राक्षसों का पाताल-गमन

श्लोक 1 (uttara.8.1)

हन्यमाने बले तस्मिन्पद्मनाभेन पृष्ठतः । माल्वान्सन्निवृत्तो ऽथ वेलामेत्य इवार्णवः ॥ 8.1 ॥

hanyamāne bale tasminpadmanābhena pṛṣṭhataḥ | mālvānsannivṛtto 'tha velāmetya ivārṇavaḥ || 8.1 ||

जब वह सेना पद्मनाभ (विष्णु) द्वारा पीछे से मारी जा रही थी, तब माल्यवान् वापस लौटा, जैसे सागर तट पर पहुँचकर लौटता है।

श्लोक 2 (uttara.8.2)

संरक्तनयनः कोपाच्चलन्मौलिर्निशाचरः । पद्मनाभमिदं प्राह वचनं पुरुषोत्तमम् ॥ 8.2 ॥

saṃraktanayanaḥ kopāccalanmaulirniśācaraḥ | padmanābhamidaṃ prāha vacanaṃ puruṣottamam || 8.2 ||

क्रोध से लाल हुए नेत्रों वाला, हिलते हुए मुकुट वाला वह निशाचर पुरुषोत्तम पद्मनाभ से यह वचन बोला--

श्लोक 3 (uttara.8.3)

नारायण न जानीषे क्षात्रधर्मं पुरातनम् । अयुद्धमनसो भीतानस्मान्हंसि यथेतरः ॥ 8.3 ॥

nārāyaṇa na jānīṣe kṣātradharmaṃ purātanam | ayuddhamanaso bhītānasmānhaṃsi yathetaraḥ || 8.3 ||

'हे नारायण, तुम क्षत्रियों के प्राचीन धर्म को नहीं जानते -- तुम हमें, जिनका युद्ध में मन नहीं है और जो भयभीत हैं, ऐसे मारते हो जैसे कोई नीच पुरुष मारता है।'

श्लोक 4 (uttara.8.4)

पराङ्मुखवधं पापं यः करोत्यसुरेतरः । स हन्ता न गतः स्वर्गं लभते पुण्यकर्मणाम् ॥ 8.4 ॥

parāṅmukhavadhaṃ pāpaṃ yaḥ karotyasuretaraḥ | sa hantā na gataḥ svargaṃ labhate puṇyakarmaṇām || 8.4 ||

'जो असुर न होते हुए भी विमुख को मारने का पाप करता है, वह वधकर्ता पुण्यकर्मियों को प्राप्त होने वाले स्वर्ग को नहीं पाता।'

श्लोक 5 (uttara.8.5)

युद्धश्रद्धा ऽथवा ते ऽस्ति शङ्खचक्रगदाधर । अहं स्थितो ऽस्मि पश्यामि बलं दर्शय यत्तव ॥ 8.5 ॥

yuddhaśraddhā 'thavā te 'sti śaṅkhacakragadādhara | ahaṃ sthito 'smi paśyāmi balaṃ darśaya yattava || 8.5 ||

'अथवा हे शंख-चक्र-गदाधारी, यदि तुम्हें युद्ध की सच्ची इच्छा है, तो मैं यहाँ खड़ा हूँ -- अपना बल दिखाओ, मैं देखता हूँ।'

श्लोक 6 (uttara.8.6)

माल्यवन्तं स्थितं दृष्ट्वा माल्यवन्तमिवाचलम् । उवाच राक्षसेन्द्रं तं देवराजानुजो बली ॥ 8.6 ॥

mālyavantaṃ sthitaṃ dṛṣṭvā mālyavantamivācalam | uvāca rākṣasendraṃ taṃ devarājānujo balī || 8.6 ||

अचल पर्वत माल्यवान् के समान खड़े हुए माल्यवान् को देखकर, देवराज के बलशाली अनुज (विष्णु) ने उस राक्षसराज से कहा--

श्लोक 7 (uttara.8.7)

युष्मत्तो भयभीतानां देवानां वै मया ऽभयम् । राक्षसोत्सादनं दत्तं तदेतदनुपाल्यते ॥ 8.7 ॥

yuṣmatto bhayabhītānāṃ devānāṃ vai mayā 'bhayam | rākṣasotsādanaṃ dattaṃ tadetadanupālyate || 8.7 ||

'तुमसे भयभीत देवताओं को मैंने राक्षसों के संहार का जो अभय-वचन दिया था, वही अब पूरा किया जा रहा है।'

श्लोक 8 (uttara.8.8)

प्राणैरपि प्रियं कार्यं देवानां हि सदा मया । सो ऽहं वो निहनिष्यामि रसातलगतानपि ॥ 8.8 ॥

prāṇairapi priyaṃ kāryaṃ devānāṃ hi sadā mayā | so 'haṃ vo nihaniṣyāmi rasātalagatānapi || 8.8 ||

'देवताओं का प्रिय कार्य मैं सदैव प्राणों की भी बाजी लगाकर करता हूँ; अतः मैं तुम्हें रसातल में जाने पर भी नहीं छोड़ूँगा, वहाँ भी मार डालूँगा।'

श्लोक 9 (uttara.8.9)

देवदेवं ब्रुवाणं तं रक्ताम्बुरुहलोचनम् । शक्त्या बिभेद सङ्क्रुद्धो राक्षसेन्द्रो भुजान्तरे ॥ 8.9 ॥

devadevaṃ bruvāṇaṃ taṃ raktāmburuhalocanam | śaktyā bibheda saṅkruddho rākṣasendro bhujāntare || 8.9 ||

जब वे देवाधिदेव, रक्तकमल के समान नेत्रों वाले, यह कह रहे थे, तभी क्रुद्ध राक्षसराज ने उनकी भुजाओं के बीच वक्षस्थल में शक्ति से बेध डाला।

श्लोक 10 (uttara.8.10)

माल्यवद्भुजनिर्मुक्ता शक्तिर्घण्टाकृतस्वना । हरेरुरसि बभ्राज मेघस्थेव शतह्रदा ॥ 8.10 ॥

mālyavadbhujanirmuktā śaktirghaṇṭākṛtasvanā | harerurasi babhrāja meghastheva śatahradā || 8.10 ||

माल्यवान् की भुजा से छूटी हुई, घण्टे के समान ध्वनि करने वाली वह शक्ति हरि के वक्षस्थल पर ऐसे चमकी जैसे मेघ में बिजली।

श्लोक 11 (uttara.8.11)

ततस्तामेव चोत्कृष्य शक्तिं शक्तिधरप्रियः । माल्यवन्तं समुद्दिश्य चिक्षेपाम्बुरुहेक्षणः ॥ 8.11 ॥

tatastāmeva cotkṛṣya śaktiṃ śaktidharapriyaḥ | mālyavantaṃ samuddiśya cikṣepāmburuhekṣaṇaḥ || 8.11 ||

तब उसी शक्ति को खींचकर, शक्तिधर कार्तिकेय के प्रिय, कमलनयन विष्णु ने माल्यवान् को लक्ष्य करके उसे फेंक दिया।

श्लोक 12 (uttara.8.12)

स्कन्दोत्सृष्टेव सा शक्तिर्गोविन्दकरनिस्सृता । काङ्क्षन्ती राक्षसं प्रायान्माहेन्द्रीवाञ्जनाचलम् ॥ 8.12 ॥

skandotsṛṣṭeva sā śaktirgovindakaranissṛtā | kāṅkṣantī rākṣasaṃ prāyānmāhendrīvāñjanācalam || 8.12 ||

गोविन्द के हाथ से छूटी हुई वह शक्ति, मानो स्कन्द द्वारा छोड़ी गई हो, उस राक्षस को पाने की चाह में ऐसे दौड़ी जैसे इन्द्र की शक्ति अंजनगिरि पर।

श्लोक 13 (uttara.8.13)

सा तस्योरसि विस्तीर्णे हारभारा ऽवभासिते । अपतद्राक्षसेन्द्रस्य गिरिकूट इवाशनिः ॥ 8.13 ॥

sā tasyorasi vistīrṇe hārabhārā 'vabhāsite | apatadrākṣasendrasya girikūṭa ivāśaniḥ || 8.13 ||

वह उस राक्षसराज के विशाल, हारों के भार से देदीप्यमान वक्षस्थल पर ऐसे गिरी जैसे पर्वत शिखर पर वज्र गिरता है।

श्लोक 14 (uttara.8.14)

तया भिन्नतनुत्राणः प्राविशद्विपुलं तमः । माल्यवान्पुनराश्वस्तस्तस्थौ गिरिरिवाचलः ॥ 8.14 ॥

tayā bhinnatanutrāṇaḥ prāviśadvipulaṃ tamaḥ | mālyavānpunarāśvastastasthau giririvācalaḥ || 8.14 ||

उससे कवच भेदित होकर वह गहन अन्धकार में डूब गया; पुनः चेत में आकर माल्यवान् अचल पर्वत के समान स्थिर खड़ा रहा।

श्लोक 15 (uttara.8.15)

ततः कार्ष्णायसं शूलं कण्टकैर्बहुभिर्वतम् । प्रगृह्याभ्यहनद्देवं स्तनयोरन्तरे दृढम् ॥ 8.15 ॥

tataḥ kārṣṇāyasaṃ śūlaṃ kaṇṭakairbahubhirvatam | pragṛhyābhyahanaddevaṃ stanayorantare dṛḍham || 8.15 ||

तब अनेक कँटीले कीलों से युक्त एक लोह-शूल उठाकर, उसने देव को छाती के बीच दृढ़ता से प्रहार किया।

श्लोक 16 (uttara.8.16)

तथैव रणरक्तस्तु मुष्टिना वासवानुजम् । ताडयित्वा धनुर्मात्रमपक्रान्तो निशाचरः ॥ 8.16 ॥

tathaiva raṇaraktastu muṣṭinā vāsavānujam | tāḍayitvā dhanurmātramapakrānto niśācaraḥ || 8.16 ||

इसी प्रकार युद्ध में रक्तरंजित हुआ वह निशाचर, वासव के अनुज को मुट्ठी से प्रहार करके, एक धनुष भर पीछे हट गया।

श्लोक 17 (uttara.8.17)

ततो ऽम्बरे महाञ्छब्दः साधुसाध्विति चोदितः । आहत्य राक्षसो विष्णुं गरुडं चाप्यताडयत् ॥ 8.17 ॥

tato 'mbare mahāñchabdaḥ sādhusādhviti coditaḥ | āhatya rākṣaso viṣṇuṃ garuḍaṃ cāpyatāḍayat || 8.17 ||

तब आकाश में 'साधु-साधु' कहते हुए महान् शब्द गूँज उठा -- और उस राक्षस ने विष्णु पर प्रहार करके गरुड़ पर भी प्रहार किया।

श्लोक 18 (uttara.8.18)

वैनतेयस्ततः क्रुद्धः पक्षवातेन राक्षसम् । व्यपोहद्बलवान्वायुः शुष्कपर्णचयं यथा ॥ 8.18 ॥

vainateyastataḥ kruddhaḥ pakṣavātena rākṣasam | vyapohadbalavānvāyuḥ śuṣkaparṇacayaṃ yathā || 8.18 ||

तब वैनतेय गरुड़ क्रुद्ध होकर उस राक्षस को अपने पंखों की वायु से ऐसे उड़ा ले गए जैसे प्रबल वायु सूखे पत्तों के ढेर को उड़ा ले जाती है।

श्लोक 19 (uttara.8.19)

द्विजेन्द्रपक्षवातेन द्रावितं दृश्य पूर्वजम् । सुमाली स्वबलैः सार्धं लङ्कामभिमुखो ययौ ॥ 8.19 ॥

dvijendrapakṣavātena drāvitaṃ dṛśya pūrvajam | sumālī svabalaiḥ sārdhaṃ laṅkāmabhimukho yayau || 8.19 ||

पक्षिराज (गरुड़) के पंखों की वायु से अपने बड़े भाई को खदेड़ा गया देखकर, सुमाली अपनी सेना सहित लंका की ओर चल पड़ा।

श्लोक 20 (uttara.8.20)

पक्षवातबलोद्धूतो माल्यवानपि राक्षसः । स्वबलेन समागम्य ययौ लङ्कां ह्रिया वृतः ॥ 8.20 ॥

pakṣavātabaloddhūto mālyavānapi rākṣasaḥ | svabalena samāgamya yayau laṅkāṃ hriyā vṛtaḥ || 8.20 ||

पंखों की वायु के वेग से उड़ाया गया माल्यवान् राक्षस भी, अपनी सेना से मिलकर, लज्जा से आच्छादित होकर लंका की ओर चला गया।

श्लोक 21 (uttara.8.21)

एवं ते राक्षसा तेन हरिणा कमलेक्षण । बहुशः संयुगे भग्ना हतप्रवरनायकाः ॥ 8.21 ॥

evaṃ te rākṣasā tena hariṇā kamalekṣaṇa | bahuśaḥ saṃyuge bhagnā hatapravaranāyakāḥ || 8.21 ||

हे कमलनेत्र (राम), इस प्रकार वे राक्षस उस हरि द्वारा युद्ध में बार-बार पराजित हुए, उनके श्रेष्ठ नायक मारे गए।

श्लोक 22 (uttara.8.22)

अशक्नुवन्तस्ते विष्णुं प्रतियोद्धुं भयार्दिताः । त्यक्त्वा लङ्कां गता वस्तुं पातालं सहपत्नयः ॥ 8.22 ॥

aśaknuvantaste viṣṇuṃ pratiyoddhuṃ bhayārditāḥ | tyaktvā laṅkāṃ gatā vastuṃ pātālaṃ sahapatnayaḥ || 8.22 ||

विष्णु के विरुद्ध लड़ने में असमर्थ, भय से पीड़ित होकर, वे लंका को छोड़कर अपनी पत्नियों सहित पाताल में रहने चले गए।

श्लोक 23 (uttara.8.23)

सुमालिनं समासाद्य राक्षसं रघुसत्तम । स्थिताः प्रख्यातवीर्यास्ते वंशे सालकटङ्कटे ॥ 8.23 ॥

sumālinaṃ samāsādya rākṣasaṃ raghusattama | sthitāḥ prakhyātavīryāste vaṃśe sālakaṭaṅkaṭe || 8.23 ||

हे रघुश्रेष्ठ, वे प्रख्यात पराक्रमी राक्षस सुमाली के साथ मिलकर सालकटंकट वंश में जा बसे।

श्लोक 24 (uttara.8.24)

ये त्वया निहतास्ते तु पौलस्त्या नाम राक्षसाः । सुमाली माल्यवान्माली ये च तेषां पुरःसराः ।। सर्वे तेभ्यो महाभागा रावणाद्बलवत्तराः ॥ 8.24 ॥

ye tvayā nihatāste tu paulastyā nāma rākṣasāḥ | sumālī mālyavānmālī ye ca teṣāṃ puraḥsarāḥ || sarve tebhyo mahābhāgā rāvaṇādbalavattarāḥ || 8.24 ||

हे राम, जिनका तुमने वध किया, वे पौलस्त्य नामक राक्षस थे; सुमाली, माल्यवान्, माली, तथा उनके अग्रगामी -- ये सब महाभाग्यशाली और रावण से भी अधिक बलवान् थे।

श्लोक 25 (uttara.8.25)

न चान्यो राक्षसान्हन्ता सुरारीन्देवकण्टकान् । ऋते नारायणं देवं शङ्खचक्रगदाधरम् ॥ 8.25 ॥

na cānyo rākṣasānhantā surārīndevakaṇṭakān | ṛte nārāyaṇaṃ devaṃ śaṅkhacakragadādharam || 8.25 ||

देवताओं के इन शत्रुओं, देवताओं के कण्टकरूप राक्षसों का, शंख-चक्र-गदाधारी नारायण देव के अतिरिक्त और कोई वधकर्ता नहीं था।

श्लोक 26 (uttara.8.26)

भवान्नारायणो देवश्चतुर्बाहुः सनातनः । राक्षसान्हन्तुमुत्पन्नो ह्यजेयः प्रभुरव्ययः ॥ 8.26 ॥

bhavānnārāyaṇo devaścaturbāhuḥ sanātanaḥ | rākṣasānhantumutpanno hyajeyaḥ prabhuravyayaḥ || 8.26 ||

आप ही वे चतुर्भुज, सनातन, अजेय, अविनाशी प्रभु नारायण देव हैं, जो राक्षसों का वध करने के लिए उत्पन्न हुए हैं।

श्लोक 27 (uttara.8.27)

नष्टधर्मव्यवस्थाता काले काले प्रजाकरः । उत्पद्यते दस्युवधे शरणागतवत्सलः ॥ 8.27 ॥

naṣṭadharmavyavasthātā kāle kāle prajākaraḥ | utpadyate dasyuvadhe śaraṇāgatavatsalaḥ || 8.27 ||

धर्म के नष्ट होने पर उसकी पुनर्स्थापना करने वाले, प्रजा के उत्पन्नकर्ता, वे समय-समय पर दुष्टों के वध के लिए जन्म लेते हैं, और शरणागतवत्सल हैं।

श्लोक 28 (uttara.8.28)

एषा मया तव नराधिप राक्षसानामुत्पत्तिरद्य कथिता सकला यथावत् । भूयो निबोध रघुसत्तम रावणस्य जन्मप्रभावमतुलं ससुतस्य सर्वम् ॥ 8.28 ॥

eṣā mayā tava narādhipa rākṣasānāmutpattiradya kathitā sakalā yathāvat | bhūyo nibodha raghusattama rāvaṇasya janmaprabhāvamatulaṃ sasutasya sarvam || 8.28 ||

हे नरेश्वर, राक्षसों की यह सम्पूर्ण उत्पत्ति-कथा मैंने आपसे यथावत् कह दी; अब हे रघुश्रेष्ठ, रावण के जन्म और उसके पुत्रों सहित उसके अनुपम प्रभाव को भी सुनिए।

श्लोक 29 (uttara.8.29)

चिरात्सुमाली व्यचरद्रसातलं स राक्षसो विष्णुभयार्दितस्तदा । पुत्रैश्च पौत्रैश्च समन्वितो बली ततस्तु लङ्कामवसद्धनेश्वरः ॥ 8.29 ॥

cirātsumālī vyacaradrasātalaṃ sa rākṣaso viṣṇubhayārditastadā | putraiśca pautraiśca samanvito balī tatastu laṅkāmavasaddhaneśvaraḥ || 8.29 ||

उस समय विष्णु के भय से पीड़ित होकर वह राक्षस सुमाली दीर्घकाल तक रसातल में विचरण करता रहा; तब तक पुत्रों और पौत्रों सहित बलवान् धनेश्वर (कुबेर) लंका में निवास करते रहे।