रावण-कुल के विवाह और इन्द्रजित का जन्म

श्लोक 1 (uttara.12.1)

राक्षसेन्द्रो ऽभिषिक्तस्तु भ्रातृभ्यां सहितस्तदा । ततः प्रदानं राक्षस्या भगिन्याः समचिन्तयत् ।। १२.१ ।।

rākṣasendro 'bhiṣiktas tu bhrātṛbhyāṃ sahitas tadā | tataḥ pradānaṃ rākṣasyā bhaginyāḥ samacintayat || 12.1 ||

राक्षसेन्द्र रावण, अभिषिक्त होकर अपने भाइयों सहित, तब अपनी राक्षसी बहन को किसी वर को देने पर विचार करने लगा।

श्लोक 2 (uttara.12.2)

स्वसारं कालकेयाय दानवेन्द्राय राक्षसीम् । ददौ शूर्पणखां नाम विद्युज्जिह्वाय नामतः ।। १२.२ ।।

svasāraṃ kālakeyāya dānavendrāya rākṣasīm | dadau śūrpaṇakhāṃ nāma vidyujjihvāya nāmataḥ || 12.2 ||

उसने अपनी राक्षसी बहन शूर्पणखा नामक को कालकेय दानवेन्द्र विद्युज्जिह्व को ब्याह दिया।

श्लोक 3 (uttara.12.3)

अथ दत्त्वा स्वयं रक्षो मृगयामटते स्म तत् । तत्रापश्यत्ततो राम मयं नाम दितेः सुतम् ।। १२.३ ।।

atha dattvā svayaṃ rakṣo mṛgayām aṭate sma tat | tatrāpaśyat tato rāma mayaṃ nāma diteḥ sutam || 12.3 ||

बहन को ब्याहकर वह राक्षस स्वयं शिकार पर निकला; हे राम, वहाँ उसने दिति के पुत्र मय नामक को देखा।

श्लोक 4 (uttara.12.4)

कन्यासहायं तं दृष्ट्वा दशग्रीवो निशाचरः । अपृच्छत्को भवानेको निर्मनुष्यमृगे वने । अनया मृगशावाक्ष्या किमर्थं सह तिष्ठसि ।। १२.४ ।।

kanyāsahāyaṃ taṃ dṛṣṭvā daśagrīvo niśācaraḥ | apṛcchat ko bhavān eko nirmanuṣyamṛge vane | anayā mṛgaśāvākṣyā kimarthaṃ saha tiṣṭhasi || 12.4 ||

उसे एक कन्या के साथ देखकर निशाचर दशग्रीव ने पूछा — "इस मनुष्यरहित, मृगपूर्ण वन में तुम अकेले कौन हो, और इस मृगशावाक्षी कन्या के साथ किसलिए हो?"

श्लोक 5 (uttara.12.5)

मयस्तथाब्रवीद्राम पृच्छन्तं तं निशाचरम् । श्रूयतां सर्वमाख्यास्ये यथावृत्तमिदं मम ।। १२.५ ।।

mayas tathābravīd rāma pṛcchantaṃ taṃ niśācaram | śrūyatāṃ sarvam ākhyāsye yathāvṛttam idaṃ mama || 12.5 ||

हे राम, मय ने उस पूछते हुए निशाचर से यह कहा — "सुनो, मैं अपनी सारी कथा जैसी घटी वैसी ही बताता हूँ।"

श्लोक 6 (uttara.12.6)

हेमा नामाप्सरास्तात श्रुतपूर्वा यदि त्वया । दैवतैर्मम सा दत्ता पौलोमीव शतक्रतोः ।। १२.६ ।।

hemā nāmāpsarās tāta śrutapūrvā yadi tvayā | daivatair mama sā dattā paulomīva śatakratoḥ || 12.6 ||

"हे तात, यदि तुमने पहले अप्सरा हेमा का नाम सुना हो — देवताओं ने उसे मुझे दे दिया था, जैसे शतक्रतु को पौलोमी दी गई थी।"

श्लोक 7 (uttara.12.7)

तस्यां सक्तमनास्तात पञ्चवर्षशतान्यहम् । सा च दैवतकार्येण त्रयोदश समा गताः ।। १२.७ ।।

tasyāṃ saktamanās tāta pañcavarṣaśatāny aham | sā ca daivatakāryeṇa trayodaśa samā gatāḥ || 12.7 ||

"हे तात, मैं उसमें आसक्तमन होकर पाँच सौ वर्ष रहा; परन्तु किसी देवकार्य से वह तेरह वर्षों के लिए चली गई।"

श्लोक 8 (uttara.12.8)

वर्षं चतुर्दशं चैव ततो हेममयं पुरम् । वज्रवैडूर्यचित्रं च मायया निर्मितं मया ।। १२.८ ।।

varṣaṃ caturdaśaṃ caiva tato hemamayaṃ puram | vajravaiḍūryacitraṃ ca māyayā nirmitaṃ mayā || 12.8 ||

"और चौदहवें वर्ष में, मैंने माया से एक स्वर्णमय नगर बनाया, जो वज्र और वैडूर्य मणियों से चित्रित था।"

श्लोक 9 (uttara.12.9)

तत्राहमवसं दीनस्तया हीनः सुदुःखितः ।। १२.९ ।।

tatrāham avasaṃ dīnas tayā hīnaḥ suduḥkhitaḥ || 12.9 ||

"वहाँ मैं उससे विहीन, दीन और अत्यंत दुःखी होकर रहता था।"

श्लोक 10 (uttara.12.10)

तस्मात्पुराद्दुहितरं गृहीत्वा वनमागतः । इयं ममात्मजा राजंस्तस्याः कुक्षौ विवर्धिता ।। १२.१० ।।

tasmāt purād duhitaraṃ gṛhītvā vanam āgataḥ | iyaṃ mamātmajā rājaṃs tasyāḥ kukṣau vivardhitā || 12.10 ||

"उस नगर से अपनी पुत्री को लेकर मैं वन में आया हूँ; हे राजन्, यह मेरी पुत्री उसी के गर्भ से जन्मी और बढ़ी है।"

श्लोक 11 (uttara.12.11)

भर्तारमनया सार्धमस्याः प्राप्तो ऽस्मि मार्गितुम् । कन्यापितृत्वं दुःखं हि सर्वेषां मानकाङ्क्षिणाम् ।। १२.११ ।।

bhartāram anayā sārdham asyāḥ prāpto 'smi mārgitum | kanyāpitṛtvaṃ duḥkhaṃ hi sarveṣāṃ mānakāṅkṣiṇām || 12.11 ||

"मैं इसके साथ इसके लिए वर ढूँढने आया हूँ; क्योंकि सम्मान चाहने वाले सभी लोगों के लिए कन्या का पिता होना कष्टकर होता है।"

श्लोक 12 (uttara.12.12)

कन्या हि द्वे कुले नित्यं संशये स्थाप्य तिष्ठति । पुत्रद्वयं ममाप्यस्यां भार्यायां सम्बभूव ह ।। १२.१२ ।।

kanyā hi dve kule nityaṃ saṃśaye sthāpya tiṣṭhati | putradvayaṃ mamāpy asyāṃ bhāryāyāṃ sambabhūva ha || 12.12 ||

"एक कन्या सदा दोनों कुलों को संशय में डाले रहती है। इसी पत्नी से मेरे दो पुत्र भी उत्पन्न हुए।"

श्लोक 13 (uttara.12.13)

मायावी प्रथमस्तात दुन्दुभिस्तदनन्तरः । एवं ते सर्वमाख्यातं याथातथ्येन पृच्छतः ।। १२.१३ ।।

māyāvī prathamas tāta dundubhis tadanantaraḥ | evaṃ te sarvam ākhyātaṃ yāthātathyena pṛcchataḥ || 12.13 ||

"हे तात, पहला मायावी और उसके बाद दुन्दुभि — इस प्रकार पूछने पर मैंने तुम्हें सब कुछ यथार्थ रूप से बता दिया।"

श्लोक 14 (uttara.12.14)

त्वामिदानीं कथं तात जानीयां को भवानिति । एवमुक्तस्तु तद्रक्षो विनीतमिदमब्रवीत् ।। १२.१४ ।।

tvām idānīṃ kathaṃ tāta jānīyāṃ ko bhavān iti | evam uktas tu tad rakṣo vinītam idam abravīt || 12.14 ||

"अब हे तात, मैं तुम्हें कैसे जानूँ कि तुम कौन हो?" ऐसा पूछे जाने पर उस राक्षस ने विनयपूर्वक यह कहा।

श्लोक 15 (uttara.12.15)

अहं पौलस्त्यतनयो दशग्रीवश्च नामतः । मुनेर्विश्रवसो यस्तु तृतीयो ब्रह्मणो ऽभवत् ।। १२.१५ ।।

ahaṃ paulastyatanayo daśagrīvaś ca nāmataḥ | muner viśravaso yas tu tṛtīyo brahmaṇo 'bhavat || 12.15 ||

"मैं पौलस्त्य का पुत्र हूँ, नाम से दशग्रीव; वे मुनि विश्रवा ब्रह्मा के तीसरी पीढ़ी के वंशज थे।"

श्लोक 16 (uttara.12.16)

एवमुक्तस्तदा राम राक्षसेन्द्रेण दानवः । महर्षेस्तनयं ज्ञात्वा मयो हर्षमुपागतः । दातुं दुहितरं तस्मै रोचयामास यत्र वै ।। १२.१६ ।।

evam uktas tadā rāma rākṣasendreṇa dānavaḥ | maharṣes tanayaṃ jñātvā mayo harṣam upāgataḥ | dātuṃ duhitaraṃ tasmai rocayāmāsa yatra vai || 12.16 ||

हे राम, राक्षसेन्द्र द्वारा यह कहे जाने पर, उसे महर्षि का पुत्र जानकर, दानव मय हर्षित हुआ और उसे अपनी पुत्री देने में प्रसन्नतापूर्वक सहमत हो गया।

श्लोक 17 (uttara.12.17)

करेण तु करं तस्या ग्राहयित्वा मयस्तदा । प्रहसन्प्राह दैत्येन्द्रो राक्षसेन्द्रमिदं वचः ।। १२.१७ ।।

kareṇa tu karaṃ tasyā grāhayitvā mayas tadā | prahasan prāha daityendro rākṣasendram idaṃ vacaḥ || 12.17 ||

तब मय ने उसका हाथ उसकी पुत्री के हाथ में देकर, मुस्कराते हुए, राक्षसेन्द्र से यह वचन कहा।

श्लोक 18 (uttara.12.18)

इयं ममात्मजा राजन्हेमया ऽप्सरसा धृता । कन्या मन्दोदरी नाम पत्न्यर्थं प्रतिगृह्यताम् ।। १२.१८ ।।

iyaṃ mamātmajā rājan hemayāpsarasā dhṛtā | kanyā mandodarī nāma patny arthaṃ pratigṛhyatām || 12.18 ||

"हे राजन्, यह मेरी पुत्री, जिसे अप्सरा हेमा ने गर्भ में धारण किया, मंदोदरी नामक कन्या है — इसे पत्नी रूप में स्वीकार कीजिए।"

श्लोक 19 (uttara.12.19)

बाढमित्येव तं राम दशग्रीवो ऽभ्यभाषत । प्रज्वाल्य तत्र चैवाग्निमकरोत्पाणिसङ्ग्रहम् ।। १२.१९ ।।

bāḍham ity eva taṃ rāma daśagrīvo 'bhyabhāṣata | prajvālya tatra caivāgnim akarot pāṇisaṅgraham || 12.19 ||

हे राम, दशग्रीव ने "बहुत अच्छा" कहकर उसे स्वीकार किया, और वहीं अग्नि प्रज्वलित कर पाणिग्रहण किया।

श्लोक 20 (uttara.12.20)

स हि तस्य मयो राम शापाभिज्ञस्तपोधनात् । विदित्वा तेन सा दत्ता तस्य पैतामहं कुलम् ।। १२.२० ।।

sa hi tasya mayo rāma śāpābhijñas tapodhanāt | viditvā tena sā dattā tasya paitāmahaṃ kulam || 12.20 ||

हे राम, मय ने उस तपोबल के कारण [विश्रवा के] शाप से भली-भाँति परिचित होकर, यह जानकर कि वह ब्रह्मा के वंश में जन्मा है, उसे अपनी पुत्री दी।

श्लोक 21 (uttara.12.21)

अमोघां तस्य शक्तिं च प्रददौ परमाद्भुताम् । परेण तपसा लब्धां जघ्निवाँल्लक्ष्मणं यया ।। १२.२१ ।।

amoghāṃ tasya śaktiṃ ca pradadau paramādbhutām | pareṇa tapasā labdhāṃ jaghnivāṁl lakṣmaṇaṃ yayā || 12.21 ||

उसने उसे एक अमोघ और अत्यंत अद्भुत शक्ति भी दी, जो महान तप से प्राप्त हुई थी — वही शक्ति जिससे उसने आगे चलकर लक्ष्मण को आहत किया।

श्लोक 22 (uttara.12.22)

एवं स कृतदारो वै लङ्काया ईश्वरः प्रभुः । गत्वा तु नगरीं भार्ये भ्रातृभ्यां समुपाहरत् ।। १२.२२ ।।

evaṃ sa kṛtadāro vai laṅkāyā īśvaraḥ prabhuḥ | gatvā tu nagarīṃ bhārye bhrātṛbhyāṃ samupāharat || 12.22 ||

इस प्रकार विवाहित होकर लंका का वह स्वामी नगरी में लौटा और अपने दोनों भाइयों के लिए भी पत्नियाँ ले आया।

श्लोक 23 (uttara.12.23)

वैरोचनस्य दौहित्रीं वज्रज्वालेति नामतः । तां भार्यां कुम्भकर्णस्य रावणः समकल्पयत् ।। १२.२३ ।।

vairocanasya dauhitrīṃ vajrajvāleti nāmataḥ | tāṃ bhāryāṃ kumbhakarṇasya rāvaṇaḥ samakalpayat || 12.23 ||

वैरोचन की दौहित्री, वज्रज्वाला नामक, उसे रावण ने कुम्भकर्ण की पत्नी बनाया।

श्लोक 24 (uttara.12.24)

गन्धर्वराजस्य सुतां शैलूषस्य महात्मनः । सरमां नाम धर्मज्ञां लेभे भार्यां विभीषणः ।। १२.२४ ।।

gandharvarājasya sutāṃ śailūṣasya mahātmanaḥ | saramāṃ nāma dharmajñāṃ lebhe bhāryāṃ vibhīṣaṇaḥ || 12.24 ||

गन्धर्वराज महात्मा शैलूष की पुत्री, धर्मज्ञा सरमा नामक कन्या, विभीषण ने पत्नी रूप में प्राप्त की।

श्लोक 25 (uttara.12.25)

तीरे तु सरसो वै तु सञ्जज्ञे मानसस्य हि । सरस्तदा मानसं तु ववृधे जलदागमे ।। १२.२५ ।।

tīre tu saraso vai tu sañjajñe mānasasya hi | saras tadā mānasaṃ tu vavṛdhe jaladāgame || 12.25 ||

वह मानसरोवर के तट पर उत्पन्न हुई थी, उस समय जब वर्षाकाल में मानसरोवर बढ़ गया था।

श्लोक 26 (uttara.12.26)

मात्रा तु तस्याः कन्यायाः स्नेहेनाक्रन्दितं वचः । सरो मा वर्धयस्वेति ततः सा सरमा ऽभवत् ।। १२.२६ ।।

mātrā tu tasyāḥ kanyāyāḥ snehenākranditaṃ vacaḥ | saro mā vardhayasveti tataḥ sā saramābhavat || 12.26 ||

उस कन्या की माता ने स्नेहवश यह पुकारते हुए कहा था "हे सरोवर, मत बढ़ो" — इसीलिए वह कन्या 'सरमा' कहलाई।

श्लोक 27 (uttara.12.27)

एवं ते कृतदारा वै रेमिरे तत्र राक्षसाः । स्वां स्वां भार्यामुपागम्य गन्धर्वा इव नन्दने ।। १२.२७ ।।

evaṃ te kṛtadārā vai remire tatra rākṣasāḥ | svāṃ svāṃ bhāryām upāgamya gandharvā iva nandane || 12.27 ||

इस प्रकार विवाहित होकर वे राक्षस अपनी-अपनी पत्नियों के साथ नन्दनवन में गंधर्वों के समान वहाँ आनंदित होकर रहने लगे।

श्लोक 28 (uttara.12.28)

ततो मन्दोदरी पुत्रं मेघनादमजीजनत् । स एष इन्द्रजिन्नाम युष्माभिरभिधीयते ।। १२.२८ ।।

tato mandodarī putraṃ meghanādam ajījanat | sa eṣa indrajin nāma yuṣmābhir abhidhīyate || 12.28 ||

तब मंदोदरी ने मेघनाद नामक पुत्र को जन्म दिया — यही वह है जिसे तुम लोग इन्द्रजित नाम से पुकारते हो।

श्लोक 29 (uttara.12.29)

जातमात्रेण हि पुरा तेन रावणसूनुना । रुदता सुमहान्मुक्तो नादो जलधरोपमः ।। १२.२९ ।।

jātamātreṇa hi purā tena rāvaṇasūnunā | rudatā sumahān mukto nādo jaladharopamaḥ || 12.29 ||

जन्म लेते ही उस रावणपुत्र ने रोते हुए एक अत्यंत भारी, मेघ-गर्जन के समान नाद छोड़ा था।

श्लोक 30 (uttara.12.30)

जडीकृता च सा लङ्का तस्य नादेन राघव । पिता तस्याकरोन्नाम मेघनाद इति स्वयम् ।। १२.३० ।।

jaḍīkṛtā ca sā laṅkā tasya nādena rāghava | pitā tasyākaron nāma meghanāda iti svayam || 12.30 ||

हे राघव, उसके उस नाद से लंका स्तब्ध हो गई थी; इसीलिए उसके पिता ने स्वयं उसका नाम 'मेघनाद' रखा।

श्लोक 31 (uttara.12.31)

सो ऽवर्धत तदा राम रावणान्तःपुरे शुभे । रक्ष्यमाणो वरस्त्रीभिश्छन्नः काष्ठैरिवानलः ।। १२.३१ ।।

so 'vardhata tadā rāma rāvaṇāntaḥpure śubhe | rakṣyamāṇo varastrībhiś channaḥ kāṣṭhair ivānalaḥ || 12.31 ||

हे राम, वह रावण के उस शुभ अंतःपुर में, श्रेष्ठ स्त्रियों द्वारा रक्षित होकर, वैसे ही बढ़ने लगा जैसे लकड़ियों से ढकी हुई अग्नि बढ़ती है।

श्लोक 32 (uttara.12.32)

मातापित्रोर्महाहर्षं जनयन्रावणात्मजः ।। १२.३२ ।।

mātāpitror mahāharṣaṃ janayan rāvaṇātmajaḥ || 12.32 ||

वह रावणपुत्र अपने माता-पिता के लिए महान हर्ष उत्पन्न करता हुआ बढ़ने लगा।