सम्पाति द्वारा सीता का पता बताना

श्लोक 1 (kishkindha.58.1)

इत्युक्तः करुणं वाक्यं वानरैस्त्यक्तजीवितैः। सबाष्पो वानरान् गृध्रः प्रत्युवाच महास्वनः ॥ 58.1 ॥

ityuktaḥ karuṇaṃ vākyaṃ vānaraistyaktajīvitaiḥ| sabāṣpo vānarān gṛdhraḥ pratyuvāca mahāsvanaḥ || 58.1 ||

प्राणत्याग हेतु उद्यत वानरों द्वारा इस प्रकार करुण वचन कहे जाने पर, महान् गर्जना वाला वह गृध्र अश्रुपूर्ण होकर वानरों से बोला—

श्लोक 2 (kishkindha.58.2)

यवीयान् स मम भ्राता जटायुर्नाम वानराः। यमाख्यात हतं युद्धे रावणेन बलीयसा ॥ 58.2 ॥

yavīyān sa mama bhrātā jaṭāyurnāma vānarāḥ| yamākhyāta hataṃ yuddhe rāvaṇena balīyasā || 58.2 ||

"हे वानरो! जिसे युद्ध में बलशाली रावण द्वारा मारा गया कहा जा रहा है, वह जटायु नामक मेरा छोटा भाई है।

श्लोक 3 (kishkindha.58.3)

वृद्धभावादपक्षत्वाच्छृण्वंस्तदपि मर्षये। नहि मे शक्तिरस्त्यद्य भ्रातुर्वैरविमोक्षणे ॥ 58.3 ॥

vṛddhabhāvādapakṣatvācchṛṇvaṃstadapi marṣaye| nahi me śaktirastyadya bhrāturvairavimokṣaṇe || 58.3 ||

यह सुनकर भी, वृद्धावस्था और पंखहीनता के कारण मुझे धैर्य धारण करना पड़ता है; आज मुझमें अपने भाई के वैर का प्रतिकार करने की शक्ति नहीं है।

श्लोक 4 (kishkindha.58.4)

पुरा वृत्रवधे वृत्ते स चाहं च जयैषिणौ। आदित्यमुपयातौ स्वो ज्वलन्तं रश्मिमालिनम् ॥ 58.4 ॥

purā vṛtravadhe vṛtte sa cāhaṃ ca jayaiṣiṇau| ādityamupayātau svo jvalantaṃ raśmimālinam || 58.4 ||

पूर्वकाल में जब वृत्रासुर का वध हुआ था, तब हम दोनों भाई विजय की स्पर्धा करते हुए, ज्वलंत किरणों वाले सूर्य के निकट जा पहुँचे थे।

श्लोक 5 (kishkindha.58.5)

आवृत्याकाशमार्गेण जवेन स्वर्गतौ भृशम्। मध्यं प्राप्ते तु सूर्ये तु जटायुरवसीदति ॥ 58.5 ॥

āvṛtyākāśamārgeṇa javena svargatau bhṛśam| madhyaṃ prāpte tu sūrye tu jaṭāyuravasīdati || 58.5 ||

आकाश-मार्ग को घेरते हुए अत्यंत वेग से हम स्वर्ग की ओर बढ़ते गये; जब सूर्य मध्याह्न में पहुँचा, तब जटायु शिथिल पड़ने लगा।

श्लोक 6 (kishkindha.58.6)

तमहं भ्रातरं दृष्ट्वा सूर्यरश्मिभिरर्दितम्। पक्षाभ्यां छादयामास स्नेहात् परमविह्वलम् ॥ 58.6 ॥

tamahaṃ bhrātaraṃ dṛṣṭvā sūryaraśmibhirarditam| pakṣābhyāṃ chādayāmāsa snehāt paramavihvalam || 58.6 ||

सूर्य की किरणों से पीड़ित और अत्यंत व्याकुल अपने उस भाई को देखकर, मैंने स्नेहवश अपने दोनों पंखों से उसे ढँक दिया।

श्लोक 7 (kishkindha.58.7)

निर्दग्धपत्रः पतितो विन्ध्येऽहं वानरर्षभाः। अहमस्मिन् वसन् भ्रातुः प्रवृत्तिं नोपलक्षये ॥ 58.7 ॥

nirdagdhapatraḥ patito vindhye'haṃ vānararṣabhāḥ| ahamasmin vasan bhrātuḥ pravṛttiṃ nopalakṣaye || 58.7 ||

हे वानरश्रेष्ठो! मेरे पंख पूर्णतः जल गये और मैं विन्ध्य पर्वत पर गिर पड़ा; यहीं रहते हुए मुझे अपने भाई का कोई समाचार नहीं मिल सका।

श्लोक 8 (kishkindha.58.8)

जटायुषस्त्वेवमुक्तो भ्रात्रा सम्पातिना तदा। युवराजो महाप्रज्ञः प्रत्युवाचाङ्गदस्तदा ॥ 58.8 ॥

jaṭāyuṣastvevamukto bhrātrā sampātinā tadā| yuvarājo mahāprajñaḥ pratyuvācāṅgadastadā || 58.8 ||

जटायु के भाई सम्पाति द्वारा इस प्रकार कहे जाने पर, महाप्राज्ञ युवराज अंगद ने उससे फिर कहा—

श्लोक 9 (kishkindha.58.9)

जटायुषो यदि भ्राता श्रुतं ते गदितं मया। आख्याहि यदि जानासि निलयं तस्य रक्षसः ॥ 58.9 ॥

jaṭāyuṣo yadi bhrātā śrutaṃ te gaditaṃ mayā| ākhyāhi yadi jānāsi nilayaṃ tasya rakṣasaḥ || 58.9 ||

"यदि आप जटायु के भाई हैं और मेरी कही हुई बात आपने सुनी है, तो यदि आप जानते हों तो उस राक्षस का निवास-स्थान बताइये,

श्लोक 10 (kishkindha.58.10)

अदीर्घदर्शिनं तं वै रावणं राक्षसाधमम्। अन्तिके यदि वा दूरे यदि जानासि शंस नः ॥ 58.10 ॥

adīrghadarśinaṃ taṃ vai rāvaṇaṃ rākṣasādhamam| antike yadi vā dūre yadi jānāsi śaṃsa naḥ || 58.10 ||

अदूरदर्शी उस अधम राक्षस रावण का स्थान, चाहे वह निकट हो या दूर, यदि आप जानते हों तो हमें बतायें।

श्लोक 11 (kishkindha.58.11)

ततोऽब्रवीन्महातेजा भ्राता ज्येष्ठो जटायुषः। आत्मानुरूपं वचनं वानरान् सम्प्रहर्षयन् ॥ 58.11 ॥

tato'bravīnmahātejā bhrātā jyeṣṭho jaṭāyuṣaḥ| ātmānurūpaṃ vacanaṃ vānarān sampraharṣayan || 58.11 ||

तब जटायु के महातेजस्वी ज्येष्ठ भाई ने, वानरों को अत्यंत हर्षित करने वाला और अपने अनुरूप वचन कहा—

श्लोक 12 (kishkindha.58.12)

निर्दग्धपक्षो गृध्रोऽहं गतवीर्यः प्लवङ्गमाः। वाङ्मात्रेण तु रामस्य करिष्ये साह्यमुत्तमम् ॥ 58.12 ॥

nirdagdhapakṣo gṛdhro'haṃ gatavīryaḥ plavaṅgamāḥ| vāṅmātreṇa tu rāmasya kariṣye sāhyamuttamam || 58.12 ||

"हे कूदने वाले वानरो! मैं पंख जले हुए, पराक्रम-हीन गृध्र हूँ, फिर भी मैं वाणी मात्र से ही राम की उत्तम सहायता करूँगा।

श्लोक 13 (kishkindha.58.13)

जानामि वारुणाँल्लोकान् विष्णोस्त्रैविक्रमानपि। देवासुरविमर्दांश्च ह्यमृतस्य विमन्थनम् ॥ 58.13 ॥

jānāmi vāruṇā~llokān viṣṇostraivikramānapi| devāsuravimardāṃśca hyamṛtasya vimanthanam || 58.13 ||

मैंने वरुण के लोकों को देखा है, विष्णु के त्रिविक्रम को भी देखा है, देवासुरों के भीषण संग्राम को तथा अमृत के मंथन को भी देखा है।

श्लोक 14 (kishkindha.58.14)

रामस्य यदिदं कार्यं कर्तव्यं प्रथमं मया। जरया च हृतं तेजः प्राणाश्च शिथिला मम ॥ 58.14 ॥

rāmasya yadidaṃ kāryaṃ kartavyaṃ prathamaṃ mayā| jarayā ca hṛtaṃ tejaḥ prāṇāśca śithilā mama || 58.14 ||

राम का जो यह कार्य है, वह मुझे सबसे पहले करना चाहिये था; परन्तु वृद्धावस्था ने मेरा तेज हर लिया है, और मेरे प्राण भी शिथिल हो गये हैं।

श्लोक 15 (kishkindha.58.15)

तरुणी रूपसम्पन्ना सर्वाभरणभूषिता। ह्रियमाणा मया दृष्टा रावणेन दुरात्मना ॥ 58.15 ॥

taruṇī rūpasampannā sarvābharaṇabhūṣitā| hriyamāṇā mayā dṛṣṭā rāvaṇena durātmanā || 58.15 ||

मैंने एक तरुणी को, जो रूपसम्पन्न और सब आभूषणों से भूषित थी, दुरात्मा रावण द्वारा हरी जाते हुए देखा था —

श्लोक 16 (kishkindha.58.16)

क्रोशन्ती रामरामेति लक्ष्मणेति च भामिनी। भूषणान्यपविध्यन्ती गात्राणि च विधुन्वती ॥ 58.16 ॥

krośantī rāmarāmeti lakṣmaṇeti ca bhāminī| bhūṣaṇānyapavidhyantī gātrāṇi ca vidhunvatī || 58.16 ||

वह क्रोधित होकर 'राम! राम!' और 'लक्ष्मण!' पुकारती हुई अपने आभूषण फेंकती और अपने अंगों को छटपटाते हुए हिला रही थी।

श्लोक 17 (kishkindha.58.17)

सूर्यप्रभेव शैलाग्रे तस्याः कौशेयमुत्तमम्। असिते राक्षसे भाति यथा वा तडिदम्बुदे ॥ 58.17 ॥

sūryaprabheva śailāgre tasyāḥ kauśeyamuttamam| asite rākṣase bhāti yathā vā taḍidambude || 58.17 ||

पर्वत-शिखर पर सूर्य की आभा के समान, उस काले राक्षस की गोद में उसकी वह उत्तम रेशमी साड़ी ऐसी सुशोभित हो रही थी मानो काले मेघ में बिजली चमक रही हो।

श्लोक 18 (kishkindha.58.18)

तां तु सीतामहं मन्ये रामस्य परिकीर्तनात्। श्रूयतां मे कथयतो निलयं तस्य रक्षसः ॥ 58.18 ॥

tāṃ tu sītāmahaṃ manye rāmasya parikīrtanāt| śrūyatāṃ me kathayato nilayaṃ tasya rakṣasaḥ || 58.18 ||

राम के प्रति उसके बारंबार पुकारने से मैं उसे सीता ही मानता हूँ; अब मुझसे उस राक्षस के निवास-स्थान का वर्णन सुनो।

श्लोक 19 (kishkindha.58.19)

पुत्रो विश्रवसः साक्षाद् भ्राता वैश्रवणस्य च। अध्यास्ते नगरीं लङ्कां रावणो नाम राक्षसः ॥ 58.19 ॥

putro viśravasaḥ sākṣād bhrātā vaiśravaṇasya ca| adhyāste nagarīṃ laṅkāṃ rāvaṇo nāma rākṣasaḥ || 58.19 ||

विश्रवा का साक्षात् पुत्र और वैश्रवण (कुबेर) का भाई, रावण नामक राक्षस लंका नगरी पर शासन करता है।

श्लोक 20 (kishkindha.58.20)

इतो द्वीपे समुद्रस्य सम्पूर्णे शतयोजने। तस्मिँल्लङ्का पुरी रम्या निर्मिता विश्वकर्मणा ॥ 58.20 ॥

ito dvīpe samudrasya sampūrṇe śatayojane| tasmi~llaṅkā purī ramyā nirmitā viśvakarmaṇā || 58.20 ||

यहाँ से समुद्र में पूरे सौ योजन की दूरी पर एक द्वीप है, जिसमें विश्वकर्मा द्वारा निर्मित रम्य लंकापुरी बसी है।

श्लोक 21 (kishkindha.58.21)

जाम्बूनदमयैर्द्वारैश्चित्रैः काञ्चनवेदिकैः। प्रासादैर्हेमवर्णैश्च महद्भिः सुसमाकृता ॥ 58.21 ॥

jāmbūnadamayairdvāraiścitraiḥ kāñcanavedikaiḥ| prāsādairhemavarṇaiśca mahadbhiḥ susamākṛtā || 58.21 ||

स्वर्ण-निर्मित विचित्र द्वारों से, स्वर्ण की वेदिकाओं से, तथा स्वर्ण-वर्ण के विशाल भवनों से वह अत्यंत सुंदर बनी है,

श्लोक 22 (kishkindha.58.22)

प्राकारेणार्कवर्णेन महता च समन्विता। तस्यां वसति वैदेही दीना कौशेयवासिनी ॥ 58.22 ॥

prākāreṇārkavarṇena mahatā ca samanvitā| tasyāṃ vasati vaidehī dīnā kauśeyavāsinī || 58.22 ||

सूर्य के समान वर्ण वाले विशाल परकोटे से घिरी हुई है; उसी में दीन, रेशमी वस्त्र पहने हुए वैदेही रहती है,

श्लोक 23 (kishkindha.58.23)

रावणान्तःपुरे रुद्धा राक्षसीभिः सुरक्षिता। जनकस्यात्मजां राज्ञस्तस्यां द्रक्ष्यथ मैथिलीम् ॥ 58.23 ॥

rāvaṇāntaḥpure ruddhā rākṣasībhiḥ surakṣitā| janakasyātmajāṃ rājñastasyāṃ drakṣyatha maithilīm || 58.23 ||

रावण के अंतःपुर में बंद और राक्षसियों द्वारा कठोर पहरे में रखी गयी; वहीं तुम राजा जनक की पुत्री मैथिली को देखोगे।

श्लोक 24 (kishkindha.58.24)

लङ्कायामथ गुप्तायां सागरेण समन्ततः। सम्प्राप्य सागरस्यान्तं सम्पूर्णं शतयोजनम् ॥ 58.24 ॥

laṅkāyāmatha guptāyāṃ sāgareṇa samantataḥ| samprāpya sāgarasyāntaṃ sampūrṇaṃ śatayojanam || 58.24 ||

उस चारों ओर समुद्र से सुरक्षित लंका के — पूरे सौ योजन विस्तार वाले समुद्र के अंतिम छोर तक पहुँचकर —

श्लोक 25 (kishkindha.58.25)

आसाद्य दक्षिणं तीरं ततो द्रक्ष्यथ रावणम्। तत्रैव त्वरिताः क्षिप्रं विक्रमध्वं प्लवङ्गमाः ॥ 58.25 ॥

āsādya dakṣiṇaṃ tīraṃ tato drakṣyatha rāvaṇam| tatraiva tvaritāḥ kṣipraṃ vikramadhvaṃ plavaṅgamāḥ || 58.25 ||

दक्षिण तट पर पहुँचकर वहीं तुम रावण को देखोगे; अतः हे कूदने वाले वानरो, शीघ्रता करके वहीं अपना पराक्रम दिखाओ।

श्लोक 26 (kishkindha.58.26)

ज्ञानेन खलु पश्यामि दृष्ट्वा प्रत्यागमिष्यथ। आद्यः पन्थाः कुलिङ्गानां ये चान्ये धान्यजीविनः ॥ 58.26 ॥

jñānena khalu paśyāmi dṛṣṭvā pratyāgamiṣyatha| ādyaḥ panthāḥ kuliṅgānāṃ ye cānye dhānyajīvinaḥ || 58.26 ||

मैं अपने ज्ञान से निश्चय ही देख रहा हूँ कि तुम उसे देखकर लौट आओगे। कुलिंग पक्षियों तथा अन्य अन्नजीवी पक्षियों का पहला उड़ान-मार्ग होता है,

श्लोक 27 (kishkindha.58.27)

द्वितीयो बलिभोजानां ये च वृक्षफलाशनाः। भासास्तृतीयं गच्छन्ति क्रौञ्चाश्च कुररैः सह ॥ 58.27 ॥

dvitīyo balibhojānāṃ ye ca vṛkṣaphalāśanāḥ| bhāsāstṛtīyaṃ gacchanti krauñcāśca kuraraiḥ saha || 58.27 ||

जूठन खाने वालों का, तथा वृक्षों के फल खाने वालों का दूसरा मार्ग है; भास पक्षी क्रौंच और कुरर पक्षियों के साथ तीसरे मार्ग में उड़ते हैं,

श्लोक 28 (kishkindha.58.28)

श्येनाश्चतुर्थं गच्छन्ति गृध्रा गच्छन्ति पञ्चमम्। बलवीर्योपपन्नानां रूपयौवनशालिनाम् ॥ 58.28 ॥

śyenāścaturthaṃ gacchanti gṛdhrā gacchanti pañcamam| balavīryopapannānāṃ rūpayauvanaśālinām || 58.28 ||

श्येन पक्षी चौथे मार्ग में जाते हैं, और गृध्र पाँचवें मार्ग में — जो बल, पराक्रम, रूप और यौवन से संपन्न होते हैं।

श्लोक 29 (kishkindha.58.29)

षष्ठस्तु पन्था हंसानां वैनतेयगतिः परा। वैनतेयाच्च नो जन्म सर्वेषां वानरर्षभाः ॥ 58.29 ॥

ṣaṣṭhastu panthā haṃsānāṃ vainateyagatiḥ parā| vainateyācca no janma sarveṣāṃ vānararṣabhāḥ || 58.29 ||

छठा मार्ग हंसों का है, और वैनतेय (गरुड़) की गति सबसे श्रेष्ठ है; हे वानरश्रेष्ठो! हम सबका जन्म भी वैनतेय के ही वंश से हुआ है।

श्लोक 30 (kishkindha.58.30)

गर्हितं तु कृतं कर्म येन स्म पिशिताशिनः। प्रतिकार्यं च मे तस्य वैरं भ्रातृकृतं भवेत् ॥ 58.30 ॥

garhitaṃ tu kṛtaṃ karma yena sma piśitāśinaḥ| pratikāryaṃ ca me tasya vairaṃ bhrātṛkṛtaṃ bhavet || 58.30 ||

जिस मांसभक्षी ने यह निंदनीय कर्म किया है, उसका प्रतिकार होना चाहिये; इससे मेरे भाई के प्रति किया गया उसका वैर भी मेरे लिये पूरा हो जायेगा।

श्लोक 31 (kishkindha.58.31)

इहस्थोऽहं प्रपश्यामि रावणं जानकीं तथा। अस्माकमपि सौपर्णं दिव्यं चक्षुर्बलं तथा ॥ 58.31 ॥

ihastho'haṃ prapaśyāmi rāvaṇaṃ jānakīṃ tathā| asmākamapi sauparṇaṃ divyaṃ cakṣurbalaṃ tathā || 58.31 ||

यहीं बैठा हुआ मैं रावण और जानकी को स्पष्ट देख रहा हूँ; हम गरुड़वंशियों में भी वैसी ही दिव्य दृष्टि और शक्ति होती है।

श्लोक 32 (kishkindha.58.32)

तस्मादाहारवीर्येण निसर्गेण च वानराः। आयोजनशतात् साग्राद् वयं पश्याम नित्यशः ॥ 58.32 ॥

tasmādāhāravīryeṇa nisargeṇa ca vānarāḥ| āyojanaśatāt sāgrād vayaṃ paśyāma nityaśaḥ || 58.32 ||

इसीलिये हे वानरो, अपने भोजन के बल और स्वाभाविक गुण से हम सदैव सौ योजन से भी अधिक दूर तक देख सकते हैं।

श्लोक 33 (kishkindha.58.33)

अस्माकं विहिता वृत्तिर्निसर्गेण च दूरतः। विहिता वृक्षमूले तु वृत्तिश्चरणयोधिनाम् ॥ 58.33 ॥

asmākaṃ vihitā vṛttirnisargeṇa ca dūrataḥ| vihitā vṛkṣamūle tu vṛttiścaraṇayodhinām || 58.33 ||

हमारी जीविका स्वभाव से ही दूर पर नियत की गयी है, जबकि टांगों से लड़ने वाले मुर्गों आदि की जीविका वृक्ष के मूल में ही नियत है।

श्लोक 34 (kishkindha.58.34)

उपायो दृश्यतां कश्चिल्लङ्घने लवणाम्भसः। अभिगम्य तु वैदेहीं समृद्धार्था गमिष्यथ ॥ 58.34 ॥

upāyo dṛśyatāṃ kaścillaṅghane lavaṇāmbhasaḥ| abhigamya tu vaidehīṃ samṛddhārthā gamiṣyatha || 58.34 ||

अतः खारे समुद्र को लांघने का कोई उपाय खोजा जाये; वैदेही तक पहुँचकर तुम सफल मनोरथ होकर लौटोगे।

श्लोक 35 (kishkindha.58.35)

समुद्रं नेतुमिच्छामि भवद्भिर्वरुणालयम्। प्रदास्याम्युदकं भ्रातुः स्वर्गतस्य महात्मनः ॥ 58.35 ॥

samudraṃ netumicchāmi bhavadbhirvaruṇālayam| pradāsyāmyudakaṃ bhrātuḥ svargatasya mahātmanaḥ || 58.35 ||

मैं चाहता हूँ कि तुम लोग मुझे वरुण के आलय समुद्र तक ले चलो, ताकि मैं स्वर्गवासी हुए अपने महात्मा भाई को जलांजलि दे सकूँ।" इस प्रकार सम्पाति ने वानरों से कहा।

श्लोक 36 (kishkindha.58.36)

ततो नीत्वा तु तं देशं तीरे नदनदीपतेः। निर्दग्धपक्षं सम्पातिं वानराः सुमहौजसः ॥ 58.36 ॥

tato nītvā tu taṃ deśaṃ tīre nadanadīpateḥ| nirdagdhapakṣaṃ sampātiṃ vānarāḥ sumahaujasaḥ || 58.36 ||

तब अत्यंत बलशाली वानर, पंख जले हुए सम्पाति को नदियों और नदों के स्वामी समुद्र के तट पर ले गये,

श्लोक 37 (kishkindha.58.37)

तं पुनः प्रापयित्वा च तं देशं पतगेश्वरम्। बभूवुर्वानरा हृष्टाः प्रवृत्तिमुपलभ्य ते ॥ 58.37 ॥

taṃ punaḥ prāpayitvā ca taṃ deśaṃ patageśvaram| babhūvurvānarā hṛṣṭāḥ pravṛttimupalabhya te || 58.37 ||

और उस पक्षिराज को पुनः उसी स्थान पर वापस पहुँचाकर, वे वानर सीता का समाचार पाकर अत्यंत हर्षित हो उठे।