पुरवासियों की निन्दा

श्लोक 1 (uttara.43.1)

तत्रोपविष्टं राजानमुपासन्ते विचक्षणाः । कथानां बहुरूपाणां हास्यकाराः समन्ततः ।। 43.1 ।।

tatropaviṣṭaṃ rājānamupāsante vicakṣaṇāḥ | kathānāṃ bahurūpāṇāṃ hāsyakārāḥ samantataḥ || 43.1 ||

वहाँ बैठे हुए राजा की सेवा में, नाना प्रकार की कथाओं में निपुण, बुद्धिमान हास्यकार चारों ओर उपस्थित रहते थे।

श्लोक 2 (uttara.43.2)

विजयो मधुमत्तश्च काश्यपो मङ्गलः कुटः । सुराजः कालियो भद्रो दन्तवक्रः सुमागधः ।। 43.2 ।।

vijayo madhumattaśca kāśyapo maṅgalaḥ kuṭaḥ | surājaḥ kāliyo bhadro dantavakraḥ sumāgadhaḥ || 43.2 ||

विजय, मधुमत्त, काश्यप, मंगल, कुट, सुराज, कालिय, भद्र, दन्तवक्र और सुमागध -

श्लोक 3 (uttara.43.3)

एते कथा बहुविधाः परिहाससमन्विताः । कथयन्ति स्म संहृष्टा राघवस्य महात्मनः ।। 43.3 ।।

ete kathā bahuvidhāḥ parihāsasamanvitāḥ | kathayanti sma saṃhṛṣṭā rāghavasya mahātmanaḥ || 43.3 ||

ये सब प्रसन्नतापूर्वक महात्मा राघव को परिहासयुक्त नाना प्रकार की कथाएँ सुनाया करते थे।

श्लोक 4 (uttara.43.4)

ततः कथायां कस्याञ्चिद्राघवः समभाषत । काः कथा नगरे भद्र वर्तन्ते विषयेषु च ।। 43.4 ।।

tataḥ kathāyāṃ kasyāñcidrāghavaḥ samabhāṣata | kāḥ kathā nagare bhadra vartante viṣayeṣu ca || 43.4 ||

तब किसी कथा के प्रसंग में राघव ने कहा, "हे भद्र! नगर में और जनपदों में क्या-क्या बातें चल रही हैं?

श्लोक 5 (uttara.43.5)

मामाश्रितानि कान्याहुः पौरजानपदा जनाः । किं च सीतां समाश्रित्य भरतं किं च लक्ष्मणम् ।। 43.5 ।।

māmāśritāni kānyāhuḥ paurajānapadā janāḥ | kiṃ ca sītāṃ samāśritya bharataṃ kiṃ ca lakṣmaṇam || 43.5 ||

नगर और जनपद के लोग मेरे विषय में क्या कहते हैं? और सीता के विषय में, भरत के विषय में, तथा लक्ष्मण के विषय में भी क्या कहते हैं?

श्लोक 6 (uttara.43.6)

किं नु शत्रुघ्नमुद्दिश्य कैकयीं किं नु मातरम् । वक्तव्यतां च राजानो वरे राज्ये व्रजन्ति च ।। 43.6 ।।

kiṃ nu śatrughnamuddiśya kaikayīṃ kiṃ nu mātaram | vaktavyatāṃ ca rājāno vare rājye vrajanti ca || 43.6 ||

और शत्रुघ्न के विषय में, और माता कैकेयी के विषय में भी क्या कहा जाता है? क्योंकि उत्तम राज्य में भी राजा लोग चर्चा का विषय बन ही जाते हैं।"

श्लोक 7 (uttara.43.7)

एवमुक्ते तु रामेण भद्रः प्राञ्जलिरब्रवीत् । स्थिताः कथा शुभाः राजन्वर्तन्ते पुरवासिनाम् ।। 43.7 ।।

evamukte tu rāmeṇa bhadraḥ prāñjalirabravīt | sthitāḥ kathā śubhāḥ rājanvartante puravāsinām || 43.7 ||

राम के इस प्रकार कहने पर, भद्र ने हाथ जोड़कर कहा, "हे राजन्! नगरवासियों में केवल शुभ बातें ही व्याप्त हैं।

श्लोक 8 (uttara.43.8)

अमुं तु विजयं सौम्य दशग्रीववधार्जितम् । भूयिष्ठं स्वपुरे पौरैः कथ्यन्ते पुरुषर्षभ ।। 43.8 ।।

amuṃ tu vijayaṃ saumya daśagrīvavadhārjitam | bhūyiṣṭhaṃ svapure pauraiḥ kathyante puruṣarṣabha || 43.8 ||

हे सौम्य! हे पुरुषर्षभ! दशग्रीव के वध से प्राप्त हुए इस विजय की ही अपने नगर में नागरिकों द्वारा सबसे अधिक चर्चा होती है।"

श्लोक 9 (uttara.43.9)

एवमुक्तस्तु भद्रेण राघवो वाक्यमब्रवीत् । कथयस्व यथातत्त्वं सर्वं निरवशेषतः ।। 43.9 ।।

evamuktastu bhadreṇa rāghavo vākyamabravīt | kathayasva yathātattvaṃ sarvaṃ niravaśeṣataḥ || 43.9 ||

भद्र के इस प्रकार कहने पर राघव ने कहा, "जैसा सत्य है वैसा ही सब कुछ, बिना कुछ भी छोड़े, मुझे बताओ।

श्लोक 10 (uttara.43.10)

शुभाशुभानि वाक्यानि यान्याहुः पुरवासिनः । श्रुत्वेदानीं शुभं कुर्यां नकुर्यामशुभानि च ।। 43.10 ।।

śubhāśubhāni vākyāni yānyāhuḥ puravāsinaḥ | śrutvedānīṃ śubhaṃ kuryāṃ nakuryāmaśubhāni ca || 43.10 ||

नगरवासी जो भी शुभ या अशुभ बातें कहते हों, उन्हें सुनकर अब मैं शुभ को करूँगा और अशुभ को नहीं करूँगा।

श्लोक 11 (uttara.43.11)

कथयस्व च विस्रब्धो निर्भयं विगतज्वरः । कथयन्ति यथा पौराः पापा जनपदेषु च ।। 43.11 ।।

kathayasva ca visrabdho nirbhayaṃ vigatajvaraḥ | kathayanti yathā paurāḥ pāpā janapadeṣu ca || 43.11 ||

निश्चिन्त होकर, निर्भय होकर, बिना किसी संकोच के कहो - नगरवासी तथा जनपदवासी जो भी बुरी बातें कह रहे हों, वे बताओ।"

श्लोक 12 (uttara.43.12)

राघवेणैवमुक्तस्तु भद्रः सुरुचिरं वचः । प्रत्युवाच महाबाहुं प्राञ्जलिः सुसमाहितः ।। 43.12 ।।

rāghaveṇaivamuktastu bhadraḥ suruciraṃ vacaḥ | pratyuvāca mahābāhuṃ prāñjaliḥ susamāhitaḥ || 43.12 ||

राघव के इस प्रकार कहने पर, भद्र ने हाथ जोड़कर, पूर्ण संयत होकर, उस महाबाहु को सुन्दर वचन में उत्तर दिया।

श्लोक 13 (uttara.43.13)

शृणु राजन्यथा पौराः कथयन्ति शुभाशुभम् । चत्वरापणरथ्यासु वनेषूपवनेषु च ।। 43.13 ।।

śṛṇu rājanyathā paurāḥ kathayanti śubhāśubham | catvarāpaṇarathyāsu vaneṣūpavaneṣu ca || 43.13 ||

"हे राजन्! सुनिए, चौराहों में, बाज़ारों में, गलियों में, वनों और उपवनों में नगरवासी जो शुभ-अशुभ बातें कहते हैं, वह सुनिए।

श्लोक 14 (uttara.43.14)

दुष्करं कृतवान्रामः समुद्रे सेतुबन्धनम् । अश्रुतं पूर्वकैः कैश्चिद्देवैरपि सदानवैः ।। 43.14 ।।

duṣkaraṃ kṛtavānrāmaḥ samudre setubandhanam | aśrutaṃ pūrvakaiḥ kaiściddevairapi sadānavaiḥ || 43.14 ||

'राम ने समुद्र पर सेतु बाँधकर एक दुष्कर कार्य किया, जो पहले किसी के द्वारा भी, यहाँ तक कि देवताओं और दानवों के द्वारा भी, नहीं सुना गया था।'

श्लोक 15 (uttara.43.15)

रावणश्च दुराधर्षो हतः सबलवाहनः । वानराश्च वशं नीता ऋक्षाश्च सह राक्षसैः ।। 43.15 ।।

rāvaṇaśca durādharṣo hataḥ sabalavāhanaḥ | vānarāśca vaśaṃ nītā ṛkṣāśca saha rākṣasaiḥ || 43.15 ||

'और दुर्धर्ष रावण अपनी सेना और वाहनों सहित मारा गया, तथा वानरों और भालुओं को राक्षसों सहित अपने वश में कर लिया गया।'

श्लोक 16 (uttara.43.16)

हत्वा च रावणं सङ्ख्ये सीतामाहृत्य राघवः । अमर्षं पृष्ठतः कृत्वा स्ववेश्म पुनरानयत् ।। 43.16 ।।

hatvā ca rāvaṇaṃ saṅkhye sītāmāhṛtya rāghavaḥ | amarṣaṃ pṛṣṭhataḥ kṛtvā svaveśma punarānayat || 43.16 ||

'और युद्ध में रावण का वध करके, सीता को वहाँ से लाकर, राघव अपने रोष को पीछे छोड़कर उन्हें पुनः अपने घर ले आए।'

श्लोक 17 (uttara.43.17)

कीदृशं हृदये तस्य सीतासम्भोगजं सुखम् । अङ्कमारोप्य तु पुरा रावणेन बलाद्धृताम् ।। 43.17 ।।

kīdṛśaṃ hṛdaye tasya sītāsambhogajaṃ sukham | aṅkamāropya tu purā rāvaṇena balāddhṛtām || 43.17 ||

'उनके हृदय में सीता के सहवास से कैसा सुख हो सकता है, जो पहले रावण द्वारा बलपूर्वक हरकर उसकी गोद में बिठाई गई थीं,'

श्लोक 18 (uttara.43.18)

लङ्कामपि पुरा नीतामशोकवनिकां गताम् । रक्षसां वशमापन्नां कथं रामो न कुत्सते ।। 43.18 ।।

laṅkāmapi purā nītāmaśokavanikāṃ gatām | rakṣasāṃ vaśamāpannāṃ kathaṃ rāmo na kutsate || 43.18 ||

'जो पहले लंका ले जाई गई थीं, जो अशोक वाटिका में रहीं, जो राक्षसों के वश में पड़ी रहीं - राम उनसे घृणा क्यों नहीं करते?'

श्लोक 19 (uttara.43.19)

अस्माकमपि दारेषु सहनीयं भविष्यति । यथा हि कुरुते राजा प्रजा तमनुवर्तते ।। 43.19 ।।

asmākamapi dāreṣu sahanīyaṃ bhaviṣyati | yathā hi kurute rājā prajā tamanuvartate || 43.19 ||

'हमें भी अब अपनी पत्नियों के विषय में यही सहन करना पड़ेगा; क्योंकि जैसा राजा करता है, प्रजा उसी का अनुसरण करती है।'

श्लोक 20 (uttara.43.20)

एवं बहुविधा वाचो वदन्ति पुरवासिनः । नगरेषु च सर्वेषु राजञ्जनपदेषु च ।। 43.20 ।।

evaṃ bahuvidhā vāco vadanti puravāsinaḥ | nagareṣu ca sarveṣu rājañjanapadeṣu ca || 43.20 ||

हे राजन्! इस प्रकार की अनेक बातें नगरवासी सभी नगरों में तथा जनपदों में कहते हैं।"

श्लोक 21 (uttara.43.21)

तस्यैवं भाषितं श्रुत्वा राघवः परमार्तवत् । उवाच सुहृदः सर्वान्कथमेतद्ब्रवीथ माम् ।। 43.21 ।।

tasyaivaṃ bhāṣitaṃ śrutvā rāghavaḥ paramārtavat | uvāca suhṛdaḥ sarvānkathametadbravītha mām || 43.21 ||

उसके इस प्रकार कहे हुए वचन को सुनकर, राघव मानो अत्यन्त व्यथित हो उठे, और अपने सभी सुहृदों से बोले, "तुम मुझसे यह क्यों कह रहे हो?"

श्लोक 22 (uttara.43.22)

सर्वे तु शिरसा भूमावभिवाद्य प्रणम्य च । प्रत्यूचू राघवं दीनमेवमेतन्न संशयः ।। 43.22 ।।

sarve tu śirasā bhūmāvabhivādya praṇamya ca | pratyūcū rāghavaṃ dīnamevametanna saṃśayaḥ || 43.22 ||

वे सभी सिर झुकाकर भूमि पर प्रणाम करके, दीन होकर राघव को उत्तर देने लगे, "ऐसा ही है, इसमें कोई सन्देह नहीं।"

श्लोक 23 (uttara.43.23)

श्रुत्वा तु वाक्यं काकुत्स्थः सर्वेषां समुदीरितम् । विसर्जयामास तदा वयस्याञ्छत्रुसूदनः ।। 43.23 ।।

śrutvā tu vākyaṃ kākutsthaḥ sarveṣāṃ samudīritam | visarjayāmāsa tadā vayasyāñchatrusūdanaḥ || 43.23 ||

उन सबके द्वारा कहे गए वचन को सुनकर, शत्रुओं का नाश करने वाले काकुत्स्थ ने तब अपने साथियों को विदा कर दिया।