अंगद की उतावली और जाम्बवान की सलाह

श्लोक 1 (sundara.60.1)

तस्य तद् वचनं श्रुत्वा वालिसूनुरभाषत। अश्विपुत्रौ महावेगौ बलवन्तौ प्लवंगमौ ॥ 60.1 ॥

tasya tad vacanaṃ śrutvā vālisūnurabhāṣata| aśviputrau mahāvegau balavantau plavaṃgamau || 60.1 ||

उनके इस वचन को सुनकर वालिपुत्र अंगद ने कहा — "अश्विनीकुमारों के वे दोनों पुत्र [मैंद और द्विविद], अत्यंत वेगवान और बलवान वानर,

श्लोक 2 (sundara.60.2)

पितामहवरोत्सेकात् परमं दर्पमास्थितौ। अश्विनोर्माननार्थं हि सर्वलोकपितामहः ॥ 60.2 ॥

pitāmahavarotsekāt paramaṃ darpamāsthitau| aśvinormānanārthaṃ hi sarvalokapitāmahaḥ || 60.2 ||

"— अपने पितामह के वरदान के उत्कर्ष से परम दर्प से युक्त हैं — क्योंकि अश्विनीकुमारों के सम्मान हेतु सर्वलोकपितामह ब्रह्मा ने,

श्लोक 3 (sundara.60.3)

सर्वावध्यत्वमतुलमनयोर्दत्तवान् पुरा। वरोत्सेकेन मत्तौ च प्रमथ्य महतीं चमूम् ॥ 60.3 ॥

sarvāvadhyatvamatulamanayordattavān purā| varotsekena mattau ca pramathya mahatīṃ camūm || 60.3 ||

"— पहले इन दोनों को सबसे अवध्य होने का अतुल वरदान दिया था। उस वरदान के उन्माद से मत्त होकर, एक विशाल सेना को कुचलकर,

श्लोक 4 (sundara.60.4)

सुराणाममृतं वीरौ पीतवन्तौ महाबलौ। एतावेव हि संक्रुद्धौ सवाजिरथकुञ्जराम् ॥ 60.4 ॥

surāṇāmamṛtaṃ vīrau pītavantau mahābalau| etāveva hi saṃkruddhau savājirathakuñjarām || 60.4 ||

"— उन दोनों महाबली वीरों ने देवताओं का अमृत तक पी लिया था। ये दोनों ही जब क्रुद्ध हों, तो हाथी-घोड़े-रथ सहित —

श्लोक 5 (sundara.60.5)

लङ्कां नाशयितुं शक्तौ सर्वे तिष्ठन्तु वानराः। अहमेकोऽपि पर्याप्तः सराक्षसगणां पुरीम् ॥ 60.5 ॥

laṅkāṃ nāśayituṃ śaktau sarve tiṣṭhantu vānarāḥ| ahameko'pi paryāptaḥ sarākṣasagaṇāṃ purīm || 60.5 ||

"— लंका को नष्ट करने में समर्थ हैं। शेष सभी वानर एक ओर खड़े रहें — मैं अकेला ही राक्षससमूह सहित उस नगरी के लिए पर्याप्त हूँ,

श्लोक 6 (sundara.60.6)

तां लङ्कां तरसा हन्तुं रावणं च महाबलम्। किं पुनः सहितो वीरैर्बलवद्भिः कृतात्मभिः ॥ 60.6 ॥

tāṃ laṅkāṃ tarasā hantuṃ rāvaṇaṃ ca mahābalam| kiṃ punaḥ sahito vīrairbalavadbhiḥ kṛtātmabhiḥ || 60.6 ||

"— उस लंका और महाबली रावण को शीघ्रता से नष्ट करने के लिए। फिर बलवान और आत्मसंयमी वीरों के साथ होने पर तो कहना ही क्या,

श्लोक 7 (sundara.60.7)

कृतास्त्रैः प्लवगैः शक्तैर्भवद्भिर्विजयैषिभिः। वायुसूनोर्बलेनैव दग्धा लङ्केति नः श्रुतम् ॥ 60.7 ॥

kṛtāstraiḥ plavagaiḥ śaktairbhavadbhirvijayaiṣibhiḥ| vāyusūnorbalenaiva dagdhā laṅketi naḥ śrutam || 60.7 ||

"— अस्त्रविद्या में कुशल, समर्थ, विजय के इच्छुक तुम जैसे वानरों के साथ रहने पर? हमने सुना है कि पवनपुत्र के बल से ही लंका जला दी गई।

श्लोक 8 (sundara.60.8)

दृष्टा देवी न चानीता इति तत्र निवेदितुम्। न युक्तमिव पश्यामि भवद्भिः ख्यातपौरुषैः ॥ 60.8 ॥

dṛṣṭā devī na cānītā iti tatra niveditum| na yuktamiva paśyāmi bhavadbhiḥ khyātapauruṣaiḥ || 60.8 ||

"वहाँ जाकर केवल यह निवेदन करना कि 'देवी को देख लिया गया, किंतु लाया नहीं गया' — यह मुझे तुम जैसे विख्यात पराक्रमियों के लिए उचित नहीं जान पड़ता।

श्लोक 9 (sundara.60.9)

नहि वः प्लवने कश्चिन्नापि कश्चित् पराक्रमे। तुल्यः सामरदैत्येषु लोकेषु हरिसत्तमाः ॥ 60.9 ॥

nahi vaḥ plavane kaścinnāpi kaścit parākrame| tulyaḥ sāmaradaityeṣu lokeṣu harisattamāḥ || 60.9 ||

"क्योंकि हे वानरश्रेष्ठो! देवताओं और दैत्यों सहित समस्त लोकों में, न तो कूदने में और न पराक्रम में तुम्हारे समान कोई है।

श्लोक 10 (sundara.60.10)

जित्वा लङ्कां सरक्षौघां हत्वा तं रावणं रणे। सीतामादाय गच्छामः सिद्धार्था हृष्टमानसाः ॥ 60.10 ॥

jitvā laṅkāṃ sarakṣaughāṃ hatvā taṃ rāvaṇaṃ raṇe| sītāmādāya gacchāmaḥ siddhārthā hṛṣṭamānasāḥ || 60.10 ||

"राक्षससमूह सहित लंका को जीतकर, युद्ध में उस रावण को मारकर, सीता को लेकर हम कृतार्थ हृदय और प्रसन्नचित्त होकर चलें।

श्लोक 11 (sundara.60.11)

तेष्वेवं हतवीरेषु राक्षसेषु हनूमता। किमन्यदत्र कर्तव्यं गृहीत्वा याम जानकीम् ॥ 60.11 ॥

teṣvevaṃ hatavīreṣu rākṣaseṣu hanūmatā| kimanyadatra kartavyaṃ gṛhītvā yāma jānakīm || 60.11 ||

"हनुमान द्वारा राक्षसों के वे वीर इस प्रकार पहले ही मारे जा चुके हैं, तो अब यहाँ और क्या करना शेष है? जानकी को लेकर हम चलें।

श्लोक 12 (sundara.60.12)

रामलक्ष्मणयोर्मध्ये न्यस्याम जनकात्मजाम्। किं व्यलीकैस्तु तान् सर्वान् वानरान् वानरर्षभान् ॥ 60.12 ॥

rāmalakṣmaṇayormadhye nyasyāma janakātmajām| kiṃ vyalīkaistu tān sarvān vānarān vānararṣabhān || 60.12 ||

"जनकसुता को राम और लक्ष्मण के बीच ला बिठाएँ। उन सब वानरश्रेष्ठों के समक्ष झूठे बहानों की क्या आवश्यकता है?

श्लोक 13 (sundara.60.13)

वयमेव हि गत्वा तान् हत्वा राक्षसपुङ्गवान्। राघवं द्रष्टुमर्हामः सुग्रीवं सहलक्ष्मणम् ॥ 60.13 ॥

vayameva hi gatvā tān hatvā rākṣasapuṅgavān| rāghavaṃ draṣṭumarhāmaḥ sugrīvaṃ sahalakṣmaṇam || 60.13 ||

"हम स्वयं जाकर उन श्रेष्ठ राक्षसों का वध कर, राघव के, तथा लक्ष्मण सहित सुग्रीव के दर्शन के योग्य बनें।"

श्लोक 14 (sundara.60.14)

तमेवं कृतसंकल्पं जाम्बवान् हरिसत्तमः। उवाच परमप्रीतो वाक्यमर्थवदर्थवित् ॥ 60.14 ॥

tamevaṃ kṛtasaṃkalpaṃ jāmbavān harisattamaḥ| uvāca paramaprīto vākyamarthavadarthavit || 60.14 ||

इस प्रकार दृढ़ निश्चय किए हुए उस अंगद से, वानरश्रेष्ठ जाम्बवान ने अत्यंत प्रसन्न होकर, अर्थ के ज्ञाता होने के नाते, यह अर्थपूर्ण वचन कहा —

श्लोक 15 (sundara.60.15)

नैषा बुद्धिर्महाबुद्धे यद् ब्रवीषि महाकपे। विचेतुं वयमाज्ञप्ता दक्षिणां दिशमुत्तमाम् ॥ 60.15 ॥

naiṣā buddhirmahābuddhe yad bravīṣi mahākape| vicetuṃ vayamājñaptā dakṣiṇāṃ diśamuttamām || 60.15 ||

"हे महाबुद्धिशाली महाकपि! तुम जो कह रहे हो, यह उचित बुद्धि नहीं है। हमें दक्षिण दिशा में खोजने की आज्ञा दी गई थी —

श्लोक 16 (sundara.60.16)

नानेतुं कपिराजेन नैव रामेण धीमता। कथंचिन्निर्जितां सीतामस्माभिर्नाभिरोचयेत् ॥ 60.16 ॥

nānetuṃ kapirājena naiva rāmeṇa dhīmatā| kathaṃcinnirjitāṃ sītāmasmābhirnābhirocayet || 60.16 ||

"— उसे लौटा लाने के लिए नहीं, न वानरराज की और न बुद्धिमान राम की यह आज्ञा थी। यदि हम किसी प्रकार सीता को बलपूर्वक जीतकर लाएँ, तो यह उन्हें प्रिय नहीं लगेगा —

श्लोक 17 (sundara.60.17)

राघवो नृपशार्दूलः कुलं व्यपदिशन् स्वकम्। प्रतिज्ञाय स्वयं राजा सीताविजयमग्रतः ॥ 60.17 ॥

rāghavo nṛpaśārdūlaḥ kulaṃ vyapadiśan svakam| pratijñāya svayaṃ rājā sītāvijayamagrataḥ || 60.17 ||

"— क्योंकि राघव, वह राजशार्दूल, अपने कुल का ध्यान रखते हुए, स्वयं राजा होकर पहले ही सीता की विजय की प्रतिज्ञा कर चुके हैं,

श्लोक 18 (sundara.60.18)

सर्वेषां कपिमुख्यानां कथं मिथ्या करिष्यति। विफलं कर्म च कृतं भवेत् तुष्टिर्न तस्य च ॥ 60.18 ॥

sarveṣāṃ kapimukhyānāṃ kathaṃ mithyā kariṣyati| viphalaṃ karma ca kṛtaṃ bhavet tuṣṭirna tasya ca || 60.18 ||

"— तो वे सभी वानरमुख्यों के समक्ष अपनी उस प्रतिज्ञा को कैसे मिथ्या होने देंगे? ऐसा किया गया कार्य उनके लिए निष्फल हो जाएगा, और उन्हें इससे संतोष नहीं मिलेगा,

श्लोक 19 (sundara.60.19)

वृथा च दर्शितं वीर्यं भवेद् वानरपुङ्गवाः। तस्माद् गच्छाम वै सर्वे यत्र रामः सलक्ष्मणः। सुग्रीवश्च महातेजाः कार्यस्यास्य निवेदने ॥ 60.19 ॥

vṛthā ca darśitaṃ vīryaṃ bhaved vānarapuṅgavāḥ| tasmād gacchāma vai sarve yatra rāmaḥ salakṣmaṇaḥ| sugrīvaśca mahātejāḥ kāryasyāsya nivedane || 60.19 ||

"— और, हे वानरश्रेष्ठो! उनका प्रदर्शित पराक्रम व्यर्थ-सा प्रतीत होगा। इसलिए हम सब वहाँ चलें, जहाँ राम लक्ष्मण सहित तथा महातेजस्वी सुग्रीव हैं, और यह वृत्तांत उन्हें निवेदित करें।"

श्लोक 20 (sundara.60.20)

न तावदेषा मतिरक्षमा नो यथा भवान् पश्यति राजपुत्र। यथा तु रामस्य मतिर्निविष्टा तथा भवान् पश्यतु कार्यसिद्धिम् ॥ 60.20 ॥

na tāvadeṣā matirakṣamā no yathā bhavān paśyati rājaputra| yathā tu rāmasya matirniviṣṭā tathā bhavān paśyatu kāryasiddhim || 60.20 ||

"हे राजपुत्र! जैसा तुम इसे देख रहे हो, वह विचार हमारे लिए स्वीकार्य नहीं है; अपितु जैसी राम की मनोवृत्ति निश्चित है, वैसे ही तुम इस कार्य की सिद्धि पर विचार करो।"