हनुमान का स्वयं को रामदूत बताना

श्लोक 1 (sundara.50.1)

तमुद्वीक्ष्य महाबाहुः पिङ्गाक्षं पुरतः स्थितम्। रोषेण महताऽऽविष्टो रावणो लोकरावणः ॥ 50.1 ॥

tamudvīkṣya mahābāhuḥ piṅgākṣaṃ purataḥ sthitam| roṣeṇa mahatā''viṣṭo rāvaṇo lokarāvaṇaḥ || 50.1 ||

उस पिंगल-नेत्र वानर को अपने सामने खड़ा देखकर, लोकों को रुलाने वाला महाबाहु रावण अत्यंत क्रोध से भर उठा।

श्लोक 2 (sundara.50.2)

शङ्काहतात्मा दध्यौ स कपीन्द्रं तेजसा वृतम्। किमेष भगवान् नन्दी भवेत् साक्षादिहागतः ॥ 50.2 ॥

śaṅkāhatātmā dadhyau sa kapīndraṃ tejasā vṛtam| kimeṣa bhagavān nandī bhavet sākṣādihāgataḥ || 50.2 ||

संदेह से व्याकुल मन वाला वह तेज से आवृत उस वानरेंद्र को देखकर सोचने लगा — "क्या यह स्वयं भगवान् नंदी साक्षात् यहाँ आ गए हैं?"

श्लोक 3 (sundara.50.3)

येन शप्तोऽस्मि कैलासे मया प्रहसिते पुरा। सोऽयं वानरमूर्तिः स्यात्किंस्विद् बाणोऽपि वासुरः ॥ 50.3 ॥

yena śapto'smi kailāse mayā prahasite purā| so'yaṃ vānaramūrtiḥ syātkiṃsvid bāṇo'pi vāsuraḥ || 50.3 ||

"जिसने कैलास पर्वत पर मेरे उपहास करने पर मुझे शाप दिया था, क्या यही वानर-रूप में वही है? अथवा क्या यह बाणासुर है, या फिर कोई असुर है?"

श्लोक 4 (sundara.50.4)

स राजा रोषताम्राक्षः प्रहस्तं मन्त्रिसत्तमम्। कालयुक्तमुवाचेदं वचो विपुलमर्थवत् ॥ 50.4 ॥

sa rājā roṣatāmrākṣaḥ prahastaṃ mantrisattamam| kālayuktamuvācedaṃ vaco vipulamarthavat || 50.4 ||

क्रोध से ताम्रवर्ण नेत्रों वाले उस राजा रावण ने अपने मंत्रिश्रेष्ठ प्रहस्त से समयोचित, विस्तृत और अर्थपूर्ण ये वचन कहे:

श्लोक 5 (sundara.50.5)

दुरात्मा पृच्छ्यतामेष कुतः किं वास्य कारणम्। वनभङ्गे च कोऽस्यार्थो राक्षसानां च तर्जने ॥ 50.5 ॥

durātmā pṛcchyatāmeṣa kutaḥ kiṃ vāsya kāraṇam| vanabhaṅge ca ko'syārtho rākṣasānāṃ ca tarjane || 50.5 ||

"इस दुरात्मा से पूछा जाए कि यह कहाँ से आया है, और इसका प्रयोजन क्या है। वन को नष्ट करने में तथा राक्षसों को डराने में इसका क्या उद्देश्य था?"

श्लोक 6 (sundara.50.6)

मत्पुरीमप्रधृष्यां वै गमने किं प्रयोजनम्। आयोधने वा कं कार्यं पृच्छ्यतामेष दुर्मतिः ॥ 50.6 ॥

matpurīmapradhṛṣyāṃ vai gamane kiṃ prayojanam| āyodhane vā kaṃ kāryaṃ pṛcchyatāmeṣa durmatiḥ || 50.6 ||

"मेरी अजेय नगरी में प्रवेश करने का क्या प्रयोजन था? अथवा युद्ध करने में इसका क्या कार्य था? इस दुर्बुद्धि से यह सब पूछा जाए।"

श्लोक 7 (sundara.50.7)

रावणस्य वचः श्रुत्वा प्रहस्तो वाक्यमब्रवीत्। समाश्वसिहि भद्रं ते न भीः कार्या त्वया कपे ॥ 50.7 ॥

rāvaṇasya vacaḥ śrutvā prahasto vākyamabravīt| samāśvasihi bhadraṃ te na bhīḥ kāryā tvayā kape || 50.7 ||

रावण के वचन सुनकर प्रहस्त ने कहा: "हे वानर, धीरज धरो, तुम्हारा कल्याण हो; तुम्हें भयभीत होने की आवश्यकता नहीं है।"

श्लोक 8 (sundara.50.8)

यदि तावत् त्वमिन्द्रेण प्रेषितो रावणालयम्। तत्त्वमाख्याहि मा ते भूद् भयं वानर मोक्ष्यसे ॥ 50.8 ॥

yadi tāvat tvamindreṇa preṣito rāvaṇālayam| tattvamākhyāhi mā te bhūd bhayaṃ vānara mokṣyase || 50.8 ||

"यदि तुम्हें इंद्र ने रावण के इस भवन में भेजा है, तो सत्य बता दो; तुम्हें कोई भय नहीं होगा, हे वानर, तुम मुक्त कर दिए जाओगे।"

श्लोक 9 (sundara.50.9)

यदि वैश्रवणस्य त्वं यमस्य वरुणस्य च। चारुरूपमिदं कृत्वा प्रविष्टो नः पुरीमिमाम् ॥ 50.9 ॥

yadi vaiśravaṇasya tvaṃ yamasya varuṇasya ca| cārurūpamidaṃ kṛtvā praviṣṭo naḥ purīmimām || 50.9 ||

"यदि तुम कुबेर, यम अथवा वरुण के भेजे हुए होकर, यह सुंदर रूप धारण करके हमारी इस नगरी में प्रविष्ट हुए हो —"

श्लोक 10 (sundara.50.10)

विष्णुना प्रेषितो वापि दूतो विजयकाङ्क्षिणा। नहि ते वानरं तेजो रूपमात्रं तु वानरम् ॥ 50.10 ॥

viṣṇunā preṣito vāpi dūto vijayakāṅkṣiṇā| nahi te vānaraṃ tejo rūpamātraṃ tu vānaram || 50.10 ||

"— अथवा विजय की कामना करने वाले विष्णु के द्वारा दूत बनाकर भेजे गए हो — क्योंकि तुम्हारा तेज वानर का नहीं है, केवल तुम्हारा रूप ही वानर का है।"

श्लोक 11 (sundara.50.11)

तत्त्वतः कथयस्वाद्य ततो वानर मोक्ष्यसे। अनृतं वदतश्चापि दुर्लभं तव जीवितम् ॥ 50.11 ॥

tattvataḥ kathayasvādya tato vānara mokṣyase| anṛtaṃ vadataścāpi durlabhaṃ tava jīvitam || 50.11 ||

"आज सत्य-सत्य बता दो, तभी हे वानर, तुम मुक्त हो सकोगे; परंतु यदि झूठ बोले तो तुम्हारा जीवित रहना कठिन होगा।"

श्लोक 12 (sundara.50.12)

अथवा यन्निमित्तस्ते प्रवेशो रावणालये। एवमुक्तो हरिवरस्तदा रक्षोगणेश्वरम् ॥ 50.12 ॥

athavā yannimittaste praveśo rāvaṇālaye| evamukto harivarastadā rakṣogaṇeśvaram || 50.12 ||

"अथवा तुम्हारे रावण-भवन में प्रवेश करने का जो भी वास्तविक कारण हो, वह बताओ।" इस प्रकार कहे जाने पर, वह श्रेष्ठ वानर तब राक्षसगणों के स्वामी रावण से बोला —

श्लोक 13 (sundara.50.13)

अब्रवीन्नास्मि शक्रस्य यमस्य वरुणस्य च। धनदेन न मे सख्यं विष्णुना नास्मि चोदितः ॥ 50.13 ॥

abravīnnāsmi śakrasya yamasya varuṇasya ca| dhanadena na me sakhyaṃ viṣṇunā nāsmi coditaḥ || 50.13 ||

"मैं न तो इंद्र का, न यम का और न वरुण का दूत हूँ; न कुबेर से मेरी मित्रता है, और न ही मुझे विष्णु ने भेजा है।"

श्लोक 14 (sundara.50.14)

जातिरेव मम त्वेषा वानरोऽहमिहागतः। दर्शने राक्षसेन्द्रस्य तदिदं दुर्लभं मया ॥ 50.14 ॥

jātireva mama tveṣā vānaro'hamihāgataḥ| darśane rākṣasendrasya tadidaṃ durlabhaṃ mayā || 50.14 ||

"यह तो मेरी वास्तविक जाति ही है — मैं वानर हूँ, और यहाँ आया हूँ। राक्षसराज के दर्शन ही मेरे लिए दुर्लभ थे, जो अब मुझे प्राप्त हो गए।"

श्लोक 15 (sundara.50.15)

वनं राक्षसराजस्य दर्शनार्थं विनाशितम्। ततस्ते राक्षसाः प्राप्ता बलिनो युद्धकाङ्क्षिणः ॥ 50.15 ॥

vanaṃ rākṣasarājasya darśanārthaṃ vināśitam| tataste rākṣasāḥ prāptā balino yuddhakāṅkṣiṇaḥ || 50.15 ||

"राक्षसराज के दर्शन हेतु ही मैंने वन का विनाश किया; तत्पश्चात् वे बलवान् तथा युद्ध के इच्छुक राक्षस वहाँ आ पहुँचे।"

श्लोक 16 (sundara.50.16)

रक्षणार्थं च देहस्य प्रतियुद्धा मया रणे। अस्त्रपाशैर्न शक्योऽहं बद्धुं देवासुरैरपि ॥ 50.16 ॥

rakṣaṇārthaṃ ca dehasya pratiyuddhā mayā raṇe| astrapāśairna śakyo'haṃ baddhuṃ devāsurairapi || 50.16 ||

"अपने शरीर की रक्षा के लिए ही मैंने युद्ध में उनका प्रतिकार किया। मुझे अस्त्र-पाशों से देव और असुर भी नहीं बाँध सकते।"

श्लोक 17 (sundara.50.17)

पितामहादेष वरो ममापि हि समागतः। राजानं द्रष्टुकामेन मयास्त्रमनुवर्तितम् ॥ 50.17 ॥

pitāmahādeṣa varo mamāpi hi samāgataḥ| rājānaṃ draṣṭukāmena mayāstramanuvartitam || 50.17 ||

"मुझे यह वरदान स्वयं ब्रह्मा जी से प्राप्त हुआ है; परंतु राजा से मिलने की इच्छा से मैंने स्वयं ही अस्त्र-बंधन को स्वीकार कर लिया।"

श्लोक 18 (sundara.50.18)

विमुक्तोऽप्यहमस्त्रेण राक्षसैस्त्वभिवेदितः। केनचिद् रामकार्येण आगतोऽस्मि तवान्तिकम् ॥ 50.18 ॥

vimukto'pyahamastreṇa rākṣasaistvabhiveditaḥ| kenacid rāmakāryeṇa āgato'smi tavāntikam || 50.18 ||

"अस्त्र से मुक्त हो जाने पर भी, मैंने स्वयं को राक्षसों द्वारा प्रस्तुत होने दिया; मैं श्रीराम के किसी कार्य से तुम्हारे समीप आया हूँ।"

श्लोक 19 (sundara.50.19)

दूतोऽहमिति विज्ञाय राघवस्यामितौजसः। श्रूयतामेव वचनं मम पथ्यमिदं प्रभो ॥ 50.19 ॥

dūto'hamiti vijñāya rāghavasyāmitaujasaḥ| śrūyatāmeva vacanaṃ mama pathyamidaṃ prabho || 50.19 ||

"मुझे अपार तेजस्वी राघव (श्रीराम) का दूत जानो; हे प्रभु, मेरी यह हितकर बात सुनी जाए।"