इन्द्र-बन्धन

श्लोक 1 (uttara.29.1)

ततस्तमसि सञ्जाते सर्वे ते देवराक्षसाः। अयुद्ध्यन्त बलोन्मत्ताः सूदयन्तः परस्परम् ॥ 29.1 ॥

tatastamasi sañjāte sarve te devarākṣasāḥ| ayuddhyanta balonmattāḥ sūdayantaḥ parasparam || 29.1 ||

तब अन्धकार छा जाने पर, वे समस्त देवता और राक्षस, बल के मद से उन्मत्त होकर, परस्पर एक-दूसरे का संहार करते हुए युद्ध करने लगे।

श्लोक 2 (uttara.29.2)

ततस्तु देवसैन्येन राक्षसानां बृहद्बलम्। दशांशं स्थापितं युद्धे शेषं नीतं यमक्षयम् ॥ 29.2 ॥

tatastu devasainyena rākṣasānāṃ bṛhadbalam| daśāṃśaṃ sthāpitaṃ yuddhe śeṣaṃ nītaṃ yamakṣayam || 29.2 ||

तब देव-सेना द्वारा राक्षसों की उस विशाल सेना का केवल दसवाँ भाग ही युद्ध में शेष रह गया; शेष सब यमलोक भेज दिए गए।

श्लोक 3 (uttara.29.3)

तस्मिंस्तु तामसे युद्धे सर्वे ते देवराक्षसाः। अन्योन्यं नाभ्यजानन्त युध्यमानाः परस्परम् ॥ 29.3 ॥

tasmiṃstu tāmase yuddhe sarve te devarākṣasāḥ| anyonyaṃ nābhyajānanta yudhyamānāḥ parasparam || 29.3 ||

उस अन्धकारमय युद्ध में वे समस्त देवता और राक्षस, आपस में लड़ते हुए भी, एक-दूसरे को पहचान नहीं पा रहे थे।

श्लोक 4 (uttara.29.4)

इन्द्रश्च रावणश्चैव रावणिश्च महाबलः। तस्मिंस्तमोजालवृते मोहमीयुर्न ते त्रयः ॥ 29.4 ॥

indraśca rāvaṇaścaiva rāvaṇiśca mahābalaḥ| tasmiṃstamojālavṛte mohamīyurna te trayaḥ || 29.4 ||

केवल इन्द्र, रावण, और महाबली रावणि — ये तीनों ही उस अन्धकार के जाल से आवृत युद्ध में मोहित नहीं हुए।

श्लोक 5 (uttara.29.5)

स तु दृष्ट्वा बलं सर्वं रावणो निहतं क्षणात्। क्रोधमभ्यगमत्तीव्रं महानादं च मुक्तवान् ॥ 29.5 ॥

sa tu dṛṣṭvā balaṃ sarvaṃ rāvaṇo nihataṃ kṣaṇāt| krodhamabhyagamattīvraṃ mahānādaṃ ca muktavān || 29.5 ||

रावण, अपनी सम्पूर्ण सेना को क्षणभर में नष्ट हुआ देखकर, तीव्र क्रोध से भर गया और महान् गर्जना करने लगा।

श्लोक 6 (uttara.29.6)

क्रोधात्सूतं च दुर्धर्षः स्यन्दनस्थमुवाच ह। परसैन्यस्य मध्येन यावदन्तो नयस्व माम् ॥ 29.6 ॥

krodhātsūtaṃ ca durdharṣaḥ syandanasthamuvāca ha| parasainyasya madhyena yāvadanto nayasva mām || 29.6 ||

क्रोध में भरकर उस दुर्धर्ष ने रथ में खड़े अपने सारथी से कहा — "मुझे शत्रु-सेना के बीचोंबीच से, उसके अन्त तक ले चलो।

श्लोक 7 (uttara.29.7)

अद्यैतान् त्रिदशान्सर्वान्विक्रमैः समरे स्वयम्। नानाशस्त्रैर्महाघोरैर्नयामि यमसादनम् ॥ 29.7 ॥

adyaitān tridaśānsarvānvikramaiḥ samare svayam| nānāśastrairmahāghorairnayāmi yamasādanam || 29.7 ||

आज मैं अपने ही पराक्रम से, इस युद्ध में, नाना प्रकार के अत्यन्त भयंकर शस्त्रों से इन सब देवताओं को यमलोक भेज दूँगा।

श्लोक 8 (uttara.29.8)

अहमिन्द्रं वधिष्यामि धनदं वरुणं यमम्। त्रिदशान्विनिहत्याथ स्वयं स्थास्याम्यथोपरि। विषादो न च कर्तव्यः शीघ्रं वाहय मे रथम् ॥ 29.8 ॥

ahamindraṃ vadhiṣyāmi dhanadaṃ varuṇaṃ yamam| tridaśānvinihatyātha svayaṃ sthāsyāmyathopari| viṣādo na ca kartavyaḥ śīghraṃ vāhaya me ratham || 29.8 ||

मैं इन्द्र, कुबेर, वरुण और यम — इन सभी का वध करूँगा; देवताओं का संहार कर मैं स्वयं ही उन सबसे ऊपर स्थित हो जाऊँगा। खेद करने की आवश्यकता नहीं है — शीघ्र मेरा रथ हाँको!

श्लोक 9 (uttara.29.9)

द्विः खलु त्वां ब्रवीम्यद्य यावदन्तो नयस्व माम् ॥ 29.9 ॥

dviḥ khalu tvāṃ bravīmyadya yāvadanto nayasva mām || 29.9 ||

आज मैं तुमसे दुबारा कह रहा हूँ — मुझे अन्त तक ले चलो!"

श्लोक 10 (uttara.29.10)

अयं स नन्दनोद्देशो यत्र वर्तामहे वयम्। नय मामद्य तत्र त्वमुदयो यत्र पर्वतः ॥ 29.10 ॥

ayaṃ sa nandanoddeśo yatra vartāmahe vayam| naya māmadya tatra tvamudayo yatra parvataḥ || 29.10 ||

"यह वही नन्दन-प्रदेश है, जहाँ हम इस समय स्थित हैं; अब तुम मुझे वहाँ ले चलो, जहाँ उदयाचल पर्वत है।"

श्लोक 11 (uttara.29.11)

तस्य तद्वचनं श्रुत्वा तुरगान्स मनोजवान्। आदिदेशाथ शत्रणां मध्येनैव च सारथिः ॥ 29.11 ॥

tasya tadvacanaṃ śrutvā turagānsa manojavān| ādideśātha śatraṇāṃ madhyenaiva ca sārathiḥ || 29.11 ||

उसके इस वचन को सुनकर, सारथी ने अपने मन के समान वेगवान घोड़ों को शत्रुओं के मध्य से ही होकर चलाया।

श्लोक 12 (uttara.29.12)

तस्य तं निश्चयं ज्ञात्वा शक्रो देवेश्वरस्तदा। रथस्थः समरस्थस्तान्देवान्वाक्यमथाब्रवीत् ॥ 29.12 ॥

tasya taṃ niścayaṃ jñātvā śakro deveśvarastadā| rathasthaḥ samarasthastāndevānvākyamathābravīt || 29.12 ||

उसके इस निश्चय को जानकर, देवेश्वर शक्र ने तब, रथ में खड़े होकर युद्धस्थल में ही, देवताओं से यह वचन कहा —

श्लोक 13 (uttara.29.13)

सुराः शृणुत मद्वाक्यं यत्तावन्मम रोचते। जीवन्नेव दशग्रीवः साधु रक्षो निगृह्यताम् ॥ 29.13 ॥

surāḥ śṛṇuta madvākyaṃ yattāvanmama rocate| jīvanneva daśagrīvaḥ sādhu rakṣo nigṛhyatām || 29.13 ||

"हे देवताओ! मेरी बात सुनो, जो मुझे अभी उचित प्रतीत होती है — इस दशग्रीव राक्षस को जीवित ही पकड़ लिया जाए, यही उत्तम होगा।

श्लोक 14 (uttara.29.14)

एष ह्यतिबलः सैन्यै रथेन पवनौजसा। गमिष्यति प्रवृद्धोर्मिः समुद्र इव पर्वणि ॥ 29.14 ॥

eṣa hyatibalaḥ sainyai rathena pavanaujasā| gamiṣyati pravṛddhormiḥ samudra iva parvaṇi || 29.14 ||

क्योंकि यह अत्यन्त बलशाली, अपनी सेना सहित, वायु के समान वेगवान् रथ पर, पूर्णिमा के समुद्र की उमड़ती हुई लहर के समान आगे बढ़ेगा।

श्लोक 15 (uttara.29.15)

नह्येष हन्तुं शक्यो ऽद्य वरदानात्सुनिर्भयः। तद्ग्रहीष्यामहे रक्षो यत्ता भवत संयुगे ॥ 29.15 ॥

nahyeṣa hantuṃ śakyo 'dya varadānātsunirbhayaḥ| tadgrahīṣyāmahe rakṣo yattā bhavata saṃyuge || 29.15 ||

क्योंकि यह आज वरदान के कारण पूर्णतया निर्भय होने से मारा नहीं जा सकता; अतः इस राक्षस को हम पकड़ ही लेंगे — युद्ध में इसके लिए सन्नद्ध रहो।

श्लोक 16 (uttara.29.16)

यथा बलौ निरुद्धे च त्रैलोक्यं भुज्यते मया। एवमेतस्य पापस्य निरोधो मम रोचते ॥ 29.16 ॥

yathā balau niruddhe ca trailokyaṃ bhujyate mayā| evametasya pāpasya nirodho mama rocate || 29.16 ||

जिस प्रकार बलि को बाँधकर मैंने त्रैलोक्य का भोग किया, उसी प्रकार इस पापी के भी बन्धन को मैं उचित मानता हूँ।"

श्लोक 17 (uttara.29.17)

ततो ऽन्यं देशमास्थाय शक्रः सन्त्यज्य रावणम्। अयुध्यत महाराज राक्षसांस्त्रासयन्रणे ॥ 29.17 ॥

tato 'nyaṃ deśamāsthāya śakraḥ santyajya rāvaṇam| ayudhyata mahārāja rākṣasāṃstrāsayanraṇe || 29.17 ||

तब हे महाराज! शक्र, रावण को छोड़कर, रणभूमि के दूसरे भाग में जाकर, राक्षसों को त्रस्त करते हुए युद्ध करने लगे।

श्लोक 18 (uttara.29.18)

उत्तरेण दशग्रीवः प्रविवेशानिवर्तकः। दक्षिणेन तु पार्श्वेन प्रविवेश शतक्रतुः ॥ 29.18 ॥

uttareṇa daśagrīvaḥ praviveśānivartakaḥ| dakṣiṇena tu pārśvena praviveśa śatakratuḥ || 29.18 ||

दशग्रीव, कभी न लौटने वाला होकर, उत्तर दिशा से (सेना में) प्रविष्ट हुआ, जबकि शतक्रतु (इन्द्र) दक्षिण दिशा से प्रविष्ट हुए।

श्लोक 19 (uttara.29.19)

ततः स योजनशतं प्रविष्टो राक्षसाधिपः। देवतानां बलं सर्वं शरवर्षैरवाकिरत् ॥ 29.19 ॥

tataḥ sa yojanaśataṃ praviṣṭo rākṣasādhipaḥ| devatānāṃ balaṃ sarvaṃ śaravarṣairavākirat || 29.19 ||

तब वह राक्षसाधिप सौ योजन तक भीतर घुसकर, देवताओं की सम्पूर्ण सेना को बाणों की वर्षा से आच्छादित करने लगा।

श्लोक 20 (uttara.29.20)

ततः शक्रो निरीक्ष्याथ प्रनष्टं तु स्वकं बलम्। न्यवर्तयदसम्भ्रान्तः समावृत्य दशाननम् ॥ 29.20 ॥

tataḥ śakro nirīkṣyātha pranaṣṭaṃ tu svakaṃ balam| nyavartayadasambhrāntaḥ samāvṛtya daśānanam || 29.20 ||

तब शक्र ने अपनी सेना को इस प्रकार नष्ट होते देखकर, अविचलित रहते हुए, लौटकर दशानन को घेर लिया।

श्लोक 21 (uttara.29.21)

एतस्मिन्नन्तरे नादो मुक्तो दानवराक्षसैः। हा हताः स्म इति ग्रस्तं दृष्ट्वा शक्रेण रावणम् ॥ 29.21 ॥

etasminnantare nādo mukto dānavarākṣasaiḥ| hā hatāḥ sma iti grastaṃ dṛṣṭvā śakreṇa rāvaṇam || 29.21 ||

उसी क्षण दानवों और राक्षसों में हाहाकार मच गया — "हाय, हम मारे गए!" — शक्र द्वारा रावण को इस प्रकार घिरा देखकर।

श्लोक 22 (uttara.29.22)

ततो रथं समास्थाय रावणिः क्रोधमूर्च्छितः। तत्सैन्यमतिसङ्क्रुद्धः प्रविवेश सुदारुणम् ॥ 29.22 ॥

tato rathaṃ samāsthāya rāvaṇiḥ krodhamūrcchitaḥ| tatsainyamatisaṅkruddhaḥ praviveśa sudāruṇam || 29.22 ||

तब रावणि अपने रथ पर आरूढ़ होकर, क्रोध से मूर्च्छित-सा होकर, अत्यन्त क्रुद्ध होकर उस भयंकर सेना में जा घुसा।

श्लोक 23 (uttara.29.23)

तां प्रविश्य महामायां प्राप्तां गोपतिना पुरा। प्रविवेश सुसंरब्धस्तत्सैन्यं समभिद्रवत् ॥ 29.23 ॥

tāṃ praviśya mahāmāyāṃ prāptāṃ gopatinā purā| praviveśa susaṃrabdhastatsainyaṃ samabhidravat || 29.23 ||

पूर्वकाल में गोपति (शिव) से प्राप्त उस महामाया का आश्रय लेकर, वह अत्यन्त क्रुद्ध होकर उसमें प्रविष्ट हुआ और उस सेना पर टूट पड़ा।

श्लोक 24 (uttara.29.24)

स सर्वा देवतास्त्यक्त्वा शक्रमेवाभ्यधावत। महेन्द्रश्च महातेजा नापश्यच्च सुतं रिपोः ॥ 29.24 ॥

sa sarvā devatāstyaktvā śakramevābhyadhāvata| mahendraśca mahātejā nāpaśyacca sutaṃ ripoḥ || 29.24 ||

समस्त अन्य देवताओं को छोड़कर वह सीधे शक्र की ओर ही झपटा; और महातेजस्वी महेन्द्र अपने शत्रु के उस पुत्र को देख भी नहीं पाए।

श्लोक 25 (uttara.29.25)

विमुक्तकवचस्तत्र वध्यमानो ऽपि रावणिः। त्रिदशैः सुमहावीर्यैर्न चकार च किञ्चन ॥ 29.25 ॥

vimuktakavacastatra vadhyamāno 'pi rāvaṇiḥ| tridaśaiḥ sumahāvīryairna cakāra ca kiñcana || 29.25 ||

वहाँ रावणि, कवच ढीला पड़ जाने पर, अत्यन्त पराक्रमी देवताओं द्वारा प्रहार किए जाने पर भी, (अदृश्य होने के कारण) उस क्षण कुछ भी प्रत्यक्ष नहीं कर सका।

श्लोक 26 (uttara.29.26)

स मातलिं समायान्तं ताडयित्वा शरोत्तमैः। महेन्द्रं बाणवर्षेण भूय एवाभ्यवाकिरत् ॥ 29.26 ॥

sa mātaliṃ samāyāntaṃ tāḍayitvā śarottamaiḥ| mahendraṃ bāṇavarṣeṇa bhūya evābhyavākirat || 29.26 ||

आते हुए मातलि को उत्तम बाणों से आहत कर, उसने पुनः महेन्द्र को भी बाणों की वर्षा से आच्छादित कर दिया।

श्लोक 27 (uttara.29.27)

ततस्त्यक्त्वा रथं शक्रो विससर्ज च सारथिम्। ऐरावतं समारुह्य मृगयामास रावणिम् ॥ 29.27 ॥

tatastyaktvā rathaṃ śakro visasarja ca sārathim| airāvataṃ samāruhya mṛgayāmāsa rāvaṇim || 29.27 ||

तब शक्र, अपने रथ को त्यागकर और सारथी को विदा कर, ऐरावत पर आरूढ़ होकर रावणि को ढूँढ़ने लगे।

श्लोक 28 (uttara.29.28)

स तत्र मायाबलवानदृश्यो ऽथान्तरिक्षगः। इन्द्रं मायापरिक्षिप्तं कृत्वा स प्राद्रवच्छरैः ॥ 29.28 ॥

sa tatra māyābalavānadṛśyo 'thāntarikṣagaḥ| indraṃ māyāparikṣiptaṃ kṛtvā sa prādravaccharaiḥ || 29.28 ||

किन्तु वह माया के बल से अदृश्य होकर, आकाश में विचरण करता हुआ, इन्द्र को माया में उलझाए रखकर, बाणों से उन पर आक्रमण करता रहा।

श्लोक 29 (uttara.29.29)

स तं यदा परिश्रान्तमिन्द्रं जज्ञे ऽथ रावणिः। तदैनं मायया बद्ध्वा स्वसैन्यमभितो ऽनयत् ॥ 29.29 ॥

sa taṃ yadā pariśrāntamindraṃ jajñe 'tha rāvaṇiḥ| tadainaṃ māyayā baddhvā svasainyamabhito 'nayat || 29.29 ||

जब रावणि ने इन्द्र को थका हुआ जान लिया, तब उसने उन्हें अपनी माया से बाँधकर अपनी सेना की ओर ले चला।

श्लोक 30 (uttara.29.30)

तं तु दृष्ट्वा बलात्तेन नीयमानं महारणात्। महेन्द्रममराः सर्वे किं नु स्यादित्यचिन्तयन् ॥ 29.30 ॥

taṃ tu dṛṣṭvā balāttena nīyamānaṃ mahāraṇāt| mahendramamarāḥ sarve kiṃ nu syādityacintayan || 29.30 ||

उस महारण से महेन्द्र को इस प्रकार बलपूर्वक ले जाया जाता देखकर, समस्त अमरगण चिन्तित होकर सोचने लगे — "यह क्या हो रहा है?"

श्लोक 31 (uttara.29.31)

दृश्यते न स मायावी शक्रजित्समितिञ्जयः। विद्यावानपि येनेन्द्रो मायया नीयते बलात् ॥ 29.31 ॥

dṛśyate na sa māyāvī śakrajitsamitiñjayaḥ| vidyāvānapi yenendro māyayā nīyate balāt || 29.31 ||

वह मायावी, शक्रजित्, समरों में सदा विजयी — जिसकी माया से विद्यावान् इन्द्र भी बलपूर्वक ले जाए जा रहे थे — दिखाई नहीं दे रहा था।

श्लोक 32 (uttara.29.32)

एतस्मिन्नन्तरे क्रुद्धाः सर्वे सुरगणास्तदा। रावणं विमुखीकृत्य शरवर्षैरवाकिरन् ॥ 29.32 ॥

etasminnantare kruddhāḥ sarve suragaṇāstadā| rāvaṇaṃ vimukhīkṛtya śaravarṣairavākiran || 29.32 ||

इसी बीच, समस्त क्रुद्ध देवगणों ने रावण को विमुख कर दिया, और उसे बाणों की वर्षा से आच्छादित कर दिया।

श्लोक 33 (uttara.29.33)

रावणस्तु समासाद्य आदित्यांश्च वसूंस्तदा। न शशाक स सङ्ग्रामे योद्धुं शत्रुभिरर्दितः ॥ 29.33 ॥

rāvaṇastu samāsādya ādityāṃśca vasūṃstadā| na śaśāka sa saṅgrāme yoddhuṃ śatrubhirarditaḥ || 29.33 ||

उधर रावण, आदित्यों और वसुओं से घिरकर, शत्रुओं से पीड़ित होकर, उस युद्ध में और अधिक लड़ने में समर्थ न रहा।

श्लोक 34 (uttara.29.34)

स तं दृष्ट्वा परिम्लानं प्रहारैर्जर्जरीकृतम्। रावणिः पितरं युद्धे दर्शनस्थो ऽब्रवीदिदम् ॥ 29.34 ॥

sa taṃ dṛṣṭvā parimlānaṃ prahārairjarjarīkṛtam| rāvaṇiḥ pitaraṃ yuddhe darśanastho 'bravīdidam || 29.34 ||

अपने पिता को इस प्रकार म्लान और प्रहारों से जर्जर हुआ देखकर, युद्ध में (पुनः) दृश्यमान होकर रावणि ने उनसे यह कहा —

श्लोक 35 (uttara.29.35)

आगच्छ तात गच्छामो रणकर्म निवर्तताम्। जितं नो विदितं ते ऽस्तु स्वस्थो भव गतज्वरः ॥ 29.35 ॥

āgaccha tāta gacchāmo raṇakarma nivartatām| jitaṃ no viditaṃ te 'stu svastho bhava gatajvaraḥ || 29.35 ||

"आइए, हे तात! चलें; अब युद्ध का यह कार्य विराम पाए। जान लीजिए कि हमारी विजय हो चुकी है; स्वस्थचित्त हो जाइए, आपका सन्ताप अब समाप्त हो।

श्लोक 36 (uttara.29.36)

अयं हि सुरसैन्यस्य त्रैलोक्यस्य च यः प्रभुः। स गृहीतो दैवबलाद्भग्नदर्पाः सुराः कृताः ॥ 29.36 ॥

ayaṃ hi surasainyasya trailokyasya ca yaḥ prabhuḥ| sa gṛhīto daivabalādbhagnadarpāḥ surāḥ kṛtāḥ || 29.36 ||

क्योंकि यह जो देव-सेना और त्रैलोक्य का स्वामी है, वह मेरे दिव्य बल से पकड़ लिया गया है — देवताओं का गर्व चूर-चूर हो चुका है।

श्लोक 37 (uttara.29.37)

यथेष्टं भुङ्क्ष्व लोकांस्त्रीन्निगृह्यारातिमोजसा। वृथा किं ते श्रमेणेह युद्धमद्य तु निष्फलम् ॥ 29.37 ॥

yatheṣṭaṃ bhuṅkṣva lokāṃstrīnnigṛhyārātimojasā| vṛthā kiṃ te śrameṇeha yuddhamadya tu niṣphalam || 29.37 ||

अपने शत्रु को अपने बल से वश में कर लेने के बाद, अब आप इच्छानुसार तीनों लोकों का भोग करें। इस व्यर्थ परिश्रम से क्या लाभ? आज इस समय आगे युद्ध करना निष्फल ही है।"

श्लोक 38 (uttara.29.38)

ततस्ते दैवतगणा निवृत्ता रणकर्मणः। तच्छ्रुत्वा रावणेर्वाक्यं स्वस्थचेताः बभूव ह ॥ 29.38 ॥

tataste daivatagaṇā nivṛttā raṇakarmaṇaḥ| tacchrutvā rāvaṇervākyaṃ svasthacetāḥ babhūva ha || 29.38 ||

तब वे देवगण युद्ध के कार्य से रुक गए; और रावणि के इस वचन को सुनकर रावण का चित्त शान्त हो गया।

श्लोक 39 (uttara.29.39)

अथ स रणविगतज्वरः प्रभुर्विजयमवाप्य निशाचराधिपः। स्वभवनमभितो जगाम हृष्टः स्वसुतमवाप्य च वाक्यमब्रवीत् ॥ 29.39 ॥

atha sa raṇavigatajvaraḥ prabhurvijayamavāpya niśācarādhipaḥ| svabhavanamabhito jagāma hṛṣṭaḥ svasutamavāpya ca vākyamabravīt || 29.39 ||

तब वह निशाचराधिप, युद्ध का सन्ताप शान्त हुआ और विजय प्राप्त कर, प्रसन्न होकर अपने भवन की ओर चल पड़ा; और अपने पुत्र को (पुनः) पाकर उसने यह वचन कहा —

श्लोक 40 (uttara.29.40)

अतिबलसदृशैः पराक्रमैस्तैर्मम कुलमानविवर्धनं कृतम्। यदयमतुल्यबलस्त्वयाद्य वै त्रिदशपतिस्त्रिदशाश्च निर्जिताः ॥ 29.40 ॥

atibalasadṛśaiḥ parākramaistairmama kulamānavivardhanaṃ kṛtam| yadayamatulyabalastvayādya vai tridaśapatistridaśāśca nirjitāḥ || 29.40 ||

"वह पराक्रम, जो अत्यन्त बलशालियों के योग्य है, आपने दिखाकर हमारे कुल के मान को बढ़ाया है — क्योंकि हे अतुल्यबल! आपने ही आज देवताओं के स्वामी सहित सभी देवताओं को जीत लिया है।

श्लोक 41 (uttara.29.41)

नय रथमधिरोप्य वासवं नगरमितो व्रज सेनया वृतस्त्वम्। अहमपि तव गच्छतो द्रुतं सह सचिवैरनुयामि पृष्ठतः ॥ 29.41 ॥

naya rathamadhiropya vāsavaṃ nagaramito vraja senayā vṛtastvam| ahamapi tava gacchato drutaṃ saha sacivairanuyāmi pṛṣṭhataḥ || 29.41 ||

वासव (इन्द्र) को रथ पर चढ़ाकर, अपनी सेना से घिरकर, यहाँ से नगर की ओर ले चलिए; मैं भी आपके पीछे-पीछे मन्त्रियों सहित शीघ्र ही चला आऊँगा।"

श्लोक 42 (uttara.29.42)

अथ स बलवृतः सवाहनस्त्रिदशपतिं परिगृह्य रावणिः। स्वभवनमभिगम्य वीर्यवान्कृतसमरान्विससर्ज राक्षसान् ॥ 29.42 ॥

atha sa balavṛtaḥ savāhanastridaśapatiṃ parigṛhya rāvaṇiḥ| svabhavanamabhigamya vīryavānkṛtasamarānvisasarja rākṣasān || 29.42 ||

तब वह पराक्रमी रावणि, अपनी सेना और वाहनों से घिरा हुआ, देवराज को अपने साथ लेकर, अपने भवन को गया, और युद्ध कर चुके राक्षसों को विदा कर दिया।