सुकेश की उत्पत्ति

श्लोक 1 (uttara.4.1)

श्रुत्वागस्त्येरितं वाक्यं रामो विस्मयमागतः । कथमासीत्तु लङ्कायां सम्भवो रक्षसां पुरा ॥ 4.1 ॥

śrutvāgastyeritaṃ vākyaṃ rāmo vismayamāgataḥ | kathamāsīttu laṅkāyāṃ sambhavo rakṣasāṃ purā || 4.1 ||

अगस्त्य के इस वचन को सुनकर राम को आश्चर्य हुआ — "पहले लंका में राक्षसों की उत्पत्ति कैसे हुई थी?"

श्लोक 2 (uttara.4.2)

ततः शिरः कम्पयित्वा त्रेताग्निसमविग्रहम् । तमगस्त्यं मुहुर्दृष्ट्वा स्मयमानो ऽभ्यभाषत ॥ 4.2 ॥

tataḥ śiraḥ kampayitvā tretāgnisamavigraham | tamagastyaṃ muhurdṛṣṭvā smayamāno 'bhyabhāṣata || 4.2 ||

तब सिर हिलाते हुए, त्रेताग्नि के समान तेजस्वी उन अगस्त्य को बार-बार देखते हुए, मुस्कुराते हुए राम ने कहा।

श्लोक 3 (uttara.4.3)

भगवन्पूर्वमप्येषा लङ्कासीत्पिशिताशिनाम् । श्रुत्वेदं भगवद्वाक्यं जातो मे विस्मयः परः ॥ 4.3 ॥

bhagavanpūrvamapyeṣā laṅkāsītpiśitāśinām | śrutvedaṃ bhagavadvākyaṃ jāto me vismayaḥ paraḥ || 4.3 ||

"हे भगवन्, क्या यह लंका पहले भी मांसाहारियों (राक्षसों) की थी? आपका यह वचन सुनकर मुझे अत्यंत आश्चर्य हुआ है।"

श्लोक 4 (uttara.4.4)

पुलस्त्यवंशादुद्भूता राक्षसा इति नः श्रुतम् । इदानीमन्यतश्चापि सम्भवः कीर्तितस्त्वया ॥ 4.4 ॥

pulastyavaṃśādudbhūtā rākṣasā iti naḥ śrutam | idānīmanyataścāpi sambhavaḥ kīrtitastvayā || 4.4 ||

"हमने सुना है कि राक्षस पुलस्त्य के वंश से उत्पन्न हुए; किंतु अब आपने एक अन्य उत्पत्ति का भी वर्णन किया है।"

श्लोक 5 (uttara.4.5)

रावणात्कुम्भकर्णाच्च प्रहस्ताद्विकटादपि । रावणस्य च पुत्रेभ्यः किं नु ते बलवत्तराः ॥ 4.5 ॥

rāvaṇātkumbhakarṇācca prahastādvikaṭādapi | rāvaṇasya ca putrebhyaḥ kiṃ nu te balavattarāḥ || 4.5 ||

"क्या वे रावण, कुम्भकर्ण, प्रहस्त, विकट तथा रावण के पुत्रों से भी अधिक बलवान थे?"

श्लोक 6 (uttara.4.6)

क एषां पूर्वको ब्रह्मन्किन्नामा च बलोत्कटः । अपराधं च कं प्राप्य विष्णुना द्राविताः कथम् ॥ 4.6 ॥

ka eṣāṃ pūrvako brahmankinnāmā ca balotkaṭaḥ | aparādhaṃ ca kaṃ prāpya viṣṇunā drāvitāḥ katham || 4.6 ||

"हे ब्रह्मन्, उनमें प्रथम कौन था और उस बलिष्ठ का क्या नाम था? और किस अपराध के कारण वे विष्णु द्वारा भगाए गए?"

श्लोक 7 (uttara.4.7)

एतद्विस्तरतः सर्वं कथयस्व ममानघ । कुतूहलमिदं मह्यं नुद भानुर्यथा तमः ॥ 4.7 ॥

etadvistarataḥ sarvaṃ kathayasva mamānagha | kutūhalamidaṃ mahyaṃ nuda bhānuryathā tamaḥ || 4.7 ||

"हे अनघ, यह सब मुझे विस्तार से बताइए। जैसे सूर्य अंधकार को दूर करता है, वैसे ही मेरी इस जिज्ञासा को दूर कीजिए।"

श्लोक 8 (uttara.4.8)

राघवस्य वचः श्रुत्वा संस्कारालङ्कृतं शुभम् । ईषद्विस्मयमानस्तमगस्त्यः प्राह राघवम् ॥ 4.8 ॥

rāghavasya vacaḥ śrutvā saṃskārālaṅkṛtaṃ śubham | īṣadvismayamānastamagastyaḥ prāha rāghavam || 4.8 ||

राघव के परिष्कृत और शुभ वचन सुनकर अगस्त्य कुछ आश्चर्यचकित होकर राघव से बोले।

श्लोक 9 (uttara.4.9)

प्रजापतिः पुरा सृष्ट्वा ह्यपः सलिलसम्भवः । तासां गोपायने सत्त्वानसृजत्पद्मसम्भवः ॥ 4.9 ॥

prajāpatiḥ purā sṛṣṭvā hyapaḥ salilasambhavaḥ | tāsāṃ gopāyane sattvānasṛjatpadmasambhavaḥ || 4.9 ||

"पूर्वकाल में जल से उत्पन्न प्रजापति ने जल की रचना करके, कमल से उत्पन्न ब्रह्मा ने उनकी रक्षा हेतु प्राणियों को उत्पन्न किया।"

श्लोक 10 (uttara.4.10)

ते सत्त्वाः सत्त्वकर्तारं विनीतवदुपस्थिताः । किं कुर्म इति भाषन्तः क्षुत्पिपासाभयार्दिताः ॥ 4.10 ॥

te sattvāḥ sattvakartāraṃ vinītavadupasthitāḥ | kiṃ kurma iti bhāṣantaḥ kṣutpipāsābhayārditāḥ || 4.10 ||

"भूख, प्यास और भय से पीड़ित वे प्राणी विनम्रतापूर्वक अपने रचयिता के समक्ष उपस्थित होकर कहने लगे — 'हम क्या करें?'"

श्लोक 11 (uttara.4.11)

प्रजापतिस्तु तान्याह सत्वानि प्रहसन्निव । आभाष्य वाचा यत्नेन रक्षध्वमिति मानदः ॥ 4.11 ॥

prajāpatistu tānyāha satvāni prahasanniva | ābhāṣya vācā yatnena rakṣadhvamiti mānadaḥ || 4.11 ||

"प्रजापति ने मानो हँसते हुए, मान देने वाले उन्होंने उन प्राणियों से यत्नपूर्वक कहा — 'रक्षा करो!'"

श्लोक 12 (uttara.4.12)

रक्षामेति च तत्रान्ये जक्षाम इति चापरे । भुक्षिताभुक्षितैरुक्तस्ततस्तानाह भूतकृत् ॥ 4.12 ॥

rakṣāmeti ca tatrānye jakṣāma iti cāpare | bhukṣitābhukṣitairuktastatastānāha bhūtakṛt || 4.12 ||

उनमें से कुछ ने कहा "रक्षा करेंगे" और कुछ ने कहा "खाएंगे"। भूखे और बिना भूखे उन प्राणियों के इस उत्तर पर तब सृष्टिकर्ता ने उनसे कहा —

श्लोक 13 (uttara.4.13)

रक्षामेति च यैरुक्तं राक्षसास्ते भवन्तु वः । जक्षाम इति यैरुक्तं यक्षा एव भवन्तु वः ॥ 4.13 ॥

rakṣāmeti ca yairuktaṃ rākṣasāste bhavantu vaḥ | jakṣāma iti yairuktaṃ yakṣā eva bhavantu vaḥ || 4.13 ||

"— जिन्होंने 'रक्षा' कहा, वे राक्षस कहलाएंगे; जिन्होंने 'जक्षाम' (खाना) कहा, वे यक्ष कहलाएंगे।"

श्लोक 14 (uttara.4.14)

तत्र हेतिः प्रहेतिश्च भ्रातरौ राक्षसाधिपौ । मधुकैटभसङ्काशौ बभूवतुररिन्दमौ ॥ 4.14 ॥

tatra hetiḥ prahetiśca bhrātarau rākṣasādhipau | madhukaiṭabhasaṅkāśau babhūvaturarindamau || 4.14 ||

उनमें हेति और प्रहेति नामक दो भाई, मधु-कैटभ के समान राक्षसों के स्वामी तथा शत्रुदमन हुए।

श्लोक 15 (uttara.4.15)

प्रहेतिर्धार्मिकस्तत्र तपोवनगतस्तदा । हेतिर्दारक्रियार्थे तु परं यत्नमथाकरोत् ॥ 4.15 ॥

prahetirdhārmikastatra tapovanagatastadā | hetirdārakriyārthe tu paraṃ yatnamathākarot || 4.15 ||

उनमें से धर्मात्मा प्रहेति तपोवन को चले गए; जबकि हेति ने विवाह के लिए अत्यंत प्रयास किया।

श्लोक 16 (uttara.4.16)

स कालभगिनीं कन्यां भयां नाम भयावहाम् । उदावहदमेयात्मा स्वयमेव महामतिः ॥ 4.16 ॥

sa kālabhaginīṃ kanyāṃ bhayāṃ nāma bhayāvahām | udāvahadameyātmā svayameva mahāmatiḥ || 4.16 ||

अपार बुद्धि वाले उस महामति ने स्वयं ही काल की बहन, भयंकर भया नामक कन्या से विवाह किया।

श्लोक 17 (uttara.4.17)

स तस्यां जनयामास हेती राक्षसपुङ्गवः । पुत्रं पुत्रवतां श्रेष्ठो विद्युत्केश इति श्रुतम् ॥ 4.17 ॥

sa tasyāṃ janayāmāsa hetī rākṣasapuṅgavaḥ | putraṃ putravatāṃ śreṣṭho vidyutkeśa iti śrutam || 4.17 ||

राक्षसश्रेष्ठ हेति ने, पुत्रवानों में श्रेष्ठ होकर, उसमें विद्युत्केश नामक पुत्र को जन्म दिया।

श्लोक 18 (uttara.4.18)

विद्युत्केशो हेतिपुत्रः स दीप्तार्कसमप्रभः । व्यवर्धत महातेजास्तोयमध्य इवाम्बुदः ॥ 4.18 ॥

vidyutkeśo hetiputraḥ sa dīptārkasamaprabhaḥ | vyavardhata mahātejāstoyamadhya ivāmbudaḥ || 4.18 ||

हेति का पुत्र विद्युत्केश, प्रज्वलित सूर्य के समान तेजस्वी, जल के मध्य बादल के समान महातेजस्वी होकर बढ़ने लगा।

श्लोक 19 (uttara.4.19)

स यदा यौवनं भद्रमनुप्राप्तो निशाचरः । ततो दारक्रियां तस्य कर्तुं व्यवसितः पिता ॥ 4.19 ॥

sa yadā yauvanaṃ bhadramanuprāpto niśācaraḥ | tato dārakriyāṃ tasya kartuṃ vyavasitaḥ pitā || 4.19 ||

जब वह निशाचर यौवन को प्राप्त हुआ, तब उसके पिता ने उसका विवाह कराने का निश्चय किया।

श्लोक 20 (uttara.4.20)

सन्ध्यायास्तनयां सो ऽथ सन्ध्यातुल्यां प्रभावतः । वरयामास पुत्रार्थं हेती राक्षसपुङ्गवः ॥ 4.20 ॥

sandhyāyāstanayāṃ so 'tha sandhyātulyāṃ prabhāvataḥ | varayāmāsa putrārthaṃ hetī rākṣasapuṅgavaḥ || 4.20 ||

राक्षसश्रेष्ठ हेति ने अपने पुत्र के लिए संध्या की उस पुत्री का वरण किया, जो तेज में संध्या के ही समान थी।

श्लोक 21 (uttara.4.21)

अवश्यमेव दातव्या परस्मै सेति सन्ध्यया । चिन्तयित्वा सुता दत्ता विद्युत्केशाय राघव ॥ 4.21 ॥

avaśyameva dātavyā parasmai seti sandhyayā | cintayitvā sutā dattā vidyutkeśāya rāghava || 4.21 ||

"इसे अवश्य ही किसी अन्य को देना होगा" — ऐसा विचार कर संध्या ने अपनी पुत्री को विद्युत्केश को प्रदान किया, हे राघव।

श्लोक 22 (uttara.4.22)

सन्ध्यायास्तनयां लब्ध्वा विद्युत्केशो निशाचरः । रमते स्म तया सार्धं पौलोम्या मघवानिव ॥ 4.22 ॥

sandhyāyāstanayāṃ labdhvā vidyutkeśo niśācaraḥ | ramate sma tayā sārdhaṃ paulomyā maghavāniva || 4.22 ||

संध्या की पुत्री को पाकर निशाचर विद्युत्केश उसके साथ इस प्रकार रमण करने लगा, जैसे इन्द्र पौलोमी (शची) के साथ करते हैं।

श्लोक 23 (uttara.4.23)

केनचित्त्वथ कालेन राम सालकटङ्कटा । विद्युत्केशाद्गर्भमाप घनराजिरिवार्णवात् ॥ 4.23 ॥

kenacittvatha kālena rāma sālakaṭaṅkaṭā | vidyutkeśādgarbhamāpa ghanarājirivārṇavāt || 4.23 ||

कुछ समय पश्चात्, हे राम, सालकटंकटा ने विद्युत्केश से गर्भ धारण किया, जैसे समुद्र से मेघों की पंक्ति उत्पन्न होती है।

श्लोक 24 (uttara.4.24)

ततः सा राक्षसी गर्भं घनगर्भसमप्रभम् । प्रसूता मन्दरं गत्वा गङ्गा गर्भमिवाग्निजम् ॥ 4.24 ॥

tataḥ sā rākṣasī garbhaṃ ghanagarbhasamaprabham | prasūtā mandaraṃ gatvā gaṅgā garbhamivāgnijam || 4.24 ||

तब उस राक्षसी ने मन्दराचल पर जाकर मेघगर्भ के समान तेजस्वी उस गर्भ को जन्म दिया, जैसे गंगा ने अग्निपुत्र (स्कन्द) को जन्म दिया था।

श्लोक 25 (uttara.4.25)

समुत्सृज्य तु सा गर्भं विद्युत्केशरतार्थिनी । रेमे तु सार्धं पतिना विस्मृत्य सुतमात्मजम् ॥ 4.25 ॥

samutsṛjya tu sā garbhaṃ vidyutkeśaratārthinī | reme tu sārdhaṃ patinā vismṛtya sutamātmajam || 4.25 ||

किंतु विद्युत्केश के साथ रमण की इच्छुक उस राक्षसी ने अपनी संतान को त्याग कर, अपने पुत्र को भुलाकर, पति के साथ रमण किया।

श्लोक 26 (uttara.4.26)

उत्सृष्टस्तु तदा गर्भो घनशब्दसमस्वनः । तयोत्सृष्टः स तु शिशुः शरदर्कसमद्युतिः । निधायास्ये स्वयं मुष्टिं रुरोद शनकैस्तदा ॥ 4.26 ॥

utsṛṣṭastu tadā garbho ghanaśabdasamasvanaḥ | tayotsṛṣṭaḥ sa tu śiśuḥ śaradarkasamadyutiḥ | nidhāyāsye svayaṃ muṣṭiṃ ruroda śanakaistadā || 4.26 ||

उसके द्वारा त्यागा गया वह शिशु, जिसकी ध्वनि मेघगर्जन के समान थी और जो शरत्कालीन सूर्य के समान तेजस्वी था, अपनी मुट्ठी मुख में डालकर धीरे-धीरे रोने लगा।

श्लोक 27 (uttara.4.27)

ततो वृषभमास्थाय पार्वत्या सहितः शिवः । वायुमार्गेण गच्छन्वै शुश्राव रुदितस्वनम् ॥ 4.27 ॥

tato vṛṣabhamāsthāya pārvatyā sahitaḥ śivaḥ | vāyumārgeṇa gacchanvai śuśrāva ruditasvanam || 4.27 ||

तब अपने वृषभ पर आरूढ़, पार्वती सहित शिव, आकाशमार्ग से जाते हुए, उस रुदन की ध्वनि को सुनकर।

श्लोक 28 (uttara.4.28)

अपश्यदुमया सार्धं रुदन्तं राक्षसात्मजम् । कारुण्यभावात्पार्वत्या भवस्त्रिपुरसूदनः ॥ 4.28 ॥

apaśyadumayā sārdhaṃ rudantaṃ rākṣasātmajam | kāruṇyabhāvātpārvatyā bhavastripurasūdanaḥ || 4.28 ||

उमा सहित उन्होंने उस राक्षसी के रोते हुए पुत्र को देखा। पार्वती की करुणा से प्रेरित होकर त्रिपुरसंहारक शिव ने —

श्लोक 29 (uttara.4.29)

तं राक्षसात्मजं चक्रे मातुरेव वयःसमम् । अमरं चैव तं कृत्वा महादेवो ऽक्षरो ऽव्ययः ॥ 4.29 ॥

taṃ rākṣasātmajaṃ cakre mātureva vayaḥsamam | amaraṃ caiva taṃ kṛtvā mahādevo 'kṣaro 'vyayaḥ || 4.29 ||

— उस राक्षसपुत्र को अपनी माता के ही समान आयु का बना दिया, और उसे अमर भी कर दिया — वे अविनाशी, अव्यय महादेव।

श्लोक 30 (uttara.4.30)

पुरमाकाशगं प्रादात्पार्वत्याः प्रियकाम्यया । उमयापि वरो दत्तो राक्षसानां नृपात्मज ॥ 4.30 ॥

puramākāśagaṃ prādātpārvatyāḥ priyakāmyayā | umayāpi varo datto rākṣasānāṃ nṛpātmaja || 4.30 ||

पार्वती को प्रसन्न करने की इच्छा से उन्होंने उसे आकाशगामी नगरी प्रदान की। और हे राजकुमार, उमा ने भी राक्षसों के लिए एक वरदान दिया।

श्लोक 31 (uttara.4.31)

सद्योपलब्धिर्गर्भस्य प्रसूतिः सद्य एव च । सद्य एव वयःप्राप्तिर्मातुरेव वयस्समम् ॥ 4.31 ॥

sadyopalabdhirgarbhasya prasūtiḥ sadya eva ca | sadya eva vayaḥprāptirmātureva vayassamam || 4.31 ||

"गर्भ की तत्काल प्राप्ति, तत्काल ही प्रसव, और तत्काल ही माता के समान आयु की प्राप्ति।"

श्लोक 32 (uttara.4.32)

ततः सुकेशो वरदानगर्वितः श्रियं प्रभोः प्राप्य हरस्य पार्श्वतः । चचार सर्वत्र महान्महामतिः खगं पुरं प्राप्य पुरन्दरो यथा ॥ 4.32 ॥

tataḥ sukeśo varadānagarvitaḥ śriyaṃ prabhoḥ prāpya harasya pārśvataḥ | cacāra sarvatra mahānmahāmatiḥ khagaṃ puraṃ prāpya purandaro yathā || 4.32 ||

तब वह सुकेश, वरदान से गर्वित, भगवान हर से श्री प्राप्त कर, वह महान महामति आकाशगामी नगरी को पाकर पुरन्दर (इन्द्र) के समान सर्वत्र विचरण करने लगा।