पुलस्त्य द्वारा रावण-मुक्ति

श्लोक 1 (uttara.33.1)

रावणग्रहणं तत्तु वायुग्रहणसन्निभम् । ततः पुलस्त्यः शुश्राव कथितं दिवि दैवतैः ॥ 33.1 ॥

rāvaṇagrahaṇaṃ tattu vāyugrahaṇasannibham | tataḥ pulastyaḥ śuśrāva kathitaṃ divi daivataiḥ || 33.1 ||

वायु को पकड़ने के समान वह रावण का पकड़ा जाना, स्वर्ग में देवताओं द्वारा कहे जाने पर पुलस्त्य ने सुना।

श्लोक 2 (uttara.33.2)

ततः पुत्रकृतस्नेहात्कम्प्यमानो महाधृतिः । माहिष्मतीपतिं द्रष्टुमाजगाम महानृषिः ॥ 33.2 ॥

tataḥ putrakṛtasnehātkampyamāno mahādhṛtiḥ | māhiṣmatīpatiṃ draṣṭumājagāma mahānṛṣiḥ || 33.2 ||

तब पुत्र-स्नेह से विचलित होकर, अत्यन्त धीर वह महर्षि माहिष्मतीपति को देखने के लिए वहाँ आए।

श्लोक 3 (uttara.33.3)

स वायुमार्गमास्थाय वायुतुल्यगतिर्द्विजः । पुरीं माहिष्मतीं प्राप्तो मनःसम्पातविक्रमः ॥ 33.3 ॥

sa vāyumārgamāsthāya vāyutulyagatirdvijaḥ | purīṃ māhiṣmatīṃ prāpto manaḥsampātavikramaḥ || 33.3 ||

वायु के समान गति वाले उस द्विज ने आकाश-मार्ग से जाकर मन के समान वेग से माहिष्मती नगरी में प्रवेश किया।

श्लोक 4 (uttara.33.4)

सो ऽमरावतिसङ्काशां हृष्टपुष्टजनाकुलाम् । प्रविवेश पुरीं ब्रह्मा इन्द्रस्येवामरावतीम् ॥ 33.4 ॥

so 'marāvatisaṅkāśāṃ hṛṣṭapuṣṭajanākulām | praviveśa purīṃ brahmā indrasyevāmarāvatīm || 33.4 ||

हर्षित और सम्पन्न लोगों से भरी, अमरावती के समान उस नगरी में वे ऐसे प्रविष्ट हुए, मानो ब्रह्मा स्वयं इन्द्र की अमरावती में प्रवेश कर रहे हों।

श्लोक 5 (uttara.33.5)

पादचारमिवादित्यं निष्पतन्तं सुदुर्दशम् । ततस्ते प्रत्यभिज्ञाय अर्जुनाय निवेदयन् ॥ 33.5 ॥

pādacāramivādityaṃ niṣpatantaṃ sudurdaśam | tataste pratyabhijñāya arjunāya nivedayan || 33.5 ||

वे मानो पृथ्वी पर चलते हुए सूर्य के समान, दुर्दर्श दिखाई दे रहे थे; उन्हें पहचानकर लोगों ने तुरन्त अर्जुन को सूचित किया।

श्लोक 6 (uttara.33.6)

पुलस्त्य इति विज्ञाय वचनाद्धैहयाधिपः । शिरस्यञ्जलिमाधाय प्रत्युद्गच्छत्तपस्विनम् ॥ 33.6 ॥

pulastya iti vijñāya vacanāddhaihayādhipaḥ | śirasyañjalimādhāya pratyudgacchattapasvinam || 33.6 ||

वचनों से यह जानकर कि यह पुलस्त्य हैं, हैहयराज ने सिर पर अंजलि बाँधकर उस तपस्वी की अगवानी की।

श्लोक 7 (uttara.33.7)

पुरोहितो ऽस्य गृह्यार्घ्यं मधुपर्कं तथैव च । पुरस्तात्प्रययौ राज्ञः शक्रस्येव बृहस्पतिः ॥ 33.7 ॥

purohito 'sya gṛhyārghyaṃ madhuparkaṃ tathaiva ca | purastātprayayau rājñaḥ śakrasyeva bṛhaspatiḥ || 33.7 ||

उनके पुरोहित अर्घ्य और मधुपर्क लेकर, जैसे बृहस्पति इन्द्र से आगे चलते हैं, वैसे राजा से आगे चले।

श्लोक 8 (uttara.33.8)

ततस्तमृषिमायान्तमुद्यन्तमिव भास्करम् । अर्जुनो दृश्य सम्भ्रान्तो ववन्देन्द्र इवेश्वरम् ॥ 33.8 ॥

tatastamṛṣimāyāntamudyantamiva bhāskaram | arjuno dṛśya sambhrānto vavandendra iveśvaram || 33.8 ||

तब उदित होते सूर्य के समान आते हुए उस ऋषि को देखकर अर्जुन विस्मित होकर, जैसे इन्द्र ईश्वर को नमन करते हैं, वैसे उन्हें प्रणाम करने लगा।

श्लोक 9 (uttara.33.9)

स तस्य मधुपर्कं गां पाद्यमर्घ्यं निवेद्य च । पुलस्त्यमाह राजेन्द्रो हर्षगद्गदया गिरा ॥ 33.9 ॥

sa tasya madhuparkaṃ gāṃ pādyamarghyaṃ nivedya ca | pulastyamāha rājendro harṣagadgadayā girā || 33.9 ||

उन्हें मधुपर्क, गौ, पाद्य और अर्घ्य समर्पित करके, वह राजेन्द्र हर्ष से गद्गद वाणी में पुलस्त्य से बोला —

श्लोक 10 (uttara.33.10)

अद्यैवममरावत्या तुल्या माहिष्मती कृता । अद्याहं तु द्विजेन्द्र त्वां यस्मात्पश्यामि दुर्दशम् ॥ 33.10 ॥

adyaivamamarāvatyā tulyā māhiṣmatī kṛtā | adyāhaṃ tu dvijendra tvāṃ yasmātpaśyāmi durdaśam || 33.10 ||

"आज ही मेरी माहिष्मती अमरावती के समान बना दी गई है; क्योंकि आज, हे द्विजेन्द्र, मैं आपको देख रहा हूँ, जिनका दर्शन अत्यन्त दुर्लभ है।

श्लोक 11 (uttara.33.11)

अद्य मे कुशलं देव अद्य मे कुशलं व्रतम् । अद्य मे सफलं जन्म अद्य मे सफलं तपः । यस्माद्देवगणैर्वन्द्यौ वन्दे ऽहं चरणौ तव ॥ 33.11 ॥

adya me kuśalaṃ deva adya me kuśalaṃ vratam | adya me saphalaṃ janma adya me saphalaṃ tapaḥ | yasmāddevagaṇairvandyau vande 'haṃ caraṇau tava || 33.11 ||

"आज मेरा कल्याण है, आज मेरा व्रत सफल हुआ, आज मेरा जन्म सफल हुआ, आज मेरी तपस्या सफल हुई — क्योंकि मैं आज आपके उन चरणों की वन्दना कर रहा हूँ, जो देवताओं के समूह द्वारा भी वन्दनीय हैं।

श्लोक 12 (uttara.33.12)

इदं राज्यमिमे पुत्रा इमे दारा इमे वयम् । ब्रह्मन्किं कुर्मि किं कार्यमाज्ञापयतु नो भवान् ॥ 33.12 ॥

idaṃ rājyamime putrā ime dārā ime vayam | brahmankiṃ kurmi kiṃ kāryamājñāpayatu no bhavān || 33.12 ||

"यह राज्य, ये पुत्र, ये पत्नियाँ, यह स्वयं मैं — सब कुछ आपका ही है, हे ब्रह्मन्। मैं क्या करूँ? क्या करना उचित है? आप ही हमें आज्ञा दें।"

श्लोक 13 (uttara.33.13)

तं धर्मे ऽग्निषु पुत्रेषु शिवं पृष्ट्वा च पार्थिवम् । पुलस्त्योवाच राजानं हैहयानां तथा ऽर्जुनम् ॥ 33.13 ॥

taṃ dharme 'gniṣu putreṣu śivaṃ pṛṣṭvā ca pārthivam | pulastyovāca rājānaṃ haihayānāṃ tathā 'rjunam || 33.13 ||

उस राजा से धर्म, अग्नियों, पुत्रों तथा उसके कल्याण के विषय में पूछकर पुलस्त्य ने हैहयराज अर्जुन से यह कहा —

श्लोक 14 (uttara.33.14)

नरेन्द्राम्बुजपत्राक्ष पूर्णचन्द्रनिभानन । अतुलं ते बलं येन दशग्रीवस्त्वया जितः ॥ 33.14 ॥

narendrāmbujapatrākṣa pūrṇacandranibhānana | atulaṃ te balaṃ yena daśagrīvastvayā jitaḥ || 33.14 ||

"हे कमल-पत्र नेत्र वाले, पूर्णचन्द्र-सम मुख वाले राजेन्द्र, तुम्हारा बल अतुलनीय है, जिससे दशग्रीव तुमसे पराजित हुआ।

श्लोक 15 (uttara.33.15)

भयाद्यस्योपतिष्ठेतां निष्पन्दौ सागरानिलौ । सो ऽयं मृधे त्वया बद्धः पौत्रो मे रणदुर्जयः ॥ 33.15 ॥

bhayādyasyopatiṣṭhetāṃ niṣpandau sāgarānilau | so 'yaṃ mṛdhe tvayā baddhaḥ pautro me raṇadurjayaḥ || 33.15 ||

"जिसके भय से समुद्र और वायु भी स्तब्ध होकर ठहर जाते हैं, वही यह मेरा पौत्र, युद्ध में अजेय, तुम्हारे द्वारा संग्राम में बाँध लिया गया है।

श्लोक 16 (uttara.33.16)

पुत्रकस्य यशः पीतं नाम विश्रावितं त्वया । मद्वाक्याद्याच्यमानो ऽद्य मुञ्च वत्सं दशाननम् ॥ 33.16 ॥

putrakasya yaśaḥ pītaṃ nāma viśrāvitaṃ tvayā | madvākyādyācyamāno 'dya muñca vatsaṃ daśānanam || 33.16 ||

"मेरे इस बालक की कीर्ति, जो सर्वत्र पी ली गई थी, उसका नाम आज तुमने विश्रुत कर दिया है — अब मेरे वचन से याचना किए जाने पर, आज इस बालक दशानन को छोड़ दो।"

श्लोक 17 (uttara.33.17)

पुलस्त्याज्ञां प्रगृह्योचे न किञ्चन वचो ऽर्जुनः । मुमोच वै पार्थिवेन्द्रो राक्षसेन्द्रं प्रहृष्टवत् ॥ 33.17 ॥

pulastyājñāṃ pragṛhyoce na kiñcana vaco 'rjunaḥ | mumoca vai pārthivendro rākṣasendraṃ prahṛṣṭavat || 33.17 ||

पुलस्त्य की आज्ञा को शिरोधार्य करके अर्जुन ने कोई भी प्रत्युत्तर नहीं दिया; उस राजेन्द्र ने प्रसन्नतापूर्वक राक्षसराज को मुक्त कर दिया।

श्लोक 18 (uttara.33.18)

स तं प्रमुच्य त्रिदशारिमर्जुनः प्रपूज्य दिव्याभरणस्रगम्बरैः । अहिंसकं सख्यमुपेत्य साग्निकं प्रणम्य तं ब्रह्मसुतं गृहं ययौ ॥ 33.18 ॥

sa taṃ pramucya tridaśārimarjunaḥ prapūjya divyābharaṇasragambaraiḥ | ahiṃsakaṃ sakhyamupetya sāgnikaṃ praṇamya taṃ brahmasutaṃ gṛhaṃ yayau || 33.18 ||

उसे मुक्त करके, दिव्य आभूषणों, मालाओं और वस्त्रों से उस त्रिदशों के शत्रु का सम्मान करके, अर्जुन ने अग्नि-साक्षी अहिंसापूर्ण मैत्री स्थापित की, और उस ब्रह्मपुत्र पुलस्त्य को प्रणाम करके अपने घर लौट गया।

श्लोक 19 (uttara.33.19)

पुलस्त्येनापि सन्त्यक्तो राक्षसेन्द्रः प्रतापवान् । परिष्वक्तः कृतातिथ्यो लज्जमानो विनिर्जितः ॥ 33.19 ॥

pulastyenāpi santyakto rākṣasendraḥ pratāpavān | pariṣvaktaḥ kṛtātithyo lajjamāno vinirjitaḥ || 33.19 ||

पुलस्त्य द्वारा भी विदा किया गया वह प्रतापी राक्षसराज, आलिंगित और अतिथि-सत्कार पाकर, लज्जित होते हुए वहाँ से चला गया, क्योंकि वह पूर्णतः पराजित हो चुका था।

श्लोक 20 (uttara.33.20)

पितामहसुतश्चापि पुलस्त्यो मुनिपुङ्गवः । मोचयित्वा दशग्रीवं ब्रह्मलोकं जगाम ह ॥ 33.20 ॥

pitāmahasutaścāpi pulastyo munipuṅgavaḥ | mocayitvā daśagrīvaṃ brahmalokaṃ jagāma ha || 33.20 ||

पितामह ब्रह्मा के पुत्र, मुनिश्रेष्ठ पुलस्त्य भी दशग्रीव को मुक्त कराकर ब्रह्मलोक को चले गए।

श्लोक 21 (uttara.33.21)

एवं स रावणः प्राप्तः कार्तवीर्यात्प्रधर्षणम् । पुलस्त्यवचनाच्चापि पुनर्मुक्तो महाबलः ॥ 33.21 ॥

evaṃ sa rāvaṇaḥ prāptaḥ kārtavīryātpradharṣaṇam | pulastyavacanāccāpi punarmukto mahābalaḥ || 33.21 ||

इस प्रकार वह रावण कार्तवीर्य से पराजय को प्राप्त हुआ, और पुलस्त्य के वचन से ही वह महाबली पुनः मुक्त हो सका।

श्लोक 22 (uttara.33.22)

एवं बलिभ्यो बलिनः सन्ति राघवनन्दन । नावज्ञा हि परे कार्या य इच्छेत् प्रियमात्मनः ॥ 33.22 ॥

evaṃ balibhyo balinaḥ santi rāghavanandana | nāvajñā hi pare kāryā ya icchet priyamātmanaḥ || 33.22 ||

"हे राघवनन्दन, इस प्रकार बलवानों से भी बड़े बलवान होते हैं; जो अपना कल्याण चाहता है, उसे दूसरों का तिरस्कार कभी नहीं करना चाहिए।"

श्लोक 23 (uttara.33.23)

ततः स राजा पिशिताशनानां सहस्रबाहोरुपलभ्य मैत्रीम् । पुनर्नृपाणां कदनं चकार चचार सर्वां पृथिवीं च दर्पात् ॥ 33.23 ॥

tataḥ sa rājā piśitāśanānāṃ sahasrabāhorupalabhya maitrīm | punarnṛpāṇāṃ kadanaṃ cakāra cacāra sarvāṃ pṛthivīṃ ca darpāt || 33.23 ||

तत्पश्चात् वह मांसाहारियों का राजा रावण, सहस्रबाहु से मैत्री प्राप्त करके, पुनः राजाओं का संहार करने लगा और अहंकारवश सम्पूर्ण पृथ्वी पर विचरण करने लगा।