माली का वध

श्लोक 1 (uttara.7.1)

नारायणगिरिं ते तु गर्जन्तो राक्षसाम्बुदाः । ववर्षुः शरवर्षेण वर्षेणेवाद्रिमम्बुदाः ॥ 7.1 ॥

nārāyaṇagiriṃ te tu garjanto rākṣasāmbudāḥ | vavarṣuḥ śaravarṣeṇa varṣeṇevādrimambudāḥ || 7.1 ||

किन्तु वे राक्षसरूपी मेघ गरजते हुए नारायणरूपी पर्वत पर बाणों की वर्षा करने लगे, जैसे मेघ वर्षा से पर्वत को भिगोते हैं।

श्लोक 2 (uttara.7.2)

श्यामावदातस्तैर्विष्णुर्नीलैर्नक्तञ्चरोत्तमैः । वृतो ऽञ्जनगिरीवासीत् वर्षमाणैः पयोधरैः ॥ 7.2 ॥

śyāmāvadātastairviṣṇurnīlairnaktañcarottamaiḥ | vṛto 'ñjanagirīvāsīt varṣamāṇaiḥ payodharaiḥ || 7.2 ||

श्यामवर्ण, कान्तिमान् विष्णु उन नीलवर्ण श्रेष्ठ निशाचरों से घिरे हुए, वर्षा करते हुए मेघों से घिरे अंजनगिरि के समान प्रतीत हुए।

श्लोक 3 (uttara.7.3)

शलभा इव केदारं मशका इव पर्वतम् । यथामृतघटं दंशा मकरा इव चार्णवम् ॥ 7.3 ॥

śalabhā iva kedāraṃ maśakā iva parvatam | yathāmṛtaghaṭaṃ daṃśā makarā iva cārṇavam || 7.3 ||

जैसे टिड्डियाँ खेत पर, जैसे मच्छर पर्वत पर, जैसे डाँस अमृत के घड़े पर, और जैसे मगर समुद्र में झुंड बनाते हैं,

श्लोक 4 (uttara.7.4)

तथा रक्षोधनुर्मुक्ता वज्रानिलमनोजवाः । हरिं विशन्ति स्म शरा लोका इव विपर्यये ॥ 7.4 ॥

tathā rakṣodhanurmuktā vajrānilamanojavāḥ | hariṃ viśanti sma śarā lokā iva viparyaye || 7.4 ||

उसी प्रकार राक्षसों के धनुषों से छूटे हुए, वज्र, वायु और मन के समान वेगवान् बाण हरि में समाने लगे, मानो प्रलयकाल में समस्त लोक विनष्ट होते हों।

श्लोक 5 (uttara.7.5)

स्यन्दनैः स्यन्दनगता गजैश्च गजपृष्ठगाः । अश्वारोहास्तथाश्वैश्च पादाताश्चाम्बरे स्थिताः ॥ 7.5 ॥

syandanaiḥ syandanagatā gajaiśca gajapṛṣṭhagāḥ | aśvārohāstathāśvaiśca pādātāścāmbare sthitāḥ || 7.5 ||

रथों पर रथारूढ़ योद्धा, हाथियों की पीठ पर सवार गजारूढ़ योद्धा, घोड़ों पर घुड़सवार, तथा आकाश में खड़े पैदल योद्धा भी थे।

श्लोक 6 (uttara.7.6)

राक्षसेन्द्रा गिरिनिभाः शरैः शक्त्यृष्टितोमरैः । निरुछ्वासं हरिं चक्रुः प्राणायामा इव द्विजम् ॥ 7.6 ॥

rākṣasendrā girinibhāḥ śaraiḥ śaktyṛṣṭitomaraiḥ | niruchvāsaṃ hariṃ cakruḥ prāṇāyāmā iva dvijam || 7.6 ||

पर्वत के समान विशाल राक्षसराजों ने बाणों, शक्तियों, ऋष्टियों और तोमरों से हरि को निःश्वासरहित-सा कर दिया, मानो प्राणायाम करने वाले किसी द्विज को साँस रोकने पर विवश कर दिया हो।

श्लोक 7 (uttara.7.7)

निशाचरैस्ताड्यमानो मीनैरिव महोदधिः । शार्ङ्गमायम्य दुर्धर्षो राक्षसेभ्यो ऽसृजच्छरान् ॥ 7.7 ॥

niśācaraistāḍyamāno mīnairiva mahodadhiḥ | śārṅgamāyamya durdharṣo rākṣasebhyo 'sṛjaccharān || 7.7 ||

निशाचरों द्वारा आहत होते हुए, जैसे मछलियों से महासागर मथित होता है, उस दुर्धर्ष विष्णु ने शार्ङ्ग धनुष खींचकर राक्षसों पर बाण चलाए।

श्लोक 8 (uttara.7.8)

शरैः पूर्णायतोत्सृष्टैर्वज्रवक्त्रैर्मनोजवैः । चिच्छेद विष्णुर्निशितैः शतशो ऽथ सहस्रशः ॥ 7.8 ॥

śaraiḥ pūrṇāyatotsṛṣṭairvajravaktrairmanojavaiḥ | ciccheda viṣṇurniśitaiḥ śataśo 'tha sahasraśaḥ || 7.8 ||

पूरी तरह खींचकर छोड़े गए, वज्र के समान मुख वाले, मन के समान वेगवान् और तीक्ष्ण बाणों से विष्णु ने उन्हें सैकड़ों-हजारों की संख्या में काट डाला।

श्लोक 9 (uttara.7.9)

विद्राव्य शरवर्षेण वर्षा वायुरिवोत्थितम् । पाञ्चजन्यं महाशङ्खं प्रदध्मौ पुरुषोत्तमः ॥ 7.9 ॥

vidrāvya śaravarṣeṇa varṣā vāyurivotthitam | pāñcajanyaṃ mahāśaṅkhaṃ pradadhmau puruṣottamaḥ || 7.9 ||

बाणों की वर्षा से उन्हें ऐसे तितर-बितर करके जैसे उठा हुआ वायु वर्षा को छिन्न-भिन्न कर देता है, पुरुषोत्तम ने अपना महान् शंख पाञ्चजन्य बजाया।

श्लोक 10 (uttara.7.10)

सो ऽम्बुजो हरिणा ध्मातः सर्वप्राणेन शङ्खराट् । ररास भीमनिर्हादस्त्रैलोक्यं व्यथयन्निव ॥ 7.10 ॥

so 'mbujo hariṇā dhmātaḥ sarvaprāṇena śaṅkharāṭ | rarāsa bhīmanirhādastrailokyaṃ vyathayanniva || 7.10 ||

जल से उत्पन्न वह शंखराज, हरि द्वारा पूरे बल से फूँका जाकर, ऐसी भयंकर ध्वनि के साथ गूँजा मानो तीनों लोकों को कँपा रहा हो।

श्लोक 11 (uttara.7.11)

शङ्खराजरवः सो ऽथ त्रासयामास राक्षसान् । मृगराज इवारण्ये समदानिव कुञ्जरान् ॥ 7.11 ॥

śaṅkharājaravaḥ so 'tha trāsayāmāsa rākṣasān | mṛgarāja ivāraṇye samadāniva kuñjarān || 7.11 ||

उस शंखराज की ध्वनि ने राक्षसों को भयभीत कर दिया, जैसे वन में सिंह मदमत्त हाथियों को भयभीत करता है।

श्लोक 12 (uttara.7.12)

न शेकुरश्वाः संस्थातुं विमदाः कुञ्जराभवन् । स्यन्दनेभ्यश्च्युता वीराः शङ्खरावितदुर्बलाः ॥ 7.12 ॥

na śekuraśvāḥ saṃsthātuṃ vimadāḥ kuñjarābhavan | syandanebhyaścyutā vīrāḥ śaṅkharāvitadurbalāḥ || 7.12 ||

घोड़े ठहर न सके, हाथी मदरहित हो गए, वीर योद्धा शंख की ध्वनि से निर्बल होकर रथों से गिर पड़े।

श्लोक 13 (uttara.7.13)

शार्ङ्गचापविनिर्मुक्ता वज्रतुल्याननाः शराः । विदार्य तानि रक्षांसि सुपुङ्खा विविशुः क्षितिम् ॥ 7.13 ॥

śārṅgacāpavinirmuktā vajratulyānanāḥ śarāḥ | vidārya tāni rakṣāṃsi supuṅkhā viviśuḥ kṣitim || 7.13 ||

शार्ङ्ग धनुष से छूटे हुए वज्र के समान मुख वाले, सुन्दर पंखयुक्त बाण, उन राक्षसों को बींधकर पृथ्वी में समा गए।

श्लोक 14 (uttara.7.14)

भिद्यमानाः शरैः सङ्ख्ये नारायणकरच्युतैः । निपेतू राक्षसा भूमौ शैला वज्रहता इव ॥ 7.14 ॥

bhidyamānāḥ śaraiḥ saṅkhye nārāyaṇakaracyutaiḥ | nipetū rākṣasā bhūmau śailā vajrahatā iva || 7.14 ||

युद्ध में नारायण के हाथ से छूटे बाणों से बिंधकर राक्षस पृथ्वी पर ऐसे गिर पड़े जैसे वज्र से आहत पर्वत गिरते हैं।

श्लोक 15 (uttara.7.15)

व्रणानि परगात्रेभ्यो विष्णुचक्रकृतानि वै । असृक्क्षरन्ति धाराभिः स्वर्णधारा इवाचलाः ॥ 7.15 ॥

vraṇāni paragātrebhyo viṣṇucakrakṛtāni vai | asṛkkṣaranti dhārābhiḥ svarṇadhārā ivācalāḥ || 7.15 ||

शत्रुओं के शरीरों से विष्णु के चक्र द्वारा किए गए घावों से रक्त की धाराएँ बहने लगीं, जैसे पर्वतों से स्वर्ण की धाराएँ बहती हैं।

श्लोक 16 (uttara.7.16)

शङ्खराजरवश्चापि शार्ङ्गचापरस्वस्तथा । राक्षसानां रवांश्चापि ग्रसते वैष्णवो रवः ॥ 7.16 ॥

śaṅkharājaravaścāpi śārṅgacāparasvastathā | rākṣasānāṃ ravāṃścāpi grasate vaiṣṇavo ravaḥ || 7.16 ||

शंखराज की ध्वनि और शार्ङ्ग धनुष की टंकार, तथा विष्णु की स्वयं की गर्जना भी, राक्षसों की चीत्कारों को निगल गई।

श्लोक 17 (uttara.7.17)

तेषां शिरोधरान्धूताञ्छरध्वजधनूंषि च । रथान्पताकास्तूणीरांश्चिच्छेद स हरिः शरैः ॥ 7.17 ॥

teṣāṃ śirodharāndhūtāñcharadhvajadhanūṃṣi ca | rathānpatākāstūṇīrāṃściccheda sa hariḥ śaraiḥ || 7.17 ||

उनकी हिलती हुई गर्दनों को, तथा उनके बाणों, ध्वजाओं और धनुषों को, उनके रथों, पताकाओं और तूणीरों को -- हरि ने बाणों से काट डाला।

श्लोक 18 (uttara.7.18)

सूर्यादिव करा घोरा ऊर्मयः सागरादिव । पर्वतादिव नागेन्द्रा धारौघा इव चाम्बुदात् ॥ 7.18 ॥

sūryādiva karā ghorā ūrmayaḥ sāgarādiva | parvatādiva nāgendrā dhāraughā iva cāmbudāt || 7.18 ||

जैसे सूर्य से भयंकर किरणें, जैसे सागर से लहरें, जैसे पर्वत से महानाग, जैसे मेघ से जलधाराएँ निकलती हैं,

श्लोक 19 (uttara.7.19)

तथा शार्ङ्गविनिर्मुक्ताः शरा नारायणेरिताः । निर्धावन्तीषवस्तूर्णं शतशोथ सहस्रशः ॥ 7.19 ॥

tathā śārṅgavinirmuktāḥ śarā nārāyaṇeritāḥ | nirdhāvantīṣavastūrṇaṃ śataśotha sahasraśaḥ || 7.19 ||

उसी प्रकार शार्ङ्ग धनुष से छूटे और नारायण द्वारा भेजे गए बाण सैकड़ों-हजारों की संख्या में तीव्रता से दौड़ने लगे।

श्लोक 20 (uttara.7.20)

शरभेण यथा सिंहाः सिंहेन द्विरदा यथा । द्विरदेन यथा व्याघ्रा व्याघ्रेण द्वीपिनो यथा ॥ 7.20 ॥

śarabheṇa yathā siṃhāḥ siṃhena dviradā yathā | dviradena yathā vyāghrā vyāghreṇa dvīpino yathā || 7.20 ||

जैसे शरभ से सिंह, सिंह से हाथी, हाथी से व्याघ्र, और व्याघ्र से चीते भागते हैं,

श्लोक 21 (uttara.7.21)

द्वीपिनेव यथा श्वानः शुना मार्जारका यथा । मार्जारेण यथा सर्पाः सर्पेण च यथा आखवः ॥ 7.21 ॥

dvīpineva yathā śvānaḥ śunā mārjārakā yathā | mārjāreṇa yathā sarpāḥ sarpeṇa ca yathā ākhavaḥ || 7.21 ||

जैसे चीते से कुत्ते, कुत्ते से बिल्लियाँ, बिल्ली से साँप, और साँप से चूहे भागते हैं --

श्लोक 22 (uttara.7.22)

तथा ते राक्षसाः सर्वे विष्णुना प्रभविष्णुना । द्रवन्ति द्राविताश्चन्ये शायिताश्च महीतले ॥ 7.22 ॥

tathā te rākṣasāḥ sarve viṣṇunā prabhaviṣṇunā | dravanti drāvitāścanye śāyitāśca mahītale || 7.22 ||

उसी प्रकार वे सभी राक्षस समर्थ विष्णु के समक्ष भागने लगे; कुछ खदेड़े जाकर भागे और कुछ पृथ्वी पर पड़े रहे।

श्लोक 23 (uttara.7.23)

राक्षसानां सहस्राणि निहत्य मधुसूदनः । वारिजं पूरयामास तोयदं सुरराडिव ॥ 7.23 ॥

rākṣasānāṃ sahasrāṇi nihatya madhusūdanaḥ | vārijaṃ pūrayāmāsa toyadaṃ surarāḍiva || 7.23 ||

हजारों राक्षसों का वध करके मधुसूदन ने सागर को उनसे ऐसे भर दिया, जैसे देवराज मेघ को वर्षा से भर देते हैं।

श्लोक 24 (uttara.7.24)

नारायणशरत्रस्तं शङ्खनादसुविह्वलम् । ययौ लङ्कामभिमुखं प्रभग्नं राक्षसं बलम् ॥ 7.24 ॥

nārāyaṇaśaratrastaṃ śaṅkhanādasuvihvalam | yayau laṅkāmabhimukhaṃ prabhagnaṃ rākṣasaṃ balam || 7.24 ||

नारायण के बाणों से भयभीत, शंखध्वनि से अत्यन्त विह्वल हुई, छिन्न-भिन्न राक्षससेना लंका की ओर भाग चली।

श्लोक 25 (uttara.7.25)

प्रभग्ने राक्षसबले नारायणशराहते । सुमाली शरवर्षेण निववार रणे हरिम् ॥ 7.25 ॥

prabhagne rākṣasabale nārāyaṇaśarāhate | sumālī śaravarṣeṇa nivavāra raṇe harim || 7.25 ||

नारायण के बाणों से आहत होकर राक्षससेना के छिन्न-भिन्न हो जाने पर, सुमाली ने बाणों की वर्षा से युद्ध में हरि को रोका।

श्लोक 26 (uttara.7.26)

स तु तं छादयामास नीहार इव भास्करम् । राक्षसाः सत्त्वसम्पन्नाः पुनर्धैर्यं समादधुः ॥ 7.26 ॥

sa tu taṃ chādayāmāsa nīhāra iva bhāskaram | rākṣasāḥ sattvasampannāḥ punardhairyaṃ samādadhuḥ || 7.26 ||

उसने उन्हें बाणों से ऐसे ढक दिया जैसे कोहरा सूर्य को ढक लेता है; साहसी राक्षसों ने पुनः धैर्य धारण किया।

श्लोक 27 (uttara.7.27)

अथ सो ऽभ्यपतद्रोषाद्राक्षसो बलदर्पितः । महानादं प्रकुर्वाणो राक्षसाञ्जीवयन्निव ॥ 7.27 ॥

atha so 'bhyapatadroṣādrākṣaso baladarpitaḥ | mahānādaṃ prakurvāṇo rākṣasāñjīvayanniva || 7.27 ||

तब वह बल के अभिमान में डूबा हुआ राक्षस क्रोधपूर्वक झपटा, महान् गर्जना करता हुआ, मानो राक्षसों में पुनः प्राण फूँक रहा हो।

श्लोक 28 (uttara.7.28)

उत्क्षिप्य लम्बाभरणं धुन्वन्करमिव द्विपः । ररास राक्षसो हर्षात्सतडित्तोयदो यथा ॥ 7.28 ॥

utkṣipya lambābharaṇaṃ dhunvankaramiva dvipaḥ | rarāsa rākṣaso harṣātsataḍittoyado yathā || 7.28 ||

आभूषणों से लटकते हुए अपने हाथ को उठाकर, हाथी की सूँड़ के समान हिलाते हुए, वह राक्षस हर्षपूर्वक बिजली सहित मेघ के समान गरजा।

श्लोक 29 (uttara.7.29)

सुमालेर्नर्दतस्तस्य शिरो ज्वलितकुण्डलम् । चिच्छेद यन्तुरश्वाश्च भ्रान्तास्तस्य तु रक्षसः ॥ 7.29 ॥

sumālernardatastasya śiro jvalitakuṇḍalam | ciccheda yanturaśvāśca bhrāntāstasya tu rakṣasaḥ || 7.29 ||

गरजते हुए उस सुमाली के सारथी का, प्रज्वलित कुण्डलों से सुशोभित सिर, विष्णु ने काट डाला; और उस राक्षस के घोड़े व्याकुल हो उठे।

श्लोक 30 (uttara.7.30)

तैरश्वैर्भ्राम्यते भ्रान्तैः सुमाली राक्षसेश्वरः । इन्द्रियाश्वैः परिभ्रान्तैर्धृतिहीनो यथा नरः ॥ 7.30 ॥

tairaśvairbhrāmyate bhrāntaiḥ sumālī rākṣaseśvaraḥ | indriyāśvaiḥ paribhrāntairdhṛtihīno yathā naraḥ || 7.30 ||

उन बेकाबू घोड़ों से राक्षसराज सुमाली इधर-उधर घूमने लगा -- जैसे धैर्यहीन मनुष्य अपनी इन्द्रियरूपी अनियंत्रित घोड़ों से इधर-उधर भटकता है।

श्लोक 31 (uttara.7.31)

ततो विष्णुं महाबाहुं प्रपतन्तं रणाजिरे । हृते सुमालेरश्वैश्च रथे विष्णुरथं प्रति ॥ 7.31 ॥

tato viṣṇuṃ mahābāhuṃ prapatantaṃ raṇājire | hṛte sumāleraśvaiśca rathe viṣṇurathaṃ prati || 7.31 ||

तत्पश्चात्, जब महाबाहु विष्णु रणभूमि में आगे बढ़ रहे थे, और सुमाली का रथ अपने घोड़ों सहित विष्णु के रथ की ओर बहा ले जाया गया,

श्लोक 32 (uttara.7.32)

माली चाभ्यद्रवद्युक्तः प्रगृह्य सशरं धनुः । मालेर्धनुश्च्युता बाणाः कार्तस्वरविभूषिताः । विविशुर्हरिमासाद्य क्रौञ्चं पत्ररथा इव ॥ 7.32 ॥

mālī cābhyadravadyuktaḥ pragṛhya saśaraṃ dhanuḥ | mālerdhanuścyutā bāṇāḥ kārtasvaravibhūṣitāḥ | viviśurharimāsādya krauñcaṃ patrarathā iva || 7.32 ||

और माली, अपने रथ में युक्त होकर, बाणसहित धनुष उठाकर आगे झपटा; माली के धनुष से छूटे हुए, स्वर्ण से विभूषित बाण हरि तक पहुँचकर उनमें ऐसे समा गए जैसे पंखधारी पक्षी क्रौंच पर्वत में समा जाते हैं।

श्लोक 33 (uttara.7.33)

अर्द्यमानः शरैः सो ऽथ मालिमुक्तैः सहस्रशः । चुक्षुभे न रणे विष्णुर्जितेन्द्रिय इवाधिभिः ॥ 7.33 ॥

ardyamānaḥ śaraiḥ so 'tha mālimuktaiḥ sahasraśaḥ | cukṣubhe na raṇe viṣṇurjitendriya ivādhibhiḥ || 7.33 ||

माली द्वारा छोड़े गए सहस्रों बाणों से पीड़ित होते हुए भी, विष्णु युद्ध में विचलित नहीं हुए, जैसे जितेन्द्रिय पुरुष मानसिक व्यथाओं से विचलित नहीं होता।

श्लोक 34 (uttara.7.34)

अथ मौर्वीस्वनं कृत्वा भगवान्भूतभावनः । मालिनं प्रति बाणौघान्ससर्जारिनिषूदनः ॥ 7.34 ॥

atha maurvīsvanaṃ kṛtvā bhagavānbhūtabhāvanaḥ | mālinaṃ prati bāṇaughānsasarjāriniṣūdanaḥ || 7.34 ||

तब अपनी प्रत्यंचा को टंकृत करके, समस्त प्राणियों के उत्पत्तिकर्ता, शत्रुनाशक भगवान् ने माली पर बाणों की बाढ़ छोड़ दी।

श्लोक 35 (uttara.7.35)

ते मालिदेहमासाद्य वज्रविद्युत्प्रभाः शराः । पिबन्ति रुधिरं तस्य नागा इव सुधारसम् ॥ 7.35 ॥

te mālidehamāsādya vajravidyutprabhāḥ śarāḥ | pibanti rudhiraṃ tasya nāgā iva sudhārasam || 7.35 ||

वज्र और बिजली के समान तेजस्वी वे बाण माली के शरीर तक पहुँचकर उसका रक्त ऐसे पीने लगे जैसे नाग अमृतरस पीते हैं।

श्लोक 36 (uttara.7.36)

मालिनं विमुखं कृत्वा शङ्खचक्रगदाधरः । मालिमौलिं ध्वजं चापं वाजिनश्चाप्यपातयत् ॥ 7.36 ॥

mālinaṃ vimukhaṃ kṛtvā śaṅkhacakragadādharaḥ | mālimauliṃ dhvajaṃ cāpaṃ vājinaścāpyapātayat || 7.36 ||

माली को विमुख करके, शंख-चक्र-गदाधारी विष्णु ने उसके मुकुट, ध्वजा, धनुष तथा घोड़ों को भी गिरा दिया।

श्लोक 37 (uttara.7.37)

विरथस्तु गदां गृह्य माली नक्तञ्चरोत्तमः । आपुप्लुवे गदापाणिर्गिर्यग्रादिव केसरी ॥ 7.37 ॥

virathastu gadāṃ gṛhya mālī naktañcarottamaḥ | āpupluve gadāpāṇirgiryagrādiva kesarī || 7.37 ||

रथहीन होकर गदा उठाकर, निशाचरश्रेष्ठ माली, गदापाणि होकर, पर्वत के शिखर से सिंह के समान कूद पड़ा।

श्लोक 38 (uttara.7.38)

गदया गरुडेशानमीशानमिव चान्तकः । ललाटदेशे ऽभ्यहनद्वज्रेणेन्द्रो यथा ऽचलम् ॥ 7.38 ॥

gadayā garuḍeśānamīśānamiva cāntakaḥ | lalāṭadeśe 'bhyahanadvajreṇendro yathā 'calam || 7.38 ||

गदा से उसने गरुड़ को ऐसे प्रहार किया मानो मृत्यु ईशान (शिव) पर प्रहार कर रही हो; मस्तक पर वैसे आघात किया जैसे इन्द्र वज्र से पर्वत पर प्रहार करते हैं।

श्लोक 39 (uttara.7.39)

गदयाभिहतस्तेन मालिना गरुडो भृशम् । रणात्पराङ्मुखं देवं कृतवान्वेदनातुरः ॥ 7.39 ॥

gadayābhihatastena mālinā garuḍo bhṛśam | raṇātparāṅmukhaṃ devaṃ kṛtavānvedanāturaḥ || 7.39 ||

माली द्वारा गदा से बुरी तरह आहत गरुड़, वेदना से पीड़ित होकर, अपने ऊपर बैठे देव को युद्ध से विमुख कर बैठा।

श्लोक 40 (uttara.7.40)

पराङ्मुखे कृते देवे मालिना गरुडेन वै । उदतिष्ठन्महाञ्छब्दो रक्षसामभिनर्दताम् ॥ 7.40 ॥

parāṅmukhe kṛte deve mālinā garuḍena vai | udatiṣṭhanmahāñchabdo rakṣasāmabhinardatām || 7.40 ||

माली द्वारा गरुड़ के माध्यम से देव के विमुख किए जाने पर, विजय-गर्जना करते हुए राक्षसों का महान् कोलाहल उठ खड़ा हुआ।

श्लोक 41 (uttara.7.41)

रक्षसां रवतां रावं श्रुत्वा हरिहयानुजः ॥ 7.41 ॥

rakṣasāṃ ravatāṃ rāvaṃ śrutvā harihayānujaḥ || 7.41 ||

राक्षसों की गर्जना की ध्वनि को सुनकर, सूर्य के सारथी के अनुज (गरुड़),

श्लोक 42 (uttara.7.42)

तिर्यगास्थाय सङ्क्रुद्धः पक्षीशे भगवान्हरिः । पराङ्मुखो ऽप्युत्ससर्ज मालेश्चक्रं जिघांसया ॥ 7.42 ॥

tiryagāsthāya saṅkruddhaḥ pakṣīśe bhagavānhariḥ | parāṅmukho 'pyutsasarja māleścakraṃ jighāṃsayā || 7.42 ||

क्रुद्ध होकर, पक्षिराज पर आरूढ़ भगवान् हरि तिरछे होकर, विमुख होते हुए भी, माली को मारने की इच्छा से अपना चक्र छोड़ दिया।

श्लोक 43 (uttara.7.43)

तत्सूर्यमण्डलाभासं स्वभासा भासयन्नभः । कालचक्रनिभं चक्रं मालेः शीर्षमपातयत् ॥ 7.43 ॥

tatsūryamaṇḍalābhāsaṃ svabhāsā bhāsayannabhaḥ | kālacakranibhaṃ cakraṃ māleḥ śīrṣamapātayat || 7.43 ||

सूर्यमण्डल के समान तेजस्वी, अपनी ही आभा से आकाश को प्रकाशित करता हुआ, कालचक्र के समान वह चक्र माली के सिर को गिरा दिया।

श्लोक 44 (uttara.7.44)

तच्छिरो राक्षसेन्द्रस्य चक्रोत्कृत्तं बिभीषणम् । पपात रुधिरोद्गारि पुरा राहुशिरो यथा ॥ 7.44 ॥

tacchiro rākṣasendrasya cakrotkṛttaṃ bibhīṣaṇam | papāta rudhirodgāri purā rāhuśiro yathā || 7.44 ||

चक्र से कटा हुआ राक्षसराज का वह भयंकर सिर, रक्त उगलता हुआ गिरा, जैसे पूर्वकाल में राहु का सिर गिरा था।

श्लोक 45 (uttara.7.45)

ततः सुरैः संसहृष्टैः सर्वप्राणसमीरितः । सिंहनादरवोन्मुक्तः साधु देवेतिवादिभिः ॥ 7.45 ॥

tataḥ suraiḥ saṃsahṛṣṭaiḥ sarvaprāṇasamīritaḥ | siṃhanādaravonmuktaḥ sādhu devetivādibhiḥ || 7.45 ||

तब अत्यन्त हर्षित देवताओं ने पूरे बल से 'साधु, हे देव!' कहते हुए सिंहनाद जैसी गर्जना की।

श्लोक 46 (uttara.7.46)

मालिनं निहतं दृष्ट्वा सुमाली माल्यवानपि । सबलौ शोकसन्तप्तौ लङ्कामेव प्रधावितौ ॥ 7.46 ॥

mālinaṃ nihataṃ dṛṣṭvā sumālī mālyavānapi | sabalau śokasantaptau laṅkāmeva pradhāvitau || 7.46 ||

माली को मारा गया देखकर, सुमाली और माल्यवान् दोनों, अपनी-अपनी सेनाओं सहित, शोकसन्तप्त होकर सीधे लंका की ओर भाग गए।

श्लोक 47 (uttara.7.47)

गरुडस्तु समाश्वस्तः सन्निवृत्य यथा पुरा । राक्षसान्द्रावयामास पक्षवातेन कोपितः ॥ 7.47 ॥

garuḍastu samāśvastaḥ sannivṛtya yathā purā | rākṣasāndrāvayāmāsa pakṣavātena kopitaḥ || 7.47 ||

किन्तु गरुड़ स्वस्थ होकर, पूर्ववत् लौटकर, क्रुद्ध होकर अपने पंखों की वायु से राक्षसों को तितर-बितर कर दिया।

श्लोक 48 (uttara.7.48)

चक्रकृत्तास्यकमला गदासञ्चूर्णितोरसः । लाङ्गलग्लपितग्रीवा मुसलैर्भिन्नमस्तकाः ॥ 7.48 ॥

cakrakṛttāsyakamalā gadāsañcūrṇitorasaḥ | lāṅgalaglapitagrīvā musalairbhinnamastakāḥ || 7.48 ||

चक्र से कटे हुए कमल-सदृश मुखों वाले, गदाओं से चूर-चूर छाती वाले, हलों से टूटी हुई गर्दन वाले, मूसलों से विदीर्ण सिर वाले --

श्लोक 49 (uttara.7.49)

केचिच्चैवासिना छिन्नास्तथान्ये शरपीडिताः । निपेतुरम्बरात्तूर्णं राक्षसाः सागराम्भसि ॥ 7.49 ॥

keciccaivāsinā chinnāstathānye śarapīḍitāḥ | nipeturambarāttūrṇaṃ rākṣasāḥ sāgarāmbhasi || 7.49 ||

कुछ तलवार से कटे हुए, कुछ बाणों से पीड़ित -- राक्षस आकाश से शीघ्रता से सागर के जल में गिर पड़े।

श्लोक 50 (uttara.7.50)

नारायणो बाणवराशनीभिर्विदारयामास धनुर्विमुक्तैः । नक्तञ्चरान्मुक्तविधूतकेशान्यथा ऽशनीभिः सतडिन्महाभ्राः ॥ 7.50 ॥

nārāyaṇo bāṇavarāśanībhirvidārayāmāsa dhanurvimuktaiḥ | naktañcarānmuktavidhūtakeśānyathā 'śanībhiḥ sataḍinmahābhrāḥ || 7.50 ||

नारायण ने अपने धनुष से छूटे हुए, वज्र के समान श्रेष्ठ बाणों से, बिखरे हुए केशों वाले निशाचरों को ऐसे विदीर्ण कर डाला जैसे बिजली सहित वज्र विशाल मेघों को चीर डालते हैं।

श्लोक 51 (uttara.7.51)

भिन्नातपत्रं पतमानमस्त्रं शरैरपध्वस्तविनीतवेषम् । विनिस्सृतान्त्रं भयलोलनेत्रं बलं तदुन्मत्ततरं बभूव ॥ 7.51 ॥

bhinnātapatraṃ patamānamastraṃ śarairapadhvastavinītaveṣam | vinissṛtāntraṃ bhayalolanetraṃ balaṃ tadunmattataraṃ babhūva || 7.51 ||

छत्र टूट चुके थे, अस्त्र गिर रहे थे, बाणों से उनकी अनुशासित वेशभूषा नष्ट हो चुकी थी, आँतें बाहर निकल आई थीं, आँखें भय से चंचल थीं -- वह सेना अत्यन्त उन्मत्त हो उठी।

श्लोक 52 (uttara.7.52)

सिंहार्दितानामिव कुञ्जराणां निशाचराणां सह कुञ्जराणाम् । रवाश्च वेगाश्च समं बभूवुः पुराणसिंहेन विमर्दितानाम् ॥ 7.52 ॥

siṃhārditānāmiva kuñjarāṇāṃ niśācarāṇāṃ saha kuñjarāṇām | ravāśca vegāśca samaṃ babhūvuḥ purāṇasiṃhena vimarditānām || 7.52 ||

निशाचरों की चीत्कारें और उनकी उड़ान, अपने हाथियों सहित, ऐसी थीं मानो सिंह से पीड़ित हाथियों की हों -- मानो उस आदि सिंह द्वारा ही मर्दित किए गए हों।

श्लोक 53 (uttara.7.53)

ते वार्यमाणा हरिबाणजालैः सबाणजालानि समुत्सृजन्तः । धावन्ति नक्तञ्चरकालमेघा वायुप्रभिन्ना इव कालमेघाः ॥ 7.53 ॥

te vāryamāṇā haribāṇajālaiḥ sabāṇajālāni samutsṛjantaḥ | dhāvanti naktañcarakālameghā vāyuprabhinnā iva kālameghāḥ || 7.53 ||

हरि के बाण-समूहों से रोके जाते हुए, अपने बाण-समूह छोड़ते हुए, वे कालमेघ-सदृश निशाचर ऐसे भागे जैसे वायु से छिन्न-भिन्न कालमेघ।

श्लोक 54 (uttara.7.54)

चक्रपहारैर्विनिकृत्तशीर्षाः सञ्चूर्णिताङ्गाश्च गदाप्रहारैः । अभिप्रहारैर्द्विविधा विभिन्नाः पतन्ति शैला इव राक्षसेन्द्राः ॥ 7.54 ॥

cakrapahārairvinikṛttaśīrṣāḥ sañcūrṇitāṅgāśca gadāprahāraiḥ | abhiprahārairdvividhā vibhinnāḥ patanti śailā iva rākṣasendrāḥ || 7.54 ||

चक्र के प्रहारों से जिनके सिर कट गए थे, गदा के प्रहारों से जिनके अंग चूर-चूर हो गए थे, दोहरे आघातों से विदीर्ण -- राक्षसराज पर्वतों के समान गिरने लगे।

श्लोक 55 (uttara.7.55)

विलम्बमानैर्मणिहारकुण्डलैर्निशाचरैर्नीलबलाहकोपमैः । निपात्यमानैर्ददृशे निरन्तरं निपात्यमानैरिव नीलपर्वतैः ॥ 7.55 ॥

vilambamānairmaṇihārakuṇḍalairniśācarairnīlabalāhakopamaiḥ | nipātyamānairdadṛśe nirantaraṃ nipātyamānairiva nīlaparvataiḥ || 7.55 ||

नीले मेघों के समान श्यामवर्ण, लटकते हुए मणि-हार और कुण्डलों वाले निशाचर निरन्तर गिराए जाते हुए ऐसे दिखाई दिए मानो नील पर्वत ही निरन्तर गिराए जा रहे हों।