वानर-सेनापतियों का समागम

श्लोक 1 (kishkindha.39.1)

इति ब्रुवाणं सुग्रीवं रामो धर्मभृतां वरः । बाहुभ्यां सम्परिष्वज्य प्रत्युवाच कृताञ्जलिम् ॥ 39.1 ॥

iti bruvāṇaṃ sugrīvaṃ rāmo dharmabhṛtāṃ varaḥ | bāhubhyāṃ sampariṣvajya pratyuvāca kṛtāñjalim || 39.1 ||

इस प्रकार कहते हुए सुग्रीव को, धर्मपरायणों में श्रेष्ठ राम ने दोनों बाहुओं से आलिंगन करके, हाथ जोड़े खड़े उन्हें उत्तर दिया।

श्लोक 2 (kishkindha.39.2)

यदिन्द्रो वर्षते वर्षं न तच्चित्रं भविष्यति । आदित्योऽसौ सहस्रांशुः कुर्याद् वितिमिरं नभः ॥ 39.2 ॥

yadindro varṣate varṣaṃ na taccitraṃ bhaviṣyati | ādityo'sau sahasrāṃśuḥ kuryād vitimiraṃ nabhaḥ || 39.2 ||

"इन्द्र का वर्षा करना कोई आश्चर्य नहीं, न ही सहस्र-किरणों वाले सूर्य का आकाश से अन्धकार दूर करना।

श्लोक 3 (kishkindha.39.3)

चन्द्रमा रजनीं कुर्यात् प्रभया सौम्य निर्मलाम् । त्वद्विधो वापि मित्राणां प्रीतिं कुर्यात् परंतप ॥ 39.3 ॥

candramā rajanīṃ kuryāt prabhayā saumya nirmalām | tvadvidho vāpi mitrāṇāṃ prītiṃ kuryāt paraṃtapa || 39.3 ||

न चन्द्रमा का अपनी प्रभा से रात्रि को निर्मल करना आश्चर्यजनक है, हे सौम्य, और न ही तुम्हारे जैसे व्यक्ति का मित्रों के प्रति प्रेम दिखाना, हे परंतप।

श्लोक 4 (kishkindha.39.4)

एवं त्वयि न तच्चित्रं भवेद् यत् सौम्य शोभनम् । जानाम्यहं त्वां सुग्रीव सततं प्रियवादिनम् ॥ 39.4 ॥

evaṃ tvayi na taccitraṃ bhaved yat saumya śobhanam | jānāmyahaṃ tvāṃ sugrīva satataṃ priyavādinam || 39.4 ||

इस प्रकार, हे सौम्य! तुम्हारा शुभ आचरण करना कोई आश्चर्य नहीं होगा; मैं जानता हूँ, हे सुग्रीव, कि तुम सदा ही प्रिय वचन बोलने वाले हो।

श्लोक 5 (kishkindha.39.5)

त्वत्सनाथः सखे संख्ये जेतास्मि सकलानरीन् । त्वमेव मे सुहृन्मित्रं साहाय्यं कर्तुमर्हसि ॥ 39.5 ॥

tvatsanāthaḥ sakhe saṃkhye jetāsmi sakalānarīn | tvameva me suhṛnmitraṃ sāhāyyaṃ kartumarhasi || 39.5 ||

हे सखे! तुम्हारे रक्षक होने पर मैं युद्ध में समस्त शत्रुओं को जीत लूँगा; तुम ही मेरे सुहृद और मित्र हो, सहायता करने के योग्य।

श्लोक 6 (kishkindha.39.6)

जहारात्मविनाशाय वैदेहीं राक्षसाधमः । वञ्चयित्वा तु पौलोमीमनुह्लादो यथा शचीम् ॥ 39.6 ॥

jahārātmavināśāya vaidehīṃ rākṣasādhamaḥ | vañcayitvā tu paulomīmanuhlādo yathā śacīm || 39.6 ||

उस नीच राक्षस ने अपने ही विनाश के लिये वैदेही का हरण किया — जैसे अनुह्लाद ने छल से पौलोमी (शची) का हरण किया था।

श्लोक 7 (kishkindha.39.7)

नचिरात् तं वधिष्यामि रावणं निशितैः शरैः । पौलोम्याः पितरं दृप्तं शतक्रतुरिवारिहा ॥ 39.7 ॥

nacirāt taṃ vadhiṣyāmi rāvaṇaṃ niśitaiḥ śaraiḥ | paulomyāḥ pitaraṃ dṛptaṃ śatakraturivārihā || 39.7 ||

मैं शीघ्र ही तीक्ष्ण बाणों से उस उद्दण्ड रावण का वध करूँगा, जैसे शतक्रतु (इन्द्र) ने शत्रु-नाशक होकर शची के पिता का वध किया था।"

श्लोक 8 (kishkindha.39.8)

एतस्मिन्नन्तरे चैव रजः समभिवर्तत । उष्णतीव्रां सहस्रांशोश्छादयद् गगने प्रभाम् ॥ 39.8 ॥

etasminnantare caiva rajaḥ samabhivartata | uṣṇatīvrāṃ sahasrāṃśośchādayad gagane prabhām || 39.8 ||

इसी बीच वहाँ एक धूल का बादल उठ खड़ा हुआ, जो उष्ण और प्रचण्ड था, और आकाश में सहस्र-किरण सूर्य के प्रकाश को ढँकने लगा।

श्लोक 9 (kishkindha.39.9)

दिशः पर्याकुलाश्चासंस्तमसा तेन दूषिताः । चचाल च मही सर्वा सशैलवनकानना ॥ 39.9 ॥

diśaḥ paryākulāścāsaṃstamasā tena dūṣitāḥ | cacāla ca mahī sarvā saśailavanakānanā || 39.9 ||

उस धूल से दूषित होकर दिशाएँ व्याकुल हो गयीं, और पर्वत, वन तथा कानन सहित सम्पूर्ण पृथ्वी कांप उठी।

श्लोक 10 (kishkindha.39.10)

ततो नगेन्द्रसंकाशैस्तीक्ष्णदंष्ट्रैर्महाबलैः । कृत्स्ना संछादिता भूमिरसंख्येयैः प्लवंगमैः ॥ 39.10 ॥

tato nagendrasaṃkāśaistīkṣṇadaṃṣṭrairmahābalaiḥ | kṛtsnā saṃchāditā bhūmirasaṃkhyeyaiḥ plavaṃgamaiḥ || 39.10 ||

तब पर्वतों के समान विशाल, तीक्ष्ण दाढ़ों वाले, महाबली, असंख्य वानरों से सारी पृथ्वी आच्छादित हो गयी।

श्लोक 11 (kishkindha.39.11)

निमेषान्तरमात्रेण ततस्तैर्हरियूथपैः । कोटीशतपरीवारैर्वानरैर्हरियूथपैः ॥ 39.11 ॥

nimeṣāntaramātreṇa tatastairhariyūthapaiḥ | koṭīśataparīvārairvānarairhariyūthapaiḥ || 39.11 ||

पलक झपकते ही, इच्छानुसार रूप धारण करने वाले तथा प्रत्येक सैकड़ों करोड़ अनुचरों से घिरे उन वानर-सेनापतियों से वह भूमि ढक गयी —

श्लोक 12 (kishkindha.39.12)

नादेयैः पार्वतेयैश्च सामुद्रैश्च महाबलैः । हरिभिर्मेघनिर्ह्रादैरन्यैश्च वनवासिभिः ॥ 39.12 ॥

nādeyaiḥ pārvateyaiśca sāmudraiśca mahābalaiḥ | haribhirmeghanirhrādairanyaiśca vanavāsibhiḥ || 39.12 ||

नदियों से, पर्वतों से तथा समुद्रों से आने वाले, महाबली, मेघ-गर्जन के समान बोलने वाले वानरों से, तथा वनों में निवास करने वाले अन्य वानरों से,

श्लोक 13 (kishkindha.39.13)

तरुणादित्यवर्णैश्च शशिगौरैश्च वानरैः । पद्मकेसरवर्णैश्च श्वेतैर्हेमकृतालयैः ॥ 39.13 ॥

taruṇādityavarṇaiśca śaśigauraiśca vānaraiḥ | padmakesaravarṇaiśca śvetairhemakṛtālayaiḥ || 39.13 ||

तरुण सूर्य के वर्ण वाले, चन्द्रमा के समान गौर, कमल-केसर के वर्ण वाले, तथा मेरु पर बसे हुए श्वेतवर्ण वानरों से।

श्लोक 14 (kishkindha.39.14)

कोटीसहस्रैर्दशभिः श्रीमान् परिवृतस्तदा । वीरः शतबलिर्नाम वानरः प्रत्यदृश्यत ॥ 39.14 ॥

koṭīsahasrairdaśabhiḥ śrīmān parivṛtastadā | vīraḥ śatabalirnāma vānaraḥ pratyadṛśyata || 39.14 ||

तब दस सहस्र करोड़ वानरों से घिरा हुआ, श्रीमान् और वीर, शतबलि नामक वानर दिखायी दिया।

श्लोक 15 (kishkindha.39.15)

ततः काञ्चनशैलाभस्ताराया वीर्यवान् पिता । अनेकैर्बहुसाहस्रैः कोटिभिः प्रत्यदृश्यत ॥ 39.15 ॥

tataḥ kāñcanaśailābhastārāyā vīryavān pitā | anekairbahusāhasraiḥ koṭibhiḥ pratyadṛśyata || 39.15 ||

तत्पश्चात् सुवर्ण-पर्वत के समान कान्तिमान्, पराक्रमी तारा के पिता, अनेक सहस्र करोड़ वानरों से घिरे हुए प्रकट हुए।

श्लोक 16 (kishkindha.39.16)

तथापरेण कोटीनां सहस्रेण समन्वितः । पिता रुमायाः सम्प्राप्तः सुग्रीवश्वशुरो विभुः ॥ 39.16 ॥

tathāpareṇa koṭīnāṃ sahasreṇa samanvitaḥ | pitā rumāyāḥ samprāptaḥ sugrīvaśvaśuro vibhuḥ || 39.16 ||

उसी प्रकार एक और सहस्र करोड़ वानरों सहित, रुमा के पिता, सुग्रीव के श्वसुर, प्रभावशाली वानर आ पहुँचे।

श्लोक 17 (kishkindha.39.17)

पद्मकेसरसंकाशस्तरुणार्कनिभाननः । बुद्धिमान् वानरश्रेष्ठः सर्ववानरसत्तमः ॥ 39.17 ॥

padmakesarasaṃkāśastaruṇārkanibhānanaḥ | buddhimān vānaraśreṣṭhaḥ sarvavānarasattamaḥ || 39.17 ||

कमल-केसर के समान वर्ण, तरुण सूर्य के समान मुख वाले, बुद्धिमान्, वानरों में श्रेष्ठ, सबसे उत्तम —

श्लोक 18 (kishkindha.39.18)

अनेकैर्बहुसाहस्त्रैर्वानराणां समन्वितः । पिता हनुमतः श्रीमान् केसरी प्रत्यदृश्यत ॥ 39.18 ॥

anekairbahusāhastrairvānarāṇāṃ samanvitaḥ | pitā hanumataḥ śrīmān kesarī pratyadṛśyata || 39.18 ||

अनेक सहस्र वानर-सेनाओं सहित, हनुमान के पिता, श्रीमान् केसरी प्रकट हुए।

श्लोक 19 (kishkindha.39.19)

गोलाङ्गूलमहाराजो गवाक्षो भीमविक्रमः । वृतः कोटिसहस्रेण वानराणामदृश्यत ॥ 39.19 ॥

golāṅgūlamahārājo gavākṣo bhīmavikramaḥ | vṛtaḥ koṭisahasreṇa vānarāṇāmadṛśyata || 39.19 ||

गोलांगूलों के महाराज, भयंकर पराक्रमी गवाक्ष, सहस्र करोड़ वानरों से घिरे हुए दिखायी दिये।

श्लोक 20 (kishkindha.39.20)

ऋक्षाणां भीमवेगानां धूम्रः शत्रुनिबर्हणः । वृतः कोटिसहस्राभ्यां द्वाभ्यां समभिवर्तत ॥ 39.20 ॥

ṛkṣāṇāṃ bhīmavegānāṃ dhūmraḥ śatrunibarhaṇaḥ | vṛtaḥ koṭisahasrābhyāṃ dvābhyāṃ samabhivartata || 39.20 ||

भयंकर वेग वाले भालुओं के शत्रु-नाशक धूम्र, दो सहस्र करोड़ वानरों से घिरे हुए आगे आये।

श्लोक 21 (kishkindha.39.21)

महाचलनिभैर्घोरैः पनसो नाम यूथपः । आजगाम महावीर्यस्तिसृभिः कोटिभिर्वृतः ॥ 39.21 ॥

mahācalanibhairghoraiḥ panaso nāma yūthapaḥ | ājagāma mahāvīryastisṛbhiḥ koṭibhirvṛtaḥ || 39.21 ||

महापर्वतों के समान विशाल, भयंकर, महापराक्रमी पनस नामक सेनापति तीन करोड़ वानरों से घिरा हुआ आया।

श्लोक 22 (kishkindha.39.22)

नीलाञ्जनचयाकारो नीलो नामैष यूथपः । अदृश्यत महाकायः कोटिभिर्दशभिर्वृतः ॥ 39.22 ॥

nīlāñjanacayākāro nīlo nāmaiṣa yūthapaḥ | adṛśyata mahākāyaḥ koṭibhirdaśabhirvṛtaḥ || 39.22 ||

काले अंजन के ढेर के समान आकार वाला, विशालकाय नील नामक सेनापति दस करोड़ वानरों से घिरा हुआ दिखायी दिया।

श्लोक 23 (kishkindha.39.23)

ततः काञ्चनशैलाभो गवयो नाम यूथपः । आजगाम महावीर्यः कोटिभिः पञ्चभिर्वृतः ॥ 39.23 ॥

tataḥ kāñcanaśailābho gavayo nāma yūthapaḥ | ājagāma mahāvīryaḥ koṭibhiḥ pañcabhirvṛtaḥ || 39.23 ||

तत्पश्चात् सुवर्ण-पर्वत के समान कान्तिमान्, महापराक्रमी गवय नामक सेनापति पाँच करोड़ वानरों से घिरा हुआ आया।

श्लोक 24 (kishkindha.39.24)

दरीमुखश्च बलवान् यूथपोऽभ्याययौ तदा । वृतः कोटिसहस्रेण सुग्रीवं समवस्थितः ॥ 39.24 ॥

darīmukhaśca balavān yūthapo'bhyāyayau tadā | vṛtaḥ koṭisahasreṇa sugrīvaṃ samavasthitaḥ || 39.24 ||

बलवान् सेनापति दरीमुख भी तब एक सहस्र करोड़ वानरों से घिरा हुआ सुग्रीव के समक्ष उपस्थित हुआ।

श्लोक 25 (kishkindha.39.25)

मैन्दश्च द्विविदश्चोभावश्विपुत्रौ महाबलौ । कोटिकोटिसहस्रेण वानराणामदृश्यताम् ॥ 39.25 ॥

maindaśca dvividaścobhāvaśviputrau mahābalau | koṭikoṭisahasreṇa vānarāṇāmadṛśyatām || 39.25 ||

अश्विनीकुमारों के दोनों महाबली पुत्र, मैन्द और द्विविद, एक करोड़-करोड़ सहस्र वानरों से घिरे हुए दिखायी दिये।

श्लोक 26 (kishkindha.39.26)

गजश्च बलवान् वीरस्तिसृभिः कोटिभिर्वृतः । आजगाम महातेजाः सुग्रीवस्य समीपतः ॥ 39.26 ॥

gajaśca balavān vīrastisṛbhiḥ koṭibhirvṛtaḥ | ājagāma mahātejāḥ sugrīvasya samīpataḥ || 39.26 ||

बलवान् वीर गज भी, महातेजस्वी, तीन करोड़ वानरों से घिरा हुआ, सुग्रीव के निकट आया।

श्लोक 27 (kishkindha.39.27)

ऋक्षराजो महातेजा जाम्बवान्नाम नामतः । कोटिभिर्दशभिर्व्याप्तः सुग्रीवस्य वशे स्थितः ॥ 39.27 ॥

ṛkṣarājo mahātejā jāmbavānnāma nāmataḥ | koṭibhirdaśabhirvyāptaḥ sugrīvasya vaśe sthitaḥ || 39.27 ||

भालुओं के महातेजस्वी राजा, जाम्बवान् नामक, दस करोड़ वानरों में व्याप्त होकर, सुग्रीव के अधीन खड़े थे।

श्लोक 28 (kishkindha.39.28)

रुमणो नाम तेजस्वी विक्रान्तैर्वानरैर्वृतः । आगतो बलवांस्तूर्णं कोटीशतसमावृतः ॥ 39.28 ॥

rumaṇo nāma tejasvī vikrāntairvānarairvṛtaḥ | āgato balavāṃstūrṇaṃ koṭīśatasamāvṛtaḥ || 39.28 ||

रुमण नामक तेजस्वी वानर, पराक्रमी वानरों से घिरा हुआ, एक सौ करोड़ वानरों से आवृत होकर शीघ्र आ पहुँचा।

श्लोक 29 (kishkindha.39.29)

ततः कोटिसहस्राणां सहस्रेण शतेन च । पृष्ठतोऽनुगतः प्राप्तो हरिभिर्गन्धमादनः ॥ 39.29 ॥

tataḥ koṭisahasrāṇāṃ sahasreṇa śatena ca | pṛṣṭhato'nugataḥ prāpto haribhirgandhamādanaḥ || 39.29 ||

तत्पश्चात् एक सहस्र करोड़, एक सहस्र तथा एक सौ वानरों के पीछे-पीछे चलते हुए, गन्धमादन वहाँ पहुँचा।

श्लोक 30 (kishkindha.39.30)

ततः पद्मसहस्रेण वृतः शङ्कुशतेन च । युवराजोऽङ्गदः प्राप्तः पितुस्तुल्यपराक्रमः ॥ 39.30 ॥

tataḥ padmasahasreṇa vṛtaḥ śaṅkuśatena ca | yuvarājo'ṅgadaḥ prāptaḥ pitustulyaparākramaḥ || 39.30 ||

फिर पिता के समान पराक्रमी युवराज अंगद, एक सहस्र पद्म तथा एक सौ शंकु वानरों से घिरा हुआ वहाँ पहुँचा।

श्लोक 31 (kishkindha.39.31)

ततस्ताराद्युतिस्तारो हरिभिर्भीमविक्रमैः । पञ्चभिर्हरिकोटीभिर्दूरतः पर्यदृश्यत ॥ 39.31 ॥

tatastārādyutistāro haribhirbhīmavikramaiḥ | pañcabhirharikoṭībhirdūrataḥ paryadṛśyata || 39.31 ||

तत्पश्चात् तारा के समान कान्तिमान्, भयंकर पराक्रमी तार नामक वानर, पाँच करोड़ वानरों से घिरा हुआ दूर से ही दिखायी दिया।

श्लोक 32 (kishkindha.39.32)

इन्द्रजानुः कविर्वीरो यूथपः प्रत्यदृश्यत । एकादशानां कोटीनामीश्वरस्तैश्च संवृतः ॥ 39.32 ॥

indrajānuḥ kavirvīro yūthapaḥ pratyadṛśyata | ekādaśānāṃ koṭīnāmīśvarastaiśca saṃvṛtaḥ || 39.32 ||

वीर वानर सेनापति इन्द्रजानु, ग्यारह करोड़ वानरों के स्वामी, उनसे घिरे हुए दिखायी दिये।

श्लोक 33 (kishkindha.39.33)

ततो रम्भस्त्वनुप्राप्तस्तरुणादित्यसंनिभः । अयुतेन वृतश्चैव सहस्रेण शतेन च ॥ 39.33 ॥

tato rambhastvanuprāptastaruṇādityasaṃnibhaḥ | ayutena vṛtaścaiva sahasreṇa śatena ca || 39.33 ||

तत्पश्चात् तरुण सूर्य के समान कान्तिमान् रम्भ वहाँ पहुँचा, एक अयुत, एक सहस्र तथा एक सौ वानरों से घिरा हुआ।

श्लोक 34 (kishkindha.39.34)

ततो यूथपतिर्वीरो दुर्मुखो नाम वानरः । प्रत्यदृश्यत कोटीभ्यां द्वाभ्यां परिवृतो बली ॥ 39.34 ॥

tato yūthapatirvīro durmukho nāma vānaraḥ | pratyadṛśyata koṭībhyāṃ dvābhyāṃ parivṛto balī || 39.34 ||

फिर बलवान् वीर सेनापति दुर्मुख नामक वानर, दो करोड़ वानरों से घिरा हुआ दिखायी दिया।

श्लोक 35 (kishkindha.39.35)

कैलासशिखराकारैर्वानरैर्भीमविक्रमैः । वृतः कोटिसहस्रेण हनुमान् प्रत्यदृश्यत ॥ 39.35 ॥

kailāsaśikharākārairvānarairbhīmavikramaiḥ | vṛtaḥ koṭisahasreṇa hanumān pratyadṛśyata || 39.35 ||

कैलास शिखर के समान आकार वाले, भयंकर पराक्रमी वानरों से घिरे हुए, एक सहस्र करोड़ की संख्या में, हनुमान दिखायी दिये।

श्लोक 36 (kishkindha.39.36)

नलश्चापि महावीर्यः संवृतो द्रुमवासिभिः । कोटीशतेन सम्प्राप्तः सहस्रेण शतेन च ॥ 39.36 ॥

nalaścāpi mahāvīryaḥ saṃvṛto drumavāsibhiḥ | koṭīśatena samprāptaḥ sahasreṇa śatena ca || 39.36 ||

महापराक्रमी नल भी, वृक्षवासी वानरों से घिरा हुआ, एक सौ करोड़, एक सहस्र तथा एक सौ वानरों सहित आ पहुँचा।

श्लोक 37 (kishkindha.39.37)

ततो दधिमुखः श्रीमान् कोटिभिर्दशभिर्वृतः । सम्प्राप्तोऽभिनदंस्तस्य सुग्रीवस्य महात्मनः ॥ 39.37 ॥

tato dadhimukhaḥ śrīmān koṭibhirdaśabhirvṛtaḥ | samprāpto'bhinadaṃstasya sugrīvasya mahātmanaḥ || 39.37 ||

तत्पश्चात् श्रीमान् दधिमुख, दस करोड़ वानरों से घिरा हुआ, उस महात्मा सुग्रीव के समक्ष गर्जना करते हुए उपस्थित हुआ।

श्लोक 38 (kishkindha.39.38)

शरभः कुमुदो वह्निर्वानरो रंह एव च । एते चान्ये च बहवो वानराः कामरूपिणः ॥ 39.38 ॥

śarabhaḥ kumudo vahnirvānaro raṃha eva ca | ete cānye ca bahavo vānarāḥ kāmarūpiṇaḥ || 39.38 ||

शरभ, कुमुद, वह्नि, तथा रंह नामक वानर — ये और इच्छानुसार रूप धारण करने वाले अन्य अनेक वानर,

श्लोक 39 (kishkindha.39.39)

आवृत्य पृथिवीं सर्वां पर्वतांश्च वनानि च । यूथपाः समनुप्राप्ता येषां संख्या न विद्यते ॥ 39.39 ॥

āvṛtya pṛthivīṃ sarvāṃ parvatāṃśca vanāni ca | yūthapāḥ samanuprāptā yeṣāṃ saṃkhyā na vidyate || 39.39 ||

सम्पूर्ण पृथ्वी, पर्वतों तथा वनों को घेरते हुए, वे सेनापति वहाँ पहुँचे; उनकी संख्या ज्ञात नहीं है।

श्लोक 40 (kishkindha.39.40)

आगताश्च निविष्टाश्च पृथिव्यां सर्ववानराः । आप्लवन्तः प्लवन्तश्च गर्जन्तश्च प्लवंगमाः । अभ्यवर्तन्त सुग्रीवं सूर्यमभ्रगणा इव ॥ 39.40 ॥

āgatāśca niviṣṭāśca pṛthivyāṃ sarvavānarāḥ | āplavantaḥ plavantaśca garjantaśca plavaṃgamāḥ | abhyavartanta sugrīvaṃ sūryamabhragaṇā iva || 39.40 ||

पृथ्वी भर के सब वानर आकर वहाँ स्थित हो गये; कूदते, उछलते और गर्जते हुए वे वानर सुग्रीव के पास इस प्रकार पहुँचे मानो मेघों के समूह सूर्य के चारों ओर जुट आयें।

श्लोक 41 (kishkindha.39.41)

कुर्वाणा बहुशब्दांश्च प्रकृष्टा बाहुशालिनः । शिरोभिर्वानरेन्द्राय सुग्रीवाय न्यवेदयन् ॥ 39.41 ॥

kurvāṇā bahuśabdāṃśca prakṛṣṭā bāhuśālinaḥ | śirobhirvānarendrāya sugrīvāya nyavedayan || 39.41 ||

महान् कोलाहल करते हुए, वे बलशाली एवं श्रेष्ठ वानर अपने-अपने मस्तक झुकाकर वानरेन्द्र सुग्रीव को अपनी उपस्थिति निवेदित करने लगे।

श्लोक 42 (kishkindha.39.42)

अपरे वानरश्रेष्ठाः संगम्य च यथोचितम् । सुग्रीवेण समागम्य स्थिताः प्राञ्जलयस्तदा ॥ 39.42 ॥

apare vānaraśreṣṭhāḥ saṃgamya ca yathocitam | sugrīveṇa samāgamya sthitāḥ prāñjalayastadā || 39.42 ||

अन्य श्रेष्ठ वानर भी यथोचित रूप से मिलकर, सुग्रीव से भेंट करके, हाथ जोड़े हुए वहीं खड़े हो गये।

श्लोक 43 (kishkindha.39.43)

सुग्रीवस्त्वरितो रामे सर्वांस्तान् वानरर्षभान् । निवेदयित्वा धर्मज्ञः स्थितः प्राञ्जलिरब्रवीत् ॥ 39.43 ॥

sugrīvastvarito rāme sarvāṃstān vānararṣabhān | nivedayitvā dharmajñaḥ sthitaḥ prāñjalirabravīt || 39.43 ||

तब धर्मज्ञ सुग्रीव ने शीघ्रतापूर्वक उन सब वानरश्रेष्ठों को राम के समक्ष प्रस्तुत करके, हाथ जोड़कर खड़े होकर यह कहा —

श्लोक 44 (kishkindha.39.44)

यथासुखं पर्वतनिर्झरेषु वनेषु सर्वेषु च वानरेन्द्राः । निवेशयित्वा विधिवद् बलानि बलं बलज्ञः प्रतिपत्तुमीष्टे ॥ 39.44 ॥

yathāsukhaṃ parvatanirjhareṣu vaneṣu sarveṣu ca vānarendrāḥ | niveśayitvā vidhivad balāni balaṃ balajñaḥ pratipattumīṣṭe || 39.44 ||

"बल को पहचानने वाले ये वानरेन्द्र, अपनी सेनाओं को विधिपूर्वक पर्वतों की झरनों तथा सभी वनों में सुखपूर्वक ठहराकर, अब आपके किसी भी कार्य को सम्पन्न करने में समर्थ हैं।"