ऋक्षबिल: रहस्यमयी गुफा

श्लोक 1 (kishkindha.50.1)

सह ताराङ्गदाभ्यां तु संगम्य हनुमान् कपिः । विचिनोति च विन्ध्यस्य गुहाश्च गहनानि च ॥ 50.1 ॥

saha tārāṅgadābhyāṃ tu saṃgamya hanumān kapiḥ | vicinoti ca vindhyasya guhāśca gahanāni ca || 50.1 ||

तार तथा अंगद के साथ मिलकर वानर हनुमान विन्ध्य पर्वत की गुफाओं तथा सघन वनों को खोजने लगे,

श्लोक 2 (kishkindha.50.2)

सिंहशार्दूलजुष्टाश्च गुहाश्च परितस्तदा । विषमेषु नगेन्द्रस्य महाप्रस्रवणेषु च ॥ 50.2 ॥

siṃhaśārdūlajuṣṭāśca guhāśca paritastadā | viṣameṣu nagendrasya mahāprasravaṇeṣu ca || 50.2 ||

तथा उस पर्वतराज के चारों ओर सिंहों-व्याघ्रों से भरी गुफाओं तथा दुर्गम, विशाल झरनों को भी खोजा।

श्लोक 3 (kishkindha.50.3)

आसेदुस्तस्य शैलस्य कोटिं दक्षिणपश्चिमाम् । तेषां तत्रैव वसतां स कालो व्यत्यवर्तत ॥ 50.3 ॥

āsedustasya śailasya koṭiṃ dakṣiṇapaścimām | teṣāṃ tatraiva vasatāṃ sa kālo vyatyavartata || 50.3 ||

वे उस पर्वत के दक्षिण-पश्चिम शिखर पर जा पहुँचे, और वहीं ठहरे रहते हुए उनका नियत समय बीत गया।

श्लोक 4 (kishkindha.50.4)

स हि देशो दुरन्वेष्यो गुहागहनवान् महान् । तत्र वायुसुतः सर्वं विचिनोति स्म पर्वतम् ॥ 50.4 ॥

sa hi deśo duranveṣyo guhāgahanavān mahān | tatra vāyusutaḥ sarvaṃ vicinoti sma parvatam || 50.4 ||

क्योंकि वह विशाल प्रदेश अपनी अनेक गुफाओं तथा सघन वनों के कारण खोजना अत्यन्त कठिन था; फिर भी वहाँ पवनपुत्र हनुमान ने सम्पूर्ण पर्वत को खोज डाला।

श्लोक 5 (kishkindha.50.5)

परस्परेण रहिता अन्योन्यस्याविदूरतः । गजो गवाक्षो गवयः शरभो गन्धमादनः ॥ 50.5 ॥

paraspareṇa rahitā anyonyasyāvidūrataḥ | gajo gavākṣo gavayaḥ śarabho gandhamādanaḥ || 50.5 ||

एक-दूसरे से अधिक दूर न रहते हुए, फिर भी पृथक्-पृथक् खोजते हुए — गज, गवाक्ष, गवय, शरभ, गन्धमादन,

श्लोक 6 (kishkindha.50.6)

मैन्दश्च द्विविदश्चैव हनूमान् जाम्बवानपि । अङ्गदो युवराजश्च तारश्च वनगोचरः ॥ 50.6 ॥

maindaśca dvividaścaiva hanūmān jāmbavānapi | aṅgado yuvarājaśca tāraśca vanagocaraḥ || 50.6 ||

मैन्द, द्विविद, हनुमान तथा जाम्बवान् भी, युवराज अंगद, और वनचारी तार —

श्लोक 7 (kishkindha.50.7)

गिरिजालावृतान् देशान् मार्गित्वा दक्षिणां दिशम् । विचिन्वन्तस्ततस्तत्र ददृशुर्विवृतं बिलम् ॥ 50.7 ॥

girijālāvṛtān deśān mārgitvā dakṣiṇāṃ diśam | vicinvantastatastatra dadṛśurvivṛtaṃ bilam || 50.7 ||

इन सबने दक्षिण दिशा में, जो पर्वतों के जाल से घिरी हुई थी, खोज करते हुए वहाँ एक चौड़े मुख वाली गुफा देखी,

श्लोक 8 (kishkindha.50.8)

दुर्गमृक्षबिलं नाम दानवेनाभिरक्षितम् । क्षुत्पिपासापरीतास्तु श्रान्तास्तु सलिलार्थिनः ॥ 50.8 ॥

durgamṛkṣabilaṃ nāma dānavenābhirakṣitam | kṣutpipāsāparītāstu śrāntāstu salilārthinaḥ || 50.8 ||

जो ऋक्षबिल नामक दुर्गम गुफा थी, एक दानव द्वारा रक्षित। भूख-प्यास से व्याकुल, थके हुए तथा जल की इच्छा रखते हुए,

श्लोक 9 (kishkindha.50.9)

अवकीर्णं लतावृक्षैर्ददृशुस्ते महाबिलम् । तत्र क्रौञ्चाश्च हंसाश्च सारसाश्चापि निष्क्रमन् ॥ 50.9 ॥

avakīrṇaṃ latāvṛkṣairdadṛśuste mahābilam | tatra krauñcāśca haṃsāśca sārasāścāpi niṣkraman || 50.9 ||

उन्होंने लताओं तथा वृक्षों से आच्छादित उस विशाल गुफा को देखा, जिससे क्रौंच, हंस तथा सारस पक्षी निकल रहे थे,

श्लोक 10 (kishkindha.50.10)

जलार्द्राश्चक्रवाकाश्च रक्ताङ्गाः पद्मरेणुभिः । ततस्तद् बिलमासाद्य सुगन्धि दुरतिक्रमम् ॥ 50.10 ॥

jalārdrāścakravākāśca raktāṅgāḥ padmareṇubhiḥ | tatastad bilamāsādya sugandhi duratikramam || 50.10 ||

तथा जल से भीगे हुए, कमल-पराग से लाल हुए शरीर वाले चक्रवाक पक्षी भी। तत्पश्चात् उस सुगन्धित किन्तु दुर्गम गुफा के पास पहुँचकर,

श्लोक 11 (kishkindha.50.11)

विस्मयव्यग्रमनसो बभूवुर्वानरर्षभाः । संजातपरिशङ्कास्ते तद् बिलं प्लवगोत्तमाः ॥ 50.11 ॥

vismayavyagramanaso babhūvurvānararṣabhāḥ | saṃjātapariśaṅkāste tad bilaṃ plavagottamāḥ || 50.11 ||

वे वानरश्रेष्ठ आश्चर्य से व्याकुल हो उठे; शंकित मन वाले वे उत्तम वानर उस गुफा के निकट,

श्लोक 12 (kishkindha.50.12)

अभ्यपद्यन्त संहृष्टास्तेजोवन्तो महाबलाः । नानासत्त्वसमाकीर्णं दैत्येन्द्रनिलयोपमम् ॥ 50.12 ॥

abhyapadyanta saṃhṛṣṭāstejovanto mahābalāḥ | nānāsattvasamākīrṇaṃ daityendranilayopamam || 50.12 ||

फिर भी प्रसन्न होकर पहुँचे, क्योंकि वे स्वयं तेजस्वी तथा बलवान् थे। वह गुफा नाना प्रकार के प्राणियों से भरी हुई, दैत्यराज के निवास के समान थी,

श्लोक 13 (kishkindha.50.13)

दुर्दर्शमिव घोरं च दुर्विगाह्यं च सर्वशः । ततः पर्वतकूटाभो हनूमान् मारुतात्मजः ॥ 50.13 ॥

durdarśamiva ghoraṃ ca durvigāhyaṃ ca sarvaśaḥ | tataḥ parvatakūṭābho hanūmān mārutātmajaḥ || 50.13 ||

देखने में भयंकर, घोर, तथा किसी भी ओर से थाह न पाने योग्य। तब पर्वत-शिखर के समान तेजस्वी पवनपुत्र हनुमान,

श्लोक 14 (kishkindha.50.14)

अब्रवीद् वानरान् घोरान् कान्तारवनकोविदः । गिरिजालावृतान् देशान् मार्गित्वा दक्षिणां दिशम् ॥ 50.14 ॥

abravīd vānarān ghorān kāntāravanakovidaḥ | girijālāvṛtān deśān mārgitvā dakṣiṇāṃ diśam || 50.14 ||

जो कठिन वन-मार्गों के ज्ञाता थे, उन भयंकर वानरों से बोले: "हमने पर्वतों के जाल से घिरी इस दक्षिण दिशा को खोज लिया है,

श्लोक 15 (kishkindha.50.15)

वयं सर्वे परिश्रान्ता न च पश्याम मैथिलीम् । अस्माच्चापि बिलाद्धंसाः क्रौञ्चाश्च सह सारसैः ॥ 50.15 ॥

vayaṃ sarve pariśrāntā na ca paśyāma maithilīm | asmāccāpi bilāddhaṃsāḥ krauñcāśca saha sārasaiḥ || 50.15 ||

और हम सब अत्यन्त थक चुके हैं, फिर भी हमें मैथिली कहीं नहीं दिखीं। इस गुफा से ही हंस, क्रौंच सारसों के साथ,

श्लोक 16 (kishkindha.50.16)

जलार्द्राश्चक्रवाकाश्च निष्पतन्ति स्म सर्वशः । नूनं सलिलवानत्र कूपो वा यदि वा ह्रदः ॥ 50.16 ॥

jalārdrāścakravākāśca niṣpatanti sma sarvaśaḥ | nūnaṃ salilavānatra kūpo vā yadi vā hradaḥ || 50.16 ||

तथा जल से भीगे चक्रवाक निरन्तर हर ओर से निकल रहे हैं; निश्चय ही यहाँ कोई जलस्रोत होगा, अथवा कोई सरोवर।

श्लोक 17 (kishkindha.50.17)

तथा चेमे बिलद्वारे स्निग्धास्तिष्ठन्ति पादपाः । इत्युक्तास्तद् बिलं सर्वे विविशुस्तिमिरावृतम् ॥ 50.17 ॥

tathā ceme biladvāre snigdhāstiṣṭhanti pādapāḥ | ityuktāstad bilaṃ sarve viviśustimirāvṛtam || 50.17 ||

और देखो, इस गुफा के द्वार पर खड़े ये वृक्ष भी कैसे हरे-भरे हैं।" यह कहते ही वे सब उस अन्धकार से ढकी गुफा में प्रविष्ट हुए।

श्लोक 18 (kishkindha.50.18)

अचन्द्रसूर्यं हरयो ददृशू रोमहर्षणम् । निशाम्य तस्मात् सिंहांश्च तांस्तांश्च मृगपक्षिणः ॥ 50.18 ॥

acandrasūryaṃ harayo dadṛśū romaharṣaṇam | niśāmya tasmāt siṃhāṃśca tāṃstāṃśca mṛgapakṣiṇaḥ || 50.18 ||

उन वानरों ने उसे चन्द्र-सूर्य के प्रकाश से रहित, रोंगटे खड़े कर देने वाला पाया; उसमें से निकलते सिंहों तथा विविध पशु-पक्षियों को देखकर,

श्लोक 19 (kishkindha.50.19)

प्रविष्टा हरिशार्दूला बिलं तिमिरसंवृतम् । न तेषां सज्जते दृष्टिर्न तेजो न पराक्रमः ॥ 50.19 ॥

praviṣṭā hariśārdūlā bilaṃ timirasaṃvṛtam | na teṣāṃ sajjate dṛṣṭirna tejo na parākramaḥ || 50.19 ||

वे व्याघ्रतुल्य वानर फिर भी अन्धकार से आच्छादित उस गुफा में प्रविष्ट हुए; तथापि न उनकी दृष्टि, न तेज, न पराक्रम बाधित हुआ —

श्लोक 20 (kishkindha.50.20)

वायोरिव गतिस्तेषां दृष्टिस्तमसि वर्तते । ते प्रविष्टास्तु वेगेन तद् बिलं कपिकुञ्जराः ॥ 50.20 ॥

vāyoriva gatisteṣāṃ dṛṣṭistamasi vartate | te praviṣṭāstu vegena tad bilaṃ kapikuñjarāḥ || 50.20 ||

उनकी गति वायु के समान थी, और अन्धकार में भी उनकी दृष्टि स्पष्ट बनी रही। वे गजतुल्य वानर उस गुफा में वेग से प्रविष्ट होकर,

श्लोक 21 (kishkindha.50.21)

प्रकाशं चाभिरामं च ददृशुर्देशमुत्तमम् । ततस्तस्मिन् बिले भीमे नानापादपसंकुले ॥ 50.21 ॥

prakāśaṃ cābhirāmaṃ ca dadṛśurdeśamuttamam | tatastasmin bile bhīme nānāpādapasaṃkule || 50.21 ||

शीघ्र ही एक उज्ज्वल तथा रमणीय, अत्युत्तम प्रदेश देखने लगे। फिर उस भयंकर, नाना वृक्षों से भरी गुफा में,

श्लोक 22 (kishkindha.50.22)

अन्योन्यं सम्परिष्वज्य जग्मुर्योजनमन्तरम् । ते नष्टसंज्ञास्तृषिताः सम्भ्रान्ताः सलिलार्थिनः ॥ 50.22 ॥

anyonyaṃ sampariṣvajya jagmuryojanamantaram | te naṣṭasaṃjñāstṛṣitāḥ sambhrāntāḥ salilārthinaḥ || 50.22 ||

एक-दूसरे का हाथ थामे हुए वे लगभग एक योजन दूरी तक आगे बढ़े; अपनी सुध-बुध खोये, प्यासे तथा घबराये हुए वे केवल जल चाहते थे।

श्लोक 23 (kishkindha.50.23)

परिपेतुर्बिले तस्मिन् कंचित् कालमतन्द्रिताः । ते कृशा दीनवदनाः परिश्रान्ताः प्लवङ्गमाः ॥ 50.23 ॥

paripeturbile tasmin kaṃcit kālamatandritāḥ | te kṛśā dīnavadanāḥ pariśrāntāḥ plavaṅgamāḥ || 50.23 ||

कुछ समय तक वे उस गुफा में बिना थके भटकते रहे, यद्यपि वे वानर अब क्षीण, उदास मुख वाले तथा अत्यन्त थके हुए हो गये थे।

श्लोक 24 (kishkindha.50.24)

आलोकं ददृशुर्वीरा निराशा जीविते यदा । ततस्तं देशमागम्य सौम्या वितिमिरं वनम् ॥ 50.24 ॥

ālokaṃ dadṛśurvīrā nirāśā jīvite yadā | tatastaṃ deśamāgamya saumyā vitimiraṃ vanam || 50.24 ||

जब उन वीरों ने जीवन की आशा लगभग छोड़ दी थी, तभी उन्हें एक प्रकाश दिखायी दिया; और उस स्थान पर पहुँचकर उन्होंने एक शान्त, छायाहीन वन देखा।

श्लोक 25 (kishkindha.50.25)

ददृशुः काञ्चनान् वृक्षान् दीप्तवैश्वानरप्रभान् । सालांस्तालांस्तमालांश्च पुंनागान् वञ्जुलान् धवान् ॥ 50.25 ॥

dadṛśuḥ kāñcanān vṛkṣān dīptavaiśvānaraprabhān | sālāṃstālāṃstamālāṃśca puṃnāgān vañjulān dhavān || 50.25 ||

उन्होंने प्रज्वलित अग्नि के समान चमकते सुवर्ण-वृक्ष देखे — साल, ताल तथा तमाल के वृक्ष, पुन्नाग, वंजुल तथा धव के वृक्ष,

श्लोक 26 (kishkindha.50.26)

चम्पकान् नागवृक्षांश्च कर्णिकारांश्च पुष्पितान् । स्तबकैः काञ्चनैश्चित्रै रक्तैः किसलयैस्तथा ॥ 50.26 ॥

campakān nāgavṛkṣāṃśca karṇikārāṃśca puṣpitān | stabakaiḥ kāñcanaiścitrai raktaiḥ kisalayaistathā || 50.26 ||

चम्पक, नाग-वृक्ष तथा पुष्पित कर्णिकार के वृक्ष, जो सुवर्ण के अद्भुत पुष्प-गुच्छों तथा लाल कोमल पत्तों से सुशोभित थे,

श्लोक 27 (kishkindha.50.27)

आपीडैश्च लताभिश्च हेमाभरणभूषितान् । तरुणादित्यसंकाशान् वैदूर्यमयवेदिकान् ॥ 50.27 ॥

āpīḍaiśca latābhiśca hemābharaṇabhūṣitān | taruṇādityasaṃkāśān vaidūryamayavedikān || 50.27 ||

लताओं तथा पुष्प-मुकुटों से मानो सुवर्ण-आभूषणों से अलंकृत, उदीयमान सूर्य के समान चमकते, वैदूर्यमणि की वेदियों पर खड़े,

श्लोक 28 (kishkindha.50.28)

बिभ्राजमानान् वपुषा पादपांश्च हिरण्मयान् । नीलवैदूर्यवर्णाश्च पद्मिनीः पतगैर्वृताः ॥ 50.28 ॥

bibhrājamānān vapuṣā pādapāṃśca hiraṇmayān | nīlavaidūryavarṇāśca padminīḥ patagairvṛtāḥ || 50.28 ||

वे सुवर्णमय वृक्ष अपनी कान्ति से जगमगा रहे थे; और नील वैदूर्यमणि के रंग के कमलों वाले सरोवर, पक्षियों से भरे हुए —

श्लोक 29 (kishkindha.50.29)

महद्भिः काञ्चनैर्वृक्षैर्वृता बालार्कसंनिभैः । जातरूपमयैर्मत्स्यैर्महद्भिश्चाथ पङ्कजैः ॥ 50.29 ॥

mahadbhiḥ kāñcanairvṛkṣairvṛtā bālārkasaṃnibhaiḥ | jātarūpamayairmatsyairmahadbhiścātha paṅkajaiḥ || 50.29 ||

उदीयमान सूर्य के समान महान् सुवर्ण-वृक्षों से घिरे, उनमें विशाल सुवर्णमय मछलियाँ तथा बड़े-बड़े कमल थे —

श्लोक 30 (kishkindha.50.30)

नलिनीस्तत्र ददृशुः प्रसन्नसलिलायुताः । काञ्चनानि विमानानि राजतानि तथैव च ॥ 50.30 ॥

nalinīstatra dadṛśuḥ prasannasalilāyutāḥ | kāñcanāni vimānāni rājatāni tathaiva ca || 50.30 ||

वहाँ उन्होंने निर्मल जल से भरे कमल-सरोवर देखे; तथा सुवर्ण के भवन, और उसी प्रकार रजत के भी,

श्लोक 31 (kishkindha.50.31)

तपनीयगवाक्षाणि मुक्ताजालावृतानि च । हैमराजतभौमानि वैदूर्यमणिमन्ति च ॥ 50.31 ॥

tapanīyagavākṣāṇi muktājālāvṛtāni ca | haimarājatabhaumāni vaidūryamaṇimanti ca || 50.31 ||

सुवर्ण की जालीदार खिड़कियाँ मोतियों की लड़ियों से आच्छादित, उनके फर्श सोने-चाँदी के, तथा सर्वत्र वैदूर्यमणि से जड़े हुए।

श्लोक 32 (kishkindha.50.32)

ददृशुस्तत्र हरयो गृहमुख्यानि सर्वशः । पुष्पितान् फलिनो वृक्षान् प्रवालमणिसंनिभान् ॥ 50.32 ॥

dadṛśustatra harayo gṛhamukhyāni sarvaśaḥ | puṣpitān phalino vṛkṣān pravālamaṇisaṃnibhān || 50.32 ||

वहाँ वानरों ने चारों ओर ऐसे भव्य भवन देखे, तथा पुष्पित एवं फलों से लदे वृक्ष, जो मूँगे तथा मणियों के समान प्रतीत होते थे,

श्लोक 33 (kishkindha.50.33)

काञ्चनभ्रमरांश्चैव मधूनि च समन्ततः । मणिकाञ्चनचित्राणि शयनान्यासनानि च ॥ 50.33 ॥

kāñcanabhramarāṃścaiva madhūni ca samantataḥ | maṇikāñcanacitrāṇi śayanānyāsanāni ca || 50.33 ||

तथा चारों ओर सुवर्णमय भौंरे और मधु भी; और मणि-सुवर्ण से अद्भुत रूप से बनी शय्याएँ तथा आसन भी,

श्लोक 34 (kishkindha.50.34)

विविधानि विशालानि ददृशुस्ते समन्ततः । हैमराजतकांस्यानां भाजनानां च राशयः ॥ 50.34 ॥

vividhāni viśālāni dadṛśuste samantataḥ | haimarājatakāṃsyānāṃ bhājanānāṃ ca rāśayaḥ || 50.34 ||

वे सब प्रकार की, विशाल संख्या में चारों ओर देखते गये; तथा सोने, चाँदी और काँसे के बर्तनों के ढेर,

श्लोक 35 (kishkindha.50.35)

अगुरूणां च दिव्यानां चन्दनानां च संचयान् । शुचीन्यभ्यवहाराणि मूलानि च फलानि च ॥ 50.35 ॥

agurūṇāṃ ca divyānāṃ candanānāṃ ca saṃcayān | śucīnyabhyavahārāṇi mūlāni ca phalāni ca || 50.35 ||

दिव्य अगुरु तथा चन्दन के संचित भण्डार, और पवित्र, शुद्ध भोज्य पदार्थ, कन्द-मूल तथा फल भी।

श्लोक 36 (kishkindha.50.36)

महार्हाणि च पानानि मधूनि रसवन्ति च । दिव्यानामम्बराणां च महार्हाणां च संचयान् ॥ 50.36 ॥

mahārhāṇi ca pānāni madhūni rasavanti ca | divyānāmambarāṇāṃ ca mahārhāṇāṃ ca saṃcayān || 50.36 ||

उन्होंने बहुमूल्य पेय पदार्थ, तथा स्वादिष्ट मधु, और दिव्य, बहुमूल्य वस्त्रों के भण्डार भी देखे,

श्लोक 37 (kishkindha.50.37)

कम्बलानां च चित्राणामजिनानां च संचयान् । तत्र तत्र च विन्यस्तान् दीप्तान् वैश्वानरप्रभान् ॥ 50.37 ॥

kambalānāṃ ca citrāṇāmajinānāṃ ca saṃcayān | tatra tatra ca vinyastān dīptān vaiśvānaraprabhān || 50.37 ||

तथा अद्भुत कम्बलों और मृगचर्मों के भण्डार भी; और जहाँ-तहाँ रखे हुए, प्रज्वलित अग्नि के समान चमकते सुवर्ण के ढेर —

श्लोक 38 (kishkindha.50.38)

ददृशुर्वानराः शुभ्राञ्जातरूपस्य संचयान् । तत्र तत्र विचिन्वन्तो बिले तत्र महाप्रभाः ॥ 50.38 ॥

dadṛśurvānarāḥ śubhrāñjātarūpasya saṃcayān | tatra tatra vicinvanto bile tatra mahāprabhāḥ || 50.38 ||

उन तेजस्वी वानरों ने शुद्ध, निर्मल सुवर्ण के ढेर देखे, जब वे उस अत्यन्त तेजोमय गुफा में जहाँ-तहाँ खोज कर रहे थे।

श्लोक 39 (kishkindha.50.39)

ददृशुर्वानराः शूराः स्त्रियं कांचिददूरतः । तां च ते ददृशुस्तत्र चीरकृष्णाजिनाम्बराम् ॥ 50.39 ॥

dadṛśurvānarāḥ śūrāḥ striyaṃ kāṃcidadūrataḥ | tāṃ ca te dadṛśustatra cīrakṛṣṇājināmbarām || 50.39 ||

तभी उन वीर वानरों ने कुछ ही दूरी पर एक स्त्री को देखा; और उन्होंने देखा कि वह वल्कल तथा काले मृगचर्म के वस्त्र पहने हुई थी,

श्लोक 40 (kishkindha.50.40)

तापसीं नियताहारां ज्वलन्तीमिव तेजसा । विस्मिता हरयस्तत्र व्यवतिष्ठन्त सर्वशः । पप्रच्छ हनुमांस्तत्र कासि त्वं कस्य वा बिलम् ॥ 50.40 ॥

tāpasīṃ niyatāhārāṃ jvalantīmiva tejasā | vismitā harayastatra vyavatiṣṭhanta sarvaśaḥ | papraccha hanumāṃstatra kāsi tvaṃ kasya vā bilam || 50.40 ||

एक तपस्विनी, संयमित आहार वाली, मानो अपने ही तेज से प्रज्वलित हो रही थी। वहाँ वानर चकित होकर सब ओर स्थिर खड़े रह गये; और हनुमान ने उससे पूछा, "आप कौन हैं, और यह गुफा किसकी है?"

श्लोक 41 (kishkindha.50.41)

ततो हनूमान् गिरिसंनिकाशः कृताञ्जलिस्तामभिवाद्य वृद्धाम् । पप्रच्छ का त्वं भवनं बिलं च रत्नानि चेमानि वदस्व कस्य ॥ 50.41 ॥

tato hanūmān girisaṃnikāśaḥ kṛtāñjalistāmabhivādya vṛddhām | papraccha kā tvaṃ bhavanaṃ bilaṃ ca ratnāni cemāni vadasva kasya || 50.41 ||

तब पर्वत के समान महाकाय हनुमान ने हाथ जोड़कर उस वृद्धा को प्रणाम करते हुए पुनः पूछा, "आप कौन हैं? यह भवन, यह गुफा, तथा ये रत्न किसके हैं — कृपया बताइये।"