वेदवती का शाप

श्लोक 1 (uttara.17.1)

अथ राजन्महाबाहुर्विचरन्स महीतले । हिमवद्वनमासाद्य परिचक्राम रावणः ॥ 17.1 ॥

atha rājanmahābāhurvicaransa mahītale | himavadvanamāsādya paricakrāma rāvaṇaḥ || 17.1 ||

हे राजन्, तब वह महाबाहु रावण पृथ्वी पर विचरण करता हुआ हिमालय के वन में जा पहुँचा और वहाँ घूमने लगा।

श्लोक 2 (uttara.17.2)

तत्रापश्यत्स वै कन्यां कृष्णाजिनजटाधराम् । आर्षेण विधिना युक्तां दीप्यन्तीं देवतामिव ॥ 17.2 ॥

tatrāpaśyatsa vai kanyāṃ kṛṣṇājinajaṭādharām | ārṣeṇa vidhinā yuktāṃ dīpyantīṃ devatāmiva || 17.2 ||

वहाँ उसने काले मृगचर्म और जटा धारण किए हुए एक कन्या को देखा, जो ऋषि-विधि से युक्त होकर किसी देवी के समान दैदीप्यमान थी।

श्लोक 3 (uttara.17.3)

स दृष्ट्वा रूपसम्पन्नां कन्यां तां सुमहाव्रताम् । काममोहपरीतात्मा पप्रच्छ प्रहसन्निव ॥ 17.3 ॥

sa dṛṣṭvā rūpasampannāṃ kanyāṃ tāṃ sumahāvratām | kāmamohaparītātmā papraccha prahasanniva || 17.3 ||

उस रूपवती, महाव्रतधारिणी कन्या को देखकर, काम के मोह से आविष्ट होकर उसने मानो हँसते हुए पूछा -

श्लोक 4 (uttara.17.4)

किमिदं वर्तसे भद्रे विरुद्धं यौवनस्य ते । नहि युक्ता तवैतस्य रूपस्यैव प्रति क्रिया ॥ 17.4 ॥

kimidaṃ vartase bhadre viruddhaṃ yauvanasya te | nahi yuktā tavaitasya rūpasyaiva prati kriyā || 17.4 ||

"हे भद्रे, तुम अपनी युवावस्था के विपरीत यह क्या कर रही हो? इस रूप के साथ यह तपस्या उचित नहीं है।"

श्लोक 5 (uttara.17.5)

रूपं ते ऽनुपमं भीरु कामोन्मादकरं नृणाम् । न युक्तं तपसि स्थातुं निर्गतो ह्येष निर्णयः ॥ 17.5 ॥

rūpaṃ te 'nupamaṃ bhīru kāmonmādakaraṃ nṛṇām | na yuktaṃ tapasi sthātuṃ nirgato hyeṣa nirṇayaḥ || 17.5 ||

"हे भीरु, तुम्हारा अनुपम रूप पुरुषों को काम से उन्मत्त करने वाला है; तपस्या में स्थित रहना तुम्हारे लिए उचित नहीं - यह निर्णय स्पष्ट है।"

श्लोक 6 (uttara.17.6)

कस्यासि किमिदं भद्रे कश्च भर्ता वरानने । येन सम्भुज्यसे भीरु स नरः पुण्यभाग्भुवि ॥ 17.6 ॥

kasyāsi kimidaṃ bhadre kaśca bhartā varānane | yena sambhujyase bhīru sa naraḥ puṇyabhāgbhuvi || 17.6 ||

"हे भद्रे, तुम किसकी पुत्री हो, यह क्या है, और हे वरानने, तुम्हारा पति कौन है? हे भीरु, जिसके द्वारा तुम भोगी जाती हो, वह पुरुष पृथ्वी पर पुण्यशाली है।"

श्लोक 7 (uttara.17.7)

पृच्छतः शंस मे सर्वं कस्य हेतोः परिश्रमः । एवमुक्ता तु सा कन्या रावणेन यशस्विनी ॥ 17.7 ॥

pṛcchataḥ śaṃsa me sarvaṃ kasya hetoḥ pariśramaḥ | evamuktā tu sā kanyā rāvaṇena yaśasvinī || 17.7 ||

"मैं पूछ रहा हूँ, सब कुछ बताओ - किस कारण से यह परिश्रम है?" रावण के इस प्रकार पूछने पर, उस यशस्विनी कन्या ने -

श्लोक 8 (uttara.17.8)

अब्रवीद्विधिवत्कृत्वा तस्यातिथ्यं तपोधना । कुशध्वजो मम पिता ब्रह्मर्षिरमितप्रभः । बृहस्पतिसुतः श्रीमान्बुद्ध्या तुल्यो बृहस्पतेः ॥ 17.8 ॥

abravīdvidhivatkṛtvā tasyātithyaṃ tapodhanā | kuśadhvajo mama pitā brahmarṣiramitaprabhaḥ | bṛhaspatisutaḥ śrīmānbuddhyā tulyo bṛhaspateḥ || 17.8 ||

- विधिपूर्वक उसका आतिथ्य करके कहा, "हे तपोधन, मेरे पिता कुशध्वज एक अमित तेजस्वी ब्रह्मर्षि हैं, बृहस्पति के पुत्र, श्रीमान्, बुद्धि में बृहस्पति के समान।"

श्लोक 9 (uttara.17.9)

तस्याहं कुर्वतो नित्यं वेदाभ्यासं महात्मनः । सम्भूय वाङ्मयी कन्या नाम्ना वेदवती स्मृता ॥ 17.9 ॥

tasyāhaṃ kurvato nityaṃ vedābhyāsaṃ mahātmanaḥ | sambhūya vāṅmayī kanyā nāmnā vedavatī smṛtā || 17.9 ||

"वेद का नित्य अभ्यास करते हुए उन महात्मा से उत्पन्न, वाणी से बनी हुई कन्या, वेदवती नाम से प्रसिद्ध हूँ मैं।"

श्लोक 10 (uttara.17.10)

ततो देवाः सगन्धर्वा यक्षराक्षसपन्नगाः । ते ऽपि गत्वा हि पितरं वरणं रोचयन्ति मे ॥ 17.10 ॥

tato devāḥ sagandharvā yakṣarākṣasapannagāḥ | te 'pi gatvā hi pitaraṃ varaṇaṃ rocayanti me || 17.10 ||

"तब गन्धर्वों सहित देवता, यक्ष, राक्षस और नाग - ये सब भी मेरे पिता के पास जाकर मुझसे विवाह की इच्छा प्रकट करने लगे।"

श्लोक 11 (uttara.17.11)

न च मां स पिता तेभ्यो दत्तवान्राक्षसर्षभ । कारणं तद्वदिष्यामि निशाचर निशामय ॥ 17.11 ॥

na ca māṃ sa pitā tebhyo dattavānrākṣasarṣabha | kāraṇaṃ tadvadiṣyāmi niśācara niśāmaya || 17.11 ||

"किन्तु हे राक्षसश्रेष्ठ, मेरे पिता ने मुझे उनमें से किसी को नहीं दिया। इसका कारण मैं बताऊँगी, हे निशाचर, सुनो।"

श्लोक 12 (uttara.17.12)

पितुस्तु मम जामाता विष्णुः किल सुरेश्वरः । अभिप्रेतस्त्रिलोकेशस्तस्मान्नान्यस्य मे पिता ॥ 17.12 ॥

pitustu mama jāmātā viṣṇuḥ kila sureśvaraḥ | abhipretastrilokeśastasmānnānyasya me pitā || 17.12 ||

"मेरे पिता को तो देवताओं के स्वामी, त्रिलोकपति विष्णु ही जामाता के रूप में अभीष्ट थे; इसलिए वे मुझे किसी और को नहीं देना चाहते।"

श्लोक 13 (uttara.17.13)

दातुमिच्छति तस्मै तु तच्छ्रुत्वा बलदर्पितः । दम्भुर्नाम ततो राजा दैत्यानां कुपितो ऽभवत् ॥ 17.13 ॥

dātumicchati tasmai tu tacchrutvā baladarpitaḥ | dambhurnāma tato rājā daityānāṃ kupito 'bhavat || 17.13 ||

"वे मुझे उन्हीं को देना चाहते थे; परन्तु यह सुनकर, दैत्यों का बलदर्पित राजा दम्भु नाम का, अत्यंत क्रुद्ध हो उठा।"

श्लोक 14 (uttara.17.14)

तेन रात्रौ शयानो मे पिता पापेन हिंसितः ॥ 17.14 ॥

tena rātrau śayāno me pitā pāpena hiṃsitaḥ || 17.14 ||

"उस पापी ने रात्रि में सोए हुए मेरे पिता की हत्या कर दी।"

श्लोक 15 (uttara.17.15)

ततो मे जननी दीना तच्छरीरं पितुर्मम । परिष्वज्य महाभागा प्रविष्टा हव्यवाहनम् ॥ 17.15 ॥

tato me jananī dīnā taccharīraṃ piturmama | pariṣvajya mahābhāgā praviṣṭā havyavāhanam || 17.15 ||

"तब मेरी दुखी माता, वह महाभागा, अपने पति के उस शरीर का आलिंगन करके अग्नि में प्रविष्ट हो गई।"

श्लोक 16 (uttara.17.16)

ततो मनोरथं सत्यं पितुर्नारायणं प्रति । करोमीति तमेवाहं हृदयेन समुद्वहे ॥ 17.16 ॥

tato manorathaṃ satyaṃ piturnārāyaṇaṃ prati | karomīti tamevāhaṃ hṛdayena samudvahe || 17.16 ||

"'मैं अपने पिता की नारायण के प्रति सत्य इच्छा को पूर्ण करूँगी' - यही संकल्प मैं हृदय में धारण किए हुए हूँ।"

श्लोक 17 (uttara.17.17)

इति प्रतिज्ञामारुह्य चरामि विपुलं तपः । एतत्ते सर्वमाख्यातं मया राक्षसपुङ्गव ॥ 17.17 ॥

iti pratijñāmāruhya carāmi vipulaṃ tapaḥ | etatte sarvamākhyātaṃ mayā rākṣasapuṅgava || 17.17 ||

"इसी प्रतिज्ञा को लेकर मैं महान तपस्या करती हूँ। हे राक्षसश्रेष्ठ, यह सब मैंने तुम्हें बता दिया।"

श्लोक 18 (uttara.17.18)

नारायणो मम पतिर्न त्वन्यः पुरुषोत्तमात् । आश्रये नियमं घोरं नारायणपरीप्सया । विज्ञातस्त्वं हि मे राजन्गच्छ पौलस्त्यनन्दन ॥ 17.18 ॥

nārāyaṇo mama patirna tvanyaḥ puruṣottamāt | āśraye niyamaṃ ghoraṃ nārāyaṇaparīpsayā | vijñātastvaṃ hi me rājangaccha paulastyanandana || 17.18 ||

"नारायण ही मेरे पति हैं, उस पुरुषोत्तम के अतिरिक्त कोई और नहीं; नारायण को पाने की इच्छा से ही मैं यह घोर नियम धारण करती हूँ। हे राजन्, अब मैं तुम्हें पहचान गई हूँ; हे पुलस्त्यनन्दन, जाओ।"

श्लोक 19 (uttara.17.19)

जानामि तपसा सर्वं त्रैलोक्ये यद्धि वर्तते ॥ 17.19 ॥

jānāmi tapasā sarvaṃ trailokye yaddhi vartate || 17.19 ||

"अपनी तपस्या के बल से मैं त्रिलोक में जो कुछ भी घटित होता है, सब जानती हूँ।"

श्लोक 20 (uttara.17.20)

सो ऽब्रवीद्रावणो भूयस्तां कन्यां सुमहाव्रताम् । अवरुह्य विमानाग्रात्कन्दर्पशरपीडितः ॥ 17.20 ॥

so 'bravīdrāvaṇo bhūyastāṃ kanyāṃ sumahāvratām | avaruhya vimānāgrātkandarpaśarapīḍitaḥ || 17.20 ||

काम के बाणों से पीड़ित रावण अपने विमान के अग्रभाग से उतरकर, उस महाव्रता कन्या से पुनः बोला -

श्लोक 21 (uttara.17.21)

अवलिप्ता ऽसि सुश्रोणि यस्यास्ते मतिरीदृशी । वृद्धानां मृगशावाक्षि भ्राजते पुण्यसञ्चयः ॥ 17.21 ॥

avaliptā 'si suśroṇi yasyāste matirīdṛśī | vṛddhānāṃ mṛgaśāvākṣi bhrājate puṇyasañcayaḥ || 17.21 ||

"हे सुश्रोणि, तुम्हारी ऐसी बुद्धि है, यह तुम्हारा अभिमान है। हे मृगशावाक्षि, पुण्य का संचय तो वृद्धों के लिए शोभा देता है।"

श्लोक 22 (uttara.17.22)

त्वं सर्वंगुणसम्पन्ना नार्हसे वक्तुमीदृशम् । त्रैलोक्यसुन्दरी भीरु यौवनं ते निवर्तते ॥ 17.22 ॥

tvaṃ sarvaṃguṇasampannā nārhase vaktumīdṛśam | trailokyasundarī bhīru yauvanaṃ te nivartate || 17.22 ||

"तुम सभी गुणों से सम्पन्न हो, तुम्हें ऐसा कहना शोभा नहीं देता। हे भीरु, त्रिलोक-सुन्दरी, तुम्हारा यौवन तो बीता ही जा रहा है।"

श्लोक 23 (uttara.17.23)

अहं लङ्कापतिर्भद्रे दशग्रीव इति श्रुतः । तस्य मे भव भार्या त्वं भुङ्क्ष्व भोगान्यथासुखम् ॥ 17.23 ॥

ahaṃ laṅkāpatirbhadre daśagrīva iti śrutaḥ | tasya me bhava bhāryā tvaṃ bhuṅkṣva bhogānyathāsukham || 17.23 ||

"हे भद्रे, मैं लंकापति हूँ, दशग्रीव नाम से विख्यात। तुम मेरी भार्या बन जाओ और यथेच्छ भोगों का आनन्द लो।"

श्लोक 24 (uttara.17.24)

कश्च तावदसौ यं त्वं विष्णुरित्यभिभाषसे । वीर्येण तपसा चैव भोगेन च बलेन च ।। न मया स समो भद्रे यं त्वं कामयसे ऽङ्गने ॥ 17.24 ॥

kaśca tāvadasau yaṃ tvaṃ viṣṇurityabhibhāṣase | vīryeṇa tapasā caiva bhogena ca balena ca || na mayā sa samo bhadre yaṃ tvaṃ kāmayase 'ṅgane || 17.24 ||

"वह भला कौन है, जिसे तुम विष्णु कहकर बताती हो? हे अंगने, पराक्रम, तप, भोग और बल में - जिसे तुम चाहती हो, वह हे भद्रे, मेरे समान नहीं है।"

श्लोक 25 (uttara.17.25)

इत्युक्तवति तस्मिंस्तु वेदवत्यथ सा ऽब्रवीत् ॥ 17.25 ॥

ityuktavati tasmiṃstu vedavatyatha sā 'bravīt || 17.25 ||

उसके इस प्रकार कहने पर, वेदवती ने तब यह उत्तर दिया -

श्लोक 26 (uttara.17.26)

मा मैवमिति सा कन्या तमुवाच निशाचरम् । त्रैलोक्याधिपति विष्णुं सर्वलोकनमस्कृतम् । त्वदृते राक्षसेन्द्रान्यः को ऽवमन्येत बुद्धिमान् ॥ 17.26 ॥

mā maivamiti sā kanyā tamuvāca niśācaram | trailokyādhipati viṣṇuṃ sarvalokanamaskṛtam | tvadṛte rākṣasendrānyaḥ ko 'vamanyeta buddhimān || 17.26 ||

"नहीं, नहीं, ऐसा मत कहो!" - उस कन्या ने उस निशाचर से यह कहा। "हे राक्षसेन्द्र, तुम्हारे सिवा और कौन बुद्धिमान समस्त लोक द्वारा नमस्कृत, त्रैलोक्याधिपति विष्णु का अनादर करेगा?"

श्लोक 27 (uttara.17.27)

एवमुक्तस्तया तत्र वेदवत्या निशाचरः । मूर्धजेषु तदा कन्यां कराग्रेण परामृशत् ॥ 17.27 ॥

evamuktastayā tatra vedavatyā niśācaraḥ | mūrdhajeṣu tadā kanyāṃ karāgreṇa parāmṛśat || 17.27 ||

वेदवती के इस प्रकार कहने पर, उस निशाचर ने तब उस कन्या के केशों को अपनी उंगलियों के अग्रभाग से छू लिया।

श्लोक 28 (uttara.17.28)

ततो वेदवती क्रुद्धा केशान्हस्तेन सा ऽच्छिनत् । असिर्भूत्वा करस्तस्याः केशांश्छिन्नांस्तदा ऽकरोत् ॥ 17.28 ॥

tato vedavatī kruddhā keśānhastena sā 'cchinat | asirbhūtvā karastasyāḥ keśāṃśchinnāṃstadā 'karot || 17.28 ||

इससे क्रुद्ध होकर वेदवती ने अपने हाथ से ही अपने केश काट डाले - उसका हाथ खड्ग बनकर उसी क्षण उसके केशों को काट गया।

श्लोक 29 (uttara.17.29)

सा ज्वलन्तीव रोषेण दहन्तीव निशाचरम् । उवाचाग्निं समाधाय मरणाय कृतत्वरा ॥ 17.29 ॥

sā jvalantīva roṣeṇa dahantīva niśācaram | uvācāgniṃ samādhāya maraṇāya kṛtatvarā || 17.29 ||

क्रोध से मानो जलती हुई, मानो उस निशाचर को भस्म करती हुई, वह मृत्यु के लिए शीघ्रता करती हुई अग्नि प्रज्वलित करके बोली -

श्लोक 30 (uttara.17.30)

धर्षितायास्त्वयानार्य न मे जीवितमिष्यते । रक्षस्तस्मात्प्रवेक्ष्यामि पश्यतस्ते हुताशनम् ॥ 17.30 ॥

dharṣitāyāstvayānārya na me jīvitamiṣyate | rakṣastasmātpravekṣyāmi paśyataste hutāśanam || 17.30 ||

"हे अनार्य, तुमने मुझे धर्षित किया है, अब मुझे जीवित रहने की इच्छा नहीं है। इसलिए, हे राक्षस, मैं तुम्हारे देखते-देखते अग्नि में प्रवेश करूँगी।"

श्लोक 31 (uttara.17.31)

यस्मात्तु धर्षिता चाहं त्वया पापात्मना वने । तस्मात्तव वधार्थं हि समुत्पत्स्ये ह्यहं पुनः ॥ 17.31 ॥

yasmāttu dharṣitā cāhaṃ tvayā pāpātmanā vane | tasmāttava vadhārthaṃ hi samutpatsye hyahaṃ punaḥ || 17.31 ||

"हे पापात्मा, चूँकि इस वन में तुमने मुझे धर्षित किया है, इसलिए मैं तुम्हारे वध के लिए ही पुनः जन्म लूँगी।"

श्लोक 32 (uttara.17.32)

न हि शक्यं स्त्रिया हन्तुं पुरुषः पापनिश्चः । शापे त्वयि मयोत्सृष्टे तपसश्च व्ययो भवेत् ॥ 17.32 ॥

na hi śakyaṃ striyā hantuṃ puruṣaḥ pāpaniścaḥ | śāpe tvayi mayotsṛṣṭe tapasaśca vyayo bhavet || 17.32 ||

"एक स्त्री द्वारा दुष्ट पुरुष का वध सम्भव नहीं है; और यदि मैं तुम्हें शाप दूँ, तो इससे मेरी तपस्या का ही क्षय होगा।"

श्लोक 33 (uttara.17.33)

यदि त्वस्ति मया किञ्चित्कृतं दत्तं हुतं तथा । तस्मात्त्वयोनिजा साध्वी भवेयं धर्मिणः सुता ॥ 17.33 ॥

yadi tvasti mayā kiñcitkṛtaṃ dattaṃ hutaṃ tathā | tasmāttvayonijā sādhvī bhaveyaṃ dharmiṇaḥ sutā || 17.33 ||

"किन्तु यदि मैंने कुछ भी सुकृत किया है, दान दिया है, या हवन किया है, तो उसके फलस्वरूप मैं किसी धर्मात्मा की अयोनिजा, सती पुत्री बनूँ।"

श्लोक 34 (uttara.17.34)

एवमुक्त्वा प्रविष्टा सा ज्वलितं जातवेदसम् । पपात च दिवो दिव्या पुष्पवृष्टिः समन्ततः ॥ 17.34 ॥

evamuktvā praviṣṭā sā jvalitaṃ jātavedasam | papāta ca divo divyā puṣpavṛṣṭiḥ samantataḥ || 17.34 ||

यह कहकर वह उस प्रज्वलित अग्नि में प्रविष्ट हो गई; और आकाश से चारों ओर दिव्य पुष्पों की वर्षा होने लगी।

श्लोक 35 (uttara.17.35)

पुनरेव समुद्भूता पद्मे पद्मसमप्रभा । तस्मादपि पुनः प्राप्ता पूर्ववत्तेन रक्षसा ॥ 17.35 ॥

punareva samudbhūtā padme padmasamaprabhā | tasmādapi punaḥ prāptā pūrvavattena rakṣasā || 17.35 ||

वह कमल के समान कान्तिमती होकर एक कमल पर पुनः प्रकट हुई; और वहाँ से भी उस राक्षस ने उसे पूर्ववत् पुनः प्राप्त कर लिया।

श्लोक 36 (uttara.17.36)

कन्यां कमलगर्भाभां प्रगृह्य स्वगृहं ययौ । प्रगृह्य रावणस्त्वेतां दर्शयामास मन्त्रिणे ॥ 17.36 ॥

kanyāṃ kamalagarbhābhāṃ pragṛhya svagṛhaṃ yayau | pragṛhya rāvaṇastvetāṃ darśayāmāsa mantriṇe || 17.36 ||

कमल-गर्भ के समान कान्ति वाली उस कन्या को लेकर वह अपने घर गया; और उसे लेकर रावण ने अपने एक मंत्री को दिखाया।

श्लोक 37 (uttara.17.37)

लक्षणज्ञो निरीक्ष्यैव रावणं चैवमब्रवीत् । गृहस्थैषां हि सुश्रोणी त्वद्वधायैव दृश्यते ॥ 17.37 ॥

lakṣaṇajño nirīkṣyaiva rāvaṇaṃ caivamabravīt | gṛhasthaiṣāṃ hi suśroṇī tvadvadhāyaiva dṛśyate || 17.37 ||

शकुन-लक्षणों के ज्ञाता उस मंत्री ने उसे देखकर रावण से कहा, "यह सुश्रोणि तुम्हारे घर में तो केवल तुम्हारे वध के लिए ही प्रतीत होती है।"

श्लोक 38 (uttara.17.38)

एतच्छ्रुत्वा ऽर्णवे राम तां प्रचिक्षेप रावणः । सा चैव क्षितिमासाद्य यज्ञायतनमध्यगा ॥ 17.38 ॥

etacchrutvā 'rṇave rāma tāṃ pracikṣepa rāvaṇaḥ | sā caiva kṣitimāsādya yajñāyatanamadhyagā || 17.38 ||

हे राम, यह सुनकर रावण ने उसे समुद्र में फेंक दिया; और वह पृथ्वी पर पहुँचकर एक यज्ञभूमि के मध्य जा पड़ी।

श्लोक 39 (uttara.17.39)

राज्ञो हलमुखोत्कृष्टा पुनरप्युत्थिता सती । सैषा जनकराजस्य प्रसूता तनया प्रभो । तव भार्या महाबाहो विष्णुस्त्वं हि सनातनः ॥ 17.39 ॥

rājño halamukhotkṛṣṭā punarapyutthitā satī | saiṣā janakarājasya prasūtā tanayā prabho | tava bhāryā mahābāho viṣṇustvaṃ hi sanātanaḥ || 17.39 ||

राजा के हल की नोक से उठाई गई वह सती पुनः प्रकट हुई। हे प्रभु, यही राजा जनक की पुत्री के रूप में उत्पन्न हुई - हे महाबाहु, यह तुम्हारी ही भार्या है, क्योंकि तुम स्वयं सनातन विष्णु हो।

श्लोक 40 (uttara.17.40)

पूर्वं क्रोधाहितः शत्रुर्यया ऽसौ निहतस्तथा । उपाश्रयित्वा शैलभस्तव वीर्यममानुषम् ॥ 17.40 ॥

pūrvaṃ krodhāhitaḥ śatruryayā 'sau nihatastathā | upāśrayitvā śailabhastava vīryamamānuṣam || 17.40 ||

पहले जिसने क्रोधवश उस शत्रु को स्थापित कराया था, वही अब तुम्हारे पर्वत-सदृश अलौकिक पराक्रम का सहारा लेकर उसका वध कराएगी।

श्लोक 41 (uttara.17.41)

एवमेषा महाभागा मर्त्येषूत्पत्स्यते पुनः । क्षेत्रे हलमुखोत्कृष्टे वेद्यामग्निशिखोपमा ॥ 17.41 ॥

evameṣā mahābhāgā martyeṣūtpatsyate punaḥ | kṣetre halamukhotkṛṣṭe vedyāmagniśikhopamā || 17.41 ||

इस प्रकार यह महाभागा हल की नोक से जोती गई भूमि में, वेदी पर अग्निशिखा के समान, मनुष्यों के बीच पुनः जन्म लेगी।

श्लोक 42 (uttara.17.42)

एषा वेदवती नाम पूर्वमासीत्कृते युगे । त्रेतायुगमनुप्राप्य वधार्थं तस्य रक्षसः ॥ 17.42 ॥

eṣā vedavatī nāma pūrvamāsītkṛte yuge | tretāyugamanuprāpya vadhārthaṃ tasya rakṣasaḥ || 17.42 ||

यह वेदवती नाम की वही थी जो पूर्वकाल में कृतयुग में रही थी; त्रेतायुग को पाकर उस राक्षस के वध के लिए ही -

श्लोक 43 (uttara.17.43)

उत्पन्ना मैथिलकुले जनकस्य महात्मनः । सीतोत्पन्ना तु सीतेति मानुषैः पुनरुच्यते ॥ 17.43 ॥

utpannā maithilakule janakasya mahātmanaḥ | sītotpannā tu sīteti mānuṣaiḥ punarucyate || 17.43 ||

- महात्मा जनक के मैथिल-कुल में उत्पन्न हुई; और हल की रेखा (सीता) से उत्पन्न होने के कारण मनुष्यों द्वारा वह पुनः 'सीता' कहलाई।