हनुमान् के वरदान और शाप

श्लोक 1 (uttara.36.1)

ततः पितामहं दृष्ट्वा वायुः पुत्रवधार्दितः । शिशुकं तं समादाय उत्तस्थौ धातुरग्रतः ।। 36.1 ।।

tataḥ pitāmahaṃ dṛṣṭvā vāyuḥ putravadhārditaḥ | śiśukaṃ taṃ samādāya uttasthau dhāturagrataḥ || 36.1 ||

तब पितामह (ब्रह्मा) को देखकर, पुत्र-वध की पीड़ा से आर्त वायु उस शिशु को लेकर विधाता के सम्मुख जा खड़े हुए।

श्लोक 2 (uttara.36.2)

चलकुण्डलमौलिस्रक्तपनीयविभूषणः । पादयोर्न्यपतद्वायुस्तिस्रोपस्थाय वेधसे ।। 36.2 ।।

calakuṇḍalamaulisraktapanīyavibhūṣaṇaḥ | pādayornyapatadvāyustisropasthāya vedhase || 36.2 ||

चंचल कुण्डल, मुकुट, माला और स्वर्ण-आभूषणों से सुशोभित वायु विधाता के समीप जाकर उनके चरणों में गिर पड़े।

श्लोक 3 (uttara.36.3)

तं तु वेदविदा तेन लम्बाभरणशोभिना । वायुमुत्थाप्य हस्तेन शिशुं तं परिमृष्टवान् ।। 36.3 ।।

taṃ tu vedavidā tena lambābharaṇaśobhinā | vāyumutthāpya hastena śiśuṃ taṃ parimṛṣṭavān || 36.3 ||

वेदों के ज्ञाता, लटकते आभूषणों से सुशोभित उन ब्रह्मा ने वायु को हाथ से उठाकर, उस शिशु का स्पर्श किया।

श्लोक 4 (uttara.36.4)

स्पृष्टमात्रस्ततः सो ऽथ सलीलं पद्मयोनिना । जलसिक्तं यथा सस्यं पुनर्जीवितमाप्तवान् ।। 36.4 ।।

spṛṣṭamātrastataḥ so 'tha salīlaṃ padmayoninā | jalasiktaṃ yathā sasyaṃ punarjīvitamāptavān || 36.4 ||

कमल से उत्पन्न ब्रह्मा के लीलापूर्वक स्पर्श करते ही वह शिशु पुनः जीवित हो उठा, जैसे जल से सींची गई फसल पुनः हरी-भरी हो जाती है।

श्लोक 5 (uttara.36.5)

प्राणवन्तमिमं दृष्ट्वा प्राणो गन्धवहो मुदा । चचार सर्वभूतेषु सन्निरुद्धं यथा पुरा ।। 36.5 ।।

prāṇavantamimaṃ dṛṣṭvā prāṇo gandhavaho mudā | cacāra sarvabhūteṣu sanniruddhaṃ yathā purā || 36.5 ||

उसे प्राणवान् देखकर प्राणस्वरूप गन्धवह (वायु) प्रसन्नतापूर्वक पहले की भाँति समस्त प्राणियों में संचरण करने लगे, जो अवरुद्ध हो गया था वह पुनः प्रवाहित होने लगा।

श्लोक 6 (uttara.36.6)

मरुद्रोधाद्विनिर्मुक्तास्ताः प्रजा मुदिता ऽभवन् । शीतदाहविनिर्मुक्ताः पद्मिन्य इव साम्बुजाः ।। 36.6 ।।

marudrodhādvinirmuktāstāḥ prajā muditā 'bhavan | śītadāhavinirmuktāḥ padminya iva sāmbujāḥ || 36.6 ||

वायु के अवरुद्ध होने से मुक्त होकर समस्त प्रजाएँ हर्षित हो उठीं, जैसे शीत और ताप से मुक्त हुई कमलिनियाँ अपने कमलों सहित खिल उठती हैं।

श्लोक 7 (uttara.36.7)

ततस्त्रियुग्मस्त्रिककुत्त्रिधामा त्रिदशार्चितः । उवाच देवता ब्रह्मा मारुतप्रियकाम्यया ।। 36.7 ।।

tatastriyugmastrikakuttridhāmā tridaśārcitaḥ | uvāca devatā brahmā mārutapriyakāmyayā || 36.7 ||

तब त्रिविध शक्तियों वाले, त्रिशिखर, त्रिलोकवासी और त्रिदेवगणों द्वारा पूजित देवता ब्रह्मा ने वायुदेव को प्रसन्न करने की इच्छा से कहा।

श्लोक 8 (uttara.36.8)

भो महेन्द्रेशवरुणप्रजेश्वरधनेश्वराः । जानतामपि वः सर्वं वक्ष्यामि श्रूयतां हितम् ।। 36.8 ।।

bho mahendreśavaruṇaprajeśvaradhaneśvarāḥ | jānatāmapi vaḥ sarvaṃ vakṣyāmi śrūyatāṃ hitam || 36.8 ||

"हे महेन्द्र, ईश, वरुण, प्रजापति और धनेश्वर! यद्यपि आप सब पहले से ही सब कुछ जानते हैं, फिर भी मैं कहूँगा; इस हितकर वचन को सुनिए।

श्लोक 9 (uttara.36.9)

अनेन शिशुना कार्यं कर्तव्यं वो भविष्यति । तद्वदध्वं वरान्सर्वे मारुतस्यास्य तुष्टये ।। 36.9 ।।

anena śiśunā kāryaṃ kartavyaṃ vo bhaviṣyati | tadvadadhvaṃ varānsarve mārutasyāsya tuṣṭaye || 36.9 ||

इस शिशु के द्वारा भविष्य में आप सबका बड़ा कार्य सिद्ध होगा; अतः आप सब मारुत के इस पुत्र की प्रसन्नता के लिए वरदान प्रदान कीजिए।"

श्लोक 10 (uttara.36.10)

ततः सहस्रनयनः प्रीतियुक्तः शुभाननः । कुशेशयमयीं मालामुत्क्षिप्येदं वचो ऽब्रवीत् ।। 36.10 ।।

tataḥ sahasranayanaḥ prītiyuktaḥ śubhānanaḥ | kuśeśayamayīṃ mālāmutkṣipyedaṃ vaco 'bravīt || 36.10 ||

तब हर्षयुक्त, शुभ मुखमण्डल वाले सहस्रनयन इन्द्र ने कमल-पुष्पों की माला उठाकर यह वचन कहा।

श्लोक 11 (uttara.36.11)

मत्करोत्सृष्टवज्रेण हनुरस्य यथा हतः । नाम्ना वै कपिशार्दूलो भविता हनुमानिति ।। 36.11 ।।

matkarotsṛṣṭavajreṇa hanurasya yathā hataḥ | nāmnā vai kapiśārdūlo bhavitā hanumāniti || 36.11 ||

"मेरे हाथ से छोड़े गए वज्र से जिस प्रकार इसकी हनु (ठोड़ी) आहत हुई है, उसी कारण यह वानरशार्दूल 'हनुमान्' नाम से प्रसिद्ध होगा।

श्लोक 12 (uttara.36.12)

अहमस्य प्रदास्यामि परमं वरमद्भुतम् । इतः प्रभृति वज्रस्य ममावध्यो भविष्यति ।। 36.12 ।।

ahamasya pradāsyāmi paramaṃ varamadbhutam | itaḥ prabhṛti vajrasya mamāvadhyo bhaviṣyati || 36.12 ||

मैं इसे एक परम अद्भुत वर प्रदान करता हूँ - आज से यह मेरे वज्र के द्वारा अवध्य होगा।"

श्लोक 13 (uttara.36.13)

मार्तण्डस्त्वब्रवीत्तत्र भगवांस्तिमिरापहः । तेजसो ऽस्य मदीयस्य ददामि शतिकां कलाम् ।। 36.13 ।।

mārtaṇḍastvabravīttatra bhagavāṃstimirāpahaḥ | tejaso 'sya madīyasya dadāmi śatikāṃ kalām || 36.13 ||

तब वहाँ अन्धकार को दूर करने वाले भगवान् सूर्य (मार्तण्ड) ने कहा - "मैं इसे अपने तेज का सौवाँ भाग प्रदान करता हूँ।

श्लोक 14 (uttara.36.14)

यदा तु शास्त्राण्यध्येतुं शक्तिरस्य भविष्यति । तदास्य शास्त्रं दास्यामि येन वाग्ग्मी भविष्यति ।। 36.14 ।।

yadā tu śāstrāṇyadhyetuṃ śaktirasya bhaviṣyati | tadāsya śāstraṃ dāsyāmi yena vāggmī bhaviṣyati || 36.14 ||

और जब यह शास्त्रों के अध्ययन में समर्थ होगा, तब मैं इसे शास्त्र-ज्ञान प्रदान करूँगा, जिससे यह वाक्पटु होगा।

श्लोक 15 (uttara.36.15)

नचास्य भविता कश्चित्सदृशः शास्त्रदर्शने । वरुणश्च वरं प्रादान्नास्य मृत्युर्भविष्यति । वर्षायुतशतेनापि मत्पाशादुदकादपि ।। 36.15 ।।

nacāsya bhavitā kaścitsadṛśaḥ śāstradarśane | varuṇaśca varaṃ prādānnāsya mṛtyurbhaviṣyati | varṣāyutaśatenāpi matpāśādudakādapi || 36.15 ||

और शास्त्र-विवेचन में इसके समान कोई नहीं होगा।" वरुण ने भी वर दिया - "दस सहस्र वर्ष बीत जाने पर भी इसकी मृत्यु मेरे पाश से अथवा जल से नहीं होगी।

श्लोक 16 (uttara.36.16)

यमो दण्डादवध्यत्वमरोगत्वं च नित्यशः । वरं ददामि सन्तुष्ट अविषादं च संयुगे ।। 36.16 ।।

yamo daṇḍādavadhyatvamarogatvaṃ ca nityaśaḥ | varaṃ dadāmi santuṣṭa aviṣādaṃ ca saṃyuge || 36.16 ||

यम ने कहा - "मैं प्रसन्न होकर यह वर देता हूँ कि यह मेरे दण्ड से अवध्य रहेगा, सदा नीरोग रहेगा, तथा युद्ध में इसे कभी विषाद नहीं होगा।

श्लोक 17 (uttara.36.17)

गदेयं मामिका नैनं संयुगेषु वधिष्यति । इत्येवं वरदः प्राह तदा ह्येकाक्षिपिङ्गलः ।। 36.17 ।।

gadeyaṃ māmikā nainaṃ saṃyugeṣu vadhiṣyati | ityevaṃ varadaḥ prāha tadā hyekākṣipiṅgalaḥ || 36.17 ||

मेरी यह गदा भी युद्धों में इसका वध नहीं करेगी।" इस प्रकार तब उस एकाक्षिपिंगल (यम) ने वरदान दिया।

श्लोक 18 (uttara.36.18)

मत्तो मदायुधानां च न वध्यो ऽयं भविष्यति । इत्येवं शङ्करेणापि दत्तो ऽस्य परमो वरः ।। 36.18 ।।

matto madāyudhānāṃ ca na vadhyo 'yaṃ bhaviṣyati | ityevaṃ śaṅkareṇāpi datto 'sya paramo varaḥ || 36.18 ||

"मुझसे और मेरे आयुधों से भी यह वध्य नहीं होगा।" इस प्रकार शंकर (शिव) ने भी इसे परम वरदान दिया।

श्लोक 19 (uttara.36.19)

सर्वेषां ब्रह्मदण्डानामवध्यो ऽयं भविष्यति । दीर्घायुश्च महात्मा च इति ब्रह्माब्रवीद्वचः ।। 36.19 ।।

sarveṣāṃ brahmadaṇḍānāmavadhyo 'yaṃ bhaviṣyati | dīrghāyuśca mahātmā ca iti brahmābravīdvacaḥ || 36.19 ||

"यह समस्त ब्रह्मदण्डों से भी अवध्य रहेगा, तथा दीर्घायु और महात्मा होगा।" ऐसा ब्रह्मा ने कहा।

श्लोक 20 (uttara.36.20)

विश्वकर्मा च दृष्ट्वैनं बालसूर्योपमं शिशुम् । शिल्पिनां प्रवरः प्रादाद्वरमस्य महामतिः ।। 36.20 ।।

viśvakarmā ca dṛṣṭvainaṃ bālasūryopamaṃ śiśum | śilpināṃ pravaraḥ prādādvaramasya mahāmatiḥ || 36.20 ||

तथा उदीयमान सूर्य के समान उस शिशु को देखकर, शिल्पियों में श्रेष्ठ महामति विश्वकर्मा ने भी इसे वर प्रदान किया।

श्लोक 21 (uttara.36.21)

मत्कृतानि च शस्त्राणि यानि दिव्यानि संयुगे । तैरवध्यत्वमापन्नश्चिरजीवी भविष्यति ।। 36.21 ।।

matkṛtāni ca śastrāṇi yāni divyāni saṃyuge | tairavadhyatvamāpannaścirajīvī bhaviṣyati || 36.21 ||

"युद्ध में मेरे बनाए हुए जो भी दिव्य शस्त्र हैं, उनसे यह अवध्य रहेगा, और चिरंजीवी होगा।"

श्लोक 22 (uttara.36.22)

ततः सुराणां तु वरैर्दृष्ट्वा ह्येनमलङ्कृतम् । चतुर्मुखस्तुष्टमना वायुमाह जगद्गुरुः ।। 36.22 ।।

tataḥ surāṇāṃ tu varairdṛṣṭvā hyenamalaṅkṛtam | caturmukhastuṣṭamanā vāyumāha jagadguruḥ || 36.22 ||

तत्पश्चात् देवताओं के वरों से इस प्रकार अलंकृत उसे देखकर, चतुर्मुख जगद्गुरु ब्रह्मा ने प्रसन्नचित्त होकर वायु से कहा।

श्लोक 23 (uttara.36.23)

अमित्राणां भयकरो मित्राणामभयङ्करः । अजेयो भविता पुत्रस्तव मारुत मारुतिः ।। 36.23 ।।

amitrāṇāṃ bhayakaro mitrāṇāmabhayaṅkaraḥ | ajeyo bhavitā putrastava māruta mārutiḥ || 36.23 ||

"हे मारुत! तुम्हारा यह पुत्र मारुति शत्रुओं के लिए भयंकर और मित्रों के लिए अभयदाता होगा, तथा अजेय रहेगा।

श्लोक 24 (uttara.36.24)

कामरूपः कामचारी कामगः प्लवतां वरः । भवत्यव्याहतगतिः कीर्तिमांश्च भविष्यति ।। 36.24 ।।

kāmarūpaḥ kāmacārī kāmagaḥ plavatāṃ varaḥ | bhavatyavyāhatagatiḥ kīrtimāṃśca bhaviṣyati || 36.24 ||

यह इच्छानुसार रूप धारण करने वाला, इच्छानुसार विचरण करने वाला, इच्छानुसार गमन करने वाला, कूदने वालों में श्रेष्ठ होगा; इसकी गति कहीं भी अवरुद्ध नहीं होगी, और यह यशस्वी होगा।

श्लोक 25 (uttara.36.25)

रावणोत्सादनार्थानि रामप्रियकरणि च । रोमहर्षकराण्येष कर्ता कर्माणि संयुगे ।। 36.25 ।।

rāvaṇotsādanārthāni rāmapriyakaraṇi ca | romaharṣakarāṇyeṣa kartā karmāṇi saṃyuge || 36.25 ||

यह युद्ध में रावण के विनाश हेतु, राम को प्रिय लगने वाले, तथा रोमांचकारी कर्म करेगा।"

श्लोक 26 (uttara.36.26)

एवमुक्त्वा तमामन्त्र्य मारुतं त्वमरैः सह । यथागतं ययुः सर्वे पितामहपुरोगमाः ।। 36.26 ।।

evamuktvā tamāmantrya mārutaṃ tvamaraiḥ saha | yathāgataṃ yayuḥ sarve pitāmahapurogamāḥ || 36.26 ||

इस प्रकार कहकर, वायु से विदा लेकर, पितामह ब्रह्मा को आगे किए हुए वे सभी देवगण अमरों के सहित जिस प्रकार आए थे, उसी प्रकार लौट गए।

श्लोक 27 (uttara.36.27)

सो ऽपि गन्धवहः पुत्रं प्रगृह्य गृहमानयत् । अञ्जनायास्तमाचख्यौ वरदत्तं विनिर्गतः ।। 36.27 ।।

so 'pi gandhavahaḥ putraṃ pragṛhya gṛhamānayat | añjanāyāstamācakhyau varadattaṃ vinirgataḥ || 36.27 ||

वे गन्धवह (वायु) भी अपने पुत्र को लेकर घर लाए, और बाहर से आकर उन्होंने अंजना को उसे दिए गए वरदानों का वृत्तान्त सुनाया।

श्लोक 28 (uttara.36.28)

प्राप्य राम वरानेष वरदानसमन्वितः । बलेनात्मनि संस्थेन सो ऽपूर्यत यथा ऽर्णवः ।। 36.28 ।।

prāpya rāma varāneṣa varadānasamanvitaḥ | balenātmani saṃsthena so 'pūryata yathā 'rṇavaḥ || 36.28 ||

हे राम! इस प्रकार वरदानों को प्राप्त कर वह अपने भीतर स्थित बल से उसी प्रकार परिपूर्ण हो गया, जैसे समुद्र जल से भर जाता है।

श्लोक 29 (uttara.36.29)

तरसा पूर्यमाणो ऽपि तदा वानरपुङ्गवः । आश्रमेषु महर्षीणामपराध्यति निर्भयः ।। 36.29 ।।

tarasā pūryamāṇo 'pi tadā vānarapuṅgavaḥ | āśrameṣu maharṣīṇāmaparādhyati nirbhayaḥ || 36.29 ||

उस समय वेग से परिपूर्ण होता हुआ वह वानरश्रेष्ठ, निर्भय होकर महर्षियों के आश्रमों में उपद्रव करने लगा।

श्लोक 30 (uttara.36.30)

स्रुग्भाण्डान्यग्निहोत्रं च वल्कलाजिनसञ्चयान् । भग्नविच्छिन्नविध्वस्तान्संशान्तानां करोत्ययम् ।। 36.30 ।।

srugbhāṇḍānyagnihotraṃ ca valkalājinasañcayān | bhagnavicchinnavidhvastānsaṃśāntānāṃ karotyayam || 36.30 ||

यह शान्त-चित्त ऋषियों के यज्ञ-पात्रों, अग्निहोत्र-सामग्री, तथा वल्कल एवं मृगचर्मों के संचय को तोड़-फोड़कर नष्ट कर देता था।

श्लोक 31 (uttara.36.31)

एवंविधानि कर्माणि प्रावर्तत महाबलः । सर्वेषां ब्रह्मदण्डानामवध्यः शम्भुना कृतः ।। 36.31 ।।

evaṃvidhāni karmāṇi prāvartata mahābalaḥ | sarveṣāṃ brahmadaṇḍānāmavadhyaḥ śambhunā kṛtaḥ || 36.31 ||

वह महाबली ऐसे ही कर्मों में प्रवृत्त रहता था, क्योंकि शम्भु (शिव) ने उसे समस्त ब्रह्मदण्डों से अवध्य बना दिया था।

श्लोक 32 (uttara.36.32)

जानन्त ऋषयस्तं वै सहन्ते तस्य शक्तितः ।। 36.32 ।।

jānanta ṛṣayastaṃ vai sahante tasya śaktitaḥ || 36.32 ||

ऋषिगण यह जानते हुए भी उसके प्रभाव के कारण उसे सहन करते रहे।

श्लोक 33 (uttara.36.33)

यथा केसरिणा त्वेष वायुना सो ऽञ्जनासुतः । प्रतिषिद्धो ऽपि मर्यादां लङ्घयत्येव वानरः ।। 36.33 ।।

yathā kesariṇā tveṣa vāyunā so 'ñjanāsutaḥ | pratiṣiddho 'pi maryādāṃ laṅghayatyeva vānaraḥ || 36.33 ||

केसरी और वायु के द्वारा मना किए जाने पर भी, अंजना का वह पुत्र वानर मर्यादा का उल्लंघन करता ही रहा।

श्लोक 34 (uttara.36.34)

ततो महर्षयः क्रुद्धा भृग्वङ्गिरसवंशजाः । शेपुरेनं रघुश्रेष्ठ नातिक्रुद्धातिमन्यवः ।। 36.34 ।।

tato maharṣayaḥ kruddhā bhṛgvaṅgirasavaṃśajāḥ | śepurenaṃ raghuśreṣṭha nātikruddhātimanyavaḥ || 36.34 ||

तब भृगु और अंगिरा वंश में उत्पन्न महर्षिगण क्रुद्ध होकर - हे रघुश्रेष्ठ! - अत्यधिक कुपित न होते हुए भी, इसे शाप दे बैठे।

श्लोक 35 (uttara.36.35)

बाधसे यत्समाश्रित्य बलमस्मान्प्लवङ्गम । तद्दीर्घकालं वेत्तासि नास्माकं शापमोहितः । यदा ते स्मार्यते कीर्तिस्तदा ते वर्धते बलम् ।। 36.35 ।।

bādhase yatsamāśritya balamasmānplavaṅgama | taddīrghakālaṃ vettāsi nāsmākaṃ śāpamohitaḥ | yadā te smāryate kīrtistadā te vardhate balam || 36.35 ||

उन्होंने कहा - "हे वानर! जिस बल का सहारा लेकर तुम हमें कष्ट देते हो, हमारे शाप से मोहित होकर तुम दीर्घकाल तक उस बल को नहीं जान पाओगे; परन्तु जब कभी तुम्हें तुम्हारी कीर्ति का स्मरण कराया जाएगा, तभी तुम्हारा वह बल पुनः बढ़ जाएगा।"

श्लोक 36 (uttara.36.36)

ततस्स हृततेजौजा महर्षिवचनौजसा । एषोश्रमाणि तान्येव मृदुभावं गतो ऽचरत् ।। 36.36 ।।

tatassa hṛtatejaujā maharṣivacanaujasā | eṣośramāṇi tānyeva mṛdubhāvaṃ gato 'carat || 36.36 ||

तत्पश्चात् महर्षियों के वचनों के प्रभाव से जिसका तेज और बल हर लिया गया था, वह उन्हीं आश्रमों में अब सौम्य भाव से विचरण करने लगा।

श्लोक 37 (uttara.36.37)

अथर्क्षरजसो नाम वालिसुग्रीवयोः पिता । सर्ववानरराजा ऽ ऽसीत्तेजसा भास्करप्रभः ।। 36.37 ।।

atharkṣarajaso nāma vālisugrīvayoḥ pitā | sarvavānararājā ' 'sīttejasā bhāskaraprabhaḥ || 36.37 ||

अब वालि और सुग्रीव के पिता, ऋक्षरजा नामक, समस्त वानरों के राजा थे, जो तेज में सूर्य के समान प्रकाशमान थे।

श्लोक 38 (uttara.36.38)

स तु राज्यं चिरं कृत्वा वानराणां हरीश्वरः । स च ऋक्षरजा नाम कालधर्मेण सङ्गतः ।। 36.38 ।।

sa tu rājyaṃ ciraṃ kṛtvā vānarāṇāṃ harīśvaraḥ | sa ca ṛkṣarajā nāma kāladharmeṇa saṅgataḥ || 36.38 ||

वे वानरेश्वर ऋक्षरजा दीर्घकाल तक राज्य करने के पश्चात् कालधर्म को प्राप्त हुए।

श्लोक 39 (uttara.36.39)

तस्मिन्नस्तमिते चाथ मन्त्रिभिर्मन्त्रकोविदैः । पित्र्ये पदे कृतो वाली सुग्रीवो वालिनः पदे ।। 36.39 ।।

tasminnastamite cātha mantribhirmantrakovidaiḥ | pitrye pade kṛto vālī sugrīvo vālinaḥ pade || 36.39 ||

उनके अस्त होने पर, मन्त्रणा-कुशल मन्त्रियों ने वालि को पिता के पद पर, तथा सुग्रीव को वालि के पद पर स्थापित किया।

श्लोक 40 (uttara.36.40)

सुग्रीवेण समं त्वस्य अद्वैधं छिद्रवर्जितम् । आबाल्यं सख्यमभवदनिलस्याग्निना यथा ।। 36.40 ।।

sugrīveṇa samaṃ tvasya advaidhaṃ chidravarjitam | ābālyaṃ sakhyamabhavadanilasyāgninā yathā || 36.40 ||

सुग्रीव के साथ उनकी मित्रता बाल्यकाल से ही अद्वैध और दोषरहित थी, जैसे वायु और अग्नि की मित्रता होती है।

श्लोक 41 (uttara.36.41)

एष शापवशादेव न वेद बलमात्मनः । वालिसुग्रीवयोर्वैरं यदा राम समुत्थितम् ।। 36.41 ।।

eṣa śāpavaśādeva na veda balamātmanaḥ | vālisugrīvayorvairaṃ yadā rāma samutthitam || 36.41 ||

हे राम! उसी शाप के कारण जब वालि और सुग्रीव के बीच वैर उत्पन्न हुआ, तब भी हनुमान् अपने बल को नहीं जान सके।

श्लोक 42 (uttara.36.42)

न ह्येष राम सुग्रीवो भ्राम्यमाणो ऽपि वालिना ।। 36.42 ।।

na hyeṣa rāma sugrīvo bhrāmyamāṇo 'pi vālinā || 36.42 ||

क्योंकि हे राम! यह सुग्रीव, वालि के द्वारा इस प्रकार भटकाए-सताए जाने पर भी...

श्लोक 43 (uttara.36.43)

देव जानाति न ह्येष बलमात्मनि मारुतिः । ऋषिशापाहृतबलस्तदैष कपिसत्तमः ।। 36.43 ।।

deva jānāti na hyeṣa balamātmani mārutiḥ | ṛṣiśāpāhṛtabalastadaiṣa kapisattamaḥ || 36.43 ||

...उसकी रक्षा नहीं कर सका; क्योंकि हे देव! यह मारुति भी अपने भीतर के बल को नहीं जानता था - ऋषि-शाप के कारण उस कपिश्रेष्ठ का बल हर लिया गया था।

श्लोक 44 (uttara.36.44)

सिंहः कुञ्जररुद्धो वा आस्थितः सहितो रणे ।। 36.44 ।।

siṃhaḥ kuñjararuddho vā āsthitaḥ sahito raṇe || 36.44 ||

वह मानो युद्ध में गजराज के द्वारा रोके गए सिंह के समान खड़ा रहा।

श्लोक 45 (uttara.36.45)

पराक्रमोत्साहमतिप्रतापसौशील्यमाधुर्यनयानयैश्च । गाम्भीर्यचातुर्यसुवीर्यधैर्यैर्हनूमतः को ऽभ्यधिको ऽस्ति लोके ।। 36.45 ।।

parākramotsāhamatipratāpasauśīlyamādhuryanayānayaiśca | gāmbhīryacāturyasuvīryadhairyairhanūmataḥ ko 'bhyadhiko 'sti loke || 36.45 ||

पराक्रम, उत्साह, बुद्धि, प्रताप, सुशीलता, माधुर्य, नीति-अनीति के ज्ञान, गाम्भीर्य, चातुर्य, उत्तम वीर्य और धैर्य में - इस संसार में हनुमान् से अधिक कौन है?

श्लोक 46 (uttara.36.46)

असौ पुनर्व्याकरणं ग्रहीष्यन्सूर्योन्मुखः प्रष्टुमना कपीन्द्रः । उद्यद्गिरेरस्तगिरिं जगाम ग्रन्थं महद्धारयनप्रमेयः ।। 36.46 ।।

asau punarvyākaraṇaṃ grahīṣyansūryonmukhaḥ praṣṭumanā kapīndraḥ | udyadgirerastagiriṃ jagāma granthaṃ mahaddhārayanaprameyaḥ || 36.46 ||

यह कपीन्द्र (हनुमान्) व्याकरण सीखने की इच्छा से सूर्य के सम्मुख होकर, जिज्ञासु मन से, उदयाचल से अस्ताचल तक उस महान् ग्रन्थ को धारण करते हुए, अप्रमेय रूप से गमन कर गया।

श्लोक 47 (uttara.36.47)

ससूत्रवृत्त्यर्थपदं महार्थं ससङ्ग्रहं साद्ध्यति वै कपीन्द्रः । नह्यस्य कश्चित्सदृशो ऽस्ति शास्त्रे वैशारदे च्छन्दगतौ तथैव ।। 36.47 ।।

sasūtravṛttyarthapadaṃ mahārthaṃ sasaṅgrahaṃ sāddhyati vai kapīndraḥ | nahyasya kaścitsadṛśo 'sti śāstre vaiśārade cchandagatau tathaiva || 36.47 ||

वह कपीन्द्र सूत्र, वृत्ति, पदार्थ, महान् अर्थ और संग्रह सहित उस शास्त्र को पूर्णतः सिद्ध कर लेता है; व्याकरण-शास्त्र में और उसी प्रकार छन्दशास्त्र में भी इसके समान कोई नहीं है।

श्लोक 48 (uttara.36.48)

सर्वासु विद्यासु तपोविधाने प्रस्पर्धते ऽयो हि गुरुं सुराणाम् । सो ऽयं नवव्याकरणार्थवेत्ता ब्रह्मा भविष्यत्यपि ते प्रसादात् ।। 36.48 ।।

sarvāsu vidyāsu tapovidhāne praspardhate 'yo hi guruṃ surāṇām | so 'yaṃ navavyākaraṇārthavettā brahmā bhaviṣyatyapi te prasādāt || 36.48 ||

समस्त विद्याओं में और तपस्या के विधान में यह देवगुरु (बृहस्पति) की स्पर्धा करता है; नव-व्याकरण के अर्थ का ज्ञाता यह आपकी कृपा से स्वयं ब्रह्मा के समान भी हो जाएगा।

श्लोक 49 (uttara.36.49)

प्रवीविवक्षोरिव सागरस्य लोकान्दिधक्षोरिव पावकस्य युगक्षये ह्येव यथान्तकस्य हनूमतः स्थास्यति कः पुरस्तात् ।। 36.49 ।।

pravīvivakṣoriva sāgarasya lokāndidhakṣoriva pāvakasya yugakṣaye hyeva yathāntakasya hanūmataḥ sthāsyati kaḥ purastāt || 36.49 ||

सीमाओं को लाँघने की इच्छा रखते सागर के समान, लोकों को भस्म करने की इच्छा रखती अग्नि के समान, अथवा युगान्त के कालस्वरूप यमराज के समान - हनुमान् के सम्मुख कौन ठहर सकता है?

श्लोक 50 (uttara.36.50)

एषेव चान्ये च महाकपीन्द्राः सुग्रीवमैन्दद्विविदाः सनीलाः । सतारतारेयनलाः सरम्भास्त्वत्कारणाद्राम सुरैर्हि सृष्टाः ।। 36.50 ।।

eṣeva cānye ca mahākapīndrāḥ sugrīvamaindadvividāḥ sanīlāḥ | satāratāreyanalāḥ sarambhāstvatkāraṇādrāma surairhi sṛṣṭāḥ || 36.50 ||

हे राम! यह हनुमान्, तथा अन्य महाकपीन्द्र - सुग्रीव, मैन्द, द्विविद, नील, तार, तारेय, नल, रम्भ आदि - सभी देवताओं द्वारा आपके ही निमित्त उत्पन्न किए गए थे।

श्लोक 51 (uttara.36.51)

तदेत्कथितं सर्वं यन्मां त्वं परिपृच्छसि । हनूमतो बालभावे कर्मैतत्कथितं मया ।। 36.51 ।।

tadetkathitaṃ sarvaṃ yanmāṃ tvaṃ paripṛcchasi | hanūmato bālabhāve karmaitatkathitaṃ mayā || 36.51 ||

इस प्रकार तुमने जो कुछ मुझसे पूछा था, वह सब मैंने कह दिया; मैंने हनुमान् के बाल्यकाल का यह वृत्तान्त सुना दिया।

श्लोक 52 (uttara.36.52)

श्रुत्वा ऽगस्त्यस्य कथितं रामः सौमित्रिरेव च । विस्मयं परमं जग्मुर्वानरा राक्षसैः सह ।। 36.52 ।।

śrutvā 'gastyasya kathitaṃ rāmaḥ saumitrireva ca | vismayaṃ paramaṃ jagmurvānarā rākṣasaiḥ saha || 36.52 ||

अगस्त्य के इस कथन को सुनकर राम, सौमित्रि (लक्ष्मण), तथा वानर एवं राक्षसगण सभी अत्यन्त विस्मित हो गए।

श्लोक 53 (uttara.36.53)

अगस्त्यस्त्वब्रवीद्रामं सर्वमेतछ्रुतं त्वया । दृष्टः सम्भाषितश्चासि राम गच्छामहे वयम् ।। 36.53 ।।

agastyastvabravīdrāmaṃ sarvametachrutaṃ tvayā | dṛṣṭaḥ sambhāṣitaścāsi rāma gacchāmahe vayam || 36.53 ||

तब अगस्त्य ने राम से कहा - "हे राम! यह सब तुमने सुन लिया। हमने तुम्हारे दर्शन किए और तुमसे वार्तालाप भी हुआ; अब हम प्रस्थान करते हैं।"

श्लोक 54 (uttara.36.54)

श्रुत्वैतद्राघवो वाक्यमगस्त्यस्योग्रतेजसः । प्राञ्जलिः प्रणतश्चापि महर्षिमिदमब्रवीत् ।। 36.54 ।।

śrutvaitadrāghavo vākyamagastyasyogratejasaḥ | prāñjaliḥ praṇataścāpi maharṣimidamabravīt || 36.54 ||

उग्र तेजस्वी अगस्त्य के इस वचन को सुनकर राघव ने हाथ जोड़कर, प्रणाम करते हुए, उस महर्षि से यह कहा।

श्लोक 55 (uttara.36.55)

अद्य मे देवता हृष्टाः पितरः प्रपितामहाः । युष्माकं दर्शनादेव नित्यं तुष्टाः सबान्धवाः ।। 36.55 ।।

adya me devatā hṛṣṭāḥ pitaraḥ prapitāmahāḥ | yuṣmākaṃ darśanādeva nityaṃ tuṣṭāḥ sabāndhavāḥ || 36.55 ||

"आपके दर्शनमात्र से आज मेरे देवता प्रसन्न हुए हैं, मेरे पितर और प्रपितामह अपने बान्धवों सहित सदा के लिए संतुष्ट हुए हैं।

श्लोक 56 (uttara.36.56)

विज्ञाप्यं तु ममैतद्धि यद्वदाम्यागतस्पृहः । तद्भवद्भिर्मम कृते कर्तव्यमनुकम्पया ।। 36.56 ।।

vijñāpyaṃ tu mamaitaddhi yadvadāmyāgataspṛhaḥ | tadbhavadbhirmama kṛte kartavyamanukampayā || 36.56 ||

यह मेरा निवेदन है, जिसे मैं इच्छापूर्वक कह रहा हूँ - आप कृपापूर्वक मेरे लिए इसे स्वीकार करें।

श्लोक 57 (uttara.36.57)

पौरजानपदान्स्थाप्य स्वकार्येष्वहमागतः । क्रतूनेव करिष्यामि प्रभावाद्भवतां सताम् ।। 36.57 ।।

paurajānapadānsthāpya svakāryeṣvahamāgataḥ | kratūneva kariṣyāmi prabhāvādbhavatāṃ satām || 36.57 ||

नगरवासियों और ग्रामवासियों को उनके कर्तव्यों में स्थापित करके अब मैं निश्चिन्त होकर आया हूँ; आप सत्पुरुषों की कृपा से मैं यज्ञों का अनुष्ठान करना चाहता हूँ।

श्लोक 58 (uttara.36.58)

सदस्या मम यज्ञेषु भवन्तो नित्यमेव तत् । भविष्यथ महावीर्या ममानुग्रहकाङ्क्षिणः ।। 36.58 ।।

sadasyā mama yajñeṣu bhavanto nityameva tat | bhaviṣyatha mahāvīryā mamānugrahakāṅkṣiṇaḥ || 36.58 ||

हे महावीर्यशाली ऋषिगण! मेरे कल्याण की कामना करते हुए आप सदैव मेरे यज्ञों में सदस्य (यज्ञाचार्य) बनें।

श्लोक 59 (uttara.36.59)

अहं युष्मान्समाश्रित्य तपोनिर्धूतकल्मषान् । अनुग्रहीतः पितृभिर्भविष्यामि सुनिर्वृतः ।। 36.59 ।।

ahaṃ yuṣmānsamāśritya taponirdhūtakalmaṣān | anugrahītaḥ pitṛbhirbhaviṣyāmi sunirvṛtaḥ || 36.59 ||

तपस्या से निष्पाप हुए आप लोगों की शरण लेकर मैं अपने पितरों द्वारा अनुगृहीत होकर परम सुखी हो जाऊँगा।

श्लोक 60 (uttara.36.60)

तदागन्तव्यमनिशं भवद्भिरिह सङ्गतैः । अगस्त्याद्यास्तु तच्छ्रुत्वा ऋषयः संशितव्रताः ।। 36.60 ।।

tadāgantavyamaniśaṃ bhavadbhiriha saṅgataiḥ | agastyādyāstu tacchrutvā ṛṣayaḥ saṃśitavratāḥ || 36.60 ||

अतः आप सब एकत्र होकर यहाँ सदैव आते रहें।" यह सुनकर अगस्त्य आदि दृढ़-व्रतधारी ऋषिगण...

श्लोक 61 (uttara.36.61)

एवमस्त्विति तं चोक्त्वा प्रयातुमुपचक्रमुः ।। 36.61 ।।

evamastviti taṃ coktvā prayātumupacakramuḥ || 36.61 ||

...उनसे "ऐसा ही होगा" कहकर प्रस्थान करने लगे।

श्लोक 62 (uttara.36.62)

एवमुक्त्वा गताः सर्वे ऋषयस्ते यथागतम् । राघवश्च तमेवार्थं चिन्तयामास विस्मितः ।। 36.62 ।।

evamuktvā gatāḥ sarve ṛṣayaste yathāgatam | rāghavaśca tamevārthaṃ cintayāmāsa vismitaḥ || 36.62 ||

इस प्रकार कहकर वे समस्त ऋषिगण जैसे आए थे वैसे ही लौट गए; और राघव विस्मित होकर उसी विषय का चिन्तन करने लगे।

श्लोक 63 (uttara.36.63)

ततो ऽस्तं भास्करे याते विसृज्य नृपवानरान् । सन्ध्यामुपास्य विधिवत्तदा नरवरोत्तमः । प्रवृत्तायां रजन्यां तु सो ऽन्तःपुरचरो ऽभवत् ।। 36.63 ।।

tato 'staṃ bhāskare yāte visṛjya nṛpavānarān | sandhyāmupāsya vidhivattadā naravarottamaḥ | pravṛttāyāṃ rajanyāṃ tu so 'ntaḥpuracaro 'bhavat || 36.63 ||

तत्पश्चात् सूर्यास्त होने पर, राजाओं और वानरों को विदा देकर, विधिपूर्वक संध्योपासना करके, वे नरश्रेष्ठ राम रात्रि होने पर अपने अन्तःपुर में चले गए।