अनरण्य का शाप

श्लोक 1 (uttara.19.1)

अथ जित्वा मरुत्तं स प्रययौ राक्षसाधिपः । नगराणि नरेन्द्राणां युद्धकाङ्क्षी दशाननः ॥ 19.1 ॥

atha jitvā maruttaṃ sa prayayau rākṣasādhipaḥ | nagarāṇi narendrāṇāṃ yuddhakāṅkṣī daśānanaḥ || 19.1 ||

इस प्रकार मरुत्त को जीतकर, वह राक्षसाधिप दशानन, युद्ध की इच्छा से राजाओं के नगरों की ओर आगे बढ़ा।

श्लोक 2 (uttara.19.2)

समासाद्य तु राजेन्द्रान्महेन्द्रवरुणोपमान् । अब्रवीद्राक्षसेन्द्रस्तु युद्धं मे दीयतामिति ॥ 19.2 ॥

samāsādya tu rājendrānmahendravaruṇopamān | abravīdrākṣasendrastu yuddhaṃ me dīyatāmiti || 19.2 ||

महेन्द्र और वरुण के समान तेजस्वी राजेन्द्रों के पास पहुँचकर, उस राक्षसेन्द्र ने कहा, "मुझे युद्ध दो।"

श्लोक 3 (uttara.19.3)

निर्जिताः स्मेति वा ब्रूत एष मे हि सुनिश्चयः । अन्यथा कुर्वतामेवं मोक्षो नैवोपपद्यते ॥ 19.3 ॥

nirjitāḥ smeti vā brūta eṣa me hi suniścayaḥ | anyathā kurvatāmevaṃ mokṣo naivopapadyate || 19.3 ||

"अथवा कहो कि 'हम पराजित हैं' - यही मेरा दृढ़ निश्चय है। जो इसके विपरीत करेंगे, उनके लिए कोई मुक्ति सम्भव नहीं होगी।"

श्लोक 4 (uttara.19.4)

ततस्त्वभीरवः प्राज्ञाः पार्थिवा धर्मनिश्चयाः । मन्त्रयित्वा ततो ऽन्योन्यं राजानः सुमहाबलाः । निर्जिताः स्मेत्यभाषन्त ज्ञात्वा वरबलं रिपोः ॥ 19.4 ॥

tatastvabhīravaḥ prājñāḥ pārthivā dharmaniścayāḥ | mantrayitvā tato 'nyonyaṃ rājānaḥ sumahābalāḥ | nirjitāḥ smetyabhāṣanta jñātvā varabalaṃ ripoḥ || 19.4 ||

तब वे राजा, जो निर्भीक, प्राज्ञ और धर्मनिश्चयी तथा अत्यंत बलशाली थे, आपस में सलाह करके, शत्रु के वरदान-प्राप्त बल को जानकर -

श्लोक 5 (uttara.19.5)

दुष्यन्तः सुरथो गाधिर्गयो राजा पुरूरवाः । एते सर्वे ऽब्रुवंस्तात निर्जिताः स्मेति पार्थिवाः ॥ 19.5 ॥

duṣyantaḥ suratho gādhirgayo rājā purūravāḥ | ete sarve 'bruvaṃstāta nirjitāḥ smeti pārthivāḥ || 19.5 ||

- दुष्यन्त, सुरथ, गाधि, राजा गय, पुरूरवा - इन सब राजाओं ने, हे तात, कह दिया, "हम पराजित हैं।"

श्लोक 6 (uttara.19.6)

अथायोध्यां समासाद्य रावणो राक्षसाधिपः ॥ 19.6 ॥

athāyodhyāṃ samāsādya rāvaṇo rākṣasādhipaḥ || 19.6 ||

तब राक्षसाधिप रावण अयोध्या नगरी में जा पहुँचा,

श्लोक 7 (uttara.19.7)

सुगुप्तामनरण्येन शक्रेणेवामरावतीम् । स तं पुरुषशार्दूलं पुरन्दरसमं बले ॥ 19.7 ॥

suguptāmanaraṇyena śakreṇevāmarāvatīm | sa taṃ puruṣaśārdūlaṃ purandarasamaṃ bale || 19.7 ||

जो अनरण्य द्वारा उसी प्रकार सुरक्षित थी जैसे इन्द्र द्वारा अमरावती। उसने पुरन्दर के समान बलशाली उस पुरुषश्रेष्ठ राजा के पास जाकर -

श्लोक 8 (uttara.19.8)

प्राह राजानमासाद्य युद्धं देहीति रावणः । निर्जितो ऽस्मीति वा ब्रूहि त्वमेवं मम शासनम् ॥ 19.8 ॥

prāha rājānamāsādya yuddhaṃ dehīti rāvaṇaḥ | nirjito 'smīti vā brūhi tvamevaṃ mama śāsanam || 19.8 ||

- रावण ने कहा, "युद्ध दो, अथवा कहो कि 'मैं पराजित हूँ' - यही मेरी आज्ञा है तुम्हारे लिए।"

श्लोक 9 (uttara.19.9)

अयोध्याधिपतिस्तस्य श्रुत्वा पापात्मनो वचः । अनरण्यस्तु सङ्क्रुद्धो राक्षसेन्द्रमथाब्रवीत् ॥ 19.9 ॥

ayodhyādhipatistasya śrutvā pāpātmano vacaḥ | anaraṇyastu saṅkruddho rākṣasendramathābravīt || 19.9 ||

उस पापात्मा के वचन सुनकर, अयोध्या के स्वामी अनरण्य अत्यंत क्रुद्ध होकर उस राक्षसेन्द्र से बोले -

श्लोक 10 (uttara.19.10)

दीयते द्वन्द्वयुद्धं ते राक्षसाधिपते मया । सन्तिष्ठ क्षिप्रमायत्तो भव चैवं भवाम्यहम् ॥ 19.10 ॥

dīyate dvandvayuddhaṃ te rākṣasādhipate mayā | santiṣṭha kṣipramāyatto bhava caivaṃ bhavāmyaham || 19.10 ||

"हे राक्षसाधिपते, मैं तुम्हें द्वन्द्वयुद्ध देता हूँ। शीघ्र डटे रहो, तैयार हो जाओ, और मैं भी तैयार हूँ।"

श्लोक 11 (uttara.19.11)

अथ पूर्वं श्रुतार्थेन निर्जितं सुमहद्बलम् । निष्क्रामत्तन्नरेन्द्रस्य बलं रक्षोवधोद्यतम् ॥ 19.11 ॥

atha pūrvaṃ śrutārthena nirjitaṃ sumahadbalam | niṣkrāmattannarendrasya balaṃ rakṣovadhodyatam || 19.11 ||

तब पहले सुनी हुई ख्याति वाली उसकी विशाल सेना, तथा राक्षस-वध के लिए तत्पर उस राजा की सेना, दोनों निकल पड़ीं।

श्लोक 12 (uttara.19.12)

नागानां दशसाहस्रं वाजिनां नियुतं तथा । रथानां बहुसाहस्रं पत्तीनां च नरोत्तम ॥ 19.12 ॥

nāgānāṃ daśasāhasraṃ vājināṃ niyutaṃ tathā | rathānāṃ bahusāhasraṃ pattīnāṃ ca narottama || 19.12 ||

हे नरश्रेष्ठ, दस सहस्र हाथी, दस लाख घोड़े, हजारों रथ, तथा पैदल सैनिक -

श्लोक 13 (uttara.19.13)

महीं सञ्छाद्य निष्क्रान्तं सपदातिरथं रणे । ततः प्रवृत्तं सुमहद्युद्धं युद्धविशारद ॥ 19.13 ॥

mahīṃ sañchādya niṣkrāntaṃ sapadātirathaṃ raṇe | tataḥ pravṛttaṃ sumahadyuddhaṃ yuddhaviśārada || 19.13 ||

- पृथ्वी को ढँकते हुए, रथों और पैदल सेना सहित युद्धभूमि में निकल पड़े। हे युद्धविशारद, तब एक अत्यंत भीषण युद्ध छिड़ गया।

श्लोक 14 (uttara.19.14)

अनरण्यस्य नृपते राक्षसेन्द्रस्य चाद्भुतम् । तद्रावणबलं प्राप्य बलं तस्य महीपतेः ॥ 19.14 ॥

anaraṇyasya nṛpate rākṣasendrasya cādbhutam | tadrāvaṇabalaṃ prāpya balaṃ tasya mahīpateḥ || 19.14 ||

हे नृपते, अनरण्य और उस राक्षसेन्द्र के बीच एक अद्भुत युद्ध हुआ। रावण की उस सेना को पाकर, उस भूपति की सेना -

श्लोक 15 (uttara.19.15)

प्राणश्यत तदा सर्वं हव्यं हुतमिवानले । युद्ध्वा च सुचिरं कालं कृत्वा विक्रममुत्तमम् ॥ 19.15 ॥

prāṇaśyata tadā sarvaṃ havyaṃ hutamivānale | yuddhvā ca suciraṃ kālaṃ kṛtvā vikramamuttamam || 19.15 ||

- अग्नि में डाली गई आहुति के समान पूर्णतः नष्ट हो गई। बहुत देर तक युद्ध करके, उत्तम पराक्रम दिखाकर -

श्लोक 16 (uttara.19.16)

प्रज्वलन्तं तमासाद्य क्षिप्रमेवावशेषितम् । प्राविशत्सङ्कुलं तत्र शलभा इव पावकम् । नश्यति स्म बलं तत्र हव्यं हुतमिवानले ॥ 19.16 ॥

prajvalantaṃ tamāsādya kṣipramevāvaśeṣitam | prāviśatsaṅkulaṃ tatra śalabhā iva pāvakam | naśyati sma balaṃ tatra havyaṃ hutamivānale || 19.16 ||

- उस प्रज्वलित रावण से टकराकर वह शीघ्र ही अत्यल्प शेष रह गई। पतंगों की भाँति वह अग्नि में समा गई; वहाँ सेना आहुति के समान अग्नि में नष्ट होती रही।

श्लोक 17 (uttara.19.17)

सो ऽपश्यत्तन्नरेन्द्रस्तु नश्यमानं महाबलम् । महार्णवं समासाद्य वनापगशतं यथा ॥ 19.17 ॥

so 'paśyattannarendrastu naśyamānaṃ mahābalam | mahārṇavaṃ samāsādya vanāpagaśataṃ yathā || 19.17 ||

उस राजा ने अपनी विशाल सेना को नष्ट होते देखा, जैसे सैकड़ों वन-नदियाँ महासागर में पहुँचकर लुप्त हो जाती हैं।

श्लोक 18 (uttara.19.18)

ततः शक्रधनुःप्रख्यं धनुर्विस्फारयन्स्वयम् । आससाद नरेन्द्रस्तं रावणं क्रोधमूर्च्छितः ॥ 19.18 ॥

tataḥ śakradhanuḥprakhyaṃ dhanurvisphārayansvayam | āsasāda narendrastaṃ rāvaṇaṃ krodhamūrcchitaḥ || 19.18 ||

तब स्वयं इन्द्र के धनुष के समान अपने धनुष को खींचते हुए, क्रोध से उन्मत्त वह राजा रावण की ओर बढ़ा।

श्लोक 19 (uttara.19.19)

अनरण्येन ते ऽमात्या मारीचशुकसारणाः । प्रहस्तसहिता भग्ना व्यद्रवन्त मृगा इव ॥ 19.19 ॥

anaraṇyena te 'mātyā mārīcaśukasāraṇāḥ | prahastasahitā bhagnā vyadravanta mṛgā iva || 19.19 ||

अनरण्य के द्वारा उसके मंत्री - मारीच, शुक, सारण और प्रहस्त सहित - पराजित होकर मृगों की भाँति भाग खड़े हुए।

श्लोक 20 (uttara.19.20)

ततो बाणशतान्यष्टौ पातयामास मूर्धनि । तस्य राक्षसराजस्य इक्ष्वाकुकुलनन्दनः ॥ 19.20 ॥

tato bāṇaśatānyaṣṭau pātayāmāsa mūrdhani | tasya rākṣasarājasya ikṣvākukulanandanaḥ || 19.20 ||

तब इक्ष्वाकु-कुल के उस आनन्दवर्धक राजा ने उस राक्षसराज के सिर पर आठ सौ बाण बरसाए।

श्लोक 21 (uttara.19.21)

तस्य बाणाः पतन्तस्ते चक्रिरे न क्षतं क्वचित् । वारिधारा इवाभ्रेभ्यः पतन्त्यो गिरिमूर्धनि ॥ 19.21 ॥

tasya bāṇāḥ patantaste cakrire na kṣataṃ kvacit | vāridhārā ivābhrebhyaḥ patantyo girimūrdhani || 19.21 ||

गिरते हुए उसके वे बाण उसे कहीं भी घायल न कर सके, जैसे बादलों से गिरती जलधाराएँ पर्वत-शिखर पर व्यर्थ हो जाती हैं।

श्लोक 22 (uttara.19.22)

ततो राक्षसराजेन क्रुद्धेन नृपतिस्तदा । तलेनाभिहतो मूर्ध्नि स रथान्निपपात ह ॥ 19.22 ॥

tato rākṣasarājena kruddhena nṛpatistadā | talenābhihato mūrdhni sa rathānnipapāta ha || 19.22 ||

तब उस क्रुद्ध राक्षसराज ने उस राजा को हथेली से सिर पर प्रहार करके रथ से नीचे गिरा दिया।

श्लोक 23 (uttara.19.23)

स राजा पतितो भूमौ विह्वलाङ्गः प्रवेपितः । वज्रदग्ध इवारण्ये सालो निपतितो यथा ॥ 19.23 ॥

sa rājā patito bhūmau vihvalāṅgaḥ pravepitaḥ | vajradagdha ivāraṇye sālo nipatito yathā || 19.23 ||

वह राजा भूमि पर गिरा, अंग शिथिल, काँपता हुआ - मानो वज्र से जला हुआ साल-वृक्ष वन में गिर पड़ा हो।

श्लोक 24 (uttara.19.24)

तं प्रहस्याब्रवीद्द्रक्ष इक्ष्वाकुं पृथिवीपतिम् । किमिदानीं फलं प्राप्तं त्वया मां प्रति युद्ध्यता ॥ 19.24 ॥

taṃ prahasyābravīddrakṣa ikṣvākuṃ pṛthivīpatim | kimidānīṃ phalaṃ prāptaṃ tvayā māṃ prati yuddhyatā || 19.24 ||

उस राक्षस ने हँसते हुए उस इक्ष्वाकु राजा से कहा, "मुझसे युद्ध करके अब तुमने क्या फल पाया?"

श्लोक 25 (uttara.19.25)

त्रैलोक्ये नास्ति यो द्वन्द्वं मम दद्यान्नराधिप । शङ्के प्रसक्तो भोगेषु न शृणोषि बलं मम ॥ 19.25 ॥

trailokye nāsti yo dvandvaṃ mama dadyānnarādhipa | śaṅke prasakto bhogeṣu na śṛṇoṣi balaṃ mama || 19.25 ||

"हे नराधिप, तीनों लोकों में कोई ऐसा नहीं जो मुझे द्वन्द्वयुद्ध दे सके। मुझे लगता है, भोगों में लिप्त रहकर तुमने मेरा बल कभी सुना ही नहीं।"

श्लोक 26 (uttara.19.26)

तस्यैवं ब्रुवतो राजा मन्दासुर्वाक्यमब्रवीत् । किं शक्यमिह कर्तुं वै कालो हि दुरतिक्रमः ॥ 19.26 ॥

tasyaivaṃ bruvato rājā mandāsurvākyamabravīt | kiṃ śakyamiha kartuṃ vai kālo hi duratikramaḥ || 19.26 ||

उसके इस प्रकार कहने पर, प्राण क्षीण होते उस राजा ने कहा, "अब यहाँ क्या किया जा सकता है? काल को टालना असम्भव है।"

श्लोक 27 (uttara.19.27)

नह्यहं निर्जितो रक्षस्त्वया चात्मप्रशंसिना । कालेनैव विपन्नो ऽहं हेतुभूतस्तु मे भवान् ॥ 19.27 ॥

nahyahaṃ nirjito rakṣastvayā cātmapraśaṃsinā | kālenaiva vipanno 'haṃ hetubhūtastu me bhavān || 19.27 ||

"हे राक्षस, मैं तुम आत्म-प्रशंसक से पराजित नहीं हुआ हूँ; मैं तो केवल काल से नष्ट हुआ हूँ - तुम तो केवल उसका निमित्त हो।"

श्लोक 28 (uttara.19.28)

किं त्विदानीं मया शक्यं कर्तुं प्राणपरिक्षये । नह्यहं विमुखी रक्षो युध्यमानस्त्वया हतः ॥ 19.28 ॥

kiṃ tvidānīṃ mayā śakyaṃ kartuṃ prāṇaparikṣaye | nahyahaṃ vimukhī rakṣo yudhyamānastvayā hataḥ || 19.28 ||

"किन्तु अब, प्राण जाते समय, मैं क्या कर सकता हूँ? हे राक्षस, मैं तुमसे युद्ध करते हुए पीठ दिखाकर तो नहीं मारा गया।"

श्लोक 29 (uttara.19.29)

इक्ष्वाकुपरिभावित्वाद्वचो वक्ष्यामि राक्षस । यदि दत्तं यदि हुतं यदि मे सुकृतं तपः ।। यदि गुप्ताः प्रजाः सम्यक्तदा सत्यं वचो ऽस्तु मे ॥ 19.29 ॥

ikṣvākuparibhāvitvādvaco vakṣyāmi rākṣasa | yadi dattaṃ yadi hutaṃ yadi me sukṛtaṃ tapaḥ || yadi guptāḥ prajāḥ samyaktadā satyaṃ vaco 'stu me || 19.29 ||

"हे राक्षस, इक्ष्वाकु-वंशी होने के नाते मैं यह वचन कहता हूँ - यदि मैंने दान दिया हो, हवन किया हो, यदि मेरी तपस्या सुकृत हो, यदि मैंने प्रजा की भली-भाँति रक्षा की हो, तो मेरा यह वचन सत्य हो।"

श्लोक 30 (uttara.19.30)

उत्पत्स्यते कुले ह्यस्मिन्निक्ष्वाकूणां महात्मनाम् । रामो दाशरथिर्नाम यस्ते प्राणान्हरिष्यति ॥ 19.30 ॥

utpatsyate kule hyasminnikṣvākūṇāṃ mahātmanām | rāmo dāśarathirnāma yaste prāṇānhariṣyati || 19.30 ||

"इन्हीं महात्मा इक्ष्वाकुओं के कुल में दशरथ-पुत्र राम नाम का एक राजा उत्पन्न होगा, जो तुम्हारे प्राण हर लेगा।"

श्लोक 31 (uttara.19.31)

ततो जलधरोदग्रस्ताडितो देवदुन्दुभिः । तस्मिन्नुदाहृते शापे पुष्पवृष्टिश्च खाच्च्युता ॥ 19.31 ॥

tato jaladharodagrastāḍito devadundubhiḥ | tasminnudāhṛte śāpe puṣpavṛṣṭiśca khāccyutā || 19.31 ||

यह शाप उच्चारित होते ही, बादलों की गर्जना के समान देव-दुंदुभियाँ बज उठीं, और आकाश से फूलों की वर्षा हुई।

श्लोक 32 (uttara.19.32)

ततः स राजा राजेन्द्र गतः स्थानं त्रिविष्टपम् । स्वर्गते च नृपे तस्मिन्राक्षसः सो ऽपसर्पत ॥ 19.32 ॥

tataḥ sa rājā rājendra gataḥ sthānaṃ triviṣṭapam | svargate ca nṛpe tasminrākṣasaḥ so 'pasarpata || 19.32 ||

हे राजेन्द्र, तब वह राजा स्वर्गलोक को चला गया; और उस राजा के स्वर्गवासी होने पर, वह राक्षस वहाँ से हट गया।