अशोक वाटिका में सीता की अभिलाषा

श्लोक 1 (uttara.42.1)

स विसृज्य ततो रामः पुष्पकं हेमभूषितम् । प्रविवेश महाबाहुरशोकवनिकां तदा ।। 42.1 ।।

sa visṛjya tato rāmaḥ puṣpakaṃ hemabhūṣitam | praviveśa mahābāhuraśokavanikāṃ tadā || 42.1 ||

तत्पश्चात् स्वर्णभूषित पुष्पक को विदा करके, महाबाहु राम ने तब अशोक वाटिका में प्रवेश किया।

श्लोक 2 (uttara.42.2)

चन्दनागुरुचूतैश्च तुङ्गकालेयकैरपि । देवदारुवनैश्चापि समन्तादुपशोभिताम् ।। 42.2 ।।

candanāgurucūtaiśca tuṅgakāleyakairapi | devadāruvanaiścāpi samantādupaśobhitām || 42.2 ||

वह वाटिका चन्दन, अगर और आम के वृक्षों से, ऊँचे कालेयक (अगर) वृक्षों से, तथा देवदारु के वनों से भी चारों ओर सुशोभित थी,

श्लोक 3 (uttara.42.3)

चम्पकाशोकपुन्नागमधूकपनसासनैः । शोभितां पारिजातैश्च विधूमज्वलनप्रभैः ।। 42.3 ।।

campakāśokapunnāgamadhūkapanasāsanaiḥ | śobhitāṃ pārijātaiśca vidhūmajvalanaprabhaiḥ || 42.3 ||

चम्पा, अशोक, पुन्नाग, महुआ, कटहल और असन के वृक्षों से, तथा धूमरहित अग्नि के समान चमकते पारिजात वृक्षों से भी सुशोभित थी,

श्लोक 4 (uttara.42.4)

लोध्रनीपार्जुनैर्नागैः सप्तपर्णातिमुक्तकैः । मन्दारकदलीगुल्मलताजालसमावृताम् ।। 42.4 ।।

lodhranīpārjunairnāgaiḥ saptaparṇātimuktakaiḥ | mandārakadalīgulmalatājālasamāvṛtām || 42.4 ||

लोध्र, कदम्ब, अर्जुन, नागकेसर, सप्तपर्ण और अतिमुक्तक वृक्षों से घिरी हुई, तथा मन्दार, केले के झुरमुट और लताओं के जाल से आवृत थी,

श्लोक 5 (uttara.42.5)

प्रियङ्गुभिः कदम्बैश्च तथा च वकुलैरपि । जम्बूभिर्दाडिमैश्चैव कोविदारैश्च शोभिताम् ।। 42.5 ।।

priyaṅgubhiḥ kadambaiśca tathā ca vakulairapi | jambūbhirdāḍimaiścaiva kovidāraiśca śobhitām || 42.5 ||

प्रियंगु और कदम्ब के वृक्षों से, तथा बकुल के वृक्षों से भी, और जामुन, अनार तथा कोविदार के वृक्षों से भी सुशोभित थी,

श्लोक 6 (uttara.42.6)

सर्वदा कुसुमै रम्यैः फलवद्भिर्मनोरमैः । दिव्यगन्धरसोपेतैस्तरुणाङ्कुरपल्लवैः ।। 42.6 ।।

sarvadā kusumai ramyaiḥ phalavadbhirmanoramaiḥ | divyagandharasopetaistaruṇāṅkurapallavaiḥ || 42.6 ||

जो सर्वदा सुन्दर पुष्पों से, मनोरम फलों से, तथा दिव्य सुगन्ध और रस से युक्त कोमल अंकुरों और पल्लवों से सुशोभित रहते थे,

श्लोक 7 (uttara.42.7)

तथैव तरुभिर्दिव्यैः शिल्पिभिः परिकल्पितैः । चारुपल्लवपुष्पाढ्यैर्मत्तभ्रमरसङ्कुलैः ।। 42.7 ।।

tathaiva tarubhirdivyaiḥ śilpibhiḥ parikalpitaiḥ | cārupallavapuṣpāḍhyairmattabhramarasaṅkulaiḥ || 42.7 ||

और वैसे ही शिल्पियों द्वारा रचे गए दिव्य वृक्षों से, जो सुन्दर पल्लवों और पुष्पों से समृद्ध तथा मतवाले भ्रमरों से भरे हुए थे,

श्लोक 8 (uttara.42.8)

कोकिलैर्भृङ्गराजैश्च नानावर्णैश्च पक्षिभिः । शोभितां शतशश्चित्रां चूतवृक्षावतंसकैः ।। 42.8 ।।

kokilairbhṛṅgarājaiśca nānāvarṇaiśca pakṣibhiḥ | śobhitāṃ śataśaścitrāṃ cūtavṛkṣāvataṃsakaiḥ || 42.8 ||

जो कोकिलों, भृंगराजों तथा नाना रंगों के पक्षियों से सुशोभित थी; सैकड़ों आम के वृक्ष मानो उसके कर्णफूल हों, ऐसी वह अद्भुत विचित्रता से युक्त थी,

श्लोक 9 (uttara.42.9)

शातकुम्भनिभाः केचित्केचिदग्निशिखोपमाः । नीलाञ्जननिभाश्चान्ये भान्ति तत्रत्यपादपाः ।। 42.9 ।।

śātakumbhanibhāḥ kecitkecidagniśikhopamāḥ | nīlāñjananibhāścānye bhānti tatratyapādapāḥ || 42.9 ||

वहाँ के वृक्ष कोई स्वर्ण के समान, कोई अग्निशिखा के समान, तो कोई नीले अंजन के समान चमकते थे।

श्लोक 10 (uttara.42.10)

सुरभीणि च पुष्पाणि माल्यानि विविधानि च । दीर्घिका विविधाकाराः पूर्णाः परमवारिणा ।। 42.10 ।।

surabhīṇi ca puṣpāṇi mālyāni vividhāni ca | dīrghikā vividhākārāḥ pūrṇāḥ paramavāriṇā || 42.10 ||

वहाँ सुगन्धित पुष्प और विविध प्रकार की मालाएँ थीं; अनेक आकार वाली बावलियाँ उत्तम जल से परिपूर्ण थीं,

श्लोक 11 (uttara.42.11)

माणिक्यकृतसोपानाः स्फाटिकान्तरकुट्टिमाः । फुल्लपद्मोत्पलवनाश्चक्रवाकोपशोभिताः ।। 42.11 ।।

māṇikyakṛtasopānāḥ sphāṭikāntarakuṭṭimāḥ | phullapadmotpalavanāścakravākopaśobhitāḥ || 42.11 ||

जिनकी सीढ़ियाँ माणिक्य की बनी थीं, जिनके भीतरी फर्श स्फटिक से जड़े थे, और जिनमें खिले हुए कमल और उत्पल के वन चक्रवाक पक्षियों से सुशोभित थे,

श्लोक 12 (uttara.42.12)

दात्यूहशुकसङ्घुष्टा हंससारसनादिताः । तरुभिः पुष्पवद्भिश्च तीरजैरुपशोभिताः ।। 42.12 ।।

dātyūhaśukasaṅghuṣṭā haṃsasārasanāditāḥ | tarubhiḥ puṣpavadbhiśca tīrajairupaśobhitāḥ || 42.12 ||

जो दात्यूह पक्षियों और तोतों की ध्वनि से गूँजती, हंसों और सारसों के स्वर से गुंजायमान, तथा किनारे पर उगे फूलों वाले वृक्षों से सुशोभित थीं।

श्लोक 13 (uttara.42.13)

प्राकारैर्विविधाकारैः शोभिताश्च शिलातलैः । तत्रैव च वनोद्देशे वैडूर्यमणिसन्निभैः ।। 42.13 ।।

prākārairvividhākāraiḥ śobhitāśca śilātalaiḥ | tatraiva ca vanoddeśe vaiḍūryamaṇisannibhaiḥ || 42.13 ||

वे विविध आकार वाली दीवारों तथा शिलातलों से भी सुशोभित थीं; और उस वन-प्रदेश में ही, वैडूर्यमणि के समान,

श्लोक 14 (uttara.42.14)

शाद्वलैः परमोपेतां पुष्पितद्रुमकाननाम् । तत्र सङ्घर्षजातानां वृक्षाणां पुष्पशालिनाम् ।। 42.14 ।।

śādvalaiḥ paramopetāṃ puṣpitadrumakānanām | tatra saṅgharṣajātānāṃ vṛkṣāṇāṃ puṣpaśālinām || 42.14 ||

वह वाटिका उत्तम हरी दूब से युक्त थी, उसके वन खिले हुए वृक्षों से भरे थे; वहाँ घनी सटी हुई, पुष्पों से शोभित उन वृक्षों के बीच,

श्लोक 15 (uttara.42.15)

प्रस्तराः पुष्पशबला नभस्तारागणैरिव । नन्दनं हि यथेन्द्रस्य ब्राह्मं चैत्ररथं यथा । तथाभूतं हि रामस्य काननं सन्निवेशनम् ।। 42.15 ।।

prastarāḥ puṣpaśabalā nabhastārāgaṇairiva | nandanaṃ hi yathendrasya brāhmaṃ caitrarathaṃ yathā | tathābhūtaṃ hi rāmasya kānanaṃ sanniveśanam || 42.15 ||

वहाँ की शिलाएँ बिखरे हुए फूलों से उसी प्रकार चित्रित थीं जैसे आकाश तारागण से; जैसे इन्द्र का नन्दनवन हो, या ब्रह्मा का चैत्ररथ हो, वैसा ही राम का वह उपवन बना हुआ था।

श्लोक 16 (uttara.42.16)

बह्वासनगृहोपेतां लतागृहसमावृताम् । अशोकवनिकां स्फीतां प्रविश्य रघुनन्दनः ।। 42.16 ।।

bahvāsanagṛhopetāṃ latāgṛhasamāvṛtām | aśokavanikāṃ sphītāṃ praviśya raghunandanaḥ || 42.16 ||

बहुत से बैठने के मण्डपों से युक्त, लता-मण्डपों से घिरी हुई, उस समृद्ध अशोक वाटिका में प्रवेश करके, रघुनन्दन ने,

श्लोक 17 (uttara.42.17)

आसने च शुभाकारे पुष्पप्रकरभूषिते । कुशास्तरणसंस्तीर्णे रामः सन्निषसाद ह ।। 42.17 ।।

āsane ca śubhākāre puṣpaprakarabhūṣite | kuśāstaraṇasaṃstīrṇe rāmaḥ sanniṣasāda ha || 42.17 ||

राम एक सुन्दर आसन पर बैठ गए, जो फूलों के ढेर से सुशोभित और कुश के आस्तरण से बिछा हुआ था।

श्लोक 18 (uttara.42.18)

सीतामादायं हस्तेन मधुमैरेयकं शुचि । पाययामास काकुत्स्थः शचीमिव पुरन्दरः ।। 42.18 ।।

sītāmādāyaṃ hastena madhumaireyakaṃ śuci | pāyayāmāsa kākutsthaḥ śacīmiva purandaraḥ || 42.18 ||

सीता को हाथ से पकड़कर, काकुत्स्थ ने उन्हें शुद्ध मधुमय मैरेयक (मदिरा) पिलाई, जैसे पुरन्दर (इन्द्र) शची को पिलाते हैं।

श्लोक 19 (uttara.42.19)

मांसानि च समृष्टानि फलानि विविधानि च । रामस्याभ्यवहारार्थं किङ्करास्तूर्णमाहरन् ।। 42.19 ।।

māṃsāni ca samṛṣṭāni phalāni vividhāni ca | rāmasyābhyavahārārthaṃ kiṅkarāstūrṇamāharan || 42.19 ||

राम के आस्वादन के लिए सेवक शीघ्रता से उत्तम मांस तथा विविध प्रकार के फल ले आए।

श्लोक 20 (uttara.42.20)

उपानृत्यंश्च राजानं नृत्यगीतविशारदाः । बालाश्च रूपवत्यश्च स्त्रियः पानवशानुगाः ।। 42.20 ।।

upānṛtyaṃśca rājānaṃ nṛtyagītaviśāradāḥ | bālāśca rūpavatyaśca striyaḥ pānavaśānugāḥ || 42.20 ||

नृत्य-गीत में निपुण, सुन्दर तथा मदिरापान से मुग्ध युवतियाँ राजा के समक्ष नृत्य करने लगीं।

श्लोक 21 (uttara.42.21)

मनोभिरामा रामास्ता रामो रमयतां वरः । रमयामास धर्मात्मा नित्यं परमभूषितः ।। 42.21 ।।

manobhirāmā rāmāstā rāmo ramayatāṃ varaḥ | ramayāmāsa dharmātmā nityaṃ paramabhūṣitaḥ || 42.21 ||

मन को मोहित करने वाली उन सुन्दर रमणियों के साथ, आनन्द देने वालों में श्रेष्ठ, धर्मात्मा राम, सदा उत्तम आभूषणों से सुसज्जित होकर, आनन्द मनाते रहे।

श्लोक 22 (uttara.42.22)

स तया सीतया सार्धमासीनो विरराज ह । अरुन्धत्या सहासीनो वसिष्ठ इव तेजसा ।। 42.22 ।।

sa tayā sītayā sārdhamāsīno virarāja ha | arundhatyā sahāsīno vasiṣṭha iva tejasā || 42.22 ||

सीता के साथ बैठे हुए वे उसी प्रकार तेज से सुशोभित होते थे, जैसे अरुन्धती के साथ बैठे वसिष्ठ।

श्लोक 23 (uttara.42.23)

एवं रामो मुदा युक्तः सीतां सुरसुतोपमाम् । रमयामास वैदेहीमहन्यहनि देववत् ।। 42.23 ।।

evaṃ rāmo mudā yuktaḥ sītāṃ surasutopamām | ramayāmāsa vaidehīmahanyahani devavat || 42.23 ||

इस प्रकार हर्षयुक्त राम, देवकन्या के समान सीता वैदेही को, दिन-प्रतिदिन देवताओं के समान आनन्दित करते रहे।

श्लोक 24 (uttara.42.24)

तथा तयोर्विहरतोः सीताराघवयोश्चिरम् । अत्यक्रामच्छुभः कालः शैशिरो भोगदः सदा ।। 42.24 ।।

tathā tayorviharatoḥ sītārāghavayościram | atyakrāmacchubhaḥ kālaḥ śaiśiro bhogadaḥ sadā || 42.24 ||

इस प्रकार सीता और राघव के दीर्घकाल तक विहार करते रहने पर, सुखदायक तथा सदा भोगप्रद शिशिर ऋतु व्यतीत हो गई।

श्लोक 25 (uttara.42.25)

दशवर्षसहस्राणि गतानि सुमहात्मनोः । प्राप्तयोर्विविधान्भोगानतीतः शिशिरागमः ।। 42.25 ।।

daśavarṣasahasrāṇi gatāni sumahātmanoḥ | prāptayorvividhānbhogānatītaḥ śiśirāgamaḥ || 42.25 ||

उन दोनों महात्माओं के, विविध भोगों को प्राप्त करते हुए, दस हज़ार वर्ष बीत गए, और शिशिर ऋतु का आगमन भी व्यतीत हो गया।

श्लोक 26 (uttara.42.26)

पूर्वाह्णे धर्मकार्याणि कृत्वा धर्मेण धर्मवित् । शेषं दिवसभागार्धमन्तःपुरगतो ऽभवत् ।। 42.26 ।।

pūrvāhṇe dharmakāryāṇi kṛtvā dharmeṇa dharmavit | śeṣaṃ divasabhāgārdhamantaḥpuragato 'bhavat || 42.26 ||

धर्मज्ञ राम पूर्वाह्न में धर्मपूर्वक अपने धर्म-कार्यों को सम्पन्न करके, दिन के शेष आधे भाग में अन्तःपुर में चले जाते थे।

श्लोक 27 (uttara.42.27)

सीतापि देवकार्याणि कृत्वा पौर्वाह्णिकानि वै । श्वश्रूणामकरोत्पूजां सर्वासामविशेषतः ।। 42.27 ।।

sītāpi devakāryāṇi kṛtvā paurvāhṇikāni vai | śvaśrūṇāmakarotpūjāṃ sarvāsāmaviśeṣataḥ || 42.27 ||

सीता भी अपने पूर्वाह्न के देव-कार्यों को सम्पन्न करके, अपनी सभी सासों की समान रूप से पूजा-वन्दना करती थीं।

श्लोक 28 (uttara.42.28)

अभ्यगच्छत्ततो रामं विचित्राभरणाम्बरा । त्रिविष्टपे सहस्राक्षमुपविष्टं यथा शची ।। 42.28 ।।

abhyagacchattato rāmaṃ vicitrābharaṇāmbarā | triviṣṭape sahasrākṣamupaviṣṭaṃ yathā śacī || 42.28 ||

तत्पश्चात् विचित्र आभूषणों और वस्त्रों से सुसज्जित होकर वे राम के पास आतीं, जैसे स्वर्ग में बैठे सहस्राक्ष (इन्द्र) के पास शची आती हैं।

श्लोक 29 (uttara.42.29)

दृष्ट्वा तु राघवः पत्नीं कल्याणेन समन्विताम् । प्रहर्षमतुलं लेभे साधु साध्विति चाब्रवीत् ।। 42.29 ।।

dṛṣṭvā tu rāghavaḥ patnīṃ kalyāṇena samanvitām | praharṣamatulaṃ lebhe sādhu sādhviti cābravīt || 42.29 ||

अपनी उस पत्नी को कल्याणकारी लक्षण से युक्त देखकर, राघव को अत्यन्त हर्ष हुआ, और वे "साधु-साधु" कहने लगे।

श्लोक 30 (uttara.42.30)

अब्रवीच्च वरारोहां सीतां सुरसुतोपमाम् । अपत्यलाभो वैदेहि त्वयि मे समुपस्थितः ।। 42.30 ।।

abravīcca varārohāṃ sītāṃ surasutopamām | apatyalābho vaidehi tvayi me samupasthitaḥ || 42.30 ||

और सुरकन्या के समान सुन्दर सीता से उन्होंने कहा, "हे वैदेहि! मुझे तुम्हारे द्वारा सन्तान-प्राप्ति की सूचना प्राप्त हुई है।

श्लोक 31 (uttara.42.31)

किमिच्छसि वरारोहे कामः किं क्रियतां तव ।। 42.31 ।।

kimicchasi varārohe kāmaḥ kiṃ kriyatāṃ tava || 42.31 ||

हे वरारोहे! तुम क्या चाहती हो? तुम्हारी कौन-सी अभिलाषा पूर्ण की जाए?"

श्लोक 32 (uttara.42.32)

स्मितं कृत्वा तु वैदेही रामं वाक्यमथाब्रवीत् । तपोवनानि पुण्यानि द्रष्टुमिच्छामि राघव ।। 42.32 ।।

smitaṃ kṛtvā tu vaidehī rāmaṃ vākyamathābravīt | tapovanāni puṇyāni draṣṭumicchāmi rāghava || 42.32 ||

मुस्कुराकर वैदेही ने तब राम से यह कहा, "हे राघव! मैं पवित्र तपोवनों को देखना चाहती हूँ।

श्लोक 33 (uttara.42.33)

गङ्गातीरोपविष्टानामृषीणामुग्रतेजसाम् । फलमूलाशिनां देव पादमूलेषु वर्तितुम् ।। 42.33 ।।

gaṅgātīropaviṣṭānāmṛṣīṇāmugratejasām | phalamūlāśināṃ deva pādamūleṣu vartitum || 42.33 ||

हे देव! गंगा के तट पर बसने वाले, उग्र तेजस्वी, फल-मूल खाने वाले ऋषियों के चरणों में रहने की इच्छा है।

श्लोक 34 (uttara.42.34)

एष मे परमः कामो यन्मूलफलभोजिनाम् । अप्येकरात्रं काकुत्स्थ निवसेयं तपोवने ।। 42.34 ।।

eṣa me paramaḥ kāmo yanmūlaphalabhojinām | apyekarātraṃ kākutstha nivaseyaṃ tapovane || 42.34 ||

हे काकुत्स्थ! मेरी यह परम अभिलाषा है कि मैं फल-मूल खाने वाले उन तपस्वियों के तपोवन में एक रात्रि के लिए भी निवास करूँ।"

श्लोक 35 (uttara.42.35)

तथेति च प्रतिज्ञातं रामेणाक्लिष्टकर्मणा । विस्रब्धा भव वैदेहि श्वो गमिष्यस्यसंशयम् ।। 42.35 ।।

tatheti ca pratijñātaṃ rāmeṇākliṣṭakarmaṇā | visrabdhā bhava vaidehi śvo gamiṣyasyasaṃśayam || 42.35 ||

अक्लिष्टकर्मा राम ने "ऐसा ही होगा" कहकर प्रतिज्ञा की, "हे वैदेहि! निश्चिन्त हो जाओ; कल तुम निःसंदेह वहाँ जाओगी।"

श्लोक 36 (uttara.42.36)

एवमुक्त्वा तु काकुत्स्थो मैथिलीं जनकात्मजाम् । मध्यकक्षान्तरं रामो निर्जगाम सुहृद्वृतः ।। 42.36 ।।

evamuktvā tu kākutstho maithilīṃ janakātmajām | madhyakakṣāntaraṃ rāmo nirjagāma suhṛdvṛtaḥ || 42.36 ||

जनक-पुत्री मैथिली से यह कहकर, काकुत्स्थ राम अपने सुहृदों से घिरे हुए मध्यकक्ष (सभा-भवन) की ओर चले गए।