अंगद का प्रोत्साहन

श्लोक 1 (kishkindha.49.1)

अथाङ्गदस्तदा सर्वान् वानरानिदमब्रवीत् । परिश्रान्तो महाप्राज्ञः समाश्वास्य शनैर्वचः ॥ 49.1 ॥

athāṅgadastadā sarvān vānarānidamabravīt | pariśrānto mahāprājñaḥ samāśvāsya śanairvacaḥ || 49.1 ||

तब स्वयं थके होने पर भी अत्यन्त बुद्धिमान् अंगद ने सब वानरों को धीरज बँधाते हुए धीरे-धीरे यह वचन कहा —

श्लोक 2 (kishkindha.49.2)

वनानि गिरयो नद्यो दुर्गाणि गहनानि च । दरी गिरिगुहाश्चैव विचिता नः समन्ततः ॥ 49.2 ॥

vanāni girayo nadyo durgāṇi gahanāni ca | darī giriguhāścaiva vicitā naḥ samantataḥ || 49.2 ||

"वन, पर्वत, नदियाँ, दुर्गम स्थान तथा सघन वन, गुफाएँ और पर्वत-कन्दराएँ — यह सब हमने अन्त तक खोज लिया है,

श्लोक 3 (kishkindha.49.3)

तत्र तत्र सहास्माभिर्जानकी न च दृश्यते । तथा रक्षोऽपहर्ता च सीतायाश्चैव दुष्कृती ॥ 49.3 ॥

tatra tatra sahāsmābhirjānakī na ca dṛśyate | tathā rakṣo'pahartā ca sītāyāścaiva duṣkṛtī || 49.3 ||

यत्र भी हमने मिलकर देखा, वहाँ कहीं भी जानकी हमें दिखायी नहीं दीं, और न ही वह दुष्ट राक्षस, जो सीता का अपहरण करने वाला है।

श्लोक 4 (kishkindha.49.4)

कालश्च नो महान् यातः सुग्रीवश्चोग्रशासनः । तस्माद् भवन्तः सहिता विचिन्वन्तु समन्ततः ॥ 49.4 ॥

kālaśca no mahān yātaḥ sugrīvaścograśāsanaḥ | tasmād bhavantaḥ sahitā vicinvantu samantataḥ || 49.4 ||

हमारा बहुत समय बीत चुका है, और सुग्रीव कठोर शासक हैं; अतः आप सब मिलकर चारों ओर खोज करें।

श्लोक 5 (kishkindha.49.5)

विहाय तन्द्रीं शोकं च निद्रां चैव समुत्थिताम् । विचिनुध्वं तथा सीतां पश्यामो जनकात्मजाम् ॥ 49.5 ॥

vihāya tandrīṃ śokaṃ ca nidrāṃ caiva samutthitām | vicinudhvaṃ tathā sītāṃ paśyāmo janakātmajām || 49.5 ||

आलस्य, शोक तथा उठ रही नींद को त्यागकर खोज करते रहो, जिससे हम जनक-पुत्री सीता को पा सकें।

श्लोक 6 (kishkindha.49.6)

अनिर्वेदं च दाक्ष्यं च मनसश्चापराजयम् । कार्यसिद्धिकराण्याहुस्तस्मादेतद् ब्रवीम्यहम् ॥ 49.6 ॥

anirvedaṃ ca dākṣyaṃ ca manasaścāparājayam | kāryasiddhikarāṇyāhustasmādetad bravīmyaham || 49.6 ||

यह कहा जाता है कि निराशा-रहित होना, कुशलता तथा अजेय मन ही कार्य की सिद्धि कराते हैं; इसीलिए मैं यह बात कह रहा हूँ।

श्लोक 7 (kishkindha.49.7)

अद्यापीदं वनं दुर्गं विचिन्वन्तु वनौकसः । खेदं त्यक्त्वा पुनः सर्वं वनमेव विचिन्वताम् ॥ 49.7 ॥

adyāpīdaṃ vanaṃ durgaṃ vicinvantu vanaukasaḥ | khedaṃ tyaktvā punaḥ sarvaṃ vanameva vicinvatām || 49.7 ||

अभी भी वनवासी इस दुर्गम वन को खोजें; थकान त्यागकर इसी सम्पूर्ण वन को पुनः खोजा जाये।

श्लोक 8 (kishkindha.49.8)

अवश्यं कुर्वतां तस्य दृश्यते कर्मणः फलम् । परं निर्वेदमागम्य नहि नोन्मीलनं क्षमम् ॥ 49.8 ॥

avaśyaṃ kurvatāṃ tasya dṛśyate karmaṇaḥ phalam | paraṃ nirvedamāgamya nahi nonmīlanaṃ kṣamam || 49.8 ||

जो सचमुच प्रयत्न करते हैं, उन्हें कर्म का फल अवश्य दिखायी देता है; किन्तु अत्यन्त निराश होकर आँखें मूँद लेना क्षम्य नहीं होगा।

श्लोक 9 (kishkindha.49.9)

सुग्रीवः क्रोधनो राजा तीक्ष्णदण्डश्च वानराः । भेतव्यं तस्य सततं रामस्य च महात्मनः ॥ 49.9 ॥

sugrīvaḥ krodhano rājā tīkṣṇadaṇḍaśca vānarāḥ | bhetavyaṃ tasya satataṃ rāmasya ca mahātmanaḥ || 49.9 ||

हे वानरो! राजा सुग्रीव क्रोधी स्वभाव के तथा कठोर दण्ड देने वाले हैं; हमें सदा उनसे तथा महात्मा राम से भी भयभीत रहना चाहिये।

श्लोक 10 (kishkindha.49.10)

हितार्थमेतदुक्तं वः क्रियतां यदि रोचते । उच्यतां हि क्षमं यत् तत् सर्वेषामेव वानराः ॥ 49.10 ॥

hitārthametaduktaṃ vaḥ kriyatāṃ yadi rocate | ucyatāṃ hi kṣamaṃ yat tat sarveṣāmeva vānarāḥ || 49.10 ||

यह मैंने तुम्हारे हित के लिए कहा है; यदि यह उचित लगे तो इसी प्रकार करो। किन्तु हे वानरो! जो भी तुम सबको उचित लगे, वह निःसंकोच कहो।"

श्लोक 11 (kishkindha.49.11)

अङ्गदस्य वचः श्रुत्वा वचनं गन्धमादनः । उवाच व्यक्तया वाचा पिपासाश्रमखिन्नया ॥ 49.11 ॥

aṅgadasya vacaḥ śrutvā vacanaṃ gandhamādanaḥ | uvāca vyaktayā vācā pipāsāśramakhinnayā || 49.11 ||

अंगद का यह वचन सुनकर, प्यास और थकान से थके हुए गन्धमादन ने स्पष्ट वाणी में यह उत्तर दिया —

श्लोक 12 (kishkindha.49.12)

सदृशं खलु वो वाक्यमङ्गदो यदुवाच ह । हितं चैवानुकूलं च क्रियतामस्य भाषितम् ॥ 49.12 ॥

sadṛśaṃ khalu vo vākyamaṅgado yaduvāca ha | hitaṃ caivānukūlaṃ ca kriyatāmasya bhāṣitam || 49.12 ||

"निश्चय ही अंगद ने जो कहा है, वह उनके योग्य ही है; यह हितकर तथा उचित भी है — इनके वचन का पालन किया जाये।

श्लोक 13 (kishkindha.49.13)

पुनर्मार्गामहे शैलान् कन्दरांश्च शिलांस्तथा । काननानि च शून्यानि गिरिप्रस्रवणानि च ॥ 49.13 ॥

punarmārgāmahe śailān kandarāṃśca śilāṃstathā | kānanāni ca śūnyāni giriprasravaṇāni ca || 49.13 ||

हम पुनः पर्वतों, कन्दराओं तथा शिलाओं को खोजें, और उसी प्रकार निर्जन वनों तथा पर्वतीय झरनों को भी,

श्लोक 14 (kishkindha.49.14)

यथोद्दिष्टानि सर्वाणि सुग्रीवेण महात्मना । विचिन्वन्तु वनं सर्वे गिरिदुर्गाणि संगताः ॥ 49.14 ॥

yathoddiṣṭāni sarvāṇi sugrīveṇa mahātmanā | vicinvantu vanaṃ sarve giridurgāṇi saṃgatāḥ || 49.14 ||

जो सब महात्मा सुग्रीव द्वारा बताये गये हैं। हम सब मिलकर उस वन तथा उसके पर्वतीय दुर्गम स्थानों को खोजें।"

श्लोक 15 (kishkindha.49.15)

ततः समुत्थाय पुनर्वानरास्ते महाबलाः । विन्ध्यकाननसंकीर्णां विचेरुर्दक्षिणां दिशम् ॥ 49.15 ॥

tataḥ samutthāya punarvānarāste mahābalāḥ | vindhyakānanasaṃkīrṇāṃ vicerurdakṣiṇāṃ diśam || 49.15 ||

तब वे महाबली वानर पुनः उठकर विन्ध्य के वनों से सघन उस दक्षिण दिशा में विचरण करने लगे।

श्लोक 16 (kishkindha.49.16)

ते शारदाभ्रप्रतिमं श्रीमद्रजतपर्वतम् । शृङ्गवन्तं दरीवन्तमधिरुह्य च वानराः ॥ 49.16 ॥

te śāradābhrapratimaṃ śrīmadrajataparvatam | śṛṅgavantaṃ darīvantamadhiruhya ca vānarāḥ || 49.16 ||

वे वानर शरद्-ऋतु के मेघ के समान उस भव्य रजत-पर्वत पर चढ़े, जो अनेक शिखरों तथा कन्दराओं से युक्त था,

श्लोक 17 (kishkindha.49.17)

तत्र लोध्रवनं रम्यं सप्तपर्णवनानि च । विचिन्वन्तो हरिवराः सीतादर्शनकांक्षिणः ॥ 49.17 ॥

tatra lodhravanaṃ ramyaṃ saptaparṇavanāni ca | vicinvanto harivarāḥ sītādarśanakāṃkṣiṇaḥ || 49.17 ||

और सीता को देखने की आकांक्षा से वहाँ उन श्रेष्ठ वानरों ने रमणीय लोध्र-वन तथा सप्तपर्ण के वनों को खोजा।

श्लोक 18 (kishkindha.49.18)

तस्याग्रमधिरूढास्ते श्रान्ता विपुलविक्रमाः । न पश्यन्ति स्म वैदेहीं रामस्य महिषीं प्रियाम् ॥ 49.18 ॥

tasyāgramadhirūḍhāste śrāntā vipulavikramāḥ | na paśyanti sma vaidehīṃ rāmasya mahiṣīṃ priyām || 49.18 ||

अत्यन्त पराक्रमी वे वानर उसके शिखर पर चढ़ने पर भी, थके होने पर भी, राम की प्रिय महिषी वैदेही को न देख सके।

श्लोक 19 (kishkindha.49.19)

ते तु दृष्टिगतं दृष्ट्वा तं शैलं बहुकन्दरम् । अध्यारोहन्त हरयो वीक्षमाणाः समन्ततः ॥ 49.19 ॥

te tu dṛṣṭigataṃ dṛṣṭvā taṃ śailaṃ bahukandaram | adhyārohanta harayo vīkṣamāṇāḥ samantataḥ || 49.19 ||

उस अनेक कन्दराओं वाले पर्वत को दृष्टि के सामने फैला देखकर, वे वानर चारों ओर देखते हुए और ऊपर चढ़ते गये।

श्लोक 20 (kishkindha.49.20)

अवरुह्य ततो भूमिं श्रान्ता विगतचेतसः । स्थिता मुहूर्तं तत्राथ वृक्षमूलमुपाश्रिताः ॥ 49.20 ॥

avaruhya tato bhūmiṃ śrāntā vigatacetasaḥ | sthitā muhūrtaṃ tatrātha vṛkṣamūlamupāśritāḥ || 49.20 ||

फिर भूमि पर उतरकर, थके तथा उदास मन वाले वे वानर वहीं एक वृक्ष के नीचे कुछ देर के लिए ठहर गये।

श्लोक 21 (kishkindha.49.21)

ते मुहूर्तं समाश्वस्ताः किंचिद्भग्नपरिश्रमाः । पुनरेवोद्यताः कृत्स्नां मार्गितुं दक्षिणां दिशम् ॥ 49.21 ॥

te muhūrtaṃ samāśvastāḥ kiṃcidbhagnapariśramāḥ | punarevodyatāḥ kṛtsnāṃ mārgituṃ dakṣiṇāṃ diśam || 49.21 ||

वहाँ कुछ देर विश्राम कर, अपनी थकान कुछ मिटाकर, वे पुनः सम्पूर्ण दक्षिण दिशा को खोजने के लिए चल पड़े।

श्लोक 22 (kishkindha.49.22)

हनुमत्प्रमुखास्तावत् प्रस्थिताः प्लवगर्षभाः । विन्ध्यमेवादितः कृत्वा विचेरुश्च समन्ततः ॥ 49.22 ॥

hanumatpramukhāstāvat prasthitāḥ plavagarṣabhāḥ | vindhyamevāditaḥ kṛtvā viceruśca samantataḥ || 49.22 ||

हनुमान को अग्रणी बनाकर चल पड़े वे वानरश्रेष्ठ, विन्ध्य पर्वत को ही आरम्भ-बिन्दु बनाकर, चारों ओर विचरण करने लगे।