लक्ष्मण का स्वर्गारोहण

श्लोक 1 (uttara.106.1)

अवाङ्मुखमथो दीनं दृष्ट्वा सोममिवाप्लुतम् । राघवं लक्ष्मणो वाक्यं हृष्टो मधुरमब्रवीत् ।। ७.१०६.१ ।।

avāṅmukham atho dīnaṃ dṛṣṭvā somam ivāplutam | rāghavaṃ lakṣmaṇo vākyaṃ hṛṣṭo madhuram abravīt || 7.106.1 ||

तब मुख नीचा किये हुए, दीन और मानो ग्रहणग्रस्त चन्द्रमा के समान म्लान राघव को देखकर, लक्ष्मण ने प्रसन्नचित्त होकर यह मधुर वचन कहा।

श्लोक 2 (uttara.106.2)

न संतापं महाबाहो मदर्थं कर्तुमर्हसि । पूर्वनिर्माणबद्धा हि कालस्य गतिरीदृशी ।। ७.१०६.२ ।।

na saṃtāpaṃ mahābāho madarthaṃ kartum arhasi | pūrvanirmāṇabaddhā hi kālasya gatir īdṛśī || 7.106.2 ||

"हे महाबाहो! आपको मेरे लिए संताप नहीं करना चाहिए; काल की गति तो आरम्भ से ही इस प्रकार निश्चित बंधी हुई है।"

श्लोक 3 (uttara.106.3)

जहि मां सौम्य विस्रब्धं प्रतिज्ञां परिपालय । हीनप्रतिज्ञाः काकुत्स्थ प्रयान्ति नरकं नराः ।। ७.१०६.३ ।।

jahi māṃ saumya visrabdhaṃ pratijñāṃ paripālaya | hīnapratijñāḥ kākutstha prayānti narakaṃ narāḥ || 7.106.3 ||

"हे सौम्य! मुझे निःशंक होकर मार डालिए और अपनी प्रतिज्ञा का पालन कीजिए। हे काकुत्स्थ! प्रतिज्ञा से च्युत हुए मनुष्य नरक को प्राप्त होते हैं।"

श्लोक 4 (uttara.106.4)

यदि प्रीतिर्महाराज यद्यनुग्राह्यता मयि । जहि मां निर्विशङ्कस्त्वं धर्मं वर्धय राघव ।। ७.१०६.४ ।।

yadi prītir mahārāja yady anugrāhyatā mayi | jahi māṃ nirviśaṅkas tvaṃ dharmaṃ vardhaya rāghava || 7.106.4 ||

"हे महाराज! यदि आपका मुझमें प्रेम है, यदि मैं आपके अनुग्रह के योग्य हूँ, तो हे राघव! निःशंक होकर मुझे मार डालिए और धर्म की वृद्धि कीजिए।"

श्लोक 5 (uttara.106.5)

लक्ष्मणेन तथोक्तस्तु रामः प्रचलितेन्द्रियः । मन्त्रिणः समुपानीय तथैव च पुरोधसम् ।। ७.१०६.५ ।।

lakṣmaṇena tathoktas tu rāmaḥ pracalitendriyaḥ | mantriṇaḥ samupānīya tathaiva ca purodhasam || 7.106.5 ||

लक्ष्मण के इस प्रकार कहने पर राम की इन्द्रियाँ विचलित हो उठीं; उन्होंने मंत्रियों को और साथ ही पुरोहित को भी बुलवाया।

श्लोक 6 (uttara.106.6)

अब्रवीच्च तदा वृत्तं तेषां मध्ये स राघवः । दुर्वासोभिगमं चैव प्रतिज्ञां तापसस्य च ।। ७.१०६.६ ।।

abravīc ca tadā vṛttaṃ teṣāṃ madhye sa rāghavaḥ | durvāsobhigamaṃ caiva pratijñāṃ tāpasasya ca || 7.106.6 ||

और उस राघव ने उनके बीच सारा वृत्तान्त कह सुनाया -- दुर्वासा के आगमन का, तथा उस तपस्वी [लक्ष्मण] की प्रतिज्ञा का भी।

श्लोक 7 (uttara.106.7)

तच्छ्रुत्वा मन्त्रिणः सर्वे सोपाध्यायाः समासत । वसिष्ठस्तु महातेजा वाक्यमेतदुवाच ह ।। ७.१०६.७ ।।

tac chrutvā mantriṇaḥ sarve sopādhyāyāḥ samāsata | vasiṣṭhas tu mahātejā vākyam etad uvāca ha || 7.106.7 ||

यह सुनकर उपाध्यायों सहित सभी मंत्री बैठ गये; तब महातेजस्वी वसिष्ठ ने यह वचन कहा।

श्लोक 8 (uttara.106.8)

दृष्टमेतन्महाबाहो क्षयं ते रोमहर्षणम् । लक्ष्मणेन वियोगश्च तव राम महायशः ।। ७.१०६.८ ।।

dṛṣṭam etan mahābāho kṣayaṃ te romaharṣaṇam | lakṣmaṇena viyogaś ca tava rāma mahāyaśaḥ || 7.106.8 ||

"हे महाबाहो! तुम्हारा यह रोंगटे खड़े कर देने वाला संकट पहले से ही देखा हुआ [अर्थात नियति में निश्चित] है, और हे महायशस्वी राम! लक्ष्मण से तुम्हारा वियोग भी।"

श्लोक 9 (uttara.106.9)

त्यजैनं बलवान्कालो मा प्रतिज्ञां वृथा कृताः । विनष्टायां प्रतिज्ञायां धर्मो ऽपि च लयं व्रजेत् ।। ७.१०६.९ ।।

tyajainaṃ balavān kālo mā pratijñāṃ vṛthā kṛthāḥ | vinaṣṭāyāṃ pratijñāyāṃ dharmo 'pi ca layaṃ vrajet || 7.106.9 ||

"इसे [लक्ष्मण को] त्याग दीजिए -- काल बलवान है; अपनी प्रतिज्ञा को व्यर्थ मत कीजिए। प्रतिज्ञा नष्ट होने पर धर्म भी विनाश को प्राप्त हो जाता है।"

श्लोक 10 (uttara.106.10)

ततो धर्मे विनष्टे तु त्रैलोक्यं सचराचरम् । सदेवर्षिगणं सर्वं विनश्येत्तु न संशयः ।। ७.१०६.१० ।।

tato dharme vinaṣṭe tu trailokyaṃ sacarācaram | sadevarṣigaṇaṃ sarvaṃ vinaśyet tu na saṃśayaḥ || 7.106.10 ||

"और धर्म के नष्ट हो जाने पर यह चराचर सहित समस्त त्रैलोक्य, देवताओं और ऋषियों के समूह सहित, निःसंदेह नष्ट हो जायेगा।"

श्लोक 11 (uttara.106.11)

स त्वं पुरुषशार्दूल त्रैलोक्यस्याभिपालनात् । लक्ष्मणेन विना चाद्य जगत्स्वस्थं कुरुष्व ह ।। ७.१०६.११ ।।

sa tvaṃ puruṣaśārdūla trailokyasyābhipālanāt | lakṣmaṇena vinā cādya jagat svasthaṃ kuruṣva ha || 7.106.11 ||

"अतः हे पुरुषश्रेष्ठ! त्रैलोक्य की रक्षा के लिए, आज लक्ष्मण के बिना ही सही, आप जगत को कुशलपूर्वक स्थापित कीजिए।"

श्लोक 12 (uttara.106.12)

तेषां तत्समवेतानां वाक्यं धर्मार्थसंहितम् । श्रुत्वा परिषदो मध्ये रामो लक्ष्मणमब्रवीत् ।। ७.१०६.१२ ।।

teṣāṃ tatsamavetānāṃ vākyaṃ dharmārthasaṃhitam | śrutvā pariṣado madhye rāmo lakṣmaṇam abravīt || 7.106.12 ||

उन सब वहाँ एकत्रित हुओं की धर्म और अर्थ से युक्त वह बात सुनकर, राम ने सभा के बीच ही लक्ष्मण से कहा।

श्लोक 13 (uttara.106.13)

विसर्जये त्वां सौमित्रे मा भूद्धर्मविपर्ययः । त्यागो वधो वा विहितः साधूनां तूभयं समम् ।। ७.१०६.१३ ।।

visarjaye tvāṃ saumitre mā bhūd dharmaviparyayaḥ | tyāgo vadho vā vihitaḥ sādhūnāṃ tūbhayaṃ samam || 7.106.13 ||

"हे सौमित्र! मैं तुम्हें त्याग देता हूँ, धर्म का विपर्यय न हो। साधुजनों के लिए त्याग और वध -- दोनों ही समान रूप से विहित माने गये हैं।"

श्लोक 14 (uttara.106.14)

रामेण भाषिते वाक्ये बाष्पव्याकुलितेन्द्रियः । लक्ष्मणस्त्वरितं प्रायात्स्वगृहं न विवेश ह ।। ७.१०६.१४ ।।

rāmeṇa bhāṣite vākye bāṣpavyākulitendriyaḥ | lakṣmaṇas tvaritaṃ prāyāt svagṛhaṃ na viveśa ha || 7.106.14 ||

राम के यह वचन कहते ही लक्ष्मण की इन्द्रियाँ आँसुओं से व्याकुल हो उठीं; वे तुरंत वहाँ से चल पड़े, अपने घर में तो वे प्रविष्ट ही नहीं हुए।

श्लोक 15 (uttara.106.15)

स गत्वा सरयूतीरमुपस्पृश्य कृताञ्जलिः । निगृह्य सर्वस्रोतांसि निःश्वासं न मुमोच ह ।। ७.१०६.१५ ।।

sa gatvā sarayūtīram upaspṛśya kṛtāñjaliḥ | nigṛhya sarvasrotāṃsi niḥśvāsaṃ na mumoca ha || 7.106.15 ||

वे सरयू के तट पर जाकर, उसके जल का स्पर्श कर, हाथ जोड़कर, अपनी सभी इन्द्रियों को रोककर खड़े हो गये, और उन्होंने श्वास तक नहीं छोड़ा।

श्लोक 16 (uttara.106.16)

अनिःश्वसन्तं युक्तं तं सशक्राः साप्सरोगणाः । देवाः सर्षिगणाः सर्वे पुष्पैरभ्यकिरंस्तदा ।। ७.१०६.१६ ।।

aniḥśvasantaṃ yuktaṃ taṃ saśakrāḥ sāpsarogaṇāḥ | devāḥ sarṣigaṇāḥ sarve puṣpair abhyakiraṃs tadā || 7.106.16 ||

श्वासरहित होकर योगस्थ हुए उन्हें, इन्द्र सहित, अप्सराओं के समूह सहित, तथा ऋषियों के समूह सहित समस्त देवताओं ने उस समय पुष्पों से आच्छादित कर दिया।

श्लोक 17 (uttara.106.17)

अदृश्यं सर्वमनुजैः सशरीरं महाबलम् । प्रगृह्य लक्ष्मणं शक्रस्त्रिदिवं संविवेश ह ।। ७.१०६.१७ ।।

adṛśyaṃ sarvamanujaiḥ saśarīraṃ mahābalam | pragṛhya lakṣmaṇaṃ śakras tridivaṃ saṃviveśa ha || 7.106.17 ||

तब इन्द्र ने उन महाबली लक्ष्मण को, जो अब समस्त मनुष्यों के लिए अदृश्य हो चुके थे, अपने शरीर सहित ही ग्रहण करके स्वर्ग में प्रवेश कराया।

श्लोक 18 (uttara.106.18)

ततो विष्णोश्चतुर्भागमागतं सुरसत्तमाः । दृष्ट्वा प्रमुदिताः सर्वे ऽपूजयन् समहर्षयः ।। ७.१०६.१८ ।।

tato viṣṇoś caturbhāgam āgataṃ surasattamāḥ | dṛṣṭvā pramuditāḥ sarve 'pūjayan samaharṣayaḥ || 7.106.18 ||

तब उन उत्तम देवताओं ने विष्णु के उस चतुर्थांश को अपने बीच आया हुआ देखकर, अत्यंत प्रसन्न होकर, महर्षियों के साथ मिलकर उनकी पूजा की।