पुष्पक की वापसी और रामराज्य

श्लोक 1 (uttara.41.1)

विसृज्य च महाबाहुर्ऋक्षवानरराक्षसान् । भ्रातृभिः सहितो रामः प्रमुमोद सुखं सुखी ।। 41.1 ।।

visṛjya ca mahābāhurṛkṣavānararākṣasān | bhrātṛbhiḥ sahito rāmaḥ pramumoda sukhaṃ sukhī || 41.1 ||

भालू, वानर और राक्षसों को विदा करके, महाबाहु राम अपने भाइयों के साथ, स्वयं सुखी होकर, सुखपूर्वक आनन्दित हुए।

श्लोक 2 (uttara.41.2)

अथापराह्णसमये भ्रातृभिः सह राघवः । शुश्राव मधुरां वाणीमन्तरिक्षात् प्रभाषिताम् ।। 41.2 ।।

athāparāhṇasamaye bhrātṛbhiḥ saha rāghavaḥ | śuśrāva madhurāṃ vāṇīmantarikṣāt prabhāṣitām || 41.2 ||

तत्पश्चात् एक दिन अपराह्न के समय, राघव ने अपने भाइयों के साथ आकाश से बोली गई एक मधुर वाणी सुनी।

श्लोक 3 (uttara.41.3)

सौम्य राम निरीक्षस्व सौम्येन वदनेन माम् । कुबेरभवनात्प्राप्तं विद्धि मां पुष्पकं प्रभो ।। 41.3 ।।

saumya rāma nirīkṣasva saumyena vadanena mām | kuberabhavanātprāptaṃ viddhi māṃ puṣpakaṃ prabho || 41.3 ||

"हे सौम्य राम! मुझे सौम्य मुख से देखिए; हे प्रभो! मुझे कुबेर के भवन से आया हुआ पुष्पक जानिए।

श्लोक 4 (uttara.41.4)

तव शासनमाज्ञाय गतो ऽस्मि भवनं प्रति । उपस्थातुं नरश्रेष्ठ स च मां प्रत्यभाषत ।। 41.4 ।।

tava śāsanamājñāya gato 'smi bhavanaṃ prati | upasthātuṃ naraśreṣṭha sa ca māṃ pratyabhāṣata || 41.4 ||

हे नरश्रेष्ठ! आपकी आज्ञा जानकर मैं उनकी सेवा में उपस्थित होने के लिए उनके भवन को गया था, और उन्होंने मुझसे यह कहा -

श्लोक 5 (uttara.41.5)

निर्जितस्त्वं नरेन्द्रेण राघवेण महात्मना । निहत्य युधि दुर्धर्षं रावणं राक्षसेश्वरम् ।। 41.5 ।।

nirjitastvaṃ narendreṇa rāghaveṇa mahātmanā | nihatya yudhi durdharṣaṃ rāvaṇaṃ rākṣaseśvaram || 41.5 ||

'तुम महात्मा नरेन्द्र राघव के द्वारा जीत लिए गए हो, जिन्होंने युद्ध में दुर्धर्ष राक्षसराज रावण का वध किया है।

श्लोक 6 (uttara.41.6)

ममापि परमा प्रीतर्हते तस्मिन्दुरात्मनि । रावणे सगणे चैव सपुत्रे सहबान्धवे ।। 41.6 ।।

mamāpi paramā prītarhate tasmindurātmani | rāvaṇe sagaṇe caiva saputre sahabāndhave || 41.6 ||

मुझे भी उस दुरात्मा रावण के, अपने गण, पुत्रों और बन्धुओं सहित, नष्ट हो जाने से परम प्रसन्नता हुई है।

श्लोक 7 (uttara.41.7)

स त्वं रामेण लङ्कायां निर्जितः परमात्मना । वह सौम्य तमेव त्वमहमाज्ञापयामि ते ।। 41.7 ।।

sa tvaṃ rāmeṇa laṅkāyāṃ nirjitaḥ paramātmanā | vaha saumya tameva tvamahamājñāpayāmi te || 41.7 ||

हे सौम्य! तुम लंका में उस परमात्मा राम के द्वारा जीते जा चुके हो; इसलिए अब तुम उन्हीं को धारण करो (उन्हीं की सवारी बनो) - मैं तुम्हें यही आज्ञा देता हूँ।

श्लोक 8 (uttara.41.8)

परमो ह्येष मे कामो यत्त्वं राघवनन्दनम् । वहेर्लोकस्य संयानं गच्छस्व विगतज्वरः ।। 41.8 ।।

paramo hyeṣa me kāmo yattvaṃ rāghavanandanam | vaherlokasya saṃyānaṃ gacchasva vigatajvaraḥ || 41.8 ||

मेरी यह परम इच्छा है कि तुम राघवनन्दन को धारण करो, जो संसार के लिए वांछित वाहन हैं; अब निश्चिन्त होकर जाओ।'

श्लोक 9 (uttara.41.9)

सो ऽहं शासनमाज्ञाय धनदस्य महात्मनः । त्वत्सकाशमनुप्राप्तो निर्विशङ्कः प्रतीक्ष माम् ।। 41.9 ।।

so 'haṃ śāsanamājñāya dhanadasya mahātmanaḥ | tvatsakāśamanuprāpto nirviśaṅkaḥ pratīkṣa mām || 41.9 ||

"इस प्रकार मैं महात्मा धनद (कुबेर) की आज्ञा जानकर पुनः तुम्हारे पास आ पहुँचा हूँ; तुम निःशंक होकर मेरी प्रतीक्षा करो।

श्लोक 10 (uttara.41.10)

अदृष्यः सर्वभूतानां सर्वेषां धनदाज्ञया । चराम्यहं प्रभावेण तवाज्ञां परिपालयन् ।। 41.10 ।।

adṛṣyaḥ sarvabhūtānāṃ sarveṣāṃ dhanadājñayā | carāmyahaṃ prabhāveṇa tavājñāṃ paripālayan || 41.10 ||

धनद की आज्ञा से मैं समस्त प्राणियों के लिए अदृश्य होकर, अपने प्रभाव से, तुम्हारी आज्ञा का पालन करते हुए विचरण करता हूँ।"

श्लोक 11 (uttara.41.11)

एवमुक्तस्तदा रामः पुष्पकेण महाबलः । उवाच पुष्पकं दृष्ट्वा विमानं पुनरागतम् ।। 41.11 ।।

evamuktastadā rāmaḥ puṣpakeṇa mahābalaḥ | uvāca puṣpakaṃ dṛṣṭvā vimānaṃ punarāgatam || 41.11 ||

पुष्पक द्वारा इस प्रकार कहे जाने पर, महाबली राम ने उस विमान को पुनः लौटा हुआ देखकर पुष्पक से यह कहा।

श्लोक 12 (uttara.41.12)

यद्येवं स्वागतं ते ऽस्तु विमानवर पुष्पक । आनुकूल्याद्धनेशस्य वृत्तदोषो न नो भवेत् ।। 41.12 ।।

yadyevaṃ svāgataṃ te 'stu vimānavara puṣpaka | ānukūlyāddhaneśasya vṛttadoṣo na no bhavet || 41.12 ||

"यदि ऐसा है, तो हे श्रेष्ठ विमान पुष्पक! तुम्हारा स्वागत है; धनेश (कुबेर) की अनुकूलता से हमारे आचरण में कोई दोष न हो।

श्लोक 13 (uttara.41.13)

लाजैश्चैव तथा पुष्पैर्धूपैश्चैव सुगन्धिभिः । पूजयित्वा महाबाहू राघवः पुष्पकं तदा ।। 41.13 ।।

lājaiścaiva tathā puṣpairdhūpaiścaiva sugandhibhiḥ | pūjayitvā mahābāhū rāghavaḥ puṣpakaṃ tadā || 41.13 ||

तब महाबाहु राघव ने लाजा (भुने हुए धान), फूलों तथा सुगन्धित धूप से पुष्पक की पूजा करके,

श्लोक 14 (uttara.41.14)

गम्यतामिति चोवाच आगच्छ त्वं स्मरे यदा । सिद्धानां च गतौ सौम्य मा विषादेन योजय । प्रतिघातश्च ते मा भूद्यथेष्टं गच्छतो दिशः ।। 41.14 ।।

gamyatāmiti covāca āgaccha tvaṃ smare yadā | siddhānāṃ ca gatau saumya mā viṣādena yojaya | pratighātaśca te mā bhūdyatheṣṭaṃ gacchato diśaḥ || 41.14 ||

कहा, "अब तुम जा सकते हो; जब मैं तुम्हारा स्मरण करूँ, तब आ जाना। हे सौम्य! सिद्धों के आवागमन में विषाद से मत जुड़ना, और जिस दिशा में तुम इच्छानुसार जाओ, वहाँ तुम्हें कोई प्रतिघात न हो।"

श्लोक 15 (uttara.41.15)

एवमस्त्विति रामेण पूजयित्वा विसर्जितम् । अभिप्रेतां दिशं तस्मात्प्रायात्तत्पुष्पकं तदा ।। 41.15 ।।

evamastviti rāmeṇa pūjayitvā visarjitam | abhipretāṃ diśaṃ tasmātprāyāttatpuṣpakaṃ tadā || 41.15 ||

इस प्रकार "ऐसा ही हो" कहकर राम द्वारा पूजित होकर विदा किया गया, वह पुष्पक तब अपनी अभीष्ट दिशा में चला गया।

श्लोक 16 (uttara.41.16)

एवमन्तर्हिते तस्मिन्पुष्पके सुकृतात्मनि । भरतः प्राञ्जलिर्वाक्यमुवाच रघुनन्दनम् ।। 41.16 ।।

evamantarhite tasminpuṣpake sukṛtātmani | bharataḥ prāñjalirvākyamuvāca raghunandanam || 41.16 ||

उस पुण्यात्मा पुष्पक के इस प्रकार अन्तर्धान हो जाने पर, भरत ने हाथ जोड़कर रघुनन्दन से यह वचन कहा।

श्लोक 17 (uttara.41.17)

विविधात्मनि दृश्यन्ते त्वयि वीर प्रशासति । अमानुषाणां सत्त्वानां व्याहृतानि मुहुर्मुहुः ।। 41.17 ।।

vividhātmani dṛśyante tvayi vīra praśāsati | amānuṣāṇāṃ sattvānāṃ vyāhṛtāni muhurmuhuḥ || 41.17 ||

"हे वीर! आपके शासन करते हुए विविध प्रकार के अद्भुत चिह्न दिखाई देते हैं; अमानुष प्राणियों की वाणियाँ भी बार-बार सुनी जाती हैं।

श्लोक 18 (uttara.41.18)

अनामयश्च सत्वानां साग्रो मासो गतो ह्ययम् । जीर्णानामपि सत्त्वानां मृत्युर्नायाति राघव ।। 41.18 ।।

anāmayaśca satvānāṃ sāgro māso gato hyayam | jīrṇānāmapi sattvānāṃ mṛtyurnāyāti rāghava || 41.18 ||

सभी प्राणी नीरोग हैं, ऐसे इस महीने से भी अधिक समय बीत गया है; हे राघव! वृद्ध हो चुके प्राणियों को भी मृत्यु नहीं आती।

श्लोक 19 (uttara.41.19)

अरोगप्रसवा नार्यो वपुष्मन्तो हि मानवाः । हर्षश्चाभ्यधिको राजञ्जनस्य पुरवासिनः ।। 41.19 ।।

arogaprasavā nāryo vapuṣmanto hi mānavāḥ | harṣaścābhyadhiko rājañjanasya puravāsinaḥ || 41.19 ||

स्त्रियाँ बिना किसी रोग के प्रसव करती हैं, और मनुष्य बलिष्ठ शरीर वाले हैं; हे राजन्! नगरवासी प्रजा का हर्ष अत्यधिक बढ़ गया है।

श्लोक 20 (uttara.41.20)

काले वर्षति पर्जन्यः पातयन्नमृतं पयः । वाताश्चापि प्रवान्त्येते स्पर्शयुक्ताः सुखाः शिवाः ।। 41.20 ।।

kāle varṣati parjanyaḥ pātayannamṛtaṃ payaḥ | vātāścāpi pravāntyete sparśayuktāḥ sukhāḥ śivāḥ || 41.20 ||

मेघ समय पर बरसता है, अमृत के समान जल गिराते हुए; और ये वायुएँ भी सुखद स्पर्श वाली, सुखदायक तथा शुभ बहती हैं।

श्लोक 21 (uttara.41.21)

ईदृशो ऽनश्वरो राजा भवेदिति नरेश्वरः । कथयन्ति पुरे राजन्पौरजानपदास्तथा ।। 41.21 ।।

īdṛśo 'naśvaro rājā bhavediti nareśvaraḥ | kathayanti pure rājanpaurajānapadāstathā || 41.21 ||

'ऐसा ही अविनाशी राजा हमारा सदा बना रहे' - हे राजन्! नगर में नगरवासी तथा जनपदवासी इसी प्रकार कहते हैं।"

श्लोक 22 (uttara.41.22)

एता वाचः सुमधुरा भरतेन समीरिताः । श्रुत्वा रामो मुदा युक्तो बभूव नृपसत्तमः ।। 41.22 ।।

etā vācaḥ sumadhurā bharatena samīritāḥ | śrutvā rāmo mudā yukto babhūva nṛpasattamaḥ || 41.22 ||

भरत के द्वारा कहे गए इन अत्यन्त मधुर वचनों को सुनकर, राजाओं में श्रेष्ठ राम अत्यन्त हर्ष से युक्त हो गए।