अंगद का प्राणत्याग-संकल्प

श्लोक 1 (kishkindha.55.1)

श्रुत्वा हनुमतो वाक्यं प्रश्रितं धर्मसंहितम् । स्वामिसत्कारसंयुक्तमङ्गदो वाक्यमब्रवीत् ॥ 55.1 ॥

śrutvā hanumato vākyaṃ praśritaṃ dharmasaṃhitam | svāmisatkārasaṃyuktamaṅgado vākyamabravīt || 55.1 ||

हनुमान के विनम्र, धर्मसंगत तथा स्वामी के प्रति सम्मान से युक्त वचन सुनकर अंगद ने यह कहा —

श्लोक 2 (kishkindha.55.2)

स्थैर्यमात्ममनःशौचमानृशंस्यमथार्जवम् । विक्रमश्चैव धैर्यं च सुग्रीवे नोपपद्यते ॥ 55.2 ॥

sthairyamātmamanaḥśaucamānṛśaṃsyamathārjavam | vikramaścaiva dhairyaṃ ca sugrīve nopapadyate || 55.2 ||

'स्थिरता, अपने मन की शुद्धता, निष्ठुरता का अभाव और सरलता — तथा साथ ही पराक्रम और धैर्य — ये सब सुग्रीव में नहीं पाए जाते।

श्लोक 3 (kishkindha.55.3)

भ्रातुर्ज्येष्ठस्य यो भार्यां जीवतो महिषीं प्रियाम् । धर्मेण मातरं यस्तु स्वीकरोति जुगुप्सितः ॥ 55.3 ॥

bhrāturjyeṣṭhasya yo bhāryāṃ jīvato mahiṣīṃ priyām | dharmeṇa mātaraṃ yastu svīkaroti jugupsitaḥ || 55.3 ||

जो अपने बड़े भाई के जीवित रहते हुए ही उसकी प्रिय पटरानी को, जो धर्मानुसार माता के समान माननीय थी, स्वीकार कर लेता है — वह घृणित है।

श्लोक 4 (kishkindha.55.4)

कथं स धर्मं जानीते येन भ्रात्रा दुरात्मना । युद्धायाभिनियुक्तेन बिलस्य पिहितं मुखम् ॥ 55.4 ॥

kathaṃ sa dharmaṃ jānīte yena bhrātrā durātmanā | yuddhāyābhiniyuktena bilasya pihitaṃ mukham || 55.4 ||

वह धर्म को कैसे जानता है, जिस दुरात्मा भाई ने युद्ध के लिए भीतर भेजकर गुफा का द्वार ही बंद कर दिया था?

श्लोक 5 (kishkindha.55.5)

सत्यात् पाणिगृहीतश्च कृतकर्मा महायशाः । विस्मृतो राघवो येन स कस्य सुकृतं स्मरेत् ॥ 55.5 ॥

satyāt pāṇigṛhītaśca kṛtakarmā mahāyaśāḥ | vismṛto rāghavo yena sa kasya sukṛtaṃ smaret || 55.5 ||

जिसने सत्यनिष्ठ, अपना वचन निभाने वाले तथा महायशस्वी राघव को ही भुला दिया, वह भला किसके उपकार को याद रखेगा?

श्लोक 6 (kishkindha.55.6)

लक्ष्मणस्य भयेनेह नाधर्मभयभीरुणा । आदिष्टा मार्गितुं सीता धर्मस्तस्मिन् कथं भवेत् ॥ 55.6 ॥

lakṣmaṇasya bhayeneha nādharmabhayabhīruṇā | ādiṣṭā mārgituṃ sītā dharmastasmin kathaṃ bhavet || 55.6 ||

यहाँ सीता को खोजने का आदेश उसने अधर्म के भय से नहीं, अपितु लक्ष्मण के भय से दिया — तो उसमें धर्म कहाँ है?

श्लोक 7 (kishkindha.55.7)

तस्मिन् पापे कृतघ्ने तु स्मृतिभिन्ने चलात्मनि । आर्यः को विश्वसेज्जातु तत्कुलीनो विशेषतः ॥ 55.7 ॥

tasmin pāpe kṛtaghne tu smṛtibhinne calātmani | āryaḥ ko viśvasejjātu tatkulīno viśeṣataḥ || 55.7 ||

ऐसे पापी, कृतघ्न, विस्मरणशील और चंचल-चित्त पुरुष पर कौन सज्जन विश्वास करेगा, विशेषकर मेरे जैसा कुलीन?

श्लोक 8 (kishkindha.55.8)

राज्ये पुत्रः प्रतिष्ठाप्यः सगुणो निर्गुणोऽपि वा । कथं शत्रुकुलीनं मां सुग्रीवो जीवयिष्यति ॥ 55.8 ॥

rājye putraḥ pratiṣṭhāpyaḥ saguṇo nirguṇo'pi vā | kathaṃ śatrukulīnaṃ māṃ sugrīvo jīvayiṣyati || 55.8 ||

पुत्र चाहे गुणवान हो या निर्गुण, वही राज्य में प्रतिष्ठित किए जाने योग्य होता है; फिर सुग्रीव मुझ शत्रु-कुल में उत्पन्न को जीवित कैसे रहने देगा?

श्लोक 9 (kishkindha.55.9)

भिन्नमन्त्रोऽपराद्धश्च हीनशक्तिः कथं ह्यहम् । किष्किन्धां प्राप्य जीवेयमनाथ इव दुर्बलः ॥ 55.9 ॥

bhinnamantro'parāddhaśca hīnaśaktiḥ kathaṃ hyaham | kiṣkindhāṃ prāpya jīveyamanātha iva durbalaḥ || 55.9 ||

गुप्त मंत्रणा भंग होने पर, अपराधी बनकर तथा शक्तिहीन होकर मैं अनाथ के समान दुर्बल बनकर किष्किंधा पहुँचकर कैसे जीवित रह सकूँगा?

श्लोक 10 (kishkindha.55.10)

उपांशुदण्डेन हि मां बन्धनेनोपपादयेत् । शठः क्रूरो नृशंसश्च सुग्रीवो राज्यकारणात् ॥ 55.10 ॥

upāṃśudaṇḍena hi māṃ bandhanenopapādayet | śaṭhaḥ krūro nṛśaṃsaśca sugrīvo rājyakāraṇāt || 55.10 ||

क्योंकि वह धूर्त, क्रूर और निर्दयी सुग्रीव राज्य के कारण मुझे गुप्त दंड देकर बंधन में डाल देगा।

श्लोक 11 (kishkindha.55.11)

बन्धनाच्चावसादान्मे श्रेयः प्रायोपवेशनम् । अनुजानन्तु मां सर्वे गृहं गच्छन्तु वानराः ॥ 55.11 ॥

bandhanāccāvasādānme śreyaḥ prāyopaveśanam | anujānantu māṃ sarve gṛhaṃ gacchantu vānarāḥ || 55.11 ||

बंधन और अपमान से तो मेरे लिए अनशन करके प्राण त्याग देना ही श्रेयस्कर है। आप सब मुझे अनुमति दें; वानरगण अपने घर लौट जाएँ।

श्लोक 12 (kishkindha.55.12)

अहं वः प्रतिजानामि न गमिष्याम्यहं पुरीम् । इहैव प्रायमासिष्ये श्रेयो मरणमेव मे ॥ 55.12 ॥

ahaṃ vaḥ pratijānāmi na gamiṣyāmyahaṃ purīm | ihaiva prāyamāsiṣye śreyo maraṇameva me || 55.12 ||

मैं तुम्हें प्रतिज्ञा करता हूँ कि मैं नगर को नहीं जाऊँगा। मैं यहीं अनशन करूँगा; मेरे लिए मरण ही श्रेयस्कर है।

श्लोक 13 (kishkindha.55.13)

अभिवादनपूर्वं तु राजा कुशलमेव च । अभिवादनपूर्वं तु राघवौ बलशालिनौ ॥ 55.13 ॥

abhivādanapūrvaṃ tu rājā kuśalameva ca | abhivādanapūrvaṃ tu rāghavau balaśālinau || 55.13 ||

मेरा प्रणामपूर्वक कुशल-समाचार राजा को पहुँचाना; तथा प्रणामपूर्वक बलशाली दोनों राघवों को भी।

श्लोक 14 (kishkindha.55.14)

वाच्यस्तातो यवीयान् मे सुग्रीवो वानरेश्वरः । आरोग्यपूर्वं कुशलं वाच्या माता रुमा च मे ॥ 55.14 ॥

vācyastāto yavīyān me sugrīvo vānareśvaraḥ | ārogyapūrvaṃ kuśalaṃ vācyā mātā rumā ca me || 55.14 ||

मेरे चाचा, वानरेश्वर सुग्रीव से यह कहा जाए; तथा मेरी माता और रुमा को कुशल-क्षेम का समाचार पहुँचाया जाए।

श्लोक 15 (kishkindha.55.15)

मातरं चैव मे तारामाश्वासयितुमर्हथ । प्रकृत्या प्रियपुत्रा सा सानुक्रोशा तपस्विनी ॥ 55.15 ॥

mātaraṃ caiva me tārāmāśvāsayitumarhatha | prakṛtyā priyaputrā sā sānukrośā tapasvinī || 55.15 ||

और मेरी माता तारा को सांत्वना देना; वह स्वभाव से अपने पुत्र को अत्यंत प्रिय मानने वाली, दयालु और सहनशील तपस्विनी है।

श्लोक 16 (kishkindha.55.16)

विनष्टमिह मां श्रुत्वा व्यक्तं हास्यति जीवितम् । एतावदुक्त्वा वचनं वृद्धांस्तानभिवाद्य च ॥ 55.16 ॥

vinaṣṭamiha māṃ śrutvā vyaktaṃ hāsyati jīvitam | etāvaduktvā vacanaṃ vṛddhāṃstānabhivādya ca || 55.16 ||

मुझे यहाँ मृत सुनकर वह निश्चय ही अपने प्राण त्याग देगी।' इतना कहकर तथा उन वृद्ध वानरों को प्रणाम करके,

श्लोक 17 (kishkindha.55.17)

विवेश चाङ्गदो भूमौ रुदन् दर्भेषु दुर्मनाः । तस्य संविशतस्तत्र रुदन्तो वानरर्षभाः ॥ 55.17 ॥

viveśa cāṅgado bhūmau rudan darbheṣu durmanāḥ | tasya saṃviśatastatra rudanto vānararṣabhāḥ || 55.17 ||

—अंगद रोते हुए, उदास मन से कुश के बिछौने पर पृथ्वी पर लेट गया। उसे वहाँ लेटा देखकर वे वानरश्रेष्ठ भी रोते हुए —

श्लोक 18 (kishkindha.55.18)

नयनेभ्यः प्रमुमुचुरुष्णं वै वारि दुःखिताः । सुग्रीवं चैव निन्दन्तः प्रशंसन्तश्च वालिनम् ॥ 55.18 ॥

nayanebhyaḥ pramumucuruṣṇaṃ vai vāri duḥkhitāḥ | sugrīvaṃ caiva nindantaḥ praśaṃsantaśca vālinam || 55.18 ||

—दुःख से अपनी आँखों से गरम आँसू बहाने लगे, सुग्रीव की निंदा करते हुए और वालि की प्रशंसा करते हुए।

श्लोक 19 (kishkindha.55.19)

परिवार्याङ्गदं सर्वे व्यवसन् प्रायमासितुम् । तद् वाक्यं वालिपुत्रस्य विज्ञाय प्लवगर्षभाः ॥ 55.19 ॥

parivāryāṅgadaṃ sarve vyavasan prāyamāsitum | tad vākyaṃ vāliputrasya vijñāya plavagarṣabhāḥ || 55.19 ||

अंगद को घेरकर सब वानरों ने अनशन में बैठने का निश्चय किया; वालि-पुत्र के इस वचन को समझकर वे वानरश्रेष्ठ,

श्लोक 20 (kishkindha.55.20)

उपस्पृश्योदकं सर्वे प्राङ्मुखाः समुपाविशन् । दक्षिणाग्रेषु दर्भेषु उदक्तीरं समाश्रिताः ॥ 55.20 ॥

upaspṛśyodakaṃ sarve prāṅmukhāḥ samupāviśan | dakṣiṇāgreṣu darbheṣu udaktīraṃ samāśritāḥ || 55.20 ||

—जल का स्पर्श करके सब पूर्वाभिमुख होकर बैठ गए, दक्षिणाग्र कुशों पर उत्तर तट का आश्रय लेकर।

श्लोक 21 (kishkindha.55.21)

मुमूर्षवो हरिश्रेष्ठा एतत् क्षममिति स्म ह । रामस्य वनवासं च क्षयं दशरथस्य च ॥ 55.21 ॥

mumūrṣavo hariśreṣṭhā etat kṣamamiti sma ha | rāmasya vanavāsaṃ ca kṣayaṃ daśarathasya ca || 55.21 ||

मरने का निश्चय किए हुए वे श्रेष्ठ वानर इसे उचित मान बैठे। वे स्मरण करने लगे राम के वनवास को, दशरथ की मृत्यु को,

श्लोक 22 (kishkindha.55.22)

जनस्थानवधं चैव वधं चैव जटायुषः । हरणं चैव वैदेह्या वालिनश्च वधं तथा । रामकोपं च वदतां हरीणां भयमागतम् ॥ 55.22 ॥

janasthānavadhaṃ caiva vadhaṃ caiva jaṭāyuṣaḥ | haraṇaṃ caiva vaidehyā vālinaśca vadhaṃ tathā | rāmakopaṃ ca vadatāṃ harīṇāṃ bhayamāgatam || 55.22 ||

—जनस्थान के वध को, जटायु की मृत्यु को, वैदेही के हरण को तथा वालि के वध को भी। और राम के कोप की चर्चा करते हुए वानरों में भय व्याप्त हो गया।

श्लोक 23 (kishkindha.55.23)

स संविशद्भिर्बहुभिर्महीधरो महाद्रिकूटप्रमितैः प्लवंगमैः । बभूव संनादितनिर्दरान्तरो भृशं नदद्भिर्जलदैरिवाम्बरम् ॥ 55.23 ॥

sa saṃviśadbhirbahubhirmahīdharo mahādrikūṭapramitaiḥ plavaṃgamaiḥ | babhūva saṃnāditanirdarāntaro bhṛśaṃ nadadbhirjaladairivāmbaram || 55.23 ||

उस पर्वत पर लेटे हुए अनेक वानरों से, जो मानो महापर्वत के शिखरों के समान थे, उसकी कंदराएँ प्रतिध्वनित हो उठीं, मानो गरजते हुए मेघों से आकाश गूँज उठा हो।