सखाओं को वरदान

श्लोक 1 (uttara.108.1)

ते दूता रामवाक्येन चोदिता लघुविक्रमाः । प्रजग्मुर्मधुरां शीघ्रं चक्रुर्वासं न चाध्वनि ।। ७.१०८.१ ।।

te dūtā rāmavākyena coditā laghuvikramāḥ | prajagmur madhurāṃ śīghraṃ cakrur vāsaṃ na cādhvani || 7.108.1 ||

राम के वचन से प्रेरित हुए वे तीव्रगामी दूत शीघ्र ही मधुरा नगरी की ओर चल पड़े, और मार्ग में कहीं विश्राम नहीं किया।

श्लोक 2 (uttara.108.2)

ते तु त्रिभिरहोरात्रैः सम्प्राप्य मधुरामथ । शत्रुघ्नाय यथातत्त्वमाचख्युः सर्वमेव तत् ।। ७.१०८.२ ।।

te tu tribhir ahorātraiḥ samprāpya madhurām atha | śatrughnāya yathātattvam ācakhyuḥ sarvam eva tat || 7.108.2 ||

तीन दिन-रात में मधुरा पहुँचकर, उन्होंने शत्रुघ्न को यथावत् वह सब कुछ सुना दिया।

श्लोक 3 (uttara.108.3)

लक्ष्मणस्य परित्यागं प्रतिज्ञां राघवस्य च । पुत्रयोरभिषेकं च पौरानुगमनं तथा ।। ७.१०८.३ ।।

lakṣmaṇasya parityāgaṃ pratijñāṃ rāghavasya ca | putrayor abhiṣekaṃ ca paurānugamanaṃ tathā || 7.108.3 ||

लक्ष्मण के परित्याग की, राघव की प्रतिज्ञा की, दोनों पुत्रों के अभिषेक की, तथा नगरवासियों के अनुगमन की बात।

श्लोक 4 (uttara.108.4)

कुशस्य नगरी रम्या विन्ध्यपर्वतरोधसि । कुशावतीति नाम्ना सा कृता रामेण धीमता । श्रावस्तीति पुरी रम्या श्राविता च लवस्य ह ।। ७.१०८.४ ।।

kuśasya nagarī ramyā vindhyaparvatarodhasi | kuśāvatīti nāmnā sā kṛtā rāmeṇa dhīmatā | śrāvastīti purī ramyā śrāvitā ca lavasya ha || 7.108.4 ||

विंध्य पर्वत की तलहटी में स्थित कुश की वह सुंदर नगरी, जिसे बुद्धिमान राम ने कुशावती नाम दिया था, और लव के लिए बसायी गयी श्रावस्ती नामक सुंदर नगरी।

श्लोक 5 (uttara.108.5)

अयोध्यां विजनां कृत्वा राघवो भरतस्तथा । स्वर्गस्य गमनोद्योगं कृतवन्तौ महारथौ ।। ७.१०८.५ ।।

ayodhyāṃ vijanāṃ kṛtvā rāghavo bharatas tathā | svargasya gamanodyogaṃ kṛtavantau mahārathau || 7.108.5 ||

अयोध्या को जनरहित करके, राघव और भरत -- दोनों महारथी -- स्वर्गगमन की तैयारी में जुट गये थे।

श्लोक 6 (uttara.108.6)

एवं सर्वं निवेद्याशु शत्रुघ्नाय महात्मने । विरेमुस्ते ततो दूतास्त्वर राजेति चाब्रुवन् ।। ७.१०८.६ ।।

evaṃ sarvaṃ nivedyāśu śatrughnāya mahātmane | viremus te tato dūtās tvara rājeti cābruvan || 7.108.6 ||

इस प्रकार महात्मा शत्रुघ्न को शीघ्र ही सब कुछ बता देने के बाद, वे दूत रुक गये और बोले, "हे राजन्! शीघ्रता कीजिए।"

श्लोक 7 (uttara.108.7)

तच्छ्रुत्वा घोरसङ्काशं कुलक्षयमुपस्थितम् । प्रकृतीस्तु समानीय काञ्चनं च पुरोधसम् ।। ७.१०८.७ ।।

tac chrutvā ghorasaṅkāśaṃ kulakṣayam upasthitam | prakṛtīs tu samānīya kāñcanaṃ ca purodhasam || 7.108.7 ||

यह भयंकर-सा प्रतीत होने वाला कुल-विनाश उपस्थित हुआ जानकर, उन्होंने प्रजाजनों को तथा पुरोहित काञ्चन को भी बुलवाया।

श्लोक 8 (uttara.108.8)

तेषां सर्वं यथावृत्तमब्रवीद्रघनन्दनः । आत्मनश्च विपर्यासं भविष्यं भ्रातृभिः सह ।। ७.१०८.८ ।।

teṣāṃ sarvaṃ yathāvṛttam abravīd raghanandanaḥ | ātmanaś ca viparyāsaṃ bhaviṣyaṃ bhrātṛbhiḥ saha || 7.108.8 ||

उस रघुनंदन [शत्रुघ्न] ने उन सबको सारा वृत्तांत यथावत् बताया, और अपने भाइयों सहित अपने भावी परिवर्तन की बात भी कही।

श्लोक 9 (uttara.108.9)

ततः पुत्रद्वयं वीरः सो ऽभ्यषिञ्चन्नराधिपः । सुबाहुर्मधुरां लेभे शत्रुघाती च वैदिशम् ।। ७.१०८.९ ।।

tataḥ putradvayaṃ vīraḥ so 'bhyaṣiñcan narādhipaḥ | subāhur madhurāṃ lebhe śatrughātī ca vaidiśam || 7.108.9 ||

तब उस वीर नरेश ने अपने दोनों पुत्रों का अभिषेक किया; सुबाहु को मधुरा प्राप्त हुई और शत्रुघाती को वैदिश।

श्लोक 10 (uttara.108.10)

द्विधा कृत्वा तु तां सेनां माधुरीं पुत्रयोर्द्वयोः । धनं च युक्तं कृत्वा वै स्थापयामास पार्थिवः ।। ७.१०८.१० ।।

dvidhā kṛtvā tu tāṃ senāṃ mādhurīṃ putrayor dvayoḥ | dhanaṃ ca yuktaṃ kṛtvā vai sthāpayām āsa pārthivaḥ || 7.108.10 ||

उस राजा ने मथुरा की सेना को दो भागों में बाँटकर, दोनों पुत्रों के लिए उपयुक्त धन के साथ उन्हें स्थापित किया।

श्लोक 11 (uttara.108.11)

सुबाहुं मधुरायां च वैदेशे शत्रुघातिनम् । ययौ स्थाप्य तदा ऽयोध्यां रथेनैकेन राघवः ।। ७.१०८.११ ।।

subāhuṃ madhurāyāṃ ca vaideśe śatrughātinam | yayau sthāpya tadā 'yodhyāṃ rathenaikena rāghavaḥ || 7.108.11 ||

सुबाहु को मधुरा में और शत्रुघाती को वैदिश में स्थापित करके, वह राघव [शत्रुघ्न] तब एक ही रथ पर सवार होकर अयोध्या की ओर चल पड़ा।

श्लोक 12 (uttara.108.12)

स ददर्श महात्मानं ज्वलन्तमिव पावकम् । सूक्ष्मक्षौमाम्बरधरं मुनिभिः सार्धमक्षयैः ।। ७.१०८.१२ ।।

sa dadarśa mahātmānaṃ jvalantam iva pāvakam | sūkṣmakṣaumāmbaradharaṃ munibhiḥ sārdham akṣayaiḥ || 7.108.12 ||

उसने वहाँ महात्मा राम को देखा, जो प्रज्वलित अग्नि के समान तेजस्वी थे, सूक्ष्म रेशमी वस्त्र धारण किये हुए, अक्षय तेजस्वी मुनियों के साथ विराजमान थे।

श्लोक 13 (uttara.108.13)

सो ऽभिवाद्य ततो रामं प्राञ्जलिः प्रयतेन्द्रियः । उवाच वाक्यं धर्मज्ञं धर्ममेवानुचिन्तयन् ।। ७.१०८.१३ ।।

so 'bhivādya tato rāmaṃ prāñjaliḥ prayatendriyaḥ | uvāca vākyaṃ dharmajñaṃ dharmam evānucintayan || 7.108.13 ||

उसने राम को प्रणाम करके, हाथ जोड़े, इन्द्रियों को संयत किये, धर्म का ही चिंतन करते हुए, धर्मज्ञ राम से यह वचन कहा।

श्लोक 14 (uttara.108.14)

कृत्वाभिषेकं सुतयोर्द्वयो राघवनन्दन । तवानुगमने राजन्विद्धि मां कृतनिश्चयम् ।। ७.१०८.१४ ।।

kṛtvābhiṣekaṃ sutayor dvayo rāghavanandana | tavānugamane rājan viddhi māṃ kṛtaniścayam || 7.108.14 ||

"हे राघवनंदन! अपने दोनों पुत्रों का अभिषेक करके, हे राजन्! आप मुझे भी अपने अनुगमन के लिए दृढ़ निश्चय किये हुए जानिए।"

श्लोक 15 (uttara.108.15)

न चान्यदपि वक्तव्यमतो वीर न शासनम् । विलोक्यमानमिच्छामि मद्विधेन विशेषतः ।। ७.१०८.१५ ।।

na cānyad api vaktavyam ato vīra na śāsanam | vilokyamānam icchāmi madvidhena viśeṣataḥ || 7.108.15 ||

"हे वीर! इसके अतिरिक्त और कुछ कहने योग्य नहीं है, न कोई आज्ञा शेष है; मुझ जैसे व्यक्ति के लिए मैं केवल यही चाहता हूँ कि यह विशेष रूप से स्वीकार कर लिया जाये।"

श्लोक 16 (uttara.108.16)

तस्य तां बुद्धिमक्लीबां विज्ञाय रघुनन्दनः । बाढमित्येव शत्रुघ्नं रामो वाक्यमुवाच ह ।। ७.१०८.१६ ।।

tasya tāṃ buddhim aklībāṃ vijñāya raghunandanaḥ | bāḍham ity eva śatrughnaṃ rāmo vākyam uvāca ha || 7.108.16 ||

उसके इस अटल निश्चय को जानकर, रघुनंदन राम ने शत्रुघ्न से केवल "ऐसा ही हो" यह वचन कहा।

श्लोक 17 (uttara.108.17)

तस्य वाक्यस्य वाक्यान्ते वानराः कामरूपिणः । ऋक्षराक्षससङ्घाश्च समापेतुरनेकशः ।। ७.१०८.१७ ।।

tasya vākyasya vākyānte vānarāḥ kāmarūpiṇaḥ | ṛkṣarākṣasasaṅghāś ca samāpetur anekaśaḥ || 7.108.17 ||

उसके वचन के समाप्त होते ही, इच्छानुसार रूप धारण करने वाले वानर, तथा भालुओं और राक्षसों के समूह भी अनेकानेक की संख्या में वहाँ आ पहुँचे।

श्लोक 18 (uttara.108.18)

सुग्रीवं ते पुरस्कृत्य सर्व एव समागताः । तं रामं द्रष्टुमनसः स्वर्गायाभिमुखं स्थितम् ।। ७.१०८.१८ ।।

sugrīvaṃ te puraskṛtya sarva eva samāgatāḥ | taṃ rāmaṃ draṣṭumanasaḥ svargāyābhimukhaṃ sthitam || 7.108.18 ||

सुग्रीव को आगे करके वे सब वहाँ आये, राम को देखने की इच्छा से, जो स्वर्ग की ओर उन्मुख होकर बैठे थे।

श्लोक 19 (uttara.108.19)

देवपुत्रा ऋषिसुता गन्धर्वाणां सुतास्तथा । रामक्षयं विदित्वा ते सर्व एव समागताः ।। ७.१०८.१९ ।।

devaputrā ṛṣisutā gandharvāṇāṃ sutās tathā | rāmakṣayaṃ viditvā te sarva eva samāgatāḥ || 7.108.19 ||

देवताओं के पुत्र, ऋषियों के पुत्र, तथा गन्धर्वों के पुत्र भी -- राम के प्रस्थान की बात जानकर वे सब वहाँ आ गये।

श्लोक 20 (uttara.108.20)

ते राममभिवाद्योचुः सर्वे वानरराक्षसाः । तवानुगमने राजन्सम्प्राप्ताः कृतनिश्चयाः ।। ७.१०८.२० ।।

te rāmam abhivādyocuḥ sarve vānararākṣasāḥ | tavānugamane rājan samprāptāḥ kṛtaniścayāḥ || 7.108.20 ||

उन सभी वानरों और राक्षसों ने राम को प्रणाम करके कहा -- "हे राजन्! हम आपके अनुगमन के लिए दृढ़ निश्चय करके यहाँ आये हैं।"

श्लोक 21 (uttara.108.21)

यदि राम विनास्माभिर्गच्छेस्त्वं पुरुषोत्तम । यमदण्डमिवोद्यम्य त्वया स्म विनिपातिताः ।। ७.१०८.२१ ।।

yadi rāma vināsmābhir gacchestvaṃ puruṣottama | yamadaṇḍam ivodyamya tvayā sma vinipātitāḥ || 7.108.21 ||

"हे राम! हे पुरुषोत्तम! यदि आप हमें छोड़कर चले गये, तो मानो यमदण्ड उठाकर आपने ही हमें गिरा दिया होगा।"

श्लोक 22 (uttara.108.22)

तैरेवमुक्तः काकुत्स्थो बाढमित्यब्रवीत् स्मयन् ।। ७.१०८.२२ ।।

tair evam uktaḥ kākutstho bāḍham ity abravīt smayan || 7.108.22 ||

उनके इस प्रकार कहने पर काकुत्स्थ ने मुस्कुराते हुए "ऐसा ही हो" कहा।

श्लोक 23 (uttara.108.23)

एतस्मिन्नन्तरे रामं सुग्रीवो ऽपि महाबलः । प्रणम्य विधिवद्वीरं विज्ञापयितुमुद्यतः ।। ७.१०८.२३ ।।

etasminn antare rāmaṃ sugrīvo 'pi mahābalaḥ | praṇamya vidhivad vīraṃ vijñāpayitum udyataḥ || 7.108.23 ||

इसी बीच महाबली सुग्रीव भी उस वीर राम को विधिपूर्वक प्रणाम करके, कुछ निवेदन करने के लिए उद्यत हुए।

श्लोक 24 (uttara.108.24)

अभिषिच्याङ्गदं वीरमागतो ऽस्मि नरेश्वर । तवानुगमने राजन्विद्धि मां कृतनिश्चयम् ।। ७.१०८.२४ ।।

abhiṣicyāṅgadaṃ vīram āgato 'smi nareśvara | tavānugamane rājan viddhi māṃ kṛtaniścayam || 7.108.24 ||

"हे नरेश्वर! वीर अंगद का अभिषेक करके मैं यहाँ आया हूँ; हे राजन्! मुझे भी अपने अनुगमन के लिए दृढ़ निश्चय किये हुए जानिए।"

श्लोक 25 (uttara.108.25)

तस्य तद्वचनं श्रुत्वा रामो रमयतां वरः । वानरेन्द्रमथोवाचं मैत्रं तस्यानुचिन्तयन् ।। ७.१०८.२५ ।।

tasya tad vacanaṃ śrutvā rāmo ramayatāṃ varaḥ | vānarendram athovāca maitraṃ tasyānucintayan || 7.108.25 ||

उसकी यह बात सुनकर, आनंद देने वालों में श्रेष्ठ राम ने उस वानरेंद्र की मित्रता का स्मरण करते हुए यह कहा।

श्लोक 26 (uttara.108.26)

सखे शृणुष्व सुग्रीव न त्वया ऽहं विनाकृतः । गच्छेयं देवलोकं वा परमं वा पदं महत् ।। ७.१०८.२६ ।।

sakhe śṛṇuṣva sugrīva na tvayāhaṃ vinākṛtaḥ | gaccheyaṃ devalokaṃ vā paramaṃ vā padaṃ mahat || 7.108.26 ||

"हे सखा सुग्रीव! सुनो, तुम्हारे बिना मैं देवलोक को अथवा उस परम महान पद को नहीं जाऊँगा।"

श्लोक 27 (uttara.108.27)

बिभीषणमथोवाच राक्षसेन्द्रं महायशाः । यावत्प्रजा धरिष्यन्ति तावत्त्वं वै बिभीषण । राक्षसेन्द्र महावीर्य लङ्कास्थस्त्वं धरिष्यसि ।। ७.१०८.२७ ।।

bibhīṣaṇam athovāca rākṣasendraṃ mahāyaśāḥ | yāvat prajā dhariṣyanti tāvat tvaṃ vai bibhīṣaṇa | rākṣasendra mahāvīrya laṅkāsthas tvaṃ dhariṣyasi || 7.108.27 ||

फिर उस महायशस्वी राम ने राक्षसराज विभीषण से कहा -- "हे विभीषण! जब तक प्रजा टिकी रहेगी, तब तक तुम, हे महापराक्रमी राक्षसराज, लंका में रहते हुए राज्य धारण करते रहोगे।"

श्लोक 28 (uttara.108.28)

यावच्चन्द्रश्च सूर्यश्च यावत्तिष्ठति मेदिनी । यावच्च मत्कथा लोके तावद्राज्यं तवास्त्विह ।। ७.१०८.२८ ।।

yāvac candraś ca sūryaś ca yāvat tiṣṭhati medinī | yāvac ca matkathā loke tāvad rājyaṃ tavāstv iha || 7.108.28 ||

"जब तक चन्द्रमा और सूर्य रहेंगे, जब तक पृथ्वी टिकी रहेगी, और जब तक लोक में मेरी कथा रहेगी, तब तक तुम्हारा यह राज्य बना रहे।"

श्लोक 29 (uttara.108.29)

शासितस्त्वं सखित्वेन कार्यं ते मम शासनम् । प्रजाः संरक्ष धर्मेण नोत्तरं वक्तुमर्हसि ।। ७.१०८.२९ ।।

śāsitas tvaṃ sakhitvena kāryaṃ te mama śāsanam | prajāḥ saṃrakṣa dharmeṇa nottaraṃ vaktum arhasi || 7.108.29 ||

"मित्रता के नाते तुम्हें यह आदेश दिया जा रहा है, इसका पालन करना तुम्हारा कर्तव्य है। धर्मपूर्वक प्रजा की रक्षा करो; इस पर उत्तर देना उचित नहीं।"

श्लोक 30 (uttara.108.30)

किञ्चान्यद्वक्तुमिच्छामि राक्षसेन्द्र महामते ।। ७.१०८.३० ।।

kiñcānyad vaktum icchāmi rākṣasendra mahāmate || 7.108.30 ||

"हे राक्षसेन्द्र! हे महामते! मैं और भी कुछ कहना चाहता हूँ।"

श्लोक 31 (uttara.108.31)

आराधय जगन्नाथमिक्ष्वाकुकुलदैवतम् । आराधनीयमनिशं सर्वैर्दैवैः सवासवैः ।। ७.१०८.३१ ।।

ārādhaya jagannātham ikṣvākukuladaivatam | ārādhanīyam aniśaṃ sarvair daivaiḥ savāsavaiḥ || 7.108.31 ||

"उस जगन्नाथ को, इक्ष्वाकु कुल के कुलदेवता को आराधो, जो निरंतर इन्द्र सहित समस्त देवताओं द्वारा आराधनीय है।"

श्लोक 32 (uttara.108.32)

तथेति प्रतिजग्राह रामवाक्यं विभीषणः । राजा राक्षसमुख्यानां राघवाज्ञामनुस्मरन् ।। ७.१०८.३२ ।।

tatheti pratijagrāha rāmavākyaṃ vibhīṣaṇaḥ | rājā rākṣasamukhyānāṃ rāghavājñām anusmaran || 7.108.32 ||

"ऐसा ही होगा" कहकर विभीषण ने राम के वचन को स्वीकार किया; राक्षसों के प्रमुखों के उस राजा ने राघव की आज्ञा का सदैव स्मरण रखा।

श्लोक 33 (uttara.108.33)

तमेवमुक्त्वा काकुत्स्थो हनूमन्तमथाब्रवीत् । जीविते कृतबुद्धिस्त्वं मा प्रतिज्ञां विलोपय ।। ७.१०८.३३ ।।

tam evam uktvā kākutstho hanūmantam athābravīt | jīvite kṛtabuddhis tvaṃ mā pratijñāṃ vilopaya || 7.108.33 ||

उससे इस प्रकार कहकर काकुत्स्थ ने फिर हनुमान से कहा -- "तुमने जीवित रहने का निश्चय किया है, अतः अपनी प्रतिज्ञा को मत तोड़ो।"

श्लोक 34 (uttara.108.34)

मत्कथाः प्रचरिष्यन्ति यावल्लोके हरीश्वर । तावद्रमस्व सुप्रीतो मद्वाक्यमनुपालयन् ।। ७.१०८.३४ ।।

matkathāḥ pracariṣyanti yāval loke harīśvara | tāvad ramasva suprīto madvākyam anupālayan || 7.108.34 ||

"हे वानरेश्वर! जब तक लोक में मेरी कथाएँ प्रचलित रहें, तब तक तुम प्रसन्नचित्त होकर, मेरे वचन का पालन करते हुए, यहीं रमण करते रहो।"

श्लोक 35 (uttara.108.35)

एवमुक्तस्तु हनुमान्राघवेण महात्मना । वाक्यं विज्ञापयामास परं हर्षमवाप्य च ।। ७.१०८.३५ ।।

evam uktas tu hanumān rāghaveṇa mahātmanā | vākyaṃ vijñāpayām āsa paraṃ harṣam avāpya ca || 7.108.35 ||

महात्मा राघव के इस प्रकार कहने पर, हनुमान ने अत्यंत हर्ष को प्राप्त कर यह वचन निवेदन किया।

श्लोक 36 (uttara.108.36)

यावत्तव कथा लोके विचरिष्यति पावनी । तावत्स्थास्यामि मेदिन्यां तवाज्ञामनुपालयन् ।। ७.१०८.३६ ।।

yāvat tava kathā loke vicariṣyati pāvanī | tāvat sthāsyāmi medinyāṃ tavājñām anupālayan || 7.108.36 ||

"जब तक आपकी पवित्र कथा लोक में विचरण करती रहेगी, तब तक मैं आपकी आज्ञा का पालन करते हुए इस पृथ्वी पर टिका रहूँगा।"

श्लोक 37 (uttara.108.37)

जाम्बवन्तं तथोक्त्वा तु वृद्धं ब्रह्मसुतं तथा । मैन्दं च द्विविदं चैव पञ्च जाम्बवता सह । यावत्कलिश्च सम्प्राप्तस्तावज्जीवत सर्वदा ।। ७.१०८.३७ ।।

jāmbavantaṃ tathoktvā tu vṛddhaṃ brahmasutaṃ tathā | maindaṃ ca dvividaṃ caiva pañca jāmbavatā saha | yāvat kaliś ca samprāptas tāvaj jīvata sarvadā || 7.108.37 ||

और उसी प्रकार वृद्ध जाम्बवान को, जो ब्रह्मा के पुत्र थे, तथा मैन्द और द्विविद को -- जाम्बवान सहित उन पाँचों से भी उन्होंने कहा -- "जब तक कलियुग नहीं आ जाता, तब तक तुम सब सदा जीवित रहो।"

श्लोक 38 (uttara.108.38)

तानेवमुक्त्वा काकुत्स्थः सर्वांस्तानृक्षवानरान् । उवाच बाढं गच्छध्वं मया सार्धं यथेप्सितम् ।। ७.१०८.३८ ।।

tān evam uktvā kākutsthaḥ sarvāṃs tān ṛkṣavānarān | uvāca bāḍhaṃ gacchadhvaṃ mayā sārdhaṃ yathepsitam || 7.108.38 ||

उन सब भालुओं और वानरों से इस प्रकार कहकर काकुत्स्थ ने कहा -- "बहुत अच्छा, अब तुम अपनी इच्छानुसार मेरे साथ चलो।"