राम का विष्णु-रूप में प्रवेश

श्लोक 1 (uttara.110.1)

अध्यर्धयोजनं गत्वा नदीं पश्चान्मुखाश्रिताम् । सरयूं पुण्यसलिलां ददर्श रघुनन्दनः ।। ७.११०.१ ।।

adhyardhayojanaṃ gatvā nadīṃ paścānmukhāśritām | sarayūṃ puṇyasalilāṃ dadarśa raghunandanaḥ || 7.110.1 ||

डेढ़ योजन चलकर, रघुनंदन ने पश्चिमाभिमुखी, पुण्य जलों वाली सरयू नदी को देखा।

श्लोक 2 (uttara.110.2)

तां नदीमाकुलावर्तां सर्वत्रानुसरन्नृपः । आगतः सप्रजो रामस्तं देशं रघुनन्दनः ।। ७.११०.२ ।।

tāṃ nadīm ākulāvartāṃ sarvatrānusaran nṛpaḥ | āgataḥ saprajo rāmas taṃ deśaṃ raghunandanaḥ || 7.110.2 ||

उस अनेक भँवरों वाली नदी के तट पर सर्वत्र चलते हुए, प्रजा सहित राजा राम, रघुनंदन, उस स्थान पर आ पहुँचे।

श्लोक 3 (uttara.110.3)

अथ तस्मिन्मुहूर्ते तु ब्रह्मा लोकपितामहः । सर्वैः परिवृतो देवैर्ऋषिभिश्च महात्मभिः ।। ७.११०.३ ।।

atha tasmin muhūrte tu brahmā lokapitāmahaḥ | sarvaiḥ parivṛto devair ṛṣibhiś ca mahātmabhiḥ || 7.110.3 ||

उसी क्षण ब्रह्मा, लोक के पितामह, समस्त देवताओं और महात्मा ऋषियों से घिरे हुए, वहाँ पधारे।

श्लोक 4 (uttara.110.4)

आययौ यत्र काकुत्स्थः स्वर्गाय समुपस्थितः । विमानशतकोटीभिर्दिव्याभिरभिसंवृतः ।। ७.११०.४ ।।

āyayau yatra kākutsthaḥ svargāya samupasthitaḥ | vimānaśatakoṭībhir divyābhir abhisaṃvṛtaḥ || 7.110.4 ||

वे वहाँ आये जहाँ काकुत्स्थ स्वर्ग के लिए उद्यत खड़े थे, सैकड़ों-करोड़ों दिव्य विमानों से घिरे हुए।

श्लोक 5 (uttara.110.5)

दिव्यतेजोवृतं व्योम ज्योतिर्भूतमनुत्तमम् । स्वयम्प्रभैः स्वतेजोभिः स्वर्गिभिः पुण्यकर्मभिः ।। ७.११०.५ ।।

divyatejovṛtaṃ vyoma jyotirbhūtam anuttamam | svayamprabhaiḥ svatejobhiḥ svargibhiḥ puṇyakarmabhiḥ || 7.110.5 ||

आकाश दिव्य तेज से आवृत होकर, स्वयंप्रकाशी, अपने ही तेज से युक्त, पुण्यकर्मा स्वर्गवासियों से परम ज्योतिर्मय हो उठा।

श्लोक 6 (uttara.110.6)

पुण्या वाता ववुश्चैव गन्धवन्तः सुखप्रदाः । पपात पुष्पवृष्टिश्च देवैर्मुक्ता महौघवत् ।। ७.११०.६ ।।

puṇyā vātā vavuś caiva gandhavantaḥ sukhapradāḥ | papāta puṣpavṛṣṭiś ca devair muktā mahaughavat || 7.110.6 ||

पवित्र, सुगंधित, सुखदायी वायु बहने लगी, और देवताओं के द्वारा छोड़ी गयी पुष्पवृष्टि महाप्रवाह के समान गिरने लगी।

श्लोक 7 (uttara.110.7)

तस्मिंस्तूर्यशतैः कीर्णे गन्धर्वाप्सरसङ्कुले । सरयूसलिलं रामः पद्भ्यां समुपचक्रमे ।। ७.११०.७ ।।

tasmiṃs tūryaśataiḥ kīrṇe gandharvāpsarasaṅkule | sarayūsalilaṃ rāmaḥ padbhyāṃ samupacakrame || 7.110.7 ||

उस स्थान पर, सैकड़ों वाद्ययंत्रों की ध्वनि से भरे हुए, गन्धर्वों और अप्सराओं से भीड़ भरे उस क्षण में, राम ने अपने पैरों से सरयू के जल में प्रवेश किया।

श्लोक 8 (uttara.110.8)

ततः पितामहो वाणीमन्तरिक्षादभाषत । आगच्छ विष्णो भद्रं ते दिष्ट्या प्राप्तो ऽसि राघव ।। ७.११०.८ ।।

tataḥ pitāmaho vāṇīm antarikṣād abhāṣata | āgaccha viṣṇo bhadraṃ te diṣṭyā prāpto 'si rāghava || 7.110.8 ||

तब पितामह ने आकाश से यह वाणी कही -- "हे विष्णु! आओ, तुम्हारा कल्याण हो; हे राघव! सौभाग्य से तुम यहाँ पहुँचे हो।"

श्लोक 9 (uttara.110.9)

भ्रातृभिः सह देवाभैः प्रविशस्व स्विकां तनुम् । यामिच्छसि महाबाहो तां तनुं प्रविश स्विकाम् । वैष्णवीं तां महातेजस्तद्वाकाशं सनातनम् ।। ७.११०.९ ।।

bhrātṛbhiḥ saha devābhaiḥ praviśasva svikāṃ tanum | yām icchasi mahābāho tāṃ tanuṃ praviśa svikām | vaiṣṇavīṃ tāṃ mahātejas tad vākāśaṃ sanātanam || 7.110.9 ||

"अपने उन भाइयों सहित, जो देवताओं के समान तेजस्वी हैं, अपने ही रूप में प्रवेश करो। हे महाबाहो! जो रूप तुम चाहो, अपने उसी वैष्णव रूप में प्रवेश करो, हे महातेजस्वी, जो वह सनातन, आकाश-तुल्य व्यापक तेज है।"

श्लोक 10 (uttara.110.10)

त्वं हि लोकगतिर्देव न त्वां केचित्प्रजानते । ऋते मायां विशालाक्षीं तव पूर्वपरिग्रहाम् । त्वामचिन्त्यं महद्भूतमक्षयं सर्वसङ्ग्रहम् ।। ७.११०.१० ।।

tvaṃ hi lokagatir deva na tvāṃ kecit prajānate | ṛte māyāṃ viśālākṣīṃ tava pūrvaparigrahām | tvām acintyaṃ mahad bhūtam akṣayaṃ sarvasaṅgraham || 7.110.10 ||

"हे देव! तुम्हीं समस्त लोकों की गति हो; तुम अचिंत्य, महान भूत, अक्षय और सबके आधार हो -- तुम्हें कोई नहीं जानता, सिवाय उस विशाल-नेत्रा माया के, जो तुम्हारी पूर्वकाल से संगिनी है।"

श्लोक 11 (uttara.110.11)

यामिच्छसि महातेजस्तां तनुं प्रविश स्वयम् ।। ७.११०.११ ।।

yām icchasi mahātejas tāṃ tanuṃ praviśa svayam || 7.110.11 ||

"हे महातेजस्वी! जो रूप तुम चाहो, उसी में स्वयं प्रवेश करो।"

श्लोक 12 (uttara.110.12)

पितामहवचः श्रुत्वा विनिश्चित्य महामतिः । विवेश वैष्णवं तेजः सशरीरः सहानुजः ।। ७.११०.१२ ।।

pitāmahavacaḥ śrutvā viniścitya mahāmatiḥ | viveśa vaiṣṇavaṃ tejaḥ saśarīraḥ sahānujaḥ || 7.110.12 ||

पितामह के वचन को सुनकर, दृढ़ निश्चय करके, उस महामति ने अपने शरीर सहित, अपने अनुज सहित, उस वैष्णव तेज में प्रवेश किया।

श्लोक 13 (uttara.110.13)

ततो विष्णुमयं देवं पूजयन्ति स्म देवताः । साध्या मरुद्गणाश्चैव सेन्द्राः साग्निपुरोगमाः ।। ७.११०.१३ ।।

tato viṣṇumayaṃ devaṃ pūjayanti sma devatāḥ | sādhyā marudgaṇāś caiva sendrāḥ sāgnipurogamāḥ || 7.110.13 ||

तब देवताओं ने उस विष्णुमय देव की पूजा की -- साध्यगण, मरुद्गण, इन्द्र सहित, अग्नि को आगे किये हुए।

श्लोक 14 (uttara.110.14)

ये च दिव्या ऋषिगणा गन्धर्वाप्सरसश्च याः । सुपर्णनागयक्षाश्च दैत्यदानवराक्षसाः ।। ७.११०.१४ ।।

ye ca divyā ṛṣigaṇā gandharvāpsarasaś ca yāḥ | suparṇanāgayakṣāś ca daityadānavarākṣasāḥ || 7.110.14 ||

दिव्य ऋषिगण, गन्धर्व और अप्सराएँ, सुपर्ण, नाग और यक्ष, तथा दैत्य, दानव और राक्षस भी।

श्लोक 15 (uttara.110.15)

सर्वं पुष्टं प्रमुदितं सुसम्पूर्णमनोरथम् । साधु साध्विति तैर्देवैस्त्रिदिवं गतकल्मषम् ।। ७.११०.१५ ।।

sarvaṃ puṣṭaṃ pramuditaṃ susampūrṇamanoratham | sādhu sādhv iti tair devais tridivaṃ gatakalmaṣam || 7.110.15 ||

सब कुछ पुष्ट, प्रमुदित, अपनी अभिलाषाओं से भलीभाँति परिपूर्ण हो गया; उन देवताओं द्वारा "साधु, साधु" कहते हुए, स्वर्ग निष्पाप हो उठा।

श्लोक 16 (uttara.110.16)

अथ विष्णुर्महातेजाः पितामहमुवाच ह । एषां लोकं जनौघानां दातुमर्हसि सुव्रत ।। ७.११०.१६ ।।

atha viṣṇur mahātejāḥ pitāmaham uvāca ha | eṣāṃ lokaṃ janaughānāṃ dātum arhasi suvrata || 7.110.16 ||

तब महातेजस्वी विष्णु ने पितामह से कहा -- "हे सुव्रत! इन जनसमूहों को भी लोक प्रदान कीजिए।"

श्लोक 17 (uttara.110.17)

इमे हि सर्वे स्नेहान्मामनुयाता यशस्विनः । भक्ता हि भजितव्याश्च त्यक्तात्मानश्च मत्कृते ।। ७.११०.१७ ।।

ime hi sarve snehān mām anuyātā yaśasvinaḥ | bhaktā hi bhajitavyāś ca tyaktātmānaś ca matkṛte || 7.110.17 ||

"ये सभी यशस्वी जन प्रेम के कारण मेरे पीछे-पीछे आये हैं; ये मेरे भक्त हैं, अतः पूजनीय हैं, क्योंकि इन्होंने मेरे लिए अपने प्राणों का भी त्याग किया है।"

श्लोक 18 (uttara.110.18)

तच्छ्रुत्वा विष्णुवचनं ब्रह्मा लोकगुरुः प्रभुः । लोकान्सान्तानिकान्नाम यास्यन्तीमे समागताः ।। ७.११०.१८ ।।

tac chrutvā viṣṇuvacanaṃ brahmā lokaguruḥ prabhuḥ | lokān sāntānikān nāma yāsyantīme samāgatāḥ || 7.110.18 ||

विष्णु का यह वचन सुनकर, लोकगुरु प्रभु ब्रह्मा ने कहा -- "यहाँ एकत्रित हुए ये सब सांतानिक नामक लोकों को जायेंगे।"

श्लोक 19 (uttara.110.19)

यच्च तिर्यग्गतं किञ्चित्त्वामेवमनुचिन्तयत् । प्राणांस्त्यक्ष्यति भक्त्या वै तत्सन्ताने निवत्स्यति ।। ७.११०.१९ ।।

yac ca tiryaggataṃ kiñcit tvām evam anucintayat | prāṇāṃs tyakṣyati bhaktyā vai tatsantāne nivatsyati || 7.110.19 ||

"और जो भी पशु-पक्षी योनि में उत्पन्न प्राणी तुम्हारा इस प्रकार स्मरण करते हुए भक्तिपूर्वक अपने प्राण त्यागेगा, वह उसी सांतानिक लोक में निवास करेगा।"

श्लोक 20 (uttara.110.20)

सर्वैर्ब्रह्मगुणैर्युक्ते ब्रह्मलोकादनन्तरे ।। ७.११०.२० ।।

sarvair brahmaguṇair yukte brahmalokād anantare || 7.110.20 ||

"जो ब्रह्मलोक के ठीक अगले स्थान पर स्थित है, और जो ब्रह्मा के समस्त गुणों से युक्त है।"

श्लोक 21 (uttara.110.21)

वानराश्च स्विकां योनिमृक्षाश्चैव तथा ययुः । येभ्यो विनिस्सृताः सर्वे सुरेभ्यः सुरसम्भवाः ।। ७.११०.२१ ।।

vānarāś ca svikāṃ yonim ṛkṣāś caiva tathā yayuḥ | yebhyo vinissṛtāḥ sarve surebhyaḥ surasambhavāḥ || 7.110.21 ||

वानर और भालू भी अपनी-अपनी उत्पत्ति-योनि को गये -- उन्हीं देवताओं के पास, जिनसे वे सब देवोत्पन्न प्राणी प्रकट हुए थे।

श्लोक 22 (uttara.110.22)

तेषु प्रविविशे चैव सुग्रीवः सूर्यमण्डलम् । पश्यतां सर्वदेवानां स्वान्पितऽन्प्रतिपेदिरे ।। ७.११०.२२ ।।

teṣu praviviśe caiva sugrīvaḥ sūryamaṇḍalam | paśyatāṃ sarvadevānāṃ svān pitṝn pratipedire || 7.110.22 ||

उनमें से सुग्रीव समस्त देवताओं के देखते-देखते सूर्यमण्डल में प्रविष्ट हो गये, और शेष सबने अपने-अपने पूर्वजों [उद्गम-देवताओं] को प्राप्त किया।

श्लोक 23 (uttara.110.23)

तथोक्तवति देवेशे गोप्रतारमुपागताः । भेजिरे सरयूं सर्वे हर्षपूर्णाश्रुविक्लवाः ।। ७.११०.२३ ।।

tathoktavati deveśe gopratāram upāgatāḥ | bhejire sarayūṃ sarve harṣapūrṇāśruviklavāḥ || 7.110.23 ||

देवेश [ब्रह्मा] के ऐसा कहने पर, सब उस उथले घाट पर पहुँचकर, हर्ष से भरे आँसुओं से व्याकुल होकर, सरयू में उतर गये।

श्लोक 24 (uttara.110.24)

अवगाह्य जलं यो यः प्राणी ह्यासीत् प्रहृष्टवत् । मानुषं देहमुत्सृज्य विमानं सो ऽध्यरोहत ।। ७.११०.२४ ।।

avagāhya jalaṃ yo yaḥ prāṇī hy āsīt prahṛṣṭavat | mānuṣaṃ deham utsṛjya vimānaṃ so 'dhyarohata || 7.110.24 ||

जो भी प्राणी जल में प्रवेश करता, प्रसन्नतापूर्वक अपने मानव शरीर को त्यागकर वह किसी विमान पर आरूढ़ हो जाता।

श्लोक 25 (uttara.110.25)

तिर्यग्योनिगतानां च शतानि सरयूजलम् । सम्प्राप्य त्रिदिवं जग्मुः प्रभासुरवपूंषि च । दिव्या दिव्येन वपुषा देवा दीप्ता इवाभवन् ।। ७.११०.२५ ।।

tiryagyonigatānāṃ ca śatāni sarayūjalam | samprāpya tridivaṃ jagmuḥ prabhāsuravapūṃṣi ca | divyā divyena vapuṣā devā dīptā ivābhavan || 7.110.25 ||

पशु-पक्षी योनि में उत्पन्न सैकड़ों प्राणी भी सरयू के जल को प्राप्त कर, तेजस्वी दिव्य शरीर धारण कर, स्वर्ग को गये; वे सभी देवताओं के समान अपने दिव्य शरीर से प्रकाशमान हो उठे।

श्लोक 26 (uttara.110.26)

गत्वा तु सरयूतोयं स्थावराणि चराणि च । प्राप्य तत्तोयविक्लेदं देवलोकमुपागमन् ।। ७.११०.२६ ।।

gatvā tu sarayūtoyaṃ sthāvarāṇi carāṇi ca | prāpya tattoyavikledaṃ devalokam upāgaman || 7.110.26 ||

स्थावर और जंगम प्राणी भी सरयू के जल में जाकर, उसकी जलधारा का स्पर्श पाकर, देवलोक को प्राप्त हो गये।

श्लोक 27 (uttara.110.27)

तस्मिन्नपि समापन्ना ऋक्षवानरराक्षसाः । ते ऽपि स्वर्गं प्रविविशुर्देहान्निक्षिप्य चाम्भसि ।। ७.११०.२७ ।।

tasminn api samāpannā ṛkṣavānararākṣasāḥ | te 'pi svargaṃ praviviśur dehān nikṣipya cāmbhasi || 7.110.27 ||

उसी जल में समाहित होकर भालू, वानर और राक्षस भी अपने-अपने शरीरों को जल में त्यागकर स्वर्ग में प्रविष्ट हो गये।

श्लोक 28 (uttara.110.28)

ततः समागतान्सर्वान्स्थाप्य लोकगुरुर्दिवि । जगाम त्रिदशैः सार्धं सदा हृष्टैर्दिवं महत् ।। ७.११०.२८ ।।

tataḥ samāgatān sarvān sthāpya lokagurur divi | jagāma tridaśaiḥ sārdhaṃ sadā hṛṣṭair divaṃ mahat || 7.110.28 ||

तब उन सब एकत्रित हुओं को स्वर्ग में स्थापित करके, लोकगुरु ब्रह्मा सदा प्रसन्न रहने वाले देवताओं के साथ उस महान स्वर्गलोक को चले गये।