रावण-इन्द्र संग्राम

श्लोक 1 (uttara.28.1)

सुमालिनं हतं दृष्ट्वा वसुना भस्मसात्कृतम्। स्वसैन्यं विद्रुतं चापि लक्षयित्वा ऽर्दितं सुरैः ॥ 28.1 ॥

sumālinaṃ hataṃ dṛṣṭvā vasunā bhasmasātkṛtam| svasainyaṃ vidrutaṃ cāpi lakṣayitvā 'rditaṃ suraiḥ || 28.1 ||

सुमाली को वसु द्वारा मारा गया और भस्म किया गया देखकर, तथा अपनी सेना को भी देवताओं से पीड़ित होकर भागती हुई देखकर,

श्लोक 2 (uttara.28.2)

ततः स बलवान्क्रुद्धो रावणस्य सुतस्तदा। निवर्त्य राक्षसान्सर्वान्मेघनादो व्यवस्थितः ॥ 28.2 ॥

tataḥ sa balavānkruddho rāvaṇasya sutastadā| nivartya rākṣasānsarvānmeghanādo vyavasthitaḥ || 28.2 ||

तब वह बलवान्, क्रुद्ध रावण-पुत्र मेघनाद, समस्त राक्षसों को लौटाकर, वहाँ डट गया।

श्लोक 3 (uttara.28.3)

सुरथेनाग्निवर्णेन कामगेन महारथः। अभिदुद्राव सेनां तां वनान्यग्निरिव ज्वलन् ॥ 28.3 ॥

surathenāgnivarṇena kāmagena mahārathaḥ| abhidudrāva senāṃ tāṃ vanānyagniriva jvalan || 28.3 ||

वह महारथी अपने अग्नि के समान वर्ण वाले, इच्छानुसार गति करने वाले उत्तम रथ में, उस सेना पर इस प्रकार टूट पड़ा, जैसे जलती हुई अग्नि वनों पर टूट पड़ती है।

श्लोक 4 (uttara.28.4)

ततः प्रविशतस्तस्य विविधायुधधारिणः। विदुद्रुवुर्दिशः सर्वा दर्शनादेव देवताः ॥ 28.4 ॥

tataḥ praviśatastasya vividhāyudhadhāriṇaḥ| vidudruvurdiśaḥ sarvā darśanādeva devatāḥ || 28.4 ||

नाना प्रकार के शस्त्रों को धारण किए हुए उसके आगे बढ़ते ही, देवता उसे देखते ही सभी दिशाओं में भाग खड़े हुए।

श्लोक 5 (uttara.28.5)

न बभूव तदा कश्चिद्युयुत्सोरस्य सम्मुखे। सर्वानाविद्ध्य वित्रस्तांस्ततः शक्रो ऽब्रवीत्सुरान् ॥ 28.5 ॥

na babhūva tadā kaścidyuyutsorasya sammukhe| sarvānāviddhya vitrastāṃstataḥ śakro 'bravītsurān || 28.5 ||

उस युद्धेच्छुक के सम्मुख उस समय कोई भी टिक न सका; सबको भयभीत होकर भागते देख, तब शक्र ने देवताओं से कहा —

श्लोक 6 (uttara.28.6)

न भेतव्यं न गन्तव्यं निवर्तध्वं रणे सुराः। एष गच्छति पुत्रो मे युद्धार्थमपराजितः ॥ 28.6 ॥

na bhetavyaṃ na gantavyaṃ nivartadhvaṃ raṇe surāḥ| eṣa gacchati putro me yuddhārthamaparājitaḥ || 28.6 ||

"हे देवताओ! भयभीत होने की आवश्यकता नहीं, भागने की आवश्यकता नहीं; युद्ध की ओर लौट आओ। यह तो मेरा ही पुत्र, अपराजित, युद्ध के लिए आगे बढ़ रहा है।"

श्लोक 7 (uttara.28.7)

ततः शक्रसुतो देवो जयन्त इति विश्रुतः। रथेनाद्भुतकल्पेन सङ्ग्रामे सो ऽभ्यवर्तत ॥ 28.7 ॥

tataḥ śakrasuto devo jayanta iti viśrutaḥ| rathenādbhutakalpena saṅgrāme so 'bhyavartata || 28.7 ||

तब शक्र के पुत्र, जयन्त नाम से विख्यात देव, अपने अद्भुत रथ पर आरूढ़ होकर उस संग्राम में आगे बढ़े।

श्लोक 8 (uttara.28.8)

ततस्ते त्रिदशाः सर्वे परिवार्य शचीसुतम्। रावणस्य सुतं युद्धे समासाद्य प्रजघ्निरे ॥ 28.8 ॥

tataste tridaśāḥ sarve parivārya śacīsutam| rāvaṇasya sutaṃ yuddhe samāsādya prajaghnire || 28.8 ||

तब सभी देवता शचीपुत्र (जयन्त) को घेरकर, युद्ध में रावणपुत्र (मेघनाद) से भिड़कर उस पर प्रहार करने लगे।

श्लोक 9 (uttara.28.9)

तेषां युद्धं समभवत्सदृशं देवरक्षसाम्। महेन्द्रस्य च पुत्रस्य राक्षसेन्द्रसुतस्य च ॥ 28.9 ॥

teṣāṃ yuddhaṃ samabhavatsadṛśaṃ devarakṣasām| mahendrasya ca putrasya rākṣasendrasutasya ca || 28.9 ||

उन दोनों के बीच — महेन्द्र के पुत्र और राक्षसराज के पुत्र के बीच — देवताओं और राक्षसों दोनों के योग्य युद्ध हुआ।

श्लोक 10 (uttara.28.10)

ततो मातलिपुत्रे तु गोमुखे राक्षसात्मजः। सारथौ पातयामास शरान्कनकभूषणान् ॥ 28.10 ॥

tato mātaliputre tu gomukhe rākṣasātmajaḥ| sārathau pātayāmāsa śarānkanakabhūṣaṇān || 28.10 ||

तब उस राक्षसपुत्र ने मातलि-पुत्र गोमुख पर, जो सारथी था, स्वर्ण-भूषित बाणों की वर्षा की।

श्लोक 11 (uttara.28.11)

शचीसुतश्चापि तथा जयन्तस्तस्य सारथिम्। तं चापि रावणिः क्रुद्धः समन्तात्प्रत्यविध्यत ॥ 28.11 ॥

śacīsutaścāpi tathā jayantastasya sārathim| taṃ cāpi rāvaṇiḥ kruddhaḥ samantātpratyavidhyata || 28.11 ||

और शचीपुत्र जयन्त ने भी उसके सारथी को उसी प्रकार आहत किया; क्रुद्ध रावणि ने भी उसे चारों ओर से प्रत्युत्तर में बींध दिया।

श्लोक 12 (uttara.28.12)

स हि क्रोधसमाविष्टो बली विस्फारितेक्षणः। रावणिः शक्रतनयं शरवर्षैरवाकिरत् ॥ 28.12 ॥

sa hi krodhasamāviṣṭo balī visphāritekṣaṇaḥ| rāvaṇiḥ śakratanayaṃ śaravarṣairavākirat || 28.12 ||

वह बलशाली रावणि, क्रोध से भरा हुआ और नेत्रों को विस्फारित किए हुए, शक्रपुत्र पर बाणों की वर्षा करने लगा।

श्लोक 13 (uttara.28.13)

ततो नानाप्रहरणाञ्छितधारान्सहस्रशः। पातयामास सङ्क्रुद्धः सुरसैन्येषु रावणिः ॥ 28.13 ॥

tato nānāpraharaṇāñchitadhārānsahasraśaḥ| pātayāmāsa saṅkruddhaḥ surasainyeṣu rāvaṇiḥ || 28.13 ||

तब अत्यन्त क्रुद्ध रावणि ने नाना प्रकार के तीक्ष्ण-धार शस्त्रों की सहस्रों की संख्या में देव-सेनाओं पर वर्षा की।

श्लोक 14 (uttara.28.14)

शतघ्नीमुसलप्रासगदाखड्गपरश्वधान्। महान्ति गिरिशृङ्गाणि पातयामास रावणिः ॥ 28.14 ॥

śataghnīmusalaprāsagadākhaḍgaparaśvadhān| mahānti giriśṛṅgāṇi pātayāmāsa rāvaṇiḥ || 28.14 ||

रावणि ने शतघ्नियाँ, मूसल, प्रास, गदा, खड्ग और परशु, तथा विशाल पर्वत-शिखर भी वहाँ गिराए।

श्लोक 15 (uttara.28.15)

ततः प्रव्यथिता लोकाः सञ्जज्ञे च तमो ऽभवत्। तस्य रावणपुत्रस्य शत्रुसैन्यानि निघ्नतः ॥ 28.15 ॥

tataḥ pravyathitā lokāḥ sañjajñe ca tamo 'bhavat| tasya rāvaṇaputrasya śatrusainyāni nighnataḥ || 28.15 ||

तब उस रावणपुत्र द्वारा शत्रु-सेनाओं का संहार किए जाने पर, सारे लोक अत्यन्त व्याकुल हो उठे और अन्धकार छा गया।

श्लोक 16 (uttara.28.16)

ततस्तद्दैवतबलं समन्तात्तं शचीसुतम्। बहुप्रकारमस्वस्थमभवच्छरपीडितम् ॥ 28.16 ॥

tatastaddaivatabalaṃ samantāttaṃ śacīsutam| bahuprakāramasvasthamabhavaccharapīḍitam || 28.16 ||

तब शचीपुत्र के चारों ओर की वह देव-सेना, बाणों से पीड़ित होकर, नाना प्रकार से व्याकुल हो गई।

श्लोक 17 (uttara.28.17)

नाभ्यजानन्त चान्योन्यं रक्षो वा देवता ऽथवा। तत्र तत्र विपर्यस्तं समन्तात्परिधावति ॥ 28.17 ॥

nābhyajānanta cānyonyaṃ rakṣo vā devatā 'thavā| tatra tatra viparyastaṃ samantātparidhāvati || 28.17 ||

कोई भी परस्पर एक-दूसरे को नहीं पहचान पा रहा था — कि कौन राक्षस है और कौन देवता; सब उलट-पुलटकर इधर-उधर चारों ओर दौड़ने लगे।

श्लोक 18 (uttara.28.18)

देवा देवान्निजघ्नुस्ते राक्षसान्राक्षसास्तथा। सम्मूढास्तमसाच्छन्ना व्यद्रवन्नपरे तथा ॥ 28.18 ॥

devā devānnijaghnuste rākṣasānrākṣasāstathā| sammūḍhāstamasācchannā vyadravannapare tathā || 28.18 ||

देवता देवताओं को ही मारने लगे, और राक्षस राक्षसों को; अन्धकार से आच्छादित होकर मोहग्रस्त हुए अन्य लोग भाग खड़े हुए।

श्लोक 19 (uttara.28.19)

एतस्मिन्नन्तरे वीरः पुलोमा नाम वीर्यवान्। दैत्येन्द्रस्तेन सङ्गृह्य शचीपुत्रो ऽपवाहितः ॥ 28.19 ॥

etasminnantare vīraḥ pulomā nāma vīryavān| daityendrastena saṅgṛhya śacīputro 'pavāhitaḥ || 28.19 ||

इसी बीच पुलोमा नामक वीर्यवान् दैत्येन्द्र ने शचीपुत्र (जयन्त) को पकड़कर वहाँ से उठा ले गया।

श्लोक 20 (uttara.28.20)

सङ्गृह्य तं तु दौहित्रं प्रविष्टः सागरं तदा। आर्यकः स हि तस्यासीत्पुलोमा येन सा शची ॥ 28.20 ॥

saṅgṛhya taṃ tu dauhitraṃ praviṣṭaḥ sāgaraṃ tadā| āryakaḥ sa hi tasyāsītpulomā yena sā śacī || 28.20 ||

अपने ही दौहित्र को पकड़कर वह तब समुद्र में प्रविष्ट हो गया; क्योंकि वह पुलोमा उसका मातामह ही था — जिससे शची उत्पन्न हुई थीं।

श्लोक 21 (uttara.28.21)

ज्ञात्वा प्रणाशं तु तदा जयन्तस्याथ देवताः। अप्रहृष्टास्ततः सर्वा व्यथिताः सम्प्रदुद्रुवुः ॥ 28.21 ॥

jñātvā praṇāśaṃ tu tadā jayantasyātha devatāḥ| aprahṛṣṭāstataḥ sarvā vyathitāḥ sampradudruvuḥ || 28.21 ||

तब जयन्त के इस प्रकार लुप्त हो जाने की बात जानकर, समस्त देवता अप्रसन्न और व्यथित होकर भाग खड़े हुए।

श्लोक 22 (uttara.28.22)

रावणिस्त्वथ सङ्क्रुद्धो बलैः परिवृतः स्वकैः। अभ्यधावत देवांस्तान्मुमोच च महास्वनम् ॥ 28.22 ॥

rāvaṇistvatha saṅkruddho balaiḥ parivṛtaḥ svakaiḥ| abhyadhāvata devāṃstānmumoca ca mahāsvanam || 28.22 ||

तब रावणि, क्रुद्ध होकर, अपनी सेनाओं से घिरा हुआ, उन देवताओं पर टूट पड़ा और महान् गर्जना करने लगा।

श्लोक 23 (uttara.28.23)

दृष्ट्वा प्रणाशं पुत्रस्य दैवतेषु च विद्रुतम्। मातलिं चाह देवेशो रथः समुपनीयताम् ॥ 28.23 ॥

dṛṣṭvā praṇāśaṃ putrasya daivateṣu ca vidrutam| mātaliṃ cāha deveśo rathaḥ samupanīyatām || 28.23 ||

अपने पुत्र की उस अनिष्ट-सूचक अवस्था और देवताओं के भाग जाने को देखकर, देवेश ने मातलि से कहा — "मेरा रथ ले आओ।"

श्लोक 24 (uttara.28.24)

स तु दिव्यो महाभीमः सज्ज एव महारथः। उपस्थितो मातलिना वाह्यमानो महाजवः ॥ 28.24 ॥

sa tu divyo mahābhīmaḥ sajja eva mahārathaḥ| upasthito mātalinā vāhyamāno mahājavaḥ || 28.24 ||

वह दिव्य, अत्यन्त भयंकर, तैयार खड़ा हुआ महान् रथ मातलि द्वारा तुरन्त ले आया गया, जो अत्यन्त वेग से चलने वाला था।

श्लोक 25 (uttara.28.25)

ततो मेघा रथे तस्मिंस्तडित्त्वन्तो महाबलाः। अग्रतो वायुचपला नेदुः परमनिःस्वनाः ॥ 28.25 ॥

tato meghā rathe tasmiṃstaḍittvanto mahābalāḥ| agrato vāyucapalā neduḥ paramaniḥsvanāḥ || 28.25 ||

तब उस रथ के आगे-आगे, वायु के समान चंचल, विद्युत्युक्त, महाबली मेघ अत्यन्त गम्भीर स्वर में गरजने लगे।

श्लोक 26 (uttara.28.26)

नानावाद्यानि वाद्यन्त गन्धर्वाश्च समाहिताः। ननृतुश्चाप्सरःसङ्घा निर्याते त्रिदशेश्वरे ॥ 28.26 ॥

nānāvādyāni vādyanta gandharvāśca samāhitāḥ| nanṛtuścāpsaraḥsaṅghā niryāte tridaśeśvare || 28.26 ||

नाना प्रकार के वाद्य बज उठे, गन्धर्व एकाग्रचित्त होकर बजाने लगे, और देवताओं के स्वामी के प्रस्थान करते ही अप्सराओं के समूह नृत्य करने लगे।

श्लोक 27 (uttara.28.27)

रुद्रैर्वसुभिरादित्यैस्साध्यैश्च समरुद्गणैः। वृतो नानाप्रहरणैर्निर्ययौ त्रिदशाधिपः ॥ 28.27 ॥

rudrairvasubhirādityaissādhyaiśca samarudgaṇaiḥ| vṛto nānāpraharaṇairniryayau tridaśādhipaḥ || 28.27 ||

रुद्रों, वसुओं, आदित्यों, साध्यों तथा मरुद्गणों से घिरे हुए, नाना शस्त्रों से सुसज्जित होकर, त्रिदशाधिप (इन्द्र) आगे बढ़े।

श्लोक 28 (uttara.28.28)

निर्गच्छतस्तु शक्रस्य परुषं पवनो ववौ। भास्करो निष्प्रभश्चासीन्महोल्काश्च प्रपेदिरे ॥ 28.28 ॥

nirgacchatastu śakrasya paruṣaṃ pavano vavau| bhāskaro niṣprabhaścāsīnmaholkāśca prapedire || 28.28 ||

शक्र के निकलते ही तीव्र वायु बहने लगी, सूर्य निस्तेज हो गया, और आकाश से बड़ी-बड़ी उल्काएँ गिरने लगीं।

श्लोक 29 (uttara.28.29)

एतस्मिन्नन्तरे शूरो दशग्रीवः प्रतापवान्। आरुरोह रथं दिव्यं निर्मितं विश्वकर्मणा ॥ 28.29 ॥

etasminnantare śūro daśagrīvaḥ pratāpavān| āruroha rathaṃ divyaṃ nirmitaṃ viśvakarmaṇā || 28.29 ||

इसी बीच वीर, प्रतापी दशग्रीव उस दिव्य रथ पर आरूढ़ हुआ, जिसे विश्वकर्मा ने बनाया था।

श्लोक 30 (uttara.28.30)

पन्नगैः सुमहाकार्यैर्वेष्टितं रोमहर्षणैः। तेषां निःश्वासवातेन प्रदीप्तमिव संयुगे ॥ 28.30 ॥

pannagaiḥ sumahākāryairveṣṭitaṃ romaharṣaṇaiḥ| teṣāṃ niḥśvāsavātena pradīptamiva saṃyuge || 28.30 ||

वह विशालकाय, रोमांचकारी सर्पों से आवृत था, जिनके श्वास की वायु से वह रण में मानो प्रज्वलित-सा दीख रहा था।

श्लोक 31 (uttara.28.31)

दैत्यैर्निशाचरैश्चैव स रथः परिवारितः। समराभिमुखो दैत्यो महेन्द्रं सो ऽभ्यवर्तत ॥ 28.31 ॥

daityairniśācaraiścaiva sa rathaḥ parivāritaḥ| samarābhimukho daityo mahendraṃ so 'bhyavartata || 28.31 ||

दैत्यों और निशाचरों से घिरा हुआ वह रथ, संग्राम की ओर मुख किए, महेन्द्र की ओर आगे बढ़ा।

श्लोक 32 (uttara.28.32)

पुत्रं तं वारयित्वा तु स्वयमेव व्यवस्थितः। सो ऽपि युद्धाद्विनिष्क्रम्य रावणिः समुपाविशत् ॥ 28.32 ॥

putraṃ taṃ vārayitvā tu svayameva vyavasthitaḥ| so 'pi yuddhādviniṣkramya rāvaṇiḥ samupāviśat || 28.32 ||

अपने पुत्र को रोककर वह स्वयं ही युद्ध में डट गया; और रावणि भी युद्ध से हटकर एक ओर बैठ गया।

श्लोक 33 (uttara.28.33)

ततो युद्धं प्रवृत्तं तु सुराणां राक्षसैः सह। शस्त्राणि वर्षतां घोरं मेघानामिव संयुगे ॥ 28.33 ॥

tato yuddhaṃ pravṛttaṃ tu surāṇāṃ rākṣasaiḥ saha| śastrāṇi varṣatāṃ ghoraṃ meghānāmiva saṃyuge || 28.33 ||

तब देवताओं और राक्षसों के बीच पुनः युद्ध छिड़ गया, जिसमें मेघों के समान शस्त्रों की भयंकर वर्षा होने लगी।

श्लोक 34 (uttara.28.34)

कुम्भकर्णस्तु दुष्टात्मा नानाप्रहरणोद्यतः। नाज्ञायत तदा युद्धे सह केनाप्ययुध्यत ॥ 28.34 ॥

kumbhakarṇastu duṣṭātmā nānāpraharaṇodyataḥ| nājñāyata tadā yuddhe saha kenāpyayudhyata || 28.34 ||

दुष्टात्मा कुम्भकर्ण, नाना शस्त्रों से सुसज्जित होकर, उस युद्ध में यह भी ज्ञात नहीं होता था कि वह किसके साथ लड़ रहा है।

श्लोक 35 (uttara.28.35)

दन्तैर्भुजाभ्यां पद्भ्यां च शक्तितोमरसायकैः। येन केनैव संरब्धस्ताडयामास वै सुरान् ॥ 28.35 ॥

dantairbhujābhyāṃ padbhyāṃ ca śaktitomarasāyakaiḥ| yena kenaiva saṃrabdhastāḍayāmāsa vai surān || 28.35 ||

दाँतों से, दोनों भुजाओं से, पैरों से, तथा शक्ति, तोमर और बाणों से — जो भी उसके हाथ लगा, उसी से क्रुद्ध होकर वह देवताओं पर प्रहार करने लगा।

श्लोक 36 (uttara.28.36)

ततो रुद्रैर्महाघोरैः सङ्गम्याथ निशाचरः। प्रयुद्धस्तैश्च सङ्ग्रामे क्षतः शस्त्रैर्निरन्तरम् ॥ 28.36 ॥

tato rudrairmahāghoraiḥ saṅgamyātha niśācaraḥ| prayuddhastaiśca saṅgrāme kṣataḥ śastrairnirantaram || 28.36 ||

तब अत्यन्त भयंकर रुद्रों से भिड़कर, उस निशाचर को उनके साथ युद्ध करते हुए, निरन्तर शस्त्रों से घायल किया जाने लगा।

श्लोक 37 (uttara.28.37)

बभौ शस्त्राचिततनुः कुम्भकर्णः क्षरन्नसृक्। विद्युत्स्तनितनिर्घोषो धारवानिव तोयदः ॥ 28.37 ॥

babhau śastrācitatanuḥ kumbhakarṇaḥ kṣarannasṛk| vidyutstanitanirghoṣo dhāravāniva toyadaḥ || 28.37 ||

शस्त्रों से आच्छादित शरीर वाला, रक्त बहाता हुआ कुम्भकर्ण उस समय विद्युत् और गर्जन से युक्त, जलवृष्टि करते हुए मेघ के समान शोभित हो रहा था।

श्लोक 38 (uttara.28.38)

ततस्तद्राक्षसं सैन्यं प्रयुद्धं समरुद्गणैः। रणे विद्रावितं सर्वं नानाप्रहरणैः शितैः ॥ 28.38 ॥

tatastadrākṣasaṃ sainyaṃ prayuddhaṃ samarudgaṇaiḥ| raṇe vidrāvitaṃ sarvaṃ nānāpraharaṇaiḥ śitaiḥ || 28.38 ||

तब मरुद्गणों सहित युद्धरत वह समस्त राक्षस-सेना, नाना प्रकार के तीक्ष्ण शस्त्रों से रणभूमि में सर्वथा तितर-बितर कर दी गई।

श्लोक 39 (uttara.28.39)

केचिद्विनिहताः कृत्ताश्चेष्टन्ति स्म महीतले। वाहनेष्ववसक्ताश्च स्थिता एवापरे रणे ॥ 28.39 ॥

kecidvinihatāḥ kṛttāśceṣṭanti sma mahītale| vāhaneṣvavasaktāśca sthitā evāpare raṇe || 28.39 ||

कुछ मारे गए और कटे हुए भूमि पर तड़प रहे थे; और कुछ अन्य अपने वाहनों से चिपके हुए युद्धभूमि में यों ही खड़े रह गए थे।

श्लोक 40 (uttara.28.40)

रथान्नागान्खरानुष्ट्रान्पन्नगांस्तुरगान् रणे। शिंशुमारान्वराहांश्च पिशाचवदनान्तथा ॥ 28.40 ॥

rathānnāgānkharānuṣṭrānpannagāṃsturagān raṇe| śiṃśumārānvarāhāṃśca piśācavadanāntathā || 28.40 ||

उस युद्ध में रथ, हाथी, गधे, ऊँट, सर्प, घोड़े, तथा मगरमच्छ-मुख, वराह-मुख और पिशाच-मुख वाले प्राणी —

श्लोक 41 (uttara.28.41)

तान्समालिङ्ग्य बाहुभ्यां विष्टब्धाः केचिदुच्छ्रुताः। देवैस्तु शस्त्रसम्भिन्ना मम्रिरे च निशाचराः ॥ 28.41 ॥

tānsamāliṅgya bāhubhyāṃ viṣṭabdhāḥ keciducchrutāḥ| devaistu śastrasambhinnā mamrire ca niśācarāḥ || 28.41 ||

कुछ निशाचर, देवताओं के शस्त्रों से बींधे जाकर, इन्हीं को दोनों भुजाओं से जकड़े हुए, सहारा लिए, उछले हुए-से मर गए।

श्लोक 42 (uttara.28.42)

चित्रकर्म इवाभाति स तेषां रणसम्प्लवः। निहतानां प्रमत्तानां राक्षसानां महीतले ॥ 28.42 ॥

citrakarma ivābhāti sa teṣāṃ raṇasamplavaḥ| nihatānāṃ pramattānāṃ rākṣasānāṃ mahītale || 28.42 ||

भूमि पर पड़े हुए उन मृत, उन्मत्त राक्षसों का वह युद्ध-सम्मिश्रण मानो किसी विचित्र चित्रकारी के समान प्रतीत होता था।

श्लोक 43 (uttara.28.43)

शोणितोदकनिष्पन्दकङ्कगृध्रसमाकुला। प्रवृत्ता संयुगमुखे शस्त्रग्राहवती नदी ॥ 28.43 ॥

śoṇitodakaniṣpandakaṅkagṛdhrasamākulā| pravṛttā saṃyugamukhe śastragrāhavatī nadī || 28.43 ||

उस रणमोर्चे पर रक्तमय जल वाली, कंक और गृद्धों से व्याकुल, शस्त्ररूपी मगरमच्छों से युक्त एक नदी बहने लगी।

श्लोक 44 (uttara.28.44)

एतस्मिन्नन्तरे क्रुद्धो दशग्रीवः प्रतापवान्। निरीक्ष्य तद्बलं कृत्स्नं दैवतैर्विनिपातितम् ॥ 28.44 ॥

etasminnantare kruddho daśagrīvaḥ pratāpavān| nirīkṣya tadbalaṃ kṛtsnaṃ daivatairvinipātitam || 28.44 ||

इसी बीच क्रुद्ध, प्रतापी दशग्रीव ने अपनी सम्पूर्ण सेना को देवताओं द्वारा नष्ट किया गया देखकर,

श्लोक 45 (uttara.28.45)

स तं प्रति विगाह्याशु प्रवृद्धं सैन्यसागरम्। त्रिदशान्समरे निघ्नञ्छक्रमेवाभ्यवर्तत ॥ 28.45 ॥

sa taṃ prati vigāhyāśu pravṛddhaṃ sainyasāgaram| tridaśānsamare nighnañchakramevābhyavartata || 28.45 ||

उस उमड़ते हुए सेना-सागर में शीघ्र ही घुसकर, देवताओं का संहार करते हुए, सीधे शक्र की ओर बढ़ चला।

श्लोक 46 (uttara.28.46)

आगाच्छक्रो महच्चापं विस्फार्य सुमहास्वनम्। यस्य विस्फारघोषेण स्तनन्ति स्म दिशो दश ॥ 28.46 ॥

āgācchakro mahaccāpaṃ visphārya sumahāsvanam| yasya visphāraghoṣeṇa stananti sma diśo daśa || 28.46 ||

शक्र ने आकर अपने महान् धनुष को अत्यन्त गम्भीर ध्वनि के साथ खींचा, जिसकी टंकार से दसों दिशाएँ गूँज उठीं।

श्लोक 47 (uttara.28.47)

तद्विकृष्य महच्चापमिन्द्रो रावणमूर्धनि। निपातयामास शरान्पावकादित्यवर्चसः ॥ 28.47 ॥

tadvikṛṣya mahaccāpamindro rāvaṇamūrdhani| nipātayāmāsa śarānpāvakādityavarcasaḥ || 28.47 ||

उस महान् धनुष को खींचकर इन्द्र ने अग्नि और सूर्य के समान तेजस्वी बाणों को रावण के मस्तक पर बरसाया।

श्लोक 48 (uttara.28.48)

तथैव च महाबाहुर्दशग्रीवो व्यवस्थितः। शक्रं कार्मुकविभ्रष्टैः शरवर्षैरवाकिरत् ॥ 28.48 ॥

tathaiva ca mahābāhurdaśagrīvo vyavasthitaḥ| śakraṃ kārmukavibhraṣṭaiḥ śaravarṣairavākirat || 28.48 ||

और उसी प्रकार महाबाहु दशग्रीव भी दृढ़तापूर्वक खड़े होकर, अपने धनुष से छूटे बाणों की वर्षा से शक्र को आच्छादित करने लगा।

श्लोक 49 (uttara.28.49)

प्रयुध्यतोरथ तयोर्बाणवर्षैः समन्ततः। न ज्ञायते तदा किञ्चित्सर्वं हि तमसा वृतम् ॥ 28.49 ॥

prayudhyatoratha tayorbāṇavarṣaiḥ samantataḥ| na jñāyate tadā kiñcitsarvaṃ hi tamasā vṛtam || 28.49 ||

इस प्रकार युद्धरत उन दोनों के बाणों की चारों ओर से हो रही वर्षा में, उस समय कुछ भी दिखाई नहीं देता था — सब कुछ अन्धकार से आच्छादित हो गया था।