रावण की पानशाला में हनुमान की खोज

श्लोक 1 (sundara.11.1)

अवधूय च तां बुद्धिं बभूवावस्थितस्तदा । जगाम चापरां चिन्तां सीतां प्रति महाकपिः ॥ 11.1 ॥

avadhūya ca tāṃ buddhiṃ babhūvāvasthitastadā | jagāma cāparāṃ cintāṃ sītāṃ prati mahākapiḥ || 11.1 ||

उस विचार को त्यागकर, महाकपि हनुमान उस समय स्थिरचित्त हो गए और सीता के विषय में एक नई चिंता में पड़ गए।

श्लोक 2 (sundara.11.2)

न रामेण वियुक्ता सा स्वप्तुमर्हति भामिनी । न भोक्तुं नाप्यलंकर्तुं न पानमुपसेवितुम् ॥ 11.2 ॥

na rāmeṇa viyuktā sā svaptumarhati bhāminī | na bhoktuṃ nāpyalaṃkartuṃ na pānamupasevitum || 11.2 ||

"राम से बिछुड़ी हुई वह भामिनी न तो सो सकती है, न भोजन कर सकती है, न श्रृंगार कर सकती है, न ही किसी पेय का सेवन कर सकती है,

श्लोक 3 (sundara.11.3)

नान्यं नरमुपस्थातुं सुराणामपि चेश्वरम् । न हि रामसमः कश्चिद् विद्यते त्रिदशेष्वपि ॥ 11.3 ॥

nānyaṃ naramupasthātuṃ surāṇāmapi ceśvaram | na hi rāmasamaḥ kaścid vidyate tridaśeṣvapi || 11.3 ||

"न किसी अन्य पुरुष के पास जा सकती है, चाहे वह देवताओं का स्वामी ही क्यों न हो; क्योंकि त्रिलोक में भी राम के समान कोई नहीं है।"

श्लोक 4 (sundara.11.4)

अन्येयमिति निश्चित्य भूयस्तत्र चचार सः । पानभूमौ हरिश्रेष्ठः सीतासंदर्शनोत्सुकः ॥ 11.4 ॥

anyeyamiti niścitya bhūyastatra cacāra saḥ | pānabhūmau hariśreṣṭhaḥ sītāsaṃdarśanotsukaḥ || 11.4 ||

"यह कोई और स्त्री है" — ऐसा निश्चय करके, सीता-दर्शन के लिए उत्सुक वह वानरश्रेष्ठ पुनः उस पानशाला में विचरने लगा।

श्लोक 5 (sundara.11.5)

क्रीडितेनापराः क्लान्ता गीतेन च तथापराः । नृत्येन चापराः क्लान्ताः पानविप्रहतास्तथा ॥ 11.5 ॥

krīḍitenāparāḥ klāntā gītena ca tathāparāḥ | nṛtyena cāparāḥ klāntāḥ pānaviprahatāstathā || 11.5 ||

कुछ स्त्रियाँ क्रीड़ा से थकी हुई थीं, कुछ गीत गाने से थकी हुई थीं; कुछ नृत्य से क्लांत थीं और कुछ मदिरापान से मूर्च्छित थीं।

श्लोक 6 (sundara.11.6)

मुरजेषु मृदंगेषु चेलिकासु च संस्थिताः । तथास्तरणमुख्येषु संविष्टाश्चापराः स्त्रियः ॥ 11.6 ॥

murajeṣu mṛdaṃgeṣu celikāsu ca saṃsthitāḥ | tathāstaraṇamukhyeṣu saṃviṣṭāścāparāḥ striyaḥ || 11.6 ||

कुछ मृदंगों, ढोलकों और चौकियों पर पड़ी थीं; तो कुछ अन्य स्त्रियाँ उत्तम बिछौनों पर लेटी हुई थीं।

श्लोक 7 (sundara.11.7)

अंगनानां सहस्रेण भूषितेन विभूषणैः । रूपसंलापशीलेन युक्तगीतार्थभाषिणा ॥ 11.7 ॥

aṃganānāṃ sahasreṇa bhūṣitena vibhūṣaṇaiḥ | rūpasaṃlāpaśīlena yuktagītārthabhāṣiṇā || 11.7 ||

जो स्त्रियाँ आभूषणों से सुसज्जित थीं, सौंदर्य की बातें करने में निपुण थीं, गाए जा रहे गीतों के भाव समझने में कुशल थीं,

श्लोक 8 (sundara.11.8)

देशकालाभियुक्तेन युक्तवाक्याभिधायिना । रताधिकेन संयुक्तां ददर्श हरियूथपः ॥ 11.8 ॥

deśakālābhiyuktena yuktavākyābhidhāyinā | ratādhikena saṃyuktāṃ dadarśa hariyūthapaḥ || 11.8 ||

और देश-काल के अनुरूप उचित वचन बोलने वाली थीं — ऐसी सहस्रों स्त्रियों के उस विशेष रति-रत समूह को वानर-यूथपति हनुमान ने देखा।

श्लोक 9 (sundara.11.9)

तासां मध्ये महाबाहुः शुशुभे राक्षसेश्वरः । गोष्ठे महति मुख्यानां गवां मध्ये यथा वृषः ॥ 11.9 ॥

tāsāṃ madhye mahābāhuḥ śuśubhe rākṣaseśvaraḥ | goṣṭhe mahati mukhyānāṃ gavāṃ madhye yathā vṛṣaḥ || 11.9 ||

उन स्त्रियों के बीच वह महाबाहु राक्षसेश्वर ऐसा शोभित हो रहा था जैसे किसी विशाल गोशाला में श्रेष्ठ गायों के बीच कोई सांड।

श्लोक 10 (sundara.11.10)

स राक्षसेन्द्रः शुशुभे ताभिः परिवृतः स्वयम् । करेणुभिर्यथारण्ये परिकीर्णो महाद्विपः ॥ 11.10 ॥

sa rākṣasendraḥ śuśubhe tābhiḥ parivṛtaḥ svayam | kareṇubhiryathāraṇye parikīrṇo mahādvipaḥ || 11.10 ||

स्वयं उन स्त्रियों से घिरा हुआ वह राक्षसेन्द्र ऐसा शोभित हो रहा था जैसे वन में हथिनियों से घिरा कोई विशाल गजराज।

श्लोक 11 (sundara.11.11)

सर्वकामैरुपेतां च पानभूमिं महात्मनः । ददर्श कपिशार्दूलस्तस्य रक्षःपतेर्गृहे ॥ 11.11 ॥

sarvakāmairupetāṃ ca pānabhūmiṃ mahātmanaḥ | dadarśa kapiśārdūlastasya rakṣaḥpatergṛhe || 11.11 ||

उस महात्मा राक्षसपति के गृह में कपिश्रेष्ठ हनुमान ने सभी वांछित वस्तुओं से युक्त एक पानशाला भी देखी।

श्लोक 12 (sundara.11.12)

मृगाणां महिषाणां च वराहाणां च भागशः । तत्र न्यस्तानि मांसानि पानभूमौ ददर्श सः ॥ 11.12 ॥

mṛgāṇāṃ mahiṣāṇāṃ ca varāhāṇāṃ ca bhāgaśaḥ | tatra nyastāni māṃsāni pānabhūmau dadarśa saḥ || 11.12 ||

उन्होंने वहाँ पानशाला में मृग, महिष और शूकर का मांस भाग-भाग करके रखा हुआ देखा।

श्लोक 13 (sundara.11.13)

रौक्मेषु च विशालेषु भाजनेष्वप्यभक्षितान् । ददर्श कपिशार्दूलो मयूरान् कुक्कुटांस्तथा ॥ 11.13 ॥

raukmeṣu ca viśāleṣu bhājaneṣvapyabhakṣitān | dadarśa kapiśārdūlo mayūrān kukkuṭāṃstathā || 11.13 ||

विशाल स्वर्णपात्रों में अभी तक बिना खाए हुए मोर और मुर्गे भी कपिश्रेष्ठ ने देखे,

श्लोक 14 (sundara.11.14)

वराहवाध्रीणसकान् दधिसौवर्चलायुतान् । शल्यान् मृगमयूरांश्च हनुमानन्ववैक्षत ॥ 11.14 ॥

varāhavādhrīṇasakān dadhisauvarcalāyutān | śalyān mṛgamayūrāṃśca hanumānanvavaikṣata || 11.14 ||

दही और सेंधा नमक से युक्त शूकर-मांस के व्यंजन भी वहाँ थे; हनुमान ने मृग और मोर की हड्डीदार वस्तुओं को ध्यान से देखा,

श्लोक 15 (sundara.11.15)

कृकरान् विविधान् सिद्धांश्चकोरानर्धभक्षितान् । महिषानेकशल्यांश्च छागांश्च कृतनिष्ठितान् ॥ 11.15 ॥

kṛkarān vividhān siddhāṃścakorānardhabhakṣitān | mahiṣānekaśalyāṃśca chāgāṃśca kṛtaniṣṭhitān || 11.15 ||

और नाना प्रकार से पके हुए तीतर, आधे खाए हुए चकोर पक्षी, महिष के एक-हड्डी वाले टुकड़े, तथा भली-भाँति पकाए गए बकरे भी देखे।

श्लोक 16 (sundara.11.16)

लेह्यानुच्चावचान् पेयान् भोज्यान्युच्चावचानि च । तथाम्ललवणोत्तंसैर्विविधै रागखाण्डवैः ॥ 11.16 ॥

lehyānuccāvacān peyān bhojyānyuccāvacāni ca | tathāmlalavaṇottaṃsairvividhai rāgakhāṇḍavaiḥ || 11.16 ||

वहाँ नाना प्रकार के लेह्य पदार्थ, पेय, तथा भाँति-भाँति के भोज्य पदार्थ थे; उसी प्रकार नाना प्रकार के खट्टे-नमकीन तथा मीठे व्यंजन भी थे,

श्लोक 17 (sundara.11.17)

महानूपुरकेयूरैरपविद्धैर्महाधनैः । पानभाजनविक्षिप्तैः फलैश्च विविधैरपि ॥ 11.17 ॥

mahānūpurakeyūrairapaviddhairmahādhanaiḥ | pānabhājanavikṣiptaiḥ phalaiśca vividhairapi || 11.17 ||

बहुमूल्य बड़े-बड़े नूपुर और केयूर वहाँ इधर-उधर बिखरे पड़े थे, और पानपात्रों के बीच नाना प्रकार के फल भी बिखरे हुए थे।

श्लोक 18 (sundara.11.18)

कृतपुष्पोपहारा भूरधिकां पुष्यति श्रियम् । तत्र तत्र च विन्यस्तैः सुश्लिष्टशयनासनैः ॥ 11.18 ॥

kṛtapuṣpopahārā bhūradhikāṃ puṣyati śriyam | tatra tatra ca vinyastaiḥ suśliṣṭaśayanāsanaiḥ || 11.18 ||

पुष्पों की भेंट से सुसज्जित वह भूमि और भी अधिक शोभा धारण कर रही थी; और जहाँ-तहाँ रखे हुए सुसज्जित शय्या-आसनों से

श्लोक 19 (sundara.11.19)

पानभूमिर्विना वह्निं प्रदीप्तेवोपलक्ष्यते । बहुप्रकारैर्विविधैर्वरसंस्कारसंस्कृतैः ॥ 11.19 ॥

pānabhūmirvinā vahniṃ pradīptevopalakṣyate | bahuprakārairvividhairvarasaṃskārasaṃskṛtaiḥ || 11.19 ||

वह पानशाला बिना अग्नि के भी मानो प्रज्वलित-सी प्रतीत होती थी; वहाँ नाना प्रकार से कुशलतापूर्वक तैयार किए गए उत्तम मांस

श्लोक 20 (sundara.11.20)

मांसैः कुशलसंयुक्तैः पानभूमिगतैः पृथक् । दिव्याः प्रसन्ना विविधाः सुराः कृतसुरा अपि ॥ 11.20 ॥

māṃsaiḥ kuśalasaṃyuktaiḥ pānabhūmigataiḥ pṛthak | divyāḥ prasannā vividhāḥ surāḥ kṛtasurā api || 11.20 ||

पानशाला में अलग-अलग रखे हुए थे; वहाँ दिव्य, निर्मल, नाना प्रकार की सुरा तथा कृत्रिम रूप से बनाई गई मदिराएँ भी थीं,

श्लोक 21 (sundara.11.21)

शर्करासवमाध्वीकाः पुष्पासवफलासवाः । वासचूर्णैश्च विविधैर्मृष्टास्तैस्तैः पृथक् पृथक् ॥ 11.21 ॥

śarkarāsavamādhvīkāḥ puṣpāsavaphalāsavāḥ | vāsacūrṇaiśca vividhairmṛṣṭāstaistaiḥ pṛthak pṛthak || 11.21 ||

शर्करासव, माध्वीक, पुष्पासव और फलासव — ये सब भाँति-भाँति के सुगंधित चूर्णों से अलग-अलग सुवासित किए गए थे।

श्लोक 22 (sundara.11.22)

संतता शुशुभे भूमिर्माल्यैश्च बहुसंस्थितैः । हिरण्मयैश्च कलशैर्भाजनैः स्फाटिकैरपि ॥ 11.22 ॥

saṃtatā śuśubhe bhūmirmālyaiśca bahusaṃsthitaiḥ | hiraṇmayaiśca kalaśairbhājanaiḥ sphāṭikairapi || 11.22 ||

वह भूमि सर्वत्र सघन रूप से रखी गई मालाओं से तथा सोने के कलशों और स्फटिक के पात्रों से शोभायमान हो रही थी,

श्लोक 23 (sundara.11.23)

जाम्बूनदमयैश्चान्यैः करकैरभिसंवृता । राजतेषु च कुम्भेषु जाम्बूनदमयेषु च ॥ 11.23 ॥

jāmbūnadamayaiścānyaiḥ karakairabhisaṃvṛtā | rājateṣu ca kumbheṣu jāmbūnadamayeṣu ca || 11.23 ||

और जांबूनद स्वर्ण के अन्य घड़ों से भी आच्छादित थी; चाँदी के तथा उसी जांबूनद स्वर्ण के कुंभों में,

श्लोक 24 (sundara.11.24)

पानश्रेष्ठां तथा भूमिं कपिस्तत्र ददर्श सः । सोऽपश्यच्छातकुम्भानि सीधोर्मणिमयानि च ॥ 11.24 ॥

pānaśreṣṭhāṃ tathā bhūmiṃ kapistatra dadarśa saḥ | so'paśyacchātakumbhāni sīdhormaṇimayāni ca || 11.24 ||

वहाँ कपि ने उत्तम मदिरा से भरी वह भूमि देखी; उन्होंने शुद्ध स्वर्ण और रत्नों से बने पात्र भी देखे, जो सीधु-मदिरा से भरे थे,

श्लोक 25 (sundara.11.25)

तानि तानि च पूर्णानि भाजनानि महाकपिः । क्वचिदर्धावशेषाणि क्वचित् पीतान्यशेषतः ॥ 11.25 ॥

tāni tāni ca pūrṇāni bhājanāni mahākapiḥ | kvacidardhāvaśeṣāṇi kvacit pītānyaśeṣataḥ || 11.25 ||

महाकपि ने वे सब पात्र कहीं पूर्ण भरे हुए, कहीं आधे खाली, तो कहीं पूरी तरह पी लिए गए देखे,

श्लोक 26 (sundara.11.26)

क्वचिन्नैव प्रपीतानि पानानि स ददर्श ह । क्वचिद् भक्ष्यांश्च विविधान् क्वचित् पानानि भागशः ॥ 11.26 ॥

kvacinnaiva prapītāni pānāni sa dadarśa ha | kvacid bhakṣyāṃśca vividhān kvacit pānāni bhāgaśaḥ || 11.26 ||

कहीं मदिरा बिल्कुल न छुई गई देखी, कहीं नाना प्रकार के खाद्य पदार्थ, तो कहीं मदिरा के अंश भाग-भाग करके रखे देखे,

श्लोक 27 (sundara.11.27)

क्वचित्प्रभिन्नैः करकैः क्वचिदालोडितैर्घटैः । क्वचित्संपृक्तमाल्यानि जलानि च फलानि च ॥ 11.27 ॥

kvacitprabhinnaiḥ karakaiḥ kvacidāloḍitairghaṭaiḥ | kvacitsaṃpṛktamālyāni jalāni ca phalāni ca || 11.27 ||

कहीं टूटे हुए घड़े, कहीं उलट-पुलट किए हुए कलश, और कहीं मालाएँ जल और फलों के साथ मिली-जुली पड़ी थीं —

श्लोक 28 (sundara.11.28)

क्वचिदर्धावशेषाणि पश्यन् वै विचचार ह । शयनान्यत्र नारीणां शून्यानि बहुधा पुनः । परस्परं समाश्लिष्य काश्चित् सुप्ता वरांगनाः ॥ 11.28 ॥

kvacidardhāvaśeṣāṇi paśyan vai vicacāra ha | śayanānyatra nārīṇāṃ śūnyāni bahudhā punaḥ | parasparaṃ samāśliṣya kāścit suptā varāṃganāḥ || 11.28 ||

यह सब आधा-अधूरा देखते हुए वे इधर-उधर घूमते रहे। वहाँ स्त्रियों की अनेक शय्याएँ बार-बार सूनी पड़ी थीं; कुछ सुंदर स्त्रियाँ परस्पर एक-दूसरे से लिपटी हुई सो रही थीं,

श्लोक 29 (sundara.11.29)

काचिच्च वस्त्रमन्यस्या अपहृत्योपगुह्य च । उपगम्याबला सुप्ता निद्राबलपराजिता ॥ 11.29 ॥

kācicca vastramanyasyā apahṛtyopaguhya ca | upagamyābalā suptā nidrābalaparājitā || 11.29 ||

और किसी एक स्त्री ने दूसरी का वस्त्र खींचकर उसे अपने निकट भींच लिया था, और नींद के वश में पराजित होकर उसी के पास सो गई थी।

श्लोक 30 (sundara.11.30)

तासामुच्छ्वासवातेन वस्त्रं माल्यं च गात्रजम् । नात्यर्थं स्पन्दते चित्रं प्राप्य मन्दमिवानिलम् ॥ 11.30 ॥

tāsāmucchvāsavātena vastraṃ mālyaṃ ca gātrajam | nātyarthaṃ spandate citraṃ prāpya mandamivānilam || 11.30 ||

उनकी श्वास की वायु से उनके वस्त्र और शरीर पर पड़ी मालाएँ बहुत ही मंद रूप से हिल रही थीं — मानो किसी अत्यंत हल्की वायु का स्पर्श पाकर, यह दृश्य विचित्र-सा प्रतीत होता था।

श्लोक 31 (sundara.11.31)

चन्दनस्य च शीतस्य सीधोर्मधुरसस्य च । विविधस्य च माल्यस्य पुष्पस्य विविधस्य च ॥ 11.31 ॥

candanasya ca śītasya sīdhormadhurasasya ca | vividhasya ca mālyasya puṣpasya vividhasya ca || 11.31 ||

शीतल चंदन की, मधुर सीधु-मदिरा की, नाना प्रकार की मालाओं की और नाना प्रकार के पुष्पों की —

श्लोक 32 (sundara.11.32)

बहुधा मारुतस्तस्य गन्धं विविधमुद्वहन् । स्नानानां चन्दनानां च धूपानां चैव मूर्च्छितः ॥ 11.32 ॥

bahudhā mārutastasya gandhaṃ vividhamudvahan | snānānāṃ candanānāṃ ca dhūpānāṃ caiva mūrcchitaḥ || 11.32 ||

उन सबकी विविध सुगंध को चारों ओर फैलाती हुई वायु, स्नान के जलों, चंदन और धूप की गंध से भी सघन होकर,

श्लोक 33 (sundara.11.33)

प्रववौ सुरभिर्गन्धो विमाने पुष्पके तदा । श्यामावदातास्तत्रान्याः काश्चित् कृष्णा वरांगनाः ॥ 11.33 ॥

pravavau surabhirgandho vimāne puṣpake tadā | śyāmāvadātāstatrānyāḥ kāścit kṛṣṇā varāṃganāḥ || 11.33 ||

उस समय पुष्पक विमान में सुगंधित होकर बह रही थी। वहाँ कुछ स्त्रियाँ श्यामवर्णा थीं, कुछ अन्य श्रेष्ठ स्त्रियाँ श्यामल थीं,

श्लोक 34 (sundara.11.34)

काश्चित् काञ्चनवर्णाङ्ग्यः प्रमदा राक्षसालये । तासां निद्रावशत्वाच्च मदनेन विमूर्च्छितम् ॥ 11.34 ॥

kāścit kāñcanavarṇāṅgyaḥ pramadā rākṣasālaye | tāsāṃ nidrāvaśatvācca madanena vimūrcchitam || 11.34 ||

और उस राक्षस-निवास में कुछ स्त्रियाँ स्वर्ण के समान वर्ण वाले अंगों से युक्त थीं; निद्रा के वशीभूत होने और काम-भाव से मूर्च्छित होने के कारण

श्लोक 35 (sundara.11.35)

पद्मिनीनां प्रसुप्तानां रूपमासीद् यथैव हि । एवं सर्वमशेषेण रावणान्तःपुरं कपिः । ददर्श स महातेजा न ददर्श च जानकीम् ॥ 11.35 ॥

padminīnāṃ prasuptānāṃ rūpamāsīd yathaiva hi | evaṃ sarvamaśeṣeṇa rāvaṇāntaḥpuraṃ kapiḥ | dadarśa sa mahātejā na dadarśa ca jānakīm || 11.35 ||

उनकी शोभा ठीक वैसी ही थी जैसी सोई हुई कमलिनियों की होती है। इस प्रकार महातेजस्वी हनुमान ने रावण के संपूर्ण अंतःपुर को पूरी तरह देख लिया, किंतु उन्हें जानकी कहीं नहीं दिखीं।

श्लोक 36 (sundara.11.36)

निरीक्षमाणश्च ततस्ताः स्त्रियः स महाकपिः । जगाम महतीं शंकां धर्मसाध्वसशंकितः ॥ 11.36 ॥

nirīkṣamāṇaśca tatastāḥ striyaḥ sa mahākapiḥ | jagāma mahatīṃ śaṃkāṃ dharmasādhvasaśaṃkitaḥ || 11.36 ||

फिर उन स्त्रियों को देखते हुए वह महाकपि धर्म-भंग की आशंका से भयभीत होकर एक गहरी शंका में पड़ गया।

श्लोक 37 (sundara.11.37)

परदारावरोधस्य प्रसुप्तस्य निरीक्षणम् । इदं खलु ममात्यर्थं धर्मलोपं करिष्यति ॥ 11.37 ॥

paradārāvarodhasya prasuptasya nirīkṣaṇam | idaṃ khalu mamātyarthaṃ dharmalopaṃ kariṣyati || 11.37 ||

"किसी और की सोई हुई पत्नियों को इस प्रकार देखना निश्चय ही मेरे लिए एक बड़े धर्म-लोप का कारण बनेगा —

श्लोक 38 (sundara.11.38)

न हि मे परदाराणां दृष्टिर्विषयवर्तिनी । अयं चात्र मया दृष्टः परदारपरिग्रहः ॥ 11.38 ॥

na hi me paradārāṇāṃ dṛṣṭirviṣayavartinī | ayaṃ cātra mayā dṛṣṭaḥ paradāraparigrahaḥ || 11.38 ||

"क्योंकि मेरी दृष्टि पहले कभी किसी पराई स्त्री पर नहीं पड़ी, और यहाँ मैंने पराई स्त्रियों के इस समूह को देख लिया है।"

श्लोक 39 (sundara.11.39)

तस्य प्रादुरभूच्चिन्ता पुनरन्या मनस्विनः । निश्चितैकान्तचित्तस्य कार्यनिश्चयदर्शिनी ॥ 11.39 ॥

tasya prādurabhūccintā punaranyā manasvinaḥ | niścitaikāntacittasya kāryaniścayadarśinī || 11.39 ||

तब उस स्थिरचित्त, एकाग्रमना बुद्धिमान हनुमान के मन में सत्य को पहचानने वाला एक और विचार उठा —

श्लोक 40 (sundara.11.40)

कामं दृष्टा मया सर्वा विश्वस्ता रावणस्त्रियः । न तु मे मनसा किंचिद् वैकृत्यमुपपद्यते ॥ 11.40 ॥

kāmaṃ dṛṣṭā mayā sarvā viśvastā rāvaṇastriyaḥ | na tu me manasā kiṃcid vaikṛtyamupapadyate || 11.40 ||

"यद्यपि मैंने बिना किसी संकोच के रावण की इन सभी असावधान स्त्रियों को देख लिया है, तथापि मेरे मन में कोई विकार उत्पन्न नहीं हुआ।

श्लोक 41 (sundara.11.41)

मनो हि हेतुः सर्वेषामिन्द्रियाणां प्रवर्तने । शुभाशुभास्ववस्थासु तच्च मे सुव्यवस्थितम् ॥ 11.41 ॥

mano hi hetuḥ sarveṣāmindriyāṇāṃ pravartane | śubhāśubhāsvavasthāsu tacca me suvyavasthitam || 11.41 ||

"क्योंकि सभी इंद्रियों की प्रवृत्ति का मूल कारण, चाहे शुभ अवस्था हो या अशुभ, मन ही है; और मेरा मन तो सुव्यवस्थित ही बना रहा।

श्लोक 42 (sundara.11.42)

नान्यत्र हि मया शक्या वैदेही परिमार्गितुम् । स्त्रियो हि स्त्रीषु दृश्यन्ते सदा सम्परिमार्गणे ॥ 11.42 ॥

nānyatra hi mayā śakyā vaidehī parimārgitum | striyo hi strīṣu dṛśyante sadā samparimārgaṇe || 11.42 ||

"इसके अतिरिक्त, कहीं और तो मैं वैदेही को ढूँढ़ ही नहीं सकता था — क्योंकि स्त्रियाँ सदैव स्त्रियों के बीच ही भली-भाँति खोजी जाती हैं।

श्लोक 43 (sundara.11.43)

यस्य सत्त्वस्य या योनिस्तस्यां तत् परिमार्गते । न शक्यं प्रमदा नष्टा मृगीषु परिमार्गितुम् ॥ 11.43 ॥

yasya sattvasya yā yonistasyāṃ tat parimārgate | na śakyaṃ pramadā naṣṭā mṛgīṣu parimārgitum || 11.43 ||

"जो प्राणी जिस योनि का होता है, वह उसी योनि में खोजा जाता है; खोई हुई किसी स्त्री को मृगियों के बीच नहीं खोजा जा सकता।

श्लोक 44 (sundara.11.44)

तदिदं मार्गितं तावच्छुद्धेन मनसा मया । रावणान्तःपुरं सर्वं दृश्यते न च जानकी ॥ 11.44 ॥

tadidaṃ mārgitaṃ tāvacchuddhena manasā mayā | rāvaṇāntaḥpuraṃ sarvaṃ dṛśyate na ca jānakī || 11.44 ||

"इस प्रकार मैंने अब तक शुद्ध मन से रावण के इस संपूर्ण अंतःपुर को खोज लिया है, फिर भी जानकी कहीं दिखाई नहीं दे रहीं।"

श्लोक 45 (sundara.11.45)

देवगन्धर्वकन्याश्च नागकन्याश्च वीर्यवान् । अवेक्षमाणो हनुमान् नैवापश्यत जानकीम् ॥ 11.45 ॥

devagandharvakanyāśca nāgakanyāśca vīryavān | avekṣamāṇo hanumān naivāpaśyata jānakīm || 11.45 ||

देव-कन्याओं, गंधर्व-कन्याओं तथा नाग-कन्याओं को भी ध्यानपूर्वक देखते हुए, बलवान हनुमान को जानकी कहीं दिखाई नहीं दीं।

श्लोक 46 (sundara.11.46)

तामपश्यन् कपिस्तत्र पश्यंश्चान्या वरस्त्रियः । अपक्रम्य तदा वीरः प्रध्यातुमुपचक्रमे ॥ 11.46 ॥

tāmapaśyan kapistatra paśyaṃścānyā varastriyaḥ | apakramya tadā vīraḥ pradhyātumupacakrame || 11.46 ||

वहाँ उन्हें न पाकर, केवल अन्य सुंदर स्त्रियों को ही देखते हुए, वह वीर कपि वहाँ से हटकर गहन चिंतन करने लगा।

श्लोक 47 (sundara.11.47)

स भूयस्तु परं श्रीमान् मारुतिर्यत्नमास्थितः । अपानभूमिमुत्सृज्य तद्विचेतुं प्रचक्रमे ॥ 11.47 ॥

sa bhūyastu paraṃ śrīmān mārutiryatnamāsthitaḥ | apānabhūmimutsṛjya tadvicetuṃ pracakrame || 11.47 ||

फिर उस श्रीमान मारुतिनंदन ने पुनः पूरे प्रयत्न के साथ उस पानशाला को त्यागकर, सीता की और भी खोज करना आरंभ किया।