कैलास-कम्पन

श्लोक 1 (uttara.16.1)

स जित्वा धनदं राम भ्रातरं राक्षसाधिपः । महासेनप्रसूतिं तद्ययौ शरवणं महत् ॥ 16.1 ॥

sa jitvā dhanadaṃ rāma bhrātaraṃ rākṣasādhipaḥ | mahāsenaprasūtiṃ tadyayau śaravaṇaṃ mahat || 16.1 ||

हे राम, राक्षसों के स्वामी रावण ने अपने भाई धनद (कुबेर) को जीतकर महासेन (कार्तिकेय) के जन्मस्थान, उस विशाल शरवण को प्रस्थान किया।

श्लोक 2 (uttara.16.2)

अथापश्यदृशग्रीवो रौक्मं शरवणं महत् । गभस्तिजालसंवीतं द्वितीयमिव भास्करम् ॥ 16.2 ॥

athāpaśyadṛśagrīvo raukmaṃ śaravaṇaṃ mahat | gabhastijālasaṃvītaṃ dvitīyamiva bhāskaram || 16.2 ||

तब दशग्रीव (रावण) ने किरणों के जाल से आवृत, मानो दूसरा सूर्य हो, ऐसे उस विशाल स्वर्णिम शरवण को देखा।

श्लोक 3 (uttara.16.3)

स पर्वतं समारुह्य कञ्चिद्रम्यवनान्तरम् । अपश्यत् पुष्पकं तत्र रामविष्टम्भितं तदा ॥ 16.3 ॥

sa parvataṃ samāruhya kañcidramyavanāntaram | apaśyat puṣpakaṃ tatra rāmaviṣṭambhitaṃ tadā || 16.3 ||

किसी रमणीय वन-प्रदेश वाले पर्वत पर चढ़कर, उसने वहाँ अपने पुष्पक विमान को रुका हुआ, गतिहीन देखा।

श्लोक 4 (uttara.16.4)

विष्टब्धं पुष्पकं दृष्ट्वा ह्यगमं कामागं कृतम् । अचिन्तयद्राक्षसेन्द्रः सचिवैस्तैः समावृतः ॥ 16.4 ॥

viṣṭabdhaṃ puṣpakaṃ dṛṣṭvā hyagamaṃ kāmāgaṃ kṛtam | acintayadrākṣasendraḥ sacivaistaiḥ samāvṛtaḥ || 16.4 ||

इच्छानुसार चलने वाले पुष्पक को इस प्रकार रुका देखकर, अपने मंत्रियों से घिरा हुआ राक्षसराज सोचने लगा।

श्लोक 5 (uttara.16.5)

किन्निमित्तं चेच्छया मे नेदं गच्छति पुष्पकम् । पर्वतस्योपरिष्ठस्य कर्मेदं कस्यचिद्भवेत् ॥ 16.5 ॥

kinnimittaṃ cecchayā me nedaṃ gacchati puṣpakam | parvatasyopariṣṭhasya karmedaṃ kasyacidbhavet || 16.5 ||

"किस कारण से यह पुष्पक मेरी इच्छा के अनुसार नहीं चल रहा है? यह अवश्य ही इस पर्वत के शिखर पर रहने वाले किसी के कारण है।"

श्लोक 6 (uttara.16.6)

ततो ऽब्रवीत्तदा राम मारीचो बुद्धिकोविदः । नेदं निष्कारणं राजन्पुष्पकं यन्न गच्छति ॥ 16.6 ॥

tato 'bravīttadā rāma mārīco buddhikovidaḥ | nedaṃ niṣkāraṇaṃ rājanpuṣpakaṃ yanna gacchati || 16.6 ||

हे राम, तब बुद्धि में निपुण मारीच ने कहा, "हे राजन्, यह पुष्पक बिना कारण नहीं रुका है।"

श्लोक 7 (uttara.16.7)

अथवा पुष्पकमिदं धनदान्नान्यवाहनम् । अतो निष्पन्दमभवद्धनाध्यक्षविनाकृतम् ॥ 16.7 ॥

athavā puṣpakamidaṃ dhanadānnānyavāhanam | ato niṣpandamabhavaddhanādhyakṣavinākṛtam || 16.7 ||

"अथवा, यह पुष्पक धनद (कुबेर) के अतिरिक्त किसी और की सवारी नहीं है; इसीलिए अपने स्वामी से वंचित होकर यह स्पन्दनरहित हो गया है।"

श्लोक 8 (uttara.16.8)

इति वाक्यान्तरे तस्य करालः कृष्णपिङ्गलः । वामनो विकटो मुण्डी नन्दी प्रह्वभुजो बली ॥ 16.8 ॥

iti vākyāntare tasya karālaḥ kṛṣṇapiṅgalaḥ | vāmano vikaṭo muṇḍī nandī prahvabhujo balī || 16.8 ||

उसके इस प्रकार कहते हुए ही, भयंकर, काले-भूरे रंग का, बौना, विकृताकार, मुंडित सिर वाला, विनम्र भुजाओं वाला, बलशाली

श्लोक 9 (uttara.16.9)

ततः पार्श्वमुपागम्य भवस्यानुचरो ऽब्रवीत् । नन्दीश्वरो वचश्चेदं राक्षसेन्द्रमशङ्कितः ॥ 16.9 ॥

tataḥ pārśvamupāgamya bhavasyānucaro 'bravīt | nandīśvaro vacaścedaṃ rākṣasendramaśaṅkitaḥ || 16.9 ||

शिव का अनुचर नन्दी उसके निकट आकर निर्भय होकर राक्षसराज से यह वचन बोला।

श्लोक 10 (uttara.16.10)

निवर्तस्व दशग्रीव शैले क्रीडति शङ्करः । सुपर्णनागयक्षाणां देवगन्धर्वरक्षसाम् ॥ 16.10 ॥

nivartasva daśagrīva śaile krīḍati śaṅkaraḥ | suparṇanāgayakṣāṇāṃ devagandharvarakṣasām || 16.10 ||

"हे दशग्रीव, लौट जाओ! शंकर इस पर्वत पर क्रीड़ा कर रहे हैं। सुपर्ण, नाग, यक्ष, देव, गन्धर्व और राक्षस -"

श्लोक 11 (uttara.16.11)

सर्वेषामेव भूतानामगम्यः पर्वतः कृतः । इति नन्दिवचः श्रुत्वा क्रोधात्कम्पितकुण्डलः ॥ 16.11 ॥

sarveṣāmeva bhūtānāmagamyaḥ parvataḥ kṛtaḥ | iti nandivacaḥ śrutvā krodhātkampitakuṇḍalaḥ || 16.11 ||

"- इन सभी प्राणियों के लिए यह पर्वत अगम्य बना दिया गया है।" नन्दी के इस वचन को सुनकर, क्रोध से उसके कुंडल कांपने लगे।

श्लोक 12 (uttara.16.12)

रोषात्तु ताम्रनयनः पुष्पकादवरुह्य सः । को ऽयं शङ्कर इत्युक्त्वा शैलमूलमुपागतः ॥ 16.12 ॥

roṣāttu tāmranayanaḥ puṣpakādavaruhya saḥ | ko 'yaṃ śaṅkara ityuktvā śailamūlamupāgataḥ || 16.12 ||

रोष से उसके नेत्र ताम्रवर्ण हो गए, और वह पुष्पक से उतरकर, "यह शंकर कौन है?" ऐसा कहकर पर्वत के तलहटी में जा पहुँचा।

श्लोक 13 (uttara.16.13)

सो ऽपश्यन्नन्दिनं तत्र देवस्यादूरतः स्थितम् । दीप्तं शूलमवष्टभ्य द्वितीयमिव शङ्करम् ॥ 16.13 ॥

so 'paśyannandinaṃ tatra devasyādūrataḥ sthitam | dīptaṃ śūlamavaṣṭabhya dvitīyamiva śaṅkaram || 16.13 ||

वहाँ उसने देव (शिव) से न दूर, दूसरे शंकर के समान, प्रज्वलित त्रिशूल थामे खड़े नन्दी को देखा।

श्लोक 14 (uttara.16.14)

तं दृष्ट्वा वानरमुखमवज्ञाय स राक्षसः । प्रहासं मुमुचे तत्र सतोय इव तोयदः ॥ 16.14 ॥

taṃ dṛṣṭvā vānaramukhamavajñāya sa rākṣasaḥ | prahāsaṃ mumuce tatra satoya iva toyadaḥ || 16.14 ||

उसका वानर-मुख देखकर, उसका तिरस्कार करते हुए, वह राक्षस जल से भरे मेघ के समान वहाँ अट्टहास कर उठा।

श्लोक 15 (uttara.16.15)

तं क्रुद्धो भगवान्नन्दी शङ्करस्यापरा तनुः । अब्रवीत्तत्र तद्रक्षो दशाननमुपस्थितम् ॥ 16.15 ॥

taṃ kruddho bhagavānnandī śaṅkarasyāparā tanuḥ | abravīttatra tadrakṣo daśānanamupasthitam || 16.15 ||

इससे क्रुद्ध होकर, स्वयं शंकर के ही दूसरे स्वरूप भगवान नन्दी ने वहाँ खड़े उस दशानन राक्षस से कहा -

श्लोक 16 (uttara.16.16)

यस्माद्वानररूपं मामवज्ञाय दशानन । अशनीपातसङ्काशमपहासं प्रमुक्तवान् ॥ 16.16 ॥

yasmādvānararūpaṃ māmavajñāya daśānana | aśanīpātasaṅkāśamapahāsaṃ pramuktavān || 16.16 ||

"हे दशानन, चूँकि तुमने मेरे वानर-रूप का तिरस्कार करके वज्रपात के समान यह हास्य छोड़ा है,"

श्लोक 17 (uttara.16.17)

तस्मान्मद्रूपसम्पन्ना मद्वीर्यसमतेजसः । उत्पत्स्यन्ति वधार्थं हि कुलस्य तव वानराः ॥ 16.17 ॥

tasmānmadrūpasampannā madvīryasamatejasaḥ | utpatsyanti vadhārthaṃ hi kulasya tava vānarāḥ || 16.17 ||

"इसलिए तुम्हारे वंश के विनाश के लिए मेरे ही रूप वाले, मेरे ही पराक्रम और तेज के समान वानर उत्पन्न होंगे -"

श्लोक 18 (uttara.16.18)

नखदंष्ट्रायुधाः क्रूरा मनःसम्पातरंहसः । युद्धोन्मत्ता बलोद्रिक्ताः शैला इव विसर्पिणः ॥ 16.18 ॥

nakhadaṃṣṭrāyudhāḥ krūrā manaḥsampātaraṃhasaḥ | yuddhonmattā balodriktāḥ śailā iva visarpiṇaḥ || 16.18 ||

"- नख और दाढ़ों को शस्त्र बनाने वाले, क्रूर, मन के समान वेगशाली, युद्ध में उन्मत्त, बल से उमड़ते हुए, चलते-फिरते पर्वतों के समान।"

श्लोक 19 (uttara.16.19)

ते तव प्रबलं दर्पमुत्सेधं च पृथग्विधम् । व्यपनेष्यन्ति सम्भूय सहामात्यसुतस्य च ॥ 16.19 ॥

te tava prabalaṃ darpamutsedhaṃ ca pṛthagvidham | vyapaneṣyanti sambhūya sahāmātyasutasya ca || 16.19 ||

"वे तुम्हारे और तुम्हारे मंत्रियों तथा पुत्र के, हर प्रकार के प्रबल दर्प और उत्कर्ष को मिलकर नष्ट कर देंगे।"

श्लोक 20 (uttara.16.20)

किं त्विदानीं मया शक्यं हन्तुं त्वां हे निशाचर । न हन्तव्यो हतस्त्वं हि पूर्वमेव स्वकर्मभिः ॥ 16.20 ॥

kiṃ tvidānīṃ mayā śakyaṃ hantuṃ tvāṃ he niśācara | na hantavyo hatastvaṃ hi pūrvameva svakarmabhiḥ || 16.20 ||

"परन्तु हे निशाचर, अभी तुम्हें मारने में मुझे क्या लाभ? तुम्हें मारने की आवश्यकता नहीं, क्योंकि तुम अपने ही कर्मों से पहले ही मारे जा चुके हो।"

श्लोक 21 (uttara.16.21)

इत्युदीरितवाक्ये तु देवे तस्मिन्महात्मनि । देवदुन्दुभयो नेदुः पुष्पवृष्टिश्च खाच्च्युता ॥ 16.21 ॥

ityudīritavākye tu deve tasminmahātmani | devadundubhayo neduḥ puṣpavṛṣṭiśca khāccyutā || 16.21 ||

उस महात्मा देव के ऐसा कहते ही, देवताओं के दुंदुभि बज उठे और आकाश से फूलों की वर्षा हुई।

श्लोक 22 (uttara.16.22)

अचिन्तयित्वा स तदा नन्दिवाक्यं महाबलः । पर्वतं तु समासाद्य वाक्यमाह दशाननः ॥ 16.22 ॥

acintayitvā sa tadā nandivākyaṃ mahābalaḥ | parvataṃ tu samāsādya vākyamāha daśānanaḥ || 16.22 ||

तब उस महाबली दशानन ने नन्दी के वचन की परवाह न करते हुए, पर्वत के पास जाकर यह वचन कहा -

श्लोक 23 (uttara.16.23)

पुष्पकस्य गतिश्छिन्ना यत्कृते मम गच्छतः । तमिमं शैलमुन्मूलं करोमि तव गोपते ॥ 16.23 ॥

puṣpakasya gatiśchinnā yatkṛte mama gacchataḥ | tamimaṃ śailamunmūlaṃ karomi tava gopate || 16.23 ||

"हे गोप (नन्दी), जिसके कारण जाते हुए मेरे पुष्पक की गति रुक गई है, मैं तुम्हारे इस पर्वत को उखाड़ फेंकूँगा।"

श्लोक 24 (uttara.16.24)

केन प्रभावेण भवो नित्यं क्रीडति राजवत् । विज्ञातव्यं न जानीते भयस्थानमुपस्थितम् ॥ 16.24 ॥

kena prabhāveṇa bhavo nityaṃ krīḍati rājavat | vijñātavyaṃ na jānīte bhayasthānamupasthitam || 16.24 ||

"किस बल के कारण भव (शिव) यहाँ सदा राजा के समान क्रीड़ा करते रहते हैं? जो जानना चाहिए, वह वे नहीं जानते, कि यहाँ भय का कारण उपस्थित हो चुका है।"

श्लोक 25 (uttara.16.25)

एवमुक्त्वा ततो राम भुजान्विक्षिप्य पर्वते । तोलयामास तं शीघ्रं स शैलं समकम्पत ॥ 16.25 ॥

evamuktvā tato rāma bhujānvikṣipya parvate | tolayāmāsa taṃ śīghraṃ sa śailaṃ samakampata || 16.25 ||

हे राम, यह कहकर उसने अपनी भुजाएँ पर्वत के नीचे फैलाकर उसे तुरंत उठाने का प्रयास किया, और वह पर्वत कांपने लगा।

श्लोक 26 (uttara.16.26)

चालनात्पर्वतस्यैव गणा देवस्य कम्पिताः । चचाल पार्वती चापि तदा ऽ ऽश्लिष्टा महेश्वरम् ॥ 16.26 ॥

cālanātparvatasyaiva gaṇā devasya kampitāḥ | cacāla pārvatī cāpi tadā ' 'śliṣṭā maheśvaram || 16.26 ||

पर्वत के हिलने से शिव के गणों में कम्पन हुआ, और उस समय महेश्वर से आलिंगनबद्ध पार्वती भी कांप उठीं।

श्लोक 27 (uttara.16.27)

ततो राम महादवो देवानां प्रवरो हरः । पादाङ्गुष्ठेन तं शैलं पीडयामास लीलया ॥ 16.27 ॥

tato rāma mahādavo devānāṃ pravaro haraḥ | pādāṅguṣṭhena taṃ śailaṃ pīḍayāmāsa līlayā || 16.27 ||

हे राम, तब देवताओं में श्रेष्ठ महादेव हर ने अपने पैर के अंगूठे से ही, क्रीड़ामात्र में, उस पर्वत को दबा दिया।

श्लोक 28 (uttara.16.28)

पीडितास्तु ततस्तस्य शैलस्याधोगता भुजाः । विस्मिताश्चाभवंस्तत्र सचिवास्तस्य रक्षसः ॥ 16.28 ॥

pīḍitāstu tatastasya śailasyādhogatā bhujāḥ | vismitāścābhavaṃstatra sacivāstasya rakṣasaḥ || 16.28 ||

इससे दबकर उस राक्षस की भुजाएँ पर्वत के नीचे दब गईं, और उसके मंत्री यह देखकर वहाँ विस्मित हो गए।

श्लोक 29 (uttara.16.29)

रक्षसा तेन रोषाच्च भुजानां पीडनात्तदा । मुक्तो विरावः सहसा त्रैलोक्यं येन कम्पितम् ॥ 16.29 ॥

rakṣasā tena roṣācca bhujānāṃ pīḍanāttadā | mukto virāvaḥ sahasā trailokyaṃ yena kampitam || 16.29 ||

उस राक्षस से, क्रोधवश और भुजाओं के दब जाने से, अकस्मात् ऐसी भीषण चीत्कार निकली जिससे तीनों लोक कांप उठे।

श्लोक 30 (uttara.16.30)

मेनिरे वज्रनिष्पेषं तस्यामात्या युगक्षये । तदा वर्त्मस्थचलिता देवा इन्द्रपुरोगमाः ॥ 16.30 ॥

menire vajraniṣpeṣaṃ tasyāmātyā yugakṣaye | tadā vartmasthacalitā devā indrapurogamāḥ || 16.30 ||

उसके मंत्रियों ने उसे प्रलयकाल के वज्रों की गड़गड़ाहट समझा; इन्द्र आदि देवता भी उस समय अपने मार्गों पर डगमगा उठे।

श्लोक 31 (uttara.16.31)

समुद्राश्चापि सङ्क्षुब्धाश्चलिताश्चापि पर्वताः । यक्षा विद्याधराः सिद्धाः किमेतदिति चाब्रुवन् ॥ 16.31 ॥

samudrāścāpi saṅkṣubdhāścalitāścāpi parvatāḥ | yakṣā vidyādharāḥ siddhāḥ kimetaditi cābruvan || 16.31 ||

समुद्र भी क्षुब्ध हो उठे, पर्वत भी डोल गए; यक्ष, विद्याधर और सिद्ध पुकार उठे, "यह क्या हुआ?"

श्लोक 32 (uttara.16.32)

अथ ते मन्त्रिणस्तस्य विक्रोशन्तमथाब्रुवन् । तोषयस्व महादेवं नीलकण्ठमुमापतिम् ॥ 16.32 ॥

atha te mantriṇastasya vikrośantamathābruvan | toṣayasva mahādevaṃ nīlakaṇṭhamumāpatim || 16.32 ||

तब उसके मंत्रियों ने चिल्लाते हुए उससे कहा, "नीलकंठ, उमापति महादेव को प्रसन्न कीजिए।"

श्लोक 33 (uttara.16.33)

तमृते शरणं नान्यं पश्यामो ऽत्र दशानन । स्तुतिभिः प्रणतो भूत्वा तमेव शरणं व्रज ॥ 16.33 ॥

tamṛte śaraṇaṃ nānyaṃ paśyāmo 'tra daśānana | stutibhiḥ praṇato bhūtvā tameva śaraṇaṃ vraja || 16.33 ||

"हे दशानन, उनके अतिरिक्त हमें यहाँ और कोई शरण नहीं दिखती; स्तुतियों से नत होकर उन्हीं की शरण में जाइए।"

श्लोक 34 (uttara.16.34)

कृपालुः शङ्करस्तुष्टः प्रसादं ते विधास्यति । एवमुक्तस्तदामात्यैस्तुष्टाव वृषभध्वजम् ॥ 16.34 ॥

kṛpāluḥ śaṅkarastuṣṭaḥ prasādaṃ te vidhāsyati | evamuktastadāmātyaistuṣṭāva vṛṣabhadhvajam || 16.34 ||

"दयालु शंकर, प्रसन्न होकर, आप पर कृपा करेंगे।" मंत्रियों के इस प्रकार कहने पर, उसने वृषभध्वज शिव की स्तुति की।

श्लोक 35 (uttara.16.35)

सामभिर्विविधैः स्तोत्रैः प्रणम्य स दशाननः । संवत्सरसहस्रं तु रुदतो रक्षसो गतम् ॥ 16.35 ॥

sāmabhirvividhaiḥ stotraiḥ praṇamya sa daśānanaḥ | saṃvatsarasahasraṃ tu rudato rakṣaso gatam || 16.35 ||

दशानन ने विविध साम-स्तोत्रों से प्रणाम करते हुए स्तुति की, और उस रोते हुए राक्षस के एक सहस्र वर्ष इसी में बीत गए।

श्लोक 36 (uttara.16.36)

ततः प्रीतो महादेवः शैलाग्रे विष्ठितः प्रभुः । मुक्त्वा चास्य भुजान्राम प्राह वाक्यं दशाननम् ॥ 16.36 ॥

tataḥ prīto mahādevaḥ śailāgre viṣṭhitaḥ prabhuḥ | muktvā cāsya bhujānrāma prāha vākyaṃ daśānanam || 16.36 ||

हे राम, तब प्रसन्न महादेव, जो पर्वत-शिखर पर खड़े थे, ने उसकी भुजाओं को मुक्त करके दशानन से यह वचन कहा -

श्लोक 37 (uttara.16.37)

प्रीतो ऽस्मि तव वीर्यस्य शौण्डार्याच्च दशानन । शैलाक्रान्तेन यो मुक्तस्त्वया रावः सुदारुणः ॥ 16.37 ॥

prīto 'smi tava vīryasya śauṇḍāryācca daśānana | śailākrāntena yo muktastvayā rāvaḥ sudāruṇaḥ || 16.37 ||

"हे दशानन, तुम्हारे पराक्रम और साहस से मैं प्रसन्न हूँ - उस भीषण चीत्कार से भी, जो पर्वत से दबकर तुमने निकाली।"

श्लोक 38 (uttara.16.38)

यस्माल्लोकत्रयं चैतद्रावितं भयमागतम् । तस्मात्त्वं रावणो नाम नाम्ना राजन्भविष्यसि ॥ 16.38 ॥

yasmāllokatrayaṃ caitadrāvitaṃ bhayamāgatam | tasmāttvaṃ rāvaṇo nāma nāmnā rājanbhaviṣyasi || 16.38 ||

"चूँकि इस चीत्कार से तीनों लोक भय से रो पड़े (रावित हुए), इसलिए हे राजन्, तुम रावण नाम से जाने जाओगे।"

श्लोक 39 (uttara.16.39)

देवता मानुषा यक्षा ये चान्ये जगतीतले । एवं त्वामभिधास्यन्ति रावणं लोकरावणम् ॥ 16.39 ॥

devatā mānuṣā yakṣā ye cānye jagatītale | evaṃ tvāmabhidhāsyanti rāvaṇaṃ lokarāvaṇam || 16.39 ||

"पृथ्वी पर के देवता, मनुष्य, यक्ष तथा अन्य सभी, तुम्हें इस प्रकार लोकों को रुलाने वाला 'रावण' कहकर पुकारेंगे।"

श्लोक 40 (uttara.16.40)

गच्छ पौलस्त्य विस्रब्धं पथा येन त्वमिच्छसि । मया चैवाभ्यनुज्ञातो राक्षसाधिप गम्यताम् ॥ 16.40 ॥

gaccha paulastya visrabdhaṃ pathā yena tvamicchasi | mayā caivābhyanujñāto rākṣasādhipa gamyatām || 16.40 ||

"हे पौलस्त्य, निश्चिंत होकर जिस मार्ग से चाहो जाओ; हे राक्षसाधिप, मेरी अनुमति से अब प्रस्थान करो।"

श्लोक 41 (uttara.16.41)

एवमुक्तस्तु लङ्केशः शम्भुना स्वयमब्रवीत् । प्रीतो यदि महादेव वरं मे देहि याचतः ॥ 16.41 ॥

evamuktastu laṅkeśaḥ śambhunā svayamabravīt | prīto yadi mahādeva varaṃ me dehi yācataḥ || 16.41 ||

इस प्रकार शम्भु द्वारा कहे जाने पर, लंकेश ने स्वयं कहा, "हे महादेव, यदि आप प्रसन्न हैं तो मुझे वर माँगते हुए दीजिए।"

श्लोक 42 (uttara.16.42)

अवध्यत्वं मया प्राप्तं देवगन्धर्वदानवैः । राक्षसैर्गुह्यकैर्नागैर्ये चान्ये बलवत्तराः ॥ 16.42 ॥

avadhyatvaṃ mayā prāptaṃ devagandharvadānavaiḥ | rākṣasairguhyakairnāgairye cānye balavattarāḥ || 16.42 ||

"मुझे देवता, गन्धर्व, दानव, राक्षस, गुह्यक, नाग तथा अन्य जो भी बलशाली हैं, उन सबसे अवध्यता प्राप्त हो चुकी है।"

श्लोक 43 (uttara.16.43)

मानुषान्न गणे देव स्वल्पास्ते मम सम्मताः । दीर्घमायुश्च मे प्राप्तं ब्रह्मणस्त्रिपुरान्तक ॥ 16.43 ॥

mānuṣānna gaṇe deva svalpāste mama sammatāḥ | dīrghamāyuśca me prāptaṃ brahmaṇastripurāntaka || 16.43 ||

"हे देव, मैं मनुष्यों को नहीं गिनता - वे मेरी दृष्टि में तुच्छ हैं। हे त्रिपुरान्तक, मुझे ब्रह्मा से दीर्घ आयु भी प्राप्त हो चुकी है।"

श्लोक 44 (uttara.16.44)

वाञ्छितं चायुषः शेषं शस्त्रं त्वं च प्रयच्छ मे । एवमुक्तस्ततस्तेन रावणेन स शङ्करः ॥ 16.44 ॥

vāñchitaṃ cāyuṣaḥ śeṣaṃ śastraṃ tvaṃ ca prayaccha me | evamuktastatastena rāvaṇena sa śaṅkaraḥ || 16.44 ||

"अब आप मुझे शेष आयु का वरदान तथा एक शस्त्र प्रदान करें।" रावण के इस प्रकार कहने पर, शंकर ने -

श्लोक 45 (uttara.16.45)

ददौ खड्गं महादीप्तं चन्द्रहासमिति श्रुतम् । आयुषश्चावशेषं च स्थित्वा भूतपतिस्तदा ॥ 16.45 ॥

dadau khaḍgaṃ mahādīptaṃ candrahāsamiti śrutam | āyuṣaścāvaśeṣaṃ ca sthitvā bhūtapatistadā || 16.45 ||

- चन्द्रहास नाम से विख्यात, अत्यंत तेजस्वी खड्ग, तथा शेष आयु का वरदान दिया। तब भूतपति (शिव) ने

श्लोक 46 (uttara.16.46)

दत्त्वोवाच ततः शम्भुर्नावज्ञेयमिदं त्वया । अवज्ञातं यदि हि ते मामेवैष्यत्यसंशयः ॥ 16.46 ॥

dattvovāca tataḥ śambhurnāvajñeyamidaṃ tvayā | avajñātaṃ yadi hi te māmevaiṣyatyasaṃśayaḥ || 16.46 ||

यह देकर कहा, "तुम्हें इसका अपमान नहीं करना चाहिए; यदि इसका अपमान हुआ, तो निःसन्देह यह मेरे पास ही लौट आएगा।"

श्लोक 47 (uttara.16.47)

एवं महेश्वरेणैव कृतनामा स रावणः । अभिवाद्य महादेवमारुरोहाथ पुष्पकम् ॥ 16.47 ॥

evaṃ maheśvareṇaiva kṛtanāmā sa rāvaṇaḥ | abhivādya mahādevamārurohātha puṣpakam || 16.47 ||

इस प्रकार स्वयं महेश्वर द्वारा नाम पाकर, वह रावण महादेव को प्रणाम करके पुष्पक पर आरूढ़ हो गया।

श्लोक 48 (uttara.16.48)

ततो महीतले राम पर्यक्रामत रावणः । क्षत्ऺित्रयान्सुमहावीर्यान्बाधमान इतस्ततः ॥ 16.48 ॥

tato mahītale rāma paryakrāmata rāvaṇaḥ | kṣatऺitrayānsumahāvīryānbādhamāna itastataḥ || 16.48 ||

हे राम, तब रावण पृथ्वीतल पर विचरण करने लगा, यहाँ-वहाँ महापराक्रमी क्षत्रियों को पीड़ित करता हुआ।

श्लोक 49 (uttara.16.49)

केचित्तेजस्विनः शूराः क्षत्ऺित्रया युद्धदुर्मदाः । तच्छासनमकुर्वन्तो विनेशुः सपरिच्छदाः ॥ 16.49 ॥

kecittejasvinaḥ śūrāḥ kṣatऺitrayā yuddhadurmadāḥ | tacchāsanamakurvanto vineśuḥ saparicchadāḥ || 16.49 ||

कुछ तेजस्वी, शूरवीर, युद्ध में उन्मत्त क्षत्रिय, जो उसकी आज्ञा नहीं मानते थे, अपने परिवार और सेवकों सहित नष्ट हो गए।

श्लोक 50 (uttara.16.50)

अपरे दुर्जयं रक्षो जानन्तः प्राज्ञसम्मताः । जिताः स्म इत्यभाषन्त राक्षसं बलदर्पितम् ॥ 16.50 ॥

apare durjayaṃ rakṣo jānantaḥ prājñasammatāḥ | jitāḥ sma ityabhāṣanta rākṣasaṃ baladarpitam || 16.50 ||

अन्य बुद्धिमान क्षत्रिय, उस बल-दर्पित राक्षस को अजेय जानकर, कह दिया करते थे, "हम पराजित हुए।"