पाँच सेनानायकों का वध

श्लोक 1 (sundara.46.1)

हतान् मन्त्रिसुतान् बुद्ध्वा वानरेण महात्मना। रावणः संवृताकारश्चकार मतिमुत्तमाम् ॥ 46.1 ॥

hatān mantrisutān buddhvā vānareṇa mahātmanā| rāvaṇaḥ saṃvṛtākāraścakāra matimuttamām || 46.1 ||

मंत्रियों के पुत्रों को उस महात्मा वानर द्वारा मारा गया जानकर, रावण ने अपने मुख के भाव को छिपाते हुए एक उत्तम विचार किया।

श्लोक 2 (sundara.46.2)

स विरूपाक्षयूपाक्षौ दुर्धरं चैव राक्षसम्। प्रघसं भासकर्णं च पञ्च सेनाग्रनायकान् ॥ 46.2 ॥

sa virūpākṣayūpākṣau durdharaṃ caiva rākṣasam| praghasaṃ bhāsakarṇaṃ ca pañca senāgranāyakān || 46.2 ||

उसने विरूपाक्ष और यूपाक्ष, राक्षस दुर्धर, प्रघस तथा भासकर्ण — इन पाँच प्रमुख सेनानायकों को बुलाया,

श्लोक 3 (sundara.46.3)

संदिदेश दशग्रीवो वीरान् नयविशारदान्। हनूमद्ग्रहणेऽव्यग्रान् वायुवेगसमान् युधि ॥ 46.3 ॥

saṃdideśa daśagrīvo vīrān nayaviśāradān| hanūmadgrahaṇe'vyagrān vāyuvegasamān yudhi || 46.3 ||

और दशग्रीव रावण ने उन वीर, नीति में निपुण, हनुमान को पकड़ने में तत्पर तथा युद्ध में वायु के वेग के समान वेगवान योद्धाओं को आज्ञा दी।

श्लोक 4 (sundara.46.4)

यात सेनाग्रगाः सर्वे महाबलपरिग्रहाः। सवाजिरथमातङ्गाः स कपिः शास्यतामिति ॥ 46.4 ॥

yāta senāgragāḥ sarve mahābalaparigrahāḥ| savājirathamātaṅgāḥ sa kapiḥ śāsyatāmiti || 46.4 ||

"हे सेनानायको, तुम सब अपनी विशाल सेना, अश्व, रथ और गजों सहित जाओ, और उस वानर को दंडित करो।"

श्लोक 5 (sundara.46.5)

यत्तैश्च खलु भाव्यं स्यात् तमासाद्य वनालयम्। कर्म चापि समाधेयं देशकालाविरोधितम् ॥ 46.5 ॥

yattaiśca khalu bhāvyaṃ syāt tamāsādya vanālayam| karma cāpi samādheyaṃ deśakālāvirodhitam || 46.5 ||

"उस वनवासी वानर के पास पहुँचकर तुम्हें जो कुछ भी करना उचित हो, वह कार्य देश और काल के अनुकूल ही किया जाए।"

श्लोक 6 (sundara.46.6)

न ह्यहं तं कपिं मन्ये कर्मणा प्रति तर्कयन्। सर्वथा तन्महद् भूतं महाबलपरिग्रहम् ॥ 46.6 ॥

na hyahaṃ taṃ kapiṃ manye karmaṇā prati tarkayan| sarvathā tanmahad bhūtaṃ mahābalaparigraham || 46.6 ||

"क्योंकि उसके कर्मों पर विचार करते हुए मैं उसे साधारण वानर नहीं मानता — वह तो सब प्रकार से महान बल-सम्पन्न कोई महाभूत ही प्रतीत होता है।"

श्लोक 7 (sundara.46.7)

वानरोऽयमिति ज्ञात्वा नहि शुद्ध्यति मे मनः। नैवाहं तं कपिं मन्ये यथेयं प्रस्तुता कथा ॥ 46.7 ॥

vānaro'yamiti jñātvā nahi śuddhyati me manaḥ| naivāhaṃ taṃ kapiṃ manye yatheyaṃ prastutā kathā || 46.7 ||

"'यह वानर है' — इतना जानकर भी मेरा मन संतुष्ट नहीं होता। जैसी यह कथा सामने आई है, उससे तो मैं उसे साधारण वानर मानता ही नहीं।"

श्लोक 8 (sundara.46.8)

भवेदिन्द्रेण वा सृष्टमस्मदर्थं तपोबलात्। सनागयक्षगन्धर्वदेवासुरमहर्षयः ॥ 46.8 ॥

bhavedindreṇa vā sṛṣṭamasmadarthaṃ tapobalāt| sanāgayakṣagandharvadevāsuramaharṣayaḥ || 46.8 ||

"यह इंद्र के द्वारा अपने तपोबल से हमारे विरुद्ध रचा गया कोई प्राणी हो सकता है — नाग, यक्ष, गन्धर्व, देव, असुर तथा महर्षियों सहित,"

श्लोक 9 (sundara.46.9)

युष्माभिः प्रहितैः सर्वैर्मया सह विनिर्जिताः। तैरवश्यं विधातव्यं व्यलीकं किंचिदेव नः ॥ 46.9 ॥

yuṣmābhiḥ prahitaiḥ sarvairmayā saha vinirjitāḥ| tairavaśyaṃ vidhātavyaṃ vyalīkaṃ kiṃcideva naḥ || 46.9 ||

"— जिन सबको तुम सबके भेजे जाने पर मैंने अपने साथ जीत लिया था। उन्हीं के द्वारा अब हमारे लिए कुछ अनिष्ट अवश्य किया जाना है।"

श्लोक 10 (sundara.46.10)

तदेव नात्र संदेहः प्रसह्य परिगृह्यताम्। यात सेनाग्रगाः सर्वे महाबलपरिग्रहाः ॥ 46.10 ॥

tadeva nātra saṃdehaḥ prasahya parigṛhyatām| yāta senāgragāḥ sarve mahābalaparigrahāḥ || 46.10 ||

"यही सत्य है, इसमें कोई संदेह नहीं है — इसे बलपूर्वक पकड़ा जाए। हे सेनानायको, तुम सब अपनी विशाल सेना लेकर जाओ,"

श्लोक 11 (sundara.46.11)

सवाजिरथमातङ्गाः स कपिः शास्यतामिति। नावमन्यो भवद्भिश्च कपिर्धीरपराक्रमः ॥ 46.11 ॥

savājirathamātaṅgāḥ sa kapiḥ śāsyatāmiti| nāvamanyo bhavadbhiśca kapirdhīraparākramaḥ || 46.11 ||

"अश्व, रथ और गजों सहित जाकर उस वानर को दंडित करो। परंतु तुम लोग उस धैर्यवान् और पराक्रमी वानर का तिरस्कार मत करना।"

श्लोक 12 (sundara.46.12)

दृष्टा हि हरयः पूर्वे मया विपुलविक्रमाः। वाली च सह सुग्रीवो जाम्बवांश्च महाबलः ॥ 46.12 ॥

dṛṣṭā hi harayaḥ pūrve mayā vipulavikramāḥ| vālī ca saha sugrīvo jāmbavāṃśca mahābalaḥ || 46.12 ||

"क्योंकि मैंने पहले भी अत्यंत पराक्रमी वानरों को देखा है — वाली को, सुग्रीव के साथ, तथा महाबली जाम्बवान को,"

श्लोक 13 (sundara.46.13)

नीलः सेनापतिश्चैव ये चान्ये द्विविदादयः। नैव तेषां गतिर्भीमा न तेजो न पराक्रमः ॥ 46.13 ॥

nīlaḥ senāpatiścaiva ye cānye dvividādayaḥ| naiva teṣāṃ gatirbhīmā na tejo na parākramaḥ || 46.13 ||

"और सेनापति नील को, तथा द्विविद आदि अन्य वानरों को — परंतु इनके समान भयंकर गति, तेज अथवा पराक्रम उनमें से किसी में भी नहीं था।"

श्लोक 14 (sundara.46.14)

न मतिर्न बलोत्साहो न रूपपरिकल्पनम्। महत्सत्त्वमिदं ज्ञेयं कपिरूपं व्यवस्थितम् ॥ 46.14 ॥

na matirna balotsāho na rūparikalpanam| mahatsattvamidaṃ jñeyaṃ kapirūpaṃ vyavasthitam || 46.14 ||

"न उनकी बुद्धि, न बल-उत्साह और न रूप बदलने की शक्ति ही इसके तुल्य थी — इसे वानर के रूप में स्थित कोई महान् शक्तिशाली प्राणी ही समझना चाहिए।"

श्लोक 15 (sundara.46.15)

प्रयत्नं महदास्थाय क्रियतामस्य निग्रहः। कामं लोकास्त्रयः सेन्द्राः ससुरासुरमानवाः ॥ 46.15 ॥

prayatnaṃ mahadāsthāya kriyatāmasya nigrahaḥ| kāmaṃ lokāstrayaḥ sendrāḥ sasurāsuramānavāḥ || 46.15 ||

"अतः महान् प्रयत्न करके इसका निग्रह किया जाए। यद्यपि इंद्र सहित तीनों लोक, देव, असुर और मनुष्य भी"

श्लोक 16 (sundara.46.16)

भवतामग्रतः स्थातुं न पर्याप्ता रणाजिरे। तथापि तु नयज्ञेन जयमाकाङ्क्षता रणे ॥ 46.16 ॥

bhavatāmagrataḥ sthātuṃ na paryāptā raṇājire| tathāpi tu nayajñena jayamākāṅkṣatā raṇe || 46.16 ||

"युद्धभूमि में तुम्हारे सामने खड़े होने में समर्थ नहीं हैं, फिर भी नीति के जानकार तथा युद्ध में विजय चाहने वाले को"

श्लोक 17 (sundara.46.17)

आत्मा रक्ष्यः प्रयत्नेन युद्धसिद्धिर्हि चञ्चला। ते स्वामिवचनं सर्वे प्रतिगृह्य महौजसः ॥ 46.17 ॥

ātmā rakṣyaḥ prayatnena yuddhasiddhirhi cañcalā| te svāmivacanaṃ sarve pratigṛhya mahaujasaḥ || 46.17 ||

"अपने आपको प्रयत्नपूर्वक बचाना चाहिए, क्योंकि युद्ध की सफलता चंचल होती है।" अपने स्वामी के इस वचन को स्वीकार कर वे सभी महातेजस्वी योद्धा,

श्लोक 18 (sundara.46.18)

समुत्पेतुर्महावेगा हुताशसमतेजसः। रथैश्च मत्तैर्नागैश्च वाजिभिश्च महाजवैः ॥ 46.18 ॥

samutpeturmahāvegā hutāśasamatejasaḥ| rathaiśca mattairnāgaiśca vājibhiśca mahājavaiḥ || 46.18 ||

अग्नि के समान तेजस्वी तथा अत्यंत वेगवान् वे, रथों, मदमस्त गजों और अत्यंत वेगवान् अश्वों के साथ आगे बढ़े,

श्लोक 19 (sundara.46.19)

शस्त्रैश्च विविधैस्तीक्ष्णैः सर्वैश्चोपहिता बलैः। ततस्तु ददृशुर्वीरा दीप्यमानं महाकपिम् ॥ 46.19 ॥

śastraiśca vividhaistīkṣṇaiḥ sarvaiścopahitā balaiḥ| tatastu dadṛśurvīrā dīpyamānaṃ mahākapim || 46.19 ||

विविध तीक्ष्ण शस्त्रों तथा सम्पूर्ण सेना से युक्त होकर। तब उन वीरों ने उस देदीप्यमान महान् वानर को देखा,

श्लोक 20 (sundara.46.20)

रश्मिमन्तमिवोद्यन्तं स्वतेजोरश्मिमालिनम्। तोरणस्थं महावेगं महासत्त्वं महाबलम् ॥ 46.20 ॥

raśmimantamivodyantaṃ svatejoraśmimālinam| toraṇasthaṃ mahāvegaṃ mahāsattvaṃ mahābalam || 46.20 ||

मानो अपने ही तेज की किरणों से मालाबद्ध उदीयमान सूर्य हो, जो द्वार के तोरण पर खड़ा था — महान् वेग, महान् बल और महान् शक्ति से संपन्न,

श्लोक 21 (sundara.46.21)

महामतिं महोत्साहं महाकायं महाभुजम्। तं समीक्ष्यैव ते सर्वे दिक्षु सर्वास्ववस्थिताः ॥ 46.21 ॥

mahāmatiṃ mahotsāhaṃ mahākāyaṃ mahābhujam| taṃ samīkṣyaiva te sarve dikṣu sarvāsvavasthitāḥ || 46.21 ||

महान् बुद्धि, महान् उत्साह, विशाल शरीर और विशाल भुजाओं वाला। उसे देखते ही, चारों दिशाओं में खड़े हुए वे सभी योद्धा,

श्लोक 22 (sundara.46.22)

तैस्तैः प्रहरणैर्भीमैरभिपेतुस्ततस्ततः। तस्य पञ्चायसास्तीक्ष्णाः सिताः पीतमुखाः शराः। शिरस्युत्पलपत्राभा दुर्धरेण निपातिताः ॥ 46.22 ॥

taistaiḥ praharaṇairbhīmairabhipetustatastataḥ| tasya pañcāyasāstīkṣṇāḥ sitāḥ pītamukhāḥ śarāḥ| śirasyutpalapatrābhā durdhareṇa nipātitāḥ || 46.22 ||

उन-उन भयंकर आयुधों से चारों ओर से उस पर टूट पड़े। तब दुर्धर ने उसके सिर पर पाँच तीक्ष्ण लौह बाण छोड़े, जो श्वेत, पीले मुख वाले तथा नील कमल-पत्र के समान चमकीले थे।

श्लोक 23 (sundara.46.23)

स तैः पञ्चभिराविद्धः शरैः शिरसि वानरः। उत्पपात नदन् व्योम्नि दिशो दश विनादयन् ॥ 46.23 ॥

sa taiḥ pañcabhirāviddhaḥ śaraiḥ śirasi vānaraḥ| utpapāta nadan vyomni diśo daśa vinādayan || 46.23 ||

उन पाँचों बाणों से सिर में बिंधकर वह वानर गर्जना करता हुआ आकाश में कूद पड़ा, और उसने दसों दिशाओं को गुंजा दिया।

श्लोक 24 (sundara.46.24)

ततस्तु दुर्धरो वीरः सरथः सज्जकार्मुकः। किरन् शरशतैर्नैकैरभिपेदे महाबलः ॥ 46.24 ॥

tatastu durdharo vīraḥ sarathaḥ sajjakārmukaḥ| kiran śaraśatairnaikairabhipede mahābalaḥ || 46.24 ||

तब वीर दुर्धर अपने रथ पर सज्ज धनुष लिए हुए, सैकड़ों बाणों की वर्षा करता हुआ, महाबली आक्रमण करने लगा।

श्लोक 25 (sundara.46.25)

स कपिर्वारयामास तं व्योम्नि शरवर्षिणम्। वृष्टिमन्तं पयोदान्ते पयोदमिव मारुतः ॥ 46.25 ॥

sa kapirvārayāmāsa taṃ vyomni śaravarṣiṇam| vṛṣṭimantaṃ payodānte payodamiva mārutaḥ || 46.25 ||

उस वानर ने आकाश में बाणों की वर्षा करते हुए उसे इस प्रकार रोक दिया, जैसे वर्षा-ऋतु के अंत में वायु जलपूर्ण मेघ को रोक देता है।

श्लोक 26 (sundara.46.26)

अर्द्यमानस्ततस्तेन दुर्धरेणानिलात्मजः। चकार निनदं भूयो व्यवर्धत च वीर्यवान् ॥ 46.26 ॥

ardyamānastatastena durdhareṇānilātmajaḥ| cakāra ninadaṃ bhūyo vyavardhata ca vīryavān || 46.26 ||

तब उस दुर्धर द्वारा पीड़ित होने पर, वायुपुत्र हनुमान ने पुनः गर्जना की, और वह पराक्रमी और भी विशाल हो गया।

श्लोक 27 (sundara.46.27)

स दूरं सहसोत्पत्य दुर्धरस्य रथे हरिः। निपपात महावेगो विद्युद्राशिर्गिराविव ॥ 46.27 ॥

sa dūraṃ sahasotpatya durdharasya rathe hariḥ| nipapāta mahāvego vidyudrāśirgirāviva || 46.27 ||

दूर से एकाएक उछलकर वह वानर महान् वेग से दुर्धर के रथ पर इस प्रकार गिरा, जैसे पर्वत पर बिजली का समूह गिरता है।

श्लोक 28 (sundara.46.28)

ततः स मथिताष्टाश्वं रथं भग्नाक्षकूबरम्। विहाय न्यपतद् भूमौ दुर्धरस्त्यक्तजीवितः ॥ 46.28 ॥

tataḥ sa mathitāṣṭāśvaṃ rathaṃ bhagnākṣakūbaram| vihāya nyapatad bhūmau durdharastyaktajīvitaḥ || 46.28 ||

तब अपने रथ के आठों घोड़े कुचले जाने पर और धुरी तथा जुए के टूट जाने पर, दुर्धर उसे छोड़कर प्राणहीन होकर भूमि पर गिर पड़ा।

श्लोक 29 (sundara.46.29)

तं विरूपाक्षयूपाक्षौ दृष्ट्वा निपतितं भुवि। तौ जातरोषौ दुर्धर्षावुत्पेततुररिंदमौ ॥ 46.29 ॥

taṃ virūpākṣayūpākṣau dṛṣṭvā nipatitaṃ bhuvi| tau jātaroṣau durdharṣāvutpetaturariṃdamau || 46.29 ||

उसे भूमि पर गिरा देखकर विरूपाक्ष और यूपाक्ष — वे दोनों दुर्जय शत्रुदमन — क्रोध से भरकर उछल पड़े।

श्लोक 30 (sundara.46.30)

स ताभ्यां सहसोत्प्लुत्य विष्ठितो विमलेऽम्बरे। मुद्गराभ्यां महाबाहुर्वक्षस्यभिहतः कपिः ॥ 46.30 ॥

sa tābhyāṃ sahasotplutya viṣṭhito vimale'mbare| mudgarābhyāṃ mahābāhurvakṣasyabhihataḥ kapiḥ || 46.30 ||

वे दोनों सहसा उछलकर, स्वच्छ आकाश में खड़े उस महाबाहु वानर की छाती पर अपनी-अपनी गदाओं से प्रहार करने लगे।

श्लोक 31 (sundara.46.31)

तयोर्वेगवतोर्वेगं निहत्य स महाबलः। निपपात पुनर्भूमौ सुपर्ण इव वेगितः ॥ 46.31 ॥

tayorvegavatorvegaṃ nihatya sa mahābalaḥ| nipapāta punarbhūmau suparṇa iva vegitaḥ || 46.31 ||

उन दोनों वेगवानों के वेग को कुचलकर, वह महाबली पुनः गरुड़ के समान वेगपूर्वक भूमि पर उतर आया।

श्लोक 32 (sundara.46.32)

स सालवृक्षमासाद्य समुत्पाट्य च वानरः। तावुभौ राक्षसौ वीरौ जघान पवनात्मजः ॥ 46.32 ॥

sa sālavṛkṣamāsādya samutpāṭya ca vānaraḥ| tāvubhau rākṣasau vīrau jaghāna pavanātmajaḥ || 46.32 ||

उस वानर, पवनपुत्र ने एक साल वृक्ष के पास जाकर उसे उखाड़ लिया और उससे उन दोनों वीर राक्षसों का वध कर दिया।

श्लोक 33 (sundara.46.33)

ततस्तांस्त्रीन् हतान् ज्ञात्वा वानरेण तरस्विना। अभिपेदे महावेगः प्रहस्य प्रघसो बली ॥ 46.33 ॥

tatastāṃstrīn hatān jñātvā vānareṇa tarasvinā| abhipede mahāvegaḥ prahasya praghaso balī || 46.33 ||

तब उन तीनों को उस वेगशाली वानर द्वारा मारा गया जानकर, बलवान् और महान् वेगवान् प्रघस हँसता हुआ आक्रमण करने आया।

श्लोक 34 (sundara.46.34)

भासकर्णश्च संक्रुद्धः शूलमादाय वीर्यवान्। एकतः कपिशार्दूलं यशस्विनमवस्थितौ ॥ 46.34 ॥

bhāsakarṇaśca saṃkruddhaḥ śūlamādāya vīryavān| ekataḥ kapiśārdūlaṃ yaśasvinamavasthitau || 46.34 ||

तथा अत्यंत क्रुद्ध और पराक्रमी भासकर्ण भी त्रिशूल लेकर, दोनों उस यशस्वी वानरश्रेष्ठ के एक ओर जा डटे।

श्लोक 35 (sundara.46.35)

पट्टिशेन शिताग्रेण प्रघसः प्रत्यपोथयत्। भासकर्णश्च शूलेन राक्षसः कपिकुञ्जरम् ॥ 46.35 ॥

paṭṭiśena śitāgreṇa praghasaḥ pratyapothayat| bhāsakarṇaśca śūlena rākṣasaḥ kapikuñjaram || 46.35 ||

प्रघस ने तीक्ष्णधार पट्टिश से और राक्षस भासकर्ण ने त्रिशूल से उस कपिश्रेष्ठ पर प्रहार किया।

श्लोक 36 (sundara.46.36)

स ताभ्यां विक्षतैर्गात्रैरसृग्दिग्धतनूरुहः। अभवद् वानरः क्रुद्धो बालसूर्यसमप्रभः ॥ 46.36 ॥

sa tābhyāṃ vikṣatairgātrairasṛgdigdhatanūruhaḥ| abhavad vānaraḥ kruddho bālasūryasamaprabhaḥ || 46.36 ||

उन दोनों के प्रहार से घायल अंगों और रक्त से सने रोमों वाला वह वानर क्रोधित होकर उदीयमान सूर्य के समान तेजस्वी हो गया।

श्लोक 37 (sundara.46.37)

समुत्पाट्य गिरेः शृङ्गं समृगव्यालपादपम्। जघान हनुमान् वीरो राक्षसौ कपिकुञ्जरः। गिरिशृङ्गसुनिष्पिष्टौ तिलशस्तौ बभूवतुः ॥ 46.37 ॥

samutpāṭya gireḥ śṛṅgaṃ samṛgavyālapādapam| jaghāna hanumān vīro rākṣasau kapikuñjaraḥ| giriśṛṅgasuniṣpiṣṭau tilaśastau babhūvatuḥ || 46.37 ||

मृगों, सर्पों और वृक्षों सहित एक पर्वत-शिखर को उखाड़कर, वीर कपिश्रेष्ठ हनुमान ने उन दोनों राक्षसों का वध कर दिया — पर्वत-शिखर से कुचले जाने पर वे तिल के समान चूर-चूर हो गए।

श्लोक 38 (sundara.46.38)

ततस्तेष्ववसन्नेषु सेनापतिषु पञ्चसु। बलं तदवशेषं तु नाशयामास वानरः ॥ 46.38 ॥

tatasteṣvavasanneṣu senāpatiṣu pañcasu| balaṃ tadavaśeṣaṃ tu nāśayāmāsa vānaraḥ || 46.38 ||

तत्पश्चात् उन पाँचों सेनापतियों के मारे जाने पर, उस वानर ने शेष बची हुई सेना का भी विनाश कर दिया।

श्लोक 39 (sundara.46.39)

अश्वैरश्वान् गजैर्नागान् योधैर्योधान् रथै रथान्। स कपिर्नाशयामास सहस्राक्ष इवासुरान् ॥ 46.39 ॥

aśvairaśvān gajairnāgān yodhairyodhān rathai rathān| sa kapirnāśayāmāsa sahasrākṣa ivāsurān || 46.39 ||

अश्वों से अश्वों को, गजों से गजों को, योद्धाओं से योद्धाओं को और रथों से रथों को — उस वानर ने इस प्रकार नष्ट किया, जैसे सहस्र नेत्रों वाला इंद्र असुरों का नाश करता है।

श्लोक 40 (sundara.46.40)

हयैर्नागैस्तुरंगैश्च भग्नाक्षैश्च महारथैः। हतैश्च राक्षसैर्भूमी रुद्धमार्गा समन्ततः ॥ 46.40 ॥

hayairnāgaisturaṃgaiśca bhagnākṣaiśca mahārathaiḥ| hataiśca rākṣasairbhūmī ruddhamārgā samantataḥ || 46.40 ||

मरे हुए घोड़ों, गजों, अश्वों, टूटी हुई धुरी वाले महारथों तथा मृत राक्षसों से पृथ्वी के मार्ग चारों ओर से अवरुद्ध हो गए।

श्लोक 41 (sundara.46.41)

ततः कपिस्तान् ध्वजिनीपतीन् रणे निहत्य वीरान् सबलान् सवाहनान्। तथैव वीरः परिगृह्य तोरणं कृतक्षणः काल इव प्रजाक्षये ॥ 46.41 ॥

tataḥ kapistān dhvajinīpatīn raṇe nihatya vīrān sabalān savāhanān| tathaiva vīraḥ parigṛhya toraṇaṃ kṛtakṣaṇaḥ kāla iva prajākṣaye || 46.41 ||

तब उन वीर सेनापतियों को उनकी सेना और वाहनों सहित युद्ध में मारकर, वह वीर हनुमान पुनः उसी तोरण द्वार पर जा डटा, मानो प्रलयकाल में प्राणियों के विनाश हेतु अवसर की प्रतीक्षा करता हुआ काल ही हो।