अंगद का विषाद

श्लोक 1 (kishkindha.53.1)

ततस्ते ददृशुर्घोरं सागरं वरुणालयम् । अपारमभिगर्जन्तं घोरैरूर्मिभिराकुलम् ॥ 53.1 ॥

tataste dadṛśurghoraṃ sāgaraṃ varuṇālayam | apāramabhigarjantaṃ ghorairūrmibhirākulam || 53.1 ||

तब उन्होंने वरुण के आवासस्थल उस भयंकर समुद्र को देखा, जो अपार था, गर्जना कर रहा था और भयानक लहरों से व्याकुल था।

श्लोक 2 (kishkindha.53.2)

मयस्य मायाविहितं गिरिदुर्गं विचिन्वताम् । तेषां मासो व्यतिक्रान्तो यो राज्ञा समयः कृतः ॥ 53.2 ॥

mayasya māyāvihitaṃ giridurgaṃ vicinvatām | teṣāṃ māso vyatikrānto yo rājñā samayaḥ kṛtaḥ || 53.2 ||

मय के द्वारा माया से रचित उस पर्वत-दुर्ग को खोजते हुए उनका वह एक मास बीत गया, जो राजा (सुग्रीव) ने समय-सीमा के रूप में निर्धारित किया था।

श्लोक 3 (kishkindha.53.3)

विन्ध्यस्य तु गिरेः पादे सम्प्रपुष्पितपादपे । उपविश्य महात्मानश्चिन्तामापेदिरे तदा ॥ 53.3 ॥

vindhyasya tu gireḥ pāde samprapuṣpitapādape | upaviśya mahātmānaścintāmāpedire tadā || 53.3 ||

तब पूर्णतः पुष्पित वृक्षों से युक्त विन्ध्य पर्वत की तलहटी में बैठकर वे महान् वानर चिन्ता में पड़ गए।

श्लोक 4 (kishkindha.53.4)

ततः पुष्पातिभाराग्राँल्लताशतसमावृतान् । द्रुमान् वासन्तिकान् दृष्ट्वा बभूवुर्भयशङ्किताः ॥ 53.4 ॥

tataḥ puṣpātibhārāgrā~llatāśatasamāvṛtān | drumān vāsantikān dṛṣṭvā babhūvurbhayaśaṅkitāḥ || 53.4 ||

फिर फूलों के भार से झुकी हुई शाखाओं वाले तथा सैकड़ों लताओं से आच्छादित वसंतकालीन वृक्षों को देखकर वे भयभीत हो उठे।

श्लोक 5 (kishkindha.53.5)

ते वसन्तमनुप्राप्तं प्रतिवेद्य परस्परम् । नष्टसंदेशकालार्था निपेतुर्धरणीतले ॥ 53.5 ॥

te vasantamanuprāptaṃ prativedya parasparam | naṣṭasaṃdeśakālārthā nipeturdharaṇītale || 53.5 ||

आपस में यह जानकर कि वसंत ऋतु आ चुकी है और उनके कार्य-सन्देश का समय बीत गया है, वे पृथ्वी पर गिर पड़े।

श्लोक 6 (kishkindha.53.6)

ततस्तान् कपिवृद्धांश्च शिष्टांश्चैव वनौकसः । वाचा मधुरयाऽऽभाष्य यथावदनुमान्य च ॥ 53.6 ॥

tatastān kapivṛddhāṃśca śiṣṭāṃścaiva vanaukasaḥ | vācā madhurayā''bhāṣya yathāvadanumānya ca || 53.6 ||

तब उन वृद्ध वानरों तथा अन्य विनम्र वनवासी वानरों को मधुर वाणी से संबोधित कर तथा यथोचित रीति से आश्वस्त करके,

श्लोक 7 (kishkindha.53.7)

स तु सिंहर्षभस्कन्धः पीनायतभुजः कपिः । युवराजो महाप्राज्ञ अङ्गदो वाक्यमब्रवीत् ॥ 53.7 ॥

sa tu siṃharṣabhaskandhaḥ pīnāyatabhujaḥ kapiḥ | yuvarājo mahāprājña aṅgado vākyamabravīt || 53.7 ||

—सिंह और वृषभ के समान कंधों वाले, हृष्ट-पुष्ट और लंबी भुजाओं वाले उस युवराज, महाप्राज्ञ अंगद ने यह वचन कहा —

श्लोक 8 (kishkindha.53.8)

शासनात् कपिराजस्य वयं सर्वे विनिर्गताः । मासः पूर्णो बिलस्थानां हरयः किं न बुध्यत ॥ 53.8 ॥

śāsanāt kapirājasya vayaṃ sarve vinirgatāḥ | māsaḥ pūrṇo bilasthānāṃ harayaḥ kiṃ na budhyata || 53.8 ||

'वानरराज की आज्ञा से हम सब यहाँ से निकले थे। गुफा में रहते हुए हमारा पूरा एक महीना बीत चुका है — क्या वानर यह नहीं समझते?

श्लोक 9 (kishkindha.53.9)

वयमाश्वयुजे मासि कालसंख्याव्यवस्थिताः । प्रस्थिताः सोऽपि चातीतः किमतः कार्यमुत्तरम् ॥ 53.9 ॥

vayamāśvayuje māsi kālasaṃkhyāvyavasthitāḥ | prasthitāḥ so'pi cātītaḥ kimataḥ kāryamuttaram || 53.9 ||

हम आश्विन मास में समय की गणना निश्चित करके चले थे; वह भी अब बीत चुका है — अब इसके आगे क्या करना उचित है?

श्लोक 10 (kishkindha.53.10)

भवन्तः प्रत्ययं प्राप्ता नीतिमार्गविशारदाः । हितेष्वभिरता भर्तुर्निसृष्टाः सर्वकर्मसु ॥ 53.10 ॥

bhavantaḥ pratyayaṃ prāptā nītimārgaviśāradāḥ | hiteṣvabhiratā bharturnisṛṣṭāḥ sarvakarmasu || 53.10 ||

आप सब नीति-मार्ग में निपुण, अपने स्वामी के हित में तत्पर तथा समस्त कार्यों में नियुक्त होकर विश्वास प्राप्त कर चुके हैं।

श्लोक 11 (kishkindha.53.11)

कर्मस्वप्रतिमाः सर्वे दिक्षु विश्रुतपौरुषाः । मां पुरस्कृत्य निर्याताः पिङ्गाक्षप्रतिचोदिताः ॥ 53.11 ॥

karmasvapratimāḥ sarve dikṣu viśrutapauruṣāḥ | māṃ puraskṛtya niryātāḥ piṅgākṣapraticoditāḥ || 53.11 ||

कार्यों में अद्वितीय, दिशाओं में विख्यात पराक्रम वाले आप सब सुग्रीव की प्रेरणा से मुझे आगे करके निकले थे।

श्लोक 12 (kishkindha.53.12)

इदानीमकृतार्थानां मर्तव्यं नात्र संशयः । हरिराजस्य संदेशमकृत्वा कः सुखी भवेत् ॥ 53.12 ॥

idānīmakṛtārthānāṃ martavyaṃ nātra saṃśayaḥ | harirājasya saṃdeśamakṛtvā kaḥ sukhī bhavet || 53.12 ||

अब कार्य सिद्ध न होने पर मृत्यु निश्चित है, इसमें कोई संशय नहीं। वानरराज के आदेश को पूरा किए बिना कौन सुखी रह सकता है?

श्लोक 13 (kishkindha.53.13)

अस्मिन्नतीते काले तु सुग्रीवेण कृते स्वयम् । प्रायोपवेशनं युक्तं सर्वेषां च वनौकसाम् ॥ 53.13 ॥

asminnatīte kāle tu sugrīveṇa kṛte svayam | prāyopaveśanaṃ yuktaṃ sarveṣāṃ ca vanaukasām || 53.13 ||

सुग्रीव द्वारा स्वयं निर्धारित की गई यह समय-सीमा बीत जाने पर अब हम सभी वनवासियों के लिए अनशन करके प्राण त्याग देना ही उचित है।

श्लोक 14 (kishkindha.53.14)

तीक्ष्णः प्रकृत्या सुग्रीवः स्वामिभावे व्यवस्थितः । न क्षमिष्यति नः सर्वानपराधकृतो गतान् ॥ 53.14 ॥

tīkṣṇaḥ prakṛtyā sugrīvaḥ svāmibhāve vyavasthitaḥ | na kṣamiṣyati naḥ sarvānaparādhakṛto gatān || 53.14 ||

सुग्रीव स्वभाव से कठोर है और अब स्वामी के पद पर आसीन है; अपराधी होकर लौटे हुए हम सबको वह क्षमा नहीं करेगा।

श्लोक 15 (kishkindha.53.15)

अप्रवृत्तौ च सीतायाः पापमेव करिष्यति । तस्मात् क्षममिहाद्यैव गन्तुं प्रायोपवेशनम् ॥ 53.15 ॥

apravṛttau ca sītāyāḥ pāpameva kariṣyati | tasmāt kṣamamihādyaiva gantuṃ prāyopaveśanam || 53.15 ||

सीता का कोई समाचार न मिलने पर वह हमारे साथ अवश्य ही पापपूर्ण व्यवहार करेगा। अतः आज ही यहाँ अनशन का मार्ग अपनाना उचित है।

श्लोक 16 (kishkindha.53.16)

त्यक्त्वा पुत्रांश्च दारांश्च धनानि च गृहाणि च । ध्रुवं नो हिंसते राजा सर्वान् प्रतिगतानितः ॥ 53.16 ॥

tyaktvā putrāṃśca dārāṃśca dhanāni ca gṛhāṇi ca | dhruvaṃ no hiṃsate rājā sarvān pratigatānitaḥ || 53.16 ||

पुत्रों, पत्नियों, धन और घरों को छोड़कर आए हुए हम सबको यहाँ से लौटने पर राजा निश्चय ही दंड देगा।

श्लोक 17 (kishkindha.53.17)

वधेनाप्रतिरूपेण श्रेयान् मृत्युरिहैव नः । न चाहं यौवराज्येन सुग्रीवेणाभिषेचितः ॥ 53.17 ॥

vadhenāpratirūpeṇa śreyān mṛtyurihaiva naḥ | na cāhaṃ yauvarājyena sugrīveṇābhiṣecitaḥ || 53.17 ||

अनुचित रीति से वध होने की अपेक्षा यहीं मर जाना हमारे लिए श्रेयस्कर है। और मुझे युवराज-पद पर सुग्रीव ने अभिषिक्त नहीं किया था —

श्लोक 18 (kishkindha.53.18)

नरेन्द्रेणाभिषिक्तोऽस्मि रामेणाक्लिष्टकर्मणा । स पूर्वं बद्धवैरो मां राजा दृष्ट्वा व्यतिक्रमम् ॥ 53.18 ॥

narendreṇābhiṣikto'smi rāmeṇākliṣṭakarmaṇā | sa pūrvaṃ baddhavairo māṃ rājā dṛṣṭvā vyatikramam || 53.18 ||

—बल्कि अथक कर्म करने वाले नरेन्द्र राम ने मुझे अभिषिक्त किया है। पहले से मुझसे वैर रखने वाला वह राजा मेरी इस त्रुटि को देखकर,

श्लोक 19 (kishkindha.53.19)

घातयिष्यति दण्डेन तीक्ष्णेन कृतनिश्चयः । किं मे सुहृद्भिर्व्यसनं पश्यद्भिर्जीवितान्तरे । इहैव प्रायमासिष्ये पुण्ये सागररोधसि ॥ 53.19 ॥

ghātayiṣyati daṇḍena tīkṣṇena kṛtaniścayaḥ | kiṃ me suhṛdbhirvyasanaṃ paśyadbhirjīvitāntare | ihaiva prāyamāsiṣye puṇye sāgararodhasi || 53.19 ||

—दृढ़ निश्चय करके मुझे कठोर दंड देकर मरवा डालेगा। मेरे उन मित्रों से क्या लाभ जो केवल जीवन-भर मेरा दुःख देखते रहें? मैं तो इसी पवित्र सागर-तट पर अनशन करके प्राण त्याग दूँगा।

श्लोक 20 (kishkindha.53.20)

एतच्छ्रुत्वा कुमारेण युवराजेन भाषितम् । सर्वे ते वानरश्रेष्ठाः करुणं वाक्यमब्रुवन् ॥ 53.20 ॥

etacchrutvā kumāreṇa yuvarājena bhāṣitam | sarve te vānaraśreṣṭhāḥ karuṇaṃ vākyamabruvan || 53.20 ||

युवराज कुमार अंगद के इन वचनों को सुनकर वे सब श्रेष्ठ वानर करुण स्वर में कहने लगे —

श्लोक 21 (kishkindha.53.21)

तीक्ष्णः प्रकृत्या सुग्रीवः प्रियारक्तश्च राघवः । समीक्ष्याकृतकार्यांस्तु तस्मिंश्च समये गते ॥ 53.21 ॥

tīkṣṇaḥ prakṛtyā sugrīvaḥ priyāraktaśca rāghavaḥ | samīkṣyākṛtakāryāṃstu tasmiṃśca samaye gate || 53.21 ||

'सुग्रीव स्वभाव से कठोर है, और राघव अपनी प्रियतमा में अनुरक्त हैं; यह समय बीत जाने पर हमें कार्य असिद्ध देखकर,

श्लोक 22 (kishkindha.53.22)

अदृष्टायां च वैदेह्यां दृष्ट्वा चैव समागतान् । राघवप्रियकामाय घातयिष्यत्यसंशयम् ॥ 53.22 ॥

adṛṣṭāyāṃ ca vaidehyāṃ dṛṣṭvā caiva samāgatān | rāghavapriyakāmāya ghātayiṣyatyasaṃśayam || 53.22 ||

—वैदेही का कोई पता न चलने पर और हमें लौटा हुआ देखकर, वह राघव को प्रसन्न करने के लिए निःसंदेह हमें मरवा डालेगा।

श्लोक 23 (kishkindha.53.23)

न क्षमं चापराद्धानां गमनं स्वामिपार्श्वतः । प्रधानभूताश्च वयं सुग्रीवस्य समागताः ॥ 53.23 ॥

na kṣamaṃ cāparāddhānāṃ gamanaṃ svāmipārśvataḥ | pradhānabhūtāśca vayaṃ sugrīvasya samāgatāḥ || 53.23 ||

और अपराधी होकर स्वामी के समक्ष जाना भी उचित नहीं है; तथा हम सुग्रीव के साथ आए हुए प्रमुख वानर हैं —

श्लोक 24 (kishkindha.53.24)

इहैव सीतामन्वीक्ष्य प्रवृत्तिमुपलभ्य वा । नो चेद् गच्छाम तं वीरं गमिष्यामो यमक्षयम् ॥ 53.24 ॥

ihaiva sītāmanvīkṣya pravṛttimupalabhya vā | no ced gacchāma taṃ vīraṃ gamiṣyāmo yamakṣayam || 53.24 ||

—अतः या तो यहीं सीता को खोज निकालेंगे अथवा उनका समाचार प्राप्त करेंगे; और यदि उस वीर के पास नहीं जा सकते, तो यमलोक को चले जाएँगे।'

श्लोक 25 (kishkindha.53.25)

प्लवङ्गमानां तु भयार्दितानां श्रुत्वा वचस्तार इदं बभाषे । अलं विषादेन बिलं प्रविश्य वसाम सर्वे यदि रोचते वः ॥ 53.25 ॥

plavaṅgamānāṃ tu bhayārditānāṃ śrutvā vacastāra idaṃ babhāṣe | alaṃ viṣādena bilaṃ praviśya vasāma sarve yadi rocate vaḥ || 53.25 ||

किन्तु भय से पीड़ित उन वानरों के वचन सुनकर तार ने यह कहा: 'अब विषाद छोड़ो; यदि तुम्हें रुचे तो हम सब उस गुफा में प्रवेश करके वहीं निवास करें।

श्लोक 26 (kishkindha.53.26)

इदं हि मायाविहितं सुदुर्गमं प्रभूतवृक्षोदकभोज्यपेयम् । इहास्ति नो नैव भयं पुरंदरान्न राघवाद् वानरराजतोऽपि वा ॥ 53.26 ॥

idaṃ hi māyāvihitaṃ sudurgamaṃ prabhūtavṛkṣodakabhojyapeyam | ihāsti no naiva bhayaṃ puraṃdarānna rāghavād vānararājato'pi vā || 53.26 ||

क्योंकि माया से रचा हुआ यह स्थान अत्यंत दुर्गम है, तथा प्रचुर वृक्ष, जल, भोजन और पेय से युक्त है; यहाँ हमें न तो इंद्र से, न राघव से और न ही वानरराज से कोई भय है।'

श्लोक 27 (kishkindha.53.27)

श्रुत्वाङ्गदस्यापि वचोऽनुकूलमूचुश्च सर्वे हरयः प्रतीताः । यथा न हन्येम तथा विधानमसक्तमद्यैव विधीयतां नः ॥ 53.27 ॥

śrutvāṅgadasyāpi vaco'nukūlamūcuśca sarve harayaḥ pratītāḥ | yathā na hanyema tathā vidhānamasaktamadyaiva vidhīyatāṃ naḥ || 53.27 ||

अंगद के भी इस अनुकूल वचन को सुनकर सभी वानर प्रसन्न होकर बोले: 'ऐसी युक्ति अभी बिना विलंब किए हमारे लिए बनाई जाए, जिससे हम मारे न जाएँ।'