निवातकवच-विजय और वरुणपुत्रों का पराभव

श्लोक 1 (uttara.23.1)

ततो जित्वा दशग्रीवो यमं त्रिदशपुङ्गवम् । रावणस्तु रणश्लाघी स्वसहायान्ददर्श ह ।। २३.१ ।।

tato jitvā daśagrīvo yamaṃ tridaśapuṅgavam | rāvaṇas tu raṇaślāghī svasahāyān dadarśa ha ||

यमराज को - जो देवताओं में श्रेष्ठ हैं - जीतकर, युद्ध में गर्व करने वाला रावण अपने सहायकों को देखने लगा।

श्लोक 2 (uttara.23.2)

ततो रुधिरसिक्ताङ्गं प्रहारैर्जर्जरीकृतम् । रावणं राक्षसा दृष्ट्वा ह्यष्टवत् समुपागमन् ।। २३.२ ।।

tato rudhirasiktāṅgaṃ prahārair jarjarīkṛtam | rāvaṇaṃ rākṣasā dṛṣṭvā hy aṣṭavat samupāgaman ||

रक्त से भीगे अंगों वाले और प्रहारों से जर्जर रावण को देखकर राक्षस उसके समीप श्रद्धापूर्वक आए।

श्लोक 3 (uttara.23.3)

जयेन वर्धयित्वा च मारीचप्रमुखास्ततः । पुष्पकं भेजिरे सर्वे सान्त्विता रावणेन तु ।। २३.३ ।।

jayena vardhayitvā ca mārīcapramukhās tataḥ | puṣpakaṃ bhejire sarve sāntvitā rāvaṇena tu ||

मारीच आदि प्रमुखों ने उसकी विजय पर बधाई देकर, रावण द्वारा सांत्वना पाकर, सभी पुष्पक विमान पर सवार हो गए।

श्लोक 4 (uttara.23.4)

ततो रसातलं गच्छन् प्रविष्टः पयसां निधिम् । दैत्योरगगणाध्युष्टं वरुणेन सुरक्षितम् ।। २३.४ ।।

tato rasātalaṃ gacchan praviṣṭaḥ payasāṃ nidhim | daityoragagaṇādhyuṣṭaṃ varuṇena surakṣitam ||

तब पाताल की ओर जाते हुए उसने दैत्यों और नागों के समूह से बसे और वरुण द्वारा सुरक्षित समुद्र में प्रवेश किया।

श्लोक 5 (uttara.23.5)

स तु भोगवतीं गत्वा पुरीं वासुकिपालिताम् । कृत्वा नागान्वशे हृष्टो ययौ मणिमयीं पुरीम् ।। २३.५ ।।

sa tu bhogavatīṃ gatvā purīṃ vāsukipālitām | kṛtvā nāgān vaśe hṛṣṭo yayau maṇimayīṃ purīm ||

भोगवती नगरी में जाकर, जो वासुकि द्वारा शासित थी, उसने नागों को वश में कर, प्रसन्न होकर मणिमय नगरी की ओर प्रस्थान किया।

श्लोक 6 (uttara.23.6)

निवातकवचास्तत्र दैत्या लब्धवरा वसन् । राक्षसान्तान्समागम्य युद्धाय समुपाह्वयत् ।। २३.६ ।।

nivātakavacās tatra daityā labdhavarā vasan | rākṣasān tān samāgamya yuddhāya samupāhvayat ||

वहाँ वरदान प्राप्त निवातकवच नामक दैत्य निवास करते थे। रावण ने उनके पास पहुँचकर उन्हें युद्ध के लिए ललकारा।

श्लोक 7 (uttara.23.7)

ते तु सर्वे सुविक्रान्ता दैतेया बलशालिनः । नानाप्रहरणास्तत्र प्रहृष्टा युद्धदुर्मदाः ।। २३.७ ।।

te tu sarve suvikrāntā daiteyā balaśālinaḥ | nānāpraharaṇās tatra prahṛṣṭā yuddhadurmadāḥ ||

वे सभी अत्यंत पराक्रमी, बलशाली दैत्य विविध शस्त्रों से सुसज्जित होकर हर्षपूर्वक और युद्ध के मद में डूबकर वहाँ आ डटे।

श्लोक 8 (uttara.23.8)

शूलैस्त्रिशूलैः कुलिशैः पट्टिशासिपरश्वधैः । अन्योन्यं बिभिदुः क्रुद्धा राक्षसा दानवास्तथा ।। २३.८ ।।

śūlaiḥ triśūlaiḥ kuliśaiḥ paṭṭiśāsiparaśvadhaiḥ | anyonyaṃ bibhiduḥ kruddhā rākṣasā dānavās tathā ||

क्रुद्ध राक्षस और दानव भालों, त्रिशूलों, वज्रों, पट्टिशों, तलवारों और परशुओं से परस्पर एक-दूसरे को घायल करने लगे।

श्लोक 9 (uttara.23.9)

तेषां तु युध्यमानानां साग्रः संवत्सरो गतः । न चान्यतरयोस्तत्र विजयो वा क्षयो ऽपि वा ।। २३.९ ।।

teṣāṃ tu yudhyamānānāṃ sāgraḥ saṃvatsaro gataḥ | na cānyatarayos tatra vijayo vā kṣayo 'pi vā ||

उनके इस प्रकार लड़ते हुए एक वर्ष से अधिक समय बीत गया, परन्तु किसी की भी न विजय हुई और न पराजय।

श्लोक 10 (uttara.23.10)

ततः पितामहस्तत्र त्रैलोक्यगतिरव्ययः । आजगाम द्रुतं देवो विमानवरमास्थितः ।। २३.१० ।।

tataḥ pitāmahas tatra trailokyagatir avyayaḥ | ājagāma drutaṃ devo vimānavaram āsthitaḥ ||

तब त्रिलोक में सर्वत्र गति रखने वाले अविनाशी पितामह ब्रह्मा उत्तम विमान पर सवार होकर वहाँ शीघ्रता से आए।

श्लोक 11 (uttara.23.11)

निवातकवचानां तु निवार्य रणकर्म तत् । वृद्धः पितामहो वाक्यमुवाच विदितार्थवत् ।। २३.११ ।।

nivātakavacānāṃ tu nivārya raṇakarma tat | vṛddhaḥ pitāmaho vākyam uvāca viditārthavat ||

निवातकवचों के उस युद्ध-कर्म को रोककर, वृद्ध पितामह ने अर्थपूर्ण वचन कहे।

श्लोक 12 (uttara.23.12)

नह्ययं रावणो युद्धे शक्यो जेतुं सुरासुरैः । न भवन्तः क्षयं नेतुमपि सामरदानवैः ।। २३.१२ ।।

nahy ayaṃ rāvaṇo yuddhe śakyo jetuṃ surāsuraiḥ | na bhavantaḥ kṣayaṃ netum api sāmaradānavaiḥ ||

यह रावण युद्ध में देवताओं और असुरों के द्वारा भी जीता नहीं जा सकता, और आप लोगों को भी देवताओं और दानवों सहित कोई नष्ट नहीं कर सकता।

श्लोक 13 (uttara.23.13)

राक्षसस्य सखित्वं च भवद्भिः सह रोचते । अविभक्ताश्च सर्वार्थाः सुहृदां नात्र संशयः ।। २३.१३ ।।

rākṣasasya sakhitvaṃ ca bhavadbhiḥ saha rocate | avibhaktāś ca sarvārthāḥ suhṛdāṃ nātra saṃśayaḥ ||

इसलिए इस राक्षस की आपके साथ मित्रता ही उचित है; मित्रों के सभी हित एक समान होते हैं, इसमें कोई संदेह नहीं।

श्लोक 14 (uttara.23.14)

ततो ऽग्निसाक्षिकं सख्यं कृतवांस्तत्र रावणः । निवातकवचैः सार्धं प्रीतिमानभवत्तदा ।। २३.१४ ।।

tato 'gnisākṣikaṃ sakhyaṃ kṛtavāṃs tatra rāvaṇaḥ | nivātakavacaiḥ sārdhaṃ prītimān abhavat tadā ||

तब रावण ने अग्नि को साक्षी बनाकर निवातकवचों के साथ मित्रता स्थापित की और वह प्रसन्नचित्त हो गया।

श्लोक 15 (uttara.23.15)

अर्थतस्तैर्यथान्यायं संवत्सरमथोषितः । स्वपुरान्निर्विशेषं च प्रियं प्राप्तो दशाननः ।। २३.१५ ।।

arthatas tair yathānyāyaṃ saṃvatsaram athoṣitaḥ | svapurān nirviśeṣaṃ ca priyaṃ prāpto daśānanaḥ ||

उनके यहाँ यथोचित सम्मान के साथ एक वर्ष तक निवास करते हुए, दशानन ने अपने ही नगर के समान वहाँ आदर पाया।

श्लोक 16 (uttara.23.16)

ततोपधार्य मायानां शतमेकं समाप्तवान् । सलिलेन्द्रपुरान्वेषी भ्रमति स्म रसातलम् ।। २३.१६ ।।

tatopadhārya māyānāṃ śatam ekaṃ samāptavān | salilendrapurānveṣī bhramati sma rasātalam ||

फिर उनसे मायाओं की सौ विद्याएँ प्राप्त कर, वह जल के स्वामी वरुण की नगरी की खोज में पाताल में विचरण करने लगा।

श्लोक 17 (uttara.23.17)

ततो ऽश्मनगरं नाम कालकेयैरधिष्ठितम् । गत्वा तु कालकेयांश्च हत्वा तत्र बलोत्कटान् ।। २३.१७ ।।

tato 'śmanagaraṃ nāma kālakeyair adhiṣṭhitam | gatvā tu kālakeyāṃś ca hatvā tatra balotkaṭān ||

फिर अश्मनगर नामक नगर में, जो कालकेयों के अधिकार में था, पहुँचकर उसने वहाँ के अत्यंत बलशाली कालकेयों का वध किया।

श्लोक 18 (uttara.23.18)

शूर्पणख्याश्च भर्तारमसिना प्राच्छिनत्तदा । श्यालं च बलवन्तं च विद्युज्जिह्वं बलोत्कटम् । जिह्वया संलिहन्तं च राक्षसं समरे तथा ।। २३.१८ ।।

śūrpaṇakhyāś ca bhartāram asinā prācchinat tadā | śyālaṃ ca balavantaṃ ca vidyujjihvaṃ balotkaṭam | jihvayā saṃlihantaṃ ca rākṣasaṃ samare tathā ||

उसी युद्ध में उसने अपनी तलवार से शूर्पणखा के पति, अपने अत्यंत बलशाली साले विद्युज्जिह्व नामक राक्षस को भी काट डाला, जो युद्ध में अपनी जीभ से चाटता हुआ लड़ता था।

श्लोक 19 (uttara.23.19)

तं विजित्य मुहूर्तेन जघ्ने दैत्यांश्चतुःशतम् ।। २३.१९ ।।

taṃ vijitya muhūrtena jaghne daityāṃś caturśatam ||

उसे क्षणभर में जीतकर उसने चार सौ दैत्यों का वध कर डाला।

श्लोक 20 (uttara.23.20)

ततः पाण्डुरमेघाभं कैलासमिव भास्वरम् । वरुणस्यालयं दिव्यमपश्यद्राक्षसाधिपः ।। २३.२० ।।

tataḥ pāṇḍurameghābhaṃ kailāsam iva bhāsvaram | varuṇasyālayaṃ divyam apaśyad rākṣasādhipaḥ ||

तब उस राक्षसराज ने श्वेत बादलों के समान चमकीले, कैलास के समान देदीप्यमान वरुण के दिव्य भवन को देखा।

श्लोक 21 (uttara.23.21)

क्षरन्तीं च पयस्तत्र सुरभिं गामवस्थिताम् । यस्याः पयोभिनिष्यन्दात्क्षीरोदो नाम सागरः ।। २३.२१ ।।

kṣarantīṃ ca payas tatra surabhiṃ gām avasthitām | yasyāḥ payobhiniṣyandāt kṣīrodo nāma sāgaraḥ ||

वहाँ उसने निरन्तर दूध बहाने वाली दिव्य गौ सुरभि को स्थित देखा, जिसके दुग्ध-प्रवाह से क्षीरसागर नामक समुद्र बना है।

श्लोक 22 (uttara.23.22)

ददर्श रावणस्तत्र गोवृषेन्द्रवरारणिम् । यस्माच्चन्द्रः प्रभवति शीतरश्मिर्निशाकरः ।। २३.२२ ।।

dadarśa rāvaṇas tatra govṛṣendravarāraṇim | yasmāc candraḥ prabhavati śītaraśmir niśākaraḥ ||

रावण ने वहाँ उस उत्तम गौ को देखा, जो श्रेष्ठ वृषभों की उत्पत्ति-स्थली भी थी, जिससे शीतल किरणों वाला चन्द्रमा उत्पन्न हुआ है।

श्लोक 23 (uttara.23.23)

यं समाश्रित्य जीवन्ति फेनपाः परमर्षयः । अमृतं यत्र चोत्पन्नं स्वधा च स्वधभोजिनाम् ।। २३.२३ ।।

yaṃ samāśritya jīvanti phenapāḥ paramarṣayaḥ | amṛtaṃ yatra cotpannaṃ svadhā ca svadhabhojinām ||

जिसके आश्रय से फेनपायी परम ऋषि जीवित रहते हैं, और जहाँ से अमृत तथा स्वधा-भोजी पितरों की स्वधा उत्पन्न हुई।

श्लोक 24 (uttara.23.24)

यां ब्रुवन्ति नरा लोके सुरभिं नाम नामतः । प्रदक्षिणं तु तां कृत्वा रावणः परमाद्भुताम् ।। २३.२४ ।।

yāṃ bruvanti narā loke surabhiṃ nāma nāmataḥ | pradakṣiṇaṃ tu tāṃ kṛtvā rāvaṇaḥ paramādbhutām ||

जिसे लोग संसार में सुरभि नाम से पुकारते हैं। उस परम अद्भुत गौ की परिक्रमा करके रावण -

श्लोक 25 (uttara.23.25)

प्रविवेश महाघोरं गुप्तं बहुविधैर्बलैः । ततो धाराशताकीर्णं शारदाभ्रनिभं तदा । नित्यप्रहृष्टं ददृशे वरुणस्य गृहोत्तमम् ।। २३.२५ ।।

praviveśa mahāghoraṃ guptaṃ bahuvidhair balaiḥ | tato dhārāśatākīrṇaṃ śāradābhranibhaṃ tadā | nityaprahṛṣṭaṃ dadṛśe varuṇasya gṛhottamam ||

अत्यंत भयावह, अनेक प्रकार की सेनाओं से सुरक्षित स्थान में प्रवेश किया। तब सैकड़ों जल-धाराओं से युक्त, शरद ऋतु के बादल के समान श्वेत, सदा उल्लासपूर्ण वरुण के उत्तम भवन को देखा।

श्लोक 26 (uttara.23.26)

ततो हत्वा बलाध्यक्षान्समरे तैश्च ताडितः । अब्रवीच्च ततो योधान्राजा शीघ्रं निवेद्यताम् ।। २३.२६ ।।

tato hatvā balādhyakṣān samare taiś ca tāḍitaḥ | abravīc ca tato yodhān rājā śīghraṃ nivedyatām ||

फिर सेनापतियों को मारकर और उनके द्वारा भी आहत होकर, उसने योद्धाओं से कहा - अपने राजा को शीघ्र सूचित करो।

श्लोक 27 (uttara.23.27)

युद्धार्थी रावणः प्राप्तस्तस्य युद्धं प्रदीयताम् । वद वा न भयं ते ऽस्ति निर्जितो ऽस्मीति साञ्जलिः ।। २३.२७ ।।

yuddhārthī rāvaṇaḥ prāptas tasya yuddhaṃ pradīyatām | vada vā na bhayaṃ te 'sti nirjito 'smīti sāñjaliḥ ||

युद्ध की इच्छा से रावण यहाँ आया है, उसे युद्ध दो; अथवा हाथ जोड़कर कहो - मुझे कोई भय नहीं है, मैं ही पराजित हूँ।

श्लोक 28 (uttara.23.28)

एतस्मिन्नन्तरे क्रुद्धा वरुणस्य महात्मनः । पुत्राः पौत्राश्च निष्क्रामन्गौश्च पुष्कर एव च ।। २३.२८ ।।

etasminn antare kruddhā varuṇasya mahātmanaḥ | putrāḥ pautrāś ca niṣkrāman gauś ca puṣkara eva ca ||

इसी बीच महात्मा वरुण के पुत्र और पौत्र, तथा गौ और पुष्कर नामक पुत्र क्रुद्ध होकर बाहर निकल आए।

श्लोक 29 (uttara.23.29)

ते तु वीर्यगुणोपेता बलैः परिवृताः स्वकैः । युङ्क्त्वा रथान्कामगमानुद्यद्भास्वरवर्चसः ।। २३.२९ ।।

te tu vīryaguṇopetā balaiḥ parivṛtāḥ svakaiḥ | yuṅktvā rathān kāmagamān udyadbhāsvaravarcasaḥ ||

वीरता के गुणों से सम्पन्न, अपनी-अपनी सेनाओं से घिरे हुए, उदित सूर्य के समान तेजस्वी वे लोग इच्छानुसार चलने वाले रथों में जुत गए।

श्लोक 30 (uttara.23.30)

ततो युद्धं समभवद्दारुणं रोमहर्षणम् । सलिलेन्द्रस्य पुत्राणां रावणस्य च धीमतः ।। २३.३० ।।

tato yuddhaṃ samabhavad dāruṇaṃ romaharṣaṇam | salilendrasya putrāṇāṃ rāvaṇasya ca dhīmataḥ ||

तब वरुण के पुत्रों और बुद्धिमान रावण के बीच रोंगटे खड़े कर देने वाला भयंकर युद्ध हुआ।

श्लोक 31 (uttara.23.31)

अमात्यैश्च महावीर्यैर्दशग्रीवस्य रक्षसः । वारुणं तद्बलं कृत्स्नं क्षणेन विनिपातितम् ।। २३.३१ ।।

amātyaiś ca mahāvīryair daśagrīvasya rakṣasaḥ | vāruṇaṃ tad balaṃ kṛtsnaṃ kṣaṇena vinipātitam ||

दशग्रीव राक्षस के महापराक्रमी मंत्रियों द्वारा वरुण की वह समस्त सेना क्षणभर में गिरा दी गई।

श्लोक 32 (uttara.23.32)

समीक्ष्य स्वबलं सङ्ख्ये वरुणस्य सुतास्तदा । अर्दिताः शरजालेन निवृत्ता रणकर्मणः ।। २३.३२ ।।

samīkṣya svabalaṃ saṅkhye varuṇasya sutās tadā | arditāḥ śarajālena nivṛttā raṇakarmaṇaḥ ||

युद्ध में अपनी सेना को इस प्रकार देखकर, बाणों के जाल से पीड़ित वरुण के पुत्रों ने युद्ध से पीछे हट जाना ही उचित समझा।

श्लोक 33 (uttara.23.33)

महीतलगतास्ते तु रावणं दृश्य पुष्पके । आकाशमाशु विविशुः स्यन्दनैः शीघ्रगामिभिः ।। २३.३३ ।।

mahītalagatās te tu rāvaṇaṃ dṛśya puṣpake | ākāśam āśu viviśuḥ syandanaiḥ śīghragāmibhiḥ ||

पृथ्वी पर स्थित उन्होंने रावण को पुष्पक विमान पर देखकर, अपने वेगवान रथों से शीघ्र ही आकाश में प्रवेश किया।

श्लोक 34 (uttara.23.34)

महादासीत्ततस्तेषां तुल्यं स्थानमवाप्य तत् । आकाशयुद्धं तुमुलं देवदानवयोरिव ।। २३.३४ ।।

mahad āsīt tatas teṣāṃ tulyaṃ sthānam avāpya tat | ākāśayuddhaṃ tumulaṃ devadānavayor iva ||

तब समान स्थान पर पहुँचकर उनके बीच आकाश में देवताओं और दानवों के समान भयंकर युद्ध छिड़ गया।

श्लोक 35 (uttara.23.35)

ततस्ते रावणं युद्धे शरैः पावकसन्निभैः । विमुखीकृत्य सन्तुष्टा विनेदुर्विविधान्रवान् ।। २३.३५ ।।

tatas te rāvaṇaṃ yuddhe śaraiḥ pāvakasannibhaiḥ | vimukhīkṛtya santuṣṭā vinedur vividhān ravān ||

तब उन्होंने अग्नि के समान बाणों से रावण को युद्ध में विमुख कर दिया और प्रसन्न होकर विविध प्रकार के घोष किए।

श्लोक 36 (uttara.23.36)

ततो महोदरः क्रुद्धो राजानं दृश्य धर्षितम् । त्यक्त्वा मृत्युभयं वीरो युद्धकाङ्क्षी व्यलोकयत् ।। २३.३६ ।।

tato mahodaraḥ kruddho rājānaṃ dṛśya dharṣitam | tyaktvā mṛtyubhayaṃ vīro yuddhakāṅkṣī vyalokayat ||

तब महोदर, अपने राजा को इस प्रकार आहत देखकर क्रुद्ध हो उठा, और मृत्यु के भय को त्यागकर, वीरतापूर्वक युद्ध की कामना करते हुए चारों ओर देखने लगा।

श्लोक 37 (uttara.23.37)

तेन ते दारुणा युद्धे कामगाः पवनोपमाः । महोदरेण गदया हता वै प्रययुः क्षितिम् ।। २३.३७ ।।

tena te dāruṇā yuddhe kāmagāḥ pavanopamāḥ | mahodareṇa gadayā hatā vai prayayuḥ kṣitim ||

उस भीषण युद्ध में महोदर ने अपनी गदा से उन इच्छानुसार गमन करने वाले, वायु के समान वेगवान घोड़ों को मार गिराया, और वे धरती पर गिर पड़े।

श्लोक 38 (uttara.23.38)

तेषां वरुणपुत्राणां हत्वा योधान्हयाञ्छतान् । मुमोचाशु महानादं विरथान्प्रेक्ष्य तान्स्थितान् ।। २३.३८ ।।

teṣāṃ varuṇaputrāṇāṃ hatvā yodhān hayāñ chatān | mumocāśu mahānādaṃ virathān prekṣya tān sthitān ||

वरुण के पुत्रों के योद्धाओं और सैकड़ों घोड़ों को मारकर, उन्हें रथहीन खड़ा देखकर उसने तुरंत महाघोष किया।

श्लोक 39 (uttara.23.39)

ते तु तेषां रथाः साश्वाः सह सारथिभिर्हतैः । महोदरेण निहताः पतिताः पृथिवीतले ।। २३.३९ ।।

te tu teṣāṃ rathāḥ sāśvāḥ saha sārathibhir hataiḥ | mahodareṇa nihatāḥ patitāḥ pṛthivītale ||

उन वरुण-पुत्रों के रथ, घोड़ों और मारे गए सारथियों सहित महोदर द्वारा नष्ट किए जाकर धरती पर गिर पड़े।

श्लोक 40 (uttara.23.40)

ते तु त्यक्त्वा रथान्पुत्रा वरुणस्य महात्मनः । आकाशे विष्ठिताः शूराः स्वप्रभावान्न विव्यथुः ।। २३.४० ।।

te tu tyaktvā rathān putrā varuṇasya mahātmanaḥ | ākāśe viṣṭhitāḥ śūrāḥ svaprabhāvān na vivyathuḥ ||

तब अपने रथों को त्यागकर महात्मा वरुण के वे वीर पुत्र आकाश में ही खड़े रहे, अपने ही प्रभाव से विचलित न हुए।

श्लोक 41 (uttara.23.41)

धनूंषि कृत्वा सज्जानि विनिर्भिद्य महोदरम् । रावणं समरे क्रुद्धाः सहिताः समभिद्रवन् ।। २३.४१ ।।

dhanūṃṣi kṛtvā sajjāni vinirbhidya mahodaram | rāvaṇaṃ samare kruddhāḥ sahitāḥ samabhidravan ||

अपने धनुष तैयार कर, महोदर को भेदकर, वे सब एक साथ क्रुद्ध होकर युद्ध में रावण पर टूट पड़े।

श्लोक 42 (uttara.23.42)

सायकैश्चापविभ्रष्टैर्वज्रकल्पैः सुदारुणैः । दारयन्ति स्म सङ्क्रुद्धा मेघा इव महागिरिम् ।। २३.४२ ।।

sāyakaiś cāpavibhraṣṭair vajrakalpaiḥ sudāruṇaiḥ | dārayanti sma saṅkruddhā meghā iva mahāgirim ||

वज्र के समान भयंकर बाणों को अपने-अपने धनुषों से छोड़ते हुए, क्रुद्ध होकर उन्होंने उसे इस प्रकार बींध डाला जैसे बादल किसी विशाल पर्वत को छिन्न-भिन्न कर देते हैं।

श्लोक 43 (uttara.23.43)

ततः क्रुद्धो दशग्रीवः कालाग्निरिव निर्गतः । शरवर्षैर्महाघोरैस्तेषां मर्मस्वताडयत् ।। २३.४३ ।।

tataḥ kruddho daśagrīvaḥ kālāgnir iva nirgataḥ | śaravarṣair mahāghorais teṣāṃ marmasv atāḍayat ||

तब क्रुद्ध दशग्रीव, प्रलयाग्नि के समान प्रकट होकर, अत्यंत भयंकर बाणों की वर्षा से उनके मर्मस्थलों पर प्रहार करने लगा।

श्लोक 44 (uttara.23.44)

ततस्तेनैव सहसा सीदन्ति स्म पदातयः । मुसलानि विचित्राणि ततो भल्लशतानि च ।। २३.४४ ।।

tatas tenaiva sahasā sīdanti sma padātayaḥ | musalāni vicitrāṇi tato bhallaśatāni ca ||

तब उसी के प्रहार से उसके पैदल सैनिक अचानक गिरने लगे; फिर उसने विचित्र मूसल और सैकड़ों भल्ल बाण चलाए।

श्लोक 45 (uttara.23.45)

पट्टिशांश्चैव शक्तीश्च शतघ्नीस्तोमरांस्तथा । पातयामास दुर्धर्षस्तेषामुपरि विष्ठितः ।। २३.४५ ।।

paṭṭiśāṃś caiva śaktīś ca śataghnīs tomarāṃs tathā | pātayām āsa durdharṣas teṣām upari viṣṭhitaḥ ||

वह दुर्धर्ष रावण उनके ऊपर खड़ा होकर पट्टिश, शक्ति, शतघ्नी और तोमर बरसाने लगा।

श्लोक 46 (uttara.23.46)

अपविद्धास्तु ते वीरा विनिष्पेतुः पदातयः । महापङ्कमिवासाद्य कुञ्जराष्षष्टिहायनाः ।। २३.४६ ।।

apaviddhās tu te vīrā viniṣpetuḥ padātayaḥ | mahāpaṅkam ivāsādya kuñjarāḥ ṣaṣṭihāyanāḥ ||

प्रहारों से आहत वे वीर पैदल सैनिक इस प्रकार गिर पड़े जैसे साठ वर्ष के हाथी गहरे दलदल में फँसकर गिर जाते हैं।

श्लोक 47 (uttara.23.47)

सीदमानान्सुतान्दृष्ट्वा विह्वलान्सुमहौजसः । ननाद रावणो हर्षान्महानम्बुधरो यथा ।। २३.४७ ।।

sīdamānān sutān dṛṣṭvā vihvalān sumahaujasaḥ | nanāda rāvaṇo harṣān mahān ambudharo yathā ||

वरुण के उन महातेजस्वी पुत्रों को व्याकुल और गिरते हुए देखकर, रावण हर्ष से विशाल मेघ के समान गर्जना करने लगा।

श्लोक 48 (uttara.23.48)

ततो रक्षो महानादान्मुक्त्वा हन्ति स्म वारुणान् । नानाप्रहरणोपेतैर्धारापातैरिवाम्बुदः ।। २३.४८ ।।

tato rakṣo mahānādān muktvā hanti sma vāruṇān | nānāpraharaṇopetair dhārāpātair ivāmbudaḥ ||

तब वह राक्षस बड़े-बड़े घोष करते हुए, विविध शस्त्रों की धाराओं से - मानो बादल जल की धारा बरसाता है - वरुण के पुत्रों का संहार करने लगा।

श्लोक 49 (uttara.23.49)

ततस्ते विमुखाः सर्वे पतिता धरणीतले । रणात्स्वपुरुषैः शीघ्रं गृहाण्येव प्रवेशिताः ।। २३.४९ ।।

tatas te vimukhāḥ sarve patitā dharaṇītale | raṇāt svapuruṣaiḥ śīghraṃ gṛhāṇy eva praveśitāḥ ||

तब वे सभी पराजित होकर धरती पर गिर पड़े, और उनके अपने सेवकों ने उन्हें शीघ्र ही युद्धभूमि से उठाकर घरों में पहुँचा दिया।

श्लोक 50 (uttara.23.50)

तानब्रवीत्ततो रक्षो वरुणाय निवेद्यताम् ।। २३.५० ।।

tān abravīt tato rakṣo varuṇāya nivedyatām ||

तब उस राक्षस ने उनसे कहा - यह वरुण को सूचित कर दो।

श्लोक 51 (uttara.23.51)

रावणं त्वब्रवीन्मन्त्री प्रहस्तो नाम वारुणः । गतः खलु महाराजो ब्रह्मलोकं जलेश्वरः ।। २३.५१ ।।

rāvaṇaṃ tv abravīn mantrī prahasto nāma vāruṇaḥ | gataḥ khalu mahārājo brahmalokaṃ jaleśvaraḥ ||

तब वरुण के मंत्री प्रहस्त नामक ने रावण से कहा - महाराज जलेश्वर वरुण तो ब्रह्मलोक गए हुए हैं।

श्लोक 52 (uttara.23.52)

गान्धर्वं वरुणः श्रोतुं यं त्वमाह्वयसे युधि । तत्किं तव वृथा वीर परिश्रम्य गते नृपे । ये तु सन्निहिता वीराः कुमारास्ते पराजिताः ।। २३.५२ ।।

gāndharvaṃ varuṇaḥ śrotuṃ yaṃ tvam āhvayase yudhi | tat kiṃ tava vṛthā vīra pariśramya gate nṛpe | ye tu sannihitā vīrāḥ kumārās te parājitāḥ ||

वरुण, जिसे आप युद्ध के लिए ललकार रहे हैं, गान्धर्व-संगीत सुनने गए हैं। हे वीर! राजा के चले जाने पर आपका यह परिश्रम व्यर्थ ही है। जो वीर कुमार यहाँ उपस्थित थे, वे परास्त हो चुके।

श्लोक 53 (uttara.23.53)

राक्षसेन्द्रस्तु तच्छ्रुत्वा नाम विश्राव्य चात्मनः । हर्षान्नादं विमुञ्चन्वै निष्क्रान्तो वरुणालयात् ।। २३.५३ ।।

rākṣasendras tu tac chrutvā nāma viśrāvya cātmanaḥ | harṣān nādaṃ vimuñcan vai niṣkrānto varuṇālayāt ||

यह सुनकर राक्षसराज ने अपना नाम घोषित करते हुए, हर्षपूर्वक गर्जना करते हुए वरुण के भवन से प्रस्थान किया।

श्लोक 54 (uttara.23.54)

आगतस्तु पथा येन तेनैव विनिवृत्य सः । लङ्कामभिमुखो रक्षो नभस्तलगतो ययौ ।। २३.५४ ।।

āgatas tu pathā yena tenaiva vinivṛtya saḥ | laṅkām abhimukho rakṣo nabhastalagato yayau ||

जिस मार्ग से वह आया था, उसी मार्ग से लौटकर, वह राक्षस आकाश-मार्ग से लंका की ओर प्रस्थान कर गया।