मरुत्त का यज्ञ

श्लोक 1 (uttara.18.1)

प्रविष्टायां हुताशं तु वेदवत्यां स रावणः । पुष्पकं तु समारुह्य परिचक्राम मेदिनीम् ॥ 18.1 ॥

praviṣṭāyāṃ hutāśaṃ tu vedavatyāṃ sa rāvaṇaḥ | puṣpakaṃ tu samāruhya paricakrāma medinīm || 18.1 ||

जब वेदवती अग्नि में प्रविष्ट हो चुकी, तब रावण पुष्पक पर आरूढ़ होकर पृथ्वी पर विचरण करने लगा।

श्लोक 2 (uttara.18.2)

ततो मरुत्तं नृपतिं यजन्तं सह दैवतैः । उशीरबीजमासाद्य ददर्श स तु रावणः ॥ 18.2 ॥

tato maruttaṃ nṛpatiṃ yajantaṃ saha daivataiḥ | uśīrabījamāsādya dadarśa sa tu rāvaṇaḥ || 18.2 ||

तब उशीरबीज नामक स्थान पर पहुँचकर रावण ने राजा मरुत्त को देवताओं सहित यज्ञ करते हुए देखा।

श्लोक 3 (uttara.18.3)

संवर्तो नाम ब्रह्मर्षिः साक्षाद्भ्राता बृहस्पतेः । याजयामास धर्मज्ञः सर्वैर्देवगणैर्वृतः ॥ 18.3 ॥

saṃvarto nāma brahmarṣiḥ sākṣādbhrātā bṛhaspateḥ | yājayāmāsa dharmajñaḥ sarvairdevagaṇairvṛtaḥ || 18.3 ||

बृहस्पति के साक्षात् भाई, धर्मज्ञ संवर्त नामक ब्रह्मर्षि, समस्त देवगणों से घिरे हुए, उस यज्ञ का पौरोहित्य कर रहे थे।

श्लोक 4 (uttara.18.4)

दृष्ट्वा देवास्तु तद्रक्षो वरदानेन दुर्जयम् । तिर्यग्योनिं समाविष्टास्तस्य दर्शनभीरवः ॥ 18.4 ॥

dṛṣṭvā devāstu tadrakṣo varadānena durjayam | tiryagyoniṃ samāviṣṭāstasya darśanabhīravaḥ || 18.4 ||

वरदान के कारण अजेय उस राक्षस को देखकर, उसके दर्शन से भयभीत देवता तिर्यक् योनियों में प्रविष्ट हो गए।

श्लोक 5 (uttara.18.5)

इन्द्रो मयूरः संवृत्तो धर्मराजस्तु वायसः । कृकलासो धनाध्यक्षो हंसश्च वरुणो ऽभवत् ॥ 18.5 ॥

indro mayūraḥ saṃvṛtto dharmarājastu vāyasaḥ | kṛkalāso dhanādhyakṣo haṃsaśca varuṇo 'bhavat || 18.5 ||

इन्द्र मोर बन गए, धर्मराज कौआ, धन के स्वामी (कुबेर) गिरगिट, और वरुण हंस बन गए।

श्लोक 6 (uttara.18.6)

अन्येष्वपि गतेष्वेवं देवेष्वरिनिषूदन । रावणः प्राविशद्यज्ञं सारमेय इवाशुचिः ॥ 18.6 ॥

anyeṣvapi gateṣvevaṃ deveṣvariniṣūdana | rāvaṇaḥ prāviśadyajñaṃ sārameya ivāśuciḥ || 18.6 ||

हे शत्रुसूदन, इस प्रकार अन्य देवताओं के भी चले जाने पर, रावण अपवित्र कुत्ते के समान यज्ञ में प्रविष्ट हो गया।

श्लोक 7 (uttara.18.7)

तं च राजानमासाद्य रावणो राक्षसाधिपः । प्राह युद्धं प्रयच्छेति निर्जितो ऽस्मीति वा वद ॥ 18.7 ॥

taṃ ca rājānamāsādya rāvaṇo rākṣasādhipaḥ | prāha yuddhaṃ prayaccheti nirjito 'smīti vā vada || 18.7 ||

उस राजा के पास पहुँचकर, राक्षसाधिप रावण ने कहा, "युद्ध दो, अथवा कहो कि 'मैं पराजित हूँ।'"

श्लोक 8 (uttara.18.8)

ततो मरुत्तो नृपतिः को भवानित्युवाच तम् । अपहासं ततो मुक्त्वा रावणो वाक्यमब्रवीत् ॥ 18.8 ॥

tato marutto nṛpatiḥ ko bhavānityuvāca tam | apahāsaṃ tato muktvā rāvaṇo vākyamabravīt || 18.8 ||

तब राजा मरुत्त ने उससे कहा, "तुम कौन हो?" तब रावण ने हँसी छोड़कर यह वचन कहा -

श्लोक 9 (uttara.18.9)

अकुतूहलभावेन प्रीतो ऽस्मि तव पार्थिव । धनदस्यानुजं यो मां नावगच्छसि रावणम् ॥ 18.9 ॥

akutūhalabhāvena prīto 'smi tava pārthiva | dhanadasyānujaṃ yo māṃ nāvagacchasi rāvaṇam || 18.9 ||

"हे पार्थिव, तुम्हारी इस अजिज्ञासा से मुझे प्रसन्नता है - कि तुम धनद के छोटे भाई मुझ रावण को नहीं पहचानते।"

श्लोक 10 (uttara.18.10)

त्रिषु लोकेषु को ऽन्यो ऽस्ति यो न जानाति मे बलम् । भ्रातरं येन निर्जित्य विमानमिदमाहृतम् । ततो मरुत्तः स नृपस्तं रावणमथाब्रवीत् ॥ 18.10 ॥

triṣu lokeṣu ko 'nyo 'sti yo na jānāti me balam | bhrātaraṃ yena nirjitya vimānamidamāhṛtam | tato maruttaḥ sa nṛpastaṃ rāvaṇamathābravīt || 18.10 ||

"तीनों लोकों में और कौन है जो मेरे बल को नहीं जानता, जिसके बल से मैंने अपने भाई को जीतकर यह विमान प्राप्त किया?" तब राजा मरुत्त ने उस रावण से कहा -

श्लोक 11 (uttara.18.11)

धन्यः खलु भवान्येन ज्येष्ठो भ्राता रणे जितः । न त्वया सदृशः श्लाध्यस्त्रिषु लोकेषु विद्यते ॥ 18.11 ॥

dhanyaḥ khalu bhavānyena jyeṣṭho bhrātā raṇe jitaḥ | na tvayā sadṛśaḥ ślādhyastriṣu lokeṣu vidyate || 18.11 ||

"तुम धन्य हो, जिसने अपने बड़े भाई को युद्ध में जीत लिया! तीनों लोकों में तुम्हारे समान प्रशंसनीय और कोई नहीं है।"

श्लोक 12 (uttara.18.12)

नाधर्मसहितं श्लाध्यं तल्लोकं प्रतिसंहितम् । कर्म दौरात्म्यकं कृत्वा श्लाघ्यसे भ्रातृनिर्जयात् ॥ 18.12 ॥

nādharmasahitaṃ ślādhyaṃ tallokaṃ pratisaṃhitam | karma daurātmyakaṃ kṛtvā ślāghyase bhrātṛnirjayāt || 18.12 ||

"अधर्म से युक्त कर्म प्रशंसनीय नहीं होता, चाहे लोक उसे स्वीकार भी कर ले। दुष्टता का कार्य करके तुम अपने भाई की पराजय से गर्व करते हो।"

श्लोक 13 (uttara.18.13)

क त्वं प्राक्केवलं धर्मं चरित्वा लब्धवान्वरम् । श्रूतपूर्वं हि न मया भाषसे यादृशं स्वयम् ॥ 18.13 ॥

ka tvaṃ prākkevalaṃ dharmaṃ caritvā labdhavānvaram | śrūtapūrvaṃ hi na mayā bhāṣase yādṛśaṃ svayam || 18.13 ||

"तुमने पहले केवल धर्म का पालन करके वरदान प्राप्त किया था; परन्तु आज तुम स्वयं जैसी बात कह रहे हो, वैसी मैंने पहले कभी नहीं सुनी।"

श्लोक 14 (uttara.18.14)

तिष्ठेदानीं न मे जीवन्प्रतियास्यसि दुर्मते । अद्य त्वां निशितैर्बाणैः प्रेषयामि यमक्षयम् ॥ 18.14 ॥

tiṣṭhedānīṃ na me jīvanpratiyāsyasi durmate | adya tvāṃ niśitairbāṇaiḥ preṣayāmi yamakṣayam || 18.14 ||

"अब खड़े रहो! हे दुर्बुद्धे, तुम मुझसे जीवित नहीं लौट पाओगे। आज मैं तुम्हें तीक्ष्ण बाणों से यमलोक भेजता हूँ।"

श्लोक 15 (uttara.18.15)

ततः शरासनं गृह्य सायकांश्च नराधिपः । रणाय निर्ययौ क्रुद्धः संवर्तो मार्गमावृणोत् ॥ 18.15 ॥

tataḥ śarāsanaṃ gṛhya sāyakāṃśca narādhipaḥ | raṇāya niryayau kruddhaḥ saṃvarto mārgamāvṛṇot || 18.15 ||

तब वह राजा धनुष-बाण लेकर क्रोधपूर्वक युद्ध के लिए निकल पड़ा; संवर्त ने उसका मार्ग रोक दिया।

श्लोक 16 (uttara.18.16)

सो ऽब्रवीत्स्नेहसंयुक्तं मरुत्तं तं महानृषिः । श्रोतव्यं यदि मद्वाक्यं सम्प्रहारो न ते क्षमः ॥ 18.16 ॥

so 'bravītsnehasaṃyuktaṃ maruttaṃ taṃ mahānṛṣiḥ | śrotavyaṃ yadi madvākyaṃ samprahāro na te kṣamaḥ || 18.16 ||

उस महर्षि ने स्नेहपूर्वक मरुत्त से कहा, "यदि मेरा वचन सुनने योग्य हो, तो युद्ध तुम्हारे लिए उचित नहीं है।"

श्लोक 17 (uttara.18.17)

माहेश्वरमिदं सत्रमसमाप्तं कुलं दहेत् ॥ 18.17 ॥

māheśvaramidaṃ satramasamāptaṃ kulaṃ dahet || 18.17 ||

"यह माहेश्वर यज्ञ यदि अधूरा रह गया, तो यह कुल को ही भस्म कर देगा।"

श्लोक 18 (uttara.18.18)

दीक्षितस्य कुतो युद्धं क्रोधित्वं दीक्षिते कुतः । संशयश्च जये नित्यं राक्षसश्च सुदुर्जयः ॥ 18.18 ॥

dīkṣitasya kuto yuddhaṃ krodhitvaṃ dīkṣite kutaḥ | saṃśayaśca jaye nityaṃ rākṣasaśca sudurjayaḥ || 18.18 ||

"दीक्षित व्यक्ति के लिए युद्ध कैसा? दीक्षित होकर क्रोध कैसा? विजय में सदा संशय रहता है, और यह राक्षस भी अत्यंत दुर्जय है।"

श्लोक 19 (uttara.18.19)

स निवृत्तो गुरोर्वाक्यान्मरुत्तः पृथिवीपतिः । विसृज्य सशरं चापं स्वस्थो मखमुखो ऽभवत् ॥ 18.19 ॥

sa nivṛtto gurorvākyānmaruttaḥ pṛthivīpatiḥ | visṛjya saśaraṃ cāpaṃ svastho makhamukho 'bhavat || 18.19 ||

गुरु के वचन से रुके हुए पृथ्वीपति मरुत्त ने बाण सहित धनुष त्याग दिया, और शान्त होकर पुनः यज्ञ में लग गए।

श्लोक 20 (uttara.18.20)

ततस्तं निर्जितं मत्वा घोषयामास वै शुकः । रावणो जयतीत्युच्चैर्हर्षान्नादं विमुक्तवान् ॥ 18.20 ॥

tatastaṃ nirjitaṃ matvā ghoṣayāmāsa vai śukaḥ | rāvaṇo jayatītyuccairharṣānnādaṃ vimuktavān || 18.20 ||

तब उसे पराजित मानकर शुक ने ऊँचे स्वर में यह घोषणा की, "रावण विजयी हुआ!" और हर्ष से गर्जना की।

श्लोक 21 (uttara.18.21)

तान्भक्षयित्वा तत्रस्थान्महर्षीन्यज्ञमागतान् । वितृप्तो रुधिरैस्तेषां पुनः सम्प्रययौ महीम् ॥ 18.21 ॥

tānbhakṣayitvā tatrasthānmaharṣīnyajñamāgatān | vitṛpto rudhiraisteṣāṃ punaḥ samprayayau mahīm || 18.21 ||

यज्ञ के लिए वहाँ आए हुए महर्षियों को भक्षण करके, उनके रुधिर से तृप्त होकर, वह पुनः पृथ्वी पर चला गया।

श्लोक 22 (uttara.18.22)

रावणे तु गते देवाः सेन्द्राश्चैव दिवौकसः । ततः स्वां योनिमासाद्य तानि सत्त्वानि चाब्रुवन् ॥ 18.22 ॥

rāvaṇe tu gate devāḥ sendrāścaiva divaukasaḥ | tataḥ svāṃ yonimāsādya tāni sattvāni cābruvan || 18.22 ||

रावण के चले जाने पर, इन्द्र सहित स्वर्गवासी देवता अपने-अपने वास्तविक रूप को पाकर उन प्राणियों से बोले -

श्लोक 23 (uttara.18.23)

हर्षात्तदाब्रवीदिन्द्रो मयूरं नीलबर्हिणम् । प्रीतो ऽस्मि तव धर्मज्ञ भुजङ्गाद्धि न ते भयम् ॥ 18.23 ॥

harṣāttadābravīdindro mayūraṃ nīlabarhiṇam | prīto 'smi tava dharmajña bhujaṅgāddhi na te bhayam || 18.23 ||

तब हर्षपूर्वक इन्द्र ने नीलपिच्छ मोर से कहा, "हे धर्मज्ञ, मैं तुमसे प्रसन्न हूँ - अब तुम्हें सर्प से भय नहीं रहेगा।"

श्लोक 24 (uttara.18.24)

इदं नेत्रसहस्रं तु यत्त्वद्बर्हे भविष्यति । वर्षमाणे मयि मुदं प्राप्स्यसे प्रीतिलक्षणाम् । एवमिन्द्रो वरं प्रादान्मयूरस्य सुरेश्वरः ॥ 18.24 ॥

idaṃ netrasahasraṃ tu yattvadbarhe bhaviṣyati | varṣamāṇe mayi mudaṃ prāpsyase prītilakṣaṇām | evamindro varaṃ prādānmayūrasya sureśvaraḥ || 18.24 ||

"यह मेरा सहस्र-नेत्र रूप तुम्हारे पिच्छों में प्रकट होगा; जब मैं वर्षा करूँगा, तब तुम मेरी प्रीति के इस चिह्न से आनन्द प्राप्त करोगे।" इस प्रकार देवताओं के स्वामी इन्द्र ने मोर को यह वरदान दिया।

श्लोक 25 (uttara.18.25)

नीलाः किल पुरा बर्हा मयूराणां नराधिप । सुराधिपाद्वरं प्राप्य गताः सर्वे ऽपि बर्हिणः ॥ 18.25 ॥

nīlāḥ kila purā barhā mayūrāṇāṃ narādhipa | surādhipādvaraṃ prāpya gatāḥ sarve 'pi barhiṇaḥ || 18.25 ||

हे नराधिप, पहले मोरों के पिच्छ केवल नीले रंग के होते थे; देवताओं के स्वामी से यह वरदान पाकर ही सभी मोर [ऐसे नेत्रयुक्त पिच्छ वाले] हो गए।

श्लोक 26 (uttara.18.26)

धर्मराजो ऽब्रवीद्राम प्राग्वंशे वायसं स्थितम् । पक्षिंस्तवास्मि सुप्रीतः प्रीतस्य वचनं शृणु ॥ 18.26 ॥

dharmarājo 'bravīdrāma prāgvaṃśe vāyasaṃ sthitam | pakṣiṃstavāsmi suprītaḥ prītasya vacanaṃ śṛṇu || 18.26 ||

हे राम, तब धर्मराज ने बाँस के खम्भे पर बैठे कौए से कहा, "हे पक्षी, मैं तुमसे अत्यन्त प्रसन्न हूँ; प्रसन्न हुए मेरा वचन सुनो।"

श्लोक 27 (uttara.18.27)

यथान्ये विविधै रोगै; पीड्यन्ते प्राणिनो मया । ते न ते प्रभविष्यन्ति मयि प्रीते न संशयः ॥ 18.27 ॥

yathānye vividhai rogai; pīḍyante prāṇino mayā | te na te prabhaviṣyanti mayi prīte na saṃśayaḥ || 18.27 ||

"जैसे अन्य प्राणी मेरे द्वारा भाँति-भाँति के रोगों से पीड़ित किए जाते हैं, वैसे रोग तुम्हें कभी नहीं सताएँगे, क्योंकि मैं तुमसे प्रसन्न हूँ - इसमें संशय नहीं।"

श्लोक 28 (uttara.18.28)

मृत्युतस्ते भयं नास्ति वरान्मम विहङ्गम । यावत्त्वां न वधिष्यन्ति नरास्तावद्भविष्यसि ॥ 18.28 ॥

mṛtyutaste bhayaṃ nāsti varānmama vihaṅgama | yāvattvāṃ na vadhiṣyanti narāstāvadbhaviṣyasi || 18.28 ||

"हे विहंगम, मेरे वरदान से तुम्हें मृत्यु का भय नहीं रहेगा; जब तक मनुष्य तुम्हें न मारें, तब तक तुम जीवित रहोगे।"

श्लोक 29 (uttara.18.29)

एते मद्विषयस्था वै मानवाः क्षुद्भयार्दिताः । त्वयि भुक्ते तु तृप्तास्ते भविष्यन्ति सबान्धवाः ॥ 18.29 ॥

ete madviṣayasthā vai mānavāḥ kṣudbhayārditāḥ | tvayi bhukte tu tṛptāste bhaviṣyanti sabāndhavāḥ || 18.29 ||

"मेरे राज्य में रहने वाले ये मनुष्य, भूख के भय से पीड़ित होकर, तुम्हें [श्राद्ध में] भोजन कराने पर ही अपने बन्धुओं सहित तृप्त होंगे।"

श्लोक 30 (uttara.18.30)

वरुणस्त्वब्रवीद्धंसं गङ्गातोयविहारिणम् । श्रूयतां प्रीतिसंयुक्तं वचः पत्ररथेश्वर ॥ 18.30 ॥

varuṇastvabravīddhaṃsaṃ gaṅgātoyavihāriṇam | śrūyatāṃ prītisaṃyuktaṃ vacaḥ patraratheśvara || 18.30 ||

तब वरुण ने गंगाजल में विहार करने वाले हंस से कहा, "हे पक्षिराज, प्रीतिपूर्ण यह वचन सुनो।"

श्लोक 31 (uttara.18.31)

वर्णो मनोहरः सौम्यश्चन्द्रमण्डलसन्निभः । भविष्यति तवोदग्रः शुद्धफेनसमप्रभः ॥ 18.31 ॥

varṇo manoharaḥ saumyaścandramaṇḍalasannibhaḥ | bhaviṣyati tavodagraḥ śuddhaphenasamaprabhaḥ || 18.31 ||

"तुम्हारा वर्ण मनोहर, सौम्य, चन्द्रमण्डल के समान, उज्ज्वल और शुद्ध फेन के समान कान्तिमान हो जाएगा।"

श्लोक 32 (uttara.18.32)

मच्छरीरं समासाद्य कान्तो नित्यं भविष्यसि । प्राप्स्यसे चातुलां प्रीतिमेतन्मे प्रीतिलक्षणम् ॥ 18.32 ॥

maccharīraṃ samāsādya kānto nityaṃ bhaviṣyasi | prāpsyase cātulāṃ prītimetanme prītilakṣaṇam || 18.32 ||

"मेरे शरीर जैसा वर्ण पाकर तुम सदा सुन्दर बने रहोगे; और मेरी इस प्रीति के चिह्नस्वरूप तुम अनुपम आनन्द प्राप्त करोगे।"

श्लोक 33 (uttara.18.33)

हंसानां हि पुरा राम नीलवर्णः सपाण्डुरः । पक्षा नीलाग्रसंवीताः क्रोडाः शष्पाग्रनिर्मलाः ॥ 18.33 ॥

haṃsānāṃ hi purā rāma nīlavarṇaḥ sapāṇḍuraḥ | pakṣā nīlāgrasaṃvītāḥ kroḍāḥ śaṣpāgranirmalāḥ || 18.33 ||

हे राम, पहले हंसों का रंग श्वेत मिश्रित नीला होता था, उनके पंख गहरे रंग के अग्रभाग से घिरे रहते थे, और उनकी छाती कोमल कोंपल के समान निर्मल थी।

श्लोक 34 (uttara.18.34)

अथाब्रवीद्वैश्रवणः कृकलासं गिरौ स्थितम् । हैरण्यं सम्प्रयच्छामि वर्णं प्रीतस्तवाप्यहम् ॥ 18.34 ॥

athābravīdvaiśravaṇaḥ kṛkalāsaṃ girau sthitam | hairaṇyaṃ samprayacchāmi varṇaṃ prītastavāpyaham || 18.34 ||

तब वैश्रवण (कुबेर) ने पर्वत पर स्थित गिरगिट से कहा, "मैं भी तुमसे प्रसन्न होकर तुम्हें स्वर्णिम वर्ण प्रदान करता हूँ।"

श्लोक 35 (uttara.18.35)

सद्रव्यं च शिरो नित्यं भविष्यति तवाक्षयम् । एष काञ्चनको वर्णो मत्प्रीत्या ते भविष्यति ॥ 18.35 ॥

sadravyaṃ ca śiro nityaṃ bhaviṣyati tavākṣayam | eṣa kāñcanako varṇo matprītyā te bhaviṣyati || 18.35 ||

"तुम्हारा सिर सदा बहुमूल्य और अक्षय धातु से युक्त रहेगा; यह सुनहरा वर्ण मेरी प्रीति से तुम्हें प्राप्त होगा।"

श्लोक 36 (uttara.18.36)

एवं दत्त्वा वरांस्तेभ्यस्तस्मिन्यज्ञोत्सवे सुराः । निवृत्ताः सह राज्ञा ते पुनः स्वभवनं गताः ॥ 18.36 ॥

evaṃ dattvā varāṃstebhyastasminyajñotsave surāḥ | nivṛttāḥ saha rājñā te punaḥ svabhavanaṃ gatāḥ || 18.36 ||

इस प्रकार उस यज्ञोत्सव में उन्हें वरदान देकर, देवता राजा सहित पुनः लौटकर अपने-अपने भवन को चले गए।