देवताओं और सुकेशपुत्रों का युद्ध

श्लोक 1 (uttara.6.1)

तैर्वध्यमाना देवाश्च ऋषयश्च तपोधनाः । भयार्ताः शरणं जग्मुर्देवदेवं महेश्वरम् ॥ 6.1 ॥

tairvadhyamānā devāśca ṛṣayaśca tapodhanāḥ | bhayārtāḥ śaraṇaṃ jagmurdevadevaṃ maheśvaram || 6.1 ||

उनके द्वारा सताए जाते हुए देवता और तपोधन ऋषि, भय से पीड़ित होकर, देवताओं के देव महेश्वर की शरण में गए।

श्लोक 2 (uttara.6.2)

जगत्सृष्ट्यन्तकर्तारमजमव्यक्तरूपिणम् । आधारं सर्वलोकानामाराध्यं परमं गुरुम् ॥ 6.2 ॥

jagatsṛṣṭyantakartāramajamavyaktarūpiṇam | ādhāraṃ sarvalokānāmārādhyaṃ paramaṃ gurum || 6.2 ||

जो सृष्टि की रचना और संहार करने वाले हैं, अजन्मे हैं, अव्यक्त स्वरूप हैं, समस्त लोकों के आधार हैं, आराधनीय और परम गुरु हैं।

श्लोक 3 (uttara.6.3)

ते समेत्य तु कामारिं त्रिपुरारिं त्रिलोचनम् । ऊचुः प्राञ्जलयो देवा भयगद्गदभाषिणः ॥ 6.3 ॥

te sametya tu kāmāriṃ tripurāriṃ trilocanam | ūcuḥ prāñjalayo devā bhayagadgadabhāṣiṇaḥ || 6.3 ||

वे देवता कामदेव के शत्रु, त्रिपुरासुर के संहारक, त्रिनेत्रधारी शिव के पास जाकर हाथ जोड़े हुए भय से गद्गद वाणी में बोले।

श्लोक 4 (uttara.6.4)

सुकेशपुत्रैर्भगवन्पितामहवरोद्धतैः । प्रजाध्यक्ष प्रजाः सर्वा बाध्यन्ते रिपुबाधनैः ॥ 6.4 ॥

sukeśaputrairbhagavanpitāmahavaroddhataiḥ | prajādhyakṣa prajāḥ sarvā bādhyante ripubādhanaiḥ || 6.4 ||

हे भगवन्! ब्रह्मा के वरदान से उद्धत हुए सुकेश के पुत्रों द्वारा, हे प्रजापते, समस्त प्रजा शत्रुओं की पीड़ा से त्रस्त हो रही है।

श्लोक 5 (uttara.6.5)

शरण्यान्यशरण्यानि ह्याश्रमाणि कृतानि नः । स्वर्गाच्च देवान्प्रच्याव्य स्वर्गे क्रीडन्ति देववत् ॥ 6.5 ॥

śaraṇyānyaśaraṇyāni hyāśramāṇi kṛtāni naḥ | svargācca devānpracyāvya svarge krīḍanti devavat || 6.5 ||

हमारे शरण देने वाले आश्रम अब शरणरहित बना दिए गए हैं; देवताओं को स्वर्ग से गिराकर वे स्वयं देवताओं की भाँति स्वर्ग में क्रीड़ा करते हैं।

श्लोक 6 (uttara.6.6)

अहं विष्णुरहं रुद्रो ब्रह्माहं देवराडहम् । अहं यमश्च वरुणश्चन्द्रो ऽहं रविरप्यहम् ॥ 6.6 ॥

ahaṃ viṣṇurahaṃ rudro brahmāhaṃ devarāḍaham | ahaṃ yamaśca varuṇaścandro 'haṃ ravirapyaham || 6.6 ||

'मैं ही विष्णु हूँ, मैं ही रुद्र हूँ, मैं ही ब्रह्मा हूँ, मैं ही देवराज इन्द्र हूँ; मैं ही यम और वरुण हूँ, मैं ही चन्द्रमा हूँ और मैं ही सूर्य भी हूँ' --

श्लोक 7 (uttara.6.7)

इति माली सुमाली च माल्यवांश्चैव राक्षसाः । बाधन्ते समरोद्धर्षा ये च तेषां पुरःसराः । तन्नो देव भयार्तानामभयं दातुमर्हसि ॥ 6.7 ॥

iti mālī sumālī ca mālyavāṃścaiva rākṣasāḥ | bādhante samaroddharṣā ye ca teṣāṃ puraḥsarāḥ | tanno deva bhayārtānāmabhayaṃ dātumarhasi || 6.7 ||

-- ऐसा कहते हुए माली, सुमाली और माल्यवान् नामक राक्षस, जो युद्ध के उन्माद में उन्मत्त हैं, तथा उनके अनुचर हमें सताते हैं। अतः हे देव, भय से पीड़ित हम लोगों को अभय प्रदान करने योग्य आप ही हैं।

श्लोक 8 (uttara.6.8)

अशिवं वपुरास्थाय जहि वै देवकण्टकान् ॥ 6.8 ॥

aśivaṃ vapurāsthāya jahi vai devakaṇṭakān || 6.8 ||

अशिव (भयंकर) रूप धारण करके इन देवताओं के कण्टकरूप शत्रुओं का वध कीजिए।

श्लोक 9 (uttara.6.9)

इत्युक्तस्तु सुरैः सर्वैः कपर्दी नीललोहितः । सुकेशं प्रति सापेक्षः प्राह देवगणान्प्रभुः ॥ 6.9 ॥

ityuktastu suraiḥ sarvaiḥ kapardī nīlalohitaḥ | sukeśaṃ prati sāpekṣaḥ prāha devagaṇānprabhuḥ || 6.9 ||

समस्त देवताओं द्वारा इस प्रकार कहे जाने पर नीललोहित जटाधारी शिव ने सुकेश के प्रति सापेक्ष भाव रखते हुए देवगणों से कहा--

श्लोक 10 (uttara.6.10)

अहं तान्न हनिष्यामि मयावध्या हि ते सुराः । किं तु मन्त्रं प्रदास्यामि यो वै तान्निहनिष्यति ॥ 6.10 ॥

ahaṃ tānna haniṣyāmi mayāvadhyā hi te surāḥ | kiṃ tu mantraṃ pradāsyāmi yo vai tānnihaniṣyati || 6.10 ||

'मैं उनका वध नहीं करूँगा, क्योंकि हे देवगण, वे मेरे द्वारा अवध्य हैं; किन्तु मैं ऐसा मन्त्र दूँगा जिससे उनका वध हो सकेगा।'

श्लोक 11 (uttara.6.11)

एतमेव समुद्योगं पुरस्कृत्य महर्षयः । गच्छध्वं शरणं विष्णुं हनिष्यति स तान्प्रभुः ॥ 6.11 ॥

etameva samudyogaṃ puraskṛtya maharṣayaḥ | gacchadhvaṃ śaraṇaṃ viṣṇuṃ haniṣyati sa tānprabhuḥ || 6.11 ||

'हे महर्षियो, इसी उपाय को लेकर तुम विष्णु की शरण में जाओ; वे प्रभु ही उनका वध करेंगे।'

श्लोक 12 (uttara.6.12)

ततस्तु जयशब्देन प्रतिनन्द्य महेश्वरम् । विष्णोः समीपमाजग्मुर्निशाचरभयार्दिताः ॥ 6.12 ॥

tatastu jayaśabdena pratinandya maheśvaram | viṣṇoḥ samīpamājagmurniśācarabhayārditāḥ || 6.12 ||

तत्पश्चात् जय-जयकार के साथ महेश्वर का अभिनन्दन करके, राक्षसों के भय से पीड़ित वे देवगण विष्णु के समीप पहुँचे।

श्लोक 13 (uttara.6.13)

शङ्खचक्रधरं देवं प्रणम्य बहुमान्य च । ऊचुः सम्भ्रान्तवद्वाक्यं सुकेशतनयान्प्रति ॥ 6.13 ॥

śaṅkhacakradharaṃ devaṃ praṇamya bahumānya ca | ūcuḥ sambhrāntavadvākyaṃ sukeśatanayānprati || 6.13 ||

शंख और चक्र धारण करने वाले भगवान् को प्रणाम करके और अत्यन्त सम्मान देकर, उन्होंने सुकेश के पुत्रों के विषय में व्याकुल वाणी में कहा।

श्लोक 14 (uttara.6.14)

सुकेशतनयैर्देव त्रिभिस्त्रेताग्निसन्निभैः । आक्रम्य वरदानेन स्थानान्यपहृतानि नः ॥ 6.14 ॥

sukeśatanayairdeva tribhistretāgnisannibhaiḥ | ākramya varadānena sthānānyapahṛtāni naḥ || 6.14 ||

'हे देव, त्रेताग्नि के समान तेजस्वी सुकेश के तीनों पुत्रों ने वरदान के बल से हमारे स्थानों पर आक्रमण करके उन्हें छीन लिया है।'

श्लोक 15 (uttara.6.15)

लङ्का नाम पुरी दुर्गा त्रिकूटशिखरे स्थिता । तत्र स्थिताः प्रबाधन्ते सर्वान्नः क्षणदाचराः ॥ 6.15 ॥

laṅkā nāma purī durgā trikūṭaśikhare sthitā | tatra sthitāḥ prabādhante sarvānnaḥ kṣaṇadācarāḥ || 6.15 ||

'त्रिकूट पर्वत के शिखर पर स्थित लंका नामक दुर्ग नगरी है; वहाँ रहकर ये निशाचर हम सभी को पीड़ित करते हैं।'

श्लोक 16 (uttara.6.16)

स त्वमस्मद्धितार्थाय जहि तान्मधुसूदन । शरणं त्वां वयं प्राप्ता गतिर्भव सुरेश्वर ॥ 6.16 ॥

sa tvamasmaddhitārthāya jahi tānmadhusūdana | śaraṇaṃ tvāṃ vayaṃ prāptā gatirbhava sureśvara || 6.16 ||

'अतः हे मधुसूदन, हमारे हित के लिए आप उनका वध कीजिए; हम आपकी शरण में आए हैं, हे सुरेश्वर, आप ही हमारी गति बनिए।'

श्लोक 17 (uttara.6.17)

चक्रकृत्तास्यकमलान्निवेदय यमाय वै । भयेष्वभयदो ऽस्माकं नान्यो ऽस्ति भवता विना ॥ 6.17 ॥

cakrakṛttāsyakamalānnivedaya yamāya vai | bhayeṣvabhayado 'smākaṃ nānyo 'sti bhavatā vinā || 6.17 ||

'चक्र से काटे गए इनके कमल-सदृश मुखों को यम को समर्पित कीजिए; भय में हमें अभय देने वाला आपके अतिरिक्त और कोई नहीं है।'

श्लोक 18 (uttara.6.18)

राक्षसान्समरे दुष्टान्सानुबन्धान्मदोद्धतान् । नुदं त्वं नो भयं देव नीहारमिव भास्करः ॥ 6.18 ॥

rākṣasānsamare duṣṭānsānubandhānmadoddhatān | nudaṃ tvaṃ no bhayaṃ deva nīhāramiva bhāskaraḥ || 6.18 ||

'रणभूमि में इन दुष्ट, मदोन्मत्त और अपने अनुचरों सहित राक्षसों से हमारे भय को दूर कीजिए, हे देव, जैसे सूर्य कोहरे को दूर करता है।'

श्लोक 19 (uttara.6.19)

इत्येवं दैवतैरुक्तो देवदेवो जनार्दनः । अभयं भयदो ऽरीणां दत्त्वा देवानुवाच ह ॥ 6.19 ॥

ityevaṃ daivatairukto devadevo janārdanaḥ | abhayaṃ bhayado 'rīṇāṃ dattvā devānuvāca ha || 6.19 ||

देवताओं द्वारा इस प्रकार कहे जाने पर, शत्रुओं को भयभीत करने वाले देवाधिदेव जनार्दन ने देवताओं को अभय प्रदान करते हुए कहा--

श्लोक 20 (uttara.6.20)

सुकेशं राक्षसं जाने ईशानवरदर्पितम् । तांश्चास्य तनयाञ्जाने येषां ज्येष्ठः स माल्यवान् ॥ 6.20 ॥

sukeśaṃ rākṣasaṃ jāne īśānavaradarpitam | tāṃścāsya tanayāñjāne yeṣāṃ jyeṣṭhaḥ sa mālyavān || 6.20 ||

'मैं ईशान के वरदान से गर्वित राक्षस सुकेश को जानता हूँ, और उसके पुत्रों को भी जानता हूँ, जिनमें ज्येष्ठ माल्यवान् है।'

श्लोक 21 (uttara.6.21)

तानहं समतिक्रान्तमर्यादान्राक्षसाधमान् । निहनिष्यामि सङ्क्रुद्धः सुरा भवत विज्वराः ॥ 6.21 ॥

tānahaṃ samatikrāntamaryādānrākṣasādhamān | nihaniṣyāmi saṅkruddhaḥ surā bhavata vijvarāḥ || 6.21 ||

'मर्यादा का उल्लंघन करने वाले उन नीच राक्षसों का मैं क्रुद्ध होकर वध करूँगा; हे देवगण, तुम निश्चिन्त हो जाओ।'

श्लोक 22 (uttara.6.22)

इत्युक्तास्ते सुराः सर्वे विष्णुना प्रभविष्णुना । यथावासं ययुर्हृष्टाः प्रशंसन्तो जनार्दनम् ॥ 6.22 ॥

ityuktāste surāḥ sarve viṣṇunā prabhaviṣṇunā | yathāvāsaṃ yayurhṛṣṭāḥ praśaṃsanto janārdanam || 6.22 ||

सामर्थ्यवान् विष्णु द्वारा इस प्रकार कहे जाने पर वे समस्त देवता प्रसन्न होकर जनार्दन की प्रशंसा करते हुए अपने-अपने निवास स्थान को लौट गए।

श्लोक 23 (uttara.6.23)

विबुधानां समुद्योगं माल्यवांस्तु निशाचरः । श्रुत्वा तौ भ्रातरौ वीराविदं वचनमब्रवीत् ॥ 6.23 ॥

vibudhānāṃ samudyogaṃ mālyavāṃstu niśācaraḥ | śrutvā tau bhrātarau vīrāvidaṃ vacanamabravīt || 6.23 ||

किन्तु देवताओं की इस तैयारी को सुनकर निशाचर माल्यवान् ने अपने दोनों वीर भाइयों से यह वचन कहा--

श्लोक 24 (uttara.6.24)

अमरा ऋषयश्चैव सङ्गम्य किल शकरम् । अस्मद्वधं परीप्सन्त इदं वचनमब्रुवन् ॥ 6.24 ॥

amarā ṛṣayaścaiva saṅgamya kila śakaram | asmadvadhaṃ parīpsanta idaṃ vacanamabruvan || 6.24 ||

'देवता और ऋषिगण, हमारे विनाश की इच्छा से शंकर के पास एकत्र होकर, यह वचन बोले--'

श्लोक 25 (uttara.6.25)

सुकेशतनया देव वरदानबलोद्धताः । बाधन्ते ऽस्मान्समुद्दृप्ता घोररूपाः पदे पदे ॥ 6.25 ॥

sukeśatanayā deva varadānabaloddhatāḥ | bādhante 'smānsamuddṛptā ghorarūpāḥ pade pade || 6.25 ||

'हे देव, वरदान के बल से उद्धत सुकेश के पुत्र, अत्यन्त उन्मत्त और भयंकर रूप वाले, पग-पग पर हमें सताते हैं।'

श्लोक 26 (uttara.6.26)

राक्षसैरभिभूताः स्म न शक्ताः स्म प्रजापते । स्वेषु सद्मसु संस्थातुं भयात्तेषां दुरात्मनाम् ॥ 6.26 ॥

rākṣasairabhibhūtāḥ sma na śaktāḥ sma prajāpate | sveṣu sadmasu saṃsthātuṃ bhayātteṣāṃ durātmanām || 6.26 ||

'हे प्रजापते, राक्षसों से पराभूत होकर हम उन दुरात्माओं के भय से अपने ही घरों में रहने में असमर्थ हैं।'

श्लोक 27 (uttara.6.27)

तदस्माकं हितार्थाय जहि तांश्च त्रिलोचन । राक्षसान्हुङ्कृतेनैव दह प्रदहतां वर ॥ 6.27 ॥

tadasmākaṃ hitārthāya jahi tāṃśca trilocana | rākṣasānhuṅkṛtenaiva daha pradahatāṃ vara || 6.27 ||

'अतः हमारे हित के लिए, हे त्रिनेत्र, उन राक्षसों का वध कीजिए; हे दहनकर्ताओं में श्रेष्ठ, अपनी हुंकार मात्र से ही उन्हें भस्म कर दीजिए।'

श्लोक 28 (uttara.6.28)

इत्येवं त्रिदशैरुक्तो निशम्यान्धकसूदनः । शिरः करं च धुन्वान इदं वचनमब्रवीत् ॥ 6.28 ॥

ityevaṃ tridaśairukto niśamyāndhakasūdanaḥ | śiraḥ karaṃ ca dhunvāna idaṃ vacanamabravīt || 6.28 ||

देवताओं द्वारा इस प्रकार कहे जाने पर, अन्धकासुर के संहारक शिव ने यह सुनकर सिर और हाथ हिलाते हुए यह वचन कहा--

श्लोक 29 (uttara.6.29)

अवध्या मम ते देवाः सुकेशतनया रणे । मन्त्रं तु वः प्रदास्यामि यस्तान्वै निहनिष्यति ॥ 6.29 ॥

avadhyā mama te devāḥ sukeśatanayā raṇe | mantraṃ tu vaḥ pradāsyāmi yastānvai nihaniṣyati || 6.29 ||

'हे देवगण, सुकेश के वे पुत्र युद्ध में मेरे द्वारा अवध्य हैं; किन्तु मैं तुम्हें ऐसा मन्त्र दूँगा जिससे वह उनका वध कर सकेगा।'

श्लोक 30 (uttara.6.30)

यो ऽसौ चक्रगदापाणिः पीतवासा जनार्दनः । हरिर्नारायणः श्रीमान् शरणं तं प्रपद्यथ ॥ 6.30 ॥

yo 'sau cakragadāpāṇiḥ pītavāsā janārdanaḥ | harirnārāyaṇaḥ śrīmān śaraṇaṃ taṃ prapadyatha || 6.30 ||

'जो चक्र और गदा धारण करने वाले, पीतवस्त्रधारी जनार्दन हैं, वे ही श्रीमान् हरि नारायण हैं -- उन्हीं की शरण में जाओ।'

श्लोक 31 (uttara.6.31)

हरादवाप्य ते मन्त्रं कामारिमभिवाद्य च । नारायणालयं प्राप्य तस्मै सर्वं न्यवेदयन् ॥ 6.31 ॥

harādavāpya te mantraṃ kāmārimabhivādya ca | nārāyaṇālayaṃ prāpya tasmai sarvaṃ nyavedayan || 6.31 ||

हर से मन्त्र प्राप्त कर और कामारि को प्रणाम करके, वे नारायण के धाम पहुँचकर उन्हें सब कुछ निवेदन करने लगे।

श्लोक 32 (uttara.6.32)

ततो नारायणेनोक्ता देवा इन्द्रपुरोगमाः । सुरारींस्तान्हनिष्यामि सुरा भवत विज्वराः ॥ 6.32 ॥

tato nārāyaṇenoktā devā indrapurogamāḥ | surārīṃstānhaniṣyāmi surā bhavata vijvarāḥ || 6.32 ||

तब नारायण ने इन्द्र के नेतृत्व में आए देवताओं से कहा -- 'मैं उन देव-शत्रुओं का वध करूँगा; हे देवगण, तुम निश्चिन्त हो जाओ।'

श्लोक 33 (uttara.6.33)

देवानां भयभीतानां हरिणा राक्षसर्षभौ । प्रतिज्ञातो वधो ऽस्माकं चिन्त्यतां यदिह क्षमम् ॥ 6.33 ॥

devānāṃ bhayabhītānāṃ hariṇā rākṣasarṣabhau | pratijñāto vadho 'smākaṃ cintyatāṃ yadiha kṣamam || 6.33 ||

भय से त्रस्त देवताओं के लिए हरि द्वारा राक्षस-श्रेष्ठों के वध की प्रतिज्ञा की गई है; अब जो उचित हो, उस पर विचार किया जाए।

श्लोक 34 (uttara.6.34)

हिरण्यकशिपोर्मृत्युरन्येषां च सुरद्विषाम् । नमुचिः कालनेमिश्च संह्रादो वीरसत्तमः ॥ 6.34 ॥

hiraṇyakaśipormṛtyuranyeṣāṃ ca suradviṣām | namuciḥ kālanemiśca saṃhrādo vīrasattamaḥ || 6.34 ||

हिरण्यकशिपु की मृत्यु तथा अन्य देवशत्रुओं की भी -- नमुचि और कालनेमि, तथा वीरश्रेष्ठ संह्राद,

श्लोक 35 (uttara.6.35)

राधेयो बहुमायी च लोकपालो ऽथ धार्मिकः । यमलार्जुनौ च हार्दिक्यः शुम्भश्चैव निशुम्भकः ॥ 6.35 ॥

rādheyo bahumāyī ca lokapālo 'tha dhārmikaḥ | yamalārjunau ca hārdikyaḥ śumbhaścaiva niśumbhakaḥ || 6.35 ||

राधेय, बहुमायी, लोकपाल तथा धार्मिक, यमलार्जुन, हार्दिक्य, तथा शुम्भ और निशुम्भ,

श्लोक 36 (uttara.6.36)

असुरा दानवाश्चैव सत्त्ववन्तो महाबलाः । सर्वे समरमासाद्य न श्रूयन्ते ऽपराजिताः ॥ 6.36 ॥

asurā dānavāścaiva sattvavanto mahābalāḥ | sarve samaramāsādya na śrūyante 'parājitāḥ || 6.36 ||

ये सभी असुर और दानव बलशाली और महाबली थे, किन्तु युद्ध में उतरने पर इनमें से कोई भी अपराजित नहीं सुना गया।

श्लोक 37 (uttara.6.37)

सर्वैः क्रतुशतैरिष्टं सर्वे मायाविदस्तथा । सर्वे सर्वास्त्रकुशलाः सर्वे शत्रुभयङ्कराः ॥ 6.37 ॥

sarvaiḥ kratuśatairiṣṭaṃ sarve māyāvidastathā | sarve sarvāstrakuśalāḥ sarve śatrubhayaṅkarāḥ || 6.37 ||

इन सबने सैकड़ों यज्ञ किए थे, सभी माया में निपुण थे, सभी समस्त अस्त्रों में कुशल थे, सभी शत्रुओं के लिए भयंकर थे;

श्लोक 38 (uttara.6.38)

नारायणेन निहताः शतशो ऽथ सहस्रशः । एतज्ज्ञात्वा तु सर्वेषां क्षमं कर्तुमिहार्हथ ॥ 6.38 ॥

nārāyaṇena nihatāḥ śataśo 'tha sahasraśaḥ | etajjñātvā tu sarveṣāṃ kṣamaṃ kartumihārhatha || 6.38 ||

फिर भी नारायण द्वारा सैकड़ों-हजारों की संख्या में मारे गए। यह जानकर तुम्हें अब वही करना चाहिए जो हम सबके लिए उचित हो।

श्लोक 39 (uttara.6.39)

ततः सुमाली माली च श्रुत्वा माल्यवतो वचः । ऊचतुर्भ्रातरं ज्येष्ठं भगांशाविव वासवम् ॥ 6.39 ॥

tataḥ sumālī mālī ca śrutvā mālyavato vacaḥ | ūcaturbhrātaraṃ jyeṣṭhaṃ bhagāṃśāviva vāsavam || 6.39 ||

तब सुमाली और माली ने माल्यवान् के वचन सुनकर, जैसे भग और अंश वासव (इन्द्र) से कहते हैं, वैसे ही अपने ज्येष्ठ भ्राता से कहा--

श्लोक 40 (uttara.6.40)

स्वधीतं दत्तमिष्टं चाप्यैश्वर्यं परिपालितम् । आयुर्निरामयं प्राप्तं सुधर्मः प्रापितः पथि ॥ 6.40 ॥

svadhītaṃ dattamiṣṭaṃ cāpyaiśvaryaṃ paripālitam | āyurnirāmayaṃ prāptaṃ sudharmaḥ prāpitaḥ pathi || 6.40 ||

'हमने भली-भाँति अध्ययन किया, दान दिया, यज्ञ किए और ऐश्वर्य का भी भली-भाँति पालन किया; निरोग दीर्घायु प्राप्त की, और सुधर्म के मार्ग पर चले।'

श्लोक 41 (uttara.6.41)

देवसागरमक्षोभ्यं शस्त्रैः समवगाह्य च । जिता द्विषो ह्यप्रतिमास्तन्नो मृत्युकृतं भयम् ॥ 6.41 ॥

devasāgaramakṣobhyaṃ śastraiḥ samavagāhya ca | jitā dviṣo hyapratimāstanno mṛtyukṛtaṃ bhayam || 6.41 ||

'हमने अपने शस्त्रों से देवताओं के अक्षोभ्य सागर में भी प्रवेश करके अद्वितीय शत्रुओं को जीता है -- अतः हमें मृत्युजनित भय नहीं है।'

श्लोक 42 (uttara.6.42)

नारायणश्च रुद्रश्च शक्रश्चापि यमस्तथा । अस्माकं प्रमुखे स्थातुं सर्वे बिभ्यति सर्वदा ॥ 6.42 ॥

nārāyaṇaśca rudraśca śakraścāpi yamastathā | asmākaṃ pramukhe sthātuṃ sarve bibhyati sarvadā || 6.42 ||

'नारायण, रुद्र, शक्र और यम भी -- ये सभी सदैव हमारे सम्मुख खड़े होने से डरते हैं।'

श्लोक 43 (uttara.6.43)

विष्णोर्देवस्य नास्त्येव कारणं राक्षसेश्वर । देवानामेव दोषेण विष्णोः प्रचलितं मनः ॥ 6.43 ॥

viṣṇordevasya nāstyeva kāraṇaṃ rākṣaseśvara | devānāmeva doṣeṇa viṣṇoḥ pracalitaṃ manaḥ || 6.43 ||

'हे राक्षसेश्वर, देव विष्णु का इसमें कोई स्वतन्त्र कारण नहीं है; देवताओं के ही दोष से विष्णु का मन विचलित हुआ है।'

श्लोक 44 (uttara.6.44)

तस्मादद्य समुद्युक्ताः सर्वसैन्यसमावृताः । देवानेव जिघांसाम एभ्यो दोषः समुत्थितः ॥ 6.44 ॥

tasmādadya samudyuktāḥ sarvasainyasamāvṛtāḥ | devāneva jighāṃsāma ebhyo doṣaḥ samutthitaḥ || 6.44 ||

'अतः आज हम अपनी समस्त सेना सहित सन्नद्ध होकर देवताओं का ही वध करने का प्रयास करें -- क्योंकि यह संकट उन्हीं से उत्पन्न हुआ है।'

श्लोक 45 (uttara.6.45)

एवं सम्मन्त्र्य बलिनः सर्वे सैन्यसमावृताः । उद्योगं घोषयित्वा तु सर्वे नैर्ऋतपुङ्गवाः ।। युद्धाय निर्ययुः क्रुद्धा जम्भवृत्रबला इव ॥ 6.45 ॥

evaṃ sammantrya balinaḥ sarve sainyasamāvṛtāḥ | udyogaṃ ghoṣayitvā tu sarve nairṛtapuṅgavāḥ || yuddhāya niryayuḥ kruddhā jambhavṛtrabalā iva || 6.45 ||

इस प्रकार परामर्श करके, सेना से घिरे हुए सभी बलवान् राक्षसश्रेष्ठों ने युद्ध की उद्घोषणा करके, जम्भ और वृत्र की सेनाओं के समान क्रुद्ध होकर युद्ध के लिए प्रस्थान किया।

श्लोक 46 (uttara.6.46)

इति ते राम सम्मन्त्र्य सर्वोद्योगेन राक्षसाः । युद्धाय निर्ययुः सर्वे महाकाया महाबलाः ॥ 6.46 ॥

iti te rāma sammantrya sarvodyogena rākṣasāḥ | yuddhāya niryayuḥ sarve mahākāyā mahābalāḥ || 6.46 ||

हे राम, इस प्रकार परामर्श करके वे सभी विशालकाय और महाबली राक्षस पूर्ण शक्ति के साथ युद्ध के लिए निकल पड़े।

श्लोक 47 (uttara.6.47)

स्यन्दनैर्वारणैश्चैव हयैश्च गिरिसन्निभैः । खरैर्गोभी रथोष्ट्रैश्च शिंशुमारैर्भुजङ्गमैः ॥ 6.47 ॥

syandanairvāraṇaiścaiva hayaiśca girisannibhaiḥ | kharairgobhī rathoṣṭraiśca śiṃśumārairbhujaṅgamaiḥ || 6.47 ||

रथों, हाथियों तथा पर्वत के समान विशाल घोड़ों से, गधों, गायों, रथों और ऊँटों से, मगरमच्छों और सर्पों से,

श्लोक 48 (uttara.6.48)

मकरैः कच्छपैर्मीनैर्विहङ्गैर्गरुडोपमैः । सिंहैर्व्याघ्रैर्वराहैश्च सृमरैश्चमरैरपि ॥ 6.48 ॥

makaraiḥ kacchapairmīnairvihaṅgairgaruḍopamaiḥ | siṃhairvyāghrairvarāhaiśca sṛmaraiścamarairapi || 6.48 ||

मगरों, कछुओं, मछलियों, गरुड़ के समान पक्षियों से, सिंहों, व्याघ्रों, शूकरों, हिरणों तथा चमरी गायों से भी --

श्लोक 49 (uttara.6.49)

त्यक्त्वा लङ्कां गताः सर्वे राक्षसा बलगर्विताः । प्रयाता देवलोकाय योद्धुं दैवतशत्रवः ॥ 6.49 ॥

tyaktvā laṅkāṃ gatāḥ sarve rākṣasā balagarvitāḥ | prayātā devalokāya yoddhuṃ daivataśatravaḥ || 6.49 ||

लंका को त्यागकर, बल के अभिमान में मत्त वे सभी राक्षस, देवताओं के शत्रु, युद्ध करने के लिए देवलोक की ओर चल पड़े।

श्लोक 50 (uttara.6.50)

लङ्काविपर्ययं दृष्ट्वा यानि लङ्कालयान्यथ । भूतानि भयदर्शीनि विमनस्कानि सर्वशः ॥ 6.50 ॥

laṅkāviparyayaṃ dṛṣṭvā yāni laṅkālayānyatha | bhūtāni bhayadarśīni vimanaskāni sarvaśaḥ || 6.50 ||

तब लंका के इस विपर्यय (उलट-फेर) को देखकर, लंका में रहने वाले सभी भूत-प्राणी भयभीत दिखते हुए सर्वथा उदास हो गए।

श्लोक 51 (uttara.6.51)

रथोत्तमैरुह्यमानाः शतशो ऽथ सहस्रशः ॥ 6.51 ॥

rathottamairuhyamānāḥ śataśo 'tha sahasraśaḥ || 6.51 ||

उत्तम रथों पर सवार होकर, सैकड़ों-हजारों की संख्या में।

श्लोक 52 (uttara.6.52)

प्रयाता राक्षसास्तूर्णं देवलोकं प्रयत्नतः । रक्षसामेव मार्गेण दैवतान्यपचक्रमुः ॥ 6.52 ॥

prayātā rākṣasāstūrṇaṃ devalokaṃ prayatnataḥ | rakṣasāmeva mārgeṇa daivatānyapacakramuḥ || 6.52 ||

राक्षस शीघ्रता से पूरे प्रयत्न के साथ देवलोक की ओर बढ़े; और राक्षसों के ही मार्ग से देवता वहाँ से हट गए।

श्लोक 53 (uttara.6.53)

भौमाश्चैवान्तरिक्षाश्च कालाज्ञप्ता भयावहाः । उत्पाता राक्षसेन्द्राणामभावाय समुत्थिताः ॥ 6.53 ॥

bhaumāścaivāntarikṣāśca kālājñaptā bhayāvahāḥ | utpātā rākṣasendrāṇāmabhāvāya samutthitāḥ || 6.53 ||

पृथ्वी और आकाश के भयावह अपशकुन, काल द्वारा प्रेरित होकर, राक्षसराजों के विनाश की सूचना देते हुए प्रकट हुए।

श्लोक 54 (uttara.6.54)

अस्थीनि मेघा ववृषुरुष्णं शोणितमेव च । वेलां समुद्राश्चोत्क्रान्ताश्चेलुश्चाप्यथ भूधराः ॥ 6.54 ॥

asthīni meghā vavṛṣuruṣṇaṃ śoṇitameva ca | velāṃ samudrāścotkrāntāśceluścāpyatha bhūdharāḥ || 6.54 ||

बादलों ने हड्डियाँ और गर्म रक्त बरसाया; समुद्रों ने अपनी सीमा (तट) लाँघ दी, और पर्वत भी काँप उठे।

श्लोक 55 (uttara.6.55)

अट्टहासान्विमुञ्चन्तो घननादसमस्वनाः । वाश्यन्त्यश्च शिवास्तत्र दारुणं घोरदर्शनाः ॥ 6.55 ॥

aṭṭahāsānvimuñcanto ghananādasamasvanāḥ | vāśyantyaśca śivāstatra dāruṇaṃ ghoradarśanāḥ || 6.55 ||

गर्जनतुल्य स्वर में भयंकर अट्टहास करती हुई, भयानक दिखने वाली गीदड़ियाँ वहाँ भयंकर स्वर में चिल्लाने लगीं।

श्लोक 56 (uttara.6.56)

सम्पतन्त्यथ भूतानि दृश्यन्ते च यथाक्रमम् । गृध्रचक्रं महच्चात्र ज्वलनोद्गारिभिर्मुखैः ॥ 6.56 ॥

sampatantyatha bhūtāni dṛśyante ca yathākramam | gṛdhracakraṃ mahaccātra jvalanodgāribhirmukhaiḥ || 6.56 ||

प्राणी क्रमशः गिरते और उड़ते हुए दिखाई देने लगे; और वहाँ अग्नि उगलते मुखों वाले गिद्धों का एक विशाल चक्र,

श्लोक 57 (uttara.6.57)

राक्षसानामुपरि खे भ्रमते ऽलातचक्रवत् । कपोता रक्तपादाश्च शारिका विद्रुता ययुः ।। काका वाश्यन्ति तत्रैव बिडाला वै द्विपादयः ॥ 6.57 ॥

rākṣasānāmupari khe bhramate 'lātacakravat | kapotā raktapādāśca śārikā vidrutā yayuḥ || kākā vāśyanti tatraiva biḍālā vai dvipādayaḥ || 6.57 ||

राक्षसों के ऊपर आकाश में घूमते हुए अलातचक्र (घूमती हुई अग्नि) के समान दिखाई दिया; लाल पैरों वाले कबूतर और मैनाएँ भयभीत होकर उड़ गईं; वहीं कौवे चीत्कार करने लगे, और बिल्लियाँ दो पैरों पर चलने लगीं।

श्लोक 58 (uttara.6.58)

उत्पातांस्ताननादृत्य राक्षसा बलगर्विताः । यान्त्येव न निवर्त्तन्ते मृत्युपाशावपाशिताः ॥ 6.58 ॥

utpātāṃstānanādṛtya rākṣasā balagarvitāḥ | yāntyeva na nivarttante mṛtyupāśāvapāśitāḥ || 6.58 ||

उन अपशकुनों की उपेक्षा करके, बल के अभिमान में डूबे राक्षस आगे ही बढ़ते गए, लौटे नहीं -- मानो मृत्यु के पाश में बँध गए हों।

श्लोक 59 (uttara.6.59)

माल्यवांश्च सुमाली च माली च सुमहाबलाः । आसन्पुरःसरास्तेषां क्रतूनामिव पावकाः ॥ 6.59 ॥

mālyavāṃśca sumālī ca mālī ca sumahābalāḥ | āsanpuraḥsarāsteṣāṃ kratūnāmiva pāvakāḥ || 6.59 ||

माल्यवान्, सुमाली और माली, ये तीनों महाबली उनके अग्रगण्य थे, मानो यज्ञों में अग्नि की भाँति आगे-आगे चल रहे हों।

श्लोक 60 (uttara.6.60)

माल्यवन्तं च ते सर्वे माल्यवन्तमिवाचलम् । निशाचरा ह्याश्रयन्ति धातारमिव देवताः ॥ 6.60 ॥

mālyavantaṃ ca te sarve mālyavantamivācalam | niśācarā hyāśrayanti dhātāramiva devatāḥ || 6.60 ||

और वे सभी निशाचर माल्यवान् का ऐसे आश्रय लेते थे जैसे अचल पर्वत माल्यवान् का, और जैसे देवता विधाता का आश्रय लेते हैं।

श्लोक 61 (uttara.6.61)

तद्बलं राक्षसेन्द्राणां महाभ्रघननादितम् । जयेप्सया देवलोकं ययौ मालिवशे स्थितम् ॥ 6.61 ॥

tadbalaṃ rākṣasendrāṇāṃ mahābhraghananāditam | jayepsayā devalokaṃ yayau mālivaśe sthitam || 6.61 ||

बड़े-बड़े बादलों के समान गर्जन करने वाली राक्षसराजों की वह सेना, माली के अधीन रहकर, विजय की इच्छा से देवलोक की ओर चल पड़ी।

श्लोक 62 (uttara.6.62)

राक्षसानां समुद्योगं तं तु नारायणः प्रभुः । देवदूतादुपश्रुत्य चक्रे युद्धे तदा मनः ॥ 6.62 ॥

rākṣasānāṃ samudyogaṃ taṃ tu nārāyaṇaḥ prabhuḥ | devadūtādupaśrutya cakre yuddhe tadā manaḥ || 6.62 ||

किन्तु प्रभु नारायण ने देवदूत से राक्षसों की उस सैन्य-तैयारी के विषय में सुनकर, तब युद्ध के लिए अपना मन बना लिया।

श्लोक 63 (uttara.6.63)

स सज्जायुधतूणीरो वैनतेयोपरि स्थितः । आसज्ज्य कवचं दिव्यं सहस्रार्कसमद्युति ॥ 6.63 ॥

sa sajjāyudhatūṇīro vainateyopari sthitaḥ | āsajjya kavacaṃ divyaṃ sahasrārkasamadyuti || 6.63 ||

वे शस्त्र और तूणीर सज्जित करके वैनतेय (गरुड़) पर आरूढ़ हुए; सहस्र सूर्यों के समान तेजस्वी दिव्य कवच धारण करके,

श्लोक 64 (uttara.6.64)

आबध्य शरसम्पूर्णे इषुधी विमले तदा । श्रोणिसूत्रं च खड्गं च विमलं कमलेक्षणः ।। शङ्खचक्रगदाशार्ङ्गखड्गाख्यप्रवरायुधान् ॥ 6.64 ॥

ābadhya śarasampūrṇe iṣudhī vimale tadā | śroṇisūtraṃ ca khaḍgaṃ ca vimalaṃ kamalekṣaṇaḥ || śaṅkhacakragadāśārṅgakhaḍgākhyapravarāyudhān || 6.64 ||

बाणों से भरे हुए दोनों निर्मल तूणीरों को बाँधकर, तथा करधनी और निर्मल तलवार धारण करके, कमलनयन विष्णु ने शंख, चक्र, गदा, शार्ङ्ग धनुष और खड्ग नामक अपने श्रेष्ठ आयुधों को धारण किया।

श्लोक 65 (uttara.6.65)

सुपर्णं गिरिसङ्काशं वैनतेयमथास्थितः । राक्षसानामभावाय ययौ तूर्णतरं प्रभुः ॥ 6.65 ॥

suparṇaṃ girisaṅkāśaṃ vainateyamathāsthitaḥ | rākṣasānāmabhāvāya yayau tūrṇataraṃ prabhuḥ || 6.65 ||

पर्वत के समान विशाल सुपर्ण वैनतेय पर आरूढ़ होकर, प्रभु राक्षसों के विनाश के लिए अत्यन्त शीघ्रता से चल पड़े।

श्लोक 66 (uttara.6.66)

सुपर्णपृष्ठे स बभौ श्यामः पीताम्बरो हरिः । काञ्चनस्य गिरेः शृङ्गे सतडित्तोयदो यथा ॥ 6.66 ॥

suparṇapṛṣṭhe sa babhau śyāmaḥ pītāmbaro hariḥ | kāñcanasya gireḥ śṛṅge sataḍittoyado yathā || 6.66 ||

सुपर्ण की पीठ पर श्यामवर्ण, पीताम्बरधारी हरि ऐसे शोभायमान हुए जैसे स्वर्ण पर्वत के शिखर पर बिजली सहित मेघ।

श्लोक 67 (uttara.6.67)

स सिद्धदेवर्षिमहोरगैश्च गन्धर्वयक्षैरुपगीयमानः । समाससादासुरसैन्यशत्रूंश्चक्रासिशार्ङ्गायुधशङ्खपाणिः ॥ 6.67 ॥

sa siddhadevarṣimahoragaiśca gandharvayakṣairupagīyamānaḥ | samāsasādāsurasainyaśatrūṃścakrāsiśārṅgāyudhaśaṅkhapāṇiḥ || 6.67 ||

सिद्धों, देवर्षियों, महानागों, गन्धर्वों और यक्षों द्वारा स्तुति किए जाते हुए, चक्र, खड्ग, शार्ङ्ग धनुष और शंख हाथ में धारण किए हुए, वे असुर सेना के शत्रुओं के पास पहुँचे।

श्लोक 68 (uttara.6.68)

सुपर्णपक्षानिलनुन्नपक्षं भ्रमत्पताकं प्रविकीर्णशस्त्रम् । चचाल तद्राक्षसराजसैन्यं चलोपलं नील इवाचलेन्द्रः ॥ 6.68 ॥

suparṇapakṣānilanunnapakṣaṃ bhramatpatākaṃ pravikīrṇaśastram | cacāla tadrākṣasarājasainyaṃ calopalaṃ nīla ivācalendraḥ || 6.68 ||

सुपर्ण के पंखों की वायु से जिसके पार्श्व आंदोलित हो उठे, ध्वजाएँ घूमने लगीं, शस्त्र बिखर गए -- वह राक्षसराज की सेना ऐसे काँप उठी जैसे नील अचलेन्द्र (पर्वत) की चट्टानें डोल उठें।

श्लोक 69 (uttara.6.69)

ततः शरैः शोणितमांसरूषितैर्युगान्तवैश्वानरतुल्यविग्रहैः । निशाचराः सम्परिवार्य माधवं वरायुधैर्निर्बिभिदुः सहस्रशः ॥ 6.69 ॥

tataḥ śaraiḥ śoṇitamāṃsarūṣitairyugāntavaiśvānaratulyavigrahaiḥ | niśācarāḥ samparivārya mādhavaṃ varāyudhairnirbibhiduḥ sahasraśaḥ || 6.69 ||

तब निशाचरों ने माधव को चारों ओर से घेरकर, रक्त और मांस से सने हुए, प्रलयकालीन अग्नि के समान भयंकर बाणों तथा उत्तम आयुधों से उन्हें सहस्रों बार बींध डाला।