सुकेश के पुत्रों की कथा

श्लोक 1 (uttara.5.1)

सुकेशं धार्मिकं दृष्ट्वा वरलब्धं च राक्षसम् । ग्रामणीर्नाम गन्धर्वो विश्वावसुसमप्रभः ॥ 5.1 ॥

sukeśaṃ dhārmikaṃ dṛṣṭvā varalabdhaṃ ca rākṣasam | grāmaṇīrnāma gandharvo viśvāvasusamaprabhaḥ || 5.1 ||

उस धर्मात्मा राक्षस सुकेश को, जिसने वरदान प्राप्त किया था, देखकर विश्वावसु के समान तेजस्वी ग्रामणी नामक एक गन्धर्व —

श्लोक 2 (uttara.5.2)

तस्य देववती नाम द्वितीया श्रीरिवात्मजा । त्रिषु लोकेषु विख्याता रूपयौवनशालिनी । तां सुकेशाय धर्मेण ददौ रक्षःश्रियं यथा ॥ 5.2 ॥

tasya devavatī nāma dvitīyā śrīrivātmajā | triṣu lokeṣu vikhyātā rūpayauvanaśālinī | tāṃ sukeśāya dharmeṇa dadau rakṣaḥśriyaṃ yathā || 5.2 ||

— उसकी देववती नामक पुत्री, जो मानो द्वितीय लक्ष्मी थी, तीनों लोकों में विख्यात, रूप और यौवन से सुशोभित थी — उसे उसने विधिपूर्वक सुकेश को इस प्रकार प्रदान किया, मानो राक्षसों की श्री ही प्रदान कर रहा हो।

श्लोक 3 (uttara.5.3)

वरदानकृतैश्वर्यं सा तं प्राप्य पतिं प्रियम् । आसीद्देववती तुष्टा धनं प्राप्येव निर्धनः ॥ 5.3 ॥

varadānakṛtaiśvaryaṃ sā taṃ prāpya patiṃ priyam | āsīddevavatī tuṣṭā dhanaṃ prāpyeva nirdhanaḥ || 5.3 ||

वरदान से प्राप्त ऐश्वर्य वाले उस प्रिय पति को पाकर देववती वैसे ही संतुष्ट हुई जैसे निर्धन व्यक्ति धन पाकर संतुष्ट होता है।

श्लोक 4 (uttara.5.4)

स तया सह संयुक्तो रराज रजनीचरः । अञ्जनादभिनिष्क्रान्तः करेण्वेव महागजः ॥ 5.4 ॥

sa tayā saha saṃyukto rarāja rajanīcaraḥ | añjanādabhiniṣkrāntaḥ kareṇveva mahāgajaḥ || 5.4 ||

उससे संयुक्त होकर वह निशाचर ऐसा सुशोभित हुआ जैसे अंजनगिरि से निकला हुआ महागज हथिनी के साथ सुशोभित होता है।

श्लोक 5 (uttara.5.5)

देववत्यां सुकेशस्तु जनयामास राघव ॥ 5.5 ॥

devavatyāṃ sukeśastu janayāmāsa rāghava || 5.5 ||

हे राघव, देववती में सुकेश ने संतान उत्पन्न की।

श्लोक 6 (uttara.5.6)

त्रीन् पुत्रान् जनयामास त्रेताग्निसमविग्रहान् । माल्यवन्तं सुमालिं च मालिं च बलिनां वरम् । त्रींस्त्रिनेत्रसमान्पुत्रान्राक्षसान्राक्षसाधिपः ॥ 5.6 ॥

trīn putrān janayāmāsa tretāgnisamavigrahān | mālyavantaṃ sumāliṃ ca māliṃ ca balināṃ varam | trīṃstrinetrasamānputrānrākṣasānrākṣasādhipaḥ || 5.6 ||

उस राक्षसराज ने त्रेताग्नि के समान तेजस्वी तीन पुत्र उत्पन्न किए — माल्यवान, सुमाली और बलवानों में श्रेष्ठ माली — त्रिनेत्र शिव के समान तेजस्वी तीनों राक्षस पुत्र।

श्लोक 7 (uttara.5.7)

त्रयो लोका इवाव्यग्राः स्थितास्त्रय इवाग्नयः । त्रयो मन्त्रा इवात्युग्रास्त्रयो घोरा इवामयाः ॥ 5.7 ॥

trayo lokā ivāvyagrāḥ sthitāstraya ivāgnayaḥ | trayo mantrā ivātyugrāstrayo ghorā ivāmayāḥ || 5.7 ||

वे तीनों लोकों के समान अडिग, तीन अग्नियों के समान स्थित, तीन मन्त्रों के समान अत्यंत उग्र, तथा तीन रोगों के समान भयंकर थे।

श्लोक 8 (uttara.5.8)

त्रयः सुकेशस्य सुतास्त्रेताग्निसमतेजसः । विवृद्धिमगमंस्तत्र व्याधयोपेक्षिता इव ॥ 5.8 ॥

trayaḥ sukeśasya sutāstretāgnisamatejasaḥ | vivṛddhimagamaṃstatra vyādhayopekṣitā iva || 5.8 ||

सुकेश के वे तीनों पुत्र, त्रेताग्नि के समान तेजस्वी, वहाँ उपेक्षित रोगों के समान बढ़ने लगे।

श्लोक 9 (uttara.5.9)

वरप्राप्तिं पितुस्ते तु ज्ञात्वेश्वरतपोबलात् । तपस्तप्तुं गता मेरुं भ्रातरः कृतनिश्चयाः ॥ 5.9 ॥

varaprāptiṃ pituste tu jñātveśvaratapobalāt | tapastaptuṃ gatā meruṃ bhrātaraḥ kṛtaniścayāḥ || 5.9 ||

अपने पिता को शिव की तपस्या के बल से वरदान प्राप्त होना जानकर, वे भाई दृढ़ निश्चय करके तपस्या हेतु मेरु पर्वत गए।

श्लोक 10 (uttara.5.10)

प्रगृह्य नियमान्घोरान्राक्षसा नृपसत्तम । विचेरुस्ते तपो घोरं सर्वभूतभयावहम् ॥ 5.10 ॥

pragṛhya niyamānghorānrākṣasā nṛpasattama | viceruste tapo ghoraṃ sarvabhūtabhayāvaham || 5.10 ||

हे नृपश्रेष्ठ, घोर नियम धारण करके वे राक्षस ऐसा भयंकर तप करने लगे जो समस्त प्राणियों को भयभीत करने वाला था।

श्लोक 11 (uttara.5.11)

सत्यार्जवशमोपेतैस्तपोभिरतिदुष्करैः । सन्तापयन्तस्त्रील्लोँकान्सदेवासुरमानुषान् ॥ 5.11 ॥

satyārjavaśamopetaistapobhiratiduṣkaraiḥ | santāpayantastrīllo̐kānsadevāsuramānuṣān || 5.11 ||

सत्य, सरलता और शांति से युक्त अत्यंत दुष्कर तपस्याओं से वे देव, असुर और मनुष्यों सहित तीनों लोकों को संतप्त करने लगे।

श्लोक 12 (uttara.5.12)

ततो विभुश्चतुर्वक्त्रो विमानवरमास्थितः । सुकेशपुत्रानामन्त्र्य वरदो ऽस्मीत्यभाषत ॥ 5.12 ॥

tato vibhuścaturvaktro vimānavaramāsthitaḥ | sukeśaputrānāmantrya varado 'smītyabhāṣata || 5.12 ||

तब सर्वशक्तिमान चतुर्मुख ब्रह्मा अपने उत्तम विमान पर आरूढ़ होकर सुकेश के पुत्रों को संबोधित करते हुए बोले — "मैं वरदाता हूँ।"

श्लोक 13 (uttara.5.13)

ब्रह्माणं वरदं ज्ञात्वा सेन्द्रैर्देवगणैर्वृतम् । ऊचुः प्राञ्जलयः सर्वे वेपमाना इव द्रुमाः ॥ 5.13 ॥

brahmāṇaṃ varadaṃ jñātvā sendrairdevagaṇairvṛtam | ūcuḥ prāñjalayaḥ sarve vepamānā iva drumāḥ || 5.13 ||

इन्द्र सहित देवगणों से घिरे वरदाता ब्रह्मा को पहचानकर, वृक्षों के समान कांपते हुए वे सभी हाथ जोड़कर बोले।

श्लोक 14 (uttara.5.14)

तपसाराधितो देव यदि नो दिशसे वरम् । अजेयाः शत्रुहन्तारस्तथैव चिरजीविनः ॥ 5.14 ॥

tapasārādhito deva yadi no diśase varam | ajeyāḥ śatruhantārastathaiva cirajīvinaḥ || 5.14 ||

"हे देव, यदि हमारे तप से प्रसन्न होकर आप हमें वर देते हैं, तो हम अजेय, शत्रुनाशक तथा दीर्घजीवी हों।"

श्लोक 15 (uttara.5.15)

प्रभविष्ण्वो भवामेति परस्परमनुव्रताः ॥ 5.15 ॥

prabhaviṣṇvo bhavāmeti parasparamanuvratāḥ || 5.15 ||

"हम शक्तिशाली हों तथा परस्पर एक-दूसरे के अनुगामी हों।"

श्लोक 16 (uttara.5.16)

एवं भविष्यतीत्युक्त्वा सुकेशतनयान्विभुः । स ययौ ब्रह्मलोकाय ब्रह्मा ब्राह्मणवत्सलः ॥ 5.16 ॥

evaṃ bhaviṣyatītyuktvā sukeśatanayānvibhuḥ | sa yayau brahmalokāya brahmā brāhmaṇavatsalaḥ || 5.16 ||

सुकेश के पुत्रों से "ऐसा ही होगा" कहकर, ब्राह्मणों पर स्नेह रखने वाले वे सर्वशक्तिमान ब्रह्मा ब्रह्मलोक को चले गए।

श्लोक 17 (uttara.5.17)

वरं लब्ध्वा तु ते सर्वे राम रात्रिञ्चरास्तदा । सुरासुरान्प्रबाधन्ते वरदानसुनिर्भयाः ॥ 5.17 ॥

varaṃ labdhvā tu te sarve rāma rātriñcarāstadā | surāsurānprabādhante varadānasunirbhayāḥ || 5.17 ||

वर प्राप्त कर हे राम, वे सभी निशाचर तब वरदान से निर्भय होकर देवताओं और असुरों को पीड़ित करने लगे।

श्लोक 18 (uttara.5.18)

तैर्वध्यमानास्त्रिदशाः सर्षिसङ्घाः सचारणाः । त्रातारं नाधिगच्छन्ति निरयस्था यथा नराः ॥ 5.18 ॥

tairvadhyamānāstridaśāḥ sarṣisaṅghāḥ sacāraṇāḥ | trātāraṃ nādhigacchanti nirayasthā yathā narāḥ || 5.18 ||

उनके द्वारा पीड़ित देवगण, ऋषिसमूह तथा चारणों सहित, नरक में पड़े मनुष्यों के समान, कोई रक्षक नहीं पा सके।

श्लोक 19 (uttara.5.19)

अथ ते विश्वकर्माणं शिल्पिनां वरमव्ययम् । ऊचुः समेत्य संहृष्टा राक्षसा रघुसत्तम ॥ 5.19 ॥

atha te viśvakarmāṇaṃ śilpināṃ varamavyayam | ūcuḥ sametya saṃhṛṣṭā rākṣasā raghusattama || 5.19 ||

तब हे रघुश्रेष्ठ, वे राक्षस एकत्र होकर हर्षपूर्वक शिल्पियों में श्रेष्ठ अविनाशी विश्वकर्मा से बोले।

श्लोक 20 (uttara.5.20)

ओजस्तेजोबलवतां महतामात्मतेजसा । गृहकर्ता भवानेव देवानां हृदयेप्सितम् ॥ 5.20 ॥

ojastejobalavatāṃ mahatāmātmatejasā | gṛhakartā bhavāneva devānāṃ hṛdayepsitam || 5.20 ||

"आप ही अपने तेज से ओज, तेज और बल से सम्पन्न महानों तथा देवताओं के मनोवांछित गृहों के निर्माता हैं।"

श्लोक 21 (uttara.5.21)

अस्माकमपि तावत्त्वं गृहं कुरु महामते । हिमवन्तमपाश्रित्य मेरुमन्दरमेव वा । महेश्वरगृहप्रख्यं गृहं नः क्रियतां महत् ॥ 5.21 ॥

asmākamapi tāvattvaṃ gṛhaṃ kuru mahāmate | himavantamapāśritya merumandarameva vā | maheśvaragṛhaprakhyaṃ gṛhaṃ naḥ kriyatāṃ mahat || 5.21 ||

"हे महामते, हमारे लिए भी हिमालय, मेरु अथवा मन्दराचल का आश्रय लेकर एक गृह बनाइए। महेश्वर के गृह के समान प्रसिद्ध एक विशाल भवन हमारे लिए बनवाइए।"

श्लोक 22 (uttara.5.22)

विश्वकर्मा ततस्तेषां राक्षसानां महाभुजः । निवासं कथयामास शक्रस्येवामरावतीम् ॥ 5.22 ॥

viśvakarmā tatasteṣāṃ rākṣasānāṃ mahābhujaḥ | nivāsaṃ kathayāmāsa śakrasyevāmarāvatīm || 5.22 ||

तब महाभुज विश्वकर्मा ने उन राक्षसों को इन्द्र की अमरावती के समान एक निवास स्थान के विषय में बताया।

श्लोक 23 (uttara.5.23)

दक्षिणस्योदधेस्तीरे त्रिकूटो नाम पर्वतः । सुवेल इति चाप्यन्यो द्वितीयस्तत्र सत्तमाः ॥ 5.23 ॥

dakṣiṇasyodadhestīre trikūṭo nāma parvataḥ | suvela iti cāpyanyo dvitīyastatra sattamāḥ || 5.23 ||

"हे सत्पुरुषो, दक्षिण समुद्र के तट पर त्रिकूट नामक पर्वत है, और वहाँ सुवेल नामक एक दूसरा पर्वत भी है।"

श्लोक 24 (uttara.5.24)

शिखरे तस्य शैलस्य मध्यमे ऽम्बुदसन्निभे । शकुनैरपि दुष्प्रापे टङ्कच्छिन्नचतुर्दिशि ॥ 5.24 ॥

śikhare tasya śailasya madhyame 'mbudasannibhe | śakunairapi duṣprāpe ṭaṅkacchinnacaturdiśi || 5.24 ||

"उस पर्वत के मध्य शिखर पर, जो मेघ के समान है, पक्षियों के लिए भी दुर्गम है तथा चारों ओर से टांकी से काटे हुए के समान है —"

श्लोक 25 (uttara.5.25)

त्रिंशद्योजनक्स्तीर्णा शतयोजनमायता । स्वर्णप्राकारसंवीता हेमतोरणसंवृता ॥ 5.25 ॥

triṃśadyojanakstīrṇā śatayojanamāyatā | svarṇaprākārasaṃvītā hematoraṇasaṃvṛtā || 5.25 ||

"— तीस योजन चौड़ी तथा सौ योजन लंबी, सुवर्ण के परकोटे से घिरी, स्वर्ण तोरणों से आवृत —"

श्लोक 26 (uttara.5.26)

मया लङ्केति नगरी शक्राज्ञप्तेन निर्मिता । तस्यां वसत दुर्धर्षा यूयं राक्षसपुङ्गवाः ॥ 5.26 ॥

mayā laṅketi nagarī śakrājñaptena nirmitā | tasyāṃ vasata durdharṣā yūyaṃ rākṣasapuṅgavāḥ || 5.26 ||

"— वह नगरी लंका मैंने इन्द्र की आज्ञा से बनाई है। हे दुर्जय राक्षसश्रेष्ठो, उसी में तुम निवास करो।"

श्लोक 27 (uttara.5.27)

अमरावतीं समासाद्य सेन्द्रा इव दिवौकसः । लङ्कादुर्गं समासाद्य राक्षसैर्बहुभिर्वृताः ॥ 5.27 ॥

amarāvatīṃ samāsādya sendrā iva divaukasaḥ | laṅkādurgaṃ samāsādya rākṣasairbahubhirvṛtāḥ || 5.27 ||

"जैसे इन्द्र सहित देवगण अमरावती को पाकर सुशोभित होते हैं, वैसे ही अनेक राक्षसों से घिरे होकर लंकादुर्ग को पाकर —"

श्लोक 28 (uttara.5.28)

भविष्यथ दुराधर्षाः शत्रूणां शत्रुसूदनाः ॥ 5.28 ॥

bhaviṣyatha durādharṣāḥ śatrūṇāṃ śatrusūdanāḥ || 5.28 ||

"— तुम शत्रुओं के लिए दुर्जय, शत्रुनाशक बनोगे।"

श्लोक 29 (uttara.5.29)

विश्वकर्मवचः श्रुत्वा ततस्ते राक्षसोत्तमाः । सहस्रानुचरा भूत्वा गत्वा तामवसन्पुरीम् ॥ 5.29 ॥

viśvakarmavacaḥ śrutvā tataste rākṣasottamāḥ | sahasrānucarā bhūtvā gatvā tāmavasanpurīm || 5.29 ||

विश्वकर्मा के इस वचन को सुनकर वे श्रेष्ठ राक्षस सहस्रों अनुचरों सहित उस नगरी में जाकर बसने लगे।

श्लोक 30 (uttara.5.30)

दृढप्राकारपरिखां हैमैर्गृहशतैर्वृताम् । लङ्कामवाप्य ते हृष्टा न्यवसन्रजनीचराः ॥ 5.30 ॥

dṛḍhaprākāraparikhāṃ haimairgṛhaśatairvṛtām | laṅkāmavāpya te hṛṣṭā nyavasanrajanīcarāḥ || 5.30 ||

सुदृढ़ परकोटे और खाई से युक्त, सैकड़ों स्वर्ण-भवनों से घिरी लंका को पाकर वे निशाचर हर्षपूर्वक वहाँ निवास करने लगे।

श्लोक 31 (uttara.5.31)

एतस्मिन्नेव काले तु यथाकामं च राघव । नर्मदा नाम गन्धर्वी बभूव रघुनन्दन ॥ 5.31 ॥

etasminneva kāle tu yathākāmaṃ ca rāghava | narmadā nāma gandharvī babhūva raghunandana || 5.31 ||

इसी समय, हे राघव, हे रघुनन्दन, नर्मदा नामक एक गन्धर्वी अपनी इच्छानुसार विचरण करती थी।

श्लोक 32 (uttara.5.32)

तस्याः कान्यात्रयं ह्यासीत् धीश्रीकिर्तिसमद्युति । ज्येष्ठक्रमेण सा तेषां राक्षसानामराक्षसी ॥ 5.32 ॥

tasyāḥ kānyātrayaṃ hyāsīt dhīśrīkirtisamadyuti | jyeṣṭhakrameṇa sā teṣāṃ rākṣasānāmarākṣasī || 5.32 ||

उसकी तीन कन्याएँ थीं, जो धी, श्री और कीर्ति के समान तेजस्विनी थीं। वह अराक्षसी होते हुए भी, ज्येष्ठता के क्रम से उन्हें उन राक्षसों को प्रदान करने लगी।

श्लोक 33 (uttara.5.33)

कन्यास्ताः प्रददौ हृष्टा पूर्णचन्द्रनिभाननाः । त्रयाणां राक्षसेन्द्राणां तिस्रो गन्धर्वकन्यकाः ॥ 5.33 ॥

kanyāstāḥ pradadau hṛṣṭā pūrṇacandranibhānanāḥ | trayāṇāṃ rākṣasendrāṇāṃ tisro gandharvakanyakāḥ || 5.33 ||

पूर्णचन्द्र के समान मुख वाली उन कन्याओं को उसने प्रसन्नतापूर्वक तीनों राक्षसराजों को प्रदान किया — तीन गन्धर्व कन्याएँ तीन राक्षसों को।

श्लोक 34 (uttara.5.34)

दत्ता मात्रा महाभागा नक्षत्रे भगदैवते । कुतदारास्तु ते राम सुकेशतनयास्तदा ॥ 5.34 ॥

dattā mātrā mahābhāgā nakṣatre bhagadaivate | kutadārāstu te rāma sukeśatanayāstadā || 5.34 ||

उनकी माता द्वारा भगदेवता के नक्षत्र में प्रदत्त वे महाभागा कन्याएँ — इस प्रकार हे राम, सुकेश के पुत्रों ने विवाह कर लिया।

श्लोक 35 (uttara.5.35)

चिक्रीडुः सह भार्याभिरप्सरोभिरिवामराः । ततो माल्यवतो भार्या सुन्दरी नाम सुन्दरी ॥ 5.35 ॥

cikrīḍuḥ saha bhāryābhirapsarobhirivāmarāḥ | tato mālyavato bhāryā sundarī nāma sundarī || 5.35 ||

— अपनी पत्नियों के साथ इस प्रकार क्रीड़ा करने लगे जैसे अप्सराओं के साथ देवगण करते हैं। तब माल्यवान की सुन्दरी नामक सुन्दर पत्नी —

श्लोक 36 (uttara.5.36)

स तस्यां जनयामास यदपत्यं निबोध तत् । वज्रमुष्टिर्विरूपाक्षोदुर्मुखश्चैव राक्षसः ॥ 5.36 ॥

sa tasyāṃ janayāmāsa yadapatyaṃ nibodha tat | vajramuṣṭirvirūpākṣodurmukhaścaiva rākṣasaḥ || 5.36 ||

— उसमें उसने जो संतान उत्पन्न की, उसे सुनो — वज्रमुष्टि, विरूपाक्ष तथा राक्षस दुर्मुख —

श्लोक 37 (uttara.5.37)

सुप्तघ्नो यज्ञकोपश्च मत्तोन्मत्तौ तथैव च । अनला चाभवत्कन्या सुन्दर्यां राम सुन्दरी ॥ 5.37 ॥

suptaghno yajñakopaśca mattonmattau tathaiva ca | analā cābhavatkanyā sundaryāṃ rāma sundarī || 5.37 ||

— सुप्तघ्न, यज्ञकोप तथा मत्त और उन्मत्त भी। और हे राम, सुन्दरी में अनला नामक एक सुन्दर कन्या भी उत्पन्न हुई।

श्लोक 38 (uttara.5.38)

सुमालिनो ऽपि भार्यासीत्पूर्णचद्रनिभानना । नाम्ना केतुमती राम प्राणेभ्यो ऽपि गरीयसी ॥ 5.38 ॥

sumālino 'pi bhāryāsītpūrṇacadranibhānanā | nāmnā ketumatī rāma prāṇebhyo 'pi garīyasī || 5.38 ||

सुमाली की भी पत्नी थी, जिसका मुख पूर्णचन्द्र के समान था, नाम केतुमती, हे राम, जो उसे प्राणों से भी अधिक प्रिय थी।

श्लोक 39 (uttara.5.39)

सुमाली जनयामास यदपत्यं निशाचरः । केतुमत्यां महाराज तन्निबोधानुपूर्वशः ॥ 5.39 ॥

sumālī janayāmāsa yadapatyaṃ niśācaraḥ | ketumatyāṃ mahārāja tannibodhānupūrvaśaḥ || 5.39 ||

निशाचर सुमाली ने केतुमती में जो संतान उत्पन्न की, हे महाराज, उसे क्रमशः सुनो।

श्लोक 40 (uttara.5.40)

प्रहस्तो ऽकम्पनश्चैव विकटः कालकार्मुखः । धूम्राक्षश्चैव दण्डश्च सुपार्श्वश्च महाबलः ॥ 5.40 ॥

prahasto 'kampanaścaiva vikaṭaḥ kālakārmukhaḥ | dhūmrākṣaścaiva daṇḍaśca supārśvaśca mahābalaḥ || 5.40 ||

प्रहस्त, अकम्पन, विकट, कालकार्मुख, धूम्राक्ष, दण्ड तथा महाबली सुपार्श्व —

श्लोक 41 (uttara.5.41)

संह्रादिः प्रघसश्चैव भासकर्णश्च राक्षसः । राका पुष्पोत्कटा चैव कैकसी च शुचिस्मिता ।। कुम्भीनसी च इत्येते सुमालेः प्रसवाः स्मृताः ॥ 5.41 ॥

saṃhrādiḥ praghasaścaiva bhāsakarṇaśca rākṣasaḥ | rākā puṣpotkaṭā caiva kaikasī ca śucismitā || kumbhīnasī ca ityete sumāleḥ prasavāḥ smṛtāḥ || 5.41 ||

— संह्रादि, प्रघस तथा राक्षस भासकर्ण; और राका, पुष्पोत्कटा, मधुर मुस्कान वाली कैकसी तथा कुम्भीनसी — ये सब सुमाली की संतानें कही जाती हैं।

श्लोक 42 (uttara.5.42)

मालेस्तु वसुधा नाम गन्धर्वी रूपशालिनी । भार्यासीत्पद्मपत्राक्षी स्वक्षी यक्षीवरोपमा ॥ 5.42 ॥

mālestu vasudhā nāma gandharvī rūpaśālinī | bhāryāsītpadmapatrākṣī svakṣī yakṣīvaropamā || 5.42 ||

माली की पत्नी वसुधा नामक गन्धर्वी थी, जो रूपवती, कमलनयनी, सुनयनी तथा श्रेष्ठ यक्षिणी के समान थी।

श्लोक 43 (uttara.5.43)

सुमालेरनुजस्तस्यां जनयामास यत् प्रभो । अपत्यं कथ्यमानं तु मया त्वं शृणु राघव ॥ 5.43 ॥

sumāleranujastasyāṃ janayāmāsa yat prabho | apatyaṃ kathyamānaṃ tu mayā tvaṃ śṛṇu rāghava || 5.43 ||

उसमें सुमाली के अनुज (माली) ने जो संतान उत्पन्न की, हे प्रभो, हे राघव, मेरे द्वारा कहे जाने पर उसे सुनो।

श्लोक 44 (uttara.5.44)

अनिलश्चानलश्चैव हरः सम्पातिरेव च । एते विभीषणामात्या मालेयास्तु निशाचरः ॥ 5.44 ॥

anilaścānalaścaiva haraḥ sampātireva ca | ete vibhīṣaṇāmātyā māleyāstu niśācaraḥ || 5.44 ||

अनिल, अनल, हर तथा संपाति — माली के ये निशाचर पुत्र आगे चलकर विभीषण के मंत्री बने।

श्लोक 45 (uttara.5.45)

ततस्तु ते राक्षसपुङ्गवास्त्रयो निशाचरैः पुत्रशतैश्च संवृताः । सुरान्सहेन्द्रानृषिनागयक्षान्बबाधिरे तान्बहुवीर्यदर्पिताः ॥ 5.45 ॥

tatastu te rākṣasapuṅgavāstrayo niśācaraiḥ putraśataiśca saṃvṛtāḥ | surānsahendrānṛṣināgayakṣānbabādhire tānbahuvīryadarpitāḥ || 5.45 ||

तब वे तीनों श्रेष्ठ राक्षस, सैकड़ों निशाचर पुत्रों से घिरे हुए, अपने महान बल से गर्वित होकर इन्द्र सहित देवताओं, ऋषियों, नागों और यक्षों को पीड़ित करने लगे।

श्लोक 46 (uttara.5.46)

जगद्भ्रमन्तो ऽनिलवद्दुरासदा रणेषु मृत्युप्रतिमानतेजसः । वरप्रदानादतिगर्विता भृशं क्रतुक्रियाणां प्रशमङ्कराः सदा ॥ 5.46 ॥

jagadbhramanto 'nilavaddurāsadā raṇeṣu mṛtyupratimānatejasaḥ | varapradānādatigarvitā bhṛśaṃ kratukriyāṇāṃ praśamaṅkarāḥ sadā || 5.46 ||

वे वायु के समान संसार में विचरण करते हुए, युद्ध में दुर्जय, मृत्यु के समान तेजस्वी, वरदान के कारण अत्यंत गर्वित होकर सदैव यज्ञ-कर्मों में विघ्न डालने वाले बन गए।