शूर्पणखा का वैधव्य और खर का दण्डकारण्य-गमन

श्लोक 1 (uttara.24.1)

निवर्तमानः संहृष्टो रावणस्सुदुरात्मवान् । जह्रे पथि नरेन्द्रर्षिदेवगन्धर्वकन्यकाः ।। २४.१ ।।

nivartamānaḥ saṃhṛṣṭo rāvaṇas sudurātmavān | jahre pathi narendrarṣidevagandharvakanyakāḥ ||

लौटते हुए, अत्यंत प्रसन्न वह दुरात्मा रावण मार्ग में राजाओं, ऋषियों, देवताओं और गन्धर्वों की कन्याओं का अपहरण करने लगा।

श्लोक 2 (uttara.24.2)

दर्शनीयां हि रक्षः स कन्यां स्त्रीं वापि पश्यति । हत्वा बन्धुजनं तस्या विमाने तां रुरोध ह ।। २४.२ ।।

darśanīyāṃ hi rakṣaḥ sa kanyāṃ strīṃ vāpi paśyati | hatvā bandhujanaṃ tasyā vimāne tāṃ rurodha ha ||

वह राक्षस जिस भी सुन्दर कन्या या स्त्री को देखता, उसके बन्धु-बान्धवों को मारकर उसे विमान में बन्द कर लेता।

श्लोक 3 (uttara.24.3)

एवं पन्नगकन्याश्च राक्षसासुरमानुषीः । यक्षदानवकन्याश्च विमाने सो ऽध्यरोपयत् ।। २४.३ ।।

evaṃ pannagakanyāś ca rākṣasāsuramānuṣīḥ | yakṣadānavakanyāś ca vimāne so 'dhyaropayat ||

इस प्रकार नाग-कन्याओं, राक्षस, असुर और मनुष्यों की कन्याओं तथा यक्ष और दानव-कन्याओं को उसने विमान में बैठा लिया।

श्लोक 4 (uttara.24.4)

ताश्च सर्वाः समं दुःखान्मुमुचुर्बाष्पजं जलम् । तुल्यमग्न्यर्चिषां तत्र शोकाग्निभयसम्भवम् ।। २४.४ ।।

tāś ca sarvāḥ samaṃ duḥkhān mumucur bāṣpajaṃ jalam | tulyam agnyarciṣāṃ tatra śokāgnibhayasambhavam ||

वे सब स्त्रियाँ दुःख से एक साथ अश्रु-जल बहाने लगीं, मानो शोक और भय की अग्नि की ज्वालाएँ हों।

श्लोक 5 (uttara.24.5)

ताभिः सर्वानवद्याभिर्नदीभिरिव सागरः । आपूरितं विमानं तद्भयशोकाशिवाश्रुभिः ।। २४.५ ।।

tābhiḥ sarvānavadyābhir nadībhir iva sāgaraḥ | āpūritaṃ vimānaṃ tad bhayaśokāśivāśrubhiḥ ||

उन सभी निर्दोष स्त्रियों के भय और शोक से भरे अशुभ अश्रुओं से वह विमान इस प्रकार भर गया मानो नदियों से समुद्र भर जाता है।

श्लोक 6 (uttara.24.6)

नागगन्धर्वकन्याश्च महर्षितनयाश्च याः । दैत्यदानवकन्याश्च विमाने शतशो ऽरुदन् ।। २४.६ ।।

nāgagandharvakanyāś ca maharṣitanayāś ca yāḥ | daityadānavakanyāś ca vimāne śataśo 'rudan ||

नाग-कन्याएँ, गन्धर्व-कन्याएँ, महर्षियों की पुत्रियाँ, तथा दैत्य और दानव-कन्याएँ - सैकड़ों की संख्या में वे विमान में रोने लगीं।

श्लोक 7 (uttara.24.7)

दीर्घकेश्यः सुचार्वङ्ग्यः पूर्णचन्द्रनिभाननाः । पीनस्तन्यस्तथा वज्रवेदिमध्यसमप्रभाः ।। २४.७ ।।

dīrghakeśyaḥ sucārvaṅgyaḥ pūrṇacandranibhānanāḥ | pīnastanyas tathā vajravedimadhyasamaprabhāḥ ||

लम्बे केशों वाली, सुन्दर अंगों वाली, पूर्णचन्द्र के समान मुख वाली, उन्नत स्तनों वाली और वज्र-वेदी के समान सुकोमल कटि वाली वे स्त्रियाँ थीं।

श्लोक 8 (uttara.24.8)

रथकूबरसङ्काशैः श्रोणिदेशैर्मनोहराः । स्त्रियः सुराङ्गनाप्रख्या निष्टप्तकनकप्रभाः ।। २४.८ ।।

rathakūbarasaṅkāśaiḥ śroṇideśair manoharāḥ | striyaḥ surāṅganāprakhyā niṣṭaptakanakaprabhāḥ ||

रथ के अगले भाग के समान सुडौल नितम्बों वाली, मनोहर, देवांगनाओं के समान सुन्दर तथा तपाए हुए स्वर्ण के समान कान्ति वाली स्त्रियाँ।

श्लोक 9 (uttara.24.9)

शोकदुःखभयत्रस्ता विह्वलाश्च सुमध्यमाः । तासां निश्वासवातेन सर्वतः सम्प्रदीपितम् ।। २४.९ ।।

śokaduḥkhabhayatrastā vihvalāś ca sumadhyamāḥ | tāsāṃ niśvāsavātena sarvataḥ sampradīpitam ||

शोक, दुःख और भय से त्रस्त, व्याकुल, सुडौल कटि वाली वे स्त्रियाँ - उनकी लम्बी साँसों की हवा से चारों ओर मानो अग्नि सुलग रही थी।

श्लोक 10 (uttara.24.10)

अग्निहोत्रमिवाभाति सन्निरुद्धाग्निपुष्पकम् । दशग्रीववशं प्राप्तास्तास्तु शोकाकुलाः स्त्रियः ।। २४.१० ।।

agnihotram ivābhāti sanniruddhāgnipuṣpakam | daśagrīvavaśaṃ prāptās tās tu śokākulāḥ striyaḥ ||

वह पुष्पक विमान संकुचित अग्नि से युक्त अग्निहोत्र-कुण्ड के समान प्रतीत होता था। दशग्रीव के वश में आई वे शोकाकुल स्त्रियाँ इस प्रकार थीं।

श्लोक 11 (uttara.24.11)

दीनवक्रेक्षणाः श्यामा मृग्यः सिंहवशा इव । काचिच्चिन्तयती तत्र किं नु मां भक्षयिष्यति ।। २४.११ ।।

dīnavakrekṣaṇāḥ śyāmā mṛgyaḥ siṃhavaśā iva | kācic cintayatī tatra kiṃ nu māṃ bhakṣayiṣyati ||

दीन और तिरछी दृष्टि वाली, श्यामवर्णा, सिंह के वश में आई हिरणियों के समान वे स्त्रियाँ थीं। उनमें से एक सोचती - क्या यह मुझे खा जाएगा?

श्लोक 12 (uttara.24.12)

काचिद्दध्यौ सुदुःखार्ता अपि मां मारयेदयम् । इति मातृपितॄन्स्मृत्वा भर्तॄन्भ्रातॄंस्तथैव च । दुःखशोकसमाविष्टा विलेपुः सहिताः स्त्रियः ।। २४.१२ ।।

kācid dadhyau suduḥkhārtā api māṃ mārayed ayam | iti mātṛpitṝn smṛtvā bhartṝn bhrātṝṃs tathaiva ca | duḥkhaśokasamāviṣṭā vilepuḥ sahitāḥ striyaḥ ||

कोई अत्यंत दुःखी स्त्री सोच रही थी - शायद यह मुझे मार ही डालेगा। इस प्रकार अपने माता-पिता, पतियों और भाइयों का स्मरण करते हुए, दुःख और शोक से भरी वे स्त्रियाँ एक साथ विलाप करने लगीं।

श्लोक 13 (uttara.24.13)

कथं नु खलु मे पुत्रो भविष्यति मया विना । कथं माता कथं भ्राता निमग्नाः शोकसागरे ।। २४.१३ ।।

kathaṃ nu khalu me putro bhaviṣyati mayā vinā | kathaṃ mātā kathaṃ bhrātā nimagnāḥ śokasāgare ||

मेरे बिना मेरे पुत्र का क्या होगा? मेरी माता का क्या होगा, मेरे भाई का क्या होगा? - इस प्रकार शोक-सागर में डूबी हुई वे बोलीं।

श्लोक 14 (uttara.24.14)

हा कथं नु करिष्यामि भर्तुस्तस्मादहं विना । मृत्यो प्रसादयामि त्वां नय मां दुःखभागिनीम् ।। २४.१४ ।।

hā kathaṃ nu kariṣyāmi bhartus tasmād ahaṃ vinā | mṛtyo prasādayāmi tvāṃ naya māṃ duḥkhabhāginīm ||

हाय! अपने पति के बिना मैं क्या करूँगी? हे मृत्यु! मैं तुझसे प्रार्थना करती हूँ, इस दुःखिनी को भी ले चल।

श्लोक 15 (uttara.24.15)

किन्नु तद्दुष्कृतं कर्म पुरा देहान्तरे कृतम् ।। २४.१५ ।।

kin nu tad duṣkṛtaṃ karma purā dehāntare kṛtam ||

पूर्वजन्म में मैंने ऐसा कौन-सा पापकर्म किया था?

श्लोक 16 (uttara.24.16)

एवं स्म दुःखिताः सर्वाः पतिताः शोकसागरे । न खल्विदानीं पश्यामो दुःखस्यास्यान्तमात्मनः ।। २४.१६ ।।

evaṃ sma duḥkhitāḥ sarvāḥ patitāḥ śokasāgare | na khalv idānīṃ paśyāmo duḥkhasyāsyāntam ātmanaḥ ||

इस प्रकार वे सभी दुःखी होकर शोक-सागर में डूब गईं - अब हमें अपने इस दुःख का कोई अन्त दिखाई नहीं देता।

श्लोक 17 (uttara.24.17)

अहो धिङ्मानुषं लोकं नास्ति खल्वधमः परः । यद्दुर्बला बलवता भर्तारो रावणेन नः ।। २४.१७ ।।

aho dhiṅ mānuṣaṃ lokaṃ nāsti khalv adhamaḥ paraḥ | yad durbalā balavatā bhartāro rāvaṇena naḥ ||

धिक्कार है इस संसार को! इससे बढ़कर कोई अधम नहीं, कि बलवान रावण ने हमारे निर्बल पतियों को -

श्लोक 18 (uttara.24.18)

सूर्येणोदयता काले नक्षत्राणीव नाशिताः । अहो सुबलवद्रक्षो वधोपायेषु युज्यते ।। २४.१८ ।।

sūryeṇodayatā kāle nakṣatrāṇīva nāśitāḥ | aho subalavad rakṣo vadhopāyeṣu yujyate ||

उदय होते सूर्य के समान, नक्षत्रों को नष्ट करने के समान उन्हें नष्ट कर दिया। अहो, यह अत्यंत बलवान राक्षस वध के उपायों में लगा रहता है!

श्लोक 19 (uttara.24.19)

अहो दुर्वृत्तमास्थाय नात्मानं वैजुगुप्सते । सर्वथा सदृशस्तावद्विक्रमो ऽस्य दुरात्मनः ।। २४.१९ ।।

aho durvṛttam āsthāya nātmānaṃ vaijugupsate | sarvathā sadṛśas tāvad vikramo 'sya durātmanaḥ ||

अहो! ऐसा दुराचार करते हुए भी वह स्वयं को धिक्कारता नहीं है! इस दुरात्मा का पराक्रम तो सर्वथा इसके अनुरूप ही है।

श्लोक 20 (uttara.24.20)

इदं त्वसदृशं कर्म परदाराभिमर्शनम् । यस्मादेष परक्यासु रमते राक्षसाधमः ।। २४.२० ।।

idaṃ tv asadṛśaṃ karma paradārābhimarśanam | yasmād eṣa parakyāsu ramate rākṣasādhamaḥ ||

परन्तु दूसरों की स्त्रियों को छूना, यह कर्म उसके अनुरूप नहीं है। इस निकृष्ट राक्षस ने अन्य पुरुषों की स्त्रियों में जो आसक्ति दिखाई है -

श्लोक 21 (uttara.24.21)

तस्माद्वै स्त्रीकृतेनैव प्राप्स्यते दुर्मतिर्वधम् । सतीभिर्वरनारीभिरेवं वाक्ये ऽभ्युदीरिते ।। २४.२१ ।।

tasmād vai strīkṛtenaiva prāpsyate durmatir vadham | satībhir varanārībhir evaṃ vākye 'bhyudīrite ||

इसी कारण वह दुर्बुद्धि किसी स्त्री के ही निमित्त से वध को प्राप्त होगा। इस प्रकार उन सती और श्रेष्ठ स्त्रियों ने जब यह वाणी कही -

श्लोक 22 (uttara.24.22)

नेदुर्दुन्दुभयः खस्थाः पुष्पवृष्टिः पपात च । शप्तः स्त्रीभिः स तु समं हतौजा इव निष्प्रभः ।। २४.२२ ।।

nedur dundubhayaḥ khasthāḥ puṣpavṛṣṭiḥ papāta ca | śaptaḥ strībhiḥ sa tu samaṃ hataujā iva niṣprabhaḥ ||

आकाश में दुन्दुभियाँ बज उठीं और पुष्पवृष्टि हुई। उन स्त्रियों द्वारा शापित होकर वह मानो तेजहीन और निष्प्रभ हो गया।

श्लोक 23 (uttara.24.23)

पतिव्रताभिः साध्वीभिर्बभूव विमना इव । एवं विलपितं तासां शृण्वन्राक्षसपुङ्गवः । प्रविवेश पुरीं लङ्कां पूज्यमानो निशाचरैः ।। २४.२३ ।।

pativratābhiḥ sādhvībhir babhūva vimanā iva | evaṃ vilapitaṃ tāsāṃ śṛṇvan rākṣasapuṅgavaḥ | praviveśa purīṃ laṅkāṃ pūjyamāno niśācaraiḥ ||

उन पतिव्रता, साध्वी स्त्रियों के इस शाप से वह मानो उदास हो गया। उनके इस विलाप को सुनते हुए वह राक्षस-श्रेष्ठ, निशाचरों द्वारा पूजित होकर लंका नगरी में प्रविष्ट हुआ।

श्लोक 24 (uttara.24.24)

एतस्मिन्नन्तरे घोरा राक्षसी कामरूपिणी । सहसा पतिता भूमौ भगिनी रावणस्य सा ।। २४.२४ ।।

etasminn antare ghorā rākṣasī kāmarūpiṇī | sahasā patitā bhūmau bhaginī rāvaṇasya sā ||

इसी बीच रावण की वह बहन, इच्छानुसार रूप धारण करने वाली भयंकर राक्षसी, अचानक भूमि पर गिर पड़ी।

श्लोक 25 (uttara.24.25)

तां स्वसारं समुत्थाप्य रावणः परिसान्त्वयन् । अब्रवीत्किमिदं भद्रे वक्तुकामा ऽसि मे द्रुतम् ।। २४.२५ ।।

tāṃ svasāraṃ samutthāpya rāvaṇaḥ parisāntvayan | abravīt kim idaṃ bhadre vaktukāmā 'si me drutam ||

अपनी उस बहन को उठाकर, सांत्वना देते हुए रावण ने कहा - हे भद्रे! यह क्या है? तुम मुझे शीघ्र बताना चाहती हो, बताओ।

श्लोक 26 (uttara.24.26)

सा बाष्पपरिरुद्धाक्षी रक्ताक्षी वाक्यमब्रवीत् । कृता ऽस्मि विधवा राजंस्त्वया बलवता बलात् ।। २४.२६ ।।

sā bāṣpaparirudhākṣī raktākṣī vākyam abravīt | kṛtā 'smi vidhavā rājaṃs tvayā balavatā balāt ||

आँसुओं से भरी, लाल नेत्रों वाली उसने कहा - हे राजन्! आप बलशाली के कारण, बलपूर्वक मैं विधवा बना दी गई हूँ।

श्लोक 27 (uttara.24.27)

एते राजंस्त्वया वीरा दैत्या विनिहता रणे । कालकेया इति ख्याताः सहस्राणि चतुर्दश ।। २४.२७ ।।

ete rājaṃs tvayā vīrā daityā vinihatā raṇe | kālakeyā iti khyātāḥ sahasrāṇi caturdaśa ||

हे राजन्! आपने युद्ध में उन चौदह हज़ार वीर दैत्यों का वध किया, जो कालकेय नाम से प्रसिद्ध थे।

श्लोक 28 (uttara.24.28)

प्राणेभ्यो ऽपि गरीयान्मे तत्र भर्ता महाबलः ।। २४.२८ ।।

prāṇebhyo 'pi garīyān me tatra bhartā mahābalaḥ ||

उनमें मेरे प्राणों से भी अधिक प्रिय, महाबली पति भी थे।

श्लोक 29 (uttara.24.29)

सो ऽपि त्वया हतस्तात रिपुणा भ्रातृगृध्नुना । त्वया ऽस्मि निहता राजन्स्वयमेव हि बन्धुना ।। २४.२९ ।।

so 'pi tvayā hatas tāta ripuṇā bhrātṛgṛdhnunā | tvayā 'smi nihatā rājan svayam eva hi bandhunā ||

हे तात! उसे भी आपने, अपने ही भाई के बदले शत्रु समझकर मार डाला। हे राजन्! मैं स्वयं अपने ही बन्धु के द्वारा मारी गई हूँ।

श्लोक 30 (uttara.24.30)

राजन्वैधव्यशब्दं च भोक्ष्यामि त्वत्कृते ह्यहम् । ननु नाम त्वया रक्ष्यो जामाता समरेष्वपि । स त्वया निहतो युद्धे स्वयमेव न लज्जसे ।। २४.३० ।।

rājan vaidhavyaśabdaṃ ca bhokṣyāmi tvatkṛte hy aham | nanu nāma tvayā rakṣyo jāmātā samareṣv api | sa tvayā nihato yuddhe svayam eva na lajjase ||

हे राजन्! अब मैं आपके ही कारण विधवा-नाम भोगूँगी। क्या दामाद को युद्ध में भी आपको बचाना नहीं चाहिए था? उसे आपने ही युद्ध में मार डाला, और आपको इसमें लज्जा भी नहीं आती!

श्लोक 31 (uttara.24.31)

एवमुक्तो दशग्रीवो भगिन्या क्रोशमानया । अब्रवीत्सान्त्वयित्वा तां सामपूर्वमिदं वचः ।। २४.३१ ।।

evam ukto daśagrīvo bhaginyā krośamānayā | abravīt sāntvayitvā tāṃ sāmapūrvam idaṃ vacaḥ ||

अपनी क्रन्दन करती हुई बहन के इन वचनों को सुनकर दशग्रीव ने उसे सांत्वना देते हुए मधुर वचन कहे।

श्लोक 32 (uttara.24.32)

अलं वत्से रुदित्वा ते न भेतव्यं च सर्वशः । दानमानप्रसादैस्त्वां तोषयिष्यामि यत्नतः ।। २४.३२ ।।

alaṃ vatse ruditvā te na bhetavyaṃ ca sarvaśaḥ | dānamānaprasādais tvāṃ toṣayiṣyāmi yatnataḥ ||

बस करो, बेटी, अब रोना बन्द करो, तुम्हें किसी भी बात से डरने की आवश्यकता नहीं। मैं तुम्हें दान, सम्मान और अनुग्रह से यत्नपूर्वक प्रसन्न करूँगा।

श्लोक 33 (uttara.24.33)

युद्धप्रमत्तो व्याक्षिप्तो जयाकाङ्क्षी क्षिपञ्छरान् । नावगच्छामि युद्धेषु स्वान्परान्वाप्यहं शुभे ।। २४.३३ ।।

yuddhapramatto vyākṣipto jayākāṅkṣī kṣipañ charān | nāvagacchāmi yuddheṣu svān parān vāpy ahaṃ śubhe ||

हे शुभे! युद्ध में तल्लीन, विक्षिप्त और विजय की कामना करते हुए बाण चलाते समय, मैं युद्धों में अपने और पराए में भेद नहीं कर पाता।

श्लोक 34 (uttara.24.34)

जामातरं न जाने स्म प्रहरन्युद्धदुर्मदः । तेनासौ निहतः सङ्ख्ये मया भर्ता तव स्वसः ।। २४.३४ ।।

jāmātaraṃ na jāne sma praharan yuddhadurmadaḥ | tenāsau nihataḥ saṅkhye mayā bhartā tava svasaḥ ||

युद्ध के उन्माद में लीन होकर, प्रहार करते समय मैं यह न जान सका कि वह मेरा दामाद है। इसी कारण, हे बहन, तुम्हारा पति मेरे द्वारा युद्ध में मारा गया।

श्लोक 35 (uttara.24.35)

अस्मिन्काले तु यत्प्राप्तं तत्करिष्यामि ते हितम् । भ्रातुरैश्वर्ययुक्तस्य खरस्य वस पार्श्वतः ।। २४.३५ ।।

asmin kāle tu yat prāptaṃ tat kariṣyāmi te hitam | bhrātur aiśvaryayuktasya kharasya vasa pārśvataḥ ||

अभी इस समय जो भी सम्भव होगा, मैं तुम्हारा हित करूँगा। तुम अपने भाई खर के पास, जो ऐश्वर्ययुक्त है, जाकर निवास करो।

श्लोक 36 (uttara.24.36)

चतुर्दशानां भ्राता ते सहस्राणां भविष्यति । प्रभुः प्रयाणे दाने च राक्षसानां महाबलः ।। २४.३६ ।।

caturdaśānāṃ bhrātā te sahasrāṇāṃ bhaviṣyati | prabhuḥ prayāṇe dāne ca rākṣasānāṃ mahābalaḥ ||

तुम्हारा वह भाई चौदह हज़ार राक्षसों का, महाबली स्वामी होगा, जो कूच करने और दान देने में समर्थ है।

श्लोक 37 (uttara.24.37)

तत्र मातृष्वसेयस्ते भ्राता ऽयं वै खरः प्रभुः । भविष्यति तवादेशं सदा कुर्वन्निशाचरः ।। २४.३७ ।।

tatra mātṛsvaseyas te bhrātā 'yaṃ vai kharaḥ prabhuḥ | bhaviṣyati tavādeśaṃ sadā kurvan niśācaraḥ ||

वहाँ यह खर, जो तुम्हारी मौसी का पुत्र और इस प्रकार भाई है, प्रभु होकर सदैव तुम्हारी आज्ञा का पालन करने वाला निशाचर होगा।

श्लोक 38 (uttara.24.38)

शीघ्रं गच्छत्वयं वीरो दण्डकान्परिरक्षितुम् । दूषणो ऽस्य बलाध्यक्षो भविष्यति महाबलः ।। २४.३८ ।।

śīghraṃ gacchatv ayaṃ vīro daṇḍakān parirakṣitum | dūṣaṇo 'sya balādhyakṣo bhaviṣyati mahābalaḥ ||

यह वीर शीघ्र ही दण्डकारण्य की रक्षा के लिए जाएगा, और महाबली दूषण उसका सेनापति होगा।

श्लोक 39 (uttara.24.39)

तत्र ते वचनं शूरः करिष्यति सदा खरः । रक्षसां कामरूपाणां प्रभुरेष भविष्यति ।। २४.३९ ।।

tatra te vacanaṃ śūraḥ kariṣyati sadā kharaḥ | rakṣasāṃ kāmarūpāṇāṃ prabhur eṣa bhaviṣyati ||

वहाँ शूर खर सदैव तुम्हारे वचन का पालन करेगा; वह इच्छानुसार रूप धारण करने वाले राक्षसों का स्वामी होगा।

श्लोक 40 (uttara.24.40)

एवमुक्त्वा दशग्रीवः सैन्यमस्यादिदेश ह । चतुर्दश सहस्राणि रक्षसां वीर्यशालिनाम् ।। २४.४० ।।

evam uktvā daśagrīvaḥ sainyam asyādideśa ha | caturdaśa sahasrāṇi rakṣasāṃ vīryaśālinām ||

ऐसा कहकर दशग्रीव ने उसे चौदह हज़ार पराक्रमी राक्षसों की सेना सौंप दी।

श्लोक 41 (uttara.24.41)

स तैः परिवृतस्सर्वै राक्षसैर्घोरदर्शनैः । आगच्छत खरः शीघ्रं दण्डकानकुतोभयः ।। २४.४१ ।।

sa taiḥ parivṛtas sarvai rākṣasair ghoradarśanaiḥ | āgacchat kharaḥ śīghraṃ daṇḍakān akutobhayaḥ ||

उन सभी भीषण दिखने वाले राक्षसों से घिरा हुआ खर, निर्भय होकर शीघ्र ही दण्डकारण्य की ओर चल पड़ा।

श्लोक 42 (uttara.24.42)

स तत्र कारयामास राज्यं निहतकण्टकम् । सा च शूर्पणखा तत्र न्यवसद्दण्डकावने ।। २४.४२ ।।

sa tatra kārayām āsa rājyaṃ nihatakaṇṭakam | sā ca śūrpaṇakhā tatra nyavasad daṇḍakāvane ||

उसने वहाँ अपना राज्य कण्टकरहित स्थापित किया, और वह शूर्पणखा भी उसी दण्डकावन में जाकर रहने लगी।