सम्पाति को जटायु-वध का समाचार

श्लोक 1 (kishkindha.56.1)

उपविष्टास्तु ते सर्वे यस्मिन् प्रायं गिरिस्थले। हरयो गृध्रराजश्च तं देशमुपचक्रमे ॥ 56.1 ॥

upaviṣṭāstu te sarve yasmin prāyaṃ giristhale| harayo gṛdhrarājaśca taṃ deśamupacakrame || 56.1 ||

जिस पर्वत के समतल स्थान पर वे सभी वानर प्राणत्याग हेतु बैठे थे, वहाँ गृध्रराज पहुँचा।

श्लोक 2 (kishkindha.56.2)

सम्पातिर्नाम नाम्ना तु चिरजीवी विहंगमः। भ्राता जटायुषः श्रीमान् विख्यातबलपौरुषः ॥ 56.2 ॥

sampātirnāma nāmnā tu cirajīvī vihaṃgamaḥ| bhrātā jaṭāyuṣaḥ śrīmān vikhyātabalapauruṣaḥ || 56.2 ||

सम्पाति नामक वह चिरजीवी पक्षी जटायु का श्रीमान् भ्राता था, जो अपने बल और पराक्रम के लिये विख्यात था।

श्लोक 3 (kishkindha.56.3)

कन्दरादभिनिष्क्रम्य स विन्ध्यस्य महागिरेः। उपविष्टान् हरीन् दृष्ट्वा हृष्टात्मा गिरमब्रवीत् ॥ 56.3 ॥

kandarādabhiniṣkramya sa vindhyasya mahāgireḥ| upaviṣṭān harīn dṛṣṭvā hṛṣṭātmā giramabravīt || 56.3 ||

विन्ध्य महापर्वत की कन्दरा से बाहर निकलकर, बैठे हुए वानरों को देखकर, वह प्रसन्नचित्त होकर बोला—

श्लोक 4 (kishkindha.56.4)

विधिः किल नरं लोके विधानेनानुवर्तते। यथायं विहितो भक्ष्यश्चिरान्मह्यमुपागतः ॥ 56.4 ॥

vidhiḥ kila naraṃ loke vidhānenānuvartate| yathāyaṃ vihito bhakṣyaścirānmahyamupāgataḥ || 56.4 ||

"निश्चय ही इस संसार में विधाता अपने विधान के अनुसार मनुष्य का अनुसरण करता है; देखो, यह भोजन जो चिरकाल से मेरे लिये नियत था, आज मुझे प्राप्त हुआ है।

श्लोक 5 (kishkindha.56.5)

परम्पराणां भक्षिष्ये वानराणां मृतं मृतम्। उवाचैतद् वचः पक्षी तान् निरीक्ष्य प्लवंगमान् ॥ 56.5 ॥

paramparāṇāṃ bhakṣiṣye vānarāṇāṃ mṛtaṃ mṛtam| uvācaitad vacaḥ pakṣī tān nirīkṣya plavaṃgamān || 56.5 ||

मैं इन वानरों को एक-एक करके, जैसे-जैसे ये मरते जायेंगे, खाऊँगा।" उन कूदने वाले वानरों को देखकर उस पक्षी ने यह वचन कहा।

श्लोक 6 (kishkindha.56.6)

तस्य तद् वचनं श्रुत्वा भक्ष्यलुब्धस्य पक्षिणः। अङ्गदः परमायस्तो हनूमन्तमथाब्रवीत् ॥ 56.6 ॥

tasya tad vacanaṃ śrutvā bhakṣyalubdhasya pakṣiṇaḥ| aṅgadaḥ paramāyasto hanūmantamathābravīt || 56.6 ||

भक्षण के लोभी उस पक्षी का यह वचन सुनकर, अत्यन्त व्याकुल हुए अंगद ने हनुमान से कहा—

श्लोक 7 (kishkindha.56.7)

पश्य सीतापदेशेन साक्षाद् वैवस्वतो यमः। इमं देशमनुप्राप्तो वानराणां विपत्तये ॥ 56.7 ॥

paśya sītāpadeśena sākṣād vaivasvato yamaḥ| imaṃ deśamanuprāpto vānarāṇāṃ vipattaye || 56.7 ||

"देखो, सीता के बहाने से मानो साक्षात् सूर्यपुत्र यमराज ही वानरों के विनाश हेतु इस स्थान पर आ पहुँचे हैं।

श्लोक 8 (kishkindha.56.8)

रामस्य न कृतं कार्यं न कृतं राजशासनम्। हरीणामियमज्ञाता विपत्तिः सहसाऽऽगता ॥ 56.8 ॥

rāmasya na kṛtaṃ kāryaṃ na kṛtaṃ rājaśāsanam| harīṇāmiyamajñātā vipattiḥ sahasā''gatā || 56.8 ||

न तो हमने राम का कार्य पूर्ण किया, न राजा की आज्ञा का पालन किया; और अब वानरों पर यह अनजानी विपत्ति अकस्मात् आ पड़ी है।

श्लोक 9 (kishkindha.56.9)

वैदेह्याः प्रियकामेन कृतं कर्म जटायुषा। गृध्रराजेन यत् तत्र श्रुतं वस्तदशेषतः ॥ 56.9 ॥

vaidehyāḥ priyakāmena kṛtaṃ karma jaṭāyuṣā| gṛdhrarājena yat tatra śrutaṃ vastadaśeṣataḥ || 56.9 ||

वैदेही का प्रिय करने की इच्छा से गृध्रराज जटायु ने जो कर्म किया, वह सब तुमने पूरी तरह सुन ही लिया है।

श्लोक 10 (kishkindha.56.10)

तथा सर्वाणि भूतानि तिर्यग्योनिगतान्यपि। प्रियं कुर्वन्ति रामस्य त्यक्त्वा प्राणान् यथा वयम् ॥ 56.10 ॥

tathā sarvāṇi bhūtāni tiryagyonigatānyapi| priyaṃ kurvanti rāmasya tyaktvā prāṇān yathā vayam || 56.10 ||

उसी प्रकार पशु-पक्षी योनि में उत्पन्न सभी प्राणी भी अपने प्राणों का त्याग करके राम का प्रिय करते हैं, जैसे हम कर रहे हैं।

श्लोक 11 (kishkindha.56.11)

अन्योन्यमुपकुर्वन्ति स्नेहकारुण्ययन्त्रिताः। ततस्तस्योपकारार्थं त्यजतात्मानमात्मना ॥ 56.11 ॥

anyonyamupakurvanti snehakāruṇyayantritāḥ| tatastasyopakārārthaṃ tyajatātmānamātmanā || 56.11 ||

स्नेह और करुणा से बँधे हुए वे एक-दूसरे की सहायता करते हैं; अतः उन्हीं के उपकार के लिये अपने आपको अपने ही हाथों त्याग दो।

श्लोक 12 (kishkindha.56.12)

प्रियं कृतं हि रामस्य धर्मज्ञेन जटायुषा। राघवार्थे परिश्रान्ता वयं संत्यक्तजीविताः ॥ 56.12 ॥

priyaṃ kṛtaṃ hi rāmasya dharmajñena jaṭāyuṣā| rāghavārthe pariśrāntā vayaṃ saṃtyaktajīvitāḥ || 56.12 ||

धर्मज्ञ जटायु ने राम का प्रिय कार्य पूर्ण कर दिखाया है; हम भी राघव के हित में परिश्रम करते-करते थक चुके हैं और अपने प्राणों की परवाह त्याग चुके हैं।

श्लोक 13 (kishkindha.56.13)

कान्ताराणि प्रपन्नाः स्म न च पश्याम मैथिलीम्। स सुखी गृध्रराजस्तु रावणेन हतो रणे। मुक्तश्च सुग्रीवभयाद् गतश्च परमां गतिम् ॥ 56.13 ॥

kāntārāṇi prapannāḥ sma na ca paśyāma maithilīm| sa sukhī gṛdhrarājastu rāvaṇena hato raṇe| muktaśca sugrīvabhayād gataśca paramāṃ gatim || 56.13 ||

हमने दुर्गम वनों में भटककर भी मैथिली को नहीं देखा। वह गृध्रराज तो सुखी ही है, जो युद्ध में रावण के हाथों मारा गया, और सुग्रीव के भय से भी मुक्त होकर परम गति को प्राप्त हुआ।

श्लोक 14 (kishkindha.56.14)

जटायुषो विनाशेन राज्ञो दशरथस्य च। हरणेन च वैदेह्याः संशयं हरयो गताः ॥ 56.14 ॥

jaṭāyuṣo vināśena rājño daśarathasya ca| haraṇena ca vaidehyāḥ saṃśayaṃ harayo gatāḥ || 56.14 ||

जटायु के विनाश से, राजा दशरथ की मृत्यु से, और वैदेही के हरण से — वानर सब भाँति संशय में पड़ गये हैं।

श्लोक 15 (kishkindha.56.15)

रामलक्ष्मणयोर्वासमरण्ये सह सीतया। राघवस्य च बाणेन वालिनश्च तथा वधः ॥ 56.15 ॥

rāmalakṣmaṇayorvāsamaraṇye saha sītayā| rāghavasya ca bāṇena vālinaśca tathā vadhaḥ || 56.15 ||

सीता के साथ राम-लक्ष्मण का वन में निवास, राघव के बाण से वालि का वध —

श्लोक 16 (kishkindha.56.16)

रामकोपादशेषाणां रक्षसां च तथा वधम्। कैकेय्या वरदानेन इदं च विकृतं कृतम् ॥ 56.16 ॥

rāmakopādaśeṣāṇāṃ rakṣasāṃ ca tathā vadham| kaikeyyā varadānena idaṃ ca vikṛtaṃ kṛtam || 56.16 ||

राम के क्रोध से समस्त राक्षसों का वध — यह सब विकट कर्म कैकेयी को दिये गये वर के कारण ही घटित हुआ है।

श्लोक 17 (kishkindha.56.17)

तदसुखमनुकीर्तितं वचो भुवि पतितांश्च निरीक्ष्य वानरान्। भृशचकितमतिर्महामतिः कृपणमुदाहृतवान् स गृध्रराजः ॥ 56.17 ॥

tadasukhamanukīrtitaṃ vaco bhuvi patitāṃśca nirīkṣya vānarān| bhṛśacakitamatirmahāmatiḥ kṛpaṇamudāhṛtavān sa gṛdhrarājaḥ || 56.17 ||

भूमि पर गिरे हुए वानरों को देखकर तथा यह दुःखद विलाप-वचन सुनकर, अत्यन्त चकित बुद्धि वाला वह महामति गृध्रराज करुण स्वर में बोल उठा।

श्लोक 18 (kishkindha.56.18)

तत् तु श्रुत्वा तथा वाक्यमङ्गदस्य मुखोद्गतम्। अब्रवीद् वचनं गृध्रस्तीक्ष्णतुण्डो महास्वनः ॥ 56.18 ॥

tat tu śrutvā tathā vākyamaṅgadasya mukhoda‍gatam| abravīd vacanaṃ gṛdhrastīkṣṇatuṇḍo mahāsvanaḥ || 56.18 ||

अंगद के मुख से निकले उस वचन को सुनकर, तीक्ष्ण चोंच और महान् गर्जना वाले उस गृध्र ने यह वचन कहा—

श्लोक 19 (kishkindha.56.19)

कोऽयं गिरा घोषयति प्राणैः प्रियतरस्य मे। जटायुषो वधं भ्रातुः कम्पयन्निव मे मनः ॥ 56.19 ॥

ko'yaṃ girā ghoṣayati prāṇaiḥ priyatarasya me| jaṭāyuṣo vadhaṃ bhrātuḥ kampayanniva me manaḥ || 56.19 ||

"यह कौन है, जो अपने वचन से मेरे प्राणों से भी अधिक प्रिय भाई जटायु के वध की घोषणा करके मानो मेरे मन को कँपा रहा है?

श्लोक 20 (kishkindha.56.20)

कथमासीज्जनस्थाने युद्धं राक्षसगृध्रयोः। नामधेयमिदं भ्रातुश्चिरस्याद्य मया श्रुतम् ॥ 56.20 ॥

kathamāsījjanasthāne yuddhaṃ rākṣasagṛdhrayoḥ| nāmadheyamidaṃ bhrātuścirasyādya mayā śrutam || 56.20 ||

जनस्थान में राक्षस और गृध्र के बीच युद्ध कैसे हुआ? यह अपने भाई का नाम मैंने आज चिरकाल के बाद सुना है।

श्लोक 21 (kishkindha.56.21)

इच्छेयं गिरिदुर्गाच्च भवद्भिरवतारितुम्। यवीयसो गुणज्ञस्य श्लाघनीयस्य विक्रमैः ॥ 56.21 ॥

iccheyaṃ giridurgācca bhavadbhiravatāritum| yavīyaso guṇajñasya ślāghanīyasya vikramaiḥ || 56.21 ||

मैं चाहता हूँ कि आप लोग मुझे इस दुर्गम पर्वत से नीचे उतार दें — अपने गुणज्ञ और प्रशंसनीय पराक्रम वाले छोटे भाई के विषय में सुनकर,

श्लोक 22 (kishkindha.56.22)

अतिदीर्घस्य कालस्य परितुष्टोऽस्मि कीर्तनात्। तदिच्छेयमहं श्रोतुं विनाशं वानरर्षभाः ॥ 56.22 ॥

atidīrghasya kālasya parituṣṭo'smi kīrtanāt| tadiccheyamahaṃ śrotuṃ vināśaṃ vānararṣabhāḥ || 56.22 ||

इतने दीर्घ काल के बाद उसका यह कीर्तन सुनकर मैं संतुष्ट हुआ हूँ; हे वानरश्रेष्ठो, अब मैं उसके विनाश का समाचार सुनना चाहता हूँ।

श्लोक 23 (kishkindha.56.23)

भ्रातुर्जटायुषस्तस्य जनस्थाननिवासिनः। तस्यैव च मम भ्रातुः सखा दशरथः कथम् ॥ 56.23 ॥

bhrāturjaṭāyuṣastasya janasthānanivāsinaḥ| tasyaiva ca mama bhrātuḥ sakhā daśarathaḥ katham || 56.23 ||

जनस्थान में निवास करने वाले मेरे उस भाई जटायु का, और मेरे उसी भाई के मित्र दशरथ का, वह किस प्रकार हुआ?

श्लोक 24 (kishkindha.56.24)

यस्य रामः प्रियः पुत्रो ज्येष्ठो गुरुजनप्रियः। सूर्यांशुदग्धपक्षत्वान्न शक्नोमि विसर्पितुम्। इच्छेयं पर्वतादस्मादवतर्तुमरिंदमाः ॥ 56.24 ॥

yasya rāmaḥ priyaḥ putro jyeṣṭho gurujanapriyaḥ| sūryāṃśudagdhapakṣatvānna śaknomi visarpitum| iccheyaṃ parvatādasmādavatartumariṃdamāḥ || 56.24 ||

जिनके प्रिय पुत्र, गुरुजनों के प्रिय ज्येष्ठ पुत्र राम हैं — सूर्य की किरणों से मेरे पंख जल जाने के कारण मैं उड़ नहीं सकता; हे शत्रुदमन वानरो, मैं इसी पर्वत से नीचे उतरना चाहता हूँ।