सुग्रीव का पृथ्वी-ज्ञान

श्लोक 1 (kishkindha.46.1)

गतेषु वानरेन्द्रेषु रामः सुग्रीवमब्रवीत् । कथं भवान् विजानीते सर्वं वै मण्डलं भुवः ॥ 46.1 ॥

gateṣu vānarendreṣu rāmaḥ sugrīvamabravīt | kathaṃ bhavān vijānīte sarvaṃ vai maṇḍalaṃ bhuvaḥ || 46.1 ||

वानर-प्रमुखों के चले जाने पर राम ने सुग्रीव से कहा, "आप समस्त पृथ्वी-मण्डल को इस प्रकार भलीभाँति कैसे जानते हैं?"

श्लोक 2 (kishkindha.46.2)

सुग्रीवश्च ततो राममुवाच प्रणतात्मवान् । श्रूयतां सर्वमाख्यास्ये विस्तरेण वचो मम ॥ 46.2 ॥

sugrīvaśca tato rāmamuvāca praṇatātmavān | śrūyatāṃ sarvamākhyāsye vistareṇa vaco mama || 46.2 ||

तब विनम्र हुए सुग्रीव ने राम से कहा, "सुनिए, मैं आपको सब कुछ विस्तार से बताता हूँ; मेरी बात सुनिए।"

श्लोक 3 (kishkindha.46.3)

यदा तु दुन्दुभिं नाम दानवं महिषाकृतिम् । परिकालयते वाली मलयं प्रति पर्वतम् ॥ 46.3 ॥

yadā tu dundubhiṃ nāma dānavaṃ mahiṣākṛtim | parikālayate vālī malayaṃ prati parvatam || 46.3 ||

"जब वालि ने भैंसे के रूप वाले दुन्दुभि नामक दानव को मलय पर्वत की ओर खदेड़ा,

श्लोक 4 (kishkindha.46.4)

तदा विवेश महिषो मलयस्य गुहां प्रति । विवेश वाली तत्रापि मलयं तज्जिघांसया ॥ 46.4 ॥

tadā viveśa mahiṣo malayasya guhāṃ prati | viveśa vālī tatrāpi malayaṃ tajjighāṃsayā || 46.4 ||

तब वह भैंसा मलय पर्वत की एक गुफा में घुस गया, और उसे मार डालने की इच्छा से वालि भी उसी गुफा में प्रविष्ट हो गया।

श्लोक 5 (kishkindha.46.5)

ततोऽहं तत्र निक्षिप्तो गुहाद्वारि विनीतवत् । न च निष्क्रमते वाली तदा संवत्सरे गते ॥ 46.5 ॥

tato'haṃ tatra nikṣipto guhādvāri vinītavat | na ca niṣkramate vālī tadā saṃvatsare gate || 46.5 ||

तब आज्ञाकारी भाई की भाँति मुझे उसने गुफा के द्वार पर बिठा दिया; एक वर्ष बीत गया, फिर भी वालि बाहर नहीं निकला।

श्लोक 6 (kishkindha.46.6)

ततः क्षतजवेगेन आपुपूरे तदा बिलम् । तदहं विस्मितो दृष्ट्वा भ्रातुः शोकविषार्दितः ॥ 46.6 ॥

tataḥ kṣatajavegena āpupūre tadā bilam | tadahaṃ vismito dṛṣṭvā bhrātuḥ śokaviṣārditaḥ || 46.6 ||

तभी वह बिल रक्त की धारा से भर गया; यह देखकर मैं चकित रह गया और भाई के शोक के विष से पीड़ित हो उठा।

श्लोक 7 (kishkindha.46.7)

अथाहं गतबुद्धिस्तु सुव्यक्तं निहतो गुरुः । शिला पर्वतसंकाशा बिलद्वारि मया कृता ॥ 46.7 ॥

athāhaṃ gatabuddhistu suvyaktaṃ nihato guruḥ | śilā parvatasaṃkāśā biladvāri mayā kṛtā || 46.7 ||

तब मैंने यह मान लिया कि "मेरे बड़े भाई निश्चय ही मारे गये हैं," और मैंने पर्वत के समान विशाल शिला को उस बिल के द्वार पर रख दिया,

श्लोक 8 (kishkindha.46.8)

अशक्नुवन्निष्क्रमितुं महिषो विनशिष्यति । ततोऽहमागां किष्किन्धां निराशस्तस्य जीविते ॥ 46.8 ॥

aśaknuvanniṣkramituṃ mahiṣo vinaśiṣyati | tato'hamāgāṃ kiṣkindhāṃ nirāśastasya jīvite || 46.8 ||

यह सोचकर कि वह भैंसा बाहर न निकल पाने के कारण भीतर ही नष्ट हो जायेगा; फिर भाई के जीवित होने की आशा छोड़कर मैं किष्किन्धा लौट आया।

श्लोक 9 (kishkindha.46.9)

राज्यं च सुमहत् प्राप्य तारां च रुमया सह । मित्रैश्च सहितस्तत्र वसामि विगतज्वरः ॥ 46.9 ॥

rājyaṃ ca sumahat prāpya tārāṃ ca rumayā saha | mitraiśca sahitastatra vasāmi vigatajvaraḥ || 46.9 ||

वहाँ मुझे वह विशाल राज्य, तथा रुमा के साथ तारा भी प्राप्त हुई, और मित्रों के साथ मैं वहाँ निश्चिन्त होकर रहने लगा।

श्लोक 10 (kishkindha.46.10)

आजगाम ततो वाली हत्वा तं वानरर्षभः । ततोऽहमददां राज्यं गौरवाद् भययन्त्रितः ॥ 46.10 ॥

ājagāma tato vālī hatvā taṃ vānararṣabhaḥ | tato'hamadadāṃ rājyaṃ gauravād bhayayantritaḥ || 46.10 ||

तत्पश्चात् उस दानव को मारकर वानरश्रेष्ठ वालि लौट आये; तब आदरवश और भय से बँधा हुआ मैंने राज्य उन्हें लौटा दिया।

श्लोक 11 (kishkindha.46.11)

स मां जिघांसुर्दुष्टात्मा वाली प्रव्यथितेन्द्रियः । परिकालयते क्रोधाद् धावन्तं सचिवैः सह ॥ 46.11 ॥

sa māṃ jighāṃsurduṣṭātmā vālī pravyathitendriyaḥ | parikālayate krodhād dhāvantaṃ sacivaiḥ saha || 46.11 ||

उस दुष्टात्मा वालि ने, मुझे मार डालने की इच्छा से, इन्द्रियों में व्याकुल होकर, क्रोधवश मुझे — जो मन्त्रियों सहित भाग रहा था — बार-बार खदेड़ा।

श्लोक 12 (kishkindha.46.12)

ततोऽहं वालिना तेन सोऽनुबद्धः प्रधावितः । नदीश्च विविधाः पश्यन् वनानि नगराणि च ॥ 46.12 ॥

tato'haṃ vālinā tena so'nubaddhaḥ pradhāvitaḥ | nadīśca vividhāḥ paśyan vanāni nagarāṇi ca || 46.12 ||

तब उस वालि के द्वारा निरन्तर खदेड़ा जाता हुआ मैं भागता रहा, और भागते हुए अनेक नदियाँ, वन तथा नगर देखता गया।

श्लोक 13 (kishkindha.46.13)

आदर्शतलसंकाशा ततो वै पृथिवी मया । अलातचक्रप्रतिमा दृष्टा गोष्पदवत् कृता ॥ 46.13 ॥

ādarśatalasaṃkāśā tato vai pṛthivī mayā | alātacakrapratimā dṛṣṭā goṣpadavat kṛtā || 46.13 ||

उस उड़ान में मैंने सम्पूर्ण पृथ्वी को मानो दर्पण के तल के समान, अथवा घूमते हुए अग्नि-चक्र के समान देखा — और वह मुझे गाय के खुर के गड्ढे जितनी छोटी प्रतीत हुई।

श्लोक 14 (kishkindha.46.14)

पूर्वां दिशं ततो गत्वा पश्यामि विविधान् द्रुमान् । पर्वतान् सदरीन् रम्यान् सरांसि विविधानि च ॥ 46.14 ॥

pūrvāṃ diśaṃ tato gatvā paśyāmi vividhān drumān | parvatān sadarīn ramyān sarāṃsi vividhāni ca || 46.14 ||

तत्पश्चात् पूर्व दिशा में जाकर मैंने अनेक प्रकार के वृक्ष, गुफाओं सहित रमणीय पर्वत, तथा अनेक सरोवर देखे।

श्लोक 15 (kishkindha.46.15)

उदयं तत्र पश्यामि पर्वतं धातुमण्डितम् । क्षीरोदं सागरं चैव नित्यमप्सरसालयम् ॥ 46.15 ॥

udayaṃ tatra paśyāmi parvataṃ dhātumaṇḍitam | kṣīrodaṃ sāgaraṃ caiva nityamapsarasālayam || 46.15 ||

वहाँ मैंने धातुओं से अलंकृत उदयगिरि पर्वत, तथा अप्सराओं के सदा-निवास क्षीरसागर को भी देखा।

श्लोक 16 (kishkindha.46.16)

परिकाल्यमानस्तु तदा वालिनाभिद्रुतो ह्यहम् । पुनरावृत्य सहसा प्रस्थितोऽहं तदा विभो ॥ 46.16 ॥

parikālyamānastu tadā vālinābhidruto hyaham | punarāvṛtya sahasā prasthito'haṃ tadā vibho || 46.16 ||

वालि के द्वारा उस समय भी खदेड़े जाने पर, हे प्रभो! मैं लौटकर तुरन्त पुनः आगे भाग चला।

श्लोक 17 (kishkindha.46.17)

दिशस्तस्यास्ततो भूयः प्रस्थितो दक्षिणां दिशम् । विन्ध्यपादपसंकीर्णां चन्दनद्रुमशोभिताम् ॥ 46.17 ॥

diśastasyāstato bhūyaḥ prasthito dakṣiṇāṃ diśam | vindhyapādapasaṃkīrṇāṃ candanadrumaśobhitām || 46.17 ||

उस दिशा से आगे मैं पुनः दक्षिण दिशा की ओर भागा, जो विन्ध्य के वृक्षों से सघन तथा चन्दन के वनों से सुशोभित थी।

श्लोक 18 (kishkindha.46.18)

द्रुमशैलान्तरे पश्यन् भूयो दक्षिणतोऽपराम् । अपरां च दिशं प्राप्तो वालिना समभिद्रुतः ॥ 46.18 ॥

drumaśailāntare paśyan bhūyo dakṣiṇato'parām | aparāṃ ca diśaṃ prāpto vālinā samabhidrutaḥ || 46.18 ||

वृक्षों और पर्वतों के बीच से गुजरता हुआ, वालि द्वारा दक्षिण से पुनः खदेड़ा गया मैं एक और दिशा — पश्चिम — में जा पहुँचा।

श्लोक 19 (kishkindha.46.19)

स पश्यन् विविधान् देशानस्तं च गिरिसत्तमम् । प्राप्य चास्तं गिरिश्रेष्ठमुत्तरं सम्प्रधावितः ॥ 46.19 ॥

sa paśyan vividhān deśānastaṃ ca girisattamam | prāpya cāstaṃ giriśreṣṭhamuttaraṃ sampradhāvitaḥ || 46.19 ||

अनेक देशों तथा श्रेष्ठ अस्ताचल पर्वत को देखता हुआ, और उस उत्तम अस्तगिरि तक पहुँचकर, मैं फिर बहुत दूर उत्तर की ओर भाग गया।

श्लोक 20 (kishkindha.46.20)

हिमवन्तं च मेरुं च समुद्रं च तथोत्तरम् । यदा न विन्दे शरणं वालिना समभिद्रुतः ॥ 46.20 ॥

himavantaṃ ca meruṃ ca samudraṃ ca tathottaram | yadā na vinde śaraṇaṃ vālinā samabhidrutaḥ || 46.20 ||

जब वालि द्वारा निरन्तर खदेड़े जाने पर मुझे कहीं भी शरण न मिली — न हिमालय में, न मेरु पर्वत में, न उत्तर के समुद्र में —

श्लोक 21 (kishkindha.46.21)

ततो मां बुद्धिसम्पन्नो हनुमान् वाक्यमब्रवीत् । इदानीं मे स्मृतं राजन् यथा वाली हरीश्वरः ॥ 46.21 ॥

tato māṃ buddhisampanno hanumān vākyamabravīt | idānīṃ me smṛtaṃ rājan yathā vālī harīśvaraḥ || 46.21 ||

तब बुद्धिमान् हनुमान ने मुझसे यह वचन कहा: "हे राजन्! मुझे अब स्मरण हो आया है कि किस प्रकार वानरेश्वर वालि,

श्लोक 22 (kishkindha.46.22)

मतङ्गेन तदा शप्तो ह्यस्मिन्नाश्रममण्डले । प्रविशेद् यदि वै वाली मूर्धास्य शतधा भवेत् ॥ 46.22 ॥

mataṅgena tadā śapto hyasminnāśramamaṇḍale | praviśed yadi vai vālī mūrdhāsya śatadhā bhavet || 46.22 ||

सन्त मतंग द्वारा इस आश्रम-मण्डल के विषय में शापित हुए थे: यदि वालि कभी इसमें प्रवेश करें, तो उनका सिर सौ टुकड़ों में फट जायेगा।

श्लोक 23 (kishkindha.46.23)

तत्र वासः सुखोऽस्माकं निरुद्विग्नो भविष्यति । ततः पर्वतमासाद्य ऋष्यमूकं नृपात्मज ॥ 46.23 ॥

tatra vāsaḥ sukho'smākaṃ nirudvigno bhaviṣyati | tataḥ parvatamāsādya ṛṣyamūkaṃ nṛpātmaja || 46.23 ||

इसलिए वहाँ हमारा निवास सुखद और निर्भय रहेगा।" इस प्रकार, हे राजकुमार, मैं ऋष्यमूक पर्वत पर आ गया —

श्लोक 24 (kishkindha.46.24)

न विवेश तदा वाली मतङ्गस्य भयात् तदा । एवं मया तदा राजन् प्रत्यक्षमुपलक्षितम् । पृथिवीमण्डलं सर्वं गुहामस्म्यागतस्ततः ॥ 46.24 ॥

na viveśa tadā vālī mataṅgasya bhayāt tadā | evaṃ mayā tadā rājan pratyakṣamupalakṣitam | pṛthivīmaṇḍalaṃ sarvaṃ guhāmasmyāgatastataḥ || 46.24 ||

और भय के कारण वालि वहाँ कभी प्रविष्ट नहीं हुए। इस प्रकार, हे राजन्! मैंने प्रत्यक्ष रूप से इस सम्पूर्ण पृथ्वी-मण्डल को देखा, और तत्पश्चात् मैं इस गुफा में आकर बस गया।"