सीता द्वारा अपना वृत्तान्त कथन

श्लोक 1 (sundara.33.1)

सोऽवतीर्य द्रुमात् तस्माद् विद्रुमप्रतिमाननः । विनीतवेषः कृपणः प्रणिपत्योपसृत्य च ॥ 33.1 ॥

so'vatīrya drumāt tasmād vidrumapratimānanaḥ | vinītaveṣaḥ kṛpaṇaḥ praṇipatyopasṛtya ca || 33.1 ||

मूँगे के समान कान्तिमान् मुखवाला वह हनुमान् उस वृक्ष से नीचे उतरकर, विनीत वेश धारण किए, दीन-सा बनकर, प्रणाम करते हुए समीप आया,

श्लोक 2 (sundara.33.2)

तामब्रवीन्महातेजा हनूमान् मारुतात्मजः । शिरस्यञ्जलिमाधाय सीतां मधुरया गिरा ॥ 33.2 ॥

tāmabravīnmahātejā hanūmān mārutātmajaḥ | śirasyañjalimādhāya sītāṃ madhurayā girā || 33.2 ||

और उस महातेजस्वी पवनपुत्र हनुमान ने सिर पर अंजलि जोड़कर मधुर वाणी में सीता से कहा --

श्लोक 3 (sundara.33.3)

का नु पद्मपलाशाक्षि क्लिष्टकौशेयवासिनि । द्रुमस्य शाखामालम्ब्य तिष्ठसि त्वमनिन्दिते ॥ 33.3 ॥

kā nu padmapalāśākṣi kliṣṭakauśeyavāsini | drumasya śākhāmālambya tiṣṭhasi tvamanindite || 33.3 ||

'हे कमल-पत्र के समान नेत्रों वाली, मलिन रेशमी वस्त्र पहने हुए निष्कलंक देवी! वृक्ष की शाखा का सहारा लेकर खड़ी आप कौन हैं?'

श्लोक 4 (sundara.33.4)

किमर्थं तव नेत्राभ्यां वारि स्रवति शोकजम् । पुण्डरीकपलाशाभ्यां विप्रकीर्णमिवोदकम् ॥ 33.4 ॥

kimarthaṃ tava netrābhyāṃ vāri sravati śokajam | puṇḍarīkapalāśābhyāṃ viprakīrṇamivodakam || 33.4 ||

'श्वेत कमल की पंखुड़ियों से जैसे जल की बूँदें बिखर रही हों, वैसे ही आपके दोनों नेत्रों से शोक का जल क्यों बह रहा है?'

श्लोक 5 (sundara.33.5)

सुराणामसुराणां च नागगन्धर्वरक्षसाम् । यक्षाणां किंनराणां च का त्वं भवसि शोभने ॥ 33.5 ॥

surāṇāmasurāṇāṃ ca nāgagandharvarakṣasām | yakṣāṇāṃ kiṃnarāṇāṃ ca kā tvaṃ bhavasi śobhane || 33.5 ||

'हे शोभने! आप देवताओं, असुरों, नागों, गन्धर्वों, राक्षसों, यक्षों अथवा किन्नरों में से कौन हैं?'

श्लोक 6 (sundara.33.6)

का त्वं भवसि रुद्राणां मरुतां वा वरानने । वसूनां वा वरारोहे देवता प्रतिभासि मे ॥ 33.6 ॥

kā tvaṃ bhavasi rudrāṇāṃ marutāṃ vā varānane | vasūnāṃ vā varārohe devatā pratibhāsi me || 33.6 ||

'हे वरानने! क्या आप रुद्रों में से हैं, या मरुद्गणों में से, अथवा हे वरारोहे! वसुओं में से हैं? आप मुझे कोई देवी प्रतीत होती हैं।'

श्लोक 7 (sundara.33.7)

किं नु चन्द्रमसा हीना पतिता विबुधालयात् । रोहिणी ज्योतिषां श्रेष्ठा श्रेष्ठा सर्वगुणाधिका ॥ 33.7 ॥

kiṃ nu candramasā hīnā patitā vibudhālayāt | rohiṇī jyotiṣāṃ śreṣṭhā śreṣṭhā sarvaguṇādhikā || 33.7 ||

'अथवा क्या आप नक्षत्रों में श्रेष्ठ और समस्त गुणों में सबसे बढ़कर रोहिणी हैं, जो चन्द्रमा से बिछुड़कर देवलोक से गिर पड़ी हों?'

श्लोक 8 (sundara.33.8)

कोपाद् वा यदि वा मोहाद् भर्तारमसितेक्षणे । वसिष्ठं कोपयित्वा त्वं वासि कल्याण्यरुन्धती ॥ 33.8 ॥

kopād vā yadi vā mohād bhartāramasitekṣaṇe | vasiṣṭhaṃ kopayitvā tvaṃ vāsi kalyāṇyarundhatī || 33.8 ||

'अथवा हे कज्जल-नयने! क्रोध से या मोहवश अपने पति ऋषि वसिष्ठ को रुष्ट करके क्या आप वही कल्याणी अरुन्धती हैं?'

श्लोक 9 (sundara.33.9)

को नु पुत्रः पिता भ्राता भर्ता वा ते सुमध्यमे । अस्माल्लोकादमुं लोकं गतं त्वमनुशोचसि ॥ 33.9 ॥

ko nu putraḥ pitā bhrātā bhartā vā te sumadhyame | asmāllokādamuṃ lokaṃ gataṃ tvamanuśocasi || 33.9 ||

'हे सुमध्यमे! क्या आपका कोई पुत्र, पिता, भाई अथवा पति इस लोक से उस लोक को चला गया है, जिसके लिए आप शोक कर रही हैं?'

श्लोक 10 (sundara.33.10)

रोदनादतिनिःश्वासाद् भूमिसंस्पर्शनादपि । न त्वां देवीमहं मन्ये राज्ञः संज्ञावधारणात् ॥ 33.10 ॥

rodanādatiniḥśvāsād bhūmisaṃsparśanādapi | na tvāṃ devīmahaṃ manye rājñaḥ saṃjñāvadhāraṇāt || 33.10 ||

'आपके रोने से, बार-बार दीर्घ श्वास लेने से, पृथ्वी का स्पर्श करने से, और राजोचित लक्षणों के प्रत्यक्ष दिखने से, मैं आपको देवी नहीं मानता।'

श्लोक 11 (sundara.33.11)

व्यञ्जनानि हि ते यानि लक्षणानि च लक्षये । महिषी भूमिपालस्य राजकन्या च मे मता ॥ 33.11 ॥

vyañjanāni hi te yāni lakṣaṇāni ca lakṣaye | mahiṣī bhūmipālasya rājakanyā ca me matā || 33.11 ||

'आपमें जो चिह्न और लक्षण मुझे दिखाई देते हैं, उनसे मुझे लगता है कि आप किसी राजा की पटरानी और किसी राजा की पुत्री हैं।'

श्लोक 12 (sundara.33.12)

रावणेन जनस्थानाद् बलात् प्रमथिता यदि । सीता त्वमसि भद्रं ते तन्ममाचक्ष्व पृच्छतः ॥ 33.12 ॥

rāvaṇena janasthānād balāt pramathitā yadi | sītā tvamasi bhadraṃ te tanmamācakṣva pṛcchataḥ || 33.12 ||

'यदि रावण द्वारा जनस्थान से बलपूर्वक हरण की गई सीता आप ही हैं, तो पूछने वाले मुझे यह बता दीजिए -- आपका कल्याण हो।'

श्लोक 13 (sundara.33.13)

यथा हि तव वै दैन्यं रूपं चाप्यतिमानुषम् । तपसा चान्वितो वेषस्त्वं राममहिषी ध्रुवम् ॥ 33.13 ॥

yathā hi tava vai dainyaṃ rūpaṃ cāpyatimānuṣam | tapasā cānvito veṣastvaṃ rāmamahiṣī dhruvam || 33.13 ||

'आपकी यह दीनावस्था, फिर भी अलौकिक अतिमानुष रूप, और तपस्या से युक्त वेश देखकर निश्चय ही आप राम की महिषी (पटरानी) हैं।'

श्लोक 14 (sundara.33.14)

सा तस्य वचनं श्रुत्वा रामकीर्तनहर्षिता । उवाच वाक्यं वैदेही हनूमन्तं द्रुमाश्रितम् ॥ 33.14 ॥

sā tasya vacanaṃ śrutvā rāmakīrtanaharṣitā | uvāca vākyaṃ vaidehī hanūmantaṃ drumāśritam || 33.14 ||

उसके वचन सुनकर, राम के नाम के उल्लेख मात्र से हर्षित होकर, वैदेही ने वृक्ष पर बैठे हनुमान से यह वचन कहा --

श्लोक 15 (sundara.33.15)

पृथिव्यां राजसिंहानां मुख्यस्य विदितात्मनः । स्नुषा दशरथस्याहं शत्रुसैन्यप्रणाशिनः ॥ 33.15 ॥

pṛthivyāṃ rājasiṃhānāṃ mukhyasya viditātmanaḥ | snuṣā daśarathasyāhaṃ śatrusainyapraṇāśinaḥ || 33.15 ||

'मैं पृथ्वी के सिंह-तुल्य राजाओं में मुख्य, प्रसिद्ध आत्मा वाले और शत्रु-सेना का नाश करने वाले राजा दशरथ की पुत्रवधू हूँ।'

श्लोक 16 (sundara.33.16)

दुहिता जनकस्याहं वैदेहस्य महात्मनः । सीतेति नाम्ना चोक्ताहं भार्या रामस्य धीमतः ॥ 33.16 ॥

duhitā janakasyāhaṃ vaidehasya mahātmanaḥ | sīteti nāmnā coktāhaṃ bhāryā rāmasya dhīmataḥ || 33.16 ||

'मैं विदेहनरेश महात्मा जनक की पुत्री हूँ, सीता नाम से पुकारी जाती हूँ और बुद्धिमान् राम की भार्या हूँ।'

श्लोक 17 (sundara.33.17)

समा द्वादश तत्राहं राघवस्य निवेशने । भुञ्जाना मानुषान् भोगान् सर्वकामसमृद्धिनी ॥ 33.17 ॥

samā dvādaśa tatrāhaṃ rāghavasya niveśane | bhuñjānā mānuṣān bhogān sarvakāmasamṛddhinī || 33.17 ||

'मैं वहाँ राघव के घर में बारह वर्षों तक रही, मानवोचित भोगों को भोगती हुई और अपनी समस्त इच्छाओं से समृद्ध।'

श्लोक 18 (sundara.33.18)

ततस्त्रयोदशे वर्षे राज्ये चेक्ष्वाकुनन्दनम् । अभिषेचयितुं राजा सोपाध्यायः प्रचक्रमे ॥ 33.18 ॥

tatastrayodaśe varṣe rājye cekṣvākunandanam | abhiṣecayituṃ rājā sopādhyāyaḥ pracakrame || 33.18 ||

'तत्पश्चात् तेरहवें वर्ष में राजा दशरथ ने अपने पुरोहितों सहित उस इक्ष्वाकुनन्दन राम को राज्याभिषिक्त करने का प्रारम्भ किया।'

श्लोक 19 (sundara.33.19)

तस्मिन् सम्भ्रियमाणे तु राघवस्याभिषेचने । कैकेयी नाम भर्तारमिदं वचनमब्रवीत् ॥ 33.19 ॥

tasmin sambhriyamāṇe tu rāghavasyābhiṣecane | kaikeyī nāma bhartāramidaṃ vacanamabravīt || 33.19 ||

'किन्तु जब राघव के अभिषेक की तैयारी हो रही थी, तब कैकेयी नामक रानी ने अपने पति से यह वचन कहा --'

श्लोक 20 (sundara.33.20)

न पिबेयं न खादेयं प्रत्यहं मम भोजनम् । एष मे जीवितस्यान्तो रामो यद्यभिषिच्यते ॥ 33.20 ॥

na pibeyaṃ na khādeyaṃ pratyahaṃ mama bhojanam | eṣa me jīvitasyānto rāmo yadyabhiṣicyate || 33.20 ||

''यदि राम का अभिषेक हुआ, तो मैं न जल पीऊँगी, न प्रतिदिन का भोजन ग्रहण करूँगी -- यही मेरे जीवन का अन्त होगा।''

श्लोक 21 (sundara.33.21)

यत् तदुक्तं त्वया वाक्यं प्रीत्या नृपतिसत्तम । तच्चेन्न वितथं कार्यं वनं गच्छतु राघवः ॥ 33.21 ॥

yat taduktaṃ tvayā vākyaṃ prītyā nṛpatisattama | taccenna vitathaṃ kāryaṃ vanaṃ gacchatu rāghavaḥ || 33.21 ||

''हे नृपश्रेष्ठ! प्रेमवश आपने मुझे जो वचन दिया था, यदि उसे झूठा न करना हो तो राघव वन को चले जाएँ।''

श्लोक 22 (sundara.33.22)

स राजा सत्यवाग् देव्या वरदानमनुस्मरन् । मुमोह वचनं श्रुत्वा कैकेय्याः क्रूरमप्रियम् ॥ 33.22 ॥

sa rājā satyavāg devyā varadānamanusmaran | mumoha vacanaṃ śrutvā kaikeyyāḥ krūramapriyam || 33.22 ||

'सत्यप्रतिज्ञ राजा दशरथ, उस रानी को दिए गए वरदान का स्मरण करते हुए, कैकेयी के उन क्रूर और अप्रिय वचनों को सुनकर मूर्च्छित हो गए।'

श्लोक 23 (sundara.33.23)

ततस्तं स्थविरो राजा सत्यधर्मे व्यवस्थितः । ज्येष्ठं यशस्विनं पुत्रं रुदन् राज्यमयाचत ॥ 33.23 ॥

tatastaṃ sthaviro rājā satyadharme vyavasthitaḥ | jyeṣṭhaṃ yaśasvinaṃ putraṃ rudan rājyamayācata || 33.23 ||

'सत्य और धर्म में स्थित उस वृद्ध राजा ने तब रोते हुए अपने यशस्वी ज्येष्ठ पुत्र से राज्य वापस माँगा।'

श्लोक 24 (sundara.33.24)

स पितुर्वचनं श्रीमानभिषेकात् परं प्रियम् । मनसा पूर्वमासाद्य वाचा प्रतिगृहीतवान् ॥ 33.24 ॥

sa piturvacanaṃ śrīmānabhiṣekāt paraṃ priyam | manasā pūrvamāsādya vācā pratigṛhītavān || 33.24 ||

'उन श्रीमान् राम ने पिता के वचन को अपने अभिषेक से भी अधिक प्रिय मानकर, पहले मन से स्वीकार किया और फिर वाणी से भी स्वीकृति दी।'

श्लोक 25 (sundara.33.25)

दद्यान्न प्रतिगृह्णीयात् सत्यं ब्रूयान्न चानृतम् । अपि जीवितहेतोर्हि रामः सत्यपराक्रमः ॥ 33.25 ॥

dadyānna pratigṛhṇīyāt satyaṃ brūyānna cānṛtam | api jīvitahetorhi rāmaḥ satyaparākramaḥ || 33.25 ||

'वे देते हैं, वापस नहीं लेते; सत्य ही बोलते हैं, असत्य कभी नहीं -- ऐसे सत्यपराक्रमी हैं राम, चाहे प्राणों पर ही संकट क्यों न आ जाए।'

श्लोक 26 (sundara.33.26)

स विहायोत्तरीयाणि महार्हाणि महायशाः । विसृज्य मनसा राज्यं जनन्यै मां समादिशत् ॥ 33.26 ॥

sa vihāyottarīyāṇi mahārhāṇi mahāyaśāḥ | visṛjya manasā rājyaṃ jananyai māṃ samādiśat || 33.26 ||

'उन महायशस्वी राम ने अपने बहुमूल्य उत्तरीय वस्त्रों को त्यागकर, मन से राज्य का परित्याग कर, मुझे अपनी माता को सौंप दिया।'

श्लोक 27 (sundara.33.27)

साहं तस्याग्रतस्तूर्णं प्रस्थिता वनचारिणी । नहि मे तेन हीनाया वासः स्वर्गेऽपि रोचते ॥ 33.27 ॥

sāhaṃ tasyāgratastūrṇaṃ prasthitā vanacāriṇī | nahi me tena hīnāyā vāsaḥ svarge'pi rocate || 33.27 ||

'तब मैं, वनचारिणी बनकर, शीघ्र ही उनके आगे-आगे चल पड़ी; क्योंकि उनके बिना तो मुझे स्वर्ग में रहना भी नहीं भाता।'

श्लोक 28 (sundara.33.28)

प्रागेव तु महाभागः सौमित्रिर्मित्रनन्दनः । पूर्वजस्यानुयात्रार्थे कुशचीरैरलंकृतः ॥ 33.28 ॥

prāgeva tu mahābhāgaḥ saumitrirmitranandanaḥ | pūrvajasyānuyātrārthe kuśacīrairalaṃkṛtaḥ || 33.28 ||

'उससे भी पहले परम भाग्यशाली, मित्रों को आनन्दित करने वाले सौमित्र लक्ष्मण ने अपने बड़े भाई के पीछे चलने के लिए कुश और वल्कल वस्त्र धारण कर लिए थे।'

श्लोक 29 (sundara.33.29)

ते वयं भर्तुरादेशं बहुमान्य दृढव्रताः । प्रविष्टाः स्म पुरादृष्टं वनं गम्भीरदर्शनम् ॥ 33.29 ॥

te vayaṃ bharturādeśaṃ bahumānya dṛḍhavratāḥ | praviṣṭāḥ sma purādṛṣṭaṃ vanaṃ gambhīradarśanam || 33.29 ||

'हम सब स्वामी की आज्ञा का पूरा सम्मान करते हुए, दृढ़ व्रत लेकर, उस पहले कभी न देखे गए, गहन-गम्भीर दिखने वाले वन में प्रविष्ट हुए।'

श्लोक 30 (sundara.33.30)

वसतो दण्डकारण्ये तस्याहममितौजसः । रक्षसापहृता भार्या रावणेन दुरात्मना ॥ 33.30 ॥

vasato daṇḍakāraṇye tasyāhamamitaujasaḥ | rakṣasāpahṛtā bhāryā rāvaṇena durātmanā || 33.30 ||

'जब वे अपरिमित तेजस्वी राम दण्डकारण्य में निवास कर रहे थे, तब उनकी पत्नी मुझे उस दुरात्मा राक्षस रावण ने हर लिया।'

श्लोक 31 (sundara.33.31)

द्वौ मासौ तेन मे कालो जीवितानुग्रहः कृतः । ऊर्ध्वं द्वाभ्यां तु मासाभ्यां ततस्त्यक्ष्यामि जीवितम् ॥ 33.31 ॥

dvau māsau tena me kālo jīvitānugrahaḥ kṛtaḥ | ūrdhvaṃ dvābhyāṃ tu māsābhyāṃ tatastyakṣyāmi jīvitam || 33.31 ||

'उसने मुझे दो मास तक जीवित रहने की मोहलत दी है; उन दो महीनों के पश्चात् मैं अपने प्राण त्याग दूँगी।'