इन्द्रजित्-नामकरण

श्लोक 1 (uttara.30.1)

जिते महेन्द्रे ऽतिबले रावणस्य सुतेन वै। प्रजापतिं पुरस्कृत्य ययुर्लङ्कां सुरास्तदा ॥ 30.1 ॥

jite mahendre 'tibale rāvaṇasya sutena vai| prajāpatiṃ puraskṛtya yayurlaṅkāṃ surāstadā || 30.1 ||

जब अत्यन्त बलशाली महेन्द्र रावण के पुत्र द्वारा इस प्रकार जीत लिए गए, तब देवता प्रजापति (ब्रह्मा) को आगे कर, लंका की ओर चल पड़े।

श्लोक 2 (uttara.30.2)

तत्र रावणमासाद्य पुत्रभ्रातृभिरावृतम्। अब्रवीद्गगने तिष्ठन्सामपूर्वं प्रजापतिः ॥ 30.2 ॥

tatra rāvaṇamāsādya putrabhrātṛbhirāvṛtam| abravīdgagane tiṣṭhansāmapūrvaṃ prajāpatiḥ || 30.2 ||

वहाँ अपने पुत्र और भाइयों से घिरे हुए रावण के समीप पहुँचकर, आकाश में खड़े हुए प्रजापति ने साम-पूर्वक (सन्धिवचन के साथ) कहा —

श्लोक 3 (uttara.30.3)

वत्स रावण तुष्टो ऽस्मि पुत्रस्य तव संयुगे। अहो ऽस्य विक्रमौदार्यं तव तुल्यो ऽधिको ऽपि वा ॥ 30.3 ॥

vatsa rāvaṇa tuṣṭo 'smi putrasya tava saṃyuge| aho 'sya vikramaudāryaṃ tava tulyo 'dhiko 'pi vā || 30.3 ||

"हे वत्स रावण! युद्ध में तुम्हारे पुत्र के इस पराक्रम से मैं अत्यन्त प्रसन्न हूँ। अहो! इसकी उदार वीरता तुम्हारे समान है, या उससे भी बढ़कर है।

श्लोक 4 (uttara.30.4)

जितं हि भवता सर्वं त्रैलोक्यं स्वेन तेजसा। कृता प्रतिज्ञा सफला प्रीतो ऽस्मि स्वसुतेन वै ॥ 30.4 ॥

jitaṃ hi bhavatā sarvaṃ trailokyaṃ svena tejasā| kṛtā pratijñā saphalā prīto 'smi svasutena vai || 30.4 ||

तुमने अपने ही तेज से सम्पूर्ण त्रैलोक्य को जीत लिया है; तुम्हारी प्रतिज्ञा सफल हुई — मैं तुम्हारे इस पुत्र से अत्यन्त प्रसन्न हूँ।

श्लोक 5 (uttara.30.5)

अयं च पुत्रो ऽतिबलस्तव रावण वीर्यवान्। जगतीन्द्रजिदित्येव परिख्यातो भविष्यति ॥ 30.5 ॥

ayaṃ ca putro 'tibalastava rāvaṇa vīryavān| jagatīndrajidityeva parikhyāto bhaviṣyati || 30.5 ||

और हे रावण! तुम्हारा यह अत्यन्त बलशाली, वीर्यवान् पुत्र अब से संसार में 'इन्द्रजित्' इसी नाम से विख्यात होगा।

श्लोक 6 (uttara.30.6)

बलवान्दुर्जयश्चैव भविष्यत्येव राक्षसः। यं समाश्रित्य ते राजन्स्थापितास्त्रिदशा वशे ॥ 30.6 ॥

balavāndurjayaścaiva bhaviṣyatyeva rākṣasaḥ| yaṃ samāśritya te rājansthāpitāstridaśā vaśe || 30.6 ||

यह राक्षस बलवान् और दुर्जय ही बना रहेगा — हे राजन्! जिसका आश्रय लेकर तुमने देवताओं को अपने वश में कर लिया है।

श्लोक 7 (uttara.30.7)

तन्मुच्यतां महाबाहो महेन्द्रः पाकशासनः। किञ्चास्य मोक्षणार्थाय प्रयच्छन्तु दिवौकसः ॥ 30.7 ॥

tanmucyatāṃ mahābāho mahendraḥ pākaśāsanaḥ| kiñcāsya mokṣaṇārthāya prayacchantu divaukasaḥ || 30.7 ||

अब, हे महाबाहो! महेन्द्र पाकशासन को मुक्त कर दिया जाए; और उनके मोचन के लिए देवगण कुछ प्रदान करें।"

श्लोक 8 (uttara.30.8)

अथाब्रवीन्महातेजा इन्द्रजित्समितिञ्जयः। अमरत्वमहं देव वृणे यद्येष मुच्यते ॥ 30.8 ॥

athābravīnmahātejā indrajitsamitiñjayaḥ| amaratvamahaṃ deva vṛṇe yadyeṣa mucyate || 30.8 ||

तब महातेजस्वी, संग्रामविजयी इन्द्रजित् ने कहा — "हे देव! यदि इसे मुक्त किया जाना है, तो मैं अपने लिए अमरत्व चाहता हूँ।

श्लोक 9 (uttara.30.9)

चतुष्पदां खेचराणामन्येषां वा महौजसाम्। वृक्षगुल्मक्षुपलतातृणोपलमहीभृताम् ॥ 30.9 ॥

catuṣpadāṃ khecarāṇāmanyeṣāṃ vā mahaujasām| vṛkṣagulmakṣupalatātṛṇopalamahībhṛtām || 30.9 ||

चतुष्पदों, आकाशगामियों या अन्य महातेजस्वी प्राणियों के समान, वृक्षों, झाड़ियों, क्षुपों, लताओं, तृणों, पत्थरों और पर्वतों के समान भी —

श्लोक 10 (uttara.30.10)

सर्वे ऽपि जन्तवो ऽन्योन्यं भेतव्ये सति बिभ्यति। अतो ऽत्र लोके सर्वेषां सर्वस्माच्च भवेद्भयम् ॥ 30.10 ॥

sarve 'pi jantavo 'nyonyaṃ bhetavye sati bibhyati| ato 'tra loke sarveṣāṃ sarvasmācca bhavedbhayam || 30.10 ||

सभी प्राणी भय के कारण उपस्थित होने पर परस्पर एक-दूसरे से भयभीत होते हैं; अतः इस लोक में सबको सबसे भय होता है।"

श्लोक 11 (uttara.30.11)

ततो ऽब्रवीन्महातेजा मेघनादं प्रजापतिः। नास्ति सर्वामरत्वं हि कस्यचित्प्राणिनो भुवि। चतुष्पदः पक्षिणश्च भूतानां वा महौजसाम् ॥ 30.11 ॥

tato 'bravīnmahātejā meghanādaṃ prajāpatiḥ| nāsti sarvāmaratvaṃ hi kasyacitprāṇino bhuvi| catuṣpadaḥ pakṣiṇaśca bhūtānāṃ vā mahaujasām || 30.11 ||

तब महातेजस्वी प्रजापति ने मेघनाद से कहा — "पृथ्वी पर किसी भी प्राणी के लिए सम्पूर्ण अमरत्व सम्भव नहीं है — न चतुष्पदों के लिए, न पक्षियों के लिए, न अन्य किसी महातेजस्वी प्राणी के लिए।

श्लोक 12 (uttara.30.12)

श्रुत्वा पितामहेनोक्तमिन्द्रजित्प्रभुणाव्ययम् ॥ 30.12 ॥

śrutvā pitāmahenoktamindrajitprabhuṇāvyayam || 30.12 ||

पितामह प्रभु के द्वारा कहे गए इस अव्यय वचन को सुनकर, इन्द्रजित् —

श्लोक 13 (uttara.30.13)

अथाब्रवीत्स तत्रस्थं मेघनादो महाबलः। श्रूयतां वा भवेत्सिद्धिः शतक्रतुविमोक्षणे ॥ 30.13 ॥

athābravītsa tatrasthaṃ meghanādo mahābalaḥ| śrūyatāṃ vā bhavetsiddhiḥ śatakratuvimokṣaṇe || 30.13 ||

— तब वहाँ खड़े महाबली मेघनाद ने कहा — "तो सुनिए, शतक्रतु के इस मोचन के बदले मेरे लिए क्या सिद्धि उपयुक्त होगी।

श्लोक 14 (uttara.30.14)

ममेष्टं नित्यशो हव्यैर्मन्त्रैः सम्पूज्य पावकम्। सङ्ग्राममवतर्त्तुं च शत्रुनिर्जयकाङ्क्षिणः ॥ 30.14 ॥

mameṣṭaṃ nityaśo havyairmantraiḥ sampūjya pāvakam| saṅgrāmamavatarttuṃ ca śatrunirjayakāṅkṣiṇaḥ || 30.14 ||

यह सदा मेरा नियम है कि शत्रु पर विजय की कामना करते हुए, युद्ध में उतरने से पहले, मैं हविष्यों और मन्त्रों से अग्नि की पूजा करता हूँ।

श्लोक 15 (uttara.30.15)

अश्वयुक्तो रथो मह्यमुत्तिष्ठेत्तु विभावसोः। तत्स्थस्यामरता स्यान्मे एष मे निश्चयो वरः ॥ 30.15 ॥

aśvayukto ratho mahyamuttiṣṭhettu vibhāvasoḥ| tatsthasyāmaratā syānme eṣa me niścayo varaḥ || 30.15 ||

और उस अग्नि से यदि मेरे लिए अश्वयुक्त रथ प्रकट हो, तो उस पर स्थित रहते हुए मुझे अमरता प्राप्त हो — यही मेरा निश्चित वर है।

श्लोक 16 (uttara.30.16)

तस्मिन्यद्यसमाप्ते च जप्यहोमे विभावसौ। युध्येयं देव सङ्ग्रामे तदा मे स्याद्विनाशनम् ॥ 30.16 ॥

tasminyadyasamāpte ca japyahome vibhāvasau| yudhyeyaṃ deva saṅgrāme tadā me syādvināśanam || 30.16 ||

किन्तु हे देव! यदि मैं अग्नि की उस जप-होम-विधि के अपूर्ण रहते ही युद्ध में उतर जाऊँ, तो उस दशा में मेरा विनाश हो जाए।

श्लोक 17 (uttara.30.17)

सर्वो हि तपसा देव वृणोत्यमरतां पुमान्। विक्रमेण मया त्वेतदमरत्वं प्रवर्तितम् ॥ 30.17 ॥

sarvo hi tapasā deva vṛṇotyamaratāṃ pumān| vikrameṇa mayā tvetadamaratvaṃ pravartitam || 30.17 ||

क्योंकि हे देव! सभी पुरुष तप के द्वारा अमरत्व प्राप्त करते हैं; परन्तु मैंने तो अपने पराक्रम से ही यह अमरत्व सिद्ध किया है।"

श्लोक 18 (uttara.30.18)

एवमस्त्विति तं चाह वाक्यं देवः पितामहः। मुक्तश्चेन्द्रजिता शक्रो गताश्च त्रिदिवं सुराः ॥ 30.18 ॥

evamastviti taṃ cāha vākyaṃ devaḥ pitāmahaḥ| muktaścendrajitā śakro gatāśca tridivaṃ surāḥ || 30.18 ||

"ऐसा ही हो," यह कहकर देव पितामह ने उत्तर दिया; और इन्द्रजित् द्वारा शक्र मुक्त कर दिए गए, और देवगण स्वर्गलोक को लौट गए।

श्लोक 19 (uttara.30.19)

एतस्मिन्नन्तरे राम दीनो भ्रष्टाम्बरद्युतिः। इन्द्रश्चिन्तापरीतात्मा ध्यानतत्परतां गतः ॥ 30.19 ॥

etasminnantare rāma dīno bhraṣṭāmbaradyutiḥ| indraścintāparītātmā dhyānatatparatāṃ gataḥ || 30.19 ||

हे राम! इसी बीच दीन, अपनी वस्त्रों की-सी कान्ति खोए हुए इन्द्र, चिन्ता से व्याकुल-चित्त होकर, ध्यानमग्न हो गए।

श्लोक 20 (uttara.30.20)

तं तु दृष्ट्वा तथाभूतं प्राह देवः प्रजापतिः। शतक्रतो किमु पुरा करोति स्म सुदुष्कृतम् ॥ 30.20 ॥

taṃ tu dṛṣṭvā tathābhūtaṃ prāha devaḥ prajāpatiḥ| śatakrato kimu purā karoti sma suduṣkṛtam || 30.20 ||

उन्हें उस अवस्था में देखकर, देव प्रजापति ने कहा — "हे शतक्रतु! तुमने पूर्वकाल में ऐसा कौन-सा बड़ा दुष्कर्म किया था?

श्लोक 21 (uttara.30.21)

अमरेन्द्र मया बह्व्यः प्रजाः सृष्टास्तथा प्रभो। एकवर्णाः समाभाषा एकरूपाश्च सर्वशः ॥ 30.21 ॥

amarendra mayā bahvyaḥ prajāḥ sṛṣṭāstathā prabho| ekavarṇāḥ samābhāṣā ekarūpāśca sarvaśaḥ || 30.21 ||

हे अमरेन्द्र! पहले मैंने अनेक प्रजाओं की रचना की थी, हे प्रभो, जो सब एक ही वर्ण की, एक-सी वाणी वाली, और हर प्रकार से एक ही रूप वाली थीं।

श्लोक 22 (uttara.30.22)

तासां नास्ति विशेषो हि दर्शने लक्षणे ऽपि वा। ततो ऽहमेकाग्रमनास्ताः प्रजाः परिचिन्तयम् ॥ 30.22 ॥

tāsāṃ nāsti viśeṣo hi darśane lakṣaṇe 'pi vā| tato 'hamekāgramanāstāḥ prajāḥ paricintayam || 30.22 ||

उनमें न तो रूप में और न लक्षण में ही कोई भेद था; तब मैंने एकाग्रचित्त होकर उन प्रजाओं के विषय में विचार किया।

श्लोक 23 (uttara.30.23)

सो ऽहं तासां विशेषार्थं स्त्रियमेकां विनिर्ममे। यद्यत्प्रजानां प्रत्यङ्गं विशिष्टं तत्तदुद्धृतम् ॥ 30.23 ॥

so 'haṃ tāsāṃ viśeṣārthaṃ striyamekāṃ vinirmame| yadyatprajānāṃ pratyaṅgaṃ viśiṣṭaṃ tattaduddhṛtam || 30.23 ||

तब मैंने उनमें भेद उत्पन्न करने के लिए एक स्त्री का निर्माण किया; प्रजाओं के जिस-जिस अंग में जो कुछ भी विशिष्ट था, वह सब उससे निकालकर लिया गया।

श्लोक 24 (uttara.30.24)

ततो मया रूपगुणैरहल्या स्त्री विनिर्मिता। हलं नामेह वैरूपं हल्यं तत्प्रभवं भवेत् ॥ 30.24 ॥

tato mayā rūpaguṇairahalyā strī vinirmitā| halaṃ nāmeha vairūpaṃ halyaṃ tatprabhavaṃ bhavet || 30.24 ||

इस प्रकार मैंने उन समस्त सौन्दर्य-गुणों से अहल्या नामक स्त्री का निर्माण किया — क्योंकि यहाँ 'हल' का अर्थ है 'विरूपता', और 'हल्य' उसी से उत्पन्न होने वाला दोष कहलाता है।

श्लोक 25 (uttara.30.25)

यस्मान्न विद्यते हल्यं तेनाहल्येति विश्रुता। अहल्येति मया शक्र तस्या नाम प्रवर्तितम् ॥ 30.25 ॥

yasmānna vidyate halyaṃ tenāhalyeti viśrutā| ahalyeti mayā śakra tasyā nāma pravartitam || 30.25 ||

चूँकि उसमें ऐसी कोई विरूपता नहीं थी, इसलिए वह 'अहल्या' के नाम से विख्यात हुई; हे शक्र! मैंने ही उसका यह नाम रखा था।

श्लोक 26 (uttara.30.26)

निर्मितायां च देवेन्द्र तस्यां नार्यां सुरर्षभ। भविष्यतीति कस्यैषा मम चिन्ता ततो ऽभवत् ॥ 30.26 ॥

nirmitāyāṃ ca devendra tasyāṃ nāryāṃ surarṣabha| bhaviṣyatīti kasyaiṣā mama cintā tato 'bhavat || 30.26 ||

हे देवेन्द्र! हे सुरर्षभ! उस स्त्री की रचना हो जाने पर, यह किसकी होगी — तब मुझे यही चिन्ता होने लगी।

श्लोक 27 (uttara.30.27)

त्वं तु शक्र तदा नारीं जानीषे मनसा प्रभो। स्थानाधिकतया पत्नी ममैषेति पुरन्दर ॥ 30.27 ॥

tvaṃ tu śakra tadā nārīṃ jānīṣe manasā prabho| sthānādhikatayā patnī mamaiṣeti purandara || 30.27 ||

किन्तु हे शक्र, हे प्रभो! तुमने उस समय मन ही मन यह मान लिया कि 'अपने उच्च पद के अधिकार से यह स्त्री मेरी ही पत्नी है', हे पुरन्दर!

श्लोक 28 (uttara.30.28)

सा मया न्यासभूता तु गौतमस्य महात्मनः। न्यस्ता बहूनि वर्षाणि तेन निर्यातिता च ह ॥ 30.28 ॥

sā mayā nyāsabhūtā tu gautamasya mahātmanaḥ| nyastā bahūni varṣāṇi tena niryātitā ca ha || 30.28 ||

किन्तु उसे मैंने महात्मा गौतम के पास धरोहर के रूप में रख दिया; कई वर्षों तक धरोहर में रहकर, उसे उसके द्वारा (यथासमय) लौटाया गया।

श्लोक 29 (uttara.30.29)

ततस्तस्य परिज्ञाय महास्थैर्यं महामुनेः। ज्ञात्वा तपसि सिद्धिं च पत्न्यर्थं स्पर्शिता तदा ॥ 30.29 ॥

tatastasya parijñāya mahāsthairyaṃ mahāmuneḥ| jñātvā tapasi siddhiṃ ca patnyarthaṃ sparśitā tadā || 30.29 ||

तब उस महामुनि की महान् दृढ़ता को भली-भाँति जानकर, तथा तप में उनकी सिद्धि को जानकर, उसे तब पत्नी के रूप में उन्हें सौंप दिया गया।

श्लोक 30 (uttara.30.30)

सङ्क्रुद्धस्त्वं हि धर्मात्मन् गत्वा तस्याश्रमं मुनेः। दृष्टवांश्च तदा तां स्त्रीं दीप्तामग्निशिखामिव ॥ 30.30 ॥

saṅkruddhastvaṃ hi dharmātman gatvā tasyāśramaṃ muneḥ| dṛṣṭavāṃśca tadā tāṃ strīṃ dīptāmagniśikhāmiva || 30.30 ||

हे धर्मात्मन्! तुम क्रुद्ध होकर उस मुनि के आश्रम में गए, और वहाँ उस स्त्री को अग्निशिखा के समान देदीप्यमान देखा।

श्लोक 31 (uttara.30.31)

सा त्वया धर्षिता शक्र कामार्तेन समन्युना। दृष्टस्त्वं च तदा तेन ह्याश्रमे परमर्षिणा ॥ 30.31 ॥

sā tvayā dharṣitā śakra kāmārtena samanyunā| dṛṣṭastvaṃ ca tadā tena hyāśrame paramarṣiṇā || 30.31 ||

हे शक्र! काम और क्रोध से पीड़ित होकर तुमने उसके साथ बलात्कार किया; और उस आश्रम में उस परम ऋषि ने तुम्हें भी उसी क्षण देख लिया।

श्लोक 32 (uttara.30.32)

ततः क्रुद्धेन तेना ऽसि शप्तः परमतेजसा। गतो ऽसि येन देवेन्द्र दशाभागविपर्ययम् ॥ 30.32 ॥

tataḥ kruddhena tenā 'si śaptaḥ paramatejasā| gato 'si yena devendra daśābhāgaviparyayam || 30.32 ||

तब उस परम तेजस्वी ने क्रुद्ध होकर तुम्हें शाप दिया, जिससे हे देवेन्द्र! तुम अपनी ही दशा के विपर्यय को प्राप्त हो गए।

श्लोक 33 (uttara.30.33)

यस्मान्मे धर्षिता पत्नी त्वया वासव निर्भयम्। तस्मात्त्वं समरे राजञ्छत्रुहस्तं गमिष्यसि ॥ 30.33 ॥

yasmānme dharṣitā patnī tvayā vāsava nirbhayam| tasmāttvaṃ samare rājañchatruhastaṃ gamiṣyasi || 30.33 ||

'चूँकि तुमने निर्भय होकर, हे वासव! मेरी पत्नी का बलपूर्वक उपभोग किया है, इसलिए हे राजन्! तुम युद्ध में शत्रु के हाथों में पड़ोगे।

श्लोक 34 (uttara.30.34)

अयं तु भावो दुर्बुद्धे यस्त्वयेह प्रवर्तितः। मानुषेष्वपि लोकेषु भविष्यति न संशयः ॥ 30.34 ॥

ayaṃ tu bhāvo durbuddhe yastvayeha pravartitaḥ| mānuṣeṣvapi lokeṣu bhaviṣyati na saṃśayaḥ || 30.34 ||

और हे दुर्बुद्धे! यह जो भाव तुमने यहाँ प्रवर्तित किया है, वह निःसन्देह मनुष्यों में भी प्रचलित हो जाएगा।

श्लोक 35 (uttara.30.35)

तत्रार्धं तस्य यः कर्ता त्वय्यर्धं निपतिष्यति। न च ते स्थावरं स्थानं भविष्यति न संशयः ॥ 30.35 ॥

tatrārdhaṃ tasya yaḥ kartā tvayyardhaṃ nipatiṣyati| na ca te sthāvaraṃ sthānaṃ bhaviṣyati na saṃśayaḥ || 30.35 ||

उसमें जो भी ऐसा कार्य करेगा, उसका आधा पाप उसे प्राप्त होगा, और आधा तुम्हें प्राप्त होगा; और निःसन्देह तुम्हारा कोई स्थायी पद नहीं रहेगा।

श्लोक 36 (uttara.30.36)

यश्च यश्च सुरेन्द्रः स्याद्ध्रुवः स न भविष्यति। एष शापो मया मुक्त इत्यसौ त्वां तदा ऽब्रवीत् ॥ 30.36 ॥

yaśca yaśca surendraḥ syāddhruvaḥ sa na bhaviṣyati| eṣa śāpo mayā mukta ityasau tvāṃ tadā 'bravīt || 30.36 ||

और जो-जो देवेन्द्र इस प्रकार बनेगा, वह स्थिर नहीं रह सकेगा — यह शाप मैंने तुम्हें दिया है।' उसने तब तुमसे ऐसा ही कहा था।

श्लोक 37 (uttara.30.37)

तां तु भार्यां स निर्भर्त्स्य सो ऽब्रवीत्सुमहातपाः। दुर्विनीते विनिध्वंस ममाश्रमसमीपतः ॥ 30.37 ॥

tāṃ tu bhāryāṃ sa nirbhartsya so 'bravītsumahātapāḥ| durvinīte vinidhvaṃsa mamāśramasamīpataḥ || 30.37 ||

तब अपनी उस पत्नी को फटकारते हुए, उस महातपस्वी ने कहा — "हे दुर्विनीते! मेरे आश्रम के समीप से दूर हो जाओ!

श्लोक 38 (uttara.30.38)

रूपयौवनसम्पन्ना यस्मात्त्वमनवस्थिता। तस्माद्रूपवती लोके न त्वमेका भविष्यति ॥ 30.38 ॥

rūpayauvanasampannā yasmāttvamanavasthitā| tasmādrūpavatī loke na tvamekā bhaviṣyati || 30.38 ||

चूँकि रूप और यौवन से सम्पन्न होकर भी तुम अस्थिर सिद्ध हुई, इसलिए अब संसार में तुम अकेली रूपवती नहीं रह जाओगी।

श्लोक 39 (uttara.30.39)

रूपं च ते प्रजाः सर्वा गमिष्यन्ति न संशयः। यत्तदेकं समाश्रित्य विभ्रमो ऽयमुपस्थितः ॥ 30.39 ॥

rūpaṃ ca te prajāḥ sarvā gamiṣyanti na saṃśayaḥ| yattadekaṃ samāśritya vibhramo 'yamupasthitaḥ || 30.39 ||

तुम्हारा वह रूप निःसन्देह सभी प्रजाओं में चला जाएगा — वही रूप, जिसका सहारा लेकर यह विपत्ति उपस्थित हुई है।

श्लोक 40 (uttara.30.40)

तदाप्रभृति भूयिष्ठं प्रजा रूपसमन्विताः। सा तं प्रसादयामास महर्षिं गौतमं तदा ॥ 30.40 ॥

tadāprabhṛti bhūyiṣṭhaṃ prajā rūpasamanvitāḥ| sā taṃ prasādayāmāsa maharṣiṃ gautamaṃ tadā || 30.40 ||

तभी से अधिकांश प्रजाएँ रूपवती हो गईं। तब उसने महर्षि गौतम को प्रसन्न करने का प्रयत्न किया —

श्लोक 41 (uttara.30.41)

अज्ञानाद्धर्षिता विप्र त्वद्रूपेण दिवौकसा। न कामकाराद्विप्रर्षे प्रसादं कर्तुमर्हसि ॥ 30.41 ॥

ajñānāddharṣitā vipra tvadrūpeṇa divaukasā| na kāmakārādviprarṣe prasādaṃ kartumarhasi || 30.41 ||

"हे विप्र! मैं अनजाने में ही, आपका ही रूप धारण किए हुए देवता द्वारा भ्रष्ट की गई; यह मेरी अपनी इच्छा से नहीं हुआ — हे विप्रर्षे! आपको मुझ पर प्रसन्न होना चाहिए।"

श्लोक 42 (uttara.30.42)

अहल्यया त्वेवमुक्तः प्रत्युवाच स गौतमः। उत्पत्स्यति महातेजा इक्ष्वाकूणां महारथः ॥ 30.42 ॥

ahalyayā tvevamuktaḥ pratyuvāca sa gautamaḥ| utpatsyati mahātejā ikṣvākūṇāṃ mahārathaḥ || 30.42 ||

अहल्या द्वारा ऐसा कहे जाने पर गौतम ने उत्तर दिया — "इक्ष्वाकुओं के कुल में एक महातेजस्वी, महारथी उत्पन्न होगा।

श्लोक 43 (uttara.30.43)

रामो नाम श्रुतो लोके वनं चाप्युपयास्यति। ब्राह्मणार्थे महाबाहुर्विष्णुर्मानुषविग्रहः। तं द्रक्ष्यसि यदा भद्रे ततः पूता भविष्यसि ॥ 30.43 ॥

rāmo nāma śruto loke vanaṃ cāpyupayāsyati| brāhmaṇārthe mahābāhurviṣṇurmānuṣavigrahaḥ| taṃ drakṣyasi yadā bhadre tataḥ pūtā bhaviṣyasi || 30.43 ||

'राम' नाम से लोक में विख्यात, वह वन में भी आएगा — महाबाहु विष्णु ही, ब्राह्मणों के हित के लिए, मानव-रूप धारण किए हुए। हे भद्रे! जब तुम उसे देखोगी, तब तुम पवित्र हो जाओगी।

श्लोक 44 (uttara.30.44)

स हि पावयितुं शक्तस्त्वया यद्दुष्कृतं कृतम्। तस्यातिथ्यं च कृत्वा वै मत्समीपं गमिष्यसि ॥ 30.44 ॥

sa hi pāvayituṃ śaktastvayā yadduṣkṛtaṃ kṛtam| tasyātithyaṃ ca kṛtvā vai matsamīpaṃ gamiṣyasi || 30.44 ||

क्योंकि तुमसे जो दुष्कर्म हुआ है, उसे पवित्र करने में वही समर्थ है; और उसका आतिथ्य करने के पश्चात् ही तुम मेरे पास आ सकोगी।

श्लोक 45 (uttara.30.45)

वत्स्यसि त्वं मया सार्धं तदा हि वरवर्णिनि। एवमुक्त्वा स विप्रर्षिराजगाम स्वमाश्रमम् ॥ 30.45 ॥

vatsyasi tvaṃ mayā sārdhaṃ tadā hi varavarṇini| evamuktvā sa viprarṣirājagāma svamāśramam || 30.45 ||

तब हे वरवर्णिनि! तुम मेरे साथ ही निवास करोगी।" ऐसा कहकर वह विप्रर्षि अपने आश्रम को लौट गए।

श्लोक 46 (uttara.30.46)

तपश्चाचार सुमहत्सा पत्नी ब्रह्मवादिनः। शापोत्सर्गाद्धि तस्येदं मुनेः सर्वमुपस्थितम् ॥ 30.46 ॥

tapaścācāra sumahatsā patnī brahmavādinaḥ| śāpotsargāddhi tasyedaṃ muneḥ sarvamupasthitam || 30.46 ||

और उस ब्रह्मवादी मुनि की वह पत्नी तत्पश्चात् महान् तप करने लगी — यह सब कुछ उस मुनि के शाप के फलस्वरूप ही घटित हुआ था।

श्लोक 47 (uttara.30.47)

तत्स्मर त्वं महाबाहो दुष्कृतं यत्त्वया कृतम्। तेन त्वं ग्रहणं शत्रोर्यातो नान्येन वासव ॥ 30.47 ॥

tatsmara tvaṃ mahābāho duṣkṛtaṃ yattvayā kṛtam| tena tvaṃ grahaṇaṃ śatroryāto nānyena vāsava || 30.47 ||

अतः हे महाबाहो! उस दुष्कर्म का स्मरण करो, जो तुमने किया था; उसी के कारण, हे वासव, न कि किसी अन्य कारण से, तुम शत्रु के हाथों में पड़े थे।

श्लोक 48 (uttara.30.48)

शीघ्रं वै यज यज्ञं त्वं वैष्णवं सुसमाहितः। पावितस्तेन यज्ञेन यास्यसे त्रिदिवं ततः ॥ 30.48 ॥

śīghraṃ vai yaja yajñaṃ tvaṃ vaiṣṇavaṃ susamāhitaḥ| pāvitastena yajñena yāsyase tridivaṃ tataḥ || 30.48 ||

अब शीघ्र ही, एकाग्रचित्त होकर, तुम विष्णु का यज्ञ करो; उस यज्ञ से पवित्र होकर, तुम तत्पश्चात् स्वर्गलोक को जाओगे।

श्लोक 49 (uttara.30.49)

पुत्रश्च तव देवेन्द्र न विनष्टो महारणे। नीतः सन्निहितश्चैव आर्यकेण महोदधौ ॥ 30.49 ॥

putraśca tava devendra na vinaṣṭo mahāraṇe| nītaḥ sannihitaścaiva āryakeṇa mahodadhau || 30.49 ||

और हे देवेन्द्र! तुम्हारा पुत्र भी उस महासमर में नष्ट नहीं हुआ; उसे उसके मातामह (आर्यक) ने महासागर में ले जाकर सुरक्षित रखा है।

श्लोक 50 (uttara.30.50)

एतच्छ्रुत्वा महेन्द्रस्तु यज्ञमिष्ट्वा च वैष्णवम्। पुनस्त्रिदिवमाक्रामदन्वशासच्च देवराट् ॥ 30.50 ॥

etacchrutvā mahendrastu yajñamiṣṭvā ca vaiṣṇavam| punastridivamākrāmadanvaśāsacca devarāṭ || 30.50 ||

यह सुनकर महेन्द्र ने वैष्णव यज्ञ का अनुष्ठान किया, और पुनः स्वर्गलोक को प्राप्त हुए, और देवराज होकर देवताओं पर शासन करने लगे।

श्लोक 51 (uttara.30.51)

एतदिन्द्रजितो नाम बलं यत्कीर्तितं मया। निर्जितस्तेन देवेन्द्रः प्राणिनो ऽन्ये तु किं पुनः ॥ 30.51 ॥

etadindrajito nāma balaṃ yatkīrtitaṃ mayā| nirjitastena devendraḥ prāṇino 'nye tu kiṃ punaḥ || 30.51 ||

यही है इन्द्रजित् का वह पराक्रम, जो मैंने तुम्हें सुनाया; उसके द्वारा देवेन्द्र भी पराजित हुए — फिर अन्य प्राणियों की तो बात ही क्या!

श्लोक 52 (uttara.30.52)

आश्चर्यमिति रामश्च लक्ष्मणश्चाब्रवीत्तदा। अगस्त्यवचनं श्रुत्वा वानरा राक्षसास्तदा ॥ 30.52 ॥

āścaryamiti rāmaśca lakṣmaṇaścābravīttadā| agastyavacanaṃ śrutvā vānarā rākṣasāstadā || 30.52 ||

"यह तो अद्भुत है!" — यह तब राम और लक्ष्मण ने कहा; और अगस्त्य के इस वचन को सुनकर वानर और राक्षस भी तब —

श्लोक 53 (uttara.30.53)

विभीषणस्तु रामस्य पार्श्वस्थो वाक्यमब्रवीत्। आश्चर्यं स्मारितो ऽस्म्यद्य यत्तद्दृष्टं पुरातनम् ॥ 30.53 ॥

vibhīṣaṇastu rāmasya pārśvastho vākyamabravīt| āścaryaṃ smārito 'smyadya yattaddṛṣṭaṃ purātanam || 30.53 ||

विभीषण ने भी, राम के पार्श्व में खड़े होकर, कहा — "आज मुझे उस पुरातन आश्चर्य का स्मरण हो आया, जिसे मैंने स्वयं देखा था।"

श्लोक 54 (uttara.30.54)

अगस्त्यं त्वब्रवीद्रामः सत्यमेतच्छ्रुतं च मे ॥ 30.54 ॥

agastyaṃ tvabravīdrāmaḥ satyametacchrutaṃ ca me || 30.54 ||

किन्तु राम ने अगस्त्य से कहा — "यह सत्य है; और मैंने भी इसके विषय में सुना है।"

श्लोक 55 (uttara.30.55)

एवं राम समुद्भूतो रावणो लोककण्टकः। सपुत्रो येन सङ्ग्रामे जितः शक्रः सुरेश्वरः ॥ 30.55 ॥

evaṃ rāma samudbhūto rāvaṇo lokakaṇṭakaḥ| saputro yena saṅgrāme jitaḥ śakraḥ sureśvaraḥ || 30.55 ||

हे राम! इस प्रकार लोक-कण्टक रावण उत्पन्न हुआ, जिसने अपने पुत्र सहित, युद्ध में देवेश्वर शक्र को भी जीत लिया।