ब्रह्मा द्वारा कालदण्ड का निवारण

श्लोक 1 (uttara.22.1)

स तु तस्य महानादं श्रुत्वा वैवस्वतः प्रभुः । शत्रुं विजयिनं मेने स्वबलस्य च सङ्क्षयम् ।। २२.१ ।।

sa tu tasya mahānādaṃ śrutvā vaivasvataḥ prabhuḥ | śatruṃ vijayinaṃ mene svabalasya ca saṅkṣayam ||

उस महान् गर्जना को सुनकर, यमराज ने समझ लिया कि शत्रु विजयी हो गया है और उनकी सेना का विनाश हो चुका है।

श्लोक 2 (uttara.22.2)

स हि योधान्हतान्मत्वा क्रोधसंरक्तलोचनः । अब्रवीत्त्वरितं सूतं रथो ऽयमुपनीयताम् ।। २२.२ ।।

sa hi yodhān hatān matvā krodhasaṃraktalocanaḥ | abravīt tvaritaṃ sūtaṃ ratho 'yam upanīyatām ||

अपने योद्धाओं को मारा गया जानकर, क्रोध से लाल आँखों वाले यमराज ने शीघ्रता से सारथी से कहा - रथ तुरंत ले आओ।

श्लोक 3 (uttara.22.3)

तस्य सूतस्तदा दिव्यमुपस्थाप्य महारथम् । स्थितः स च महातेजा ह्यध्यारोहत तं रथम् । प्राशमुद्गरहस्तश्च मृत्युस्तस्याग्रतः स्थितः ।। २२.३ ।।

tasya sūtas tadā divyam upasthāpya mahāratham | sthitaḥ sa ca mahātejā hy adhyārohata taṃ ratham | prāśamudgarahastaś ca mṛtyus tasyāgrataḥ sthitaḥ ||

तब उसके सारथी ने दिव्य महारथ ला खड़ा किया, और वह महातेजस्वी यमराज उस रथ पर सवार हुए। भाला और मुद्गर हाथों में लिए मृत्यु उनके आगे खड़ी थी।

श्लोक 4 (uttara.22.4)

येन सङ्क्षिप्यते सर्वं त्रैलोक्यमिदमव्ययम् । कालदण्डस्तु पार्श्वस्थो मूर्तिमानस्य चाभवत् । यमप्रहरणं दिव्यं तेजसा ज्वलदग्निमत् ।। २२.४ ।।

yena saṅkṣipyate sarvaṃ trailokyam idam avyayam | kāladaṇḍas tu pārśvastho mūrtimān asya cābhavat | yamapraharaṇaṃ divyaṃ tejasā jvaladagnimat ||

जिससे यह सम्पूर्ण अविनाशी त्रिलोक भी संहार को प्राप्त हो जाता है, वह मूर्तिमान कालदण्ड उनके पार्श्व में खड़ा था - यमराज का वह दिव्य अस्त्र अपने तेज से अग्नि के समान प्रज्वलित था।

श्लोक 5 (uttara.22.5)

तस्य पार्श्वेषु निच्छिद्राः कालपाशाः प्रतिष्ठिताः ।। २२.५ ।।

tasya pārśveṣu nicchidrāḥ kālapāśāḥ pratiṣṭhitāḥ ||

उसके दोनों ओर अभेद्य काल-पाश स्थित थे।

श्लोक 6 (uttara.22.6)

पावकस्पर्शसङ्काशः स्थितो मूर्तश्च मुद्गरः ।। २२.६ ।।

pāvakasparśasaṅkāśaḥ sthito mūrtaś ca mudgaraḥ ||

वहाँ अग्नि के स्पर्श के समान तेज वाला मूर्तिमान मुद्गर भी खड़ा था।

श्लोक 7 (uttara.22.7)

ततो लोकत्रयं क्षुब्धमकम्पन्त दिवौकसः । कालं दृष्ट्वा तथा क्रुद्धं सर्वलोकभयावहम् ।। २२.७ ।।

tato lokatrayaṃ kṣubdham akampanta divaukasaḥ | kālaṃ dṛṣṭvā tathā kruddhaṃ sarvalokabhayāvaham ||

उस समय तीनों लोक क्षुब्ध हो उठे और देवता काँप उठे, यह देखकर कि काल इतना क्रुद्ध है और समस्त लोकों के लिए भयावह हो उठा है।

श्लोक 8 (uttara.22.8)

ततः प्रचोदयन्सूतस्तानश्वान्रुचिरप्रभान् । प्रययौ भीमसन्नादो यत्र रक्षःपतिः स्थितः ।। २२.८ ।।

tataḥ pracodayan sūtas tān aśvān ruciraprabhān | prayayau bhīmasannādo yatra rakṣaḥpatiḥ sthitaḥ ||

तब सारथी ने उन तेजस्वी घोड़ों को हाँका, और वह भीषण गर्जना करता हुआ रथ वहाँ पहुँचा जहाँ राक्षसराज खड़ा था।

श्लोक 9 (uttara.22.9)

मुहूर्तेन यमं ते तु हया हरिहयोपमाः । प्रापयन्मनसस्तुल्या यत्र तत्प्रस्तुतं रणम् ।। २२.९ ।।

muhūrtena yamaṃ te tu hayā harihayopamāḥ | prāpayan manasas tulyā yatra tat prastutaṃ raṇam ||

उन इन्द्र के घोड़ों के समान वेगवान और मन के समान तीव्रगामी घोड़ों ने क्षणभर में ही यमराज को उस स्थान पर पहुँचा दिया जहाँ वह युद्ध चल रहा था।

श्लोक 10 (uttara.22.10)

दृष्ट्वा तथैव विकृतं रथं मृत्युसमन्वितम् । सचिवा राक्षसेन्द्रस्य सहसा विप्रदुद्रुवुः ।। २२.१० ।।

dṛṣṭvā tathaiva vikṛtaṃ rathaṃ mṛtyusamanvitam | sacivā rākṣasendrasya sahasā vipradudruvuḥ ||

उस विचित्र रथ को, जिसके साथ स्वयं मृत्यु विद्यमान थी, देखकर राक्षसराज के मंत्री तुरंत भाग खड़े हुए।

श्लोक 11 (uttara.22.11)

लघुसत्त्वतया ते हि नष्टसञ्ज्ञा भयार्दिताः । नेह योद्धुं समर्थाः स्म इत्युक्त्वा प्रययुर्दिशः ।। २२.११ ।।

laghusattvatayā te hi naṣṭasañjñā bhayārditāḥ | neha yoddhuṃ samarthāḥ sma ity uktvā prayayur diśaḥ ||

अपनी अल्प क्षमता के कारण, भय से पीड़ित और चेतनाशून्य होकर, हम यहाँ युद्ध करने में समर्थ नहीं हैं, यह कहकर वे सब दिशाओं में भाग गए।

श्लोक 12 (uttara.22.12)

स तु तं तादृशं दृष्ट्वा रथं लोकभयावहम् । नाक्षुभ्यत दशग्रीवो न चापि भयमाविशत् ।। २२.१२ ।।

sa tu taṃ tādṛśaṃ dṛṣṭvā rathaṃ lokabhayāvaham | nākṣubhyata daśagrīvo na cāpi bhayam āviśat ||

परन्तु उस लोक-भयंकर रथ को देखकर भी दशग्रीव न तो विचलित हुआ और न ही उसमें भय समाया।

श्लोक 13 (uttara.22.13)

स तु रावणमासाद्य व्यसृजच्छक्तितोमरान् । यमो मर्माणि सङ्क्रुद्धो रावणस्योपकृन्तत ।। २२.१३ ।।

sa tu rāvaṇam āsādya vyasṛjac chaktitomarān | yamo marmāṇi saṅkruddho rāvaṇasyopakṛntata ||

यमराज ने रावण के समीप पहुँचकर शक्ति और तोमर छोड़े, और क्रुद्ध होकर रावण के मर्मस्थलों को बींधने लगे।

श्लोक 14 (uttara.22.14)

रावणस्तु ततः स्वस्थः शरवर्षं मुमोच ह । तस्मिन्वैवस्वतरथे तोयवर्षमिवाम्बुदः ।। २२.१४ ।।

rāvaṇas tu tataḥ svasthaḥ śaravarṣaṃ mumoca ha | tasmin vaivasvatarathe toyavarṣam ivāmbudaḥ ||

रावण भी स्वस्थचित्त होकर उस यमराज के रथ पर बाणों की वैसी वर्षा करने लगा जैसे बादल जल की वर्षा करते हैं।

श्लोक 15 (uttara.22.15)

ततो महाशक्तिशरैः पात्यमानैर्महोरसि । नाशक्नोत्प्रतिकर्तुं स राक्षसः शल्यपीडितः ।। २२.१५ ।।

tato mahāśaktiśarair pātyamānair mahorasi | nāśaknot pratikartuṃ sa rākṣasaḥ śalyapīḍitaḥ ||

तब विशाल शक्तियों और बाणों के उसके विशाल वक्षस्थल पर गिरने से, वह राक्षस पीड़ित होकर प्रत्युत्तर देने में असमर्थ हो गया।

श्लोक 16 (uttara.22.16)

एवं नानाप्रहरणैर्यमेनामित्रकर्षिणा । सप्तरात्रं कृतः सङ्ख्ये विसञ्ज्ञो विमुखो रिपुः ।। २२.१६ ।।

evaṃ nānāpraharaṇair yamenāmitrakarṣiṇā | saptarātraṃ kṛtaḥ saṅkhye visañjño vimukho ripuḥ ||

इस प्रकार शत्रुओं को क्षीण करने वाले यमराज ने विविध शस्त्रों से सात रात्रियों तक युद्ध करते हुए शत्रु को अचेत और विमुख कर दिया।

श्लोक 17 (uttara.22.17)

तदासीत्तुमुलं युद्धं यमराक्षसयोर्द्वयोः । जयमाकाङ्क्षतोर्वीर समरेष्वनिवर्तिनोः ।। २२.१७ ।।

tadāsīt tumulaṃ yuddhaṃ yamarākṣasayor dvayoḥ | jayam ākāṅkṣator vīra samareṣv anivartinoḥ ||

हे वीर! उन दोनों - यम और राक्षस - के बीच वह घमासान युद्ध हुआ, दोनों ही विजय की कामना करते हुए युद्ध से पीछे न हटने वाले थे।

श्लोक 18 (uttara.22.18)

ततो देवाः सगन्धर्वाः सिद्धाश्च परमर्षयः । प्रजापतिं पुरस्कृत्य समेतास्तद्रणाजिरम् ।। २२.१८ ।।

tato devāḥ sagandharvāḥ siddhāś ca paramarṣayaḥ | prajāpatiṃ puraskṛtya sametās tad raṇājiram ||

तब गन्धर्वों सहित देवता, सिद्ध और परम ऋषि, प्रजापति ब्रह्मा को आगे कर उस युद्धभूमि में एकत्र हुए।

श्लोक 19 (uttara.22.19)

संवर्त इव लोकानां क्रुध्यतोरभवत्तदा । राक्षसानां च मुख्यस्य प्रेतानामीश्वरस्य च ।। २२.१९ ।।

saṃvarta iva lokānāṃ krudhyator abhavat tadā | rākṣasānāṃ ca mukhyasya pretānām īśvarasya ca ||

तब उन दोनों के क्रोध से - राक्षसों के प्रमुख और प्रेतों के स्वामी के - ऐसा प्रतीत हुआ मानो लोकों का प्रलय ही हो गया हो।

श्लोक 20 (uttara.22.20)

राक्षसेन्द्रो ऽपि विस्फार्य चापमिन्द्राशनिप्रभम् । निरन्तरमिवाकाशं कुर्वन्बाणांस्ततो ऽसृजत् ।। २२.२० ।।

rākṣasendro 'pi visphārya cāpam indrāśaniprabham | nirantaram ivākāśaṃ kurvan bāṇāṃs tato 'sṛjat ||

राक्षसराज ने भी इन्द्र की वज्र के समान चमकीले धनुष को टंकारकर आकाश को बाणों से मानो अविरल भर देते हुए बाण छोड़े।

श्लोक 21 (uttara.22.21)

मृत्युं चतुर्भिर्विशिखैः सूतं सप्तभिरार्दयत् । यमं शतसहस्रेण शीघ्रं मर्मस्वताडयत् ।। २२.२१ ।।

mṛtyuṃ caturbhir viśikhaiḥ sūtaṃ saptabhir ārdayat | yamaṃ śatasahasreṇa śīghraṃ marmasv atāḍayat ||

उसने चार बाणों से मृत्यु को, सात बाणों से सारथी को घायल किया, और सैकड़ों-हज़ारों बाणों से यमराज के मर्मस्थलों पर तुरंत प्रहार किया।

श्लोक 22 (uttara.22.22)

ततः क्रुद्धस्य वदनाद्यमस्य समजायत । ज्वालामाली सनिःश्वासः सधूमः कोपपावकः ।। २२.२२ ।।

tataḥ kruddhasya vadanād yamasya samajāyata | jvālāmālī saniḥśvāsaḥ sadhūmaḥ kopapāvakaḥ ||

तब क्रुद्ध यमराज के मुख से ज्वालाओं की माला वाली, धुएँ सहित, श्वास के साथ निकलती हुई क्रोध की अग्नि प्रकट हुई।

श्लोक 23 (uttara.22.23)

तदाश्चर्यमथो दृष्ट्वा देवदानवसन्निधौ । प्रहर्षितौ सुसंरब्धौ मृत्युकालौ बभूवतुः ।। २२.२३ ।।

tad āścaryam atho dṛṣṭvā devadānavasannidhau | praharṣitau susaṃrabdhau mṛtyukālau babhūvatuḥ ||

गणों और दानवों के समक्ष उस आश्चर्य को देखकर मृत्यु और काल दोनों अत्यंत उत्साहित और उग्र हो उठे।

श्लोक 24 (uttara.22.24)

ततो मृत्युः क्रुद्धतरो वैवस्वतमभाषत । मुञ्च मां समरे यावद्धन्मीमं पापराक्षसम् । नैषा रक्षो भवेदद्य मर्यादा हि निसर्गतः ।। २२.२४ ।।

tato mṛtyuḥ kruddhataro vaivasvatam abhāṣata | muñca māṃ samare yāvad dhanmi imaṃ pāparākṣasam | naiṣā rakṣo bhaved adya maryādā hi nisargataḥ ||

तब अत्यंत क्रुद्ध मृत्यु ने वैवस्वत यमराज से कहा - मुझे युद्ध में छोड़िए, जब तक मैं इस पापी राक्षस का वध न कर दूँ। यह मेरी स्वाभाविक मर्यादा नहीं है कि आज यह राक्षस बच जाए।

श्लोक 25 (uttara.22.25)

हिरण्यकशिपुः श्रीमान्नमुचिः शम्बरस्तथा । विसन्धिर्धूमकेतुश्च बलिर्वैरोचनो ऽपि च ।। २२.२५ ।।

hiraṇyakaśipuḥ śrīmān namuciḥ śambaras tathā | visandhir dhūmaketuś ca balir vairocano 'pi ca ||

श्रीमान् हिरण्यकशिपु, नमुचि, शम्बर, विसन्धि, धूमकेतु, तथा विरोचन-पुत्र बलि -

श्लोक 26 (uttara.22.26)

दम्भुर्दैत्यमहाराजो वृत्रो बाणस्तथैव च । राजर्षयः शास्त्रविदो गन्धर्वाः समहोरगाः ।। २२.२६ ।।

dambhur daityamahārājo vṛtro bāṇas tathaiva ca | rājarṣayaḥ śāstravido gandharvāḥ samahoragāḥ ||

दैत्यराज दम्भु, वृत्र, बाण, तथा शास्त्रज्ञ राजर्षिगण, गन्धर्व और महान् नागगण भी -

श्लोक 27 (uttara.22.27)

ऋषयः पन्नगा दैत्या यक्षाश्चाप्यप्सरोगणाः । युगान्तपरिवर्ते च पृथिवी समहार्णवा ।। २२.२७ ।।

ṛṣayaḥ pannagā daityā yakṣāś cāpy apsarogaṇāḥ | yugāntaparivarte ca pṛthivī samahārṇavā ||

ऋषि, नाग, दैत्य, यक्ष तथा अप्सराएँ - युग के अन्त में पर्वतों, नदियों और वनों सहित पृथ्वी भी, महासागर के साथ -

श्लोक 28 (uttara.22.28)

क्षयं नीता महाराज सपर्वतसरिद्द्रुमा । एते चान्ये च बहवो बलवन्तो दुरासदाः ।। २२.२८ ।।

kṣayaṃ nītā mahārāja saparvatasariddrumā | ete cānye ca bahavo balavanto durāsadāḥ ||

हे महाराज! पर्वतों, नदियों और वृक्षों सहित मैंने विनाश को प्राप्त होते देखा है। ये तथा और भी अनेक बलवान और दुर्जेय -

श्लोक 29 (uttara.22.29)

विनिपन्ना मया दृष्टाः किमुतायं निशाचरः ।। २२.२९ ।।

vinipannā mayā dṛṣṭāḥ kimutāyaṃ niśācaraḥ ||

मैंने उन्हें भी नष्ट होते देखा है, तो फिर इस निशाचर की क्या बिसात!

श्लोक 30 (uttara.22.30)

मुञ्चं मां साधु धर्मज्ञ यावदेनं निहन्म्यहम् । नहि कश्चिन्मया दृष्टो बलवानपि जीवति ।। २२.३० ।।

muñcaṃ māṃ sādhu dharmajña yāvad enaṃ nihanmy aham | nahi kaścin mayā dṛṣṭo balavān api jīvati ||

हे धर्मज्ञ! भला मुझे छोड़िए, जब तक मैं इसका वध न कर दूँ। जिसे भी मैंने देख लिया, वह चाहे कितना ही बलवान हो, जीवित नहीं रहता।

श्लोक 31 (uttara.22.31)

बलं मम न खल्वेतन्मर्यादैषा निसर्गतः । स दृष्टो न मया कालं मुहुर्तमापि जीवति ।। २२.३१ ।।

balaṃ mama na khalv etan maryādaiṣā nisargataḥ | sa dṛṣṭo na mayā kālaṃ muhūrtam api jīvati ||

यह मेरा बल नहीं, अपितु यह मेरी सहज मर्यादा है - जिसे मैंने देख लिया, वह क्षणभर भी जीवित नहीं रह पाता।

श्लोक 32 (uttara.22.32)

तस्यैवं वचनं श्रुत्वा धर्मराजः प्रतापवान् । अब्रवीत्तत्र तं मुत्युं त्वं तिष्ठैनं निहन्म्यहम् ।। २२.३२ ।।

tasyaivaṃ vacanaṃ śrutvā dharmarājaḥ pratāpavān | abravīt tatra taṃ mṛtyuṃ tvaṃ tiṣṭhainaṃ nihanmy aham ||

उसकी यह बात सुनकर, प्रतापी धर्मराज ने मृत्यु से कहा - तुम रुको, मैं ही इसका वध करूँगा।

श्लोक 33 (uttara.22.33)

ततः संरक्तनयनः क्रुद्धो वैवस्वतः प्रभुः । कालदण्डममोघं तु तोलयामास पाणिना ।। २२.३३ ।।

tataḥ saṃraktanayanaḥ kruddho vaivasvataḥ prabhuḥ | kāladaṇḍam amoghaṃ tu tolayām āsa pāṇinā ||

तब क्रोध से लाल नेत्रों वाले, क्रुद्ध वैवस्वत प्रभु ने अपने हाथ से उस अमोघ कालदण्ड को उठाया।

श्लोक 34 (uttara.22.34)

यस्य पार्श्वेषु निखिला कालपाशाः प्रतिष्ठिताः । पावकाशनिसङ्काशो मुद्गरो मूर्तिमान्स्थितः ।। २२.३४ ।।

yasya pārśveṣu nikhilā kālapāśāḥ pratiṣṭhitāḥ | pāvakāśanisaṅkāśo mudgaro mūrtimān sthitaḥ ||

जिसके दोनों ओर समस्त काल-पाश स्थित थे, और अग्नि तथा वज्र के समान तेजस्वी मुद्गर मूर्तिमान होकर खड़ा था।

श्लोक 35 (uttara.22.35)

दर्शनादेव यः प्राणान्प्राणिनामपकर्षति । किं पुनः स्पृश्यमानस्य पात्यमानस्य वा पुनः ।। २२.३५ ।।

darśanād eva yaḥ prāṇān prāṇinām apakarṣati | kiṃ punaḥ spṛśyamānasya pātyamānasya vā punaḥ ||

जिसके दर्शनमात्र से ही प्राणियों के प्राण हर लिए जाते हैं, फिर उसके स्पर्श या प्रहार से क्या न होगा!

श्लोक 36 (uttara.22.36)

स ज्वालापरिवारस्तु निर्दहन्निव राक्षसम् । तेन स्पृष्टो बलवता महाप्रहरणो ऽस्फुरत् ।। २२.३६ ।।

sa jvālāparivāras tu nirdahann iva rākṣasam | tena spṛṣṭo balavatā mahāpraharaṇo 'sphurat ||

ज्वालाओं से घिरा वह महान् अस्त्र, मानो राक्षस को जलाता हुआ, उस बलवान् द्वारा स्पर्श किए जाने पर काँप उठा।

श्लोक 37 (uttara.22.37)

ततो विदुद्रुवुः सर्वे तस्मात्रस्ता रणाजिरे । सुराश्च क्षुभिताः सर्वे दृष्ट्वा दण्डोद्यतं यमम् ।। २२.३७ ।।

tato vidudruvuḥ sarve tasmāt trastā raṇājire | surāś ca kṣubhitāḥ sarve dṛṣṭvā daṇḍodyataṃ yamam ||

तब उस युद्धभूमि में सब भयभीत होकर उससे भाग खड़े हुए, और यमराज को दण्ड उठाए देखकर सभी देवता भी क्षुब्ध हो उठे।

श्लोक 38 (uttara.22.38)

तस्मिन्प्रहर्तुकामे तु यमे दण्डेन रावणम् । यमं पितामहः साक्षाद्दर्शयित्वेदमब्रवीत् ।। २२.३८ ।।

tasmin prahartukāme tu yame daṇḍena rāvaṇam | yamaṃ pitāmahaḥ sākṣād darśayitvedam abravīt ||

यमराज के उस दण्ड से रावण पर प्रहार करने की इच्छा करते ही, स्वयं पितामह ब्रह्मा प्रकट होकर यमराज से इस प्रकार बोले।

श्लोक 39 (uttara.22.39)

वैवस्वत महाबाहो न खल्वमितविक्रम । न हन्तव्यस्त्वया तेन दण्डेनैव निशाचरः ।। २२.३९ ।।

vaivasvata mahābāho na khalv amitavikrama | na hantavyas tvayā tena daṇḍenaiva niśācaraḥ ||

हे महाबाहु वैवस्वत! हे असीम पराक्रमी! इस दण्ड से इस निशाचर का वध आपको नहीं करना चाहिए।

श्लोक 40 (uttara.22.40)

वरः खलु मयैतस्मै दत्तस्त्रिदशपुङ्गव । स त्वया नानृतः कार्यो यन्मया व्याहृतं वचः ।। २२.४० ।।

varaḥ khalu mayaitasmai dattas tridaśapuṅgava | sa tvayā nānṛtaḥ kāryo yan mayā vyāhṛtaṃ vacaḥ ||

हे देवश्रेष्ठ! मैंने इसे एक वरदान दिया है। मेरे द्वारा कहे गए उस वचन को आप असत्य मत बनाइए।

श्लोक 41 (uttara.22.41)

यो हि मामनृतं कुर्याद्देवो वा मानुषो ऽपि वा । त्रैलोक्यमनृतं तेन कृतं स्यान्नात्र संशयः ।। २२.४१ ।।

yo hi mām anṛtaṃ kuryād devo vā mānuṣo 'pi vā | trailokyam anṛtaṃ tena kṛtaṃ syān nātra saṃśayaḥ ||

जो भी - देव हो या मनुष्य - मुझे असत्य बना दे, उसने निःसंदेह समस्त त्रिलोक को ही असत्य बना दिया समझो।

श्लोक 42 (uttara.22.42)

क्रुद्धेन विप्रमुक्तो ऽयं निर्विशेषं प्रियाप्रिये । प्रजाः संहरते रौद्रो लोकत्रयभयावहः ।। २२.४२ ।।

kruddhena vipramukto 'yaṃ nirviśeṣaṃ priyāpriye | prajāḥ saṃharate raudro lokatrayabhayāvahaḥ ||

क्रोध में छोड़ा गया यह भयंकर दण्ड, प्रिय-अप्रिय का भेद किए बिना, प्रजाओं का संहार करने वाला और तीनों लोकों को भयभीत करने वाला है।

श्लोक 43 (uttara.22.43)

अमोघो ह्येष सर्वेषां प्राणिनाममितप्रभः । कालदण्डो मया सृष्टः पूर्वं मृत्युपुरस्कृतः ।। २२.४३ ।।

amogho hy eṣa sarveṣāṃ prāṇinām amitaprabhaḥ | kāladaṇḍo mayā sṛṣṭaḥ pūrvaṃ mṛtyupuraskṛtaḥ ||

यह अनन्त तेजस्वी कालदण्ड, जिसे मैंने पहले मृत्यु को आगे रखकर बनाया था, समस्त प्राणियों के लिए अमोघ है।

श्लोक 44 (uttara.22.44)

तन्न खल्वेष ते सौम्य पात्यो रावणमूर्धनि । नह्यस्मिन्पतिते कश्चिन्मुहूर्तमपि जीवति ।। २२.४४ ।।

tan na khalv eṣa te saumya pātyo rāvaṇamūrdhani | nahy asmin patite kaścin muhūrtam api jīvati ||

अतः हे सौम्य! यह रावण के सिर पर नहीं गिराया जाना चाहिए, क्योंकि यह गिरने पर कोई भी एक क्षण भी जीवित नहीं रहता।

श्लोक 45 (uttara.22.45)

यदि ह्यन्मिन्निपतिते न म्रियेतैष राक्षसः । म्रियते वा दशग्रीवस्तदाप्युभयतो ऽनृतम् ।। २२.४५ ।।

yadi hy asmin nipatite na mriyetaiṣa rākṣasaḥ | mriyate vā daśagrīvas tadāpy ubhayato 'nṛtam ||

यदि यह दण्ड गिरने पर भी यह राक्षस न मरे, या दशग्रीव मर ही जाए, तो दोनों ही स्थितियों में असत्य होगा।

श्लोक 46 (uttara.22.46)

तन्निवर्तय लङ्केशं दण्डमेतं समुद्यतम् । सत्यं च मां कुरुष्वाद्य लोकांस्त्वं यद्यवेक्षसे ।। २२.४६ ।।

tan nivartaya laṅkeśaṃ daṇḍam etaṃ samudyatam | satyaṃ ca māṃ kuruṣvādya lokāṃs tvaṃ yady avekṣase ||

इसलिए इस उठाए हुए दण्ड को लंकेश से हटा लीजिए, और यदि आप लोकों की भलाई चाहते हैं तो आज मेरे वचन को सत्य कर दीजिए।

श्लोक 47 (uttara.22.47)

एवमुक्तस्तु धर्मात्मा प्रत्युवाच यमस्तदा । एष व्यावर्तितो दण्डः प्रभविष्णुर्हि नो भवान् ।। २२.४७ ।।

evam uktas tu dharmātmā pratyuvāca yamas tadā | eṣa vyāvartito daṇḍaḥ prabhaviṣṇur hi no bhavān ||

यह सुनकर धर्मात्मा यमराज ने उत्तर दिया - यह दण्ड मैंने वापस ले लिया है, क्योंकि आप ही हमारे स्वामी और शक्तिमान हैं।

श्लोक 48 (uttara.22.48)

किं न्विदानीं मया शक्यं कर्तुं रणगतेन हि । न मया यद्ययं शक्यो हन्तुं वरपुरस्कृतः ।। २२.४८ ।।

kiṃ nv idānīṃ mayā śakyaṃ kartuṃ raṇagatena hi | na mayā yady ayaṃ śakyo hantuṃ varapuraskṛtaḥ ||

अब युद्ध में उतरकर मैं ही क्या कर सकता हूँ, यदि वरदान से रक्षित इसे मैं मार ही नहीं सकता।

श्लोक 49 (uttara.22.49)

एष तस्मात्प्रणश्यामि दर्शनादस्य रक्षसः । इत्युक्त्वा सरथः साश्वस्तत्रैवान्तरधीयत ।। २२.४९ ।।

eṣa tasmāt praṇaśyāmi darśanād asya rakṣasaḥ | ity uktvā sarathaḥ sāśvas tatraivāntaradhīyata ||

इसलिए मैं इस राक्षस के सामने से हट जाता हूँ। ऐसा कहकर यमराज अपने रथ और घोड़ों सहित वहीं अंतर्धान हो गए।

श्लोक 50 (uttara.22.50)

दशग्रीवस्तु तं जित्वा नाम विश्राव्य चात्मनः । आरुह्य पुष्पकं भूयो निष्क्रान्तो यमसादनात् ।। २२.५० ।।

daśagrīvas tu taṃ jitvā nāma viśrāvya cātmanaḥ | āruhya puṣpakaṃ bhūyo niṣkrānto yamasadanāt ||

दशग्रीव उसे परास्त कर, अपना नाम घोषित करते हुए, पुनः पुष्पक विमान पर सवार होकर यमराज के भवन से बाहर निकल गया।

श्लोक 51 (uttara.22.51)

स तु वैवस्वतो देवैः सह ब्रह्मपुरोगमैः । जगाम त्रिदिवं हृष्टो नारदश्च महामुनिः ।। २२.५१ ।।

sa tu vaivasvato devaiḥ saha brahmapurogamaiḥ | jagāma tridivaṃ hṛṣṭo nāradaś ca mahāmuniḥ ||

तब वैवस्वत यमराज, ब्रह्मा के नेतृत्व में देवताओं के साथ, तथा महामुनि नारद भी प्रसन्न होकर स्वर्गलोक को चले गए।