मधुवन में वानर

श्लोक 1 (sundara.61.1)

ततो जाम्बवतो वाक्यमगृह्णन्त वनौकसः। अङ्गदप्रमुखा वीरा हनूमांश्च महाकपिः ॥ 61.1 ॥

tato jāmbavato vākyamagṛhṇanta vanaukasaḥ| aṅgadapramukhā vīrā hanūmāṃśca mahākapiḥ || 61.1 ||

तब उन वनवासी वीरों -- अंगदप्रमुख तथा महाकपि हनुमान -- ने जाम्बवान के वचन को स्वीकार किया।

श्लोक 2 (sundara.61.2)

प्रीतिमन्तस्ततः सर्वे वायुपुत्रपुरःसराः। महेन्द्राग्रात् समुत्पत्य पुप्लुवुः प्लवगर्षभाः ॥ 61.2 ॥

prītimantastataḥ sarve vāyuputrapuraḥsarāḥ| mahendrāgrāt samutpatya pupluvuḥ plavagarṣabhāḥ || 61.2 ||

तब प्रसन्नचित्त वे सभी श्रेष्ठ वानर, वायुपुत्र हनुमान को आगे करके, महेन्द्र पर्वत के शिखर से उठकर वेग से कूद पड़े।

श्लोक 3 (sundara.61.3)

मेरुमन्दरसंकाशा मत्ता इव महागजाः। छादयन्त इवाकाशं महाकाया महाबलाः ॥ 61.3 ॥

merumandarasaṃkāśā mattā iva mahāgajāḥ| chādayanta ivākāśaṃ mahākāyā mahābalāḥ || 61.3 ||

मेरु और मन्दर पर्वतों के समान विशाल, मतवाले गजराजों की भाँति विशालकाय एवं महाबली वे मानो आकाश को ढक रहे थे।

श्लोक 4 (sundara.61.4)

सभाज्यमानं भूतैस्तमात्मवन्तं महाबलम्। हनूमन्तं महावेगं वहन्त इव दृष्टिभिः ॥ 61.4 ॥

sabhājyamānaṃ bhūtaistamātmavantaṃ mahābalam| hanūmantaṃ mahāvegaṃ vahanta iva dṛṣṭibhiḥ || 61.4 ||

वे सब प्राणियों द्वारा सम्मानित, आत्मज्ञानी, महाबली, अत्यन्त वेगवान हनुमान को मानो अपनी दृष्टियों से ही वहन करते हुए चल रहे थे।

श्लोक 5 (sundara.61.5)

राघवे चार्थनिर्वृत्तिं कर्तुं च परमं यशः। समाधाय समृद्धार्थाः कर्मसिद्धिभिरुन्नताः ॥ 61.5 ॥

rāghave cārthanirvṛttiṃ kartuṃ ca paramaṃ yaśaḥ| samādhāya samṛddhārthāḥ karmasiddhibhirunnatāḥ || 61.5 ||

राघव का कार्य सिद्ध करने और परम यश प्राप्त करने का संकल्प लेकर, अपने उद्देश्य में समृद्ध और कार्यसिद्धि से उन्नत होकर वे चल रहे थे।

श्लोक 6 (sundara.61.6)

प्रियाख्यानोन्मुखाः सर्वे सर्वे युद्धाभिनन्दिनः। सर्वे रामप्रतीकारे निश्चितार्था मनस्विनः ॥ 61.6 ॥

priyākhyānonmukhāḥ sarve sarve yuddhābhinandinaḥ| sarve rāmapratīkāre niścitārthā manasvinaḥ || 61.6 ||

वे सभी प्रिय समाचार सुनाने के लिए उत्सुक थे, सभी युद्ध में आनन्द मानने वाले थे, और सभी दृढ़चित्त होकर राम के प्रतिकार (रावण-वध) के विषय में निश्चय कर चुके थे।

श्लोक 7 (sundara.61.7)

प्लवमानाः खमाप्लुत्य ततस्ते काननौकसः। नन्दनोपममासेदुर्वनं द्रुमशतायुतम् ॥ 61.7 ॥

plavamānāḥ khamāplutya tataste kānanaukasaḥ| nandanopamamāsedurvanaṃ drumaśatāyutam || 61.7 ||

फिर आकाश में उड़ते हुए वे वनवासी वानर नन्दनवन के समान वृक्ष-लता से भरे एक वन में जा पहुँचे।

श्लोक 8 (sundara.61.8)

यत् तन्मधुवनं नाम सुग्रीवस्याभिरक्षितम्। अधृष्यं सर्वभूतानां सर्वभूतमनोहरम् ॥ 61.8 ॥

yat tanmadhuvanaṃ nāma sugrīvasyābhirakṣitam| adhṛṣyaṃ sarvabhūtānāṃ sarvabhūtamanoharam || 61.8 ||

वह मधुवन नामक उद्यान सुग्रीव द्वारा सुरक्षित, सब प्राणियों के लिए दुर्धर्ष तथा सबके मन को हरने वाला था।

श्लोक 9 (sundara.61.9)

यद् रक्षति महावीरः सदा दधिमुखः कपिः। मातुलः कपिमुख्यस्य सुग्रीवस्य महात्मनः ॥ 61.9 ॥

yad rakṣati mahāvīraḥ sadā dadhimukhaḥ kapiḥ| mātulaḥ kapimukhyasya sugrīvasya mahātmanaḥ || 61.9 ||

जिसकी रक्षा महावीर्यशाली वानर दधिमुख सदा करता था, जो महात्मा वानरराज सुग्रीव के मामा थे।

श्लोक 10 (sundara.61.10)

ते तद् वनमुपागम्य बभूवुः परमोत्कटाः। वानरा वानरेन्द्रस्य मनःकान्तं महावनम् ॥ 61.10 ॥

te tad vanamupāgamya babhūvuḥ paramotkaṭāḥ| vānarā vānarendrasya manaḥkāntaṃ mahāvanam || 61.10 ||

वानरराज के मन को प्रिय उस विशाल वन में पहुँचकर वे वानर अत्यन्त उत्तेजित हो उठे।

श्लोक 11 (sundara.61.11)

ततस्ते वानरा हृष्टा दृष्ट्वा मधुवनं महत्। कुमारमभ्ययाचन्त मधूनि मधुपिङ्गलाः ॥ 61.11 ॥

tataste vānarā hṛṣṭā dṛṣṭvā madhuvanaṃ mahat| kumāramabhyayācanta madhūni madhupiṅgalāḥ || 61.11 ||

मधु के समान पीत वर्ण वाले वे हर्षित वानर उस विशाल मधुवन को देखकर राजकुमार अंगद से मधु-पान की अनुमति माँगने लगे।

श्लोक 12 (sundara.61.12)

ततः कुमारस्तान् वृद्धाञ्जाम्बवत्प्रमुखान् कपीन्। अनुमान्य ददौ तेषां निसर्गं मधुभक्षणे ॥ 61.12 ॥

tataḥ kumārastān vṛddhāñjāmbavatpramukhān kapīn| anumānya dadau teṣāṃ nisargaṃ madhubhakṣaṇe || 61.12 ||

तब राजकुमार अंगद ने जाम्बवान आदि वृद्ध वानरों की सम्मति लेकर उन्हें मधुपान की स्वतन्त्रता दे दी।

श्लोक 13 (sundara.61.13)

ते निसृष्टाः कुमारेण धीमता वालिसूनुना। हरयः समपद्यन्त द्रुमान् मधुकराकुलान् ॥ 61.13 ॥

te nisṛṣṭāḥ kumāreṇa dhīmatā vālisūnunā| harayaḥ samapadyanta drumān madhukarākulān || 61.13 ||

बुद्धिमान वालिपुत्र अंगद द्वारा अनुमति पाकर वे वानर भ्रमरों से भरे वृक्षों की ओर दौड़ पड़े।

श्लोक 14 (sundara.61.14)

भक्षयन्तः सुगन्धीनि मूलानि च फलानि च। जग्मुः प्रहर्षं ते सर्वे बभूवुश्च मदोत्कटाः ॥ 61.14 ॥

bhakṣayantaḥ sugandhīni mūlāni ca phalāni ca| jagmuḥ praharṣaṃ te sarve babhūvuśca madotkaṭāḥ || 61.14 ||

सुगन्धित मूल और फल खाते हुए वे सब अत्यन्त हर्षित हो गए और मद से उन्मत्त हो उठे।

श्लोक 15 (sundara.61.15)

ततश्चानुमताः सर्वे सुसंहृष्टा वनौकसः। मुदिताश्च ततस्ते च प्रनृत्यन्ति ततस्ततः ॥ 61.15 ॥

tataścānumatāḥ sarve susaṃhṛṣṭā vanaukasaḥ| muditāśca tataste ca pranṛtyanti tatastataḥ || 61.15 ||

अनुमति पाकर अत्यन्त हर्षित हुए वे सभी वनवासी वानर प्रसन्नतापूर्वक इधर-उधर नाचने लगे।

श्लोक 16 (sundara.61.16)

गायन्ति केचित् प्रहसन्ति केचिन्नृत्यन्ति केचित् प्रणमन्ति केचित्। पतन्ति केचित् प्रचरन्ति केचित् प्लवन्ति केचित् प्रलपन्ति केचित् ॥ 61.16 ॥

gāyanti kecit prahasanti kecinnṛtyanti kecit praṇamanti kecit| patanti kecit pracaranti kecit plavanti kecit pralapanti kecit || 61.16 ||

कोई गाता, कोई ठहाके लगाता, कोई नाचता, कोई प्रणाम करता; कोई गिर पड़ता, कोई इधर-उधर घूमता, कोई कूदता, कोई बड़बड़ाता।

श्लोक 17 (sundara.61.17)

परस्परं केचिदुपाश्रयन्ति परस्परं केचिदतिब्रुवन्ति। द्रुमाद् द्रुमं केचिदभिद्रवन्ति क्षितौ नगाग्रान्निपतन्ति केचित् ॥ 61.17 ॥

parasparaṃ kecidupāśrayanti parasparaṃ kecidatibruvanti| drumād drumaṃ kecidabhidravanti kṣitau nagāgrānnipatanti kecit || 61.17 ||

कोई एक-दूसरे का सहारा लेता, कोई एक-दूसरे से ऊँची आवाज़ में बहस करता; कोई एक वृक्ष से दूसरे वृक्ष पर दौड़ता, कोई वृक्षों की चोटी से भूमि पर गिर पड़ता।

श्लोक 18 (sundara.61.18)

महीतलात् केचिदुदीर्णवेगा महाद्रुमाग्राण्यभिसम्पतन्ति। गायन्तमन्यः प्रहसन्नुपैति हसन्तमन्यः प्ररुदन्नुपैति ॥ 61.18 ॥

mahītalāt kecidudīrṇavegā mahādrumāgrāṇyabhisampatanti| gāyantamanyaḥ prahasannupaiti hasantamanyaḥ prarudannupaiti || 61.18 ||

कोई भूमि से वेगपूर्वक उछलकर विशाल वृक्षों की चोटियों पर जा पहुँचता; गाते हुए के पास कोई हँसता हुआ आ जाता, हँसते हुए के पास कोई रोता हुआ आ जाता।

श्लोक 19 (sundara.61.19)

तुदन्तमन्यः प्रणदन्नुपैति समाकुलं तत् कपिसैन्यमासीत्। न चात्र कश्चिन्न बभूव मत्तो न चात्र कश्चिन्न बभूव दृप्तः ॥ 61.19 ॥

tudantamanyaḥ praṇadannupaiti samākulaṃ tat kapisainyamāsīt| na cātra kaścinna babhūva matto na cātra kaścinna babhūva dṛptaḥ || 61.19 ||

चोट पहुँचाते हुए के पास कोई गरजता हुआ आ जाता -- वह वानर-सेना पूर्णतः विक्षुब्ध हो गई थी; वहाँ न कोई ऐसा था जो मतवाला न हो, न कोई ऐसा था जो उन्मत्त न हो।

श्लोक 20 (sundara.61.20)

ततो वनं तत् परिभक्ष्यमाणं द्रुमांश्च विध्वंसितपत्रपुष्पान्। समीक्ष्य कोपाद् दधिवक्त्रनामा निवारयामास कपिः कपींस्तान् ॥ 61.20 ॥

tato vanaṃ tat paribhakṣyamāṇaṃ drumāṃśca vidhvaṃsitapatrapuṣpān| samīkṣya kopād dadhivaktranāmā nivārayāmāsa kapiḥ kapīṃstān || 61.20 ||

तब उस वन को भक्षण किया जाता और वृक्षों को पत्ते-फूलों से रहित होते देख, दधिमुख नामक वानर ने क्रोधित होकर उन वानरों को रोकने का प्रयत्न किया।

श्लोक 21 (sundara.61.21)

स तैः प्रवृद्धैः परिभर्त्स्यमानो वनस्य गोप्ता हरिवृद्धवीरः। चकार भूयो मतिमुग्रतेजा वनस्य रक्षां प्रति वानरेभ्यः ॥ 61.21 ॥

sa taiḥ pravṛddhaiḥ paribhartsyamāno vanasya goptā harivṛddhavīraḥ| cakāra bhūyo matimugratejā vanasya rakṣāṃ prati vānarebhyaḥ || 61.21 ||

उन उन्मत्त वानरों द्वारा धमकाया जाकर, वन के रक्षक और वानरों में वृद्ध वीर, उग्रतेजस्वी दधिमुख ने फिर से वन की रक्षा के लिए वानरों के विरुद्ध उपाय सोचा।

श्लोक 22 (sundara.61.22)

उवाच कांश्चित् परुषाण्यभीतमसक्तमन्यांश्च तलैर्जघान। समेत्य कैश्चित् कलहं चकार तथैव साम्नोपजगाम कांश्चित् ॥ 61.22 ॥

uvāca kāṃścit paruṣāṇyabhītamasaktamanyāṃśca talairjaghāna| sametya kaiścit kalahaṃ cakāra tathaiva sāmnopajagāma kāṃścit || 61.22 ||

उसने निर्भय होकर कुछ को कठोर वचन कहे, कुछ अन्य को निरन्तर थप्पड़ों से पीटा, कुछ के साथ जूझकर कलह किया, और कुछ के पास सामनीति से गया।

श्लोक 23 (sundara.61.23)

स तैर्मदादप्रतिवार्यवेगैर्बलाच्च तेन प्रतिवार्यमाणैः। प्रधर्षणे त्यक्तभयैः समेत्य प्रकृष्यते चाप्यनवेक्ष्य दोषम् ॥ 61.23 ॥

sa tairmadādaprativāryavegairbalācca tena prativāryamāṇaiḥ| pradharṣaṇe tyaktabhayaiḥ sametya prakṛṣyate cāpyanavekṣya doṣam || 61.23 ||

किन्तु मद के कारण जिनका वेग रोका नहीं जा सकता था, उन बलशाली, निर्भय वानरों ने उसे घेर लिया और दोष का विचार किए बिना उसे घसीटने लगे।

श्लोक 24 (sundara.61.24)

नखैस्तुदन्तो दशनैर्दशन्तस्तलैश्च पादैश्च समापयन्तः। मदात् कपिं ते कपयः समन्तान्महावनं निर्विषयं च चक्रुः ॥ 61.24 ॥

nakhaistudanto daśanairdaśantastalaiśca pādaiśca samāpayantaḥ| madāt kapiṃ te kapayaḥ samantānmahāvanaṃ nirviṣayaṃ ca cakruḥ || 61.24 ||

मद में चूर वे वानर नखों से नोचते, दाँतों से काटते तथा हाथों-पैरों से प्रहार करते हुए, दधिमुख को चारों ओर से घेरकर उस विशाल वन को उजाड़ बना दिया।