कुबेर को लंका की प्राप्ति

श्लोक 1 (uttara.3.1)

अथ पुत्रः पुलस्त्यस्य विश्रवा मुनिपुङ्गवः । अचिरेणैव कालेन पितेव तपसि स्थितः ॥ 3.1 ॥

atha putraḥ pulastyasya viśravā munipuṅgavaḥ | acireṇaiva kālena piteva tapasi sthitaḥ || 3.1 ||

तब पुलस्त्य के पुत्र, श्रेष्ठ मुनि विश्रवा, थोड़े ही समय में अपने पिता के समान तपस्या में स्थित हो गए।

श्लोक 2 (uttara.3.2)

सत्यवाञ्छीलवाञ्छान्तः स्वाध्यायनिरतः शुचिः । सर्वभोगेष्वसंसक्तो नित्यं धर्मपरायणः ॥ 3.2 ॥

satyavāñchīlavāñchāntaḥ svādhyāyanirataḥ śuciḥ | sarvabhogeṣvasaṃsakto nityaṃ dharmaparāyaṇaḥ || 3.2 ||

वे सत्यवादी, शीलवान, शान्त, स्वाध्याय में रत, पवित्र, समस्त भोगों से अनासक्त तथा सदा धर्मपरायण थे।

श्लोक 3 (uttara.3.3)

ज्ञात्वा तस्य तु तद्वृत्तं भरद्वाजो महामुनिः । ददौ विश्रवसे भार्यां स्वसुतां देववर्णिनीम् ॥ 3.3 ॥

jñātvā tasya tu tadvṛttaṃ bharadvājo mahāmuniḥ | dadau viśravase bhāryāṃ svasutāṃ devavarṇinīm || 3.3 ||

उनके इस आचरण को जानकर महामुनि भरद्वाज ने अपनी देवोपम कन्या को विश्रवा को पत्नी रूप में प्रदान किया।

श्लोक 4 (uttara.3.4)

प्रतिगृह्य तु धर्मेण भरद्वाजसुतां तदा । प्रजान्वेक्षिकया बुद्ध्या श्रेयो ह्यस्य विचिन्तयन् ॥ 3.4 ॥

pratigṛhya tu dharmeṇa bharadvājasutāṃ tadā | prajānvekṣikayā buddhyā śreyo hyasya vicintayan || 3.4 ||

भरद्वाज की पुत्री को विधिपूर्वक ग्रहण करके, संतानोत्पत्ति की दृष्टि से उसकी भलाई के विषय में विचार करते हुए —

श्लोक 5 (uttara.3.5)

मुदा परमया युक्तो विश्रवा मुनिपुङ्गवः । स तस्यां वीर्यसम्पन्नमपत्यं परमाद्भुतम् ॥ 3.5 ॥

mudā paramayā yukto viśravā munipuṅgavaḥ | sa tasyāṃ vīryasampannamapatyaṃ paramādbhutam || 3.5 ||

— परम हर्ष से युक्त मुनिश्रेष्ठ विश्रवा ने उसमें एक अत्यंत अद्भुत तथा पराक्रमी संतान उत्पन्न की।

श्लोक 6 (uttara.3.6)

जनयामास धर्मज्ञः सर्वैर्ब्रह्मगुणैर्युतम् । तस्मिञ्जाते तु संहृष्टः सम्बभूव पितामहः ॥ 3.6 ॥

janayāmāsa dharmajñaḥ sarvairbrahmaguṇairyutam | tasmiñjāte tu saṃhṛṣṭaḥ sambabhūva pitāmahaḥ || 3.6 ||

उस धर्मज्ञ ने ब्रह्मतेज के सभी गुणों से युक्त संतान उत्पन्न की। उसके जन्म लेने पर पितामह ब्रह्मा अत्यंत प्रसन्न हुए।

श्लोक 7 (uttara.3.7)

दृष्ट्वा श्रेयस्करीं बुद्धिं धनाध्यक्षो भविष्यति । नाम तस्याकरोत्प्रीतः सार्धं देवर्षिभिस्तदा ॥ 3.7 ॥

dṛṣṭvā śreyaskarīṃ buddhiṃ dhanādhyakṣo bhaviṣyati | nāma tasyākarotprītaḥ sārdhaṃ devarṣibhistadā || 3.7 ||

उसकी कल्याणकारी बुद्धि को देखकर ब्रह्मा ने कहा — "यह धन का अधिपति होगा" — और तब प्रसन्न होकर देवर्षियों के साथ उसका नामकरण किया।

श्लोक 8 (uttara.3.8)

यस्माद्विश्रवसो ऽपत्यं सादृश्याद्विश्रवा इव । तस्माद्वैश्रवणो नाम भविष्यत्वेष विश्रुतः ॥ 3.8 ॥

yasmādviśravaso 'patyaṃ sādṛśyādviśravā iva | tasmādvaiśravaṇo nāma bhaviṣyatveṣa viśrutaḥ || 3.8 ||

"चूंकि यह विश्रवा की संतान है और विश्रवा के समान है, अतः यह वैश्रवण नाम से विख्यात होगा।"

श्लोक 9 (uttara.3.9)

स तु वैश्रवणस्तत्र तपोवनगतस्तदा । अवर्धताहुतिहुतो महातेजा यथानलः ॥ 3.9 ॥

sa tu vaiśravaṇastatra tapovanagatastadā | avardhatāhutihuto mahātejā yathānalaḥ || 3.9 ||

वह वैश्रवण तब तपोवन में जाकर, आहुति से प्रज्वलित अग्नि के समान महातेजस्वी होकर वहाँ बढ़ने लगा।

श्लोक 10 (uttara.3.10)

तस्याश्रमपदस्थस्य बुद्धिर्जज्ञे महात्मनः । चरिष्ये परमं धर्मं धर्मो हि परमा गतिः ॥ 3.10 ॥

tasyāśramapadasthasya buddhirjajñe mahātmanaḥ | cariṣye paramaṃ dharmaṃ dharmo hi paramā gatiḥ || 3.10 ||

उस आश्रम में रहते हुए उस महात्मा के मन में यह विचार उत्पन्न हुआ — "मैं परम धर्म का आचरण करूंगा, क्योंकि धर्म ही परम गति है।"

श्लोक 11 (uttara.3.11)

स तु वर्षसहस्राणि तपस्तप्त्वा महावने । यन्त्रितो नियमैरुग्रैश्चकार सुमहत्तपः ॥ 3.11 ॥

sa tu varṣasahasrāṇi tapastaptvā mahāvane | yantrito niyamairugraiścakāra sumahattapaḥ || 3.11 ||

उसने महावन में सहस्र वर्षों तक तप करते हुए, कठोर नियमों से बंधकर अत्यंत महान तपस्या की।

श्लोक 12 (uttara.3.12)

पूर्णे वर्षसहस्रान्ते तं तं विधिमकल्पयत् । जलाशी मारुताहारो निराहारस्तथैव च ॥ 3.12 ॥

pūrṇe varṣasahasrānte taṃ taṃ vidhimakalpayat | jalāśī mārutāhāro nirāhārastathaiva ca || 3.12 ||

सहस्र वर्ष पूर्ण होने पर उसने क्रमशः विधियाँ अपनाईं — कभी जल पीकर, कभी वायु का आहार करके, तथा कभी पूर्ण निराहार रहकर।

श्लोक 13 (uttara.3.13)

एवं वर्षसहस्राणि जग्मुस्तान्येकवर्षवत् । अथ प्रीतो महातेजाः सेन्द्रैः सुरगणैः सह ॥ 3.13 ॥

evaṃ varṣasahasrāṇi jagmustānyekavarṣavat | atha prīto mahātejāḥ sendraiḥ suragaṇaiḥ saha || 3.13 ||

इस प्रकार वे सहस्र वर्ष एक वर्ष के समान बीत गए। तब प्रसन्न होकर महातेजस्वी ब्रह्मा इन्द्र सहित देवगणों के साथ —

श्लोक 14 (uttara.3.14)

गत्वा तस्याश्रमपदं ब्रह्मेदं वाक्यमब्रवीत् । परितुष्टो ऽस्मि ते वत्स कर्मणानेन सुव्रत । वरं वृणीष्व भद्रं ते वरार्हस्त्वं महामते ॥ 3.14 ॥

gatvā tasyāśramapadaṃ brahmedaṃ vākyamabravīt | parituṣṭo 'smi te vatsa karmaṇānena suvrata | varaṃ vṛṇīṣva bhadraṃ te varārhastvaṃ mahāmate || 3.14 ||

— उसके आश्रम में जाकर ब्रह्मा ने यह वचन कहा — "हे पुत्र, हे उत्तम व्रतधारी, मैं तुम्हारे इस कर्म से अत्यंत संतुष्ट हूँ। हे महामते, वर मांगो, तुम्हारा कल्याण हो; तुम वर पाने योग्य हो।"

श्लोक 15 (uttara.3.15)

अथाब्रवीद्वैश्रवणः पितामहमुपस्थितम् । भगवँल्लोकपालत्वमिच्छेयं वित्तरक्षणम् ॥ 3.15 ॥

athābravīdvaiśravaṇaḥ pitāmahamupasthitam | bhagava̐llokapālatvamiccheyaṃ vittarakṣaṇam || 3.15 ||

तब वैश्रवण ने अपने समक्ष उपस्थित पितामह से कहा — "हे भगवन्, मैं लोकपाल पद तथा धन-रक्षा का अधिकार चाहता हूँ।"

श्लोक 16 (uttara.3.16)

अथाब्रवीद्वैश्रवणं परितुष्टेन चेतसा । ब्रह्मा सुरगणैः सार्धं बाढमित्येव हृष्टवत् ॥ 3.16 ॥

athābravīdvaiśravaṇaṃ parituṣṭena cetasā | brahmā suragaṇaiḥ sārdhaṃ bāḍhamityeva hṛṣṭavat || 3.16 ||

तब ब्रह्मा ने संतुष्ट हृदय से देवगणों सहित हर्षपूर्वक वैश्रवण से कहा — "ऐसा ही हो।"

श्लोक 17 (uttara.3.17)

अहं वै लोकपालानां चतुर्थं स्रष्टुमुद्यतः ॥ 3.17 ॥

ahaṃ vai lokapālānāṃ caturthaṃ sraṣṭumudyataḥ || 3.17 ||

"मैं लोकपालों में तुम्हें चौथे के रूप में उत्पन्न करने को तत्पर हूँ।"

श्लोक 18 (uttara.3.18)

यमेन्द्रवरुणानां च पदं यत्तव चेप्सितम् । तद्गच्छ त्वं हि धर्मज्ञ निधीशत्वमवाप्नुहि । शक्राम्बुपयमानां च चतुर्थस्त्वं भविष्यसि ॥ 3.18 ॥

yamendravaruṇānāṃ ca padaṃ yattava cepsitam | tadgaccha tvaṃ hi dharmajña nidhīśatvamavāpnuhi | śakrāmbupayamānāṃ ca caturthastvaṃ bhaviṣyasi || 3.18 ||

"यम, इन्द्र और वरुण के समान पद ही तुम्हारी इच्छा है; हे धर्मज्ञ, जाओ, निधियों का स्वामित्व प्राप्त करो। तुम इन्द्र, वरुण (जलों के स्वामी) और यम के साथ चौथे होगे।"

श्लोक 19 (uttara.3.19)

एतच्च पुष्पकं नाम विमानं सूर्यसन्निभम् । प्रतिगृह्णीष्व यानार्थं त्रिदशैः समतां व्रज ॥ 3.19 ॥

etacca puṣpakaṃ nāma vimānaṃ sūryasannibham | pratigṛhṇīṣva yānārthaṃ tridaśaiḥ samatāṃ vraja || 3.19 ||

"और यह पुष्पक नामक सूर्य के समान तेजस्वी विमान अपनी सवारी हेतु ग्रहण करो; देवताओं के समान पद को प्राप्त करो।"

श्लोक 20 (uttara.3.20)

स्वस्ति ते ऽस्तु गमिष्यामः सर्व एव यथागतम् । कृतकृत्या वयं तात दत्त्वा तव वरद्वयम् ॥ 3.20 ॥

svasti te 'stu gamiṣyāmaḥ sarva eva yathāgatam | kṛtakṛtyā vayaṃ tāta dattvā tava varadvayam || 3.20 ||

"तुम्हारा कल्याण हो; हम सब अब आए हुए मार्ग से लौट जाएंगे। हे तात, तुम्हें यह दो वर देकर हम कृतकृत्य हो गए।"

श्लोक 21 (uttara.3.21)

इत्युक्त्वा स गतो ब्रह्मा स्वस्थानं त्रिदशैः सह ॥ 3.21 ॥

ityuktvā sa gato brahmā svasthānaṃ tridaśaiḥ saha || 3.21 ||

यह कहकर ब्रह्मा देवताओं सहित अपने स्थान को लौट गए।

श्लोक 22 (uttara.3.22)

गतेषु ब्रह्मपूर्वेषु देवेष्वथ नभस्थलम् । वने स पितरं प्राह प्राञ्जलिः प्रयतात्मवान् । निवासनं न मे देवो विदधे स प्रजापतिः ॥ 3.22 ॥

gateṣu brahmapūrveṣu deveṣvatha nabhasthalam | vane sa pitaraṃ prāha prāñjaliḥ prayatātmavān | nivāsanaṃ na me devo vidadhe sa prajāpatiḥ || 3.22 ||

ब्रह्मा आदि देवताओं के आकाशमार्ग से चले जाने पर, वन में उस संयमी वैश्रवण ने हाथ जोड़कर अपने पिता से कहा — "प्रभु प्रजापति (ब्रह्मा) ने मेरे लिए निवास स्थान निश्चित नहीं किया।"

श्लोक 23 (uttara.3.23)

भगवँल्लब्धवानस्मि वरमिष्टं पितामहात् । तं पश्य भगवन्कञ्चिन्निवासं साधु मे प्रभो ॥ 3.23 ॥

bhagava̐llabdhavānasmi varamiṣṭaṃ pitāmahāt | taṃ paśya bhagavankañcinnivāsaṃ sādhu me prabho || 3.23 ||

"हे भगवन्, मुझे पितामह से इच्छित वर प्राप्त हो गया है। हे प्रभु, अब आप मेरे लिए कोई उत्तम निवास स्थान देखिए।"

श्लोक 24 (uttara.3.24)

न च पीडा भवेद्यत्र प्राणिनो यस्य कस्यचित् । एवमुक्तस्तु पुत्रेण विश्रवा मुनिपुङ्गवः ॥ 3.24 ॥

na ca pīḍā bhavedyatra prāṇino yasya kasyacit | evamuktastu putreṇa viśravā munipuṅgavaḥ || 3.24 ||

"— जहाँ किसी भी प्राणी को कोई पीड़ा न हो।" पुत्र द्वारा इस प्रकार कहे जाने पर मुनिश्रेष्ठ विश्रवा —

श्लोक 25 (uttara.3.25)

वचनं प्राह धर्मज्ञः श्रूयतामिति सत्तमः । दक्षिणस्योदधेस्तीरे त्रिकूटो नाम पर्वतः ॥ 3.25 ॥

vacanaṃ prāha dharmajñaḥ śrūyatāmiti sattamaḥ | dakṣiṇasyodadhestīre trikūṭo nāma parvataḥ || 3.25 ||

— उस धर्मज्ञ सत्पुरुष ने कहा — "सुनो, दक्षिण समुद्र के तट पर त्रिकूट नामक एक पर्वत है।"

श्लोक 26 (uttara.3.26)

तस्याग्रे तु विशाला सा महेन्द्रस्य पुरी यथा । लङ्का नाम पुरी रम्या निर्मिता विश्वकर्मणा ॥ 3.26 ॥

tasyāgre tu viśālā sā mahendrasya purī yathā | laṅkā nāma purī ramyā nirmitā viśvakarmaṇā || 3.26 ||

"उसके शिखर पर वह विशाल और रमणीय नगरी है, जिसे लंका कहते हैं, जिसे विश्वकर्मा ने इन्द्र की नगरी के समान बनाया था।"

श्लोक 27 (uttara.3.27)

राक्षसानां निवासार्थं यथेन्द्रस्यामरावती । तत्र त्वं वस भद्रं ते लङ्कायां नात्र संशयः ॥ 3.27 ॥

rākṣasānāṃ nivāsārthaṃ yathendrasyāmarāvatī | tatra tvaṃ vasa bhadraṃ te laṅkāyāṃ nātra saṃśayaḥ || 3.27 ||

"जैसे इन्द्र के लिए अमरावती है, वैसे ही यह राक्षसों के निवास हेतु बनी है। तुम वहीं लंका में निवास करो, तुम्हारा कल्याण हो, इसमें कोई संदेह नहीं।"

श्लोक 28 (uttara.3.28)

हेमप्राकारपरिघा यन्त्रशस्त्रसमावृता । रमणीया पुरी सा हि रुक्मवैडूर्यतोरणा ॥ 3.28 ॥

hemaprākāraparighā yantraśastrasamāvṛtā | ramaṇīyā purī sā hi rukmavaiḍūryatoraṇā || 3.28 ||

"वह रमणीय नगरी सुवर्ण के परकोटे और अर्गलाओं से युक्त, यंत्रों और शस्त्रों से सुसज्जित तथा स्वर्ण-वैडूर्यमय तोरणों वाली है।"

श्लोक 29 (uttara.3.29)

राक्षसैः सा परित्यक्ता पुरा विष्णुभयार्दितैः । शून्या रक्षोगणैः सर्वै रसातलतलं गतैः ॥ 3.29 ॥

rākṣasaiḥ sā parityaktā purā viṣṇubhayārditaiḥ | śūnyā rakṣogaṇaiḥ sarvai rasātalatalaṃ gataiḥ || 3.29 ||

"वह नगरी पहले विष्णु के भय से पीड़ित राक्षसों द्वारा त्याग दी गई थी; समस्त राक्षसगण रसातल को चले जाने से वह सूनी पड़ी है।"

श्लोक 30 (uttara.3.30)

शून्या सम्प्रति लङ्का सा प्रभुस्तस्या न विद्यते । स त्वं तत्र निवासाय गच्छ पुत्र यथासुखम् ॥ 3.30 ॥

śūnyā samprati laṅkā sā prabhustasyā na vidyate | sa tvaṃ tatra nivāsāya gaccha putra yathāsukham || 3.30 ||

"वह लंका अब सूनी है, उसका कोई स्वामी नहीं है। हे पुत्र, तुम सुखपूर्वक वहाँ निवास हेतु जाओ।"

श्लोक 31 (uttara.3.31)

निर्दोषस्तत्र ते वासो न बाधास्तत्र कस्यचित् । एतच्छुत्वा स धर्मात्मा धर्मिष्ठं वचनं पितुः ॥ 3.31 ॥

nirdoṣastatra te vāso na bādhāstatra kasyacit | etacchutvā sa dharmātmā dharmiṣṭhaṃ vacanaṃ pituḥ || 3.31 ||

"वहाँ तुम्हारा निवास निर्दोष होगा, वहाँ किसी को कोई बाधा नहीं होगी।" पिता के इस धर्मपूर्ण वचन को सुनकर वह धर्मात्मा —

श्लोक 32 (uttara.3.32)

निवासयामास तदा लङ्कां पर्वतमूर्धनि । नैर्ऋतानां सहस्रैस्तु हृष्टैः प्रमुदुतैः सह ॥ 3.32 ॥

nivāsayāmāsa tadā laṅkāṃ parvatamūrdhani | nairṛtānāṃ sahasraistu hṛṣṭaiḥ pramudutaiḥ saha || 3.32 ||

— तब पर्वत के शिखर पर स्थित लंका में सहस्रों प्रसन्न और आनन्दित राक्षसों के साथ निवास करने लगा।

श्लोक 33 (uttara.3.33)

अचिरेणैव कालेन सम्पूर्णा तस्य शासनात् ॥ 3.33 ॥

acireṇaiva kālena sampūrṇā tasya śāsanāt || 3.33 ||

थोड़े ही समय में उसके शासन से वह नगरी परिपूर्ण हो गई।

श्लोक 34 (uttara.3.34)

स तु तत्रावसत्प्रीतो धर्मात्मा नैर्ऋतर्षभः । समुद्रपरिघायां तु लङ्कायां विश्रवात्मजः ॥ 3.34 ॥

sa tu tatrāvasatprīto dharmātmā nairṛtarṣabhaḥ | samudraparighāyāṃ tu laṅkāyāṃ viśravātmajaḥ || 3.34 ||

वह धर्मात्मा नैर्ऋतश्रेष्ठ, विश्रवा का पुत्र, समुद्र से घिरी उस लंका में प्रसन्नतापूर्वक निवास करने लगा।

श्लोक 35 (uttara.3.35)

काले काले तु धर्मात्मा पुष्पकेण धनेश्वरः । अभ्यागच्छद्विनीतात्मा पितरं मातरं च हि ॥ 3.35 ॥

kāle kāle tu dharmātmā puṣpakeṇa dhaneśvaraḥ | abhyāgacchadvinītātmā pitaraṃ mātaraṃ ca hi || 3.35 ||

समय-समय पर वह धर्मात्मा, धन का स्वामी, विनम्र वैश्रवण पुष्पक विमान से अपने माता-पिता से मिलने आया करता था।

श्लोक 36 (uttara.3.36)

स देवगन्धर्वगणैरभिष्टुतस्तथाप्सरोनृत्यविभूषितालयः । गभस्तिभिः सूर्य इवावभासयन्पितुः समीपं प्रययौ स वित्तपः ॥ 3.36 ॥

sa devagandharvagaṇairabhiṣṭutastathāpsaronṛtyavibhūṣitālayaḥ | gabhastibhiḥ sūrya ivāvabhāsayanpituḥ samīpaṃ prayayau sa vittapaḥ || 3.36 ||

देवताओं और गन्धर्वों के समूहों से स्तुति किया जाता हुआ, अप्सराओं के नृत्य से सुशोभित निवास वाला, सूर्य के समान अपनी किरणों से प्रकाशित करता हुआ वह धनपति अपने पिता के समीप गया।