मंत्रिपुत्र-वध

श्लोक 1 (sundara.45.1)

ततस्ते राक्षसेन्द्रेण चोदिता मन्त्रिणः सुताः। निर्ययुर्भवनात् तस्मात् सप्त सप्तार्चिवर्चसः ॥ 45.1 ॥

tataste rākṣasendreṇa coditā mantriṇaḥ sutāḥ| niryayurbhavanāt tasmāt sapta saptārcivarcasaḥ || 45.1 ||

तब राक्षसराज द्वारा प्रेरित हुए वे मंत्री के सात पुत्र, अग्नि के समान तेजस्वी, उस भवन से निकल पड़े।

श्लोक 2 (sundara.45.2)

महद्बलपरीवारा धनुष्मन्तो महाबलाः। कृतास्त्रास्त्रविदां श्रेष्ठाः परस्परजयैषिणः ॥ 45.2 ॥

mahada‍balaparīvārā dhanuṣmanto mahābalāḥ| kṛtāstrāstravidāṃ śreṣṭhāḥ parasparajayaiṣiṇaḥ || 45.2 ||

महान् सेना से घिरे हुए, धनुर्धारी, महाबली, अस्त्र-शस्त्र के ज्ञाताओं में श्रेष्ठ, तथा परस्पर विजय की कामना करने वाले वे —

श्लोक 3 (sundara.45.3)

हेमजालपरिक्षिप्तैर्ध्वजवद्भिः पताकिभिः। तोयदस्वननिर्घोषैर्वाजियुक्तैर्महारथैः ॥ 45.3 ॥

hemajālaparikṣiptairdhvajavadbhiḥ patākibhiḥ| toyadasvananirghoṣairvājiyuktairmahārathaiḥ || 45.3 ||

— स्वर्णजाल से आवृत, ध्वजों और पताकाओं से सुसज्जित, मेघ के समान गर्जना करते, वेगवान् घोड़ों से जुते महारथों पर सवार —

श्लोक 4 (sundara.45.4)

तप्तकाञ्चनचित्राणि चापान्यमितविक्रमाः। विस्फारयन्तः संहृष्टास्तडिद्वन्त इवाम्बुदाः ॥ 45.4 ॥

taptakāñcanacitrāṇi cāpānyamitavikramāḥ| visphārayantaḥ saṃhṛṣṭāstaḍidvanta ivāmbudāḥ || 45.4 ||

— तपाए हुए सोने से जड़े अपने विचित्र धनुषों को खींचते हुए वे अमित पराक्रमी, हर्षित योद्धा बिजली से युक्त मेघों के समान शोभित हो रहे थे।

श्लोक 5 (sundara.45.5)

जनन्यस्तास्ततस्तेषां विदित्वा किंकरान् हतान्। बभूवुः शोकसम्भ्रान्ताः सबान्धवसुहृज्जनाः ॥ 45.5 ॥

jananyastāstatasteṣāṃ viditvā kiṃkarān hatān| babhūvuḥ śokasambhrāntāḥ sabāndhavasuhṛjjanāḥ || 45.5 ||

उनकी माताएँ, किंकरों के मारे जाने का समाचार पाकर, बंधु-बांधवों और सुहृदजनों सहित शोक से व्याकुल हो उठीं।

श्लोक 6 (sundara.45.6)

ते परस्परसंघर्षात् तप्तकाञ्चनभूषणाः। अभिपेतुर्हनूमन्तं तोरणस्थमवस्थितम् ॥ 45.6 ॥

te parasparasaṃgharṣāt taptakāñcanabhūṣaṇāḥ| abhipeturhanūmantaṃ toraṇasthamavasthitam || 45.6 ||

तपाए हुए सोने के आभूषणों से सज्जित वे परस्पर होड़ करते हुए तोरण पर स्थिर खड़े हनुमान पर टूट पड़े।

श्लोक 7 (sundara.45.7)

सृजन्तो बाणवृष्टिं ते रथगर्जितनिःस्वनाः। प्रावृट्काल इवाम्भोदा विचेरुर्नैर्ऋताम्बुदाः ॥ 45.7 ॥

sṛjanto bāṇavṛṣṭiṃ te rathagarjitaniḥsvanāḥ| prāvṛṭkāla ivāmbhodā vicerurnairṛtāmbudāḥ || 45.7 ||

बाणों की वर्षा करते हुए, रथों की गर्जना के साथ, वे वर्षा-ऋतु के मेघों के समान, वे मेघतुल्य निशाचर, चारों ओर विचरण करने लगे।

श्लोक 8 (sundara.45.8)

अवकीर्णस्ततस्ताभिर्हनूमान् शरवृष्टिभिः। अभवत् संवृताकारः शैलराडिव वृष्टिभिः ॥ 45.8 ॥

avakīrṇastatastābhirhanūmān śaravṛṣṭibhiḥ| abhavat saṃvṛtākāraḥ śailarāḍiva vṛṣṭibhiḥ || 45.8 ||

तब उन बाणों की वर्षा से आच्छादित होकर हनुमान इस प्रकार अदृश्य हो गए जैसे कोई पर्वतराज निरंतर वर्षा से ढक जाता है।

श्लोक 9 (sundara.45.9)

स शरान् वञ्चयामास तेषामाशुचरः कपिः। रथवेगांश्च वीराणां विचरन् विमलेऽम्बरे ॥ 45.9 ॥

sa śarān vañcayāmāsa teṣāmāśucaraḥ kapiḥ| rathavegāṃśca vīrāṇāṃ vicaran vimale'mbare || 45.9 ||

निर्मल आकाश में वेगपूर्वक विचरण करते हुए उस शीघ्रगामी वानर ने उन वीरों के बाणों और वेगवान् रथों दोनों को व्यर्थ कर दिया।

श्लोक 10 (sundara.45.10)

स तैः क्रीडन् धनुष्मद्भिर्व्योम्नि वीरः प्रकाशते। धनुष्मद्भिर्यथा मेघैर्मारुतः प्रभुरम्बरे ॥ 45.10 ॥

sa taiḥ krīḍan dhanuṣmadbhirvyomni vīraḥ prakāśate| dhanuṣmadbhiryathā meghairmārutaḥ prabhurambare || 45.10 ||

आकाश में उन धनुर्धारियों के बीच क्रीड़ा करता हुआ वह वीर इंद्रधनुषधारी मेघों के बीच क्रीड़ा करते हुए प्रबल पवनदेव के समान शोभित हो रहा था।

श्लोक 11 (sundara.45.11)

स कृत्वा निनदं घोरं त्रासयंस्तां महाचमूम्। चकार हनुमान् वेगं तेषु रक्षःसु वीर्यवान् ॥ 45.11 ॥

sa kṛtvā ninadaṃ ghoraṃ trāsayaṃstāṃ mahācamūm| cakāra hanumān vegaṃ teṣu rakṣaḥsu vīryavān || 45.11 ||

तब भीषण गर्जना करके उस विशाल सेना को त्रस्त कर देने वाले वीर्यवान् हनुमान ने उन राक्षसों पर पूर्ण वेग से आक्रमण किया।

श्लोक 12 (sundara.45.12)

तलेनाभिहनत् कांश्चित् पादैः कांश्चित् परंतपः। मुष्टिभिश्चाहनत् कांश्चिन्नखैः कांश्चिद् व्यदारयत् ॥ 45.12 ॥

talenābhihanat kāṃścit pādaiḥ kāṃścit paraṃtapaḥ| muṣṭibhiścāhanat kāṃścinnakhaiḥ kāṃścid vyadārayat || 45.12 ||

उस परंतप ने कुछ को हथेली से, कुछ को पैरों से, कुछ को मुक्कों से मार गिराया, और कुछ को नखों से विदीर्ण कर दिया।

श्लोक 13 (sundara.45.13)

प्रममाथोरसा कांश्चिदूरुभ्यामपरानपि। केचित् तस्यैव नादेन तत्रैव पतिता भुवि ॥ 45.13 ॥

pramamāthorasā kāṃścidūrubhyāmaparānapi| kecit tasyaiva nādena tatraiva patitā bhuvi || 45.13 ||

कुछ को उसने वक्षस्थल से कुचल दिया, कुछ को जंघाओं से; और कुछ तो उसकी केवल गर्जना मात्र से ही वहीं भूमि पर गिरकर मर गए।

श्लोक 14 (sundara.45.14)

ततस्तेष्ववसन् नेषु भूमौ निपतितेषु च। तत्सैन्यमगमत् सर्वं दिशो दश भयार्दितम् ॥ 45.14 ॥

tatasteṣvavasan neṣu bhūmau nipatiteṣu ca| tatsainyamagamat sarvaṃ diśo daśa bhayārditam || 45.14 ||

तब उन राक्षसों के भूमि पर गिरकर मृत हो जाने पर वह समस्त सेना भय से पीड़ित होकर दसों दिशाओं में भाग गई।

श्लोक 15 (sundara.45.15)

विनेदुर्विस्वरं नागा निपेतुर्भुवि वाजिनः। भग्ननीडध्वजच्छत्रैर्भूश्च कीर्णाभवद् रथैः ॥ 45.15 ॥

vinedurvisvaraṃ nāgā nipeturbhuvi vājinaḥ| bhagnanīḍadhvajacchatrairbhūśca kīrṇābhavad rathaiḥ || 45.15 ||

हाथी विकृत स्वर में चिंघाड़ने लगे, घोड़े भूमि पर गिर पड़े; टूटे हुए आसनों, ध्वजों और छत्रों वाले रथों से पृथ्वी पट गई।

श्लोक 16 (sundara.45.16)

स्रवता रुधिरेणाथ स्रवन्त्यो दर्शिताः पथि। विविधैश्च स्वनैर्लङ्का ननाद विकृतं तदा ॥ 45.16 ॥

sravatā rudhireṇātha sravantyo darśitāḥ pathi| vividhaiśca svanairlaṅkā nanāda vikṛtaṃ tadā || 45.16 ||

तब मार्ग में रक्त की बहती हुई धाराएँ दिखाई देने लगीं, और लंका नाना प्रकार के भयंकर स्वरों से गूँज उठी।

श्लोक 17 (sundara.45.17)

स तान् प्रवृद्धान् विनिहत्य राक्षसान् महाबलश्चण्डपराक्रमः कपिः। युयुत्सुरन्यैः पुनरेव राक्षसै- स्तदेव वीरोऽभिजगाम तोरणम् ॥ 45.17 ॥

sa tān pravṛddhān vinihatya rākṣasān mahābalaścaṇḍaparākramaḥ kapiḥ| yuyutsuranyaiḥ punareva rākṣasai- stadeva vīro'bhijagāma toraṇam || 45.17 ||

इस प्रकार उन उद्धत राक्षसों का संहार करके, अन्य राक्षसों से युद्ध की इच्छा रखने वाला वह प्रचंडपराक्रमी वीर पुनः उसी तोरण पर लौट आया।