हनुमान का जन्म और बाल्यचरित्र

श्लोक 1 (uttara.35.1)

अपृच्छत तदा रामो दक्षिणाशाश्रमं मुनिम् । प्राञ्जलिर्विनयोपेत इदमाह वचो ऽर्थवत् ॥ 35.1 ॥

apṛcchata tadā rāmo dakṣiṇāśāśramaṃ munim | prāñjalirvinayopeta idamāha vaco 'rthavat || 35.1 ||

तब राम ने विनम्रतापूर्वक हाथ जोड़कर दक्षिण दिशा के आश्रमवासी मुनि अगस्त्य से यह अर्थपूर्ण वचन पूछा —

श्लोक 2 (uttara.35.2)

अतुलं बलमेतद्वै वालिनो रावणस्य च । न त्वेताभ्यां हनुमता समं त्विति मतिर्मम ॥ 35.2 ॥

atulaṃ balametadvai vālino rāvaṇasya ca | na tvetābhyāṃ hanumatā samaṃ tviti matirmama || 35.2 ||

"वालि और रावण, इन दोनों का यह बल निःसन्देह अतुलनीय है; परन्तु मेरा यह मत है कि इन दोनों में से कोई भी हनुमान के समान नहीं है।

श्लोक 3 (uttara.35.3)

शौर्यं दाक्ष्यं बलं धैर्यं प्राज्ञता नयसाधनम् । विक्रमश्च प्रभावश्च हनूमति कृतालयाः ॥ 35.3 ॥

śauryaṃ dākṣyaṃ balaṃ dhairyaṃ prājñatā nayasādhanam | vikramaśca prabhāvaśca hanūmati kṛtālayāḥ || 35.3 ||

"शौर्य, दक्षता, बल, धैर्य, प्रज्ञा, नीति-साधन, पराक्रम और प्रभाव — ये सब हनुमान में ही निवास करते हैं।

श्लोक 4 (uttara.35.4)

दृष्ट्वैव सागरं वीक्ष्य सीदन्तीं कपिवाहिनीम् । समाश्वास्य महाबाहुर्योजनानां शतं प्लुतः ॥ 35.4 ॥

dṛṣṭvaiva sāgaraṃ vīkṣya sīdantīṃ kapivāhinīm | samāśvāsya mahābāhuryojanānāṃ śataṃ plutaḥ || 35.4 ||

"समुद्र को देखते ही, विषाद में डूबती वानर-सेना को देखकर, उस महाबाहु ने सबको सांत्वना देकर सौ योजन तक छलाँग लगाई।

श्लोक 5 (uttara.35.5)

धर्षयित्वा पुरीं लङ्कां रावणान्तःपुरं तदा । दृष्ट्वा सम्भाषिता चापि सीता ह्याश्वासिता तथा ॥ 35.5 ॥

dharṣayitvā purīṃ laṅkāṃ rāvaṇāntaḥpuraṃ tadā | dṛṣṭvā sambhāṣitā cāpi sītā hyāśvāsitā tathā || 35.5 ||

"लंका नगरी और रावण के अन्तःपुर में प्रवेश करके उन्होंने सीता को देखा, उनसे वार्तालाप किया, और उन्हें सांत्वना दी।

श्लोक 6 (uttara.35.6)

सेनाग्रगा मन्त्रिसुताः किङ्करा रावणात्मजः । एते हनुमता तत्र ह्येकेन वितिपातिताः ॥ 35.6 ॥

senāgragā mantrisutāḥ kiṅkarā rāvaṇātmajaḥ | ete hanumatā tatra hyekena vitipātitāḥ || 35.6 ||

"सेनापति, मन्त्रि-पुत्र, सेवक और स्वयं रावण-पुत्र — इन सभी को हनुमान ने अकेले ही वहाँ मार गिराया।

श्लोक 7 (uttara.35.7)

भूयो बन्धाद्विमुक्तेन भाषयित्वा दशाननम् । लङ्का भस्मीकृता येन पावकेनेव मेदिनी ॥ 35.7 ॥

bhūyo bandhādvimuktena bhāṣayitvā daśānanam | laṅkā bhasmīkṛtā yena pāvakeneva medinī || 35.7 ||

"और बन्धन से पुनः मुक्त होकर, दशानन से वार्तालाप करके, उन्होंने लंका को वैसे ही भस्म कर दिया, जैसे अग्नि पृथ्वी को भस्म कर दे।

श्लोक 8 (uttara.35.8)

न कालस्य न शक्रस्य न विष्णोर्वित्तपस्य च । कर्माणि तानि श्रूयन्ते यानि युद्धे हनूमतः ॥ 35.8 ॥

na kālasya na śakrasya na viṣṇorvittapasya ca | karmāṇi tāni śrūyante yāni yuddhe hanūmataḥ || 35.8 ||

"न काल के, न शक्र के, न विष्णु के, न ही कुबेर के — ऐसे कर्म कभी सुने नहीं गए, जैसे युद्ध में हनुमान के कर्म हैं।

श्लोक 9 (uttara.35.9)

एतस्य बाहुवीर्येण लङ्का सीता च लक्ष्मणः । प्राप्ता मया जयश्चैव राज्यं मित्राणि बान्धवाः ॥ 35.9 ॥

etasya bāhuvīryeṇa laṅkā sītā ca lakṣmaṇaḥ | prāptā mayā jayaścaiva rājyaṃ mitrāṇi bāndhavāḥ || 35.9 ||

"इनकी भुजाओं के बल से ही मैंने लंका, सीता, लक्ष्मण, विजय, राज्य, मित्र और बान्धव — सब कुछ प्राप्त किया है।

श्लोक 10 (uttara.35.10)

हनूमान्यदि मे नः स्याद्वानराधिपतेः सखा । प्रवृत्तिमपि को वेत्तुं जानक्याः शक्तिमान्भवेत् ॥ 35.10 ॥

hanūmānyadi me naḥ syādvānarādhipateḥ sakhā | pravṛttimapi ko vettuṃ jānakyāḥ śaktimānbhavet || 35.10 ||

"यदि हनुमान हमारे और वानरराज के मित्र न होते, तो जानकी का समाचार जानने की सामर्थ्य किसमें होती?

श्लोक 11 (uttara.35.11)

किमर्थं वाल्यनेनैव सुग्रीवप्रियकाम्यया । तदा वैरे समुत्पन्ने न दग्धो वीरुधो यथा ॥ 35.11 ॥

kimarthaṃ vālyanenaiva sugrīvapriyakāmyayā | tadā vaire samutpanne na dagdho vīrudho yathā || 35.11 ||

"किन्तु सुग्रीव को प्रसन्न करने की इच्छा से जब पहले वालि से इनका वैर उत्पन्न हुआ था, तो वे किसी लता के समान भस्म क्यों नहीं हो गए?

श्लोक 12 (uttara.35.12)

नहि वेदितवान्मन्ये हनूमानात्मनो बलम् । यद्दृष्टवाञ्जीवितेष्टं क्लिश्यन्तं वानराधिपम् ॥ 35.12 ॥

nahi veditavānmanye hanūmānātmano balam | yaddṛṣṭavāñjīviteṣṭaṃ kliśyantaṃ vānarādhipam || 35.12 ||

"मेरा तो यह विचार है कि हनुमान स्वयं अपने बल को जानते ही नहीं थे — क्योंकि मैंने तब उन्हें अपने प्रिय वानरराज सुग्रीव के लिए मात्र चिन्तित और दुःखी देखा था।

श्लोक 13 (uttara.35.13)

एतन्मे भगवन्सर्वं हनूमति महामतौ । विस्तरेण यथातत्त्वं कथयामरपूजित ॥ 35.13 ॥

etanme bhagavansarvaṃ hanūmati mahāmatau | vistareṇa yathātattvaṃ kathayāmarapūjita || 35.13 ||

"हे भगवन्, देवताओं द्वारा पूजित, महामति हनुमान का यह सम्पूर्ण वृत्तान्त मुझे विस्तारपूर्वक यथार्थ रूप में बताइए।"

श्लोक 14 (uttara.35.14)

राघवस्य वचः श्रुत्वा हेतुयुक्तमृषिस्तदा । हनूमतः समक्षं तमिदं वचनमब्रवीत् ॥ 35.14 ॥

rāghavasya vacaḥ śrutvā hetuyuktamṛṣistadā | hanūmataḥ samakṣaṃ tamidaṃ vacanamabravīt || 35.14 ||

राघव के इस युक्तिसंगत वचन को सुनकर, ऋषि अगस्त्य ने हनुमान के समक्ष ही उनसे यह वचन कहा —

श्लोक 15 (uttara.35.15)

सत्यमेतद्रघुश्रेष्ठ यद्ब्रवीषि हनूमतः । न बले विद्यते तुल्यो न गतौ न मतौ परः ॥ 35.15 ॥

satyametadraghuśreṣṭha yadbravīṣi hanūmataḥ | na bale vidyate tulyo na gatau na matau paraḥ || 35.15 ||

"हे रघुश्रेष्ठ, तुमने हनुमान के विषय में जो कहा, वह सत्य है; बल में, गति में, बुद्धि में इनके समान कोई दूसरा नहीं है।

श्लोक 16 (uttara.35.16)

अमोघशापैः शप्तस्तु दत्तो ऽस्य मुनिभिः पुरा । न वेत्ता हि बलं येन बली सन्निरिमर्दनः ॥ 35.16 ॥

amoghaśāpaiḥ śaptastu datto 'sya munibhiḥ purā | na vettā hi balaṃ yena balī sannirimardanaḥ || 35.16 ||

"पूर्वकाल में मुनियों द्वारा अमोघ शाप के साथ इन्हें यह भी दिया गया था कि — बलवान् और शत्रुओं का मर्दन करने वाला होते हुए भी, ये अपने बल को स्वयं नहीं जान पाएँगे।

श्लोक 17 (uttara.35.17)

बाल्ये ऽप्येतेन यत्कर्म कृतं राम महाबल । तन्न वर्णयितुं शक्यमतिबालतयास्य ते ॥ 35.17 ॥

bālye 'pyetena yatkarma kṛtaṃ rāma mahābala | tanna varṇayituṃ śakyamatibālatayāsya te || 35.17 ||

"हे महाबल राम, बाल्यकाल में भी इन्होंने जो कर्म किया, वह इनकी अत्यन्त लघु अवस्था के कारण पूर्णतः वर्णन करना सम्भव नहीं है।

श्लोक 18 (uttara.35.18)

यदि वा ऽस्ति त्वभिप्रायस्तच्छ्रोतुं तव राघव । समाधाय मतिं राम निशामय वदाम्यहम् ॥ 35.18 ॥

yadi vā 'sti tvabhiprāyastacchrotuṃ tava rāghava | samādhāya matiṃ rāma niśāmaya vadāmyaham || 35.18 ||

"किन्तु हे राघव, यदि तुम्हारी वह सुनने की इच्छा है, तो हे राम, मन को स्थिर करके सुनो — मैं कहता हूँ।

श्लोक 19 (uttara.35.19)

सूर्यदत्तवरस्वर्णः सुमेरुर्नाम पर्वतः । यत्र राज्यं प्रशास्त्यस्य केसरी नाम वै पिता ॥ 35.19 ॥

sūryadattavarasvarṇaḥ sumerurnāma parvataḥ | yatra rājyaṃ praśāstyasya kesarī nāma vai pitā || 35.19 ||

"सुमेरु नामक एक पर्वत है, जिसे सूर्य ने वर स्वरूप स्वर्ण प्रदान किया था; वहाँ केसरी नामक इनके पिता राज्य करते थे।

श्लोक 20 (uttara.35.20)

तस्य भार्या बभूवैषा ह्यञ्जनेति परिश्रुता । जनयामास तस्यां वै वायुरात्मजमुत्तमम् ॥ 35.20 ॥

tasya bhāryā babhūvaiṣā hyañjaneti pariśrutā | janayāmāsa tasyāṃ vai vāyurātmajamuttamam || 35.20 ||

"उनकी पत्नी अंजना नाम से विख्यात थी; उसी में वायुदेव ने अपने इस उत्तम पुत्र को उत्पन्न किया।

श्लोक 21 (uttara.35.21)

शालिशूकनिभाभासं प्रासूतामुं तदा ऽञ्जना । फलान्याहर्तुकामा वै निष्क्रान्ता गहनेचरा ॥ 35.21 ॥

śāliśūkanibhābhāsaṃ prāsūtāmuṃ tadā 'ñjanā | phalānyāhartukāmā vai niṣkrāntā gahanecarā || 35.21 ||

"धान की बाली के समान कान्तिमान् इस बालक को जन्म देकर, फल लाने की इच्छा से वनचारिणी अंजना बाहर निकली।

श्लोक 22 (uttara.35.22)

एष मातुर्वियोगाच्च क्षुधया च भृशार्दितः । रुरोद शिशुरत्यर्थं शिशुः शरवणे यथा ॥ 35.22 ॥

eṣa māturviyogācca kṣudhayā ca bhṛśārditaḥ | ruroda śiśuratyarthaṃ śiśuḥ śaravaṇe yathā || 35.22 ||

"यह शिशु माता के वियोग और भूख से अत्यन्त पीड़ित होकर वैसे ही अत्यधिक रोने लगा, जैसे कभी कार्तिकेय शिशु शरवण में रोए थे।

श्लोक 23 (uttara.35.23)

तदोद्यन्तं विवस्वन्तं जपापुष्पोत्करोपमम् । ददर्श फललोभाच्च ह्युत्पपात रविं प्रति ॥ 35.23 ॥

tadodyantaṃ vivasvantaṃ japāpuṣpotkaropamam | dadarśa phalalobhācca hyutpapāta raviṃ prati || 35.23 ||

"तभी इसने उदय होते सूर्य को देखा, जो जपाकुसुम के समूह के समान लाल था, और फल के लोभ से सूर्य की ओर उछल पड़ा।

श्लोक 24 (uttara.35.24)

बालार्काभिमुखो बालो बालार्क इव मूर्तिमान् । ग्रहीतुकामो बालार्कं प्लवते ऽम्बरमध्यगः ॥ 35.24 ॥

bālārkābhimukho bālo bālārka iva mūrtimān | grahītukāmo bālārkaṃ plavate 'mbaramadhyagaḥ || 35.24 ||

"बालसूर्य के सम्मुख वह बालक, स्वयं मानो साक्षात् बालसूर्य ही हो, बालसूर्य को पकड़ने की इच्छा से आकाश के मध्य उड़ चला।

श्लोक 25 (uttara.35.25)

एतस्मिन्प्लवमाने तु शिशुभावे हनूमति । देवदानवयक्षाणां विस्मयः सुमहानभूत् ॥ 35.25 ॥

etasminplavamāne tu śiśubhāve hanūmati | devadānavayakṣāṇāṃ vismayaḥ sumahānabhūt || 35.25 ||

"इस प्रकार आकाश में उड़ते हुए इस शिशु हनुमान को देखकर देव, दानव और यक्षों को अत्यन्त विस्मय हुआ।

श्लोक 26 (uttara.35.26)

नाप्येवं वेगवान्वायुर्गरुडो वा मनस्तथा । यथा ऽयं वायुपुत्रस्तु क्रमते ऽम्बरमुत्तमम् ॥ 35.26 ॥

nāpyevaṃ vegavānvāyurgaruḍo vā manastathā | yathā 'yaṃ vāyuputrastu kramate 'mbaramuttamam || 35.26 ||

"न तो वायु इतना वेगवान् है, न गरुड़, न मन ही — जितने वेग से यह वायुपुत्र उस उत्तम आकाश में गति कर रहा था।

श्लोक 27 (uttara.35.27)

यदि तावच्छिशोरस्य त्वीदृशो गतिविक्रमः । यौवनं बलमासाद्य कथं वेगो भविष्यति ॥ 35.27 ॥

yadi tāvacchiśorasya tvīdṛśo gativikramaḥ | yauvanaṃ balamāsādya kathaṃ vego bhaviṣyati || 35.27 ||

"यदि इस शिशु की गति और पराक्रम इतना अद्भुत है, तो यौवन और पूर्ण बल प्राप्त करने पर इसका वेग कैसा होगा!

श्लोक 28 (uttara.35.28)

तमनुप्लवते वायुः प्लवन्तं पुत्रमात्मनः । सूर्यदाहभयाद्रक्षंस्तुषारचयशीतलः ॥ 35.28 ॥

tamanuplavate vāyuḥ plavantaṃ putramātmanaḥ | sūryadāhabhayādrakṣaṃstuṣāracayaśītalaḥ || 35.28 ||

"सूर्य के दाह से भय के कारण, हिम के समान शीतल वायुदेव अपने उड़ते हुए पुत्र के पीछे-पीछे उसकी रक्षा करते हुए चले।

श्लोक 29 (uttara.35.29)

बहुयोजनसाहस्रं क्रमत्येष गतोम्बरम् । पितुर्बलाच्च बाल्याच्च भास्कराभ्याशमागतः ॥ 35.29 ॥

bahuyojanasāhasraṃ kramatyeṣa gatombaram | piturbalācca bālyācca bhāskarābhyāśamāgataḥ || 35.29 ||

"यह अनेक सहस्र योजन आकाश में गति करता हुआ, अपने पिता के बल और अपने बाल्यसुलभ साहस से, सूर्य के समीप जा पहुँचा।

श्लोक 30 (uttara.35.30)

शिशुरेष त्वदोषज्ञ इति मत्वा दिवाकरः । कार्यं चात्र समायत्तमित्येवं न ददाह सः ॥ 35.30 ॥

śiśureṣa tvadoṣajña iti matvā divākaraḥ | kāryaṃ cātra samāyattamityevaṃ na dadāha saḥ || 35.30 ||

"'यह तो निर्दोष शिशु है' — ऐसा सोचकर, और यहाँ किसी उच्च प्रयोजन के निहित होने का अनुमान लगाकर, दिवाकर ने इसे भस्म नहीं किया।

श्लोक 31 (uttara.35.31)

यमेव दिवसं ह्येष ग्रहीतुं भास्करं प्लुतः । तमेव दिवसं राहुर्जिघृक्षति दिवाकरम् ॥ 35.31 ॥

yameva divasaṃ hyeṣa grahītuṃ bhāskaraṃ plutaḥ | tameva divasaṃ rāhurjighṛkṣati divākaram || 35.31 ||

"जिस दिन यह शिशु सूर्य को पकड़ने के लिए उछला था, उसी दिन राहु भी सूर्य को ग्रसने की इच्छा से आया हुआ था।

श्लोक 32 (uttara.35.32)

अनेन स परामृष्टो राम सूर्यरथोपरि । अपक्रान्तस्ततस्त्रस्तो राहुश्चन्द्रार्कमर्दनः ॥ 35.32 ॥

anena sa parāmṛṣṭo rāma sūryarathopari | apakrāntastatastrasto rāhuścandrārkamardanaḥ || 35.32 ||

"हे राम, इसने राहु को, जो चन्द्र-सूर्य का मर्दन करने वाला था, सूर्य के रथ पर ही पकड़ लिया; राहु भयभीत होकर वहाँ से भाग गया।

श्लोक 33 (uttara.35.33)

स इन्द्रभवनं गत्वा सरोषः सिंहिकासुतः । अब्रवीद्भ्रुकुटिं कृत्वा देवं देवगणैर्वृतम् ॥ 35.33 ॥

sa indrabhavanaṃ gatvā saroṣaḥ siṃhikāsutaḥ | abravīdbhrukuṭiṃ kṛtvā devaṃ devagaṇairvṛtam || 35.33 ||

"वह सिंहिका-पुत्र राहु क्रोध से भरकर इन्द्र के भवन गया, और भौंहें चढ़ाकर देवगणों से घिरे इन्द्र से यह बोला —

श्लोक 34 (uttara.35.34)

बुभुक्षापनयं दत्त्वा चन्द्रार्कौ मम वासव । किमिदं तत्त्वया दत्तमन्यस्य बलवृत्रहन् ॥ 35.34 ॥

bubhukṣāpanayaṃ dattvā candrārkau mama vāsava | kimidaṃ tattvayā dattamanyasya balavṛtrahan || 35.34 ||

"'हे वासव, तुमने मुझे भूख मिटाने के लिए चन्द्र और सूर्य दिए थे — हे बलवृत्रहन्, यह क्या है कि तुमने वही अन्य किसी को दे दिया?

श्लोक 35 (uttara.35.35)

अद्याहं पर्वकाले तु जिघृक्षुः सूर्यमागतः । अथान्यो राहुरासाद्य जग्राह सहसा रविम् ॥ 35.35 ॥

adyāhaṃ parvakāle tu jighṛkṣuḥ sūryamāgataḥ | athānyo rāhurāsādya jagrāha sahasā ravim || 35.35 ||

"'आज पर्वकाल में मैं सूर्य को ग्रसने के लिए आया, परन्तु किसी अन्य राहु ने आकर सहसा सूर्य को पकड़ लिया!'

श्लोक 36 (uttara.35.36)

स राहोर्वचनं श्रुत्वा वासवः सम्भ्रमान्वितः । उत्पपातासनं हित्वा चोद्वहन्काञ्चनीं स्रजम् ॥ 35.36 ॥

sa rāhorvacanaṃ śrutvā vāsavaḥ sambhramānvitaḥ | utpapātāsanaṃ hitvā codvahankāñcanīṃ srajam || 35.36 ||

राहु की यह बात सुनकर वासव घबराकर, स्वर्णमाला धारण किए, अपना आसन छोड़कर तुरन्त उठ खड़ा हुआ।

श्लोक 37 (uttara.35.37)

ततः कैलासकूटाभं चतुर्दन्तं मदस्रवम् । शृङ्गारधारिणं प्रांशुं स्वर्णघण्टाट्टहासिनम् ॥ 35.37 ॥

tataḥ kailāsakūṭābhaṃ caturdantaṃ madasravam | śṛṅgāradhāriṇaṃ prāṃśuṃ svarṇaghaṇṭāṭṭahāsinam || 35.37 ||

तब कैलास शिखर के समान श्वेत, चार दाँतों वाले, मदस्रावी, आभूषण-भूषित, विशालकाय, स्वर्ण-घण्टाओं की अट्टहास-सी ध्वनि वाले गजराज पर,

श्लोक 38 (uttara.35.38)

इन्द्रः करीन्द्रमारुह्य राहुं कृत्वा पुरःसरम् । प्रायाद्यत्राभवत्सूर्यः सहानेन हनूमता ॥ 35.38 ॥

indraḥ karīndramāruhya rāhuṃ kṛtvā puraḥsaram | prāyādyatrābhavatsūryaḥ sahānena hanūmatā || 35.38 ||

इन्द्र आरूढ़ होकर, राहु को आगे करके, इस हनुमान सहित वहाँ चला, जहाँ सूर्य विद्यमान था।

श्लोक 39 (uttara.35.39)

अथातिरभसेनागाद्राहुरुत्सृज्य वासवम् । अनेन च स वै दृष्टः प्रधावञ्छैलकूटवत् ॥ 35.39 ॥

athātirabhasenāgādrāhurutsṛjya vāsavam | anena ca sa vai dṛṣṭaḥ pradhāvañchailakūṭavat || 35.39 ||

तब राहु वासव को पीछे छोड़कर अत्यन्त वेग से आगे बढ़ा; और हनुमान ने उसे किसी पर्वत-शिखर की भाँति दौड़ता हुआ देखा।

श्लोक 40 (uttara.35.40)

ततः सूर्यं समुत्सृज्य राहुं फलमवेक्ष्य च । उत्पपात पुनर्व्योम ग्रहीतुं सिंहिकासुतम् ॥ 35.40 ॥

tataḥ sūryaṃ samutsṛjya rāhuṃ phalamavekṣya ca | utpapāta punarvyoma grahītuṃ siṃhikāsutam || 35.40 ||

तब सूर्य को छोड़कर, राहु को ही फल मानकर, हनुमान सिंहिका-पुत्र को पकड़ने के लिए पुनः आकाश में उछल पड़ा।

श्लोक 41 (uttara.35.41)

उत्सृज्यार्कमिमं राम प्रधावन्तं प्लवङ्गमम् । अवेक्ष्यैवं परावृत्त्य मुखशेषः पराङ्मुखः ॥ 35.41 ॥

utsṛjyārkamimaṃ rāma pradhāvantaṃ plavaṅgamam | avekṣyaivaṃ parāvṛttya mukhaśeṣaḥ parāṅmukhaḥ || 35.41 ||

हे राम, सूर्य को छोड़कर अपनी ओर दौड़ते इस वानर को देखकर राहु ने मुड़कर पीछे देखा और मुख के सिवाय शेष शरीर को उससे विमुख कर लिया।

श्लोक 42 (uttara.35.42)

इन्द्रमाशंसमानस्तु त्रातारं सिंहिकासुतः । इन्द्र इन्द्रेति संत्रासान्मुहुर्महुरभाषत ॥ 35.42 ॥

indramāśaṃsamānastu trātāraṃ siṃhikāsutaḥ | indra indreti saṃtrāsānmuhurmahurabhāṣata || 35.42 ||

इन्द्र को ही अपना रक्षक मानते हुए वह सिंहिका-पुत्र भय से बार-बार "इन्द्र! इन्द्र!" पुकारने लगा।

श्लोक 43 (uttara.35.43)

राहोर्विक्रोशमानस्य प्रागेवालक्षितं स्वरम् । श्रुत्वेन्द्रोवाच मा भैषीरहमेनं निषूदये ॥ 35.43 ॥

rāhorvikrośamānasya prāgevālakṣitaṃ svaram | śrutvendrovāca mā bhaiṣīrahamenaṃ niṣūdaye || 35.43 ||

इससे पूर्व कभी न सुनी गई राहु की उस चीत्कार भरी ध्वनि को सुनकर इन्द्र ने कहा — "डरो मत, मैं इसका संहार करता हूँ।"

श्लोक 44 (uttara.35.44)

ऐरावतं ततो दृष्ट्वा महत्तदिदमित्यपि । फलं मत्वा हस्तिराजमभिदुद्राव मारुतिः ॥ 35.44 ॥

airāvataṃ tato dṛṣṭvā mahattadidamityapi | phalaṃ matvā hastirājamabhidudrāva mārutiḥ || 35.44 ||

तब ऐरावत को देखकर, "यह भी एक विशाल फल है" — ऐसा मानकर, वह मारुति उस गजराज की ओर दौड़ पड़ा।

श्लोक 45 (uttara.35.45)

तथास्य धावतो रूपमैरावतजिघृक्षया । मुहूर्तमभवद्घोरमिन्द्राग्न्योरिव भास्वरम् ॥ 35.45 ॥

tathāsya dhāvato rūpamairāvatajighṛkṣayā | muhūrtamabhavadghoramindrāgnyoriva bhāsvaram || 35.45 ||

ऐरावत को पकड़ने की इच्छा से दौड़ते हुए उसका वह रूप क्षणभर के लिए इन्द्र और अग्नि के तेज के समान भयंकर और देदीप्यमान हो गया।

श्लोक 46 (uttara.35.46)

एवमाधावमानं तु नातिक्रुद्धः शचीपतिः । हस्तान्तादतिमुक्तेन कुलिशेनाभ्यताडयत् ॥ 35.46 ॥

evamādhāvamānaṃ tu nātikruddhaḥ śacīpatiḥ | hastāntādatimuktena kuliśenābhyatāḍayat || 35.46 ||

इस प्रकार दौड़ते हुए उस पर अत्यन्त क्रुद्ध न होते हुए भी शचीपति इन्द्र ने अपने हाथ से छोड़े गए वज्र से उसे प्रहार किया।

श्लोक 47 (uttara.35.47)

ततो गिरौ पपातैष इन्द्रवज्राभिताडितः । पतमानस्य चैतस्य वामो हनुरभज्यत ॥ 35.47 ॥

tato girau papātaiṣa indravajrābhitāḍitaḥ | patamānasya caitasya vāmo hanurabhajyata || 35.47 ||

इन्द्र के वज्र से आहत होकर यह पर्वत पर गिर पड़ा; और गिरते समय इसकी बायीं हनु (जबड़ा) टूट गई।

श्लोक 48 (uttara.35.48)

तस्मिंस्तु पतिते बाले वज्रताडनविह्वले । चुक्रोधेन्द्राय पवनः प्रजानामहिताय सः ॥ 35.48 ॥

tasmiṃstu patite bāle vajratāḍanavihvale | cukrodhendrāya pavanaḥ prajānāmahitāya saḥ || 35.48 ||

वज्र के आघात से मूर्च्छित होकर गिरे उस बालक को देखकर वायुदेव प्रजाओं के अहित हेतु इन्द्र पर अत्यन्त क्रुद्ध हो गए।

श्लोक 49 (uttara.35.49)

प्रचारं स तु सङ्गृह्य प्रजास्वन्तर्गतः प्रभुः । गुहां प्रविष्टः स्वसुतं शिशुमादाय मारुतः ॥ 35.49 ॥

pracāraṃ sa tu saṅgṛhya prajāsvantargataḥ prabhuḥ | guhāṃ praviṣṭaḥ svasutaṃ śiśumādāya mārutaḥ || 35.49 ||

समस्त प्राणियों के भीतर से अपना संचरण समेटकर, वह प्रभु वायु अपने शिशु पुत्र को लेकर एक गुफा में प्रविष्ट हो गए।

श्लोक 50 (uttara.35.50)

विण्मूत्राशयमावृत्य प्रजानां परमार्तिकृत् । रुरोध सर्वभूतानि यथा वर्षाणि वासवः ॥ 35.50 ॥

viṇmūtrāśayamāvṛtya prajānāṃ paramārtikṛt | rurodha sarvabhūtāni yathā varṣāṇi vāsavaḥ || 35.50 ||

प्रजाओं के मल-मूत्र मार्ग तक को अवरुद्ध करके, अत्यन्त पीड़ा देते हुए, उन्होंने सम्पूर्ण प्राणियों को वैसे ही रोक दिया, जैसे वासव वर्षा को रोक दें।

श्लोक 51 (uttara.35.51)

वायुप्रकोपाद्भूतानि निरुच्छ्वासानि सर्वतः । सन्धिभिर्भिद्यमानैश्च काष्ठभूतानि जज्ञिरे ॥ 35.51 ॥

vāyuprakopādbhūtāni nirucchvāsāni sarvataḥ | sandhibhirbhidyamānaiśca kāṣṭhabhūtāni jajñire || 35.51 ||

वायुदेव के प्रकोप से सभी प्राणी सर्वत्र श्वासहीन हो गए, और उनके सन्धि-स्थल टूटते हुए वे काठ के समान जड़ हो गए।

श्लोक 52 (uttara.35.52)

निःस्वाध्यायवषट्कारं निष्क्रियं धर्मवर्जितम् । वायुप्रकोपात् त्रैलोक्यं निरयस्थमिवाभवत् ॥ 35.52 ॥

niḥsvādhyāyavaṣaṭkāraṃ niṣkriyaṃ dharmavarjitam | vāyuprakopāt trailokyaṃ nirayasthamivābhavat || 35.52 ||

वेदाध्ययन और वषट्कार से रहित, क्रियाहीन, धर्महीन — वायु के प्रकोप से त्रिलोक मानो नरक में स्थित हो गया।

श्लोक 53 (uttara.35.53)

ततः प्रजाः सगन्धर्वाः सदेवासुरमानुषाः । प्रजापतिं समाधावन्दुःखिताश्च सुखेच्छया ॥ 35.53 ॥

tataḥ prajāḥ sagandharvāḥ sadevāsuramānuṣāḥ | prajāpatiṃ samādhāvanduḥkhitāśca sukhecchayā || 35.53 ||

तब गन्धर्व, देव, असुर और मनुष्यों सहित सभी प्राणी दुःखी होकर सुख की इच्छा से प्रजापति के पास दौड़े गए।

श्लोक 54 (uttara.35.54)

ऊचुः प्राञ्जलयो देवा महोदरनिभोदराः । त्वया नु भगवन्सृष्टाः प्रजानाथ चतुर्विधाः ॥ 35.54 ॥

ūcuḥ prāñjalayo devā mahodaranibhodarāḥ | tvayā nu bhagavansṛṣṭāḥ prajānātha caturvidhāḥ || 35.54 ||

महोदर के समान उदर वाले देवताओं ने हाथ जोड़कर कहा — "हे भगवन्, हे प्रजानाथ, हम चतुर्विध प्राणी आपके ही द्वारा उत्पन्न किए गए हैं।

श्लोक 55 (uttara.35.55)

त्वया दत्तो ऽयमस्माकमायुषः पवनः पतिः । सो ऽस्मान्प्राणेश्वरो भूत्वा कस्मादेषो ऽद्य सत्तम ॥ 35.55 ॥

tvayā datto 'yamasmākamāyuṣaḥ pavanaḥ patiḥ | so 'smānprāṇeśvaro bhūtvā kasmādeṣo 'dya sattama || 35.55 ||

"आपने ही हमारे प्राणों के स्वामी के रूप में इस वायु को प्रदान किया था — हमारे प्राणों के स्वामी बनकर भी यह आज, हे सत्तम, क्यों —

श्लोक 56 (uttara.35.56)

रुरोध दुःखं जनयन्नन्तःपुर इव स्त्रियः । तस्मात्त्वां शरणं प्राप्ता वायुनोहता वयम् ॥ 35.56 ॥

rurodha duḥkhaṃ janayannantaḥpura iva striyaḥ | tasmāttvāṃ śaraṇaṃ prāptā vāyunohatā vayam || 35.56 ||

— हमें अन्तःपुर में बन्द स्त्रियों के समान दुःखी करते हुए रोक रहे हैं? इसलिए वायु से पीड़ित हम आपकी शरण में आए हैं।"

श्लोक 57 (uttara.35.57)

एतत्प्रजानां श्रुत्वा तु प्रजानाथः प्रजापतिः । कारणादिति चोक्त्वासौ प्रजाः पुनरभाषत ॥ 35.57 ॥

etatprajānāṃ śrutvā tu prajānāthaḥ prajāpatiḥ | kāraṇāditi coktvāsau prajāḥ punarabhāṣata || 35.57 ||

प्रजाओं की यह बात सुनकर प्रजानाथ प्रजापति ने "इसका कोई कारण है" — ऐसा कहकर प्रजाओं से पुनः यह कहा —

श्लोक 58 (uttara.35.58)

यस्मिंश्च कारणे वायुश्चुक्रोध च रुरोध च । प्रजाः शृणुध्वं तत्सर्वं श्रोतव्यं चात्मनः क्षमम् ॥ 35.58 ॥

yasmiṃśca kāraṇe vāyuścukrodha ca rurodha ca | prajāḥ śṛṇudhvaṃ tatsarvaṃ śrotavyaṃ cātmanaḥ kṣamam || 35.58 ||

"हे प्रजाओ, जिस कारण से वायु क्रुद्ध हुए और उन्होंने तुम्हें रोक दिया, वह सब सुनो — यह तुम्हारे लिए सुनने योग्य और उचित है।

श्लोक 59 (uttara.35.59)

पुत्रस्तस्यामरेशेन इन्द्रेणाद्य निपातितः । राहोर्वचनमास्थाय ततः स कुपितो ऽनिलः ॥ 35.59 ॥

putrastasyāmareśena indreṇādya nipātitaḥ | rāhorvacanamāsthāya tataḥ sa kupito 'nilaḥ || 35.59 ||

"देवराज इन्द्र द्वारा आज उनका पुत्र, राहु के वचन पर विश्वास करके, मार गिराया गया है; इसी कारण वह वायु क्रुद्ध हुए हैं।

श्लोक 60 (uttara.35.60)

अशरीरः शरीरेषु वायुश्चरति पालयन् । शरीरं हि विना वायुं समतां याति दारुभिः ॥ 35.60 ॥

aśarīraḥ śarīreṣu vāyuścarati pālayan | śarīraṃ hi vinā vāyuṃ samatāṃ yāti dārubhiḥ || 35.60 ||

"शरीरहीन वायु ही समस्त शरीरों में विचरण करते हुए उनका पालन करता है; क्योंकि वायु के बिना शरीर काठ के समान हो जाता है।

श्लोक 61 (uttara.35.61)

वायुः प्राणः सुखं वायुर्वायुः सर्वमिदं जगत् । वायुना सम्परित्यक्तं न सुखं विन्दते जगत् ॥ 35.61 ॥

vāyuḥ prāṇaḥ sukhaṃ vāyurvāyuḥ sarvamidaṃ jagat | vāyunā samparityaktaṃ na sukhaṃ vindate jagat || 35.61 ||

"वायु ही प्राण है, वायु ही सुख है, वायु ही यह सम्पूर्ण जगत् है; वायु से परित्यक्त जगत् को कभी सुख प्राप्त नहीं होता।

श्लोक 62 (uttara.35.62)

अद्यैव च परित्यक्तं वायुना जगदायुषा । अद्यैव ते निरुच्छ्वासाः काष्ठकुड्योपमाः स्थिताः ॥ 35.62 ॥

adyaiva ca parityaktaṃ vāyunā jagadāyuṣā | adyaiva te nirucchvāsāḥ kāṣṭhakuḍyopamāḥ sthitāḥ || 35.62 ||

"आज ही इस जगत् के आयुस्वरूप वायु ने इसे त्याग दिया है; आज ही तुम सब काठ की दीवार के समान श्वासरहित खड़े हो।

श्लोक 63 (uttara.35.63)

तद्यामस्तत्र यत्रास्ते मारुतो रुक्प्रदो हि नः । मा विनाशं गमिष्याम अप्रसाद्यादितेः सुताः ॥ 35.63 ॥

tadyāmastatra yatrāste māruto rukprado hi naḥ | mā vināśaṃ gamiṣyāma aprasādyāditeḥ sutāḥ || 35.63 ||

"अतः चलें वहाँ, जहाँ हमें पीड़ा देने वाले वायु विराजमान हैं; हे अदिति-पुत्रो, उन्हें प्रसन्न किए बिना हम विनाश को प्राप्त न हों।"

श्लोक 64 (uttara.35.64)

ततः प्रजाभिः सहितः प्रजापतिः सदेवगन्धर्वभुजङ्गगुह्यकैः । जगाम तत्रास्यति यत्र मारुतः सुतं सुरेन्द्राभिहतं प्रगृह्य सः ॥ 35.64 ॥

tataḥ prajābhiḥ sahitaḥ prajāpatiḥ sadevagandharvabhujaṅgaguhyakaiḥ | jagāma tatrāsyati yatra mārutaḥ sutaṃ surendrābhihataṃ pragṛhya saḥ || 35.64 ||

तब प्रजापति समस्त प्रजाओं सहित, देव, गन्धर्व, नाग और गुह्यकों सहित, वहाँ गए जहाँ वायुदेव अपने देवराज द्वारा आहत पुत्र को गोद में लिए बैठे थे।

श्लोक 65 (uttara.35.65)

ततो ऽर्कवैश्वानरकाञ्चनप्रभं सुतं तदोत्सङ्गगतं सदागतेः । चतुर्मुखो वीक्ष्य कृपामथाकरोत्सदेवगन्धर्वर्षियक्षराक्षसैः ॥ 35.65 ॥

tato 'rkavaiśvānarakāñcanaprabhaṃ sutaṃ tadotsaṅgagataṃ sadāgateḥ | caturmukho vīkṣya kṛpāmathākarotsadevagandharvarṣiyakṣarākṣasaiḥ || 35.65 ||

तब सूर्य, अग्नि और स्वर्ण के समान कान्तिमान् उस पुत्र को, सदा गतिशील वायुदेव की गोद में पड़ा देखकर, चतुर्मुख ब्रह्मा को देव, गन्धर्व, ऋषि, यक्ष और राक्षसों सहित करुणा उत्पन्न हुई।