गुफा से मुक्ति

श्लोक 1 (kishkindha.52.1)

अथ तानब्रवीत् सर्वान् विश्रान्तान् हरियूथपान् । इदं वचनमेकाग्रा तापसी धर्मचारिणी ॥ 52.1 ॥

atha tānabravīt sarvān viśrāntān hariyūthapān | idaṃ vacanamekāgrā tāpasī dharmacāriṇī || 52.1 ||

तब उन सब विश्राम कर चुके वानर-यूथपतियों से एकाग्रचित्त, धर्मपरायण उस तपस्विनी ने यह वचन कहा —

श्लोक 2 (kishkindha.52.2)

वानरा यदि वः खेदः प्रणष्टः फलभक्षणात् । यदि चैतन्मया श्राव्यं श्रोतुमिच्छामि तां कथाम् ॥ 52.2 ॥

vānarā yadi vaḥ khedaḥ praṇaṣṭaḥ phalabhakṣaṇāt | yadi caitanmayā śrāvyaṃ śrotumicchāmi tāṃ kathām || 52.2 ||

'हे वानरो! यदि फल खाने से तुम्हारी थकान मिट गई हो, और यदि वह मेरे सुनने योग्य हो, तो मैं तुम्हारी वह कथा सुनना चाहती हूँ।'

श्लोक 3 (kishkindha.52.3)

तस्यास्तद् वचनं श्रुत्वा हनूमान् मारुतात्मजः । आर्जवेन यथातत्त्वमाख्यातुमुपचक्रमे ॥ 52.3 ॥

tasyāstad vacanaṃ śrutvā hanūmān mārutātmajaḥ | ārjavena yathātattvamākhyātumupacakrame || 52.3 ||

उसका यह वचन सुनकर पवनपुत्र हनुमान सरलतापूर्वक यथार्थ रूप से सारा वृत्तांत कहने लगे।

श्लोक 4 (kishkindha.52.4)

राजा सर्वस्य लोकस्य महेन्द्रवरुणोपमः । रामो दाशरथिः श्रीमान् प्रविष्टो दण्डकावनम् ॥ 52.4 ॥

rājā sarvasya lokasya mahendravaruṇopamaḥ | rāmo dāśarathiḥ śrīmān praviṣṭo daṇḍakāvanam || 52.4 ||

समस्त संसार के राजा, इन्द्र और वरुण के समान तेजस्वी, दशरथनन्दन श्रीमान् राम दण्डकवन में प्रविष्ट हुए,

श्लोक 5 (kishkindha.52.5)

लक्ष्मणेन सह भ्रात्रा वैदेह्या सह भार्यया । तस्य भार्या जनस्थानाद् रावणेन हृता बलात् ॥ 52.5 ॥

lakṣmaṇena saha bhrātrā vaidehyā saha bhāryayā | tasya bhāryā janasthānād rāvaṇena hṛtā balāt || 52.5 ||

अपने भाई लक्ष्मण तथा पत्नी वैदेही के साथ। उनकी उस पत्नी को रावण ने जनस्थान से बलपूर्वक हर लिया।

श्लोक 6 (kishkindha.52.6)

वीरस्तस्य सखा राज्ञः सुग्रीवो नाम वानरः । राजा वानरमुख्यानां येन प्रस्थापिता वयम् ॥ 52.6 ॥

vīrastasya sakhā rājñaḥ sugrīvo nāma vānaraḥ | rājā vānaramukhyānāṃ yena prasthāpitā vayam || 52.6 ||

उस राजा का मित्र सुग्रीव नामक एक वीर वानर है, जो वानरों का राजा है, जिसने हमें भेजा है।

श्लोक 7 (kishkindha.52.7)

अगस्त्यचरितामाशां दक्षिणां यमरक्षिताम् । सहैभिर्वानरैर्मुख्यैरङ्गदप्रमुखैर्वयम् ॥ 52.7 ॥

agastyacaritāmāśāṃ dakṣiṇāṃ yamarakṣitām | sahaibhirvānarairmukhyairaṅgadapramukhairvayam || 52.7 ||

हम अंगद के नेतृत्व में इन प्रमुख वानरों के साथ, अगस्त्य मुनि द्वारा विचरित तथा यमराज द्वारा रक्षित दक्षिण दिशा में,

श्लोक 8 (kishkindha.52.8)

रावणं सहिताः सर्वे राक्षसं कामरूपिणम् । सीतया सह वैदेह्या मार्गध्वमिति चोदिताः ॥ 52.8 ॥

rāvaṇaṃ sahitāḥ sarve rākṣasaṃ kāmarūpiṇam | sītayā saha vaidehyā mārgadhvamiti coditāḥ || 52.8 ||

—यह आदेश पाकर भेजे गए कि 'तुम सब मिलकर इच्छानुसार रूप धारण करने वाले राक्षस रावण को तथा वैदेही सीता को खोजो।'

श्लोक 9 (kishkindha.52.9)

विचित्य तु वनं सर्वं समुद्रं दक्षिणां दिशम् । वयं बुभुक्षिताः सर्वे वृक्षमूलमुपाश्रिताः ॥ 52.9 ॥

vicitya tu vanaṃ sarvaṃ samudraṃ dakṣiṇāṃ diśam | vayaṃ bubhukṣitāḥ sarve vṛkṣamūlamupāśritāḥ || 52.9 ||

सारे वन, समुद्र और दक्षिण दिशा को खोजकर हम सब भूख से व्याकुल होकर एक वृक्ष के नीचे जा बैठे।

श्लोक 10 (kishkindha.52.10)

विवर्णवदनाः सर्वे सर्वे ध्यानपरायणाः । नाधिगच्छामहे पारं मग्नाश्चिन्तामहार्णवे ॥ 52.10 ॥

vivarṇavadanāḥ sarve sarve dhyānaparāyaṇāḥ | nādhigacchāmahe pāraṃ magnāścintāmahārṇave || 52.10 ||

सबके मुख उदास हो गए, सब ध्यानमग्न होकर बैठ गए; चिन्ता के महासागर में डूबे हुए हमें कोई किनारा नहीं मिल रहा था।

श्लोक 11 (kishkindha.52.11)

चारयन्तस्ततश्चक्षुर्दृष्टवन्तो महद् बिलम् । लतापादपसंछन्नं तिमिरेण समावृतम् ॥ 52.11 ॥

cārayantastataścakṣurdṛṣṭavanto mahad bilam | latāpādapasaṃchannaṃ timireṇa samāvṛtam || 52.11 ||

तब चारों ओर दृष्टि दौड़ाते हुए हमने लताओं और वृक्षों से ढकी, अंधकार से आच्छादित एक विशाल गुफा देखी।

श्लोक 12 (kishkindha.52.12)

अस्माद्धंसा जलक्लिन्नाः पक्षैः सलिलरेणुभिः । कुरराः सारसाश्चैव निष्पतन्ति पतत्त्रिणः ॥ 52.12 ॥

asmāddhaṃsā jalaklinnāḥ pakṣaiḥ salilareṇubhiḥ | kurarāḥ sārasāścaiva niṣpatanti patattriṇaḥ || 52.12 ||

उसमें से जल की बूंदों से भीगे हुए पंखों वाले हंस, कुरर पक्षी और सारस आदि उड़ते हुए बाहर निकल रहे थे।

श्लोक 13 (kishkindha.52.13)

साध्वत्र प्रविशामेति मया तूक्ताः प्लवङ्गमाः । तेषामपि हि सर्वेषामनुमानमुपागतम् ॥ 52.13 ॥

sādhvatra praviśāmeti mayā tūktāḥ plavaṅgamāḥ | teṣāmapi hi sarveṣāmanumānamupāgatam || 52.13 ||

मैंने वानरों से कहा, 'यहाँ प्रवेश करना उचित होगा,' और उन सबने भी इसी बात का अनुमोदन किया।

श्लोक 14 (kishkindha.52.14)

अस्मिन् निपतिताः सर्वेऽप्यथ कार्यत्वरान्विताः । ततो गाढं निपतिता गृह्य हस्तैः परस्परम् ॥ 52.14 ॥

asmin nipatitāḥ sarve'pyatha kāryatvarānvitāḥ | tato gāḍhaṃ nipatitā gṛhya hastaiḥ parasparam || 52.14 ||

तब कार्य की शीघ्रता से प्रेरित होकर हम सब एक-दूसरे के हाथ कसकर पकड़े हुए उस गुफा में कूद पड़े।

श्लोक 15 (kishkindha.52.15)

इदं प्रविष्टाः सहसा बिलं तिमिरसंवृतम् । एतन्नः कार्यमेतेन कृत्येन वयमागताः ॥ 52.15 ॥

idaṃ praviṣṭāḥ sahasā bilaṃ timirasaṃvṛtam | etannaḥ kāryametena kṛtyena vayamāgatāḥ || 52.15 ||

हम अचानक अंधकार से घिरी इस गुफा में प्रविष्ट हो गए; यही हमारा कार्य है, और इसी प्रयोजन से हम यहाँ आए हैं।

श्लोक 16 (kishkindha.52.16)

त्वां चैवोपगताः सर्वे परिद्यूना बुभुक्षिताः । आतिथ्यधर्मदत्तानि मूलानि च फलानि च ॥ 52.16 ॥

tvāṃ caivopagatāḥ sarve paridyūnā bubhukṣitāḥ | ātithyadharmadattāni mūlāni ca phalāni ca || 52.16 ||

और हम सब थके-मांदे, भूखे तुम्हारे पास आ पहुँचे; आतिथ्य-धर्म के अनुसार तुमने जो कंद-मूल और फल दिए,

श्लोक 17 (kishkindha.52.17)

अस्माभिरुपयुक्तानि बुभुक्षापरिपीडितैः । यत् त्वया रक्षिताः सर्वे म्रियमाणा बुभुक्षया ॥ 52.17 ॥

asmābhirupayuktāni bubhukṣāparipīḍitaiḥ | yat tvayā rakṣitāḥ sarve mriyamāṇā bubhukṣayā || 52.17 ||

—भूख से पीड़ित होकर हमने उन्हें ग्रहण किया; और चूंकि भूख से मरते हुए हम सबकी तुमने रक्षा की है,

श्लोक 18 (kishkindha.52.18)

ब्रूहि प्रत्युपकारार्थं किं ते कुर्वन्तु वानराः । एवमुक्ता तु सर्वज्ञा वानरैस्तैः स्वयंप्रभा ॥ 52.18 ॥

brūhi pratyupakārārthaṃ kiṃ te kurvantu vānarāḥ | evamuktā tu sarvajñā vānaraistaiḥ svayaṃprabhā || 52.18 ||

—इस उपकार के बदले बताओ कि ये वानर तुम्हारे लिए क्या करें।' वानरों द्वारा इस प्रकार कहे जाने पर सर्वज्ञ स्वयंप्रभा ने,

श्लोक 19 (kishkindha.52.19)

प्रत्युवाच ततः सर्वानिदं वानरयूथपान् । सर्वेषां परितुष्टास्मि वानराणां तरस्विनाम् ॥ 52.19 ॥

pratyuvāca tataḥ sarvānidaṃ vānarayūthapān | sarveṣāṃ parituṣṭāsmi vānarāṇāṃ tarasvinām || 52.19 ||

उन सब वानर-यूथपतियों को इस प्रकार उत्तर दिया: 'मैं तुम सब वेगवान् वानरों से संतुष्ट हूँ।

श्लोक 20 (kishkindha.52.20)

चरन्त्या मम धर्मेण न कार्यमिह केनचित् । एवमुक्तः शुभं वाक्यं तापस्या धर्मसंहितम् ॥ 52.20 ॥

carantyā mama dharmeṇa na kāryamiha kenacit | evamuktaḥ śubhaṃ vākyaṃ tāpasyā dharmasaṃhitam || 52.20 ||

धर्माचरण करते हुए मुझे यहाँ किसी से कुछ भी अपेक्षित नहीं है।' उस तपस्विनी के इस शुभ और धर्मसंगत वचन को सुनकर,

श्लोक 21 (kishkindha.52.21)

उवाच हनुमान् वाक्यं तामनिन्दितलोचनाम् । शरणं त्वां प्रपन्नाः स्मः सर्वे वै धर्मचारिणीम् ॥ 52.21 ॥

uvāca hanumān vākyaṃ tāmaninditalocanām | śaraṇaṃ tvāṃ prapannāḥ smaḥ sarve vai dharmacāriṇīm || 52.21 ||

—हनुमान ने उन निर्दोष नयनों वाली धर्मपरायणा से यह वचन कहा: 'हे धर्मचारिणी! हम सब तुम्हारी शरण में आए हैं।

श्लोक 22 (kishkindha.52.22)

यः कृतः समयोऽस्मासु सुग्रीवेण महात्मना । स तु कालो व्यतिक्रान्तो बिले च परिवर्तताम् ॥ 52.22 ॥

yaḥ kṛtaḥ samayo'smāsu sugrīveṇa mahātmanā | sa tu kālo vyatikrānto bile ca parivartatām || 52.22 ||

महात्मा सुग्रीव ने हमारे लिए जो समय-सीमा निश्चित की थी, वह तो बीत चुकी है, और हम इस गुफा में ही भटकते रह गए।

श्लोक 23 (kishkindha.52.23)

सा त्वमस्माद् बिलादस्मानुत्तारयितुमर्हसि । तस्मात् सुग्रीववचनादतिक्रान्तान् गतायुषः ॥ 52.23 ॥

sā tvamasmād bilādasmānuttārayitumarhasi | tasmāt sugrīvavacanādatikrāntān gatāyuṣaḥ || 52.23 ||

अतः तुम्हें हमें इस गुफा से बाहर निकालना चाहिए; क्योंकि सुग्रीव की समय-सीमा से आगे बढ़ जाने के कारण हमारा जीवन संकट में पड़ गया है।

श्लोक 24 (kishkindha.52.24)

त्रातुमर्हसि नः सर्वान् सुग्रीवभयशङ्कितान् । महच्च कार्यमस्माभिः कर्तव्यं धर्मचारिणि ॥ 52.24 ॥

trātumarhasi naḥ sarvān sugrīvabhayaśaṅkitān | mahacca kāryamasmābhiḥ kartavyaṃ dharmacāriṇi || 52.24 ||

हे धर्मचारिणि! सुग्रीव के भय से आशंकित हम सबकी तुम रक्षा करो; और अभी हमें एक महान कार्य भी पूरा करना है।

श्लोक 25 (kishkindha.52.25)

तच्चापि न कृतं कार्यमस्माभिरिह वासिभिः । एवमुक्ता हनुमता तापसी वाक्यमब्रवीत् ॥ 52.25 ॥

taccāpi na kṛtaṃ kāryamasmābhiriha vāsibhiḥ | evamuktā hanumatā tāpasī vākyamabravīt || 52.25 ||

और यहाँ रहते हुए वह कार्य भी हमसे अब तक नहीं हो सका है।' हनुमान द्वारा इस प्रकार कहे जाने पर उस तपस्विनी ने यह वचन कहा —

श्लोक 26 (kishkindha.52.26)

जीवता दुष्करं मन्ये प्रविष्टेन निवर्तितुम् । तपसः सुप्रभावेण नियमोपार्जितेन च ॥ 52.26 ॥

jīvatā duṣkaraṃ manye praviṣṭena nivartitum | tapasaḥ suprabhāveṇa niyamopārjitena ca || 52.26 ||

'मैं समझती हूँ कि यहाँ प्रवेश करने के बाद जीवित लौटना अत्यंत कठिन है। तथापि नियमपूर्वक अर्जित अपनी तपस्या के प्रभाव से,

श्लोक 27 (kishkindha.52.27)

सर्वानेव बिलादस्मात् तारयिष्यामि वानरान् । निमीलयत चक्षूंषि सर्वे वानरपुङ्गवाः ॥ 52.27 ॥

sarvāneva bilādasmāt tārayiṣyāmi vānarān | nimīlayata cakṣūṃṣi sarve vānarapuṅgavāḥ || 52.27 ||

—मैं तुम सब वानरों को इस गुफा से पार करा दूँगी। हे वानरश्रेष्ठो! तुम सब अपनी आँखें बंद कर लो।

श्लोक 28 (kishkindha.52.28)

नहि निष्क्रमितुं शक्यमनिमीलितलोचनैः । ततो निमीलिताः सर्वे सुकुमाराङ्गुलैः करैः ॥ 52.28 ॥

nahi niṣkramituṃ śakyamanimīlitalocanaiḥ | tato nimīlitāḥ sarve sukumārāṅgulaiḥ karaiḥ || 52.28 ||

क्योंकि आँखें खुली रहने पर बाहर निकलना संभव नहीं है।' तब सबने अपनी कोमल अंगुलियों वाले हाथों से,

श्लोक 29 (kishkindha.52.29)

सहसा पिदधुर्दृष्टिं हृष्टा गमनकांक्षया । वानरास्तु महात्मानो हस्तरुद्धमुखास्तदा ॥ 52.29 ॥

sahasā pidadhurdṛṣṭiṃ hṛṣṭā gamanakāṃkṣayā | vānarāstu mahātmāno hastaruddhamukhāstadā || 52.29 ||

—अपनी दृष्टि को ढक लिया, प्रस्थान की उत्कंठा से प्रसन्न होकर; और तब वे महान् वानर अपने हाथों से मुख ढके हुए,

श्लोक 30 (kishkindha.52.30)

निमेषान्तरमात्रेण बिलादुत्तारितास्तया । उवाच सर्वांस्तांस्तत्र तापसी धर्मचारिणी ॥ 52.30 ॥

nimeṣāntaramātreṇa bilāduttāritāstayā | uvāca sarvāṃstāṃstatra tāpasī dharmacāriṇī || 52.30 ||

—उसके द्वारा पलक झपकते ही गुफा से बाहर निकाल दिए गए। वहाँ उस धर्मपरायण तपस्विनी ने उन सबसे कहा,

श्लोक 31 (kishkindha.52.31)

निःसृतान् विषमात् तस्मात् समाश्वास्येदमब्रवीत् । एष विन्ध्यो गिरिः श्रीमान् नानाद्रुमलतायुतः ॥ 52.31 ॥

niḥsṛtān viṣamāt tasmāt samāśvāsyedamabravīt | eṣa vindhyo giriḥ śrīmān nānādrumalatāyutaḥ || 52.31 ||

—उस विकट स्थान से बाहर निकले हुए उन्हें सांत्वना देकर उसने यह कहा: 'यह अनेक वृक्षों और लताओं से युक्त श्रीमान् विंध्य पर्वत है।

श्लोक 32 (kishkindha.52.32)

एष प्रस्रवणः शैलः सागरोऽयं महोदधिः । स्वस्ति वोऽस्तु गमिष्यामि भवनं वानरर्षभाः । इत्युक्त्वा तद् बिलं श्रीमत् प्रविवेश स्वयंप्रभा ॥ 52.32 ॥

eṣa prasravaṇaḥ śailaḥ sāgaro'yaṃ mahodadhiḥ | svasti vo'stu gamiṣyāmi bhavanaṃ vānararṣabhāḥ | ityuktvā tad bilaṃ śrīmat praviveśa svayaṃprabhā || 52.32 ||

यह प्रस्रवण पर्वत है, और यह विशाल महासागर है। हे वानरश्रेष्ठो! तुम्हारा कल्याण हो; अब मैं अपने भवन को लौटती हूँ।' ऐसा कहकर स्वयंप्रभा उस श्रीमान् गुफा में पुनः प्रविष्ट हो गई।