इन्द्रजित का वरदान और मधु-रक्षण

श्लोक 1 (uttara.25.1)

स तु दत्त्वा दशग्रीवो वनं घोरं खरस्य तत् । भगिनीं च समाश्वास्य हृष्टः स्वस्थतरो ऽभवत् ।। २५.१ ।।

sa tu dattvā daśagrīvo vanaṃ ghoraṃ kharasya tat | bhaginīṃ ca samāśvāsya hṛṣṭaḥ svasthataro 'bhavat ||

उस भयंकर वन को खर को सौंपकर और अपनी बहन को सांत्वना देकर दशग्रीव प्रसन्न और अधिक स्वस्थचित्त हो गया।

श्लोक 2 (uttara.25.2)

ततो निकुम्भिला नाम लङ्कोपवनमुत्तमम् । तद्राक्षसेन्द्रो बलवान्प्रविवेश सहानुगः ।। २५.२ ।।

tato nikumbhilā nāma laṅkopavanam uttamam | tad rākṣasendro balavān praviveśa sahānugaḥ ||

तब वह बलवान राक्षसराज अपने अनुचरों सहित निकुम्भिला नामक लंका के उस उत्तम उपवन में प्रविष्ट हुआ।

श्लोक 3 (uttara.25.3)

तत्र यूपशताकीर्णं सौम्यचैत्योपशोभितम् । ददर्श विष्ठितं यज्ञं श्रिया सम्प्रज्वलन्निव ।। २५.३ ।।

tatra yūpaśatākīrṇaṃ saumyacaityopaśobhitam | dadarśa viṣṭhitaṃ yajñaṃ śriyā sampravjalann iva ||

वहाँ सैकड़ों यूप-स्तम्भों से भरे, मनोहर चैत्य-वृक्ष से सुशोभित यज्ञ को उसने ऐसे देखा मानो वह अपनी शोभा से प्रज्वलित हो रहा हो।

श्लोक 4 (uttara.25.4)

ततः कृष्णाजिनधरं कमण्डलुशिखाध्वजम् । ददर्श स्वसुतं तत्र मेघनादं भयावहम् ।। २५.४ ।।

tataḥ kṛṣṇājinadharaṃ kamaṇḍaluśikhādhvajam | dadarśa svasutaṃ tatra meghanādaṃ bhayāvaham ||

वहाँ उसने अपने पुत्र मेघनाद को देखा, जो काले मृगचर्म को धारण किए, कमण्डलु और शिखा-ध्वज से युक्त तथा शत्रुओं के लिए भयावह था।

श्लोक 5 (uttara.25.5)

तं समासाद्य लङ्केशः परिष्वज्वाथ बाहुभिः । अब्रवीत्किमिदं वत्स वर्तसे ब्रूहि तत्त्वतः ।। २५.५ ।।

taṃ samāsādya laṅkeśaḥ pariṣvajya atha bāhubhiḥ | abravīt kim idaṃ vatsa vartase brūhi tattvataḥ ||

उसके समीप जाकर लंकेश ने उसे अपनी बाँहों में भर लिया और कहा - बेटा, यह क्या है? मुझे सच-सच बताओ, तुम यह क्या कर रहे हो?

श्लोक 6 (uttara.25.6)

उशना त्वब्रवीत्तत्र यज्ञसम्पत्समृद्धये । रावणं राक्षसश्रेष्ठं द्विजश्रेष्ठो महातपाः ।। २५.६ ।।

uśanā tv abravīt tatra yajñasampatsamṛddhaye | rāvaṇaṃ rākṣasaśreṣṭhaṃ dvijaśreṣṭho mahātapāḥ ||

तब उस यज्ञ की सम्पन्नता के लिए वहाँ उपस्थित द्विजश्रेष्ठ, महातपस्वी उशना ने राक्षसश्रेष्ठ रावण से कहा।

श्लोक 7 (uttara.25.7)

अहमाख्यामि ते राजञ्छ्रूयतां सर्वमेव तत् । यज्ञास्ते सप्त पुत्रेण प्राप्तास्सुबहुविस्तराः ।। २५.७ ।।

aham ākhyāmi te rājañ chrūyatāṃ sarvam eva tat | yajñās te sapta putreṇa prāptās subahuvistarāḥ ||

हे राजन्! मैं आपको सब कुछ बताता हूँ, सुनिए। आपके पुत्र ने विस्तारपूर्वक सात यज्ञ सम्पन्न किए हैं।

श्लोक 8 (uttara.25.8)

अग्निष्टोमो ऽश्वमेधश्च यज्ञो बहुसुवर्णकः । राजसूयस्तथा यज्ञो गोमेधो वैष्णवस्तथा ।। २५.८ ।।

agniṣṭomo 'śvamedhaś ca yajño bahusuvarṇakaḥ | rājasūyas tathā yajño gomedho vaiṣṇavas tathā ||

अग्निष्टोम, अश्वमेध, बहुसुवर्णक यज्ञ, राजसूय यज्ञ, गोमेध और वैष्णव यज्ञ -

श्लोक 9 (uttara.25.9)

माहेश्वरे प्रवृत्ते तु यज्ञे पुम्भिः सुदुर्लभे । वरांस्ते लब्धवान्पुत्रः साक्षात्पशुपतेरिह ।। २५.९ ।।

māheśvare pravṛtte tu yajñe pumbhiḥ sudurlabhe | varāṃs te labdhavān putraḥ sākṣāt paśupater iha ||

- और अब माहेश्वर यज्ञ चल रहा है, जिसे पुरुषों के लिए प्राप्त करना अत्यंत दुर्लभ है। आपके पुत्र ने साक्षात् पशुपति शिव से यहाँ वरदान प्राप्त किए हैं।

श्लोक 10 (uttara.25.10)

कामगं स्यन्दनं दिव्यमन्तरिक्षचरं ध्रुवम् । मायां च तामसीं नाम यया सम्पद्यते तमः ।। २५.१० ।।

kāmagaṃ syandanaṃ divyam antarikṣacaraṃ dhruvam | māyāṃ ca tāmasīṃ nāma yayā sampadyate tamaḥ ||

इच्छानुसार गमन करने वाला, आकाश में स्थिर विचरण करने वाला दिव्य रथ, तथा तामसी नामक माया, जिससे अन्धकार उत्पन्न किया जा सकता है।

श्लोक 11 (uttara.25.11)

एतया किल सङ्ग्रामे मायया राक्षसेश्वर । प्रयुक्तया गतिः शक्या नहि ज्ञातुं सुरासुरैः ।। २५.११ ।।

etayā kila saṅgrāme māyayā rākṣaseśvara | prayuktayā gatiḥ śakyā nahi jñātuṃ surāsuraiḥ ||

हे राक्षसेश्वर! युद्ध में जब यह माया प्रयोग की जाती है, तो देवता और असुर भी उसकी गति को नहीं जान पाते।

श्लोक 12 (uttara.25.12)

अक्षयाविषुधी बाणैश्चापं चापि सुदुर्जयम् । अस्त्रं च बलवद्राजञ्छत्रुविध्वंसनं रणे ।। २५.१२ ।।

akṣayāv iṣudhī bāṇaiś cāpaṃ cāpi sudurjayam | astraṃ ca balavad rājañ chatruvidhvaṃsanaṃ raṇe ||

बाणों से युक्त दो अक्षय तूणीर, अजेय धनुष, तथा हे राजन्! युद्ध में शत्रु का विध्वंस करने वाला एक बलशाली अस्त्र भी उन्हें प्राप्त हुआ है।

श्लोक 13 (uttara.25.13)

एतान्सर्वान्वरांल्लब्ध्वा पुत्रस्ते ऽयं दशानन । अद्य यज्ञसमाप्तौ च त्वां दिदृक्षुस्स्थितो ह्यहम् ।। २५.१३ ।।

etān sarvān varāṃl labdhvā putras te 'yaṃ daśānana | adya yajñasamāptau ca tvāṃ didṛkṣus sthito hy aham ||

हे दशानन! इन सभी वरदानों को प्राप्त कर लिया है आपके इस पुत्र ने। आज यज्ञ की समाप्ति पर मैं भी आपको देखने की इच्छा से यहाँ ठहरा हूँ।

श्लोक 14 (uttara.25.14)

ततो ऽब्रवीदृशग्रीवो न शोभनमिदं कृतम् । पूजिताः शत्रवो यस्माद्द्रव्यैरिन्द्रपुरोगमाः ।। २५.१४ ।।

tato 'bravīd daśagrīvo na śobhanam idaṃ kṛtam | pūjitāḥ śatravo yasmād dravyair indrapurogamāḥ ||

तब दशग्रीव ने कहा - यह जो किया गया है, वह अच्छा नहीं हुआ, क्योंकि इससे इन्द्र आदि शत्रुओं का ही द्रव्यों से पूजन हुआ है।

श्लोक 15 (uttara.25.15)

एहीदानीं कृतं विद्धि सुकृतं तन्न संशयः । आगच्छ सौम्य गच्छामः स्वमेव भवनं प्रति ।। २५.१५ ।।

ehīdānīṃ kṛtaṃ viddhi sukṛtaṃ tan na saṃśayaḥ | āgaccha saumya gacchāmaḥ svam eva bhavanaṃ prati ||

चलो, अब जो हो चुका सो हो चुका, इसमें कोई सन्देह नहीं। हे सौम्य! आओ, हम अपने ही भवन की ओर चलें।

श्लोक 16 (uttara.25.16)

ततो गत्वा दशग्रीवः सपुत्रः सविभीषणः । स्त्रियो ऽवतारयामास सर्वास्ता बाष्पगद्गदाः ।। २५.१६ ।।

tato gatvā daśagrīvaḥ saputraḥ savibhīṣaṇaḥ | striyo 'vatārayām āsa sarvās tā bāṣpagadgadāḥ ||

फिर अपने पुत्र और विभीषण के साथ जाकर, दशग्रीव ने उन सभी अश्रुगद्गद स्त्रियों को विमान से उतार दिया।

श्लोक 17 (uttara.25.17)

लक्षिण्यो रत्नभूताश्च देवदानवरक्षसाम् । तस्य तासु मतिं ज्ञात्वा धर्मत्मा वाक्यमब्रवीत् ।। २५.१७ ।।

lakṣiṇyo ratnabhūtāś ca devadānavarakṣasām | tasya tāsu matiṃ jñātvā dharmātmā vākyam abravīt ||

वे देवताओं, दानवों और राक्षसों की जेवर-रत्न-सी सुन्दर स्त्रियाँ थीं। उन स्त्रियों के प्रति रावण के मन को जानकर, धर्मात्मा विभीषण ने यह वाणी कही।

श्लोक 18 (uttara.25.18)

ईदृशैस्त्वं समाचारैर्यशोर्थकुलनाशनैः । धर्षणं ज्ञातिनां ज्ञात्वा स्वमतेन विचेष्टसे ।। २५.१८ ।।

īdṛśais tvaṃ samācārair yaśorthakulanāśanaiḥ | dharṣaṇaṃ jñātināṃ jñātvā svamatena viceṣṭase ||

आप ऐसे आचरण से, जो यश, अर्थ और कुल का नाशक है, अपनी ही इच्छा से अपने बन्धुओं की भी अवमानना करते हुए ऐसा कर्म कर रहे हैं।

श्लोक 19 (uttara.25.19)

ज्ञातींस्तान्धर्षयित्वेमास्त्वया ऽनीता वराङ्गनाः । त्वामतिक्रम्य मधुना राजन्कुम्भीनसी हृता ।। २५.१९ ।।

jñātīṃs tān dharṣayitvemās tvayā 'nītā varāṅganāḥ | tvām atikramya madhunā rājan kumbhīnasī hṛtā ||

अपने ही बन्धुओं का उल्लंघन कर आप इन उत्तम स्त्रियों को यहाँ ले आए हैं। हे राजन्! आपको भी लांघकर मधु ने कुम्भीनसी का हरण कर लिया है।

श्लोक 20 (uttara.25.20)

रावणस्त्वब्रवीद्वाक्यं नावगच्छामि किं त्विदम् । को ऽयं यस्तु त्वया ऽख्यातो मधुरित्येव नामतः ।। २५.२० ।।

rāvaṇas tv abravīd vākyaṃ nāvagacchāmi kiṃ tv idam | ko 'yaṃ yas tu tvayā 'khyāto madhur ity eva nāmataḥ ||

रावण ने कहा - मैं यह नहीं समझ पाया, यह क्या है? यह कौन है जिसे आपने मधु नाम से पुकारा है?

श्लोक 21 (uttara.25.21)

विभीषणस्तु सङ्क्रुद्धो भ्रातरं वाक्यमब्रवीत् । श्रूयतामस्य पापस्य कर्मणः फलमागतम् ।। २५.२१ ।।

vibhīṣaṇas tu saṅkruddho bhrātaraṃ vākyam abravīt | śrūyatām asya pāpasya karmaṇaḥ phalam āgatam ||

विभीषण ने क्रुद्ध होकर अपने भाई से कहा - सुनिए, इस पापी के कर्म का फल आ पहुँचा है।

श्लोक 22 (uttara.25.22)

मातामहस्य यो भ्राता ज्येष्ठो भ्राता सुमालिनः । माल्यवानिति विख्यातो वृद्धः प्राज्ञो निशाचरः ।। २५.२२ ।।

mātāmahasya yo bhrātā jyeṣṭho bhrātā sumālinaḥ | mālyavān iti vikhyāto vṛddhaḥ prājño niśācaraḥ ||

हमारे नाना सुमाली के भाई, जो उनसे बड़े थे, माल्यवान नाम से प्रसिद्ध, वृद्ध और प्राज्ञ निशाचर थे।

श्लोक 23 (uttara.25.23)

पिता ज्येष्ठो जनन्या नो ह्यस्माकं चार्यको ऽभवत् । तस्य कुम्भीनसी नाम दुहितुर्दुहिता ऽभवत् ।। २५.२३ ।।

pitā jyeṣṭho jananyā no hy asmākaṃ cāryako 'bhavat | tasya kumbhīnasī nāma duhitur duhitā 'bhavat ||

वे हमारी माता के पिता के भी बड़े भाई थे, अर्थात् हमारे 'आर्यक'। उन्हीं की पुत्री की पुत्री कुम्भीनसी नाम की थी।

श्लोक 24 (uttara.25.24)

मातृष्वसुरथास्माकं सा च कन्या ऽनलोद्भवा । भवत्यस्माकमेवैषा भ्रातृणां धर्मतः स्वसा ।। २५.२४ ।।

mātṛsvasur athāsmākaṃ sā ca kanyā 'nalodbhavā | bhavaty asmākam evaiṣā bhrātṛṇāṃ dharmataḥ svasā ||

वह हमारी मौसी की पुत्री है, और अग्नि-कुण्ड से उत्पन्न भी है; इस प्रकार वह धर्मतः हम भाइयों की बहन है।

श्लोक 25 (uttara.25.25)

सा हृता मधुना राजन्राक्षसेन बलीयसा । यज्ञप्रवृत्ते पुत्रे तु मयि चान्तर्जलोषिते ।। २५.२५ ।।

sā hṛtā madhunā rājan rākṣasena balīyasā | yajñapravṛtte putre tu mayi cāntarjaloṣite ||

हे राजन्! उस बलशाली राक्षस मधु ने उसका हरण कर लिया, जब आपका पुत्र यज्ञ में लगा था और मैं जल के भीतर तपस्या में लीन था।

श्लोक 26 (uttara.25.26)

कुम्भकर्णे महाराज निद्रामनुभवत्यथ । निहत्य राक्षसश्रेष्ठानमात्यानिह सम्मतान् ।। २५.२६ ।।

kumbhakarṇe mahārāja nidrām anubhavaty atha | nihatya rākṣasaśreṣṭhān amātyān iha sammatān ||

और हे महाराज! कुम्भकर्ण भी उस समय निद्रा में लीन थे। यहाँ के सम्मानित मन्त्रियों और श्रेष्ठ राक्षसों का वध कर -

श्लोक 27 (uttara.25.27)

धर्षयित्वा हृता सा तु सुप्ताप्यन्तःपुरे तव । श्रुत्वा ऽपि तन्महाराज क्षान्तमेव हतो न सः ।। २५.२७ ।।

dharṣayitvā hṛtā sā tu suptāpy antaḥpure tava | śrutvā 'pi tan mahārāja kṣāntam eva hato na saḥ ||

- उसने उसे बलपूर्वक हर लिया, जब वह आपके ही अन्तःपुर में सो रही थी। हे महाराज! यह सब सुनकर भी उसे क्षमा ही किया गया, मारा नहीं गया।

श्लोक 28 (uttara.25.28)

यस्मादवश्यं दातव्या कन्या भर्त्रे हि भ्रातृभिः । तदेतत्कर्मणो ह्यस्य फलं पापस्य दुर्मते ।। २५.२८ ।।

yasmād avaśyaṃ dātavyā kanyā bhartre hi bhrātṛbhiḥ | tad etat karmaṇo hy asya phalaṃ pāpasya durmate ||

चूँकि कन्या को उसके भाइयों द्वारा उसके पति को अवश्य ही सौंपा जाना चाहिए था। हे दुर्बुद्धे! यही उस पापकर्म का फल है।

श्लोक 29 (uttara.25.29)

अस्मिन्नेवाभिसम्प्राप्तं लोके विदितमस्तु ते । विभीषणवचः श्रुत्वा राक्षसेन्द्रः स रावणः । दौरात्म्येनात्मनोद्धूतस्तप्ताम्भ इव सागरः ।। २५.२९ ।।

asminn evābhisamprāptaṃ loke viditam astu te | vibhīṣaṇavacaḥ śrutvā rākṣasendraḥ sa rāvaṇaḥ | daurātmyenātmanoddhūtas taptāmbha iva sāgaraḥ ||

यह सब इसी लोक में आपको प्राप्त हो गया, यह जान लीजिए। विभीषण के इन वचनों को सुनकर राक्षसराज रावण अपनी ही दुष्टता से क्षुब्ध होकर, तप्त जल से क्षुब्ध सागर के समान हो उठा।

श्लोक 30 (uttara.25.30)

ततो ऽब्रवीदृशग्रीवः क्रुद्धः संरक्तलोचनः । कल्प्यतां मे रथः शीघ्रं शूराः सज्जीभवन्तु नः ।। २५.३० ।।

tato 'bravīd daśagrīvaḥ kruddhaḥ saṃraktalocanaḥ | kalpyatāṃ me rathaḥ śīghraṃ śūrāḥ sajjībhavantu naḥ ||

तब क्रुद्ध और रक्तनेत्र दशग्रीव ने कहा - मेरा रथ शीघ्र तैयार करो, हमारे शूरवीर सन्नद्ध हो जाएँ।

श्लोक 31 (uttara.25.31)

भ्राता मे कुम्भकर्णश्च ये च मुख्या निशाचराः । वाहनान्यधिरोहन्तु नानाप्रहरणायुधाः ।। २५.३१ ।।

bhrātā me kumbhakarṇaś ca ye ca mukhyā niśācarāḥ | vāhanāny adhirohantu nānāpraharaṇāyudhāḥ ||

मेरा भाई कुम्भकर्ण और अन्य प्रमुख निशाचर विविध शस्त्रास्त्रों से सुसज्जित होकर अपने-अपने वाहनों पर सवार हों।

श्लोक 32 (uttara.25.32)

अद्य तं समरे हत्वा मधुं रावणनिर्भयम् । सुरलोकं गमिष्यामि युद्धकाङ्क्षी सुहृद्वृतः ।। २५.३२ ।।

adya taṃ samare hatvā madhuṃ rāvaṇanirbhayam | suralokaṃ gamiṣyāmi yuddhakāṅkṣī suhṛdvṛtaḥ ||

आज उस मधु को, जो रावण से भी निर्भय होकर विचरता है, युद्ध में मारकर, अपने मित्रों से घिरा हुआ, युद्ध की कामना करते हुए मैं देवलोक को भी जीतने चलूँगा।

श्लोक 33 (uttara.25.33)

अक्षौहिणीसहस्राणि चत्वार्यग्र्याणि रक्षसाम् । नानाप्रहरणान्याशु निर्ययुर्युद्धकाङ्क्षिणाम् ।। २५.३३ ।।

akṣauhiṇīsahasrāṇi catvāry agryāṇi rakṣasām | nānāpraharaṇāny āśu niryayur yuddhakāṅkṣiṇām ||

राक्षसों की चार सर्वश्रेष्ठ अक्षौहिणी सेनाएँ, युद्ध की कामना करती हुई और विविध शस्त्रों से सुसज्जित, शीघ्र ही निकल पड़ीं।

श्लोक 34 (uttara.25.34)

इन्द्रजित्त्वग्रतः सैन्यात्सैनिकान्परिगृह्य च । जगाम रावणो मध्ये कुम्भकर्णश्च पृष्ठतः ।। २५.३४ ।।

indrajit tv agrataḥ sainyāt sainikān parigṛhya ca | jagāma rāvaṇo madhye kumbhakarṇaś ca pṛṣṭhataḥ ||

इन्द्रजित सैनिकों को लेकर सेना के आगे चला, रावण बीच में गया, और कुम्भकर्ण पीछे की ओर।

श्लोक 35 (uttara.25.35)

विभीषणश्च धर्मात्मा लङ्कायां धर्मामाचरत् । शोषाः सर्वे महाभागा ययुर्मधुपुरं प्रति ।। २५.३५ ।।

vibhīṣaṇaś ca dharmātmā laṅkāyāṃ dharmam ācarat | śeṣāḥ sarve mahābhāgā yayur madhupuraṃ prati ||

धर्मात्मा विभीषण लंका में ही रहकर धर्माचरण करते रहे; शेष सभी महाभाग्यशाली योद्धा मधुपुरी की ओर चल पड़े।

श्लोक 36 (uttara.25.36)

खरैरुष्ट्रैर्हयैर्दीप्तैः शिंशुमारैर्महोरगैः । राक्षसाः प्रययुः सर्वे कृत्वा ऽकाशं निरन्तरम् ।। २५.३६ ।।

kharair uṣṭrair hayair dīptaiḥ śiṃśumārair mahoragaiḥ | rākṣasāḥ prayayuḥ sarve kṛtvā 'kāśaṃ nirantaram ||

गधों, ऊँटों, तेजस्वी घोड़ों, मगरमच्छों और महानागों पर सवार होकर, सभी राक्षस आकाश को भरते हुए चल पड़े।

श्लोक 37 (uttara.25.37)

दैत्याश्च शतशस्तत्र कृतवैराश्च दैवतैः । रावणं प्रेक्ष्य गच्छन्तमन्वगच्छन्हि पृष्ठतः ।। २५.३७ ।।

daityāś ca śataśas tatra kṛtavairāś ca daivataiḥ | rāvaṇaṃ prekṣya gacchantam anvagacchan hi pṛṣṭhataḥ ||

वहाँ देवताओं से शत्रुता रखने वाले सैकड़ों दैत्य भी, रावण को जाते देखकर, उसके पीछे-पीछे चल पड़े।

श्लोक 38 (uttara.25.38)

स तु गत्वा मधुपुरं प्रविश्य च दशाननः । न ददर्श मधुं तत्र भगिनीं तत्र दृष्टवान् ।। २५.३८ ।।

sa tu gatvā madhupuraṃ praviśya ca daśānanaḥ | na dadarśa madhuṃ tatra bhaginīṃ tatra dṛṣṭavān ||

वह दशानन मधुपुरी जाकर, नगर में प्रवेश कर, वहाँ मधु को तो नहीं देख पाया, परन्तु अपनी बहन को अवश्य देखा।

श्लोक 39 (uttara.25.39)

सा च प्रह्वाञ्जलिर्भूत्वा शिरसा चरणौ गता ।। २५.३९ ।।

sā ca prahvāñjalir bhūtvā śirasā caraṇau gatā ||

वह हाथ जोड़े, विनम्र होकर, अपने सिर को उसके चरणों में झुकाकर आई।

श्लोक 40 (uttara.25.40)

तस्य राक्षसराजस्य त्रस्ता कुम्भीनसी तदा । तां समुत्थापयामास न भेतव्यमिति ब्रुवन् ।। २५.४० ।।

tasya rākṣasarājasya trastā kumbhīnasī tadā | tāṃ samutthāpayām āsa na bhetavyam iti bruvan ||

उस राक्षसराज के समक्ष भयभीत कुम्भीनसी को उसने उठाकर कहा - डरने की आवश्यकता नहीं है।

श्लोक 41 (uttara.25.41)

रावणो राक्षसश्रेष्ठः किं चापि करवाणि ते । साब्रवीद्यदि मे राजन्प्रसन्नस्त्वं महाभुज । भर्तारं न ममेहाद्य हन्तुमर्हसि मानद ।। २५.४१ ।।

rāvaṇo rākṣasaśreṣṭhaḥ kiṃ cāpi karavāṇi te | sābravīd yadi me rājan prasannas tvaṃ mahābhuja | bhartāraṃ na mamehādya hantum arhasi mānada ||

राक्षसश्रेष्ठ रावण ने कहा - मैं तुम्हारे लिए क्या करूँ? उसने कहा - हे राजन्! हे महाबाहु! यदि आप मुझसे प्रसन्न हैं, तो हे मानद! आज आप मेरे पति का वध न करें।

श्लोक 42 (uttara.25.42)

न हीदृशं भयं किञ्चित्कुलस्त्रीणामिहोच्यते । भयानामपि सर्वेषां वैधव्यं व्यसनं महत् ।। २५.४२ ।।

na hīdṛśaṃ bhayaṃ kiñcit kulastrīṇām ihocyate | bhayānām api sarveṣāṃ vaidhavyaṃ vyasanaṃ mahat ||

कुलवती स्त्रियों के लिए इससे बढ़कर कोई भय नहीं कहा जाता; सभी भयों में विधवा होना ही सबसे बड़ी विपत्ति है।

श्लोक 43 (uttara.25.43)

सत्यवाग्भव राजेन्द्र मामवेक्षस्व याचतीम् । त्वयाप्युक्तं महाराज न भेतव्यमिति स्वयम् ।। २५.४३ ।।

satyavāg bhava rājendra mām avekṣasva yācatīm | tvayāpy uktaṃ mahārāja na bhetavyam iti svayam ||

हे राजेन्द्र! अपनी वाणी को सत्य कीजिए, इस याचना करती हुई मुझ पर दृष्टि रखिए। हे महाराज! आपने भी अभी स्वयं कहा था कि डरने की आवश्यकता नहीं है।

श्लोक 44 (uttara.25.44)

रावणस्त्वब्रवीद्धृष्टः स्वसारं तत्र संस्थिताम् । क्व चासौ तव भर्ता वै मम शीघ्रं निवेद्यताम् ।। २५.४४ ।।

rāvaṇas tv abravīd dhṛṣṭaḥ svasāraṃ tatra saṃsthitām | kva cāsau tava bhartā vai mama śīghraṃ nivedyatām ||

रावण ने प्रसन्न होकर वहाँ खड़ी अपनी बहन से कहा - तुम्हारा वह पति कहाँ है? मुझे शीघ्र बताओ।

श्लोक 45 (uttara.25.45)

सह तेन गमिष्यामि सुरलोकं जयावहे । तव कारुण्यसौहार्दान्निवृत्तो ऽस्मि मधोर्वधात् ।। २५.४५ ।।

saha tena gamiṣyāmi suralokaṃ jayāvahe | tava kāruṇyasauhārdān nivṛtto 'smi madhor vadhāt ||

मैं उसी के साथ देवलोक जीतने के लिए चलूँगा। तुम्हारे स्नेह और करुणा के कारण ही मैंने मधु के वध का विचार त्याग दिया है।

श्लोक 46 (uttara.25.46)

इत्युक्ता सा समुत्थाप्य प्रसुप्तं तं निशाचरम् । अब्रवीत्सम्प्रहृष्टेव राक्षसी सा पतिं वचः ।। २५.४६ ।।

ity uktā sā samutthāpya prasuptaṃ taṃ niśācaram | abravīt samprahṛṣṭeva rākṣasī sā patiṃ vacaḥ ||

यह सुनकर वह राक्षसी प्रसन्न होकर, अपने सोए हुए पति उस निशाचर को जगाकर, यह वचन कहने लगी।

श्लोक 47 (uttara.25.47)

एष प्राप्तो दशग्रीवो मम भ्राता महाबलः । सुरलोकजयाकाङ्क्षी साहाय्ये त्वां वृणोति च ।। २५.४७ ।।

eṣa prāpto daśagrīvo mama bhrātā mahābalaḥ | suralokajayākāṅkṣī sāhāyye tvāṃ vṛṇoti ca ||

यह मेरे महाबली भाई दशग्रीव यहाँ आए हैं। देवलोक पर विजय की कामना रखते हुए, वे आपको अपने सहायक के रूप में चाहते हैं।

श्लोक 48 (uttara.25.48)

तदस्य त्वं सहायार्थं सबन्धुर्गच्छ राक्षस । स्निग्धस्य भजमानस्य युक्तमर्थाय कल्पितुम् ।। २५.४८ ।।

tad asya tvaṃ sahāyārthaṃ sabandhur gaccha rākṣasa | snigdhasya bhajamānasya yuktam arthāya kalpitum ||

अतः हे राक्षस! आप अपने बन्धुओं सहित उनकी सहायता के लिए जाइए। जो स्नेहपूर्वक हमारी शरण में आया है, उसका हित करना उचित ही है।

श्लोक 49 (uttara.25.49)

तस्यास्तद्वचनं श्रुत्वा तथेत्याह मधुर्वचः ।। २५.४९ ।।

tasyās tad vacanaṃ śrutvā tathety āha madhur vacaḥ ||

उसकी यह बात सुनकर मधु ने ऐसा ही हो कहकर उत्तर दिया।

श्लोक 50 (uttara.25.50)

ददर्श राक्षसश्रेष्ठं यथान्यायमुपेत्य सः । पूजयमास धर्मेण रावणं राक्षसाधिपम् ।। २५.५० ।।

dadarśa rākṣasaśreṣṭhaṃ yathānyāyam upetya saḥ | pūjayām āsa dharmeṇa rāvaṇaṃ rākṣasādhipam ||

वह विधिपूर्वक उस राक्षसश्रेष्ठ के समीप गया और राक्षसाधिप रावण का यथोचित सम्मान से पूजन किया।

श्लोक 51 (uttara.25.51)

प्राप्य पूजां दशग्रीवो मधुवेश्मानि वीर्यवान् । तत्र चैकां निशामुष्य गमनायोपचक्रमे ।। २५.५१ ।।

prāpya pūjāṃ daśagrīvo madhuveśmāni vīryavān | tatra caikāṃ niśām uṣya gamanāyopacakrame ||

उस पराक्रमी दशग्रीव ने मधु के भवन में सम्मान प्राप्त किया, और वहाँ एक रात्रि बिताकर आगे प्रस्थान करने की तैयारी की।

श्लोक 52 (uttara.25.52)

ततः कैलासमासाद्य शैलं वैश्रवणालयम् । राक्षसेन्द्रो महेन्द्राभः सेनामुपनिवेशयत् ।। २५.५२ ।।

tataḥ kailāsam āsādya śailaṃ vaiśravaṇālayam | rākṣasendro mahendrābhaḥ senām upaniveśayat ||

तब कैलास पर्वत पर, जो वैश्रवण कुबेर का निवास-स्थान था, पहुँचकर, महेन्द्र के समान तेजस्वी राक्षसराज ने अपनी सेना का पड़ाव डाला।