चैत्यप्रासाद-दाह

श्लोक 1 (sundara.43.1)

ततः स किंकरान् हत्वा हनूमान् ध्यानमास्थितः। वनं भग्नं मया चैत्यप्रासादो न विनाशितः ॥ 43.1 ॥

tataḥ sa kiṃkarān hatvā hanūmān dhyānamāsthitaḥ| vanaṃ bhagnaṃ mayā caityaprāsādo na vināśitaḥ || 43.1 ||

तब किंकरों का वध करने के बाद हनुमान सोचने लगे — "मैंने वन को तो तोड़ डाला, किंतु चैत्यप्रासाद को अभी नष्ट नहीं किया।"

श्लोक 2 (sundara.43.2)

तस्मात् प्रासादमद्यैवमिमं विध्वंसयाम्यहम्। इति संचिन्त्य हनुमान् मनसादर्शयन् बलम् ॥ 43.2 ॥

tasmāt prāsādamadyaivamimaṃ vidhvaṃsayāmyaham| iti saṃcintya hanumān manasādarśayan balam || 43.2 ||

"अतः आज ही मैं इस प्रासाद को भी ध्वस्त कर दूँगा" — ऐसा विचार करके हनुमान ने मन ही मन अपने बल का प्रदर्शन किया।

श्लोक 3 (sundara.43.3)

चैत्यप्रासादमुत्प्लुत्य मेरुशृङ्गमिवोन्नतम्। आरुरोह हरिश्रेष्ठो हनूमान् मारुतात्मजः ॥ 43.3 ॥

caityaprāsādamutplutya meruśṛṅgamivonnatam| āruroha hariśreṣṭho hanūmān mārutātmajaḥ || 43.3 ||

मेरु-शिखर के समान ऊँचे उस चैत्यप्रासाद की ओर उछलकर वह वानरश्रेष्ठ पवनपुत्र हनुमान उस पर चढ़ गए।

श्लोक 4 (sundara.43.4)

आरुह्य गिरिसंकाशं प्रासादं हरियूथपः। बभौ स सुमहातेजाः प्रतिसूर्य इवोदितः ॥ 43.4 ॥

āruhya girisaṃkāśaṃ prāsādaṃ hariyūthapaḥ| babhau sa sumahātejāḥ pratisūrya ivoditaḥ || 43.4 ||

उस पर्वताकार प्रासाद पर चढ़कर वह वानरयूथपति मानो एक दूसरे उदित सूर्य के समान शोभित हो उठा।

श्लोक 5 (sundara.43.5)

सम्प्रधृष्य तु दुर्धर्षश्चैत्यप्रासादमुन्नतम्। हनूमान् प्रज्वलँल्लक्ष्म्या पारियात्रोपमोऽभवत् ॥ 43.5 ॥

sampradhṛṣya tu durdharṣaścaityaprāsādamunnatam| hanūmān prajvala~llakṣmyā pāriyātropamo'bhavat || 43.5 ||

उस दुर्धर्ष हनुमान ने उस ऊँचे चैत्यप्रासाद को अपने अधिकार में करके, तेज से प्रज्वलित होकर पारियात्र पर्वत के समान रूप धारण कर लिया।

श्लोक 6 (sundara.43.6)

स भूत्वा सुमहाकायः प्रभावान् मारुतात्मजः। धृष्टमास्फोटयामास लङ्कां शब्देन पूरयन् ॥ 43.6 ॥

sa bhūtvā sumahākāyaḥ prabhāvān mārutātmajaḥ| dhṛṣṭamāsphoṭayāmāsa laṅkāṃ śabdena pūrayan || 43.6 ||

तब अत्यंत विशालकाय बनकर पवनपुत्र ने साहसपूर्वक अपनी भुजाओं को पीटा, जिससे लंका उस शब्द से भर गई।

श्लोक 7 (sundara.43.7)

तस्यास्फोटितशब्देन महता श्रोत्रघातिना। पेतुर्विहंगमास्तत्र चैत्यपालाश्च मोहिताः ॥ 43.7 ॥

tasyāsphoṭitaśabdena mahatā śrotraghātinā| peturvihaṃgamāstatra caityapālāśca mohitāḥ || 43.7 ||

उस भुजास्फोट के महान् कर्णभेदी शब्द से वहाँ पक्षी गिर पड़े, और चैत्य के रक्षक भी मूर्च्छित हो गए।

श्लोक 8 (sundara.43.8)

अस्त्रविज्जयतां रामो लक्ष्मणश्च महाबलः। राजा जयति सुग्रीवो राघवेणाभिपालितः ॥ 43.8 ॥

astravijjayatāṃ rāmo lakṣmaṇaśca mahābalaḥ| rājā jayati sugrīvo rāghaveṇābhipālitaḥ || 43.8 ||

"अस्त्रविद्या में निपुण राम की जय हो, और महाबली लक्ष्मण की जय हो! राघव द्वारा रक्षित राजा सुग्रीव की जय हो!"

श्लोक 9 (sundara.43.9)

दासोऽहं कोसलेन्द्रस्य रामस्याक्लिष्टकर्मणः। हनूमान् शत्रुसैन्यानां निहन्ता मारुतात्मजः ॥ 43.9 ॥

dāso'haṃ kosalendrasya rāmasyākliṣṭakarmaṇaḥ| hanūmān śatrusainyānāṃ nihantā mārutātmajaḥ || 43.9 ||

"मैं कोसलेन्द्र अक्लिष्टकर्मा राम का दास हूँ — शत्रुसेनाओं का संहारक, पवनपुत्र हनुमान।"

श्लोक 10 (sundara.43.10)

न रावणसहस्रं मे युद्धे प्रतिबलं भवेत्। शिलाभिश्च प्रहरतः पादपैश्च सहस्रशः ॥ 43.10 ॥

na rāvaṇasahasraṃ me yuddhe pratibalaṃ bhavet| śilābhiśca praharataḥ pādapaiśca sahasraśaḥ || 43.10 ||

"युद्ध में सहस्रों शिलाओं और वृक्षों से प्रहार करने वाले मुझसे सहस्र रावण भी टक्कर नहीं ले सकते।"

श्लोक 11 (sundara.43.11)

धर्षयित्वा पुरीं लङ्कामभिवाद्य च मैथिलीम्। समृद्धार्थो गमिष्यामि मिषतां सर्वरक्षसाम् ॥ 43.11 ॥

dharṣayitvā purīṃ laṅkāmabhivādya ca maithilīm| samṛddhārtho gamiṣyāmi miṣatāṃ sarvarakṣasām || 43.11 ||

"लंका पुरी पर आक्रमण करके और मैथिली को प्रणाम करके, समस्त राक्षसों के देखते-देखते ही मैं अपने कार्य को सफल कर लौट जाऊँगा।"

श्लोक 12 (sundara.43.12)

एवमुक्त्वा महाकायश्चैत्यस्थो हरियूथपः। ननाद भीमनिर्ह्रादो रक्षसां जनयन् भयम् ॥ 43.12 ॥

evamuktvā mahākāyaścaityastho hariyūthapaḥ| nanāda bhīmanirhrādo rakṣasāṃ janayan bhayam || 43.12 ||

ऐसा कहकर वह विशालकाय वानरयूथपति चैत्य पर खड़े होकर भयंकर गर्जना करने लगे, जिससे राक्षसों में भय उत्पन्न हो गया।

श्लोक 13 (sundara.43.13)

तेन नादेन महता चैत्यपालाः शतं ययुः। गृहीत्वा विविधानस्त्रान् प्रासान् खड्गान् परश्वधान् ॥ 43.13 ॥

tena nādena mahatā caityapālāḥ śataṃ yayuḥ| gṛhītvā vividhānastrān prāsān khaḍgān paraśvadhān || 43.13 ||

उस महान् गर्जन-ध्वनि से चैत्य के सौ रक्षक विविध अस्त्र-शस्त्र — भाले, तलवारें और फरसे लेकर निकल पड़े।

श्लोक 14 (sundara.43.14)

विसृजन्तो महाकाया मारुतिं पर्यवारयन्। ते गदाभिर्विचित्राभिः परिघैः काञ्चनाङ्गदैः ॥ 43.14 ॥

visṛjanto mahākāyā mārutiṃ paryavārayan| te gadābhirvicitrābhiḥ parighaiḥ kāñcanāṅgadaiḥ || 43.14 ||

उन शस्त्रों को फेंकते हुए उन विशालकाय रक्षकों ने मारुति को घेर लिया; वे विचित्र गदाओं और स्वर्णांगद-मंडित परिघों के साथ —

श्लोक 15 (sundara.43.15)

आजग्मुर्वानरश्रेष्ठं बाणैश्चादित्यसंनिभैः। आवर्त इव गङ्गायास्तोयस्य विपुलो महान् ॥ 43.15 ॥

ājagmurvānaraśreṣṭhaṃ bāṇaiścādityasaṃnibhaiḥ| āvarta iva gaṅgāyāstoyasya vipulo mahān || 43.15 ||

— तथा सूर्य के समान तेजस्वी बाणों के साथ उस वानरश्रेष्ठ पर टूट पड़े, और उस राक्षससमूह ने गंगा के जल के विशाल भँवर के समान उसे घेर लिया।

श्लोक 16 (sundara.43.16)

परिक्षिप्य हरिश्रेष्ठं स बभौ रक्षसां गणः। ततो वातात्मजः क्रुद्धो भीमरूपं समास्थितः ॥ 43.16 ॥

parikṣipya hariśreṣṭhaṃ sa babhau rakṣasāṃ gaṇaḥ| tato vātātmajaḥ kruddho bhīmarūpaṃ samāsthitaḥ || 43.16 ||

उस वानरश्रेष्ठ को घेरकर वह राक्षससमूह शोभित हुआ; तब क्रुद्ध होकर पवनपुत्र ने भीषण रूप धारण कर लिया।

श्लोक 17 (sundara.43.17)

प्रासादस्य महांस्तस्य स्तम्भं हेमपरिष्कृतम्। उत्पाटयित्वा वेगेन हनूमान् मारुतात्मजः ॥ 43.17 ॥

prāsādasya mahāṃstasya stambhaṃ hemapariṣkṛtam| utpāṭayitvā vegena hanūmān mārutātmajaḥ || 43.17 ||

उस प्रासाद के विशाल, स्वर्णभूषित स्तंभ को अत्यंत वेग से उखाड़कर पवनपुत्र हनुमान ने,

श्लोक 18 (sundara.43.18)

ततस्तं भ्रामयामास शतधारं महाबलः। तत्र चाग्निः समभवत् प्रासादश्चाप्यदह्यत ॥ 43.18 ॥

tatastaṃ bhrāmayāmāsa śatadhāraṃ mahābalaḥ| tatra cāgniḥ samabhavat prāsādaścāpyadahyata || 43.18 ||

उस सौ धार वाले स्तंभ को अपने पूर्ण बल से घुमाया; और वहाँ अग्नि उत्पन्न हो गई, और वह प्रासाद स्वयं जलने लगा।

श्लोक 19 (sundara.43.19)

दह्यमानं ततो दृष्ट्वा प्रासादं हरियूथपः। स राक्षसशतं हत्वा वज्रेणेन्द्र इवासुरान् ॥ 43.19 ॥

dahyamānaṃ tato dṛṣṭvā prāsādaṃ hariyūthapaḥ| sa rākṣasaśataṃ hatvā vajreṇendra ivāsurān || 43.19 ||

प्रासाद को जलता हुआ देखकर, इंद्र के वज्र से असुरों के वध की भाँति सौ राक्षसों का वध करके उस वानरयूथपति ने,

श्लोक 20 (sundara.43.20)

अन्तरिक्षस्थितः श्रीमानिदं वचनमब्रवीत्। मादृशानां सहस्राणि विसृष्टानि महात्मनाम् ॥ 43.20 ॥

antarikṣasthitaḥ śrīmānidaṃ vacanamabravīt| mādṛśānāṃ sahasrāṇi visṛṣṭāni mahātmanām || 43.20 ||

आकाश में खड़े होकर तेजस्वी वाणी में यह कहा — "मुझ जैसे महात्मा हजारों-हजार,"

श्लोक 21 (sundara.43.21)

बलिनां वानरेन्द्राणां सुग्रीववशवर्तिनाम्। अटन्ति वसुधां कृत्स्नां वयमन्ये च वानराः ॥ 43.21 ॥

balināṃ vānarendrāṇāṃ sugrīvavaśavartinām| aṭanti vasudhāṃ kṛtsnāṃ vayamanye ca vānarāḥ || 43.21 ||

"— सुग्रीव की आज्ञा मानने वाले बलवान् वानरेन्द्र भेजे गए हैं; हम और अन्य वानर अब सम्पूर्ण पृथ्वी पर विचरण कर रहे हैं।"

श्लोक 22 (sundara.43.22)

दशनागबलाः केचित् केचिद् दशगुणोत्तराः। केचिन्नागसहस्रस्य बभूवुस्तुल्यविक्रमाः ॥ 43.22 ॥

daśanāgabalāḥ kecit kecid daśaguṇottarāḥ| kecinnāgasahasrasya babhūvustulyavikramāḥ || 43.22 ||

"कुछ में दस हाथियों का बल है, कुछ में उससे भी दस गुना अधिक; कुछ सहस्र हाथियों के समान पराक्रमी हैं।"

श्लोक 23 (sundara.43.23)

सन्ति चौघबलाः केचित् सन्ति वायुबलोपमाः। अप्रमेयबलाः केचित् तत्रासन् हरियूथपाः ॥ 43.23 ॥

santi caughabalāḥ kecit santi vāyubalopamāḥ| aprameyabalāḥ kecit tatrāsan hariyūthapāḥ || 43.23 ||

"कुछ में प्रबल जलधारा का बल है, कुछ पवन के समान बलशाली हैं; कुछ वानरयूथपति तो अपरिमेय बल वाले हैं।"

श्लोक 24 (sundara.43.24)

ईदृग्विधैस्तु हरिभिर्वृतो दन्तनखायुधैः। शतैः शतसहस्रैश्च कोटिभिश्चायुतैरपि ॥ 43.24 ॥

īdṛgvidhaistu haribhirvṛto dantanakhāyudhaiḥ| śataiḥ śatasahasraiśca koṭibhiścāyutairapi || 43.24 ||

"दाँत-नखों को ही आयुध बनाने वाले ऐसे सैकड़ों, हज़ारों, लाखों, करोड़ों वानरों से घिरा हुआ तुम सबका संहारक सुग्रीव यहाँ आएगा।"

श्लोक 25 (sundara.43.25)

आगमिष्यति सुग्रीवः सर्वेषां वो निषूदनः। नेयमस्ति पुरी लङ्का न यूयं न च रावणः। यस्य त्विक्ष्वाकुवीरेण बद्धं वैरं महात्मना ॥ 43.25 ॥

āgamiṣyati sugrīvaḥ sarveṣāṃ vo niṣūdanaḥ| neyamasti purī laṅkā na yūyaṃ na ca rāvaṇaḥ| yasya tvikṣvākuvīreṇa baddhaṃ vairaṃ mahātmanā || 43.25 ||

"वह आने वाला तुम सबका संहारक है। यह लंकापुरी अब नहीं रहेगी, न तुम रहोगे, न रावण — क्योंकि तुमने इक्ष्वाकुवंशी उस महात्मा वीर से वैर बाँध लिया है।"