रावण और नर्मदा-तट की शिव-पूजा

श्लोक 1 (uttara.31.1)

ततो रामो महातेजा विस्मयात्पुनरेव हि । उवाच प्रणतो वाक्यमगस्त्यमृषिसत्तमम् ॥ 31.1 ॥

tato rāmo mahātejā vismayātpunareva hi | uvāca praṇato vākyamagastyamṛṣisattamam || 31.1 ||

तत्पश्चात् महातेजस्वी श्रीराम ने पुनः आश्चर्यचकित होकर विनम्रतापूर्वक ऋषिश्रेष्ठ अगस्त्य से यह वचन कहा।

श्लोक 2 (uttara.31.2)

भगवन्राक्षसः क्रूरो यदाप्रभृति मेदिनीम् । पर्यटत्किं तदा लोकाः शून्या आसन्द्विजोत्तम ॥ 31.2 ॥

bhagavanrākṣasaḥ krūro yadāprabhṛti medinīm | paryaṭatkiṃ tadā lokāḥ śūnyā āsandvijottama || 31.2 ||

हे भगवन्, हे द्विजोत्तम, क्या जब से वह क्रूर राक्षस पृथ्वी पर विचरण करने लगा, तब से संसार रक्षकविहीन शून्य हो गया था?

श्लोक 3 (uttara.31.3)

राजा वा राजमात्रो वा किं तदा नात्र कश्चन । धर्षणं यत्र न प्राप्तो रावणो राक्षसेश्वरः ॥ 31.3 ॥

rājā vā rājamātro vā kiṃ tadā nātra kaścana | dharṣaṇaṃ yatra na prāpto rāvaṇo rākṣaseśvaraḥ || 31.3 ||

क्या उस समय पृथ्वी पर कोई राजा अथवा राजा के समान भी कोई न था, कि राक्षसेश्वर रावण को कहीं पराजय का सामना न करना पड़ा?

श्लोक 4 (uttara.31.4)

उताहो हतवीर्यास्ते बभूवुः पृथिवीक्षितः । बहिष्कृता वरास्त्रैश्च बहवो निर्जिता नृपाः ॥ 31.4 ॥

utāho hatavīryāste babhūvuḥ pṛthivīkṣitaḥ | bahiṣkṛtā varāstraiśca bahavo nirjitā nṛpāḥ || 31.4 ||

अथवा क्या पृथ्वी के राजा पराक्रमहीन होकर उसके श्रेष्ठ अस्त्रों से खदेड़ दिए गए, और अनेक राजा केवल पराजित ही कर दिए गए थे?

श्लोक 5 (uttara.31.5)

राघवस्य वचः श्रुत्वा ह्यगस्त्यो भगवानृषिः । उवाच रामं प्रहसन्पितामह इवेश्वरम् ॥ 31.5 ॥

rāghavasya vacaḥ śrutvā hyagastyo bhagavānṛṣiḥ | uvāca rāmaṃ prahasanpitāmaha iveśvaram || 31.5 ||

रघुनन्दन राम के इन वचनों को सुनकर भगवान् ऋषि अगस्त्य मुस्कुराते हुए, मानो पितामह ब्रह्मा ईश्वर शिव से बोल रहे हों, वैसे राम से बोले।

श्लोक 6 (uttara.31.6)

इत्येवं बाधमानस्तु पार्थिवान्पार्थिवर्षभ । चचार रावणो राम पृथिवीं पृथिवीपते ॥ 31.6 ॥

ityevaṃ bādhamānastu pārthivānpārthivarṣabha | cacāra rāvaṇo rāma pṛthivīṃ pṛthivīpate || 31.6 ||

हे पृथिवीपते राम, हे राजश्रेष्ठ, इस प्रकार राजाओं को पीड़ित करता हुआ रावण पृथ्वी पर विचरण करता था।

श्लोक 7 (uttara.31.7)

ततो माहिष्मतीं नाम पुरीं स्वर्गपुरीप्रभाम् । सम्प्राप्तो यत्र सान्निध्यं सदासीद्वसुरेतसः ॥ 31.7 ॥

tato māhiṣmatīṃ nāma purīṃ svargapurīprabhām | samprāpto yatra sānnidhyaṃ sadāsīdvasuretasaḥ || 31.7 ||

तदनन्तर वह स्वर्गपुरी के समान तेजस्वी माहिष्मती नामक नगरी में पहुँचा, जहाँ अग्निदेव का दिव्य सान्निध्य सदा रहता था।

श्लोक 8 (uttara.31.8)

तुल्य आसीन्नृपस्तस्य प्रभावाद्वसुरेतसः । अर्जुनो नाम यत्राग्निः शरकुण्डेशयः सदा ॥ 31.8 ॥

tulya āsīnnṛpastasya prabhāvādvasuretasaḥ | arjuno nāma yatrāgniḥ śarakuṇḍeśayaḥ sadā || 31.8 ||

वहाँ उस अग्नि के समान प्रभावशाली अर्जुन नामक राजा राज्य करता था, जिसके यहाँ शरकुण्ड (नरकुल की वेदी) में अग्नि सदा प्रज्वलित रहती थी।

श्लोक 9 (uttara.31.9)

तमेव दिवसं सो ऽथ हैहयाधिपतिर्बली । अर्जुनो नर्मदां रन्तुं गतः स्त्रीभिः सहेश्वरः ॥ 31.9 ॥

tameva divasaṃ so 'tha haihayādhipatirbalī | arjuno narmadāṃ rantuṃ gataḥ strībhiḥ saheśvaraḥ || 31.9 ||

उसी दिन बलवान् हैहयाधिपति राजा अर्जुन अपनी रानियों सहित नर्मदा में जलक्रीड़ा करने गया हुआ था।

श्लोक 10 (uttara.31.10)

तमेव दिवसं सो ऽथ रावणस्तत्र आगतः । रावणो राक्षसेन्द्रस्तु तस्यामात्यानपृच्छत ॥ 31.10 ॥

tameva divasaṃ so 'tha rāvaṇastatra āgataḥ | rāvaṇo rākṣasendrastu tasyāmātyānapṛcchata || 31.10 ||

उसी दिन रावण भी वहाँ आ पहुँचा; राक्षसेन्द्र रावण ने उसके मन्त्रियों से पूछताछ की।

श्लोक 11 (uttara.31.11)

क्वार्जुनो नृपतिः शीघ्रं सम्यगाख्यातुमर्हथ । रावणो ऽहमनुप्राप्तो युद्धेप्सुर्नृवरेण ह । ममागमनमप्यग्रे युष्माभिः सन्निवेद्यताम् ॥ 31.11 ॥

kvārjuno nṛpatiḥ śīghraṃ samyagākhyātumarhatha | rāvaṇo 'hamanuprāpto yuddhepsurnṛvareṇa ha | mamāgamanamapyagre yuṣmābhiḥ sannivedyatām || 31.11 ||

"राजा अर्जुन कहाँ है? शीघ्र और यथार्थ बताओ। मैं रावण, युद्ध की इच्छा से इस श्रेष्ठ राजा के पास आया हूँ। मेरे आगमन का समाचार भी उन्हें तुरन्त पहुँचाओ।"

श्लोक 12 (uttara.31.12)

इत्येवं रावणेनोक्तास्ते ऽमात्याः सुविपश्चितः । अब्रुवन्राक्षसपतिमसान्निध्यं महीपतेः ॥ 31.12 ॥

ityevaṃ rāvaṇenoktāste 'mātyāḥ suvipaścitaḥ | abruvanrākṣasapatimasānnidhyaṃ mahīpateḥ || 31.12 ||

रावण के ऐसा कहने पर वे बुद्धिमान् मन्त्री राक्षसराज से बोले कि राजा इस समय उपस्थित नहीं हैं।

श्लोक 13 (uttara.31.13)

श्रुत्वा विश्रवसः पुत्रः पौराणामर्जुनं गतम् । अपसृत्यागतो विन्ध्यं हिमवत्सन्निभं गिरिम् ॥ 31.13 ॥

śrutvā viśravasaḥ putraḥ paurāṇāmarjunaṃ gatam | apasṛtyāgato vindhyaṃ himavatsannibhaṃ girim || 31.13 ||

नगरवासियों से यह सुनकर कि अर्जुन नर्मदा-क्रीड़ा हेतु गया है, विश्रवापुत्र रावण वहाँ से लौटकर हिमालय-सदृश विन्ध्य पर्वत पर पहुँचा।

श्लोक 14 (uttara.31.14)

स तमभ्रमिवाविष्टमुद्भ्रन्तमिव मेदिनीम् । अपश्यद्रावणो विन्ध्यमालिखन्तमिवाम्बरम् ॥ 31.14 ॥

sa tamabhramivāviṣṭamudbhrantamiva medinīm | apaśyadrāvaṇo vindhyamālikhantamivāmbaram || 31.14 ||

रावण ने उस विन्ध्य पर्वत को देखा, जो मानो बादलों में समाया हो, मानो पृथ्वी को हिला रहा हो, और मानो आकाश को कुरेद रहा हो।

श्लोक 15 (uttara.31.15)

सहस्रशिखरोपेतं सिंहाध्युषितकन्दरम् । प्रपातपतितैस्तोयैः साट्टहासमिवाम्बुधिम् ॥ 31.15 ॥

sahasraśikharopetaṃ siṃhādhyuṣitakandaram | prapātapatitaistoyaiḥ sāṭṭahāsamivāmbudhim || 31.15 ||

वह पर्वत सहस्रों शिखरों से युक्त था, उसकी कन्दराओं में सिंह निवास करते थे, और झरनों के गिरते जल से वह मानो अट्टहास करता हुआ समुद्र-सा प्रतीत होता था।

श्लोक 16 (uttara.31.16)

देवदानवगन्धर्वैः साप्सरोगणकिन्नरैः । स्वस्त्रीभिः क्रीडमानैश्च स्वर्गभूतं महोच्छ्रयम् ॥ 31.16 ॥

devadānavagandharvaiḥ sāpsarogaṇakinnaraiḥ | svastrībhiḥ krīḍamānaiśca svargabhūtaṃ mahocchrayam || 31.16 ||

देव, दानव, गन्धर्व, अप्सराओं के समूह तथा किन्नर अपनी-अपनी स्त्रियों सहित वहाँ क्रीड़ा करते थे, जिससे वह विशाल पर्वत मानो साक्षात् स्वर्ग बन गया था।

श्लोक 17 (uttara.31.17)

नदीभिः स्यन्दमानाभिः स्फटिकप्रतिमं जलम् । फणाभिश्चलजिह्वाभिरनन्तमिव विष्ठितम् ॥ 31.17 ॥

nadībhiḥ syandamānābhiḥ sphaṭikapratimaṃ jalam | phaṇābhiścalajihvābhiranantamiva viṣṭhitam || 31.17 ||

प्रवाहित नदियों का जल स्फटिक के समान निर्मल था, और चंचल जिह्वा वाले सर्पों के फणों से वह मानो शेषनाग से व्याप्त प्रतीत होता था।

श्लोक 18 (uttara.31.18)

उत्क्रामन्तं दरीवन्तं हिमवत्सन्निभं गिरिम् । पश्यमानस्ततो विन्ध्यं रावणो नर्मदां ययौ ॥ 31.18 ॥

utkrāmantaṃ darīvantaṃ himavatsannibhaṃ girim | paśyamānastato vindhyaṃ rāvaṇo narmadāṃ yayau || 31.18 ||

उस ऊँचे, गुफाओं से भरे, हिमालय-सदृश विन्ध्य पर्वत को देखते हुए रावण वहाँ से नर्मदा की ओर चला —

श्लोक 19 (uttara.31.19)

चलोपलजलां पुण्यां पश्चिमोदधिगामिनीम् ॥ 31.19 ॥

calopalajalāṃ puṇyāṃ paścimodadhigāminīm || 31.19 ||

— उस पवित्र नदी की ओर, जिसका जल पत्थरों पर लहराता हुआ बहता था, और जो पश्चिम सागर की ओर जाती थी,

श्लोक 20 (uttara.31.20)

महिषैः सृमरैः सिंहैः शार्दूलर्क्षगजोत्तमैः । उष्णाभितप्तैस्तृषितैः सङ्क्षोभितजलाशयाम् ॥ 31.20 ॥

mahiṣaiḥ sṛmaraiḥ siṃhaiḥ śārdūlarkṣagajottamaiḥ | uṣṇābhitaptaistṛṣitaiḥ saṅkṣobhitajalāśayām || 31.20 ||

जिसका जल गर्मी से तप्त और प्यासे भैंसों, हिरणों, सिंहों, व्याघ्रों, भालुओं और श्रेष्ठ हाथियों से क्षुब्ध हो रहा था,

श्लोक 21 (uttara.31.21)

चक्रवाकैः सकारण्डैः सहंसजलकुक्कुटैः । सारसैश्च सदा मत्तैः सुकूजद्भिः समावृताम् ॥ 31.21 ॥

cakravākaiḥ sakāraṇḍaiḥ sahaṃsajalakukkuṭaiḥ | sārasaiśca sadā mattaiḥ sukūjadbhiḥ samāvṛtām || 31.21 ||

जो सदा मधुर बोलने वाले चक्रवाक पक्षियों, बत्तखों, हंसों, जलमुर्गियों तथा सदा मत्त सारसों से सर्वदा घिरी रहती थी,

श्लोक 22 (uttara.31.22)

फुल्लद्रुमकृतोत्तंसां चक्रवाकयुगस्तनीम् । विस्तीर्णपुलिनश्रोणीं हंसावलिसुमेखलाम् ॥ 31.22 ॥

phulladrumakṛtottaṃsāṃ cakravākayugastanīm | vistīrṇapulinaśroṇīṃ haṃsāvalisumekhalām || 31.22 ||

जो खिले हुए वृक्षों को अपना आभूषण बनाए थी, जिसके चक्रवाक-युगल मानो उसके स्तन थे, जिसके विस्तृत बालुका-तट उसके नितम्ब थे, और हंसों की पंक्ति उसकी सुन्दर करधनी थी —

श्लोक 23 (uttara.31.23)

पुष्परेण्वनुलिप्ताङ्गीं जलफेनामलांशुकाम् । जलावगाहसंस्पर्शां फुल्लोत्पलशुभेक्षणाम् । पुष्पकादवरुह्याशु नर्मदां सरितां वराम् ॥ 31.23 ॥

puṣpareṇvanuliptāṅgīṃ jalaphenāmalāṃśukām | jalāvagāhasaṃsparśāṃ phullotpalaśubhekṣaṇām | puṣpakādavaruhyāśu narmadāṃ saritāṃ varām || 31.23 ||

जिसका शरीर पुष्प-पराग से अनुलिप्त था, जिसका निर्मल वस्त्र जल का फेन था, जिसका स्पर्श जल में डुबकी लगाना ही था, और जिसके सुन्दर नेत्र खिले हुए कमल थे — रावण पुष्पक विमान से उतरकर शीघ्र ही उस श्रेष्ठ नदी नर्मदा के पास पहुँचा।

श्लोक 24 (uttara.31.24)

इष्टामिव वरां नारीमवगाह्य दशाननः । स तस्याः पुलिने रम्ये नानामुनिनिषेविते ॥ 31.24 ॥

iṣṭāmiva varāṃ nārīmavagāhya daśānanaḥ | sa tasyāḥ puline ramye nānāmuniniṣevite || 31.24 ||

दशानन रावण ने उसमें ऐसे प्रवेश किया मानो किसी प्रिय और श्रेष्ठ स्त्री का आलिंगन कर रहा हो, और फिर अनेक मुनियों से सेवित उसके रमणीय तट पर,

श्लोक 25 (uttara.31.25)

उपोपविष्टैः सचिवैः सार्धं राक्षसपुङ्गवः । प्रख्याय नर्मदां सो ऽथ गङ्गेयमिति रावणः ॥ 31.25 ॥

upopaviṣṭaiḥ sacivaiḥ sārdhaṃ rākṣasapuṅgavaḥ | prakhyāya narmadāṃ so 'tha gaṅgeyamiti rāvaṇaḥ || 31.25 ||

वह राक्षसश्रेष्ठ अपने समीप बैठे मन्त्रियों के साथ बैठ गया, और नर्मदा को पहचानकर रावण बोला — "यह तो गंगा ही है" —

श्लोक 26 (uttara.31.26)

नर्मदादर्शजं हर्षमाप्तवान् राक्षसाधिपः । उवाच सचिवांस्तत्र सलीलं शुकसारणौ ॥ 31.26 ॥

narmadādarśajaṃ harṣamāptavān rākṣasādhipaḥ | uvāca sacivāṃstatra salīlaṃ śukasāraṇau || 31.26 ||

नर्मदा-दर्शन से उत्पन्न हर्ष को प्राप्त राक्षसराज ने वहाँ शुक और सारण नामक मन्त्रियों से क्रीडापूर्वक कहा —

श्लोक 27 (uttara.31.27)

एष रश्मिसहस्रेण जगत्कृत्वैव काञ्चनम् । तीक्ष्णतापकरः सूर्यो नभसो ऽर्धं समाश्रितः ॥ 31.27 ॥

eṣa raśmisahasreṇa jagatkṛtvaiva kāñcanam | tīkṣṇatāpakaraḥ sūryo nabhaso 'rdhaṃ samāśritaḥ || 31.27 ||

"यह सूर्य, जो सहस्र किरणों से संसार को सुवर्णमय बनाकर तीव्र ताप देने वाला है, अब आकाश के मध्य भाग में पहुँच गया है;

श्लोक 28 (uttara.31.28)

मामासीनं विदित्वैव चन्द्रायति दिवाकरः ॥ 31.28 ॥

māmāsīnaṃ viditvaiva candrāyati divākaraḥ || 31.28 ||

"— मुझे यहाँ बैठा जानकर ही मानो यह दिवाकर चन्द्रमा के समान शीतल हो गया है।"

श्लोक 29 (uttara.31.29)

नर्मदाजलशीतश्च सुगन्धिः श्रमनाशनः । मद्भयादनिलो ऽप्यत्र वात्येष सुसमाहितः ॥ 31.29 ॥

narmadājalaśītaśca sugandhiḥ śramanāśanaḥ | madbhayādanilo 'pyatra vātyeṣa susamāhitaḥ || 31.29 ||

"नर्मदा के जल से शीतल, सुगन्धित, थकान मिटाने वाली यह वायु भी मानो मेरे भय से यहाँ इतनी शान्त और संयत होकर बह रही है।"

श्लोक 30 (uttara.31.30)

इयं वापि सरिच्छ्रेष्ठा नर्मदा नर्मवर्धिनी । नक्रमीनविहङ्गोर्मिः सभयेवाङ्गना स्थिता ॥ 31.30 ॥

iyaṃ vāpi saricchreṣṭhā narmadā narmavardhinī | nakramīnavihaṅgormiḥ sabhayevāṅganā sthitā || 31.30 ||

"और यह नदी-श्रेष्ठा, आनन्दवर्धिनी नर्मदा भी, अपने मगरमच्छों, मछलियों, पक्षियों और लहरों सहित, मानो कोई भयभीत स्त्री बनकर खड़ी है।"

श्लोक 31 (uttara.31.31)

तद्भवन्तः क्षताः शस्त्रैर्नृपैरिन्द्रसमैर्युधि । चन्दनस्य रसेनेव रुधिरेण समुक्षिताः ॥ 31.31 ॥

tadbhavantaḥ kṣatāḥ śastrairnṛpairindrasamairyudhi | candanasya raseneva rudhireṇa samukṣitāḥ || 31.31 ||

"अब तुम लोग, जो इन्द्र-तुल्य राजाओं के शस्त्रों से युद्ध में घायल हो चुके हो, रक्त से ऐसे सिंचित हो मानो चन्दन-रस से लिप्त हो —

श्लोक 32 (uttara.31.32)

ते यूयमवगाहध्वं नर्मदां शर्मदां शुभाम् । महापद्ममुखा मत्ता गङ्गामिव गहागजाः । अस्यां स्नात्वा महानद्यां पाप्मानं विप्रमोक्ष्यथ ॥ 31.32 ॥

te yūyamavagāhadhvaṃ narmadāṃ śarmadāṃ śubhām | mahāpadmamukhā mattā gaṅgāmiva gahāgajāḥ | asyāṃ snātvā mahānadyāṃ pāpmānaṃ vipramokṣyatha || 31.32 ||

— तुम लोग इस मंगलकारी, कल्याणदायिनी नर्मदा में स्नान करो, जैसे कमल-सम मुख वाले मत्त गजराज गंगा में प्रवेश करते हैं; इस महानदी में स्नान करके तुम अपने समस्त पाप से मुक्त हो जाओगे।"

श्लोक 33 (uttara.31.33)

अहमप्यद्य पुलिने शरदिन्दुसमप्रभे । पुष्पोपहारं शनकैः करिष्यामि कपर्दिनः ॥ 31.33 ॥

ahamapyadya puline śaradindusamaprabhe | puṣpopahāraṃ śanakaiḥ kariṣyāmi kapardinaḥ || 31.33 ||

"मैं भी आज शरद्-चन्द्रमा के समान उज्ज्वल इस बालुका-तट पर धीरे-धीरे कपर्दी शिव के लिए पुष्पोपहार अर्पित करूँगा।"

श्लोक 34 (uttara.31.34)

रावणेनैवमुक्तास्तु प्रहस्तशुकसारणाः । समहोदरधूम्राक्षा नर्मदां विजगाहिरे ॥ 31.34 ॥

rāvaṇenaivamuktāstu prahastaśukasāraṇāḥ | samahodaradhūmrākṣā narmadāṃ vijagāhire || 31.34 ||

रावण के ऐसा कहने पर प्रहस्त, शुक, सारण, महोदर और धूम्राक्ष नर्मदा में उतर गए।

श्लोक 35 (uttara.31.35)

राक्षसेन्द्रगजैस्तैस्तु क्षोभिता नर्मदा नदी । वामनाञ्जनपद्माद्यैर्गङ्गा इव महागजैः ॥ 31.35 ॥

rākṣasendragajaistaistu kṣobhitā narmadā nadī | vāmanāñjanapadmādyairgaṅgā iva mahāgajaiḥ || 31.35 ||

उन राक्षस-गजराजों से नर्मदा नदी वैसे ही क्षुब्ध हो उठी, जैसे वामन, अंजन, पद्म आदि महागजों से गंगा नदी क्षुब्ध होती है।

श्लोक 36 (uttara.31.36)

ततस्ते राक्षसाः स्नात्वा नर्मदायां महाबलाः । उत्तीर्य पुष्पाण्याजह्रुर्बल्यर्थं रावणस्य तु ॥ 31.36 ॥

tataste rākṣasāḥ snātvā narmadāyāṃ mahābalāḥ | uttīrya puṣpāṇyājahrurbalyarthaṃ rāvaṇasya tu || 31.36 ||

तब वे महाबली राक्षस नर्मदा में स्नान करके बाहर निकले और रावण के पूजनार्थ पुष्प एकत्र किए।

श्लोक 37 (uttara.31.37)

नर्मदापुलिने हृद्ये शुभ्राभ्रसदृशप्रभे । राक्षसैस्तु मुहूर्तेन कृतः पुष्पमयो गिरिः ॥ 31.37 ॥

narmadāpuline hṛdye śubhrābhrasadṛśaprabhe | rākṣasaistu muhūrtena kṛtaḥ puṣpamayo giriḥ || 31.37 ||

श्वेत मेघ के समान कान्तिमान्, हृदयहारी नर्मदा-तट पर राक्षसों ने क्षणभर में ही पुष्पों का एक पर्वत बना दिया।

श्लोक 38 (uttara.31.38)

पुष्पेषूपहृतेष्वेवं रावणो राक्षसेश्वरः । अवतीर्णो नदीं स्नातुं गङ्गामिव महागजः ॥ 31.38 ॥

puṣpeṣūpahṛteṣvevaṃ rāvaṇo rākṣaseśvaraḥ | avatīrṇo nadīṃ snātuṃ gaṅgāmiva mahāgajaḥ || 31.38 ||

इस प्रकार पुष्प अर्पित हो जाने पर राक्षसेश्वर रावण स्नान करने के लिए नदी में उतरा, जैसे कोई महागज गंगा में उतरता है।

श्लोक 39 (uttara.31.39)

तत्र स्नात्वा च विधिवज्जप्त्वा जप्यमनुत्तमम् । नर्मदासलिलात्तस्मादुत्ततार स रावणः ॥ 31.39 ॥

tatra snātvā ca vidhivajjaptvā japyamanuttamam | narmadāsalilāttasmāduttatāra sa rāvaṇaḥ || 31.39 ||

वहाँ स्नान करके और विधिपूर्वक उत्तम जप करके, रावण नर्मदा के जल से बाहर निकला।

श्लोक 40 (uttara.31.40)

ततः क्लिन्नाम्बरं त्यक्त्वा शुक्लवस्त्रसमावृतम् । रावणं प्राञ्जलिं यान्तमन्वयुः सर्वराक्षसाः ॥ 31.40 ॥

tataḥ klinnāmbaraṃ tyaktvā śuklavastrasamāvṛtam | rāvaṇaṃ prāñjaliṃ yāntamanvayuḥ sarvarākṣasāḥ || 31.40 ||

तत्पश्चात् गीले वस्त्र त्यागकर श्वेत वस्त्र धारण किए हुए, हाथ जोड़े चलते हुए रावण के पीछे सभी राक्षस चल पड़े।

श्लोक 41 (uttara.31.41)

तद्गतीवशमापन्ना मूर्तिमन्त इवाचलाः । यत्र यत्र च याति स्म रावणो राक्षसेश्वरः । जाम्बूनदमयं लिङ्गं तत्र तत्र स्म नीयते ॥ 31.41 ॥

tadgatīvaśamāpannā mūrtimanta ivācalāḥ | yatra yatra ca yāti sma rāvaṇo rākṣaseśvaraḥ | jāmbūnadamayaṃ liṅgaṃ tatra tatra sma nīyate || 31.41 ||

मानो पर्वत ही साकार होकर उसकी गति के अधीन हो गए हों, राक्षसेश्वर रावण जहाँ-जहाँ जाता, वहाँ-वहाँ वह स्वर्णमय शिवलिंग भी साथ ले जाया जाता था।

श्लोक 42 (uttara.31.42)

वालुकावेदिमध्ये तु तल्लिङ्गं स्थाप्य रावणः । अर्चयामास गन्धैश्च पुष्पैश्चामृतगन्धिभिः ॥ 31.42 ॥

vālukāvedimadhye tu talliṅgaṃ sthāpya rāvaṇaḥ | arcayāmāsa gandhaiśca puṣpaiścāmṛtagandhibhiḥ || 31.42 ||

रावण ने बालुका की वेदी के मध्य उस लिंग को स्थापित करके सुगन्धित द्रव्यों और अमृत-सुगन्धित पुष्पों से उसकी पूजा की।

श्लोक 43 (uttara.31.43)

ततः सतामार्तिहरं परं वरं वरप्रदं चन्द्रमयूखभूषणम् । समर्चयित्वा स निशाचरो जगौ प्रसार्य हस्तान्प्रणनर्त चाग्रतः ॥ 31.43 ॥

tataḥ satāmārtiharaṃ paraṃ varaṃ varapradaṃ candramayūkhabhūṣaṇam | samarcayitvā sa niśācaro jagau prasārya hastānpraṇanarta cāgrataḥ || 31.43 ||

इस प्रकार सज्जनों के दुःख हरने वाले, वरदाता, चन्द्रकला से विभूषित उस परम श्रेष्ठ देव की पूजा करके, वह निशाचर रावण गा उठा और अपनी भुजाएँ फैलाकर उनके सम्मुख नृत्य करने लगा।