अंगद द्वारा सम्पाति को विपत्ति-कथन

श्लोक 1 (kishkindha.57.1)

शोकाद् भ्रष्टस्वरमपि श्रुत्वा वानरयूथपाः। श्रद्दधुर्नैव तद्वाक्यं कर्मणा तस्य शङ्किताः ॥ 57.1 ॥

śokād bhraṣṭasvaramapi śrutvā vānarayūthapāḥ| śraddadhurnaiva tadvākyaṃ karmaṇā tasya śaṅkitāḥ || 57.1 ||

शोक से अवरुद्ध स्वर में कहे गये उस वचन को सुनकर भी, वानर सेनापतियों ने उसके आचरण के कारण आशंकित होकर उस पर विश्वास नहीं किया।

श्लोक 2 (kishkindha.57.2)

ते प्रायमुपविष्टास्तु दृष्ट्वा गृध्रं प्लवंगमाः। चक्रुर्बुद्धिं तदा रौद्रां सर्वान् नो भक्षयिष्यति ॥ 57.2 ॥

te prāyamupaviṣṭāstu dṛṣṭvā gṛdhraṃ plavaṃgamāḥ| cakrurbuddhiṃ tadā raudrāṃ sarvān no bhakṣayiṣyati || 57.2 ||

प्राणत्याग हेतु बैठे उन कूदने वाले वानरों ने गृध्र को देखकर यह भयंकर विचार किया कि यह हम सबको खा जायेगा।

श्लोक 3 (kishkindha.57.3)

सर्वथा प्रायमासीनान् यदि नो भक्षयिष्यति। कृतकृत्या भविष्यामः क्षिप्रं सिद्धिमितो गताः ॥ 57.3 ॥

sarvathā prāyamāsīnān yadi no bhakṣayiṣyati| kṛtakṛtyā bhaviṣyāmaḥ kṣipraṃ siddhimito gatāḥ || 57.3 ||

"यदि यह हमें, जो वैसे भी प्राणत्याग हेतु बैठे हैं, खा भी जाये, तो हम सर्वथा कृतकृत्य ही होंगे — यहीं से शीघ्र ही मुक्ति को प्राप्त हो जायेंगे।"

श्लोक 4 (kishkindha.57.4)

एतां बुद्धिं ततश्चक्रुः सर्वे ते हरियूथपाः। अवतार्य गिरेः शृङ्गाद् गृध्रमाहाङ्गदस्तदा ॥ 57.4 ॥

etāṃ buddhiṃ tataścakruḥ sarve te hariyūthapāḥ| avatārya gireḥ śṛṅgād gṛdhramāhāṅgadastadā || 57.4 ||

तब उन सभी वानर सेनापतियों ने यही विचार किया, और उस गृध्र को पर्वत-शिखर से नीचे उतारकर, अंगद ने उससे कहा—

श्लोक 5 (kishkindha.57.5)

बभूवर्क्षरजो नाम वानरेन्द्रः प्रतापवान्। ममार्यः पार्थिवः पक्षिन् धार्मिकौ तस्य चात्मजौ ॥ 57.5 ॥

babhūvarkṣarajo nāma vānarendraḥ pratāpavān| mamāryaḥ pārthivaḥ pakṣin dhārmikau tasya cātmajau || 57.5 ||

"हे पक्षी! ऋक्षरज नामक एक प्रतापी वानरेन्द्र था — वह मेरा पूज्य पितामह और राजा था, और उसके दो धर्मात्मा पुत्र थे।

श्लोक 6 (kishkindha.57.6)

सुग्रीवश्चैव वाली च पुत्रौ घनबलावुभौ। लोके विश्रुतकर्माभूद् राजा वाली पिता मम ॥ 57.6 ॥

sugrīvaścaiva vālī ca putrau ghanabalāvubhau| loke viśrutakarmābhūd rājā vālī pitā mama || 57.6 ||

सुग्रीव और वालि — दोनों ही अत्यन्त बलशाली। मेरे पिता वालि संसार में अपने कर्मों के लिये विख्यात होकर राजा बने।

श्लोक 7 (kishkindha.57.7)

राजा कृत्स्नस्य जगत इक्ष्वाकूणां महारथः। रामो दाशरथिः श्रीमान् प्रविष्टो दण्डकावनम् ॥ 57.7 ॥

rājā kṛtsnasya jagata ikṣvākūṇāṃ mahārathaḥ| rāmo dāśarathiḥ śrīmān praviṣṭo daṇḍakāvanam || 57.7 ||

इक्ष्वाकुवंशियों में महारथी, समस्त जगत् के राजा, दशरथ के श्रीमान् पुत्र राम दण्डकवन में प्रविष्ट हुए,

श्लोक 8 (kishkindha.57.8)

लक्ष्मणेन सह भ्रात्रा वैदेह्या सह भार्यया। पितुर्निदेशनिरतो धर्मं पन्थानमाश्रितः ॥ 57.8 ॥

lakṣmaṇena saha bhrātrā vaidehyā saha bhāryayā| piturnideśanirato dharmaṃ panthānamāśritaḥ || 57.8 ||

अपने भाई लक्ष्मण तथा पत्नी वैदेही के साथ, पिता की आज्ञा के पालन में तत्पर होकर धर्म के मार्ग का आश्रय लेते हुए।

श्लोक 9 (kishkindha.57.9)

तस्य भार्या जनस्थानाद् रावणेन हृता बलात्। रामस्य तु पितुर्मित्रं जटायुर्नाम गृध्रराट् ॥ 57.9 ॥

tasya bhāryā janasthānād rāvaṇena hṛtā balāt| rāmasya tu piturmitraṃ jaṭāyurnāma gṛdhrarāṭ || 57.9 ||

जनस्थान से रावण द्वारा बलपूर्वक हरी गयी उनकी पत्नी को, राम के पिता के मित्र गृध्रराज जटायु नामक पक्षी ने देखा था —

श्लोक 10 (kishkindha.57.10)

ददर्श सीतां वैदेहीं ह्रियमाणां विहायसा। रावणं विरथं कृत्वा स्थापयित्वा च मैथिलीम्। परिश्रान्तश्च वृद्धश्च रावणेन हतो रणे ॥ 57.10 ॥

dadarśa sītāṃ vaidehīṃ hriyamāṇāṃ vihāyasā| rāvaṇaṃ virathaṃ kṛtvā sthāpayitvā ca maithilīm| pariśrāntaśca vṛddhaśca rāvaṇena hato raṇe || 57.10 ||

वैदेही सीता को आकाश-मार्ग से हरी जाती देखकर, रावण के रथ को नष्ट कर और मैथिली को कुछ काल के लिये बचाकर, वृद्ध और थका हुआ वह युद्ध में रावण के हाथों मारा गया।

श्लोक 11 (kishkindha.57.11)

एवं गृध्रो हतस्तेन रावणेन बलीयसा। संस्कृतश्चापि रामेण जगाम गतिमुत्तमाम् ॥ 57.11 ॥

evaṃ gṛdhro hatastena rāvaṇena balīyasā| saṃskṛtaścāpi rāmeṇa jagāma gatimuttamām || 57.11 ||

इस प्रकार वह गृध्र उस बलशाली रावण द्वारा मारा गया, किन्तु राम द्वारा उसका अन्त्येष्टि-संस्कार किये जाने पर वह परम गति को प्राप्त हुआ।

श्लोक 12 (kishkindha.57.12)

ततो मम पितृव्येण सुग्रीवेण महात्मना। चकार राघवः सख्यं सोऽवधीत् पितरं मम ॥ 57.12 ॥

tato mama pitṛvyeṇa sugrīveṇa mahātmanā| cakāra rāghavaḥ sakhyaṃ so'vadhīt pitaraṃ mama || 57.12 ||

तत्पश्चात् राघव ने मेरे चाचा महात्मा सुग्रीव से मित्रता की, और उसी ने मेरे पिता को मरवा डाला।

श्लोक 13 (kishkindha.57.13)

मम पित्रा निरुद्धो हि सुग्रीवः सचिवैः सह। निहत्य वालिनं रामस्ततस्तमभिषेचयत् ॥ 57.13 ॥

mama pitrā niruddho hi sugrīvaḥ sacivaiḥ saha| nihatya vālinaṃ rāmastatastamabhiṣecayat || 57.13 ||

मेरे पिता ने अपने मंत्रियों सहित सुग्रीव को निकाल बाहर किया था; राम ने वालि का वध करके तत्पश्चात् सुग्रीव का अभिषेक कर दिया।

श्लोक 14 (kishkindha.57.14)

स राज्ये स्थापितस्तेन सुग्रीवो वानरेश्वरः। राजा वानरमुख्यानां तेन प्रस्थापिता वयम् ॥ 57.14 ॥

sa rājye sthāpitastena sugrīvo vānareśvaraḥ| rājā vānaramukhyānāṃ tena prasthāpitā vayam || 57.14 ||

उस वानरेश्वर सुग्रीव को राम ने राज्य पर प्रतिष्ठित किया; वानर-प्रमुखों के उसी राजा ने हमें भेजा है।

श्लोक 15 (kishkindha.57.15)

एवं रामप्रयुक्तास्तु मार्गमाणास्ततस्ततः। वैदेहीं नाधिगच्छामो रात्रौ सूर्यप्रभामिव ॥ 57.15 ॥

evaṃ rāmaprayuktāstu mārgamāṇāstatastataḥ| vaidehīṃ nādhigacchāmo rātrau sūryaprabhāmiva || 57.15 ||

इस प्रकार राम द्वारा नियुक्त होकर, यहाँ-वहाँ खोजते हुए भी हम वैदेही को नहीं पा सके — जैसे रात्रि में सूर्य की प्रभा को कोई नहीं पा सकता।

श्लोक 16 (kishkindha.57.16)

ते वयं दण्डकारण्यं विचित्य सुसमाहिताः। अज्ञानात् तु प्रविष्टाः स्म धरण्या विवृतं बिलम् ॥ 57.16 ॥

te vayaṃ daṇḍakāraṇyaṃ vicitya susamāhitāḥ| ajñānāt tu praviṣṭāḥ sma dharaṇyā vivṛtaṃ bilam || 57.16 ||

बड़ी सावधानी से दण्डकारण्य को छान मारने वाले हम लोग, अनजाने में ही पृथ्वी के एक खुले हुए विवर में प्रविष्ट हो गये।

श्लोक 17 (kishkindha.57.17)

मयस्य मायाविहितं तद् बिलं च विचिन्वताम्। व्यतीतस्तत्र नो मासो यो राज्ञा समयः कृतः ॥ 57.17 ॥

mayasya māyāvihitaṃ tad bilaṃ ca vicinvatām| vyatītastatra no māso yo rājñā samayaḥ kṛtaḥ || 57.17 ||

मय दानव की माया से रचित उस विवर में खोज करते-करते हमारा वह एक महीना बीत गया, जो राजा ने हमारे लिये अवधि निश्चित की थी।

श्लोक 18 (kishkindha.57.18)

ते वयं कपिराजस्य सर्वे वचनकारिणः। कृतां संस्थामतिक्रान्ता भयात् प्रायमुपासिताः ॥ 57.18 ॥

te vayaṃ kapirājasya sarve vacanakāriṇaḥ| kṛtāṃ saṃsthāmatikrāntā bhayāt prāyamupāsitāḥ || 57.18 ||

वानरराज की आज्ञा का पालन करने वाले हम सब लोगों ने निर्धारित अवधि लांघ दी है, और अब भय के मारे हम प्राणत्याग हेतु बैठ गये हैं।

श्लोक 19 (kishkindha.57.19)

क्रुद्धे तस्मिंस्तु काकुत्स्थे सुग्रीवे च सलक्ष्मणे। गतानामपि सर्वेषां तत्र नो नास्ति जीवितम् ॥ 57.19 ॥

kruddhe tasmiṃstu kākutsthe sugrīve ca salakṣmaṇe| gatānāmapi sarveṣāṃ tatra no nāsti jīvitam || 57.19 ||

जब लक्ष्मण-सहित काकुत्स्थ राम और सुग्रीव क्रोधित होंगे, तो वहाँ जाने पर भी हम सबका जीवित रहना संभव नहीं होगा।" इस प्रकार अंगद ने सम्पाति को अपनी विपत्ति सुनायी।