जम्बुमाली-वध

श्लोक 1 (sundara.44.1)

संदिष्टो राक्षसेन्द्रेण प्रहस्तस्य सुतो बली । जम्बुमाली महादंष्ट्रो निर्जगाम धनुर्धरः ॥ 44.1 ॥

saṃdiṣṭo rākṣasendreṇa prahastasya suto balī | jambumālī mahādaṃṣṭro nirjagāma dhanurdharaḥ || 44.1 ||

राक्षसराज की आज्ञा से प्रहस्त का बलवान् और महादंष्ट्र पुत्र धनुर्धर जम्बुमाली निकल पड़ा।

श्लोक 2 (sundara.44.2)

रक्तमाल्याम्बरधरः स्रग्वी रुचिरकुण्डलः । महान् विवृत्तनयनश्चण्डः समरदुर्जयः ॥ 44.2 ॥

raktamālyāmbaradharaḥ sragvī rucirakuṇḍalaḥ | mahān vivṛttanayanaścaṇḍaḥ samaradurjayaḥ || 44.2 ||

लाल माला और वस्त्र धारण किए हुए, माला पहने, चमकते कुंडलों वाला, विशालकाय, बड़ी-बड़ी घूमती आँखों वाला, प्रचंड और युद्ध में दुर्जय —

श्लोक 3 (sundara.44.3)

धनुः शक्रधनुःप्रख्यं महद्रुचिरसायकम् । विस्फारयानो वेगेन वज्राशनिसमस्वनम् ॥ 44.3 ॥

dhanuḥ śakradhanuḥprakhyaṃ mahadrucirasāyakam | visphārayāno vegena vajrāśanisamasvanam || 44.3 ||

— वह इंद्रधनुष के समान सुंदर, विशाल और उत्तम बाणों वाले अपने धनुष को वेगपूर्वक खींचने लगा, जो वज्र और बिजली के समान गर्जना करता था।

श्लोक 4 (sundara.44.4)

तस्य विस्फारघोषेण धनुषो महता दिशः । प्रदिशश्च नभश्चैव सहसा समपूर्यत ॥ 44.4 ॥

tasya visphāraghoṣeṇa dhanuṣo mahatā diśaḥ | pradiśaśca nabhaścaiva sahasā samapūryata || 44.4 ||

उस धनुष की महान् टंकार-ध्वनि से दिशाएँ, विदिशाएँ और आकाश भी सहसा उस शब्द से भर गए।

श्लोक 5 (sundara.44.5)

रथेन खरयुक्तेन तमागतमुदीक्ष्य सः । हनुमान् वेगसंपन्नो जहर्ष च ननाद च ॥ 44.5 ॥

rathena kharayuktena tamāgatamudīkṣya saḥ | hanumān vegasaṃpanno jaharṣa ca nanāda ca || 44.5 ||

खच्चरों से जुते रथ पर आते हुए उसे देखकर वेगसंपन्न हनुमान हर्षित हो उठे और गर्जना करने लगे।

श्लोक 6 (sundara.44.6)

तं तोरणविटङ्कस्थं हनुमन्तं महाकपिम् । जम्बुमाली महाबाहुर्विव्याध निशितैः शरैः ॥ 44.6 ॥

taṃ toraṇaviṭaṅkasthaṃ hanumantaṃ mahākapim | jambumālī mahābāhurvivyādha niśitaiḥ śaraiḥ || 44.6 ||

उस महाबाहु जम्बुमाली ने तोरण के ऊपर खड़े हुए महाकपि हनुमान को अपने तीक्ष्ण बाणों से बींध दिया।

श्लोक 7 (sundara.44.7)

अर्धचन्द्रेण वदने शिरस्येकेन कर्णिना । बाह्वोर्विव्याध नाराचैर्दशभिस्तं कपीश्वरम् ॥ 44.7 ॥

ardhacandreṇa vadane śirasyekena karṇinā | bāhvorvivyādha nārācairdaśabhistaṃ kapīśvaram || 44.7 ||

अर्धचन्द्राकार बाण से उसने मुख पर, कर्णी बाण से शिर पर, और दस नाराचों से उस कपीश्वर की भुजाओं को बींध दिया।

श्लोक 8 (sundara.44.8)

तस्य तच्छुशुभे ताम्रं शरेणाभिहतं मुखम् । शरदीवाम्बुजम्फुल्लं विद्धं भास्कररश्मिना ॥ 44.8 ॥

tasya tacchuśubhe tāmraṃ śareṇābhihataṃ mukham | śaradīvāmbujamphullaṃ viddhaṃ bhāskararaśminā || 44.8 ||

बाण से आहत हुआ उसका वह ताम्रवर्णी मुख शरद ऋतु में सूर्य की किरणों से बिंधे हुए विकसित कमल के समान शोभित हो उठा।

श्लोक 9 (sundara.44.9)

तत्तस्य रक्तं रक्तेन रञ्जितं शुशुभे मुखम् । यथाकाशे महापद्मं सिक्तं चन्दनबिन्दुभिः ॥ 44.9 ॥

tattasya raktaṃ raktena rañjitaṃ śuśubhe mukham | yathākāśe mahāpadmaṃ siktaṃ candanabindubhiḥ || 44.9 ||

रक्तवर्णी और अब रक्त से और भी रंजित हुआ उसका वह मुख आकाश में चंदन-बिंदुओं से सिंचित महापद्म के समान सुशोभित हो उठा।

श्लोक 10 (sundara.44.10)

चुकोप बाणाभिहतो राक्षसस्य महाकपिः । ततः पार्श्वेतिविपुलां ददर्श महतीं शिलाम् ॥ 44.10 ॥

cukopa bāṇābhihato rākṣasasya mahākapiḥ | tataḥ pārśvetivipulāṃ dadarśa mahatīṃ śilām || 44.10 ||

बाणों से आहत होकर वह महाकपि उस राक्षस पर क्रुद्ध हो उठा, और तभी उसने पास ही एक विशाल शिला देखी।

श्लोक 11 (sundara.44.11)

तरसा तां समुत्पाट्य चिक्षेप बलवद्बली । तां शरैर्दशभिः क्रुद्धस्ताडयामास राक्षसः ॥ 44.11 ॥

tarasā tāṃ samutpāṭya cikṣepa balavadbalī | tāṃ śarairdaśabhiḥ kruddhastāḍayāmāsa rākṣasaḥ || 44.11 ||

उस बलवान् ने उसे वेगपूर्वक उखाड़कर फेंका; किंतु उस क्रुद्ध राक्षस ने दस बाणों से उस शिला को ही मार गिराया।

श्लोक 12 (sundara.44.12)

विपन्नं कर्म तद्दृष्ट्वा हनुमांश्चण्डविक्रमः । सालं विपुलमुत्पाट्य भ्रामयामास वीर्यवान् ॥ 44.12 ॥

vipannaṃ karma taddṛṣṭvā hanumāṃścaṇḍavikramaḥ | sālaṃ vipulamutpāṭya bhrāmayāmāsa vīryavān || 44.12 ||

उस प्रयास को व्यर्थ होते देखकर प्रचंडविक्रमी वीर्यवान् हनुमान ने एक विशाल साल वृक्ष उखाड़कर उसे घुमाने लगे।

श्लोक 13 (sundara.44.13)

भ्रामयन्तं कपिं दृष्ट्वा सालवृक्षं महाबलम् । चिक्षेप सुबहून् बाणान् जम्बुमाली महाबलः ॥ 44.13 ॥

bhrāmayantaṃ kapiṃ dṛṣṭvā sālavṛkṣaṃ mahābalam | cikṣepa subahūn bāṇān jambumālī mahābalaḥ || 44.13 ||

साल वृक्ष घुमाते हुए उस महाबली वानर को देखकर अत्यंत बलशाली जम्बुमाली ने अनेकानेक बाण छोड़े।

श्लोक 14 (sundara.44.14)

सालं चतुर्भिश्चिच्छेद वानरं पञ्चभिर्भुजे । शिरस्येकेन बाणेन दशभिस्तु स्तनान्तरे ॥ 44.14 ॥

sālaṃ caturbhiściccheda vānaraṃ pañcabhirbhuje | śirasyekena bāṇena daśabhistu stanāntare || 44.14 ||

चार बाणों से उसने साल वृक्ष को काट डाला, पाँच से वानर की भुजा पर, एक से शिर पर, और दस बाणों से वक्षस्थल के मध्य में प्रहार किया।

श्लोक 15 (sundara.44.15)

स शरैः पूरिततनुः क्रोधेन महता वृतः । तमेव परिघं गृह्य भ्रामयामास वेगतः ॥ 44.15 ॥

sa śaraiḥ pūritatanuḥ krodhena mahatā vṛtaḥ | tameva parighaṃ gṛhya bhrāmayāmāsa vegataḥ || 44.15 ||

बाणों से भरे हुए शरीर वाला, महाक्रोध से युक्त वह वानर उसी लौह-परिघ को लेकर तथा दृढ़ता से पकड़कर वेगपूर्वक घुमाने लगा।

श्लोक 16 (sundara.44.16)

अतिवेगोतिवेगेन भ्रामयित्वा बलोत्कटः । परिघं पातयामास जम्बुमालेर्महोरसि ॥ 44.16 ॥

ativegotivegena bhrāmayitvā balotkaṭaḥ | parighaṃ pātayāmāsa jambumālermahorasi || 44.16 ||

अत्यंत वेग से बार-बार घुमाकर उस बलोत्कट वानर ने उस परिघ को जम्बुमाली के विशाल वक्षस्थल पर गिरा दिया।

श्लोक 17 (sundara.44.17)

तस्य चैव शिरो नास्ति न बाहू न च जानुनी । न धनुर्नरथो नाश्वास्तत्रादृश्यन्त नेषवः ॥ 44.17 ॥

tasya caiva śiro nāsti na bāhū na ca jānunī | na dhanurnaratho nāśvāstatrādṛśyanta neṣavaḥ || 44.17 ||

उसके तब न तो सिर, न भुजाएँ, न घुटने ही दिखाई पड़े; न धनुष, न रथ, न घोड़े, और न ही उसके बाण वहाँ दिखाई दिए।

श्लोक 18 (sundara.44.18)

स हतस्तरसा तेन जम्बुमाली महाबलः । पपात निहतो भूमौ चूर्णिताङ्गविभूषणः ॥ 44.18 ॥

sa hatastarasā tena jambumālī mahābalaḥ | papāta nihato bhūmau cūrṇitāṅgavibhūṣaṇaḥ || 44.18 ||

उससे इस प्रकार वेगपूर्वक आहत होकर वह महाबली जम्बुमाली, अंग-आभूषण चूर्ण होकर, मारा जाकर भूमि पर गिर पड़ा।

श्लोक 19 (sundara.44.19)

जम्बुमालिं च निहतं किङ्करांश्च महाबलान् । चुक्रोध रावणः श्रुत्वा कोपसंरक्त लोचनः ॥ 44.19 ॥

jambumāliṃ ca nihataṃ kiṅkarāṃśca mahābalān | cukrodha rāvaṇaḥ śrutvā kopasaṃrakta locanaḥ || 44.19 ||

जम्बुमाली और उन महाबली किंकरों के मारे जाने का समाचार सुनकर रावण क्रोध से रक्तनेत्र होकर अत्यंत कुपित हो उठा।

श्लोक 20 (sundara.44.20)

स रोषसंवर्तितताम्रलोचनः प्रहस्त पुत्रे निहते महाबले । अमात्यपुत्रानतिवीर्यविक्रमान् समादिदेशाशु निशाचरेश्वरः ॥ 44.20 ॥

sa roṣasaṃvartitatāmralocanaḥ prahasta putre nihate mahābale | amātyaputrānativīryavikramān samādideśāśu niśācareśvaraḥ || 44.20 ||

प्रहस्त के उस महाबली पुत्र के मारे जाने से क्रोध में रक्तवर्णी घूमती आँखों वाले उस निशाचरेश्वर ने तत्काल अपने अतिवीर्यवान्, पराक्रमी मंत्रिपुत्रों को आज्ञा दी।