वालि द्वारा रावण-पराभव

श्लोक 1 (uttara.34.1)

अर्जुनेन विमुक्तस्तु रावणो राक्षसाधिपः । चचार पृथिवीं सर्वामनिर्विण्णस्तथा कृतः ॥ 34.1 ॥

arjunena vimuktastu rāvaṇo rākṣasādhipaḥ | cacāra pṛthivīṃ sarvāmanirviṇṇastathā kṛtaḥ || 34.1 ||

अर्जुन द्वारा मुक्त किया गया राक्षसराज रावण, इस प्रकार पराजित होकर भी निराश हुए बिना सम्पूर्ण पृथ्वी पर विचरण करने लगा।

श्लोक 2 (uttara.34.2)

राक्षसं वा मनुष्यं वा शृणुते ऽयं बलाधिकम् । रावणस्तं समासाद्य युद्धे ह्वयति दर्पितः ॥ 34.2 ॥

rākṣasaṃ vā manuṣyaṃ vā śṛṇute 'yaṃ balādhikam | rāvaṇastaṃ samāsādya yuddhe hvayati darpitaḥ || 34.2 ||

जब भी वह किसी राक्षस या मनुष्य के अत्यधिक बलवान होने की बात सुनता, तो अहंकारवश उसके पास जाकर युद्ध के लिए ललकारता।

श्लोक 3 (uttara.34.3)

ततः कदाचित्किष्किन्धां नगरीं वालिपालिताम् । गत्वा ह्वयति युद्धाय वालिनं हेममालिनम् ॥ 34.3 ॥

tataḥ kadācitkiṣkindhāṃ nagarīṃ vālipālitām | gatvā hvayati yuddhāya vālinaṃ hemamālinam || 34.3 ||

फिर एक बार वालि द्वारा शासित किष्किन्धा नगरी में जाकर उसने स्वर्ण-माला धारण करने वाले वालि को युद्ध के लिए ललकारा।

श्लोक 4 (uttara.34.4)

ततस्तु वानरामात्यस्तारस्तारापिता प्रभुः । उवाच वानरो वाक्यं युद्धप्रेप्सुमुपागतम् ॥ 34.4 ॥

tatastu vānarāmātyastārastārāpitā prabhuḥ | uvāca vānaro vākyaṃ yuddhaprepsumupāgatam || 34.4 ||

तब वानर-मन्त्री तार, जो उस समय (वालि की अनुपस्थिति में) स्वामी के स्थान पर था, युद्ध की इच्छा से आए हुए उस रावण से बोला —

श्लोक 5 (uttara.34.5)

राक्षसेन्द गतो वाली यस्ते प्रतिबलो भवेत् । को ऽन्यः प्रमुखतः स्थातुं तव शक्तः प्लवङ्गमः ॥ 34.5 ॥

rākṣasenda gato vālī yaste pratibalo bhavet | ko 'nyaḥ pramukhataḥ sthātuṃ tava śaktaḥ plavaṅgamaḥ || 34.5 ||

"हे राक्षसेन्द्र, तुम्हारे समान बलशाली एकमात्र वालि तो बाहर गए हुए हैं; तुम्हारे सम्मुख खड़ा होने में और कौन-सा वानर समर्थ हो सकता है?

श्लोक 6 (uttara.34.6)

चतुर्भ्यो ऽपि समुद्रेभ्यः सन्ध्यामन्वास्य रावण । इमं मुहूर्तमायाति वाली तिष्ठ मुहूर्तकम् ॥ 34.6 ॥

caturbhyo 'pi samudrebhyaḥ sandhyāmanvāsya rāvaṇa | imaṃ muhūrtamāyāti vālī tiṣṭha muhūrtakam || 34.6 ||

"हे रावण, चारों समुद्रों में सन्ध्योपासना करके वालि इसी क्षण आ रहे हैं — बस एक क्षण और ठहरो।

श्लोक 7 (uttara.34.7)

एतानस्थिचयान्पश्य य एते शङ्खपाण्डुराः । युद्धार्थिनामिमे राजन्वानराधिपतेजसा ॥ 34.7 ॥

etānasthicayānpaśya ya ete śaṅkhapāṇḍurāḥ | yuddhārthināmime rājanvānarādhipatejasā || 34.7 ||

"हे राजन्, ये शंख के समान श्वेत हड्डियों के ढेर देखो — ये उन्हीं के हैं जो युद्ध की इच्छा से आए थे, और वानरराज के तेज से इस दशा को प्राप्त हुए।

श्लोक 8 (uttara.34.8)

यद्वा ऽमृतरसः पीतस्त्वया रावण राक्षस । तदा वालिनमासाद्य तदन्तं तव जीवितम् ॥ 34.8 ॥

yadvā 'mṛtarasaḥ pītastvayā rāvaṇa rākṣasa | tadā vālinamāsādya tadantaṃ tava jīvitam || 34.8 ||

"अथवा, हे राक्षस रावण, यदि तुमने अमृत का रस भी पी लिया हो, तो भी वालि से भेंट होते ही तुम्हारे जीवन का अन्त निश्चित है।

श्लोक 9 (uttara.34.9)

पश्येदानीं जगच्चित्रमिमं विश्रवसः सुत । इदं मुहूर्तं तिष्ठस्व दुर्लभं ते भविष्यति ॥ 34.9 ॥

paśyedānīṃ jagaccitramimaṃ viśravasaḥ suta | idaṃ muhūrtaṃ tiṣṭhasva durlabhaṃ te bhaviṣyati || 34.9 ||

"हे विश्रवा-पुत्र, अभी इस अद्भुत संसार को देख लो; बस एक क्षण और ठहर जाओ, क्योंकि आगे यह दर्शन तुम्हारे लिए दुर्लभ हो जाएगा।

श्लोक 10 (uttara.34.10)

अथवा त्वरसे मर्तुं गच्छ दक्षिणसागरम् । वालिनं द्रक्ष्यसे तत्र भूमिस्थमिव पावकम् ॥ 34.10 ॥

athavā tvarase martuṃ gaccha dakṣiṇasāgaram | vālinaṃ drakṣyase tatra bhūmisthamiva pāvakam || 34.10 ||

"अथवा यदि तुम्हें मरने की शीघ्रता ही है, तो दक्षिण सागर की ओर जाओ; वहाँ तुम वालि को पृथ्वी पर साक्षात् अग्नि के समान देखोगे।"

श्लोक 11 (uttara.34.11)

स तु तारं विनिर्भर्त्स्य रावणो लोकरावणः । पुष्पकं तत्समारुह्य प्रययौ दक्षिणार्णवम् ॥ 34.11 ॥

sa tu tāraṃ vinirbhartsya rāvaṇo lokarāvaṇaḥ | puṣpakaṃ tatsamāruhya prayayau dakṣiṇārṇavam || 34.11 ||

लोकों को रुलाने वाला वह रावण तार को धिक्कारकर पुष्पक विमान पर आरूढ़ होकर दक्षिण सागर की ओर चल पड़ा।

श्लोक 12 (uttara.34.12)

तत्र हेमगिरिप्रख्यं तरुणार्कनिभाननम् । रावणो वालिनं दृष्ट्वा सन्ध्योपासनतत्परम् ॥ 34.12 ॥

tatra hemagiriprakhyaṃ taruṇārkanibhānanam | rāvaṇo vālinaṃ dṛṣṭvā sandhyopāsanatatparam || 34.12 ||

वहाँ सन्ध्योपासना में तत्पर, स्वर्णगिरि के समान तेजस्वी, उदीयमान सूर्य-सम मुख वाले वालि को रावण ने देखा।

श्लोक 13 (uttara.34.13)

पुष्पकादवरुह्याथ रावणो ऽञ्जनसन्निभः । ग्रहीतुं वालिनं तूर्णं निःशब्दपदमाव्रजत् ॥ 34.13 ॥

puṣpakādavaruhyātha rāvaṇo 'ñjanasannibhaḥ | grahītuṃ vālinaṃ tūrṇaṃ niḥśabdapadamāvrajat || 34.13 ||

पुष्पक से उतरकर, अंजन के समान श्यामवर्ण रावण वालि को शीघ्र पकड़ने के लिए चुपचाप पैर रखते हुए आगे बढ़ा।

श्लोक 14 (uttara.34.14)

यदृच्छया तदा दृष्टो वालिनापि स रावणः । पापाभिप्रायवान् दृष्ट्वा चकार न तु सम्भ्रमम् ॥ 34.14 ॥

yadṛcchayā tadā dṛṣṭo vālināpi sa rāvaṇaḥ | pāpābhiprāyavān dṛṣṭvā cakāra na tu sambhramam || 34.14 ||

उस पापी अभिप्राय वाले रावण को अकस्मात् वालि ने भी देख लिया, परन्तु देखकर भी वालि ने कोई घबराहट नहीं दिखाई।

श्लोक 15 (uttara.34.15)

शशमालक्ष्य सिंहो वा पन्नगं गरुडो यथा । न चिन्तयति तं वाली रावणं पापनिश्चयम् ॥ 34.15 ॥

śaśamālakṣya siṃho vā pannagaṃ garuḍo yathā | na cintayati taṃ vālī rāvaṇaṃ pāpaniścayam || 34.15 ||

जैसे सिंह किसी खरगोश की, या गरुड़ किसी सर्प की परवाह नहीं करता, वैसे ही वालि ने उस पापनिश्चयी रावण की कोई चिन्ता नहीं की।

श्लोक 16 (uttara.34.16)

जिघृक्षमाणमायान्तं रावणं पापचेतसम् । कक्षावलम्बिनं कृत्वा गमिष्ये त्रीन्महार्णवान् ॥ 34.16 ॥

jighṛkṣamāṇamāyāntaṃ rāvaṇaṃ pāpacetasam | kakṣāvalambinaṃ kṛtvā gamiṣye trīnmahārṇavān || 34.16 ||

(वालि ने सोचा —) "पकड़ने की इच्छा से आ रहे इस दुष्ट-हृदय रावण को मैं अपनी काँख में दबाकर तीनों महासागरों की यात्रा कराऊँगा।

श्लोक 17 (uttara.34.17)

द्रक्ष्यन्त्यरिं ममाङ्कस्थं स्रंसदूरुकराम्बरम् । लम्बमानं दशग्रीवं गरुडस्येव पन्नगम् ॥ 34.17 ॥

drakṣyantyariṃ mamāṅkasthaṃ sraṃsadūrukarāmbaram | lambamānaṃ daśagrīvaṃ garuḍasyeva pannagam || 34.17 ||

"लोग देखेंगे मेरे पार्श्व में लटके इस शत्रु को, जिसकी जाँघें, भुजाएँ और वस्त्र लटक रहे होंगे, दशग्रीव को वैसे लटकता हुआ, जैसे गरुड़ के पंजे में कोई सर्प।"

श्लोक 18 (uttara.34.18)

इत्येवं मतिमास्थाय वाली कर्णमुपाश्रितः । जपन्वै नैगमान्मन्त्रांस्तस्थौ पर्वतराडिव ॥ 34.18 ॥

ityevaṃ matimāsthāya vālī karṇamupāśritaḥ | japanvai naigamānmantrāṃstasthau parvatarāḍiva || 34.18 ||

ऐसा विचार करके वालि कान पर हाथ रखे हुए वैदिक मन्त्रों का जप करते हुए पर्वतराज के समान स्थिर खड़ा रहा।

श्लोक 19 (uttara.34.19)

तावन्योन्यं जिघृक्षन्तौ हरिराक्षसपार्थिवौ । प्रयत्नवन्तौ तत्कर्म ईहतुर्बलदर्पितौ ॥ 34.19 ॥

tāvanyonyaṃ jighṛkṣantau harirākṣasapārthivau | prayatnavantau tatkarma īhaturbaladarpitau || 34.19 ||

वे दोनों, वानरराज और राक्षसराज, अपने-अपने बल के अहंकार में एक-दूसरे को पकड़ने का प्रयत्न करने लगे।

श्लोक 20 (uttara.34.20)

हस्तग्राहं तु तं मत्वा पादशब्देन रावणम् । पराङ्मुखो ऽपि जग्राह वाली सर्पमिवाण्डजः ॥ 34.20 ॥

hastagrāhaṃ tu taṃ matvā pādaśabdena rāvaṇam | parāṅmukho 'pi jagrāha vālī sarpamivāṇḍajaḥ || 34.20 ||

पदचाप से ही रावण को अपना हाथ पकड़ने वाला जानकर, विमुख होते हुए भी वालि ने उसे वैसे पकड़ लिया, जैसे गरुड़ किसी सर्प को पकड़ लेता है।

श्लोक 21 (uttara.34.21)

ग्रहीतुकामं तं गृह्य रक्षसामीश्वरं हरिः । खमुत्पपात वेगेन कृत्वा कक्षावलम्बिनम् ॥ 34.21 ॥

grahītukāmaṃ taṃ gṛhya rakṣasāmīśvaraṃ hariḥ | khamutpapāta vegena kṛtvā kakṣāvalambinam || 34.21 ||

पकड़े जाने की इच्छा से आए राक्षसराज को पकड़कर उस वानर ने उसे काँख में दबाकर वेगपूर्वक आकाश में छलाँग लगा दी।

श्लोक 22 (uttara.34.22)

तं चापीडयमानं तु वितुदन्तं नखैर्मुहुः । जहार रावणं वाली पवनस्तोयदं यथा ॥ 34.22 ॥

taṃ cāpīḍayamānaṃ tu vitudantaṃ nakhairmuhuḥ | jahāra rāvaṇaṃ vālī pavanastoyadaṃ yathā || 34.22 ||

अपने नखों से बार-बार आघात करते हुए संघर्ष करते रावण को वालि वैसे ही ले उड़ा, जैसे वायु किसी मेघ को ले उड़ती है।

श्लोक 23 (uttara.34.23)

अथ ते राक्षसामात्या ह्रियमाणं दशाननम् । मुमोक्षयिषवो वालिं रवमाणा अभिद्रुताः ॥ 34.23 ॥

atha te rākṣasāmātyā hriyamāṇaṃ daśānanam | mumokṣayiṣavo vāliṃ ravamāṇā abhidrutāḥ || 34.23 ||

तब उन राक्षस-मन्त्रियों ने अपने हरे जा रहे स्वामी दशानन को देखकर, गर्जना करते हुए वालि से उसे छुड़ाने के लिए पीछे-पीछे दौड़ लगाई।

श्लोक 24 (uttara.34.24)

अन्वीयमानस्तैर्वाली भ्राजते ऽम्बरमध्यगः । अन्वीयमानो मेघौघैरम्बरस्थ इवांशुमान् ॥ 34.24 ॥

anvīyamānastairvālī bhrājate 'mbaramadhyagaḥ | anvīyamāno meghaughairambarastha ivāṃśumān || 34.24 ||

उनके द्वारा पीछा किया जाता हुआ वालि आकाश के मध्य में वैसे शोभित हुआ, जैसे मेघों के समूहों से घिरा हुआ सूर्य आकाश में शोभित होता है।

श्लोक 25 (uttara.34.25)

ते ऽशक्नुवन्तः सम्प्राप्तुं वालिनं राक्षसोत्तमाः । तस्य बाहूरुवेगेन परिश्रान्ता व्यवस्थिताः ॥ 34.25 ॥

te 'śaknuvantaḥ samprāptuṃ vālinaṃ rākṣasottamāḥ | tasya bāhūruvegena pariśrāntā vyavasthitāḥ || 34.25 ||

उन श्रेष्ठ राक्षसों की गति वालि की भुजाओं और जंघाओं के वेग के आगे थक गई, और वे उसे पा सकने में असमर्थ होकर रुक गए।

श्लोक 26 (uttara.34.26)

वालिमार्गादपाक्रामन्पर्वतेन्द्रो हि गच्छतः । किं पुनर्जीवितप्रेप्सुर्बिभ्रद्वै मांसशोणितम् ॥ 34.26 ॥

vālimārgādapākrāmanparvatendro hi gacchataḥ | kiṃ punarjīvitaprepsurbibhradvai māṃsaśoṇitam || 34.26 ||

जब पर्वतराज भी वालि के मार्ग से हट जाते हैं, तब मांस-रक्त धारण करने वाला जीवन-इच्छुक प्राणी तो और भी क्यों न हट जाए!

श्लोक 27 (uttara.34.27)

अपक्षिगणसम्पातान्वानरेन्द्रो महाजवः । क्रमशः सागरान्सर्वान्सन्ध्याकालमवन्दत ॥ 34.27 ॥

apakṣigaṇasampātānvānarendro mahājavaḥ | kramaśaḥ sāgarānsarvānsandhyākālamavandata || 34.27 ||

वह अत्यन्त वेगवान् वानरराज, पक्षियों की उड़ान के समान गति से, क्रमशः सभी समुद्रों में सन्ध्या-वन्दना करता गया।

श्लोक 28 (uttara.34.28)

सभाज्यमानो भूतैस्तु खैचरैः खैचरोत्तमः । पश्चिमं सागरं वाली ह्याजगाम सरावणः ॥ 34.28 ॥

sabhājyamāno bhūtaistu khaicaraiḥ khaicarottamaḥ | paścimaṃ sāgaraṃ vālī hyājagāma sarāvaṇaḥ || 34.28 ||

आकाशचारी प्राणियों में श्रेष्ठ वह वालि, आकाशचारी भूतों द्वारा सम्मानित होता हुआ, रावण को साथ लिए पश्चिम सागर तक जा पहुँचा।

श्लोक 29 (uttara.34.29)

तस्मिन्सन्ध्यामुपासित्वा स्नात्वा जप्त्वा च वानरः । उत्तरं सागरं प्रायाद्वहमानो दशाननम् ॥ 34.29 ॥

tasminsandhyāmupāsitvā snātvā japtvā ca vānaraḥ | uttaraṃ sāgaraṃ prāyādvahamāno daśānanam || 34.29 ||

वहाँ सन्ध्या-वन्दना करके, स्नान और जप करके, वह वानर दशानन को लिए हुए ही उत्तर सागर की ओर चल पड़ा।

श्लोक 30 (uttara.34.30)

बहुयोजनसाहस्रं वहमानो महाहरिः । वायुवच्च मनोवच्च जगाम सह शत्रुणा ॥ 34.30 ॥

bahuyojanasāhasraṃ vahamāno mahāhariḥ | vāyuvacca manovacca jagāma saha śatruṇā || 34.30 ||

शत्रु को लिए हुए वह महान् वानर वायु और मन के समान वेग से अनेक सहस्र योजन तक यात्रा करता गया।

श्लोक 31 (uttara.34.31)

उत्तरे सागरे सन्ध्यामुपासित्वा दशाननम् । वहमानो ऽगमद्वाली पूर्वं वै स महोदधिम् ॥ 34.31 ॥

uttare sāgare sandhyāmupāsitvā daśānanam | vahamāno 'gamadvālī pūrvaṃ vai sa mahodadhim || 34.31 ||

उत्तर सागर में सन्ध्या-वन्दना करके, दशानन को लिए हुए ही वालि पूर्व के महासागर की ओर चल पड़ा।

श्लोक 32 (uttara.34.32)

तत्रापि सन्ध्यामन्वास्य वासविः सहरीश्वरः । किष्किन्धामभितो गृह्य रावणं पुनरागमत् ॥ 34.32 ॥

tatrāpi sandhyāmanvāsya vāsaviḥ saharīśvaraḥ | kiṣkindhāmabhito gṛhya rāvaṇaṃ punarāgamat || 34.32 ||

वहाँ भी सन्ध्या-वन्दना करके इन्द्र-पुत्र वानरराज रावण को लेकर पुनः किष्किन्धा की ओर लौट आया।

श्लोक 33 (uttara.34.33)

चतुर्ष्वपि समुद्रेषु सन्ध्यामन्वास्य वानरः । रावणोद्वहनश्रान्तः किष्किन्धोपवने ऽपतत् ॥ 34.33 ॥

caturṣvapi samudreṣu sandhyāmanvāsya vānaraḥ | rāvaṇodvahanaśrāntaḥ kiṣkindhopavane 'patat || 34.33 ||

इस प्रकार चारों समुद्रों में सन्ध्या-वन्दना करके, रावण को ढोने से थका हुआ वह वानर किष्किन्धा के उपवन में जा उतरा।

श्लोक 34 (uttara.34.34)

रावणं तु मुमोचाथ स्वकक्षात्कपिसत्तमः । कुतस्त्वमिति चोवाच प्रहसन्रावणं मुहुः ॥ 34.34 ॥

rāvaṇaṃ tu mumocātha svakakṣātkapisattamaḥ | kutastvamiti covāca prahasanrāvaṇaṃ muhuḥ || 34.34 ||

तब उस वानरश्रेष्ठ ने रावण को अपनी काँख से मुक्त कर दिया, और हँसते हुए बार-बार पूछा — "तुम कौन हो, कहाँ से आए हो?"

श्लोक 35 (uttara.34.35)

विस्मयं तु महद्गत्वा श्रमलोलनिरीक्षणः । राक्षसेन्द्रो हरीन्द्रं तमिदं वचनमब्रवीत् ॥ 34.35 ॥

vismayaṃ tu mahadgatvā śramalolanirīkṣaṇaḥ | rākṣasendro harīndraṃ tamidaṃ vacanamabravīt || 34.35 ||

अत्यन्त विस्मित होकर, थकान से चंचल दृष्टि लिए, राक्षसराज ने उस वानरराज से यह वचन कहा —

श्लोक 36 (uttara.34.36)

वानरेन्द्र महेन्द्राभ राक्षसेन्द्रो ऽस्मि रावणः । युद्धेप्सुरिह सम्प्राप्तः स चाद्यासादितस्त्वया ॥ 34.36 ॥

vānarendra mahendrābha rākṣasendro 'smi rāvaṇaḥ | yuddhepsuriha samprāptaḥ sa cādyāsāditastvayā || 34.36 ||

"हे वानरेन्द्र, महेन्द्र के समान तेजस्वी, मैं राक्षसराज रावण हूँ। युद्ध की इच्छा से यहाँ आया था, और आज तुमसे भेंट हो गई।

श्लोक 37 (uttara.34.37)

अहो बलमहो वीर्यमहो गाम्भीर्यमेव च । येनाहं पशुवद्गृह्य भ्रामितश्चतुरो ऽर्णवान् ॥ 34.37 ॥

aho balamaho vīryamaho gāmbhīryameva ca | yenāhaṃ paśuvadgṛhya bhrāmitaścaturo 'rṇavān || 34.37 ||

"अहो बल! अहो पराक्रम! अहो गाम्भीर्य! कि जिससे तुमने मुझे पशु के समान पकड़कर चारों समुद्रों में घुमा दिया!

श्लोक 38 (uttara.34.38)

एवमश्रान्तवद्वीर शीघ्रमेव महार्णवान् । मां चैवोद्वहमानस्तु को ऽन्यो वीरः क्रमिष्यति ॥ 34.38 ॥

evamaśrāntavadvīra śīghrameva mahārṇavān | māṃ caivodvahamānastu ko 'nyo vīraḥ kramiṣyati || 34.38 ||

"हे वीर, इस प्रकार बिना थके, इतनी शीघ्रता से मुझे साथ लिए हुए महासागरों को पार कर सकने वाला और कौन वीर है?

श्लोक 39 (uttara.34.39)

त्रयाणामेव भूतानां गतिरेषा प्लवङ्गम । मनोनिलसुपर्णानां तव चात्र न संशयः ॥ 34.39 ॥

trayāṇāmeva bhūtānāṃ gatireṣā plavaṅgama | manonilasuparṇānāṃ tava cātra na saṃśayaḥ || 34.39 ||

"हे कपिश्रेष्ठ, केवल तीन ही प्राणियों की यह गति होती है — मन, वायु और गरुड़ की — और इसमें कोई सन्देह नहीं कि यह गति तुम्हारे पास भी है।

श्लोक 40 (uttara.34.40)

सो ऽहं दृष्टबलस्तुभ्यमिच्छामि हरिपुङ्गव । त्वया सह चिरं सख्यं सुस्निग्धं पावकाग्रतः ॥ 34.40 ॥

so 'haṃ dṛṣṭabalastubhyamicchāmi haripuṅgava | tvayā saha ciraṃ sakhyaṃ susnigdhaṃ pāvakāgrataḥ || 34.40 ||

"हे हरिश्रेष्ठ, तुम्हारा यह बल देखकर मैं चाहता हूँ कि अग्नि के समक्ष तुम्हारे साथ चिरस्थायी और स्नेहपूर्ण मित्रता स्थापित करूँ।

श्लोक 41 (uttara.34.41)

दाराः पुत्राः पुरं राष्ट्रं भोगाच्छादनभोजनम् । सर्वमेवाविभक्तं नौ भविष्यति हरीश्वर ॥ 34.41 ॥

dārāḥ putrāḥ puraṃ rāṣṭraṃ bhogācchādanabhojanam | sarvamevāvibhaktaṃ nau bhaviṣyati harīśvara || 34.41 ||

"हे वानरेश्वर, स्त्रियाँ, पुत्र, नगर, राज्य, भोग, वस्त्र, भोजन — सब कुछ अब हम दोनों के बीच अविभाजित होगा।"

श्लोक 42 (uttara.34.42)

ततः प्रज्वालयित्वाग्निं तावुभौ हरीराक्षसौ । भ्रातृत्वमुपसम्पन्नौ परिष्वज्य परस्परम् ॥ 34.42 ॥

tataḥ prajvālayitvāgniṃ tāvubhau harīrākṣasau | bhrātṛtvamupasampannau pariṣvajya parasparam || 34.42 ||

तब अग्नि प्रज्वलित करके, वे दोनों — वानर और राक्षस — एक-दूसरे का आलिंगन करके भ्रातृत्व को प्राप्त हुए।

श्लोक 43 (uttara.34.43)

अन्योन्यं लम्बितकरौ ततस्तौ हरिराक्षसौ । किष्किन्धां विशतुर्हृष्टौ सिंहौ गिरिगुहामिव ॥ 34.43 ॥

anyonyaṃ lambitakarau tatastau harirākṣasau | kiṣkindhāṃ viśaturhṛṣṭau siṃhau giriguhāmiva || 34.43 ||

फिर एक-दूसरे का हाथ थामे हुए वे दोनों, वानर और राक्षस, हर्षित होकर किष्किन्धा में प्रविष्ट हुए, जैसे दो सिंह किसी पर्वत-गुफा में प्रवेश करें।

श्लोक 44 (uttara.34.44)

स तत्र मासमुषितः सुग्रीव इव रावणः । अमात्यैरागतैर्नीतस्त्रैलोक्योत्सादनार्थिभिः ॥ 34.44 ॥

sa tatra māsamuṣitaḥ sugrīva iva rāvaṇaḥ | amātyairāgatairnītastrailokyotsādanārthibhiḥ || 34.44 ||

रावण वहाँ एक मास तक सुग्रीव के समान निवास करता रहा, जब तक कि त्रैलोक्य के विनाश की इच्छा रखने वाले उसके मन्त्री आकर उसे वहाँ से नहीं ले गए।

श्लोक 45 (uttara.34.45)

एवमेतत्पुरावृत्तं वालिना रावणः प्रभो । धर्षितश्च कृतश्चापि भ्राता पावकसन्निधौ ॥ 34.45 ॥

evametatpurāvṛttaṃ vālinā rāvaṇaḥ prabho | dharṣitaśca kṛtaścāpi bhrātā pāvakasannidhau || 34.45 ||

हे प्रभो, इस प्रकार पूर्वकाल में रावण वालि से पराजित हुआ, और अग्नि के समक्ष उसका भ्राता भी बना।

श्लोक 46 (uttara.34.46)

बलमप्रतिमं राम वालिनो ऽभवदुत्तमम् । सो ऽपि त्वया विनिर्दग्धः शलभो वह्निना यथा ॥ 34.46 ॥

balamapratimaṃ rāma vālino 'bhavaduttamam | so 'pi tvayā vinirdagdhaḥ śalabho vahninā yathā || 34.46 ||

हे राम, वालि का बल अनुपम और सर्वोत्तम था; फिर भी वह तुम्हारे द्वारा वैसे ही पूर्णतः भस्म कर दिया गया, जैसे कोई पतंगा अग्नि से भस्म हो जाता है।