरम्येषु सुगन्धिषु महत्सु च । तापसाश्रमरम्येषु वनान्तेषु समन्ततः ॥ 37.8 ॥

vaneṣu ca suramyeṣu sugandhiṣu mahatsu ca | tāpasāśramaramyeṣu vanānteṣu samantataḥ || 37.8 ||

सुरम्य, सुगन्धित महावनों में, तपस्वियों के मनोहर आश्रमों में, वन के हर एक छोर पर बसे हुए वानर —

श्लोक 9 (kishkindha.37.9)

तांस्तांस्त्वमानय क्षिप्रं पृथिव्यां सर्ववानरान् । सामदानादिभिः कल्पैर्वानरैर्वेगवत्तरैः ॥ 37.9 ॥

tāṃstāṃstvamānaya kṣipraṃ pṛthivyāṃ sarvavānarān | sāmadānādibhiḥ kalpairvānarairvegavattaraiḥ || 37.9 ||

उन सब वानरों को तुम पृथ्वी भर से शीघ्र बुला लाओ, साम-दान आदि उपायों से तथा अपने से भी अधिक वेगवान् वानरों के द्वारा।

श्लोक 10 (kishkindha.37.10)

प्रेषिताः प्रथमं ये च मयाऽऽज्ञाता महाजवाः । त्वरणार्थं तु भूयस्त्वं सम्प्रेषय हरीश्वरान् ॥ 37.10 ॥

preṣitāḥ prathamaṃ ye ca mayā''jñātā mahājavāḥ | tvaraṇārthaṃ tu bhūyastvaṃ sampreṣaya harīśvarān || 37.10 ||

जो पहले भेजे गये और मेरे द्वारा आज्ञप्त वे अत्यन्त वेगवान् वानर हैं, शीघ्रता के लिये उनके पास भी तुम फिर वानरराजाओं को भेजो।

श्लोक 11 (kishkindha.37.11)

ये प्रसक्ताश्च कामेषु दीर्घसूत्राश्च वानराः । इहानयस्व तान् शीघ्रं सर्वानेव कपीश्वरान् ॥ 37.11 ॥

ye prasaktāśca kāmeṣu dīrghasūtrāśca vānarāḥ | ihānayasva tān śīghraṃ sarvāneva kapīśvarān || 37.11 ||

जो वानर भोग-विलास में आसक्त और काम को टालने वाले हैं, उन सब वानरश्रेष्ठों को भी शीघ्र यहाँ ले आओ।

श्लोक 12 (kishkindha.37.12)

अहोभिर्दशभिर्ये च नागच्छन्ति ममाज्ञया । हन्तव्यास्ते दुरात्मानो राजशासनदूषकाः ॥ 37.12 ॥

ahobhirdaśabhirye ca nāgacchanti mamājñayā | hantavyāste durātmāno rājaśāsanadūṣakāḥ || 37.12 ||

जो दस दिनों में भी मेरी आज्ञा से नहीं आयेंगे, वे राजाज्ञा के उल्लंघनकर्ता दुरात्मा वध के योग्य हैं।

श्लोक 13 (kishkindha.37.13)

शतान्यथ सहस्राणि कोट्यश्च मम शासनात् । प्रयान्तु कपिसिंहानां निदेशे मम ये स्थिताः ॥ 37.13 ॥

śatānyatha sahasrāṇi koṭyaśca mama śāsanāt | prayāntu kapisiṃhānāṃ nideśe mama ye sthitāḥ || 37.13 ||

मेरी आज्ञा से जो वानर सैकड़ों, सहस्रों तथा करोड़ों की संख्या में स्थित हैं, वे सब मेरे समक्ष उपस्थित हों।

श्लोक 14 (kishkindha.37.14)

मेघपर्वतसंकाशाश्छादयन्त इवाम्बरम् । घोररूपाः कपिश्रेष्ठा यान्तु मच्छासनादितः ॥ 37.14 ॥

meghaparvatasaṃkāśāśchādayanta ivāmbaram | ghorarūpāḥ kapiśreṣṭhā yāntu macchāsanāditaḥ || 37.14 ||

मेघ और पर्वत के समान विशाल, मानो आकाश को ढँकते हुए, भयंकर रूप वाले वानरश्रेष्ठ मेरी आज्ञा से तुरन्त यहाँ आयें।

श्लोक 15 (kishkindha.37.15)

ते गतिज्ञा गतिं गत्वा पृथिव्यां सर्ववानराः । आनयन्तु हरीन् सर्वांस्त्वरिताः शासनान्मम ॥ 37.15 ॥

te gatijñā gatiṃ gatvā pṛthivyāṃ sarvavānarāḥ | ānayantu harīn sarvāṃstvaritāḥ śāsanānmama || 37.15 ||

मार्गों को जानने वाले सब वानर पृथ्वी भर घूमकर, मेरी आज्ञा से शीघ्रतापूर्वक अन्य सब वानरों को यहाँ ले आयें।

श्लोक 16 (kishkindha.37.16)

तस्य वानरराजस्य श्रुत्वा वायुसुतो वचः । दिक्षु सर्वासु विक्रान्तान् प्रेषयामास वानरान् ॥ 37.16 ॥

tasya vānararājasya śrutvā vāyusuto vacaḥ | dikṣu sarvāsu vikrāntān preṣayāmāsa vānarān || 37.16 ||

वानरराज सुग्रीव का यह वचन सुनकर, पवनपुत्र हनुमान ने पराक्रमी वानरों को सभी दिशाओं में भेज दिया।

श्लोक 17 (kishkindha.37.17)

ते पदं विष्णुविक्रान्तं पतत्त्रिज्योतिरध्वगाः । प्रयाताः प्रहिता राज्ञा हरयस्तु क्षणेन वै ॥ 37.17 ॥

te padaṃ viṣṇuvikrāntaṃ patattrijyotiradhvagāḥ | prayātāḥ prahitā rājñā harayastu kṣaṇena vai || 37.17 ||

राजा की आज्ञा से भेजे गये वे वानर, विष्णु के पद के समान वेगशाली तथा प्रकाश-किरण के समान तीव्र, उसी क्षण चल पड़े।

श्लोक 18 (kishkindha.37.18)

ते समुद्रेषु गिरिषु वनेषु च सरस्सु च । वानरा वानरान् सर्वान् रामहेतोरचोदयन् ॥ 37.18 ॥

te samudreṣu giriṣu vaneṣu ca sarassu ca | vānarā vānarān sarvān rāmahetoracodayan || 37.18 ||

समुद्रों में, पर्वतों पर, वनों में तथा सरोवरों के तट पर, वे वानर राम के कार्य हेतु शेष सब वानरों को प्रेरित करने लगे।

श्लोक 19 (kishkindha.37.19)

मृत्युकालोपमस्याज्ञां राजराजस्य वानराः । सुग्रीवस्याययुः श्रुत्वा सुग्रीवभयशङ्किताः ॥ 37.19 ॥

mṛtyukālopamasyājñāṃ rājarājasya vānarāḥ | sugrīvasyāyayuḥ śrutvā sugrīvabhayaśaṅkitāḥ || 37.19 ||

मृत्यु-काल के समान भयंकर उस राजाधिराज सुग्रीव की आज्ञा सुनकर, उसके भय से आशंकित वानर वहाँ आ पहुँचे।

श्लोक 20 (kishkindha.37.20)

ततस्तेऽञ्जनसंकाशा गिरेस्तस्मान्महाबलाः । तिस्रः कोट्यः प्लवंगानां निर्ययुर्यत्र राघवः ॥ 37.20 ॥

tataste'ñjanasaṃkāśā girestasmānmahābalāḥ | tisraḥ koṭyaḥ plavaṃgānāṃ niryayuryatra rāghavaḥ || 37.20 ||

तब अंजन पर्वत के समान श्यामवर्ण, अत्यन्त वेगवान् उन वानरों में से तीन करोड़ उसी पर्वत से राघव के पास चल पड़े।

श्लोक 21 (kishkindha.37.21)

अस्तं गच्छति यत्रार्कस्तस्मिन् गिरिवरे रताः । संतप्तहेमवर्णाभास्तस्मात् कोट्यो दश च्युताः ॥ 37.21 ॥

astaṃ gacchati yatrārkastasmin girivare ratāḥ | saṃtaptahemavarṇābhāstasmāt koṭyo daśa cyutāḥ || 37.21 ||

जिस पर्वतश्रेष्ठ पर सूर्य अस्त होता है, वहाँ रहने वाले तपाये हुए स्वर्ण के समान कान्तिमान् दस करोड़ वानर वहाँ से उतरे।

श्लोक 22 (kishkindha.37.22)

कैलासशिखरेभ्यश्च सिंहकेसरवर्चसाम् । ततः कोटिसहस्राणि वानराणां समागमन् ॥ 37.22 ॥

kailāsaśikharebhyaśca siṃhakesaravarcasām | tataḥ koṭisahasrāṇi vānarāṇāṃ samāgaman || 37.22 ||

फिर कैलास के शिखरों से, सिंह की अयाल के समान तेजस्वी, एक सहस्र करोड़ वानर वहाँ एकत्र हुए।

श्लोक 23 (kishkindha.37.23)

फलमूलेन जीवन्तो हिमवन्तमुपाश्रिताः । तेषां कोटिसहस्राणां सहस्रं समवर्तत ॥ 37.23 ॥

phalamūlena jīvanto himavantamupāśritāḥ | teṣāṃ koṭisahasrāṇāṃ sahasraṃ samavartata || 37.23 ||

फल-मूल खाकर जीवन बिताने वाले, हिमालय का आश्रय लिये उन वानरों में से एक सहस्र करोड़-सहस्र और वहाँ आ मिले।

श्लोक 24 (kishkindha.37.24)

अङ्गारकसमानानां भीमानां भीमकर्मणाम् । विन्ध्याद् वानरकोटीनां सहस्राण्यपतन् द्रुतम् ॥ 37.24 ॥

aṅgārakasamānānāṃ bhīmānāṃ bhīmakarmaṇām | vindhyād vānarakoṭīnāṃ sahasrāṇyapatan drutam || 37.24 ||

अंगारे के समान भयंकर, भयानक कर्म करने वाले वानरों में से विन्ध्याचल से सहस्रों करोड़ शीघ्रतापूर्वक उतर आये।

श्लोक 25 (kishkindha.37.25)

क्षीरोदवेलानिलयास्तमालवनवासिनः । नारिकेलाशनाश्चैव तेषां संख्या न विद्यते ॥ 37.25 ॥

kṣīrodavelānilayāstamālavanavāsinaḥ | nārikelāśanāścaiva teṣāṃ saṃkhyā na vidyate || 37.25 ||

क्षीरसागर के तट पर तमाल-वनों में निवास करने वाले तथा नारियल खाने वाले वानरों की तो संख्या ही ज्ञात नहीं है।

श्लोक 26 (kishkindha.37.26)

वनेभ्यो गह्वरेभ्यश्च सरिद्भ्यश्च महाबलाः । आगच्छद् वानरी सेना पिबन्तीव दिवाकरम् ॥ 37.26 ॥

vanebhyo gahvarebhyaśca saridbhyaśca mahābalāḥ | āgacchad vānarī senā pibantīva divākaram || 37.26 ||

वनों, कन्दराओं और नदियों से आती हुई वह विशाल वानर-सेना मानो सूर्य को ही पी जाने के समान जान पड़ती थी।

श्लोक 27 (kishkindha.37.27)

ये तु त्वरयितुं याता वानराः सर्ववानरान् । ते वीरा हिमवच्छैले ददृशुस्तं महाद्रुमम् ॥ 37.27 ॥

ye tu tvarayituṃ yātā vānarāḥ sarvavānarān | te vīrā himavacchaile dadṛśustaṃ mahādrumam || 37.27 ||

जो वानर औरों को शीघ्रता के लिये गये थे, उन वीरों ने हिमालय पर्वत पर उस विशाल वृक्ष को देखा।

श्लोक 28 (kishkindha.37.28)

तस्मिन् गिरिवरे पुण्ये यज्ञो माहेश्वरः पुरा । सर्वदेवमनस्तोषो बभूव सुमनोरमः ॥ 37.28 ॥

tasmin girivare puṇye yajño māheśvaraḥ purā | sarvadevamanastoṣo babhūva sumanoramaḥ || 37.28 ||

उस पवित्र, श्रेष्ठ पर्वत पर प्राचीन काल में भगवान् महेश्वर का एक यज्ञ हुआ था, जो सब देवताओं के मन को अत्यन्त सुहावना लगा था।

श्लोक 29 (kishkindha.37.29)

अन्ननिस्यन्दजातानि मूलानि च फलानि च । अमृतस्वादुकल्पानि ददृशुस्तत्र वानराः ॥ 37.29 ॥

annanisyandajātāni mūlāni ca phalāni ca | amṛtasvādukalpāni dadṛśustatra vānarāḥ || 37.29 ||

वहाँ वानरों ने उस यज्ञ के अन्न से उत्पन्न, अमृत के समान स्वादिष्ट फल-मूल देखे।

श्लोक 30 (kishkindha.37.30)

तदन्नसम्भवं दिव्यं फलमूलं मनोहरम् । यः कश्चित् सकृदश्नाति मासं भवति तर्पितः ॥ 37.30 ॥

tadannasambhavaṃ divyaṃ phalamūlaṃ manoharam | yaḥ kaścit sakṛdaśnāti māsaṃ bhavati tarpitaḥ || 37.30 ||

उस यज्ञ से उत्पन्न वह दिव्य और मनोहर फल-मूल जिसे भी कोई एक बार खा ले, वह एक मास तक तृप्त बना रहता है।

श्लोक 31 (kishkindha.37.31)

तानि मूलानि दिव्यानि फलानि च फलाशनाः । औषधानि च दिव्यानि जगृहुर्हरिपुंगवाः ॥ 37.31 ॥

tāni mūlāni divyāni phalāni ca phalāśanāḥ | auṣadhāni ca divyāni jagṛhurharipuṃgavāḥ || 37.31 ||

उन फलाहारी वानरश्रेष्ठों ने वे दिव्य फल-मूल तथा दिव्य औषधियाँ भी ग्रहण कीं।

श्लोक 32 (kishkindha.37.32)

तस्माच्च यज्ञायतनात् पुष्पाणि सुरभीणि च । आनिन्युर्वानरा गत्वा सुग्रीवप्रियकारणात् ॥ 37.32 ॥

tasmācca yajñāyatanāt puṣpāṇi surabhīṇi ca | āninyurvānarā gatvā sugrīvapriyakāraṇāt || 37.32 ||

और उस यज्ञ-स्थल से सुगन्धित पुष्प भी वानर वहाँ जाकर, सुग्रीव को प्रिय करने के हेतु, ले आये।

श्लोक 33 (kishkindha.37.33)

ते तु सर्वे हरिवराः पृथिव्यां सर्ववानरान् । संचोदयित्वा त्वरितं यूथानां जग्मुरग्रतः ॥ 37.33 ॥

te tu sarve harivarāḥ pṛthivyāṃ sarvavānarān | saṃcodayitvā tvaritaṃ yūthānāṃ jagmuragrataḥ || 37.33 ||

फिर वे सब श्रेष्ठ वानर पृथ्वी भर के समस्त वानरों को प्रेरित करके अपनी-अपनी सेनाओं के आगे-आगे चल पड़े।

श्लोक 34 (kishkindha.37.34)

ते तु तेन मुहूर्तेन कपयः शीघ्रचारिणः । किष्किन्धां त्वरया प्राप्ताः सुग्रीवो यत्र वानरः ॥ 37.34 ॥

te tu tena muhūrtena kapayaḥ śīghracāriṇaḥ | kiṣkindhāṃ tvarayā prāptāḥ sugrīvo yatra vānaraḥ || 37.34 ||

उसी मुहूर्त में वे शीघ्रगामी वानर किष्किन्धा जा पहुँचे, जहाँ वानरराज सुग्रीव विराजमान थे।

श्लोक 35 (kishkindha.37.35)

ते गृहीत्वौषधीः सर्वाः फलमूलं च वानराः । तं प्रतिग्राहयामासुर्वचनं चेदमब्रुवन् ॥ 37.35 ॥

te gṛhītvauṣadhīḥ sarvāḥ phalamūlaṃ ca vānarāḥ | taṃ pratigrāhayāmāsurvacanaṃ cedamabruvan || 37.35 ||

वे वानर सब औषधियाँ तथा फल-मूल लेकर उनके पास पहुँचे और उन्हें अर्पित करते हुए यह वचन बोले —

श्लोक 36 (kishkindha.37.36)

सर्वे परिसृताः शैलाः सरितश्च वनानि च । पृथिव्यां वानराः सर्वे शासनादुपयान्ति ते ॥ 37.36 ॥

sarve parisṛtāḥ śailāḥ saritaśca vanāni ca | pṛthivyāṃ vānarāḥ sarve śāsanādupayānti te || 37.36 ||

"पृथ्वी भर के फैले हुए सब पर्वत, नदियाँ और वन घूमकर, सब वानर आपकी आज्ञा से यहाँ आ रहे हैं।"

श्लोक 37 (kishkindha.37.37)

एवं श्रुत्वा ततो हृष्टः सुग्रीवः प्लवगाधिपः । प्रतिजग्राह च प्रीतस्तेषां सर्वमुपायनम् ॥ 37.37 ॥

evaṃ śrutvā tato hṛṣṭaḥ sugrīvaḥ plavagādhipaḥ | pratijagrāha ca prītasteṣāṃ sarvamupāyanam || 37.37 ||

यह सुनकर वानराधिपति सुग्रीव अत्यन्त प्रसन्न हुए, और प्रीतिपूर्वक उन सबकी वह भेंट स्वीकार की।