राम द्वारा भाइयों को बुलाना

श्लोक 1 (uttara.44.1)

विसृज्य तु सुहृद्वर्गं बुद्ध्या निश्चित्य राघवः । समीपे द्वाःस्थमासीनमिदं वचनमब्रवीत् ।। 44.1 ।।

visṛjya tu suhṛdvargaṃ buddhyā niścitya rāghavaḥ | samīpe dvāḥsthamāsīnamidaṃ vacanamabravīt || 44.1 ||

अपने मित्र-समूह को विदा करके, तथा मन में कुछ निश्चय करके, राघव ने पास बैठे द्वारपाल से यह वचन कहा।

श्लोक 2 (uttara.44.2)

शीघ्रमानय सौमित्रिं लक्ष्मणं शुभलक्षणम् । भरतं च महाभागं शत्रुघ्नमपराजितम् ।। 44.2 ।।

śīghramānaya saumitriṃ lakṣmaṇaṃ śubhalakṣaṇam | bharataṃ ca mahābhāgaṃ śatrughnamaparājitam || 44.2 ||

"शीघ्र ही शुभलक्षणों वाले सौमित्रि लक्ष्मण को, महाभाग भरत को, तथा अपराजित शत्रुघ्न को ले आओ।"

श्लोक 3 (uttara.44.3)

रामस्य वचनं श्रुत्वा द्वाःस्थो मूर्ध्नि कृताञ्जलिः । लक्ष्मणस्य गृहं गत्वा प्रविवेशानिवारितः ।। 44.3 ।।

rāmasya vacanaṃ śrutvā dvāḥstho mūrdhni kṛtāñjaliḥ | lakṣmaṇasya gṛhaṃ gatvā praviveśānivāritaḥ || 44.3 ||

राम का यह वचन सुनकर, द्वारपाल ने सिर पर हाथ जोड़कर, लक्ष्मण के घर जाकर बिना किसी रुकावट के प्रवेश किया।

श्लोक 4 (uttara.44.4)

उवाच सुमहात्मानं वर्धयित्वा कृताञ्जलिः । द्रष्टुमिच्छति राजा त्वां गम्यतां तत्र मा चिरम् ।। 44.4 ।।

uvāca sumahātmānaṃ vardhayitvā kṛtāñjaliḥ | draṣṭumicchati rājā tvāṃ gamyatāṃ tatra mā ciram || 44.4 ||

हाथ जोड़कर, आशीर्वाद देते हुए, उस महात्मा से उसने कहा, "राजा आपसे मिलना चाहते हैं; बिना विलम्ब के वहाँ जाइए।"

श्लोक 5 (uttara.44.5)

बाढमित्येव सौमित्रिः श्रुत्वा राघवशासनम् । प्राद्रवद्रथमारुह्य राघवस्य निवेशनम् ।। 44.5 ।।

bāḍhamityeva saumitriḥ śrutvā rāghavaśāsanam | prādravadrathamāruhya rāghavasya niveśanam || 44.5 ||

"ऐसा ही हो" कहकर, राघव की आज्ञा सुनते ही सौमित्रि रथ पर चढ़कर राघव के निवास की ओर दौड़ पड़े।

श्लोक 6 (uttara.44.6)

प्रयान्तं लक्ष्मणं दृष्ट्वा द्वाःस्थो भरतमन्तिकात् । उवाच भरतं तत्र वर्धयित्वा कृताञ्जलिः ।। 44.6 ।।

prayāntaṃ lakṣmaṇaṃ dṛṣṭvā dvāḥstho bharatamantikāt | uvāca bharataṃ tatra vardhayitvā kṛtāñjaliḥ || 44.6 ||

लक्ष्मण को जाते देखकर, द्वारपाल समीप ही भरत के पास गया, और हाथ जोड़कर आशीर्वाद देते हुए भरत से कहा।

श्लोक 7 (uttara.44.7)

विनयावनतो भूत्वा राजा त्वां द्रष्टुमिच्छति । भरतस्तु वचःश्रुत्वा द्वाःस्थाद्रामसमीरितम् ।। 44.7 ।।

vinayāvanato bhūtvā rājā tvāṃ draṣṭumicchati | bharatastu vacaḥśrutvā dvāḥsthādrāmasamīritam || 44.7 ||

"विनयपूर्वक झुककर उसने कहा, 'राजा आपसे मिलना चाहते हैं।'" भरत ने द्वारपाल के मुख से राम का यह वचन सुनकर,

श्लोक 8 (uttara.44.8)

उत्पपातासनात्तूर्णं पद्भ्यामेव ययौ बली । दृष्ट्वा प्रयान्तं भरतं त्वरमाणः कृताञ्जलिः ।। 44.8 ।।

utpapātāsanāttūrṇaṃ padbhyāmeva yayau balī | dṛṣṭvā prayāntaṃ bharataṃ tvaramāṇaḥ kṛtāñjaliḥ || 44.8 ||

वह बलवान भरत तुरन्त आसन से उठकर पैदल ही चल पड़े। भरत को जाते देखकर, द्वारपाल शीघ्रता से हाथ जोड़कर,

श्लोक 9 (uttara.44.9)

शत्रुघ्नभवनं गत्वा ततो वाक्यमुवाच ह । एह्यागच्छ रघुश्रेष्ठ राजा त्वां द्रष्टुमिच्छति ।। 44.9 ।।

śatrughnabhavanaṃ gatvā tato vākyamuvāca ha | ehyāgaccha raghuśreṣṭha rājā tvāṃ draṣṭumicchati || 44.9 ||

शत्रुघ्न के भवन में जाकर उसने यह वचन कहा, "हे रघुश्रेष्ठ! आइए, चलिए; राजा आपसे मिलना चाहते हैं।

श्लोक 10 (uttara.44.10)

गतो हि लक्ष्मणः पूर्वं भरतश्च महायशाः । श्रुत्वा तु वचनं तस्य शत्रुघ्नः परमासनात् ।। 44.10 ।।

gato hi lakṣmaṇaḥ pūrvaṃ bharataśca mahāyaśāḥ | śrutvā tu vacanaṃ tasya śatrughnaḥ paramāsanāt || 44.10 ||

लक्ष्मण पहले ही जा चुके हैं, और महायशस्वी भरत भी।" उसके इस वचन को सुनकर, शत्रुघ्न अपने उत्तम आसन से,

श्लोक 11 (uttara.44.11)

शिरसा धरणीं प्राप्य प्रययौ यत्र राघवः । द्वाःस्थस्त्वागम्य रामाय सर्वानेव कृताञ्जलिः । निवेदयामास तदा भ्रातॄन्स्वान्समुपस्थितान् ।। 44.11 ।।

śirasā dharaṇīṃ prāpya prayayau yatra rāghavaḥ | dvāḥsthastvāgamya rāmāya sarvāneva kṛtāñjaliḥ | nivedayāmāsa tadā bhrātṝnsvānsamupasthitān || 44.11 ||

सिर से धरती को स्पर्श करके, वहाँ चल पड़े जहाँ राघव थे। और द्वारपाल राम के पास आकर, हाथ जोड़कर, तब यह निवेदन करने लगा कि उनके अपने सभी भाई उपस्थित हो गए हैं।

श्लोक 12 (uttara.44.12)

कुमारानागताञ्छ्रुत्वा चिन्ताव्याकुलितेन्द्रियः । अवाङ्मुखो दीनमना द्वाःस्थं वचनमब्रवीत् ।। 44.12 ।।

kumārānāgatāñchrutvā cintāvyākulitendriyaḥ | avāṅmukho dīnamanā dvāḥsthaṃ vacanamabravīt || 44.12 ||

राजकुमारों के आ जाने की बात सुनकर, चिन्ता से व्याकुल इन्द्रियों वाले, नीचे मुख किए हुए, दीन मन वाले राम ने द्वारपाल से यह वचन कहा।

श्लोक 13 (uttara.44.13)

प्रवेशय कुमारांस्त्वं मत्समीपं त्वरान्वितः । एतेषु जीवितं मह्यमेते प्राणाः प्रिया मम ।। 44.13 ।।

praveśaya kumārāṃstvaṃ matsamīpaṃ tvarānvitaḥ | eteṣu jīvitaṃ mahyamete prāṇāḥ priyā mama || 44.13 ||

"तुम शीघ्रता से राजकुमारों को मेरे पास ले आओ; इन्हीं में मेरा जीवन है, ये ही मेरे प्रिय प्राण हैं।"

श्लोक 14 (uttara.44.14)

आज्ञप्तास्तु नरेन्द्रेण कुमाराः शक्रतेजसः । प्रह्वाः प्राञ्जलयो भूत्वा विविशुस्ते समाहिताः ।। 44.14 ।।

ājñaptāstu narendreṇa kumārāḥ śakratejasaḥ | prahvāḥ prāñjalayo bhūtvā viviśuste samāhitāḥ || 44.14 ||

राजा की इस आज्ञा से, इन्द्र के समान तेजस्वी वे राजकुमार, विनम्रतापूर्वक हाथ जोड़कर, संयत होकर भीतर प्रवेश कर गए।

श्लोक 15 (uttara.44.15)

ते तु दृष्ट्वा मुखं तस्य सग्रहं शशिनं यथा । सन्ध्यागतमिवादित्यं प्रभया परिवर्जितम् ।। 44.15 ।।

te tu dṛṣṭvā mukhaṃ tasya sagrahaṃ śaśinaṃ yathā | sandhyāgatamivādityaṃ prabhayā parivarjitam || 44.15 ||

किन्तु उसके मुख को, ग्रह-ग्रस्त चन्द्रमा के समान, अथवा सन्ध्याकाल के सूर्य के समान, प्रभा-रहित देखकर,

श्लोक 16 (uttara.44.16)

बाष्पपूर्णे च नयने दृष्ट्वा रामस्य धीमतः । हतशोभं यथा पद्मं मुखं वीक्ष्य च तस्य ते ।। 44.16 ।।

bāṣpapūrṇe ca nayane dṛṣṭvā rāmasya dhīmataḥ | hataśobhaṃ yathā padmaṃ mukhaṃ vīkṣya ca tasya te || 44.16 ||

और बुद्धिमान राम के अश्रुपूर्ण नेत्रों को देखकर, तथा उनके मुख को कान्तिहीन कमल के समान देखकर,

श्लोक 17 (uttara.44.17)

ततो ऽभिवाद्य त्वरिताः पादौ रामस्य मूर्धभिः । तस्थुः समाहिताः सर्वे रामस्त्वश्रूण्यवर्तयत् ।। 44.17 ।।

tato 'bhivādya tvaritāḥ pādau rāmasya mūrdhabhiḥ | tasthuḥ samāhitāḥ sarve rāmastvaśrūṇyavartayat || 44.17 ||

फिर वे शीघ्रता से राम के चरणों में सिर झुकाकर अभिवादन कर, संयत होकर सब खड़े हो गए, और राम अश्रु बहाने लगे।

श्लोक 18 (uttara.44.18)

तान्परिष्वज्य बाहुभ्यामुत्थाप्य च महाबलः । आसनेष्वासतेत्युक्त्वा ततो वाक्यं जगाद ह ।। 44.18 ।।

tānpariṣvajya bāhubhyāmutthāpya ca mahābalaḥ | āsaneṣvāsatetyuktvā tato vākyaṃ jagāda ha || 44.18 ||

महाबली राम ने अपनी दोनों भुजाओं से उन्हें आलिंगन करके, तथा उठाकर, "आसनों पर बैठो" कहकर, फिर यह वचन कहा।

श्लोक 19 (uttara.44.19)

भवन्तो मम सर्वस्वं भवन्तो जीवितं मम । भवद्भिश्च कृतं राज्यं पालयामि नरेश्वराः ।। 44.19 ।।

bhavanto mama sarvasvaṃ bhavanto jīvitaṃ mama | bhavadbhiśca kṛtaṃ rājyaṃ pālayāmi nareśvarāḥ || 44.19 ||

"तुम ही मेरा सर्वस्व हो, तुम ही मेरा जीवन हो। हे नरेश्वरो! तुम्हारे ही सहयोग से बने इस राज्य का मैं पालन करता हूँ।

श्लोक 20 (uttara.44.20)

भवन्तः कृतशास्त्रार्था बुद्ध्या च परिनिष्ठिताः । सम्भूय च मदर्थो ऽयमन्वेष्टव्यो नरेश्वराः ।। 44.20 ।।

bhavantaḥ kṛtaśāstrārthā buddhyā ca pariniṣṭhitāḥ | sambhūya ca madartho 'yamanveṣṭavyo nareśvarāḥ || 44.20 ||

तुम शास्त्रों के अर्थ के ज्ञाता हो, और बुद्धि में सुप्रतिष्ठित हो। हे नरेश्वरो! मिलकर तुम्हें मेरे इस प्रयोजन को खोजना है।"

श्लोक 21 (uttara.44.21)

तथा वदति काकुत्स्थे अवधानपरायणाः । उद्विग्नमनसः सर्वे किं नु राजाभिधास्यति ।। 44.21 ।।

tathā vadati kākutsthe avadhānaparāyaṇāḥ | udvignamanasaḥ sarve kiṃ nu rājābhidhāsyati || 44.21 ||

काकुत्स्थ के इस प्रकार कहने पर, ध्यानपूर्वक सुनते हुए वे सभी, उद्विग्न मन से यह सोचने लगे कि राजा अब क्या कहेंगे।